فرحه و مرحه و ترحه ^_^

[miss 3yara]

يعطيج العافيه وناطرينج

 

[miss-_-smart]

يسلمووو عالبااارت نااطريينج

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ19
شخصيات البارت

عواشه : بس أحمد..مابي..وخر..بروح..والله أصرخ انادي ماما مريم..
احمد : مو بكيفج..صرخي..بس ماراح أوخر..

عواشه (تخزه..وبصراخ) : مريوووووم..وخري ولد ولدج لا أعضه ألحين..
ماما مريم (تطلع من غرفتها وتروح لهم) : هَوْ..هَوْ..شفيكم؟!..
عواشه : شوفيه..مو راضي يخليني أطلع..
أحمد : مامامريم..ماراح تطلع إلا حق الطبيب..شوفي حرارتها مرتفعه وبتطلع!!..
عواشه تخزه بعصبيه..ماما مريم تقرب صوب عواشه وتحط إيدها على يبهتها..ماما مريم : وه وه..عويش!..شالطلعه اللي مو مخليتج تقعدين وانتي مريضه جذي!!..
عواشه : بس كنت بروح الـ.....
أحمد (قاطعها) : عايشه..ترا من أمس أسمعج تحوسين مو قادره تنامين من التعب.. يلا عاد عشان مامامريم امشي اوديج الطبيب..
ماما مريم : ايه بتروح مو بكيفها ولا بزعل عليها..
عواشه حست المرض تعبها حيل..
عواشه (بتعب) : اوكيه..
راحو الطبيب كلهم..
بالسياره واهما رادين البيت..
عواشه تدز مسج :
آسفه عمو حسام..ما قدرت ايي أشوفك..أدري بتسافر لبنان اليوم بس انا مريضه وأحمد طلع يخاف علي.. يعني ظنك مو بمحله..وألحين إحنا رادين البيت بعد مارحت الطبيب..لا تزعل..
ماما مريم : يمه احمد..مر الحواي بشتري جم شغله..
أحمد : إن شا ءالله يا الغاليه..
وصلو الحواي..مامامريم انزلت..قبل لا ينزل أحمد..
ماما مريم : لا يمه خلك خلك عند عواشه..
أحمد : امممم..اوكيه..دقي علي اذا تبين شي..
راحت ماما مريم الحواي..عواشه ورا مسنده راسها ومغمضه عيونها من التعب..احمد (يطالعها بالمنظره) : ها عويش للحين ناويه تطلعين؟!
عواشه (تفتح عيونها بتعب..تطالعه) : أقول..عفيه مالي خلق..
أحمد : أقول عويش..ترا أنا وماما مريم نخاف عليج أوكيه..بليز تيك كير فور يور سلف..
عواشه : تعال أحمدوه..صج السالفه اللي قالتلي عنها ماما مريم..إنك اول شي دورت عليه اسم عايلتنا بالنت؟!..ولقيت اسمي بين أسامي الطلاب المتخرجين من الثانويه؟!..
أحمد : ايه والله..وشكلج كيوت بالجريده مع المتفوقين ..وبعدها دورت ع العنوان وقعدت أتأكد إذا هذي عايلتي ولا لا..
عواشه : أحسك وايد عانيت..
أحمد : خليها على الله..شوفي عايشه أنا حاط إبالي الماضي خلاص أنساه..دام إني عايش بحاضر حلو..محد يقدر يصلح الماضي ويعيده..الحمدلله على كل حال ..
عواشه : الحمدلله ..
وصل مسج حق عواشه..تفتحه بسرعه..
عواشه : اوووف عبالي اهو..وااي أبوي ما مل من مسجاته هذي!!..
أحمد : منو اهو؟..
عواشه : ها :/ .. امممم..واحد كبر أبوي..على طول يهتم فيني ويسأل عني..
أحمد : شكو!..منو هذا؟!!..وليش تقولين أبوج مامل!..انتي للحين ما تحاجين أبوج؟!!..
عواشه (توهقت) : هذا (تحاول ترقع) هذا اخو أمي..خالي..
أحمد (يطالعها بنظره حاده) : اها..وأبوج؟..
عواشه : بس يعني أبوي ما يمل واهو يدز مسجات يسأل عني!..وألحين دازلي مسج شِعر مادري شنو..
أحمد : انتي لي متى جذي وضعج!..حمدي ربج عندج عايله وأبو يسأل عنج.. وبعدين يمكن مرت أبوج طيبه!..
عواشه (تروح لي جدام..وبعصبيه) : انت ما تفهم شي ولا تحس باللي أنا فيه.. بس اهو يحس فيني بس اهو يحس بحبي حق أمي..
أحمد : أوكيه أوكيه..أعصابج..آسف يبا..ريحي ريحي (يحاول يهدي الجو).. بل هالقشره..محد يقدر يقرب صوبج..المشكله حلوه واللسان ماكو فالت..عاد بنت عمي توهقنا فيج..ما يصلح أتزوجج..
عواشه : عشتووو..لا يكون انت مهند وأنا مادري..حتى إنت لسانك متبري منك.. عاد ما لقيت إلا انت أفكر أتزوجك..يا البطه..
أحمد (يضحك) : أدري قاعد أتغشمر يبا..أصلا احنا كلش ما يطري علينا هالسالفه.. وبعدين مو بطه هذي عضلات يا العصله..
ماما مريم تصعد السياره..
ماما مريم : بسم الله..ويه أشوه لقيت كل اللي أبي..مو انا كل مره أدق عليه يقولي ماكو وماكو..ألحين لقيت كلشي عنده وبوصله بيتنا..(تشوف ويوههم)..هَوْ شفيكم؟!.. تناجرتو مره ثانيه؟!..
أحمد وعواشه يضحكون..
أحمد (يسوي روحه يبجي) : اهئ اهئ..شفتيها مريومتي..أقولها بتزوجج..تقولي مابيك يا الجيكر ولد الجيكر..اهئ اهئ..
عواشه : وااي واااي يمه منك..صج ولد عمي..الدم يسري..هههه
ماما مريم (خذتها فرصه) : يا رب يا رب يلين قلبها ويكتب زواجكم..
أحمد وعواشه : لااااااا ماما مريم !!!
ماما مريم : هَوْ شفيكم صرختو!..احمدوه مو توك تبجي تبيها!!..
أحمد : مريوم للحينج ما عرفتيني!..يبا قاعد أتغشمر..حرام عليج أتزوج هالنسره :/ ..
عواشه : أحمدوه ما يلوق على ستايلي مابيييه..مريوم لا تدعين جذي :/ ..
ماما مريم : هذي أمنيتي وبإذن الله بتتحقق..
أحمد وعواشه يطالعون بعض من المنظره مو عاجبهم..سكتو..​

نهاية البارت الـ19

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[miss-_-smart]

يسلمووو عالباارت حبيبتي

 

[miss 3yara]

البارت حيييل قصيره
عالعموم يعطيج العافيه

 

[الصبر له حدود]

يسلمووووووووووووووووووووووووووووووووووووووووووووووووووووووووووووووووو يالغالية
يلا لاطولين :")

 

[miss 3yara]

وينج

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ20
شخصيات البارت

بالمسنجر..
ريم :
.ياه صح فلم هاري بوتر مو موجود فيه مثل التفاصيل اللي بالكتاب..
علي :
.ايه وحتى في شخصيات مو حاطينها بالفلم..موجوده بالكتاب..
ريم :
.ايه حتى أقرا مواصفات البنات بالكتاب حلوين..وبالفلم جياكر..
علي :
.لا حرام..هيرميون حلوه..
ريم :
.لا مو وايد..ملامحها جنها صبي..
علي :
.لااا
ريم :
.شفيك؟..شكلك معصب فيها!..
علي :
.ايه تهبل خو..
ريم :
اها..أنا أحب هاري فديته..شحلاته وشحلات عيونه..
علي :
اها..مو أحلى مني
ريم :
.يمكن ..
.تدري علي..أخوي بيخطب رفيجتي واهي موافقه..
علي :
.ايه..الله يوفقهم..
ريم :
.أستانس على الحب اللي جذي..اللي مو من تحت لي تحت..
علي :
.أنا مو مفكر أتزوج ألحين..أصلا ماراح أتزوج إلا وأنا كبير حيل..
ريم :
.امممم..
علي :
.بس إذا سافرت أكمل دراستي بلندن..قلت حق أمي بتزوج وأسافر..
ريم :
.علي..ودي أطلع من الطب..وايي جامعتك..
علي :
.ليش؟!..
ريم :
.أنا دشيت الطب غصبن علي..أمي غصبتني..ولا أنا ميولي غير..شرايك؟
علي :
.بس أمج تعرف مصلحتج أكثر مني..مايصير أقولج طلعي من المكان اللي أمج اختارته لج..
ريم :
.شفيك قاعده أقولك مو ميولي..بعدين الجامعه الأمريكيه فيها تخصصات حلوه تعجبني..
علي :
.بس الطب أحسن..
ريم :
.امبيه شفيك..بدال لا تقولي تعالي بساعدج..خلاص يبا مابي منك شي..
علي :
.لا ريم مو قصدي..
ريم :
ألحين تبي تبجي صح ؟
علي :
.لا ما راح أبجي ..
ريم :
.دلوع..
علي :
.مو دلوع..
.لا تقولين دلوع
ريم :
.اووهوو..باي..
علي :
.لا مو قصدي..تعالي..
ريم حطتله بلوك..
عواشه دشت المسنجر..
ريم :
.ولكمووو..
عواشه :
.يسلمو..
ريم :
.غريبه شابكه هالحزه..
عواشه :
.مريضه..
ريم :
فطومه دشت المسنجر..
ريم :
.سلااامتج..ليش ما تقولين!..حسيت أمس لما كلمتيني بالفون انج تعبانه..
عواشه :
.ايه..
تم إضافة فطومه للمحادثه..
ريم :
.ولكم فطيم..شوفي عويش مريضه ولا درينا..
فطومه :
.يسلموو..والله؟!..سلامتها..
عواشه :
.الله يسلمج..يلا أنا بفصل..
ريم :
.توج داشه!..
عواشه :
.ريم لا تستعبطين..باي..(فصلت)
فطومه :
.يعني ما تدرين!..ماتبي تحاجيني..
ريم :
.فطيم لبسي..ألحين يايتج..(فصلت)
فطومه :
شنو!
مرت ريوم فطومه وبطريجهم حق بيت عواشه..
ريومه : بس لي متى!..بخليكم تتراضون..وغصبن عليكم..
فطومه ساكته..تطالع برا الدريشه..
وصلو بيت ماما مريم..طقو جرس الباب..فتح أحمد..
أحمد : هلا..هلا فيكم..أكيد انتو ريومه وفطومه..حياكم دشو..
فطومه : شلون عرفتنا!!..انا أول مره أشوفك..
أحمد : شفت صوركم بغرفة عويش ..
ريومه : ايه هذا أحمد ولد عمها سعد..
فطومه : اها..
دشو الصاله الداخليه اللي ماما مريم قاعده فيها..سلمو عليها..
ماما مريم : قعدو يمه..من زمان ما شفناكم..
ريومه (تطالع فطومه) : شسوي مو أنا..هذولا فطيم وعويش ما يحاجون بعض..
ماما مريم : هَوْ..ليش؟..عين ما صلت ع النبي..
فطومه : ايه يمكن..ولا حفيدتج راسها يابس..
أحمد : عاد سالفة راسها يابس ايه والله راسها حده يابس..بل..
ريومه : وينها بغرفتها؟!..بنروح لها..
دشت عواشه ومتغطيه بلحاف..
أحمد : عمرج طويل بنت العم..
عواشه تبتسم..
ريومه (قامت تبوسها) : عويش ولهت عليج يا الخايسه..(تطالع فطومه)..يلا فطيم تعالي..(فطومه قامت لي عواشه)..عواشه لا تنسين وعدنا نظل صديقات على كل الظروف..يلا عاد خلي هالراس يلين شوي..
عواشه طالعت فطومه ودمعت عيونها..فطومه ابتسمت ولمتها حيل..
رن تلفون البيت..شاله أحمد..
أحمد : ألو..مرحبتين..ايه أحمد معاك..تبي عايشه!..منو انت؟!..شفيك تحاجيني جذي..​

نهاية البارت الـ20

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[miss 3yara]

يعطيج العافيه يالله كملي لايوقف لايوقف

 

[miss 3yara]

نبي بارت بعد :**

 

[الصبر له حدود]

يلاااااااااااااااااااااااااااااااااااااااااااااااااااا يالغالية ننطر والله :")

 

[miss-_-smart]

يسلمووو.....نااطرييييينج

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ21
شخصيات البارت

​

رن تلفون البيت..شاله أحمد..

أحمد : ألو..مرحبتين..ايه أحمد معاك..تبي عايشه!..منو انت؟!..شفيك تحاجيني جذي..

عواشه توخر عن فطومه..وتسحب التلفون من أحمد..

عواشه :ألو..
حسام : ألو عايشه..هاد احمد اللي كلو حنيه ها!..
عواشه : حسام؟!!..(تطالع ريومه وفطومه اللي طالعوها اول ما قالت الاسم)
حسام : ايه حسام..بدي إطمن عليكي أكتر..
عواشه : شلون عرفت رقم بيت ماما مريم..
حسام : خلي هالموضوع..اسمعي أحمد لازم يطلع من البيت..خلاص أنا حاسس إنو واحد أفكارو دنيئه..
عواشه (مستغربه) : أحمد أفكاره دنيئه!!
احمد عصب حده..
ماما مريم : عايشه منو هذا؟!
عواشه (تطالع أحمد) : يعني أحمد ما قالج!..
أحمد (ماسك أعصابه) : وليش أقول..وانا حسيت انج قلتيلي بالغلط..
عواشه مصدومه وساكته وتطالعه..
حسام : شو؟..شو قرارك إليلي يلا؟..
أحمد : أقول عايشه عطيني أنا أحاجيه واوريه منو اللي افكاره دنيئه..شسالفه هذا شيبي وشدخله فيني..
حسام (بصراخ) : شوفي الزوء اللي عندو..وهم بدافعي عنو!!..
عواشه : باي عمو حسام..انا راح أتصرف..
حسام : باي..(سكره)
أحمد سحب التلفون منها بسرعه..
أحمد : الحقير سكره..
عواشه : لا تقول عنه حقير..
أحمد : وواطي ومو متربي..
عواشه تخزه بعصبيه..
ماما مريم : بس بس..قولولي منو هذا؟!!..
ريومه : عشيق أم عواشه..
ماما مريم (تخز ريومه..مو مصدقه) : هذا من وين طلع!!..
عواشه : اهو يحب أمي من قبل لا تتزوج وظل يحبها من بعد ما تزوجت..اهي كانت تحبه بعد..بس لما تزوجت عشان امها وابوها يرضون عليها..خلته..اهو الوحيد اللي حاس بحبي حق أمي..
فطومه (تهمس وتحاول تسمع ريومه) : بس هذا اللي تعيده حاس بحبها حق أمها واهو شكله ما همه الا مصلحته ولا جان ما دق على بيت ماما مريم من غير رضاها!..
أحمد : اهو الوحيد اللي قدر يخليج غبيه..
عواشه : أحمد احترم نفسك..
احمد : غبيه وستين غبيه..هذا له مصلحه من وراج..عيل في أحد يهتم ابنت حبيبته اللي مو منه!!..هذا لازم يكرهج مو يهتم فيج!!..
عواشه : لإنه أنا منها..واهو يحب كلشي منها..
أحمد : ومن أبوج سعود اللي خذا أمج منه!!!..اصحي انتي مو عايشه بزمن روميو وجوليت..
فطومه ساكته وتطالعهم..ماما مريم تحاول تستوعب السالفه..
ريومه : خلاص أحمد..عواشه تعبانه ألحين..
عواشه : انت ما تفهم ولا احد يفهمني ولا يحس فيني..أبوي بعد ما حس فيني..بس اهو عطاني كلشي ابيه وحسسني براحه..
أحمد (بصراخ) : ايه دوري أعذار عشان تبررين غلطاتج..انتي حسي فينا عشان نحس فيج..
عواشه تخزه وتخز فطومه..طلعت من الصاله بعصبيه وراحت غرفتها..

ماما مريم : أحمد يمه..اقعد..تعوذ من بليس..
أحمد (يقعد يم ماما مريم) : أعوذ بالله من بليس..ماما مريم عويش مينونه قاعده تضيع نفسها..انا أعرف تفكير الرياييل..كلش مو تفكيره هذا انها ترتاح..وبعد اللي بعمره!!..
ماما مريم : ما عليه حبيبي يمه اهي راح تعرف غلطتها..(تطالع ريومه وفطومه).. عفيه روحو لها..كلموها..وانا بكلمها بعدين..
ريومه وفطومه : ان شاء الله..
أحمد (باستغراب) : كا أنا عشت بروحي وحياتي جحيم بس ظليت على أمل ألقى عايلتي وتتغير حياتي للأفضل..لا شفت لا أخو ولا أبو ولا أخت ولا حتى أم..ماقلت مثل حجيها محد يحس فيني..(ياخذ نفس).. انا بطلع ماما مريم عن اذنج (قام)..
ماما مريم : يمه شوي شوي على روحك..الله يحفظك..
طلع احمد..فطومه وريومه قاعدين يطقون على باب غرفة عواشه..

فطومه : عويش فتحي الباب عن الدلع..ولهت عليج..
عواشه تبجي وتحاول ما تخليهم يسمعون..
ريومه : ولد عمج شحلاته..ممكن أرقمه
عواشه تبجي أكثر لما تذكرت إنه زفها..
ريومه : ويييي طلعت تحبه..خلاص خلاص بخليه حقج
فطومه : وي عويش خنتي حمود اخوي ..
عواشه : روحو..مابي افتح الباب..بنام تعبانه..
ريوم : بنقعد تحت ننطرج..
ما سمعو منها رد..نزلو..
ياه مسج حق عواشه من حسام :
بدك تعيشي الحياة اللي عيشتك إياها الايام اللي راحت..ولإنو أوضاع بيتكم مش مستقره أبداً..تعي المطار بكره بنتصرك لإني ما سافرت لبنان حسيت انك بحاجتي فبدي آخدك معي..لا تجيبي غير أوراقك المهمه..باي.
عواشه رفعت راسها ودموعها على خدها..بدون تفكير قامت تدوربطاقتها المدنيه ابوكها..افتحت باب غرفتها..تأكدت إنه ماكو أحد..راحت غرفة ماما مريم..افتحت الصندوق اللي فيه جوازها واوراقها المهمه..خذتهم..قبل لا تسكر الصندوق شافت صورة ابوها مع يدها وعمها..انعفس ويها..دشت غرفتها...

​

نهاية البارت الـ21

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[أحلامي يقظه]

ولكمووو بنوتات ^_^
عاد ان شا ءالله ما تقولون هالبارت بعد قصير d:

 

[miss-_-smart]

يسلمووو عالباارت نااطريينج

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ22
شخصيات البارت

​

نامت عواشه واهي ماسكه جوازها وحاطه بطاقتها يمها..ريومه وفطومه اصعدو بس ما لقون منها رد..عرفو انها نايمه..راحو بيوتهم..أحمد رد البيت متأخر..طق باب عواشه.. عواشه قامت وافتحت الباب..
أحمد : عايشه أنا آسف على صراخي بويهج..
عواشه (تبتسم) : لا تتأسف..صح كلامك أصلاً..وأنا عرفت غلطتي ..
أحمد : أوه!..(يطل ورا عواشه)..وخري وخري بكلم عواشه..انتي مو عواشه بنت عمي!!..
عواشه : ههههه (تحاول تخش ضيقتها)..لا أنا عواشه
أحمد (يلاحظ جوازها بالارض يم الفراش) : اها..أوكيه..تصبحين على خير..أنا تعبان بروح أنام..
عواشه : وانت من أهله..نوم العوافي..(سكرت الباب)
أحمد يحاول يمسك عصبيته..دش غرفته..
أحمد : هذي مينونه شنو ناويه تسوي!..هذا شلون لعب على عقلها جذي!..لا..لاا..إلا عواشه وماما مريم مابي شي يضرهم..مابي اضيع الراحه والأمان بعد ما لقيته فيهم..

الصبح..
ريومه طالعه من الجامعه..اصعدت سيارتها..اتصلت على عواشه ماردت عليها..اتصلت على فطومه..
واحد طق جامتها..ريم اخترعت..طالعته!..نزلت الجام..
خالد : صباح الخير..
ريومه : صباح النور..هلا!
فطومه ع الخط..تسمعهم..
خالد : ريم؟..
ريومه (مستغربه) : ايه ريم..منو حضرتك؟
خالد : خالد ..ما ودي أعطلج..بس أنا معجب فيج وايد..
ريومه (عصبت) : نعم أخوي..آمر!!..بعدين أنا اول مره أشوفك شلون عرفتني!!..
خالد : ايه صح أول مره تشوفيني..بس أنا على طول أشوفج..
ريومه : ما أحب الألغاز..شنو تبي؟
خالد : آخر الأيام آخر الأيام أشوفج كله متضايقه ومو على بعضج..أكيد في مشاكل بعايلتج صايره مو؟..(ريم بترد)..عارف شنو ردج ماراح تجاوبيني..أنا كل مره أشوفج بس بدون لا أحاجيج بس هالمره ما قدرت أشوف هالضيقه عليج وما أواسيج وأخفف عنج..
ريومه : وانت شعليك مضايقه ولا لا..
خالد : مستعد أسمع كل اللي بقلبج وأحل مشاكلج..
ريومه (بصراخ) : مو معناته انه عندي مشاكل وظروف متعبتني اني ادور واحد يسمعني..ولو بدور واحد عندي أخوي..(بصوت عالي)..الشخص التافه اللي يستغل ظروف الناس عشان يوصل حق اللي يبي..
حركت سيارتها وراحت بسرعه..خالد واقف يطالعها واهي تروح ومبتسم..
خالد : نجحتي بالاختبار..تأكدت إنه قلبي اختار الصح..

عواشه تقرا مسج حسام :
الساعه 6..لازم تكوني بالمطار..
فطومه (بالسياره وتكلم ريومه بالتلفون) : يحليله هذا..والله سالفته سالفه..شكله مغرم..
ريومه : خيولي..ما أحب هالأشكال..مغرم ولا مضيع ما همني..زين فطيم أنا بمر مكتبة جرير باخذ كتاب يساعدنا على البحث مالي..انتي نطريني بغرفتي..
فطومه : ايه زين..وان شاءالله اساعدج فيه..ريموه ترا يبتلج كولد موكا معاي..(تشرب موكا..طقت بريك قوي..انكت الموكا عليها)..هالمينووووون من وين طلع (اطق هرن)..
ريومه : فطيم اكيد قاعده تشربين مثل كل مره وانتي تسوقين!..واااي ما تخافين على عمرج..وقفي السياره..
فطومه : ماني موقفه كا وصلت بيتكم..واااي انكت بعد على اطراف شعري..اوووف.. بتسبح عندج..باي باي
ريومه : اوكيه..باي باي
انزلت فطومه من السياره..طقت الباب..افتحت ميري الباب..اصعدت بسرعه غرفة ريومه..دشت حمام ريومه اللي بعد غرفة الملابس..تاخذ شاور..
وصلت ريومه..نزلت..تمشي للمكتبه..تدق على بيتهم..تشيله ميري..
ريومه : ألو..ميري..فطومه يت البيت؟
ميري : ألو..ايه يجي..
ريومه : زين سمعي..روحي غرفتي اخذي ملابسها..اهي الحين اكيد قاعده تتسبح..غسليهم وسوي اوتي..بسرعه قبل لا تطلع..
ميري : زين..
وقفت ريم عند باب المكتبه تدز مسج حق فطومه..رفعت راسها..شافت علي واقف مع بنت ويضحك معاها..مبين شكل البنت انها بعمرها..وقفت ريم تطالعه..علي واهو يسولف لمحها..ريم دشت بسرعه المكتبه..لحقها علي..
ريم تحاول تركز أي كتاب تبي....​

نهاية البارت الـ22

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[lulwa-q8]

ثااانكيوو على الباارت
:d

 

[الصبر له حدود]

مشكوووووووووووووووووووووووووووووووووووووووووره ماتقصرين ع البارت انطر البارت الياي باحر من جمر :")
يسلمووووووووووووووووو نااطرين البارت الياي :")

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ23
شخصيات البارت

وقفت ريم عند باب المكتبه تدز مسج حق فطومه..رفعت راسها..شافت علي واقف مع بنت ويضحك معاها..مبين شكل البنت انها بعمرها..وقفت ريم تطالعه..علي واهو يسولف لمحها..ريم دشت بسرعه المكتبه..لحقها علي..
ريم تحاول تركز أي كتاب تبي....
علي : السلام عليكم ..شلونج؟..
ريم (بعصبيه) : وعليكم..نعم؟!..
علي : اوف..ليش معصبه؟!..
ريم (تسوي روحها تدور بالكتب) : ولا شي..
علي : شكلج حدج متضايقه!..
ريم (تخزه) : امبيه انت ما تحس!..امبيه موصج!..
علي : احس بشنو؟..شفيج؟..
ريوم : البنت اللي تسولف معاها؟!..
علي : ايه هذي اللي قبل أحبها..من جم سنه ما شفتها..
ريم : مو قلتلي انها خلتك وانت محتاجها..شفيك قاعد تضحك معاها عيل!!..
علي : لانها شرحت ظروفها..مع انه ماراح نرد مثل قبل..ومن الادب اني اكلم البنت بدون لا اعصب..
ريم : بس..وأنا.....امممممم!
علي : انتي شنو ؟!!..انتي عارفه اني ارتاح معاج اكثر من اي احد ثاني..
ريم تطالعه ساكته..
علي : جنه في ناس يغارون..عاد حلوه الغيره بالصداقه هههه..
ريم : صــ صداقه!..
علي : ترا انتي مو على بعضج..شفيج؟!..بعدين يايه هني عشان بحثج اللي قلتيلي عنه أمس؟..تبين أدور الكتاب معاج..يلا خندوره..
ريم (بصراخ) : لا لا..لا تدور شي..خلاص خلني..مابي شي..
علي يطالعها واهي تمشي بسرعه وتطلع برا المكتبه..

فطومه طلعت من الحمام وعليها روب ريومه البنفسجي وشعرها كله ماي..تنشفه.. تشوف تلفونها اللي بغرفة الملابس..
مسج من ريومه:
ترا ميري خذت ملابسج وراح تغسلهم واتييبهم لنا..يعني لما بتطلعين من عندي الا انتي لابستهم..
تسمع صوت بالغرفه..
فطومه (ترفع شعرها عشان تحط شباصه) : ميري خلاص انا يود....(وقفت)
بدر (رفع راسه وايده بكمدينة الفراش) : سو..سوري..(قلبه يطق بسرعه)
فطومه (طاحت الشباصه وانفل شعرها) : ما ماعليه ههه (ويها صار أحمر)
بدر طلع بسرعه من الغرفه..ابتسم
فطومه دشت غرفة الملابس..ابتسمت
فطومه (دقت على ريومه) : ألو..ريم..يلا متى اتيين؟..ترا بلبس بجامتج الورديه..
بدر يدق على ريومه يلقى عندها ويتنق..
ريومه :فطيم..صبري..بشوف بدر داق علي..
فطومه ابتسمت وتذكر ويه بدر لما شافها..
بدر : ألو..ريوم..ما لقيت الفلاش ميموري..(سرح بشكل فطومه)
ريومه : شفيك انت وفطيم تحاجوني وانتو مو على بعضكم؟!!..
بدر (للحين قلبه يطق بسرعه) : فديت فطيم وطوايف فطيم..

الساعه 6..
ماما مريم قاعده على قنفتها بغرفتها مع كوماري..كوماري تعدل ملابس ماما مريم اللي بالكبت..
ماما مريم (تشوف الساعه) : مادري متى تطلع من غرفتها..ودي اهي اتيي عندي.. واكلمها بالسالفه اللي سوتها..وايد حجي ابي اقوله لها..
كوماري تهز راسها يعني فاهمه..
عواشه تبوس صورة امها وتحطها بالجنطه..تمسك مفتاح سيارتها وتطلع من غرفتها.. تأكدت ماكو احد..راحت بسرعه الاصنسير..انزلت..ركبت سيارتها وبسرعه حركت..
كومار (يدق على احمد) : ألو..بابا أحمد..عواشه يطلع الحين..
أحمد : مشكور كومار..بس لا تقول حق ماما مريم انها طلعت..(سكره)..وين بتضيعين يا عويش..اللي لي مستحيل يكون لغيري..وانتي وماما مريم لي..
عواشه بالمطار..راحت ستار بكس..وقفت عنده تطالع اللي قاعدين بالطاولات..قام واحد وياه صوبها واهو مبتسم..
عواشه تسوي روحها ما تطالعه..لما تاكدت انه ياي صوبها..طالعته..
حسام : ياأهلاً عايشه
عواشه (باحراج) : هلا حسام..
حسام : تفصلي..(يأشر على الطاوله اللي كان قاعد عليها)
عواشه اقعدت على الطاوله..قعد يمها..
حسام : نص ساعه ونروح لطياره
عواشه (بابتسامه متوتره) : ايه..
حسام : تحبي اطلبلك فربيتشينو اللي بتحبي ؟
عواشه : اوكيه..
حسام (يبتسم بهدوء) : من عيوني
قعدو يسولفون ربع ساعه..وعواشه ما ترد الا بجم كلمه..
أحمد دش المطار..يمشي بسرعه ويدور بين الناس..​

نهاية البارت الـ23

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[miss 3yara]

ليييش البارتات قصار
يالله حبوبه كملي