احمد : شدراج انها جذي!..انتي عطيتيها فرصه؟.
ما عرفت شترد عليه..تطالعه..
دش ابوها ومعاه هدى..
احمد (طالعهم..طالع عواشه..ضغط على ايدها..ابتسم) : هلا عمي..
بو عواشه (يلم احمد) : طلع سعد مو هين..متزوج وعنده ولد
..(يطالع احمد عدل)..ايه والله تشبها..
احمد (يهمس حق بو عواشه) : اقول عمي..جنه العايله كلها جذي!..
بو عواشه (يضحك) : شكلك حتى انت بتصير مثلنا..
يضحكون..
هدى تطالع عواشه اللي تطالع اصابعها وساكته..
احمد : عواشوه اذا تبين مساعده مناك مني..صفريلي
..(يحط ايده بحلجه ويصفر)..
بو عواشه (يطالع عواشه..قعد يمها) : ما ولهتي على ابوبج!..
هدى تقعد يمه..
عواشه (تلف ويها عن ابوها) : اذا اهو ما وله علي!..ليش اوله عليه!..
بو عواشه : وكل اللي حاولت اسويه معاج تقولين ما ولهت عليج؟!..
عواشه : ما سويتلي شي
..(تطالع هدى باشمئزاز)..
هدى : شلونج عواشه؟..
عواشه : نعم!..شلوني!..وانتي شكو ومنو عشان تسئليني!!..
بو عواشه : هذي مرت ابوج وبحسبت امج..
عواشه (توقف) : تخسى..لا اهي ولا عشره من امثالها..
بو عواشه (وقف جبالها) : انتي كبيره منتي ياهل..امج توفت الله يرحمها بس احنا عايشين مو معناتها نوقف حياتنا!..
عواشه (بصراخ) : شلي تبيه من هذا كله..قولي شتبي؟!!..
هدى : عايشه!!!..
عواشه (قاطعتها) : انتي لا تكلميني فهمتي!..
بو عواشه : ليش كل هذا عايشه!!..لي متى كلشي تبينه لج..لي متى!!..ما فكرتي بأبوج اللي فقد امج وحاول يعيشج احلى عيشه وما يقصر عليج بشي!..
عواشه (تذكرت كلام احمد..هدت) : احب امي..والله احب امي
..(نزلت دموعها).. اهي كانت حياتي كلها..اهي كانت تعطيني كل حنان احتاجه..ما انسى حضنها والله كان دافي وكله حنان..ما انسى ابتسامتها بين دموعها عشان ما تتحسسني انها كانت متهاوشه معاك..ما انسى شلون كانت تضحي بكلشي عشان بس ما تنزل دمعه مني..ما انسى يوم ما سافرت اللبنان لاني ما احب اسافر هناك..امي قلبي..امي كلشي حلو كان بحياتي..شلون شلون تبيني ارضى بهالسهوله؟
!!..(تبجي)..
هدى (تمسح دموعها اللي نزلو من كلام عواشه) : عيل شتقولين عن ناس ما حسو بريحة الام كلش؟..حتى لو قاسيه..حنونه..عصبيه..حبوبه..
عواشه تطالعها مستغربه ودموعها على خدودها..
بو عواشه : ايه عايشه..هدى لقيطه..يتيمه
..(يمسك ايد هدى)..
هدى : ما لقيت من أحد أي حنان..ما قدرت اثق بأحد ابد..كرهت المجتمع كله..كنت ضايعه وبس ادور اي احد انتقم فيه من المجتمع..كنت استانس وانا انتقم..بس هذا كله مازاد قلبي الا قسوه..ولما لقيت ابوج..لقيته يدور حنان مثلي بس من قلبه..انا ما عطيته شي اهو اللي عطاني كلشي..
عواشه (للحين دموعها تنزل..بصوت متوتر) : بس انتي خذيتيه من بنته..خذيتيه مني!..
هدى : لا ما خذيته..قوليلي..انتي حسيتي انه بعيد عنج وقت ما انا ساكنه عندكم؟!!.. ما اعتقد..لانج ما تدرين اني زوجته..بس لما عرفتي تغير كلشي..ابوج بعد غيرني..غيرني وايد..وبعد اللي صار بالبيبي اللي ابطني..قررت اتغير للافضل..
عواشه مصدومه من اسلوب هدى..
بو عواشه : هدى ريحتني وحسستني انها محتاجه الراحه والحنان مثلي..ولو كنتي انتي ما تهميني جان ما سويت كل هذا..ما عطيتيها فرصه!..عطيها فرصه
..(يبتسم حق عواشه)..
هدى : ايه عطيني فرصه
(تبتسم)..واتفقنا انا وابوج انج تسمين البيبي..شرايج؟..
عواشه (هدت اكثر لما شافت ظل احمد عند الباب واقف) : اهو راح ينولد عادي؟..
هدى : للاسف هذا الشي الوحيد اللي اكدولنا الدكاتره انه بصير..ولاده طبيعيه..
بو عواشه : يلا عاد قطوتي تعالي حطي ايدج
..(يمد ايده حق عواشه)..
عواشه (حست بوناسه لما سمعت كلمة قطوتي وتذكرت كلشي) : اوكيه
..(قربت.. حطت ايدها على بطن هدى)..وناسه ولا مره حسيت ابيبي جذي..عاد اسمع يا مصطفى انا بمسكك واعلمك الشطانه..
بو عواشه وهدى : مصطفى!!!..
عواشه (تضحك) : لا بس بطفركم..ها! توكم تقولون اسميه على كيفي..هونتو؟..
هدى : حلاتج..ايه وانتي بتسمينه..
بو عواشه : فديتج وفديت تطفرج..بس عاد نبي اسم حلو..
عواشه : امممم..شرايكم باسم احمد؟..على اسم يدي
..(تشوف الظل يتحرك)..هههههه..
بو عواشه : ايه والله على اسم ابوي..خوش اسم..
هدى : حلو
..(تبتسم..تحط ايدها على ايد عواشه)..
عواشه (تطالع الظل) : اخيراً..راح يصير أخوي صج..
بالصاله..
فطومه (تهمس) : وااي بدر بس يوز عني..
بدر : كيفي حلالي..ماراح ايوز..
بو فطومه : يلا شعليج خاله مريم ولدج وردلج..ها ماكو بجي الحين..
ماما مريم : ايه والله الف الحمدلله..ربي ما ينسى عباده..
بو ريومه (يلعب مع فهودي) : ايه والله الحمدلله..الله لا يفرقكم..
كلهم : امين..
بو ريومه (يبوس فهودي) : والله اشتقت حق هاليهال..من زمان ما حاس ياهل ابيتنا..
بو فطومه : لاحق..كاهو ولدك بدر بيترسلك البيت يهال وقولي باجر تعال امسك عيال بنتك..مالي شغل من الحين اقولك..
ماما مريم : ويه..الله يحفظهم ييبوهم عندي..
ام فطومه : انا ابيهم..
ريومه : لا انا عمتهم ابيهم كلهم عندي..
بدر : لحظه لحظه..جنه صار مخامط على عيالي..لحظه بسأل المدام
..(يطالع فطومه بحنان)..ها حبيبي جم بيبي تبين؟..
فطومه (استحت) : انا بروح اييبلي ماي
..(قامت)..
يضحكون..
ماما مريم : احرجتو البنيه..مسكينه..
ريومه قامت ورا فطومه..
دشو الصاله بو عواشه وهدى واحمد وعواشه..
عواشه راحت مع ريومه وفطومه..
بو فطومه : ها بشر..راضيتو البنيه؟..
بو عواشه : ايه الحمدلله الام والبنيه وراضيناهم
..(يقعد يم ماما مريم..يبوس راسها)..
هدى : ورضت عني بعد
..(تبتسم)..
بدر : عاد عويش راس يابس..بس نقطة ضعفها امها وابوها..الله يخليكم لها..
بو فطومه : نطق بدر ولا مساع ساكت..بس قامت فطيم..يمه منك ماشي بطريج ابوك.. يلا دام مع بنتي امش بطريجه..تستاهل..
بو ريومه : اقول سالم خلك عن ولدي وقولي عن.....
قاطعه صوت جرس الباب..
ماما مريم : هَوْ منو؟!!..
عند المنظره يم الحمام..عواشه وفطومه وريومه..يتعدلون..
فطومه (تعدل شعرها) : موصج..أحبه..
عواشه (تعدل مكياجها بعد البجي) : ادري وانا اموت فيه..
ريومه (تعدل بدلتها) : عيل انا اعشقه..
يطالعون بعض..يضحكون..
فطومه : هيييي انتوو قصدكم عن منو؟!!..
عواشه : ابوي..
ريومه : اكيد علي..وانتي؟
فطومه : بعد عن منو..غير بدوري حبيبي فديته..
عواش : فديت طيور الحب..
ريومه (تطلع من جنطتها كحل..تطيح من جنطتها بطة علي) : ايه والله فديته..
عواشه : شنو هذي ورقة على بطه؟!..
ريومه : ايه من علي..هذي طريقته معاي
..(تفتح جناح البطه..مكتوب رقم)..عطاني رقمه..
فطومه : يحليله وايد خيالي..
ريومه : مثلي..فديته وفديت خياله..
عواشه : راح اتأقلم مع ابوي وهدى؟!..
فطومه : اكيد..ليش لأ
..(يوصلها مسج)..امبيه هذا بدر يقولي ولهت عليج..ههههه..
دشو الصاله..
ام ريومه واقفه عند الباب تطالع اللي قاعدين..بو ريومه يم بدر واقف يطالعها..
ريومه وقفت..فطومه وعواشه طالعوها...
ام ريومه : ييت ابارك حق بدر..مبروك بدر..
بدر : يبارك فيج
..(بقوم يسلم عليها..ابوه خلاه يقعد يعني لا تسلم)..
ام ريومه (مرتبكه) : مبروك ام فطومه..مبروك بوفطومه..
ام فطومه : يبارك فيج..
بو فطومه مارد عليها..يطالع بوريومه..
ماما مريم : تفضلي حياج..
قام بو فطومه مسك بو ريومه واشر حق بدر عشان يقعدون الصوب الثاني من الصاله..لحقهم احمد وبو عواشه..
اقعدت ام ريومه واهي تطالع بو ريومه من بعيد..
ماما مريم : يا حيا الله من يانا..
ام ريومه : الله يحييج..
بو ريومه (يطالع بو فطومه) : ليش يايه؟!!..ليش؟!!..عبالها قلبي برد مثل قبل!!..
بدر : يبا اهي بتباركلي و...
بو ريومه (قاطعه) : وينها العصر!..بعيادتها صح!..ما قدرت تباركلك الا بوقت ما فضت!..
بو فطومه : خلها اهي يايه حق عيالها مو لك..
بو ريومه : انا حبيتها من قلبي يا سالم والله حبيتها من كل قلبي
..(يطالعه وعيونه انترست دموع)..
بو فطومه : يا ولد الحلال..اهدى انته الحين..اقعد وجنك مو شايفها..وخلنا نستانس بهالقعده..
بو ريومه خز ام ريومه خلاها تنزل عيونها بالارض..
ريومه : شفتوها!..ماراح تتغير..انا مابي ابوي يردها صراحه..
فطومه : امشو نقعد عند بدر..
عواشه : ايه وايد احسن..
ماما مريم وام ريومه يسولفون..وهدى وام فطومه يسولفون..
ريومه وعواشه يلعبون مع فهودي وحمودي..
بدر واحمد وفطومه يسولفون..
بو فطومه وبو عواشه وبو ريومه يسولفون..
ماما مريم (بصوت عالي..تقوم) : تفضلو ع العشا..
قامو الرياييل مشو لبوفيه واهما يسولفون..
راحو كلهم البوفيه..
ام فطومه : سالم السلطه اللي تحبها..
بو فطومه : انتي سلطتي..
ام فطومه : سالم فشله جدامهم..
بو فطومه : شعليه يعني
!..(يشوف بوريومه وراه)..خايفه على جاسم يغار منا..
بو ريومه : لا ما اغار..الله يهنيكم
..(حس سوسن تطالعه)..انا جم اسبوع واتزوج..
ام ريومه (تقرب صوبه..تهمس) : شلونك يا الغالي؟..
بو ريومه (بصوت عالي) : في احد قاعد يحاجيني..ما اشوف احد يمي..
ام ريومه انصدمت..حطت الصحن ع البوفيه..راحت عند ماما مريم..
ام ريومه : اسمحيلي انا بطلع ومشكوره ع الضيافه..شكله كرهني خلاص..
ماما مريم تطالعها مو عارفه شنو تقولها..
طلعت ام ريومه..
بدر (قاعد يأكل فطومه) : الله ياليتني الاكل..
فطومه : بدر عفيه بس مابي آكل هذا..ما احبه..ذوق هذا
..(تحط بحلجه ورق عنب)..
بدر : زين ممكن بعد اذوق صبعج معاهم..
فطومه استحت..
احمد يشوف تلفونه لما دزوله مسج..
عواشه (تشوفه) : منو منو
..
احمد : هذي اللي كنت استمد قوتي منها..
بعد العشا اقعدو بالصاله..دخلت ريومه مع عواشه بكيكه بثلاث طوابق وفوق عليها حرف الإف والبي..
ريومه : ونحلي بكيكة بدوري وفطومتي..فديتهم..
نزل احمد من فوق..معاه صوره كبيره..حطها فوق المكان اللي قاعده فيه ماما مريم..
احمد : وهذي صورة ابوي سعد و يدي احمد الله يرحمهم..
وقفو كلهم يشوفون الصوره..
ماما مريم (توقف..تطالع الصوره) : واهما بعد معانا..ويفرحون معانا..(
بينها وبين نفسها)..انت خليتني يا بو سعد بس ربي ما خلاني ..
تبتسم..لمت احمد يإيد ولمت عواشه بالإيد الثانيه واهما واقفين يشوفون الصوره..
بدر ماسك ايد فطومه..
ريومه دخلت ايدها بجنطتها وامسكت البطه..
التفتو الثلاثه على بعض..مبتسمين..
فطومه...............فرحه
عواشه..............مرحه
ريومه................ترحه
