فرحه و مرحه و ترحه ^_^

[miss-_-smart]

كملييييي

 

[الصبر له حدود]

يلا كملييييييييييييييييييييييييييييييييييييييي جد اندمجت :")
يسلمووووووووووووووووووووووووووووووو:")

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ24
شخصيات البارت

​

قعدو يسولفون ربع ساعه..وعواشه ما ترد الا بجم كلمه..
أحمد دش المطار..يمشي بسرعه ويدور بين الناس..

وصل ستار بكس..يدور بين ويوه اللي قاعدين..
حسام (يمسك ايد عواشه) : يلا نروح..
عواشه تمسك جنطتها..يقومون..
حسام قاعد يطالع عواشه واهي تعدل جنطتها على ايدها..لف ويها عشان يمشي..
ياله بوكس على ويها طيحه بالارض..
صرخت عواشه..قبل لا تطالع منو اللي طقه..مسك ايدها احمد ومشاها معاه..
عواشه (توخر ايدها..خايفه) : هدني..أحمد هد..
احمد حده معصب وحاقرها..حسام يحاول يقوم..عواشه تطالع حسام..عصبت.. عضت ايد أحمد..
أحمد : آااي (مسك ايده الي عضتها)...
ركضت عواشه عند حسام..قعدت يمه على الارض..
عواشه : حسام حسام..تعورت؟..انت اوكيه؟..فيك شي؟..
حسام (ماسك حلجه اللي فيه شوية دم) : اهم شي انك بخير..يلا نروح بسرعه..(قام)
احمد (وقف جدامه..محاول حيل يمسك اعصابه) : حسام (يرجف من العصبيه).. احلفك بربك..وعشان حبيبتك ليلى قولي ليش بتاخذ عايشه وشنو هدفك من كل هذا؟!.ولك كلمتي أخليك تمر من غير لا أوقف بطريجك..
حسام (شاف نظرة احمد الجاده) : مو من حأك تسأل أو حتى تعرف..بس بدي إلك عشان بتعرف عواشتي منو اللي عندو أخلاء اكتر..بس بشرط..عواشه تروح أبل لا إحكي لطياره..
أحمد (يطالع عواشه اللي واقفه ورا حسام) : روحي خلصيني بسرعه..
عواشه تبي ترد..حسام طالعها بنظره..فهمتها..راحت برا ستار بكس..
حسام (طلع زقاره..بابتسامه خبيثه..يطالع احمد اللي ايده بمخباته) : اجاوبك بكل بساطه.. هدفي..انتقم من ابوها اللي اخد مني كل حياتي..وبعدها انا صرت ولا شي..فبدي آخد كل حياتو..وبدي دمرها مثل ما دمرني..
أحمد يرجف أكثر من العصبيه..وخر عن طريجه..يخزه واهو يمر ويقط الزقاره.. لف يطالع احمد..مشى بسرعه..
أحمد (يتصل) : ألو..حسون..إعتَرَف..ياتلك؟..إذا مو بالرضا بالغصب..
حسين رفيج أحمد اللي كان معاه برا الكويت..شاف عواشه رايحه صوب المغادره وكلساع تلف ويها..راح لها وقف جدامها..
حسين (بابتسامه) : انا رفيج ولد عمج احمد..قالي لازم تردين البيت..واهو راح يفهمج كلشي بالبيت..ممكن نروح؟ ..
عواشه (تخزه بعصبيه) : وانت شكو..وولد عمي شكو..مالكم شغل فيني..
قبل لا تطوفه..مسكها من إيدها وشالها..
عواشه :نزلني يا اللي ما تستحي..نزلني (تصرخ)..
وقفه رجل أمن بالمطار..قاله تبي تعرف السالفه الحقني ولا وخر..إلحقه..
شافهم حسام..لحقهم..
ركب حسين عواشه بجيب احمد..احمد خذا منها بطاقتها المدنيه..راح عند مال الامن و وراه بطاقته وبطاقتها..ردلهم..
احمد (يطالع عواشه بنظره مع ابتسامه) : اذا انتي مينونه أنا أيَن منج..
عواشه (بعصبيه) : أحمد اسمعني..مو من حقك تسوي كل هذا..فهمت!..توك اتيي بحياتنا وتتدخل باللي مالك شغل فيه..
أحمد رفع ايده بطقها كف..حسين مسك ايده..
حسين (يطالع احمد وماسك ايده) : من حقها تعرف كلشي..ادري انه ضغطك ارتفع..بس هذي بنت وقلبها رهيف..دايما تحتاج اللي يساعدها..مو اللي يعصب ويطق ويمشي..
أحمد (ينزل ايده) : شوفها..شوف هالمينونه..يعني في احد يبيع عمره بهالسهوله.. وحق منو حق واحد بدمرها..
حسين طلع من مخباة احمد تلفونه..شغل..علا ع الصوت وقربه يم أذون عواشه..
عواشه (بعصبيه) : شنو!شنو!..
حسين (بنظره حاده) : سمعي..
الصوت :
اجاوبك بكل بساطه.. هدفي..انتقم من ابوها اللي اخد مني كل حياتي..وبعدها انا صرت ولا شي..فبدي آخد كل حياتو..وبدي دمرها مثل ما دمرني..​

نهاية البارت الـ24

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

​

 

[أحلامي يقظه]

اسفه بنات ع التاخير
سوري..
بحط لكم بارتين اليوم ..
بنات البارتات قصار بس فيهم احداث وايد..
يسلمو ع المتابعه ^_^

 

[الصبر له حدود]

يسلمووووووووووووووووووووووووووووووووووووووووووووووووووووووووووووووووووووووووو يالغالية يلاااااااااا ننطر البارت الثاني :")

 

[miss 3yara]

يعطيج العافيه كملي وناطرين البارت الياي

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ25
شخصيات البارت

الصوت :
اجاوبك بكل بساطه.. هدفي..انتقم من ابوها اللي اخد مني كل حياتي..وبعدها انا صرت ولا شي..فبدي آخد كل حياتو..وبدي دمرها مثل ما دمرني..

عواشه (خذت التلفون..تعيده..تركز ع الصوت) : لاء..لاء..مستحيل!..بس اهو كل هذا سواه عشان انا ارتاح عشاني عشان امي..(انترست عيونها دموع)..
احمد : شفتي غبائج..هه..
عواشه : بس مستحيل..كان املي الوحيد..انا فكرت انه يمكن يعني.....(اسكتت)
احمد : يتزوجج صح؟!!..(عواشه تخزه ودموعها نزلت)..هه..
حسام ورا السياره يسمعهم واهما واقفين ورا عند باب عواشه وفاتحينه..عواشه شافت حسام من جامت السياره اللي يمهم..ارفعت ايدها جنها تقولهم وخرو بسوي شي..احمد وحسين وخرو ورا شوي لما اهي نزلت..وقفت جدام حسام..انصدم حسام لما شافها جدامه..ابتسم..عواشه حاطه عينها بعينه..
حسام : اهلان حبيبي..
عواشه طقته صطار على ويها..مشت..ركبت السياره..ركبو احمد وحسين واهما ساكتين..حركو..
حسام واقف بمكانه منصدم..
حسام : كل اللي بنيتو وضغطت على نفسي عشان أخلي إلي مشاعر حلوه ناحية بنت عدوي..كِلو ضاع..كِلو..عارف مستحيل ترجع بعد اللي صار..اسف ليلى..عزبت بنتك ..سامحيني..

بالسياره عواشه تبجي..احمد دايس حيل عشان ما يطلع عصبيته عليها.. حسين : اهدو يا جماعه..خلاص كلشي إنحل..وان شاء الله ماكو مشاكل..
احمد داس اكثر..
عواشه : ودي اموت..ابي اموت..
احمد يشغل الرادو ويطول عليه..
حسين يطالع احمد..ولإنه عارف شنو مشاعر احمد الحين..سكت عنه..
فتح تلفونه..كتب بالنوت :
عواشه بنت عم احمدو الغالي..والله ما ينفع هالحجي..الموت مو سهل نتمناه.. الموت يمكن يتمنونه لما تصير مصيبه والحين الحمدلله ماصار شي ..بس شكله بتصير الحين مصيبه من سواقت احمدو ناوي يموتنا :/..
عواشه شوي ارتاحت مع انها للحين مو قادره توقف عن البجي..
حسين يأشر حق احمد يعني شوي شوي..ياخذ تلفون احمد..يحط على صورة ماما مريم..يوريها احمد ويأشر عليها..احمد لما شافها هدى شوي وخفف ع السرعه.. قصر ع الرادو..
حسين (يقلد صوت عيوز) : ويه ما بغيت يا وليدي..لازم تشوفني عشان تريح.. وه وه بغينا نروح بالبيباي..ترا انا للحين بعز شبابي الله يهديك..
عواشه ضحكت..احمد ابتسم..
حسين : ايه تكفون..والله ما احب هالجو..اموت منه :/..اليوم وايد سوالف اتييب الموت ..
احمد : حسون..بس مو وقتك..احبك يا الفصله..
حسين : احم احم..مو جدام عواشه..ترا تغار..عواشه ايه شنو بعد انتي بتقوليلي..اي اي..تحبينـ..تحبينـ.. كملي لا تستحين عادي..
عواشه تضحك..
احمد يطالعها من المنظره..شافته عواشه..وخر عيونه عنها..
عواشه : احمد..(احمد ساكت)..
حسين : احمد يقولج عيونه بس بينه وبين نفسه..وانا نفسه
عواشه : هههه..يا نفسه قوليله إني آسفه..ما سمعت كلامه من الاول ابيه يسامحني.. من بعد هالسالفه راح اسمع كلامه على طول..
احمد ساكت ويطالع الطريج..
حسين : يقولج مسامحج..بس لا تنسين انج غاليه عنده..ويبيلج الخير وماله مصلحه منج..بس انج تصيرين عاجل (بصوت عالي) يا المينونه..
عواشه : غلطه وماراح تتكرر..اهو استغل ضعفي ونفسيتي اللي محتاجه لاهتمام وحنان..صج اني غبيه..
احمد طالعها بالمنظره..طالعته..ابتسم..ابتسمت..
حسين (يطالعهم) : بس بعدين هاللحظات الغراميه..المهم احمدو اتصل على يدتكم ترا داقه عليك وايد..شكلها نادت الاسعاف والشرطه والحرس الاميري

ريوم : اي شي..مصدق نفسه!..مو إسلوب كلش..لاء مابي.​

نهاية البارت الـ25

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[miss 3yara]

يعطيج العافيه كملي

 

[الصبر له حدود]

واااااااااااااااي حلو البارت والله يسلمووووووووووووووووووووووووووووووووووووو يالغالية :")
مطوووله الرواايه ول مابقى شي ؟؟؟

 

[الصبر له حدود]

واااااااااااااااي حلو البارت والله يسلمووووووووووووووووووووووووووووووووووووو يالغالية :")
مطوووله الرواايه ولا مابقى شي ؟؟؟

 

[miss-_-smart]

يسلموووووو.....ناطريينجج

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ26
شخصيات البارت

​

ريوم : اي شي..مصدق نفسه!..مو إسلوب كلش..لاء مابي.

بدر : ريوم بس الريال تقدملج يعني تفكيره نظيف..
ريوم : بس قبل لا يسوي كل هذا تجرأ وكلمني يعني تفكيره مو شي..
بدر : زين فكري جم يوم..صلي استخاره..شوي شوي..حرام ترفضينه جذي..
ريوم : خلاص بدر..مابيه..قوله مخطوبه..
بدر (يضحك) : منو خطبج..
ريوم : بدوروه رقع اي شي..خلاص مابي..قوله بتكمل دراستها..
بدر : قديمه هالترقيعه بتكمل دراستها..خلاص خيتو حبيبتي دامه مو داش بالج من الاول..بلاها من زواجه (يبوس راسها)..ألحين أقول حق أبوي يقوله..(راح عند باب غرفتها)..فاطمه راح تقولج خبر حلو اليوم (سكر الباب)..
ريوم (دقت على فطومه) : ألو فطيم..شنو الخبر الحلو؟..
فطومه (استحت) : وليش ماقالج بدر؟..
ريوم : يلا قولي..اهو بس قالي انج بتقوليلي خبر حلو..
فطومه : باجر ملجتنا انا واخوج (صار ويها احمر)..
ريوم : حلفييييييي يا الخايسييين انتي ويااااه..
فطومه : انتي الخايسه..كنت ناطرتج تدقين تباركيلي..
ريوم : احبج والله..صبر بعلمه..باي (سكرته)
طلعت من غرفتها..شافت بدر بيدش غرفته..ركضت..نطت عليه ولمته..ريوم : يا الخاااايس ليش ما قلتلي..واااي كرييييه..
بدر : ههههه..فديتج كنت بخليها مفاجأه لما ابوي ايي..بس احلى اتيي من فطومه فديتها ..
ريوم : وي تعال شنو باجر!!..ما شريت ولا يمديني اشتري شي..
بدر : لا بس ملجة رياييل والحفله بعدين..
ريوم : اها..اوكيه..يوه نسيت ماما مريم تبيني اروح لها..بعد شوي اروح مع فطيم..
بدر : اوكيه..لا تتاخرون..(دش غرفته)..
ريوم راحت غرفتها..شبكت بالمسنجر..لقت علي شابك..حاط التوبك :
مع السلامه يا كويت..I will came back
ريومه انصدمت..
ريم :
.هاي علي
علي :
.ولكم ولكم
.شلونج؟
ريم :
.ثانكس
.تمام..وانته؟
علي :
.بخير
.باركيلي..بروح بعثه لندن D:
ريم :
.صج
علي :
.ايه صج D:
ريم :
.مبروك!
علي :
.يبارك فيج
.شفيج؟
ريم :
.امممم..بصراحه
.حبيتك مع انك اكثر شي بس نت..حبيتك ولا تسألني شلون وليش
علي :
.@@
.اوبس :/
ريم :
.متى بتسافر؟
علي :
.باجر العصر
.ريم والله مو قصدي اعلقج فيني
.اصلا انا وايد مقصر معاج وما اهتم فيج!
ريم :
.لقيت فيك نفسي الضايعه
.بس لا تسألني
.مادري مادري
علي :
.آسف
.بس لازم اسافر باجر
.بروح امبجر عشان اشوف وضعي هناك
ريم :
.عادي كالعاده ما تحس
.خايف وعايش بروحك حق روحك
علي :
.ليش تقولين جذي!
.اخاف من شنو؟
ريم :
.خايف انك تحب
.بس انا ما خفت لاني متاكده انك تستاهل قلبي
.انا توني رفضت واحد تقدملي..لاني احس قلبي لك..انت خذيته
علي :
. :/ !
. لا ريم لا تضيعين حياتج بهالاوهام
. انا حاولت باللي اقدر عليه اني ما اعلقج فيني
. مادري انه كل هذا بصير :/
ريم :
.لا تسافر
علي :
.هذا حلمي اللي كنت انطره وابيه
ريم :
.وانا
علي :
.ريم
.رفيجي ينطرني تحت بنروح نشتري حق السفره
ريم :
. ....
علي :
. باي

بو ريم توه داش البيت..يرن تلفون البيت..جاسم يشيله..
جاسم : ألو..
سوسن : ألو..هلا جاسم..شلونك؟​

نهاية البارت الـ26

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[أحلامي يقظه]

الله يعافيكم
نورتو عسولات
ايه ماباقي شي ^_^

 

[miss-_-smart]

كمليييي...........لاااا تطوليييييييين

 

[lulwa-q8]

ثاانكيوو على البارتين
بس وايد قصاار
كملي حبيبتي

 

[ررروووان]

كملي حبوبه

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ27
شخصيات البارت

بو ريم توه داش البيت..يرن تلفون البيت..جاسم يشيله..
جاسم : ألو..
سوسن : ألو..هلا جاسم..شلونك؟

جاسم (عرف صوتها) : خير؟!!..
سوسن : بس بغيت أسأل عن ريم وبدر و..(اسكتت شويه)..عنك..
جاسم : دامج مو معانا احنا بستين خير وعافيه..وعلى فكره وجودج او عدمه نفس الشي عندنا..ما يفرق..
سوسن : انا بالعياده..اكثر وقتي فيها..لاني مو متخيله تكون طلعتي على بيت اهلي مو بيتي..
جاسم : بيتج اهو بيت اهلج..سوسن سمعي..كل هذا ماراح يلين قلبي ولا حتى شوي.. قلبي انجرح منج حيل..وصار من ناحيتج اقسى من الصخر..
سوسن : جاسم انت ما عطيتني فرصه اتغير..لو تشوفني الحين مستعده اتغير واتغير..
جاسم : انتي تقصين على منو!..قصي على نفسج بس..لو صج فيج استعداد عشان تتغيرين جان ع الاقل اتصلتي على بدر وريم تسئلين عنهم!..ويايتلي الحين تقولين بتتغيرين!..
سوسن : بس كنت اممم..المفروض صح..مادري..
جاسم : ما ينفع هالحجي الحين..
سوسن : انا متصله ابي بدر وريم يسافرون معاي بالعطله..تدري شبقولون الناس عنـ...
جاسم (قاطعها) : شقولون الناس وشقولون الناس!!!..ايييييييه انا قلت ما دقيتي الا تبين شي مو لله..انتي ماراح تتغيرين طول عمرج..خليج مع ناسج يمكن يقولولج ملجه ولدج باجر (سكره)..
ريم (نازله من الاصنسير تتكلم بتلفونها) : ايه فطيم ألحين يايتكم..كاني طالعه..(شافت ابوها اللي ضايق خلقه..وقفت يمه)..يبا شفيك؟!..
بو ريم : مافيني شي..ها ابوي انتي وين رايحه؟
ريم : فطيم يايتكم خلاص باي..(سكرته)..رايحه عند ماما مريم..
بو ريم : ايه..زين بابا انا يمكن ما اييهم باجر العزيمه..
ريم : يبا ترا ماما مريم تزعل..
جاسم : خليني اوصلج واتعذر لها هناك..
طلعو..ركبو السياره..حركو..
ابيت ماما مريم..ابغرفتها..ماما مريم منسدحه ع الفراش..فطومه قاعده ع القنفه..
فطومه : ماما مريم..قلتلج مافيهم شي..اهما طالعين يتمشون وكا ما باقي شي ويوصلون..
ماما مريم (عيونها متروسه دموع) : يا فاطمه انا حاسه صاير لهم شي..ناغزني قلبي.. عيل ليش ما يردون علي؟!..
فطومه : بس انا ردو علي..وعادي قالو قاعدين يتمشون..
ماما مريم : وليش عواشه لما طلعت من البيت ما قالت لي؟!..
فطومه : ياربي ماما مريم..ليش تتعبين عمرج بهالاسئله اللي كلساع تعيدينها.. الحين ان شاء الله بيوونج وترتاحين ..
طقو الباب..دشت كوماري شايله عصير ووراها ريومه..
ريومه (تسلم على ماما مريم) : ماما مريم ابوي تحت بحاجيج..
ماما مريم : هَوْ شفيه؟!..
فطومه : هههه شفيج كله مخترعه ..
ريومه : مافيه شي..شوفيه واهو يقولج..
قامت ماما مريم وانزلت بالاصنسير مع كوماري..
ريومه (تلم فطومه) : هلا بعروستنا..
فطومه : هلا باخت الغالي..
ريومه : لا والله!..الحين اهو صار الغالي وانا كخ!!..
فطومه : لا انتي عين السيح عاد..لو مو انتي جان ما عرفته ..
ريومه : ايه من ألحين قاعده تتمصلحين..الله يعين باجر شنو بتسوين لنا ..
تحت..ماما مريم وجاسم قاعدين بصالة الاستقبال..
جاسم : والله ياي اعتذر عن باجر ماراح اقدر ايي..
ماما مريم : ليش يمه؟..الحين كل عزايمكم اروح لها وبفرحتي ما اتيون!..
جاسم : بس...
ماما مريم (قاطعته) : لا بس ولاشي..باجر لازم اتيي ونفرح بولدنا وولدكم.. ولا ما تبينا نفرح معاكم ..
جاسم ابتسم..
ماما مريم : زين يمه ماصار شي على ام ريم..ما اشوف ريم تييب اخبارها؟
جاسم (يتنفس بضيقه) : خليها على الله..انا عبالي بتتعدل ويمكن تهتم بعيالها اكثر بس للحين الناس اهما اهتمامها الوحيد..
ماما مريم : لا حول ولا قوة الا بالله..تصدق يا وليدي ترا وايد في مثلها..يشوفون الناس شنو تبي..واهم شي عندهم هالناس..واسرتهم تكون اخر اهتماماتهم..يلا الحمدلله.. المهم انكم مرتاحين..
جاسم : ايه الحمدلله مرتاحين..واحس نفسية عيالي ما تغيرت او صارت شوي احسن لانهم لقو اهتمام من احد..قبل انا مهتم اكثر شي بامهم وامهم مهتمه بالناس..فديتهم وايد عانو..
ماما مريم : الله يحفظهم ويخليهم لك..
جاسم : امين..راح اعوضهم ان شا ءالله..
بغرفة ماما مريم..
فطومه: ايه وبس هذي سالفة عويش كلها..احمد قالي اياها مساعه..
ريومه : امبيه والله طلع حسامو مو هين هاللبناني!..
فطومه : شفتي يعني اهتمامي بالسالفه حيل كان بمحله..حسيت بصير شي جايد..
ريومه : ايه من صجج اهو في شي جايد اكثر من انه عويش من عرفت هالحسام واهي ناسيتنا :/..الحمدلله انه احمد هني ولا علينا جان ما درينا بشي :/..
فطومه : امشي خلينا نروح تحت اكيد الحين يوصلون..
نزلو تحت لقو ماما مريم بروحها بالاستقبال..
بالسكه عند بيت ماما مريم..نزلو احمد وحسين وعواشه من السياره..
احمد : حسون ما قصرت..بس بليز مثل ما قلتلك اذا يبتو سيارة عواشه دق علي مابي ماما مريم تحس بشي..عشان السالفه تمشي عليها عدل..
حسين : تامر امر..خلاص آخذ سيارتك انا الحين وامر صويلح ونييبها..
احمد : ما يامر عليك عدو..يا بعد جبدي انته..(حسين يصعد السياره)..لا تنسى باجر اتيي..
حسين : اوكيه..يلا دير بالك على الحلوه (يغمز حق عواشه)..
عواشه : ههههه..مشكور حسين..
حسين : العفو..بس مره ثانيه سافري مع اسباني ولا استرالي ولا بريطاني.. احسن من لبناني فوق الخمسين ..
عواشه : ايه اكيد بختار عدل المره اليايه..(تطالع احمد وتضحك)
احمد : اقول انت معاها..لا ترفعون ضغطي..روح خلصني..امشي داخل انتي..
حسين (يمشي بالسياره) : الوعد باجر..على فكره عواش ترا انتي عصاقل بسرعه تنشالين ..
احمد يخزه..عواشه تضحك..
دشو البيت..

​

نهاية البارت الـ27

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[أحلامي يقظه]

عاد مو تقولون بعد هذا قصيييير
ترا ابجي

بنوتات ترا قاعده اكتب القصه حار بحار يعني مو من زمان كاتبتها...
فشوي شوي علي..وهذي اخر البارتات بحاول اخليها طويله..

فدييييييت متابعتكم ^_^

 

[miss-_-smart]

حبيبتي ناااطرييينج

 

[sweet.sanfoora]

waiiiiiiitinG