فرحه و مرحه و ترحه ^_^

[الصبر له حدود]

بانتظاااااااااااااااااااااااااااااااااااااااااااااااااااااااااااااااااااااااااااااااااااااااااااااااار البارت اليديد يالغالية :")

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ15
شخصيات البارت

ريوم : أي سالفه؟!!

فطومه : سالفة اخوج بدر!..
ريوم : فطيم عن الغشمره الثقيله..صج في سالفه ولا لا !..
فطومه : هذيج المره كلمتني شيماء اللي كانت معانا بالثانويه..نادتني بروحي.. قالت إنه بدر يحبها ويبي يخطبها..
ريوم (تضحك) : امبيه هذي شيماء لاحقه بدر كل مكان إلا تبيه يعطيها ويه!.. بس اهو ما يحب البنت الجريئه..
فطومه : عيل ليش اهي يعني يايه تقولي!!..
ريومه : لإنها عارفه إنه بدر يحبج .. (تبتسم)
فطومه (تخزها) : شنو!!!!..بدر يحـ (اسكتت)
ريوم : واااي انتي مو لماحه كلش..كلنا عرفنا بدون لا يقول..حتى عواش تدري بس ناطرينج تستوعبين..وعبالي مستحيه تقوليلنا إنج تحبينه..
فطوم : لأ..من قال أحبه..ومن قال أصلا أستحي منج انتي وعواش.. بس مادري...
يرن تلفون ريومه..
ريومه (تبتسم واهي تطالع فطومه) : مساء النورات حبي الأول عواشه ..
فطومه سرحانه..
ريومه : عزيمة ابيت ماما مريم..شنو المناسبة؟!..
أم فطومه ردت واقعدت معاهم..
ريومه : بعد اسبوع..اوكيه اوكيه..اليوم بالليل..زين وااي نحيسه..(سكرت)
فطومه للحين سرحانه..أم فطومه : تحاجين عواشه؟..
ريومه : ايه خالتي..تقول بتسوي ماما مريم عزيمه وبتعزمنا كلنا..
أم فطومه : حق شنو العزيمه؟..
ريومه : مادري..عاد حركات عويش..اليوم أشوفها بالليل وتقولي..وأكيد ماما مريم راح تدق عليكم تقولكم..أنا بروح ألحين..فطوم!!
فطومه (انتبهت لها) : هلا ريم..
ريوم : وي شالأدب اللي نزل عليج!
فطوم : هههه..لا كنت سرحانه..ايه شسمونه..
ريوم : زين فهمنا (تغمز لها)..يلا نشوفكم على خير .. (قامت..راحت عند الباب)
أم فطومه و فطومه : على خير..مع السلامه ..حياج..

ابيت ريومه..بالدوانيه..
بو ريم يشرب جاي ويطالع تلفزيون..بدر قاعد وجباله لاب توبه..
بو ريم : أكيد أمك هالوقت مشغوله بعيادتها..
بدر (يطالع أبوه) : ايه جنه هذي حزتها..
بو ريم : عمري ما تحسفت على شي حتى زواجي من أمك..آااخ يا بدر على قولتهم الحب يذل..
بدر : محشوم يبا..ماعاش اللي يذلك..بس سؤال يبا..القلب يصير وراثه؟
بوريم : شلون القلب يصير وراثه؟!
بدر : مادري يبا..شكل قلبي بصير مثل قلبك..رهيّف والله يعينه باللي تعلق فيها..
بو ريم (يضحك) : ايه تطنز على أبوك..لا يبا عساك تلقى اللي تريحك وتفهمك وبعدين تحبك..أهم شي تفهمك عشان بعدين تحبك عدل..
بدر : يبا..امممم..صراحه..أنا لاقيها من زمان..بس حب من طرف واحد..ومو مفكر أعترف لها لإني أخاف على سمعتها وألحين يبا دام فتحنا هالطاري..انا آخر سنه بالطب..وصراحه ودي أخطبها..
بو ريم (يبتسم حيل) : يا حبيبي يا ولدي..ايه والله هذي تربيتي..هذا التفكير الصح.. الحلال أحلى شي مع اللي تبيها..وان شاء الله راح تحبك..وخل علي كلشي .. ها يبا قولي منو اللي بتصير غاليه؟.
بدر : فاطمه بنت رفيجك..عمي سالم....
بو ريم : ماشاء الله ماشاء الله ..خير ما اخترت..يلا خلني أدق على سالم..
بدر : لا يبا..انطر شوي.. لما أقولك عن الوقت المناسب (يقوم يبوس راس أبوه)
بو ريم (يطالعه) : ليش يبا صاير شي؟!..
بدر : لا يبا مو صاير شي..بس أبي أعرف قبل اهي موافقه علي ولا لا..
بو ريم : لا تحاتي ابوي انت..ماراح تلاقي احسن منك..ويحبها بعد .. شنو تبي اكثر!
بدر يبتسم..

​

نهاية البارت الـ15

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[أحلامي يقظه]

روان
ولكمو
آمين
ايه عواشه مقاطعتهم هههه

مس سمارت
يسلمج عسوله..

الصبر له حدود
وكااااااااااهو البارت ^_^

 

[ررروووان]

مشكووره
ويعطيج العافيه
واتوقع فطوم توافق على بدور

 

[miss-_-smart]

يسلموو حبيبتي....

 

[الصبر له حدود]

يالغاليه يلا نبي بارت :")
ويسلموووو

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ16
شخصيات البارت

​

ريومه ابمكتبه جرير عند رف كتب الأطفال..قاعده تدور بين الكتب..
ريومه : واااي ..
علي طل بويها..ريوم طالعته..علي اكبرمن ريم بسنه بس شكله حيل كيوت وجنه أصغر من عمره..
علي : ها..اعجبج الكتاب؟!..
ريوم (نزلت راسها منحرجه) : ايه..مشكور..
علي : العفو..ايه هاري بوتر قصته وايد حلوه..شنو قاعده تدورين؟
ريوم : أبي الجزء الثاني منه..بس مو لاقيته..
علي : أنا شريت الأجزاء كلها..تبين أعطيج إياه
ريوم : لا عادي ألحين أروح أسألهم يمكن عندهم (راحت عنه..تسأل)
علي طلع ورقة وسوا البطه اللي دايما يسويها بمثل هالمواقف وكتب إيميله داخلها.. وحطها عند قصص هاري بوتر..وراح..ريم ردت ومعاها الريال اللي يشتغل بالمكتبه..
ريوم : هذولا القصص..أبي الجزء الثاني..(شافت البطه)..خلاص خلاص..بدور بمكتبه ثانيه..مشكور..(خذت البطه وطلعت)..
بعد يومين..
ابيت ماما مريم..بغرفة ماما مريم..
ماما مريم وعواشه وأحمد اللي بسرعه تعود على الوضع بينهم..قاعدين يشوفون صور..
ماما مريم (تمسك صوره) : ايه وهذي صورة أبوك يوم رايح الحداق مع يدك..
أحمد وعواشه يطالعون الصوره..
عواشه : أغلب الصور فيها بابا أحمد وعمي سعد..(تبتسم ابتسامه حزينه)..
ماما مريم : أبوج كان يحب يقعد بروحه ويشغل نفسه بدون لا يدير لنا بال..
أحمد : خلاص عواشه شرايج أنا وياج وماما مريم نصور مع بعض بدال أبهاتنا ..
عواشه تبتسم وتقلب بالصور..
ماما مريم : يلا ونحطها بالصاله الداخليه..عشان إذا رحتو عني أتذكركم فيها..
عواشه : قاعدين على قلبج..لا تحاولين..ماراح نخليج..
أحمد : ايه ماكو فكه..بس لو عواشوه النحيسه تعطيني الغرفه الكبيره..
عواشه : شتبي مالتي..انا يايه قبلك وبعدين انا بغير ديكورها..
أحمد : بس هذي مالت أبوي الله يرحمه..يعني أنا الوريث لها..
عواشه : ماما مريم شوفيه عاد..يبي يطردني
ماما مريم : تبون نبني فوق كله غرف..نوسع غرفنا ونشيل الصاله..
أحمد : ايه ماما مريم..ولا المحكر اللي انا فيه .. وأهم شي تنزلين كوماري تحت.. مدلعتها حاطتلها غرفه أكبر من غرفتي!..
عواشه : ايه ماما مريم كانت بروحها بالبيت..تستاحش..
ماما مريم : عاد كوماري..اهي اللي كانت شايلتني..ومعاونتني بكلشي.. بس دامكم عندي ننزلها ..
أحمد (بهدوء) : ماما مريم..عواشه..(يطالعهم بنظره جديه)
يطالعونه من غير أي تعبير على ويوهم..
أحمد : أبيكم من اليوم تعتبروني ريال البيت..وسندكم..وكل اللي تحتاجونه وتبونه أسويه لكم..وأحطكم على راسي .
ماما مريم لمته وانترست عيونها دموع..
عواشه (طقته طقه خفيفه على راسه) : يسلملي هالراس يابو راس ..
أحمد يبتسم لها واهو لام ماما مريم..
يرن تلفون عواشه..تشوفه عواشه..تروح غرفتها بسرعه..
عواشه (قلبها يطق بسرعه..ترد) : ألو؟!
حسام : ألو..أهلان أهلان بهالصوت..
عواشه (استحت) : هلا فيك..
حسام : ليش عم تحرمينا منو!..
عواشه (صار ويها احمر) : هههه..حسام؟؟..
حسام : لك عيونو وألبو كمان..
عواشه : بليز..لا تتحجى معاي جذي..ترا ما احب :$..
حسام : شو..ليش هيك..أوكيه..عيوني إلك..شو أخبارك طمنيني..
عواشه : بخير..انت شخبارك؟..
حسام : بخير بسماع صوتك..إلا إليلي شو أخبار ابن عمك؟..لساه هون!..
عواشه : ايه عندنا.. ..
حسام : أنا اتصلت بدي اطمن عليكي..لك حبيبي انتي خايف عليكي منو..احزري منو..
عواشه : أحمد!..لا حرام عليك..أحسه حيل حبوب وحتى تفكيره مثل تفكيري.. مثل أخوي..
حسام : أنا بحزرك بس..وانتي عارفه أد ايش أنا حريص عليكي وبخاف عليكي.. بليز حبيبي لما تنامي سكري الباب وإفليه..بس حرص يعني..ولا بدك إزعل!..
عواشه : لا لا بليز..كلش ولا زعلك..انت عارف إني دايما أسمع كلامك وعارفه إنك خايف علي..أوكيه بسوي اللي تقوله..بس لا تزعل..
وتمت عواشه تسولف معاه وريوم اتصلت عليها وكله ويتنق!..تعودت تحاجيه بالتلفون على طول..
بعد يومين..الصبح..عند بيت ريومه..
فطومه بسيارتها تنطر ريومه..
فطومه (تدق على ريوم) : ألو..ريوم..ماصارت..يلا..وي شفيج؟!..​

نهاية البارت الـ16

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[أحلامي يقظه]

سوري بنات ع التاخير
بس غصبن علي
راح اعوضكم ابارت ثاني الحين ^_^
الحين بحاول اكتب البارت اللي وراه ..وان شا ءالله يعجبكم ^_^

 

[lulwa-q8]

اي ناطرينج , بليز لا طولين
آنا من المتابعـــــين قصتج و قصة سلمى والخمس رياييل ومتى بفتك من حزني
ادري ماخليت شي;p;Pp

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ17
شخصيات البارت

بعد يومين..الصبح..عند بيت ريومه..
فطومه بسيارتها تنطر ريومه..
فطومه (تدق على ريوم) : ألو..ريوم..ماصارت..يلا..وي شفيج؟!..

يطلع بو ريم من البيت بروح سيارته..شاف فطومه..راح لها..
بو ريم : صباح الخير..شلونج يبا فاطمه؟
فطومه (للحين التلفون بأذونها وريوم ع الخط) : هلا عمي..صباح النور..تمام..
بوريم : انتي متأكده بتنطرين ريم!..نزلي نزلي يبا أنا عارفها بتزرعج برا..
ريوم (سمعت ابوها) : ايه نزلي نطريني..يلا باي..(سكرت)
فطومه (تسكر التلفون وتنزله) : ايه عمي شكلي بنزل..أنا عارفتها..بتطول :/ ..
راح بو ريم سيارته..فطومه سكرت سيارتها وانزلت..دشت البيت..بدر قاعد بالصاله وجباله لاب توبه..انحرجت فطومه لما شافته..
فطومه (تحاول تكون على طبيعتها عشان ما يحس انها عرفت انه يحبها) : صباح الخير بـ بدر..
بدر (رفع راسه..شافها..قام) : هلا هلا صباح النور..حياج تفضلي..
فطومه (تحط مفتاح سيارتها بجنطتها) : يحييك..(تبلع ريجها)..ههه أختك كله تأخرنا..
بدر (يطالعها بنظرة حنان مثل كل مره..واهي اول مره تلاحظها) : لو قايلتلي جان ازعجتها لما تقعد امبجر..عارف نومها ثقيل..وبعدين تقعد تلبس ساعه جنها عروس..
فطومه (تقعد بقنقه من الصوب الثاني بالصاله..تحاول ما تطالعه عشان ما يحس بتوترها) : ايه فديتها..زقرتيه..
بدر (يروح يقعد جبالها) : طالعه على أخوها
فطومه (تاخذ نفس) : تريقتو؟
بدر (ماشال عينه عنها مثل كل مره يسولف فيها) : ايه تريقنا..الحمدلله..وانتي؟
فطومه (هدت شوي) : انا يايه قبل المحاضره بجم ساعه عشان آخذ ريوم ونروح نتريق..
بدر (يدعي بينه وبين نفسه إنه ريوم تطول) : ليش ما اتيين تتريقين معانا كل يوم ؟
فطومه : لا مو كل يوم..تملون مني جذي..هههه..
بدر (بنظرة حب) : والله ما ينمل منج..
فطومه حست كلامه من قلبه..اسكتت..بدر قام..
بدر : بروح أييب لج عصير برتقال فرش..قالتلي ريوم إنج تحبين تشربينه الصبح.. (فطومه بترد عليه).. لا تقولين مابي..ثواني وأرد..
راح المطبخ..طلعت فطومه من جنطتها منظره وكلينكس وقامت تمسح الرطوبه اللي صارت على ويها بعد التوتر اللي حست فيه..
بدر (يكلم ميري) : في عصير برتقال فرش مال الريوق؟.
ميري : ايه فيه..
بدر : حلو..صبيه بقلاصين ووديهم الصاله..فاطمه هناك..يلا بسرعه..
راح فوق عند ريوم..طق الباب..
ريوم : كاني كاني خلصت (افتحت الباب)..بدر (بويها) : طلبتج..وأول مره أطلبج..فرصه ومابي أضيعها..
ريوم (أول مره تشوف اخوها بهالحاله) : بسم الله..شفيك بدر..شنو شنو..انت تامر أمر..بس هدي..شوي شوي..
بدر : فطوم تحت أبيج تطولين حتى لو خلصتي..بقعد معاها شوي (ريوم تخزه!).. لا تفهميني غلط..أنا فاتحت أبوي بموضوع فطوم وقلتله راح أخطبها..بس ابي موافقتها.. وأبي أنا اللي أسألها..عشان إذا رفضتني بويهي ما يكون لي أمل بعد إني أحاول..
ريوم ساكته وتطالعه..
بدر : ها!..​

نهاية البارت الـ17

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[أحلامي يقظه]

lulwa
هلا حبوبه ^_^..حياج بقصتي ..ويا الله كاهو البارت ههههه
عاد لا تحرمينا من ردودج وتعليقاتج ^_^

ويسلموووو للبنوتات اللي متابعين ^_^

 

[ررروووان]

مشكوره على هل بارت الحلوه
ويعطيج الف الف عافيه

 

[lulwa-q8]

ثااااااااااااانكس على البارت , بس ليش قصير ?
^
^
^
^
Waiting

 

[الصبر له حدود]

واااااي يشووووق البارت نبي بعد شكله وووواااايد يشووق يسلمو يالغالية
ننطرررر الياي باحر من جمر

 

[miss-_-smart]

يسلموو عالبارت حيااتي....ناااطريينج

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ18
شخصيات البارت

بدر : فطوم تحت..أبيج تطولين حتى لو خلصتي..بقعد معاها شوي (ريوم تخزه!).. لا تفهميني غلط..أنا فاتحت أبوي بموضوع فطوم وقلتله راح أخطبها..بس ابي موافقتها.. وأبي أنا اللي أسألها..عشان إذا رفضتني بويهي ما يكون لي أمل بعد إني أحاول..
ريوم ساكته وتطالعه..
بدر : ها!..

ريوم (تبتسم) : الله يوفقك..ويارب ما تردك..بس نص ساعه وأنزل لكم..مابي أخلي فطوم بهالموقف..بس عشانك ..
يبوسها على راسها..تدش غرفتها وتسكر الباب..نزل بدر تحت ودش الصاله.. فطومه قاعده تشرب العصير..
بدر (خذا نفس) : ايه..نور البيت..
فطومه : بوجودكم..شفيها ريوم ما ترد علي؟!..قاعده أدق عليها..
بدر : شكلها عزج الله بالحمام..
فطومه : اها..(تحوس بتلفونها)..
بدر (ياخذ نفس عميق) : فاطمه..
فطومه (حست بربكه لما سمعت اسمها يقوله جذي..تطقطق بتلفونها بسرعه) : هلا..بدر..
بدر : ودي آخذ رايج بموضوع..إذا ما أزعجج يعني..على ما اتيي ريوم ..
فطومه (تطالعه) : ايه عادي..تفضل..(ترد تطقطق بتلفونها)
بدر (يثبت عدل على تعابير ويها) : هذي مسأله مو سهله وأبي رايج بدون مجاملات.. إذا تقدمتلج..توافقين علي ولا ترفضين؟..
رفعت راسها وشافت ويها كله جديه..نزلت راسها وصار ويها أحمر من الحيا..
بدر : والله أدري كل هذا بصير..بس الله يخليج أبي رايج..أبي أعرفه (انترست عيونه دموع من الجديه)..
فطومه (حدها مرتبكه ومستحيه) : مادري..أنا بس..عارفه إنه مو سهل..بس هذا.....
بدر (يهدي الوضع) : فاطمه..أنا أحبج..(انحرجت ولفت ويها)..والله أحبج..(نزلت راسها)..مستعد اواجه الدنيا كلها عشانج بس بموافقه منج..بحطج بعيوني واذا ما كفتج اشيلها واحطها بين ايدينج..(تلعب بأصابعها)..يمكن تقولين ليش ألحين قلتلج..وليش اذا كل هالحب فيني ماسويت مثل الشباب وكلمتج وخليتج تحبيني (تطالعه بحيا جنها تقوله ايه جاوب)..أنا أجاوبج..(خذا نفس عميق)..قلتلج ألحين لإنه مابقى شي على تخرجي ومابي انطر بعد زياده بعيد عنج..(ابتسمت ونزلت راسها)..وثاني شي انا خايف عليج ومابي أي أحد يتحجى عليج بشي..ييت أطق الباب ما انط من الدريشه..لإنه حبي شريف حتى لو كان من طرف واحد..يكفيني إني أحبج..والحياة معاي بالحلال إن شاء الله بتحببج فيني..(سكتو فتره).. ردج إذا سمحتي يا أموره ؟..
فطومه (تشرب عصير..تنزله) : بيتنا موجود..وأهلي موجودين .. (استحت وعضت على شفايفها..خذت تلفونها بسرعه ودقت)..
بدر (وقف..بصوت عالي واهو رافع ايده) : هِيّاااااااااااا..
اخترعت فطومه..تطالعه وتضحك ضحكه خفيفه وحاطه التلفون على أذونها..
ريوم دشت وماسكه تلفونها اللي قاعد يرن..
ريوم : ها شصار؟!..خلصت المهمه يا أخوي الغالي (تبتسم حق فطومه اللي انصدمت من كلامها وسكرت التلفون)..
بدر : الحمدلله خلصتها..ونجحت فيها ..(يطالع فطومه)
ريوم (تلمه) : مبروووووك..ياحظك بهالورده (تغمز حق فطومه)..
فطومه (قامت واهي معصبه على ريوم) : ناطرتج بالسياره..باي..(طلعت وراحت سيارتها)..
ريوم (وخرت عن بدر) : وخر خلني أروح أراضي جنتنا
بدر : ايه ان شاء تصير جنتكم..الله يسهل..ديري بالج على عروستي.. ريوم من صجي لا تضايقينها..
ريوم : حاضر..حاضر..ويه من لقى أحبابه نسى اخته
طلعت..ركبت السياره..سكرت الباب..قبل لا تتكلم..
فطومه (ويها منعفس) : شنو بتقولين..مابي أعذارج..شكو تحطيني بهالموقف!!..و هذا وانتي رفيجتي تسوين فيني جذي!!.. (ريوم تدق على بدر وتنزل التلفون).. تدرين حدي انحرجت (تخزها بعصبيه)..
ريوم (مستانسه) : ايه مو اهو قالي بعرف رايج بنفسه..زين قوليلي شنو حسيتي يا جنتنا
فطومه (تهدا..وتطالع الطريج) : امبيه ريوم فشله..يعني أنا أول مره أكلمه وأنا عارفه إنه يحبني..امبيه موصج هالموقف..واااي مو صج.. انحرجت ما عرفت شقوله.. امبيه ريوم (تطالع ريومه باستغراب).. أحسه يحبني من كل قلبه (بدر يسمع من تلفون ريوم)..
ريوم : مو بس يحبج..يموت فيج..لا تشوفين نظرته كل مره أسولف فيها عنج.. زين انتي يعني وافقتي من الإحراج؟!..
فطومه : ايه عرفت كل هذا من نظراته..بدر قلبه حلو وصافي..لا ريم..مو من الاحراج..بدر ما يطوف ويحبني ..
بدر سكر التلفون..انسدح على فراشه..خذا نفس عميق..غمض عيونه..حس براحه..

عواشه : بس أحمد..مابي..وخر..بروح..والله أصرخ انادي ماما مريم..
احمد : مو بكيفج..صرخي..بس ماراح أوخر..​

نهاية البارت الـ18

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[أحلامي يقظه]

ولكموووو كلكم

وانتو بعد ثااانكس ع المتابعه..حدي أستانس لما تردون..احس احد قاعد يتابع ^_^

امس نزلت بارتين من جذي البارت الثاني قصير

 

[ررروووان]

مشكوووووره
ويعطييج الف الف عافيه

 

[lulwa-q8]

Thanks 3aL Part
Keep Going

 

[الصبر له حدود]

يسلمووووووووووووووووووووووووووووووووووووو يالغالية ناطره البارت الياي :")