فرحه و مرحه و ترحه ^_^

[الصبر له حدود]

وااااااااااااااااااااااااااااااااااااااااااااي انا اللي فدديتج احلى بااارت يلا بانتظار القااادم يالغالية ماتقصرين :")

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ28
شخصيات البارت

احمد يخزه..عواشه تضحك..
دشو البيت..

ماما مريم (قامت..تلمهم) : وين رحتو وين؟!!..شصار لكم؟!!..
عواشه : ما صار شي..تمشيت مع احمد شوي..(تبتسم)..
احمد : عشان ننسيها حسام واهله كلهم..شفيج مريوم تلمينا جنه رادين من السفر (يبوس راسها)..
ريومه : ايه حسامو اللي نساها ريوم وفطيم ..
عواشه (تلمهم) : حبايبي انتو..حدي فقدتكم..سامحوني (تبجي)..
احمد : عايشه شقلنا !..
ماما مريم : ليش تبجين؟!..لا يكون احمد مضايقج بشي؟..
عواشه (واهي لامه فطومه) : لا ما ضايقني ولا شي فديته..بس من اليوم بنصير عجال..وما نأذيج..
ماما مريم : وهذا اللي دق علينا!..اللي يحب امج ومادري شسالفته!..
احمد : خلاص هذا بح..(يطالع عواشه)..اقنعتها تخليه..
عواشه تبتسم..
ماما مريم : ايه والله شلج فيه يمه..عورتي قلبي على هالسالفه..
احمد : اسم الله على قلبج..ويبنالج كيكه افتتاحيه حق باجر..
ماما مريم : وه حلاتكم يمه..شحلاتكم جذي..الله يحفظكم من كل شر..
اقعدو ياكلون الكيكه..ماما مريم واحمد يسولفون..عواشه وريومه وفطومه يسولفون..
عواشه : ريوم شفيج..احس فيج شي؟!..
ريومه (تبتسم) : وي شفيني!..مافيني الا العافيه..
عواشه : ماراح تخشين علي..فاهمه نظراتج..
فطومه : عويش..الله يبارك فيج..
عواشه : على شنو؟!..امبيه احس جني طلعت من بير كنت غرقانه فيه..
ريومه : باجر ملجة بدر وفطيم..فديتهم
عواشه : حلفووو..امبيه وناسه..(تلم فطومه)..مبروك الف الف مبروك..
ماما مريم : عقبال احمد وعواشه..(تبتسم لهم)..
عواشه (استحت) : مريوم للحين ما شلتي هالفكره من راسج..فطيم..ريوم امشو غرفتي..
فطومه : وي وي استحت..هههههه..
ريومه : ايه شوفيها..اول مره تستحي..
عواشه :عن الملاقه انتي وياها..شنو يعني ما استحي انا!..
احمد : تقريبا (يبتسم)..
عواشه (انحرجت لما تذكرت اللي صار مع حسام) : احمدو لا تفكر ابد..ها..
احمد (يبتسم) : ما افكر بشنو ابد! ..
عواشه (صار ويها احمر) : خلاص فطيم..ريوم ما تبون اتييون انا بروح بروحي فوق..
كلهم يضحكون عليها..
عواشه (تخزهم) : وين حسام فديته..
احمد (يطقها بالكوشيه) : سكتي احسن لج لا تييبين طاريه..يلا فوق يا مرا..
عواشه (ترد الكوشيه عليه) : ما اخاف منك يا البطه..
احمد (قام..شال كوشيتين) : والله ما تخافين مني؟!..بطه ها!..
عواشه (تنخش ورا القنفه اللي قاعدين عليها ريوم وفطوم) : ايه بطه..يلا لو فيك خير قط علي و حوش فطيم..عشان اييلك بدر طيران يذبحك..
فطومه : عاد ما نرضى على عواشه..لوسمحت احمد بدون طق يعني (تمسك كوشيه وتقطها عليه)..
قامو يتحاذفون بالكوشيات..
ماما مريم : ياايمه..يايمه شوي شوي لا تعورون بعض..
عواشه (من ورا القنفه يمها ريوم وفطوم) : ماما مريم قوليله يكف شره عنا..
احمد (من ورا قنفة ماما مريم اللي جبال قنفتهم) : لما تفرقين بين المعضل الحلو والبطه الجيكر ذيج الساع افك اسرج..
ريوم تساسر فطوم وعواش..
ماما مريم (تقوم) : يلا يمه امشو تعشو..اخلي كوماري اتييبه فوق..
ماما مريم راحت الاصنسير ووراها احمد والبنات..دشو ماما مريم واحمد..
عواشه : خلاص روحو احنا بنصعد بالدري..شكله ما يكفي..
احمد (رفع حاجب) : اها..شالادب اللي نزل عليج..
ركضو بالدري..عواشه راحت غرفتها وردت بشي بإيدها..
فتح الاصنسير..ماما مريم نزلت..كوماري تكلمها..
عواشه (قطت اللي بإيدها بالاصنسير) : امبيه احمد..شنو هذا!..(تأشر على اللي قطته)..
احمد ماشافها واهي تقطه..دش يشوفه..سكرو الاصنسير عليه ووقفوه..
ريوم : هههههه..شنو اللي يبتيه؟..
عواشه : تعرفين الجيس الصغير المربع اللي تضغطينه ولا تدوسين عليه ينتفخ وينبط...اكيد احمدوه بدوس عليه هههههه..
فطوم : واحد..اثنين..ثلاث..(صوت الجيس واهو ينبط)..
افتحوه..
احمد حاط ايده الثنتين على خصره ورافع حاجب..يطالعهم..
فطوم : صادوووه..
عواشه : ههههه..ها خفت يا البطه؟..
ريوم : ايه معضل ع الفاضي..
احمد ما رد عليهم..مشى عنهم..راح غرفته..
ريوم : امبيه شفيه..شكله خاف من صج..
فطوم : وين ماما مريم..
عواشه : بغرفتها..
فطومه : امشو امشو لا يسوي فينا جريمه..
ريوم : ايه باجر ملجتج..مو وقته..يلا نحشه نحشه بنات..
واهما رايحين غرفة ماما مريم..طلع احمد من غرفته ومعاه كنبل..وقف جدامهم.. ابتسم..فرش الكنبل جدامهم ع الارض..
احمد (بنص ابتسامه) : هذا كنبل سحري يخلي الناس سندويجات..(قعد عليه)..حياكم بسطو معاي..جربو..
ريوم : ما نبي نجرب..مشكور..
فطوم : يعني الحين انت بتصير سندويجه..نايس..يلا خنشوف..
احمد (يطالع عواشه) : ها منو الخواف الحين..ترا بس كنبل ليش خايفين!..
عواشه : مو خايفين..(تطالع ريوم وفطوم)..يلا بنات :/..
اقعدو ع الكنبل..قام احمد بسرعه..دزهم بالكنبل..لفه عليهم..انفقصو فيه مو قادرين يتحركون..
عواشه (بصراخ) : آااااي..
فطومه : تلفوني قاعد يرن..شيل الكنبل..آاااي..
ريوم : ماما مريم النجدددده..
ماما مريم (طلعت) : هَوْ هَوْ..احمدوووه..شمسوي فيهم..
احمد : لحظه مريوووم..يلا قولو انا بطه ولا معضل حلو؟
عواشه : بطه بطه..
فطومه : آاااي..معضل والله معضل..
ريوم : تكفون قولو معضل تكسرت..
عواشه : خلاااص معضل بس فجناااا..
شال الكنبل عنهم..
ماما مريم : احمدوووه الله يغربل بليسك..خلاص البنات ما سوولك شي..
احمد : كلش ما سوو شي..بريئيين حدهم..المهم اعترفولي اني معضل..(يرفع ايده ويطلع عضلاته)..
عواشه : كانت لحظات ضعف..
احمد : عويش ترا بعلقج من خشمج المره اليايه..يوزي عني..
عواشه : لا أتوب خلاص.. شفتني مسكينه تتوحد فيني بالبيت..
احمد رن تلفونه..رد عليه وراح غرفته..
فطومه (تعدل ملابسها) : يلا انا بروح بيتنا وراي باجر لويه..يلا ريوم..
ريوم (تعدل شعرها) : يا إلهي..يا له من يوم متعب..هيا بنا..
عواشه (تطالع ريوم) : طاع متأثره بقصصها..هاري بوتر..
ماما مريم : وه ما تعيشتو يمه..
ريومه : ماما مريم انا تعشيت الحمدلله..
فطومه : انا مسويه ريجيم حق باجر..
عواشه : الا من الخرعه ولا تحاتين باجر..
ماما مريم : ان شا ءالله مافي شي..انتي اقري المعوذات وريحي.. ولا تنسين باجر اتيينا..مو بدوروه يقص عليج وياخذج منا..خل يصبر عاد..
فطومه (استحت) : ايه ان شاء الله..يلا مع السلامه..
طلعو بيوتهم..

يوم العزيمه..العصر..
ريومه تمشي ع البحر عند ماك..
ريومه (تطالع البحر..عيونها متروسه دموع) : اكيد ألحين سافر..(تطالع السما..نزلت دمعه)..
ياه صوت من وراها : أنا قلت أكيد راح ألقاج هني..
نهاية البارت الـ28

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[أحلامي يقظه]

فديت متابعتكم الحلوه ..
واخر بارت راح يكون 30 ان شاء الله..

 

[miss-_-smart]

يسلموو حبيبتي نااااطرينج....لا تطوليين

 

[الصبر له حدود]

واااااااااااااااااااااااااااااااااااااااااااااااااااي يسلموووووووووووووووووووووووووووووو ع البارت يالغاليه ننطر باحر من جمر يالغالية :")

 

[lulwa-q8]

يسلموو قلبي
waitting

 

[Susan Delfino]

احس علي ما عنده قلب

مو حاس بالبنت الي تحبه

 

[Susan Delfino]

ناطرييييين البااارت 29 لا تأخرينا

:*

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ29
شخصيات البارت

يوم العزيمه..العصر..
ريومه تمشي ع البحر عند ماك..
ريومه (تطالع البحر..عيونها متروسه دموع) : اكيد ألحين سافر..(تطالع السما..نزلت دمعه)..
ياه صوت من وراها : وأنا قلت أكيد راح ألقاج هني..

ريومه (امسحت الدمعه..لفت ويها ع الصوت) : علي!..
علي : .. فرصة الدراسه يمكن اتييه اكثر من مره بحياتنا..بس فرصة اني ألقى احد يفهمني ويحبني ما اتييه الا مره وحده (يبتسم)..
ريومه تطالعه..نزلت دموعها..مبتسمه..
علي (يمسح دموعها) : آخر مره أشوف هالدموع وانتي معاي..
ريومه (ماسكه البجيه) : أبي ألـ...
علي (قاطعها) : أدري..حاس فيج..(مسك ايدها..سحبها صوبه..لمها حيل)..
بدر (بالسياره..يتكلم بالتلفون) : يبارك فيك..تسلملي..(يوصل بيت فطومه)..
يطق الباب..تفتحله ام فطومه..
ام فطومه (دموع الفرح بعيونها) : كلووولوووشي..ألف ألف مبرووك..الله يهنيكم يارب..
بدر (يبوس راسها) : الله يبارك فيج عمتي..
ام فطومه : حياك يمه حياك..تبي تصعد حق فاطمه ولا تنطرها هني؟..
بدر : لا خليها على راحتها..انا انطرها هني..
قعد بالصاله..ام فطومه راحت فوق..
نزلت فطومه..دشت الصاله..
بدر (قام باس راسها) : هلا بحياتي..هلا بروحي..هلا بعمر بدر وقلبه..
فطومه (تبتسم بحيا) : هلا فيك بدر..
بدر : ما اقدر أعبر غير إني...(لمها حيل)..

ابيت ماما مريم..
احمد وماما مريم قاعدين بصالة الاستقبال..
يتكلمون شوي شوي..
احمد : ايه يا الغاليه..قلت لهم اييون اليوم..
ماما مريم : يا شوقي لهم..
عواشه انزلت..تشوفهم..
عواشه : انتو شفيكم كلما لقيتكم كله منخشين وتتساسرون..
ماما مريم تضحك..
احمد : كيفي انا وحبيبتي مريوم..انتي شتبين..
عواشه (تقعد يم ماما مريم..تلمها) : هذي حبيبتي قبل لا تصير حبيبتك.. وبعدين ابي اعرف شسالفتكم..مو من عوايدكم تخشون عني شي..
احمد : والله لقافه..محنا قايلين..ويا الحساد بسكم عاااد..(يطلع لسانه عليها )..
عواشه تكمش شعره..
ماما مريم (توخر ايد عواشه عن شعر احمد) : إلا قوليلي يمه بدر وفاطمه ملجو؟..
عواشه : ايه مريومه..وبدر على طول راح لها وخل الرياييل..مافيه صبر..
ماما مريم : دامه بالحلال خليه يسوي اللي يبي..الله يهنيهم ويوفقهم..
احمد وعواشه : امين..
احمد : تصدقون عاد..من كثر ما تسولفون عن حب بدر وسوالفه..ودي اشوفه.. وايد عجبني هالريال..
عواشه :ويه عاد انت وينك وينه..خلك على حسون وربعه..
ماما مريم : يا حلات بدر عاد خوش وليد..يستاهل كل خير..
احمد : عويش ترا بزوجج بو حسون متزوج ثلاث وانتي الرابعه..فأحسن لج يوزي عني..ايه ماما مريم والله ودي اشوفه مبين خوش واحد..
عواشه : طاع هذا..ومن قال انك تزوجني على كيفك..بعدين انا صغيره ع الزواج..
احمد : انتي قاصر وانا ولي امرج..فطوم مو احسن منج يا بنيتي خلاص اليوم ازوجج هالشايب..
عواشه : انت القاصر..اقول ترا ابوي نص موجود فمالك شغل فيني..وفطومه صراحه زين سوت لما وافقت على بدر..لانها واثقه انه يحبها وراح ترتاح معاه..اما انا ما كان عندي غير حسامو وطلع شسمه هذا..(تطالع ماما مريم)..
ماما مريم : شفيه حسام!..شعلي سالفته بالزواج؟!!..
احمد (يحاول يرقع) : حسامو مينون كان مفكر ياخذ عويش..ايه مريوم متى وقت العزيمه؟
ماما مريم : ليش يمه..وين بتروح؟..
احمد : بروح الصالون أحلق..
ماما مريم : ايه ع المغرب..لا تتاخر يمه..ابي يتعرفون عليك..زين يمه..
احمد (يقوم..يطق راس عواشه) : ان شاء الله يا الغاليه..تبون اييب معاي شي؟..
عواشه : آاي يا الحول..ايه ييب حسون معاك بخليه يحبني عشان اتزوج ابوه ..
ماما مريم : لا يمه سلامتك..عواشه طلبت بوفيه وكوماري بتجهز كلشي..
احمد : عويش شيلي حسون من راسج ترا عنده حبيبته البريطانيه..شيبي فيج..اوكيه مريوم..
عواشه : وانت لا يكون عبالك ميته عليه..انا ما اخذ الا ولد السلطان ..
رن تلفون احمد..
احمد (يشوفه) : يلا جاو..(طلع..يرد ع التلفون)..
عواشه : جاوين..اليوم كله اسرار..مريوم قوليلي شعندكم؟..
ماما مريم : راح تشوفين بنفسج (تبتسم)..يلا يمه قومي تزهبي ابيج معاي لما اييون..
عواشه راحت غرفتها..

المغرب..
عواشه تشوف شكلها بالمنظره..يطقون باب غرفتها..
عواشه : دشو ريوم..فطيم..
ريوم وفطوم يدشون..
عواشه (لمت فطومه) : مبروك حياتي انتي..(تبوسها)..الله يهنيكم يارب..
فطومه : يبارك فيج يا قلبي انتي..عقبالكم..
ريومه : عويش عاد لميني انا بعد وباركيلي..مو بس اهي..
عواشه : لا فطيم انا تو الناس..مابي ألحين..واااي صايره شحلاتج..
فطومه : ريوم.. على شنو تباركلج؟..
عواشه (تلم ريومه) : مبروك..بس على شنو؟!..
ريوم : يبارك فيج..حبيبي علي أجل سفرته عشاني..وقالي ما يبي يضيع فرصة احد يحبه..
عواشه : اهو بسافر؟!..
فطومه : أشوفج امس مو على بعضج..
ريومه : ايه اليوم العصر لازم يسافر..ايه عشان جذي كنت مضايقه..لانه قالي بعد ما اعترفتله اني احبه انه بسافر حتى لو كنت احبه..وقالي لا تضيعين عمرج على اوهام..
عواشه : وبالاخير ردلج.. شكله عاقل لانه ما طوفج..
ريومه : ايه..حدي ما صدقت لما شفته جدامي..جنه حلم..
فطومه : يعني ألحين بسافر مره ثانيه..صح؟..
ريومه : ايه بس بعد ما يخطبني رسمي..علي تغير حيل..ويمكن اسافر معاه..
عواشه : هيييي انتو بتخلوني بروحي ..والله عارفه..خو انتو لازم حب ولا ما تعيشون..
فطومه : انا مثل علي ما طوفت اللي يحبني..لانه بهالزمن ما تلقين اللي يحبج من صج..وان شاء الله بكمل دراستي وبعيش حياتي عادي بس مع حبيبي (تبتسم)..
ريومه : صج انه احنا صغار..بس قلوبنا كبيره..هالزمن عيشنا اكبر من اعمارنا.. لازم نتلاحقه قبل لا نضيع فيه..
عواشه :صح كلامكم..تعبنا..وصعب نلقى اللي يبينا بدون مصلحه..والفرص بهالزمن ما تتعوض..لإنها شويه فيه..انا مفكره اكمل دراستي وبعدين اكمل برا..عندي طموح وايد..
فطومه (تمسك ايد عواشه) : وكل هالطموحات راح نكون معاج عشان نشوفها..راح نظل مع بعض ان شاء الله..صداقتنا نادره الحين..فمستحيل وحده منا تفرط فيها..والله احبكم..
عواشه (تبوس فطومه) : واحنا نحبج..حبيبتي انتي..ايه راح نظل مع بعض..و حتى لو ابتعدنا عن بعض شوي..راح نشتاق ونرد (تبتسم)..
ريومه : حدي احبكم..عسى الله لا يفرقنا..فديتكم..(تلمهم)..
يطقون باب عواشه..
عواشه : منوو؟..
كوماري : ماما يقول متى ينزل؟..
عواشه : يلا ألحين نازلين..
فطومه : ايه انا يايه مع بدر..قاعد تحت..
نزلو...​

نهاية البارت الـ29

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​

 

[miss-_-smart]

يسلموو حبيبتي ناططرينج

 

[shoOshii]

yslmoo 7ubii
waiting

 

[الصبر له حدود]

وااااااااااااااااااااااااااااااااااااااااااااااااااااااااااااااااااااااااااااااااااااااااااااااو البارت ايننن فدددديتج ننطر اخر بارت يالغالية :")

 

[sweet.sanfoora]

وييييييييييييتنغ

 

[miss 3yara]

وينج

 

[ررروووان]

مشكوره
حبيبتي وناطرينج

 

[الصبر له حدود]

يالغالية واااااااااايد طولتي نبي نعرف شيصير اخر البارت
ويعطيج العافيه يارب :")

 

[sweet.sanfoora]

وييييييييتنغ

 

[miss 3yara]

ناطرينج

 

[shoOshii]

waiting 7bebty la t3lgena 3la a5r part

 

[أحلامي يقظه]

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).
فرحه و مرحه و ترحه
البارت الـ30-الاول
شخصيات البارت

نزلو...

ماما مريم وبدر قاعدين يسولفون..
عواشه : ع البركه بدر..مبروك عليك حبيبتنا فطومه..
بدر : الله يبارك فيج عويش..عقبالج..
عواشه : اي اي..بعد ترا عندنا شروط مؤجله.. اذا نبي فطيم ما تقول لأ وتخليها معانا.. لما بنشوفها كيفنا بأي وقت..بعد شنو امممم..بعد شنو نبي ريوم؟..
بدر : ايه حماتي بعد شنو تبين!..حتى عمتي ما تشرطت جذي!..
ريومه : لا فديته اخوي ماراح ياخذها منا..
فطومه تضحك..
بدر : انتو شتبون!..انا ما صدقت تزوجتها!..بعد ما آخذها منكم!..مو بس آخذها منكم.. راح آخذها من العالم كله..تعالي فطومتي مالتي..(يمد ايه حق فطومه..تمسكها..تقعد يمه)
ماما مريم : يوزو عن الريال..خلوه يشبع منها..
بدر (يهمس حق فطومه) : ماراح اشبع منها ابد..
احمد دش الصاله..
ريومه وعواشه قعدو يم ماما مريم..
احمد : السلام عليكم..
كلهم : وعليكم السلام..
احمد (يسلم على بدر) : ع البركه الغالي..
بدر : الله يبارك فيك..
احمد (يشوف فطومه) : ع البركه اخت فاطمه..
فطومه : ههههه..يبارك فيك اخ احمد..
احمد (يقعد بالصوب الثاني يم ماما مريم) : عاد ما خذيت الا هالشريه..يمه منها ام لسان..
بدر : ها!..ها!..اخ احمد ممنوع تتحرش ابممتلكاتي..هناك بنت عمك..
احمد : لا اليوم معطيها اجازه..ولا ما يصير يمر يوم بدون لا اطفرها..
عواشه : احمد اها اها..ايه بدر هذا ولد عمي سعد..كان برا عايش ويالنا قبل اسبوعين..
بدر : ايه قالتلي ماما مريم كلشي..قرة عينكم..نورت الكويت برجعتك احمد..
عواشه : بويه نبيك..
ماما مريم : بويه نبيك..ايه والله رد روحي..
احمد : النور نوركم يا الغالي..حبيبتي مريوم انتي..(يبوس راسها)..
يطقون الباب..كوماري تفتح..يدش حمودي وبعده فهودي وام فطومه وبو فطومه..
ماما مريم : هلا هلا..هلا بالغاليين..حياكم تفضلو..
بوفطومه : هلا فيج..السلام عليكم..
كلهم : وعليكم السلام..
ام فطومه : ويه من زمان عن هالقعده الحلوه..
ماما مريم : وانتو تحلون القعده يمه..(تسلم عليهم..تعرفهم على احمد)..
فهودي راح عند فطومه..
فهودي : فتوم هذا الحين كل يوم ينام عندنا..(يأشر على بدر)..
فطومه (تضحك) : اول شي هذا اسمه بدر..لا بعدين اروح بعيد عنكم إنام بروحنا..
بدر (يلعب بشعر فهودي) : ايه إنام بروحنا..(يطالع فطومه بنظره بنص ابتسامه)..
فطومه (صار ويها احمر) : مابي مابي ..
بدر (يقرب يمها) : اوخ..فطيم شناويه علي قاعده تتدلعين!..ترا حده مو زين..اسوي جريمه هني..شنو ما تبين..آمري انتي بس..
فطومه (تضحك) : يمه بدوري مجرم..مابي الا سلامتك..
احمد (بصوت عالي) : انت عبالك بخليك يا الصغنطوط...
حمودي (ينحاش عند امه) : انته سحنطوط..انا احب عواشه ما احبك يا البطه..
احمد : عبالك بتحتمي بأمك..لا ترا الامهات ما ينفعونك هالايام..تعال تعال..
ام فطومه (تمسك حمودي) : وي ليش ما ينفعون!..
احمد (وقف.,سكت..يطالعها..تذكر امه) : لا آسف خاله..كلمة طلعت عفويه..(يعدل دشداشته)..
عواشه (حست انه مرتبك) : بس ماما مريم تسوى الدنيا ومافيها صح احمدوه؟..
احمد : ايه صح..فديتها..(يقعد يم ماما مريم..يطالع الارض)..
صار الجو هدوء..
ام فطومه : امك ما كلمتك من ييت هني؟..
احمد (انترست عيونه دموع) : لا خاله..اكيد مشغوله وما لاحظت اني مو موجود..
بو فطومه : يبا إحمد ربك..شوف شوف..(يأشر على بدر)..كاهو هالحلو ملج وامه تدري وموجوده بالكويت ولا كلمته ولا باركتله..شرايك؟..
بدر نزل راسه..
احمد (يطالع بدر) : كفايه كلنا باركناله..صح بدير..(يغمزله)..
بدر يضحك..
ريومه : ايه بعد شيبي..اللي يبيها وكاهي يمه..ولا انا وفطيم ما نكفي؟..
بدر (يبوس راس فطومه) : تكفون ونص..
عواشه : ترا القعده انقلبت كآبه.. :/
ماما مريم (تلم احمد) : وانا مو كافيه لك يا حبيبي انته؟..
احمد : والله ماليه حياتي ومحسستني بكلشي حلو..احبج مريوم..
عواشه (تلم ماما مريم) : حتى انا احبج اكثر منه..
بوفطومه : ها ها لا تشيشون اللي هناك..(يأشر على بدر وفطومه)..
يضحكون..
يطقون جرس الباب..تفتح كوماري..يدش بوريومه..
بوريومه : السلام عليكم..
كلهم : وعليكم السلام..
بو فطومه : هلا هلا بالغالي هلا..هلا بأبو المعرس هلا..
بو ريومه : هلا فيك..هلا بأبو العروس هلا..ههههه
ريومه : دادي ترا يومين صارلك بس تدلع ابدير وانا ناسيني ..
بو ريومه : شلون انسى بنتي حبيبتي اللي ما عندي بهالكون غيرها..خلاص بدر عنده اللي يدلعه الحين..
ماما مريم (يسلم عليها بو ريومه) : هلا فيك يمه..زين ييت..هذا احمد ولد سعد..(تبتسم)
بو ريومه (يسلم على احمد) : هلا والله بولد الغالي..ماشاء الله تشبه ابوك وايد..
احمد : هلا فيك عمي..صج!..انت شفت ابوي؟!..
بو ريومه (قعد يم احمد) : ومنو ما يعرف ابوك..كان خوش ريال الله يرحمه..معروف بالمنطقه..ترا كلنا موجودين بالمنطقه من زمان ايام يدك الله يرحمه..
ماما مريم مبتسمه وتسمع سوالف بو ريومه حق احمد..
عواشه تتحرش بفهودي وحمودي..
بو فطومه يسولف بالتلفون..
ريومه تسولف مع ام فطومه..
فطومه توري بدر صور بتلفونها واهو يطالعها ومخلي الصور..
دشو خدمة البوفيه بالعصير والجاي والحلو..
طقو الباب..
عواشه (تطالع احمد) : مو قلت حسين ماراح ايي؟!..
احمد ساكت ويبتسم لها..
افتحت كوماري الباب..دش سعود ماسك ايد هدى اللي حامل..
اوقفت عواشه اول ما شافتهم..تتلفت بين ماما مريم واحمد وابوها وهدى..
سعود (وقف عند الباب يطالعهم) : السلام عليكم..
كلهم الا عواشه : وعليكم السلام..
عواشه للحين واقفه تطالع ابوها وهدى..
ماما مريم : حياك يمه..البيت بيتك..
سعود (انترست عيونه دموع) : البيت بيتـ....! (ركض ونزل عند ريل ماما مريم يبوسها)..سامحيني يا يمه سامحيني..(يبجي)..
كلهم يطالعونه مستغربين..عواشه تطالعه باشمئزاز..
ماما مريم (تحاول توخره عن ريلها) : ايه يمه بيتك..وشلون ما اسامحك يا يمه!..
سعود (يشهق من البجي) : يمه تكفين سامحيني..تكفين..أنا عاق يا يمه عاق..ما تدرين شنو صارلي من بعدج..كل هذا عقاب من الله..(يبجي حيل)..رهنت بيتي والحين صار ملك لغيري..واول ولد لي ابطن زوجتي طلع مشوه ومن غير اطراف..(ريومه وفطومه اشهقو..عواشه ضحكت بشماته)..شفته يا يمه واول ما طرا على بالي يوم ريلي مكسوره وانتي تهمزينها..
ماما مريم (نزلت دموعها..ترفع راس سعود) : اذا ما شالك البيت تشيلك عيوني يا يمه.. عمري ما دعيت عليك ولا فكرت ادعي عليك..بس يا يمه ولهت عليك..
يلمها سعود حيل..يبجون..هدى تطالعهم بهدوء..
بو ريومه (يقوم..يحط ايده على ظهر سعود) : قول الحمدلله..
سعود (واهو لام ماما مريم ويبجي) : الحمدلله..الحمدلله..
بو فطومه : هم قول الحمدلله على اللي صار لك عشان تعقل وترد حق حضن امك وتبرها..
احمد (يطالع هدى) : تفضلي..(يقوم..يأشر على مكانه..راحتله هدى)..
عواشه تخز احمد بعصبيه..طلعت من الصاله..لحقها احمد..
عواشه (عند البوفيه) : اكرههم..اكرههم..(ماسكه المفرش مال الطاوله بعصبيه)..
احمد (يوقف يمها) : ما اعجبج هالموقف؟!!..(يحاول يبتسم)..
عواشه (تخزه) : انت..انت اللي خليتهم اييون!!..(تقرب يم ويها بعصبيه)..
احمد : تحبين ماما مريم؟..
عواشه (بصراخ) : شكو الحين أحبها ولا لا!!..شفيك انت!!..
احمد (بكل هدوء) : اووش..لا تصارخين..تعالي قعدي..(قعد على كرسي)..
عواشه : مابي اقعد..
احمد (بلهجة تهديد) : تعالي قعدي..
عواشه قعدت..توها بتتكلم..حط ايده على حلجها..
احمد : منو اكثر ناس بعايلتج تحبينهم وتثقين فيهم؟..انا وماما مريم صح..(عواشه تطالعه)..عايشه شفتي دمعة ماما مريم شفتي شلون لمت ولدها!..تدرين انا وياج انانيين ما فكرنا فيها بس فكرنا براحتنا معاها..عواشه احنا وايد خذينا من ماما مريم من حنانها بس ما عطيناها الا وجودنا حوالينها يمكن..حتى ربنا رأف بحالها وعاقب ولدها عشان يردلها..
عواشه (امسكت ايده..نزلتها..تطالع الارض) : صح..ما فكرت الا بنفسي وإني مابي وجودهم حتى لو عشان ماما مريم..(ترفع راسها..تطالع احمد..انترست عيونها دموع).. بس قولي..قولي احمد شلون اسامحه شلون واهو حط بمكان امي وحده ثانيه!!..تقدر تسامح امك؟!..
احمد (مسك ايدها حيل..حس انها تحس بشعوره) : ليش ما اسامحها!..اهي حملت فيني وربتني..وأكثر من هذا إنها تحب ابوي هالحب انتقل لي وحسيت إني احبه حيل مع اني ما عشت معاه وايد..لو امي فكرت انها ترد وتتغير للاحسن..مستعد اعيش معاها..
عواشه (حست بحنان اخوي منه) : اهو فضلها علي..هذي سوسه خذت قلبه عشان مصلحتها..
احمد : شدراج انها جذي!..انتي عطيتيها فرصه؟.
ما عرفت شترد عليه..تطالعه..
دش ابوها ومعاه هدى..​

نهاية البارت الاخير الـ30-الاول

والله العظيم ما أحلل أي شخص ينقل هالقصه والجزء من غير ما يذكر معاه نكي
(أحلامي يقظه).​