على الساعه 11.00 الديجي : لو سمحتوا المعرس بيدش ألحين المتحجبه تلبس حجابها و المو متحجبه تتغطى
بدت زفت المعرس سعود دش باللبس التقليدي والريايل وراه محمد كان يمه واقف كان محمد شكله فضيع بدشداشه والغتره كان مسويله قفل خفيف مخلي شكله زوغه كان وهو يمشي مع سعود يدور بين المعازيم غرام وهو يطالع سعود كان متوتر ويبي أحد يهديه و محمد كان حدا مشغول يدور غرام
سعود : حمود أنا حدي متوتر
محمد وهو مشغول: يا بابا بس خلاص وصلنا لا تتوتر هدي هدي مو إمتحان أهو
سعود: أوكي بس مو تدوس على البشت وتوهقني
محمد: لا تخاف أنت بس أمش
سعود: متى تتزوج وتكون بمكاني عشان تحس بالتوتر اللي أنا حاس فيه
محمد وهو لقى غرام : إنشالله الله يسمع منك بس تأكد أنا ما راح أتوتر راح أكون مستانس
سعود : بنشوف
وصل سعود لعروسه وباسها على راسها وقعد وياها محمد قرب من عمته أم سعود وباس راسها وبارك لها و وقف يم أمه وأبوه
محمد يساسر أمه: هاا شفتيها ؟
أم محمد: إي شفتها
محمد : هاا شلونها
أم محمد تطفر ولدها : مو حلوه تلوع الجبد ما راح أكلم أبوك
محمد طاح قلبه بطنه من الخبر : شنوو لا يمه تكفين . أوكي أنا بطلع
أم محمد تمسك ولدها من زدنه: تعال وين رايح أتغشمر وياك والله أنها قمر عرفت تختار
محمد وهو حاط إيده على صدره: تدرين يمه طيحتي قلبي في بطني
أم محمد تدز ولدها: يلا روح مع الشباب ارقص حق ولد عمتك يستاهل سعود
محمد: أفا عليج بس أرقص أنا عشان هالخبر راح أفصل لا وإذا تبيني أصير رقاصه أصير
محمد راح مع الشباب وقام يرقص على أغنية دقني وبعدين حطولهم هبان و هالسوالف وما طلعوا إلا بعد ما مرت ساعه و نص ، محمد و شباب العايله ما طلعوا والمعازيم راحوا يتعشون
محمد شاف غرام واقفه بروحها تطالع المعايس كانت غرام تتمنى تكون إهي و مشاري بمكان سعود وأسيل بس القدر اعترض طريجهم مع بعض ، محمد قام ضبط شكله وعدل نسفة غترته وراح لها
محمد وهو مغير صوته: قوه يا حلوه
غرام كانت لافه ويها: شالوقاحه اللي عليك
محمد رافع حاجبه: أفاا
غرام: محمد هذا أنت
محمد:عيل منو غيري
غرام: عبالي واحد من الشباب اللي دشوا مع المعرس
محمد: أهاااااااا
غرام رافعه عاجبها بطريقه حلوه : شيايبك هني لا تقولي لاحقني
محمد: لا الصراحه حدج واثقه ولا نسيتي أن سعود ولد عمتي
غرام إنحرجت: إي صح
محمد كان موصي مصوره تاخذ له صور مع غرام بس من غير ما تحس غرام ..المصوره كانت واقفه شوي بعيد عنهم وبدت تاخذ لقطات لهم مع بعض
أول لقطه كانت محمد يكلم غرام وهي معطته ظهرها ,,
،،اللقطه الثانيه حاط إيده بيدها جنه يترجها ...
اللقطه الثالثه لفت ويها عليه و ابتسمت له ،،،
،، اللقطه الرابعه رد لها الإبتسامه
,,,ولقطه ورا لقطه لين خذت المصوره صور حق ألبوم كامل
غرام تذكرت المسج اللي دز لها محمد: تعال شنو المفاجأه
محمد وهو يستعبط : أي مفاجأه شكلج غلطانه
غرام : محمد تكلم جد
محمد: شكلج غلطانه مو أنا
غرام وهي مو مهتمه: أوكي عادي لا تقول يلا باي
محمد يشدها من إيدها: خلاص تعالي ألحين أقولج
غرام: يلا قوول ؟؟
محمد طالع غرام بنظره جاده : غرام أنا أبيج
غرام طالعته بنظره لانها ما فهمت شيبي وما ردت عليه :.......
محمد بنفس النظره الجاده اللي مساع : شفيج غرام أنا أبيج ...
أبيج تكونين زوجتي ،،
حلالي حق مقي ،،
ملكي هاا شقلتي ؟؟
غرام بققت عيونها عليه ماكنت متوقعه أنه بيقول جذي
محمد: غرام ردي علي شفيج
غرام ما ردت لانها للحين بصدمة من كلام محمد :..........
إهني قربت منهم جوري وبدينها صحن أكل حق غرام : غروم هاج أكلي عشان نمشي
محمد إلتفت على جوري: أنتي أختها
جوري: لا مرت أخوها
محمد: أمانه يا مرت أخوها قوليلها توافق أنا أحبها وأبي أخطبها وإهي ما ردت علي
جوري حست أن محمد يحب غرام صج : اسمع إذا كلامك صج وأنت تحبها هذا رقم أخوها كلمه وإنشالله ما راح يصير إلا الخير
محمد إرتاح لما أخذ رقم بشار من جوري *****99
محمد وهو يسجل الرقم بفونه : مشكوره يا مرت أخوها
جوري وهي تضحك : العفو يا نسيبنا
غرام للحين مو مصدقه اللي اسمعته من محمد ما توقعته بيكون جاد بطلبه منه ولا من حركاته
جوري: يا حليله يونس
غرام ما ردت عليها:.......
جوري لاحظت أن غرام للحين منصدمه من محمد قامت و طقتها على جتفها : يا هووووووووو أنا أكلم منو
غرام: محمد كان هني صح
جوري: محمد الشاب المملوح أبو القفل
غرام: إي
جوري: إي وتوه راح
غرام: يعني أنا ما كنت أحلم
جوري: ما كنتي تحلمين
غرام: وإنتي عطيتيه رقم بشار
جوري: وأنا عطيته رقم بشار
غرام تشيل جنطتها: يلا أمشي خنطلع قبل لا إيي محمد
جوري: هووو ليش؟؟
غرام:أنت إمشي وخلاص
طلعوا من الفندق وكان محمد قاعد مع الشباب بره كان قاط غترته على جتفه وحاط العقال على راسه لما شاف غرام و جوري طلعوا راح ركب سيارته الشالجر اليديد لونه أسود ولحقهم من شارع الخليج وهو مسايرهم
كل ما وقفوا عند إشاره قام يسوي حق غرام حركات عشان يكلمها ولا يسمع صوتها بس غرام كانت كاشته ولا تلتفت عليه
قام وطرش لها مسج
لديك رساله : 1
غرام ما كانت تقدرتبطلها خلت جوري تقراها : غرام بطلي دريشتج
جوري: غرام حرام عليج كلميه والله شكله يكسر الخاطر
غرام: لا والله وبالشارع عشان الناس يشقولون عني
جوري: غرام
غرام: سوري لاء
محمد حاول فيها بس ماكو فايده لين وصلوا لي لفت بيتهم جوري : غرام كلميه ترى قربنا من بيتنا ولو شافه بشار جذيه ورانا رحنا فيها منه
غرام خففت سيارتها و نزلت الدريشه : أوكي
محمد قرب من سيارتهم بسيارته وقعد يكلم جوري: يا مرت أخوها قوليلها أني أحبها
جوري: ترى يحبج
غرام وهي متوتره و بصوت خفيف: يعني مو قاعده أسمعه
محمد : يا مرت أخوها متى زوجج يكون بالبيت عشان أقدر أخطبها منه
جوري: كيفك أنت دق عليه وشوف متى يعطيك موعد
غرام: هيي شفيكم حددتوا على كيفكم ترى أنا موجوده
محمد ببتسامه عريضه: أخيرا ردت غرام والله أحبج والله مو قاعد أجذب
جوري :أوكي يلا باي
محمد: باي
غرام حركت ومحمد حرك وراها وصلهم لين البيت وتأكد أنهم دخلوا بعدها مشى وهو مستانس ويغني
****************************************
الصبح في بيت أم بشار
جوري و غرام كانوا قاعدين متأخر ، بس غرام قعدت قبل جوري بدقايق ونزلت عشان تتريق
غرام: صباح الخير
بشار و أم بشار: صباح النور
أم بشار: هاا شلون العرس
غرام: وناسه
بشار: جوري للحين ما قعدت معقوله خنأروح أشوفها و أرد
جمانه طالعها بجامتها الورديه : good morning
أم بشار: صباح النور يا حظي صج عيال آخر زمن نسوا لغتهم الأساسيه
جمانه تاخذ لها توسته وتدهنه بمربى فراوله : أقول مامتي جنج أول مره تسمعيني أقول فيها good morning
أم بشار: لا مو أول مره بس تكلمي عربي ماله داعي الفلسفه
جمانه: أفا أنا أتفلسف
غرام كانت طول الوقت ساكته وهاديه
شوي جوري وبشار نازلين من غرفتهم وبيدهم عيالهم أحمد وناصر:-
جوري قعدت يم غرام: صباح الخير جميعاً
الكل: صباح النور
أم بشار: شنو خياس النوم هذا نسيتي ان اليوم يمعه و وراج صلاة وعباده
جوري: شسوي أمس نمت متأخره
أم بشار: أمس الساعه جم يتوا
غرام وهي ماسكه الشوكه وتفكر: أمممممممم أظن 12 أو 1
جوري تقط نغزه حق غرام: شنسوي أمس الشارع كان زحمه واحد إختربت سيارته و تسلط وقف بنص بطريج
غرام تشوت ريل جوري عشان تسكت ولا تقط نغزات و هي تتكلم من بين ضروسها : أي أدري أنه تسلط بس كان كاسر خاطرج بوقفته
بشار: شكو بعد يكسر خاطرج وقفت سيارته ؟
جوري ترقع حق عمرها: لا ما كسر خاطري بس حسيت أن موقفه بايخ خصوصا أنه توهق عند الاشاره
جمانه : سؤال أنتوا شفيكم اليوم شكلكم مو منضبطين
غرام وجوري بصوت واحد : مافينا شي
بعد الريوق غرام و جوري قعدوا مع بعض بغرفة غرام :-
جوري وهي قاعده على فراش غرام: شراح تسوين ألحين لو تقدم لج
غرام: ما أدري
جوري: إنتي في أحد في بالج
غرام: لاء
جوري: إنزين تحبين أحد
غرام: هم لاء
جوري: خلاص لي تقدم لج وافقي وخلصيني مدام أهو شاريج وافقي وين تلاقين ألحين ريال يحبج ويبيج
غرام: أقول جوري تو الناس على هالحجي
جوري: غروم صدقيني راح توافقين
غرام: يصير خير
وهما يسولفون وصلها مسج من محمد
لديك رساله جديده : 1
ابسالك لو قلت لك ان الحنان اللي بقلبك يخلي النسمه عطر ....
وان العذاب اللي بعيونك يعلم الناس الشعر...
ولو قلت لك احبك كثر هموم البشر وكثر السهر ...
ولو قلت لك انك اقرب من عيوني للنظر ...
شنو يكون ردك ؟؟؟؟
جوري تمد إيدها: أشوف عطيني شداز لج
غرام ماسكه فونها: شدراج أهوا اللي داز
جوري: إحساسي ما يخيب
غرام تقط فونها حق جوري: هاج إقري
جوري وهي تقرا: ياااااااااااي مسكين ردي عليه
غرام: شرد عليه شقوله
جوري: قوليله أحبك دزيله مسج
غرام : شسالفه تبينه يقول هذي خفيفه ولا خبله
جوري: يمه منج خايفه يفهج غلط
قامت جوري طرشت مسج حق محمد من غير ما تدري غرام كانت كاتبه فيه :
يعلم الله لك معزه جاوزت كل الحدوود...
لو بغيت احسب مداها ...
ما كفاني هالوجود..
غرام كانت قاعده على قنفه و تقلب بين صفحات المجله : جوري تعالي شوفي البدله هذي شكلها وايد زوغة
جوري وهي ماسكه التيلفون وتضحك : ههههههههههه هاج
غرام: شفيج تضحكين
جوري تقط فون غرام: هاج توني طرشت حق محمد مسج رد على المسج اللي دازه مساع
غرام لما سمعت جوري شسوت خذت المخده اللي ورا ظهرها و قطتها على وي جوري ... جوري قامت تركض يمين ويسار عشان لا تمسكها غرام
شوي صوت نغمة المسج قاطع هوشتهم كان المسج من محمد داز :
عقبج الدنيا عساها ما تكون ...
واشحلاها غير شوفك يا غرااام..
يشهد الله مسكنك وسط العيون ...
وانك اول من صحى فيها ونام..
لو تبي من عمري ايامه تموون ...
فدوتج عمري ولا فيها كلام..
غرام وجوري قروا المسج بنفس الوقت غرام قلب ويها أحمر من كلام محمد جوري كانت قاعده تصفر وتصفق : الله على العشق ما أقدر وين بشار عني ما يدز لي هالمسجات
غرام ما تكلمت قعدت تفكر لو محمد كلامه صج توافق عليه ولا ترفضه : .........
جوري طلعت وخلتها بروحها تفكر
ـــــــــــــــــــــــــــــــــــــــــــــــــ
ابي ردود وتوقعات علشان اكمل
