رواية بس احبك رواية كويتيه حلوه

[روح اهـلـها]

لاااااا ليكون يتزوج جماااانه
بلييييييييييز كملييييييييييييي

 

[om hamany]

:eh_s(14)::eh_s(6)::ada:تكفين كملي ترى بالحلم طلعولي حررررررام لا يتحطم قلب غرام ترى احقد على مشاااااري

 

[miss 3yara]

في بيت مشاري

مشاري صاك على نفسه باب غرفته و يسمع أغاني حزينه من يوم ما فارق غرام وهو مقضي وقته كله يمع أغاني حزينه عن لفراق صار يسمع أغاني الأخوه والشموع و مرات يوسف العنزي و هالمغنين الشباب ابتعد عن كل شي يفرح و يونس كان حتى ستايل غرفته مغيره من كان لون الغرفه بيج صبغ لون غرفته أبيض من غير ملامح او شكل و علق ستاير سوده تحجب عنه الشمس والقمر لانهم يذكرونه بغرام واعتزل عن العالم وصارت حياته بين الأغاني الحزينه و النت ، طبعا أهو للحين ما يدري أن محمد راح يخطب غرام يعني لو درا راح يكون بموقف لا يحسد عليه

دخلت أنوار على أخوها : قوه

مشاري كان مشغل الــ ipod قام وشال السمعات من إذنه : هلا نواره

أنوار: مشور شفيك دايم قاعد بروحك عازل نفسك عنا و عن العالم صاير لا تطلع ولا تسولف مع أحد

مشاري : شتبيني أسوي غرام وراحت بيدي و السبب أنا

أنوار: كل شي يتصلح

مشاري: غرام شايله من بالها فكرة كل شي يتصلح وأنها ترجع لي

أنور: مشاري روح لها مره ومرتين وعشر لين تقولك أوكي

مشاري: ما أدري يا نواره

أنوار: إنزين تعال أمش تحت أمي مشتاقه لك

مشاري: مو ألحين أنوار أنا راح أنزلها بوقت ثاني

أنوار: كيفك

مشاري: يلا لو سمحتي بلا أزعاج

أنوار: طالعه
****************************
يوم ثاني

محمد كان عنده شغل مهم الصبح قام من النوام حوالي الساعه 8.00 ولبس جينز و قميص كحلي مخطط بخطوط بيضه ضعيفه كان شكله حلو ولبس نظاره شمسه ورجع شعره المبلول لي ورا
نزل وهو يدندن أنغام أغنية تامر حسني عنيا بتحبك

أم محمد و أبو محمد قاعدين يتريقون بغرفة الطعام دخل محمد عليهم وهو مستانس

محمد: صباح الخير

أم محمد و أبو محمد : صباح النور

أبو محمد: هاا شعندك اليوم قاعد مبجر

محمد يسحب الكرسي اللي يم أمه ويقعد: شسوي عندي شغل مهم

أبو محمد: متى بداوم عندي بشركه

محمد: إنشالله من الإسبوع الياي

محمد كان يساسر أمه عشان تتكلم بموضوع خطبته لغرام

أم محمد : جاسم ولدك وده يتزوج

بو محمد ارتسمت على ويها ابتسامه كبيره : هذي الساعه المباركه

محمد : صج يبه

بو محمد: ومنو هذي اللي بتزوجها

محمد: يبه غرام

بو محمد: غرام ما غيرها

محمد: إي

بو محمد ما كان يقدر يرد طلب ولده : أفا عليك من اليوم تبيني أروح أكلم أهلها أروح

محمد : جان زين يبه

بو محمد: عندك رقم أخوها واحد من أهلها

محمد: أنا عندي رقم أخوها

بو محمد: دق عليه

محمد دق على بشار وعطى التليفون حق أبوه : ألووووووووو

بشار: ألوو نعم

بو محمد: أنت الأخ ...

محمد يساسر أبوه : أسمه بشار

بو محمد: أنت بشار الــ***

بشار: إي منو حضرتك وليش تسأل ؟؟

بو محمد: معاك جاسم حمود الـــ***

بشار: ونعم

بو محمد: الله ينعم بحالك والله يا أخ بشارأنا أبيك بموضوع مهم ومتعلق بأختك غرام

بشار: خير إنشالله

بو محمد : لا ما ينفع نتكلم فيه هني

بشار: خلاص حياكم المغرب عندنا وما يصير إلا الخير

بو محمد: على خير نشوفك العصر

بشار: عند العنوان

بو محمد يطالع ولد : العنوان

محمد يساسر أبوه : عندنا

بو محمد: عندنا

بشار: يلا مع السلامه

بو محمد: مع السلامه

محمد أول ما أبوه سكر مكالمته هد كل اللي بيده وقام باس راس أبوه وأمه وقاك أخذ مفتاحه و بوكه وطلع من البيت ، راح يتمشى على البحر وبعدين يروح حق الموعد المهم
**************************
العصر في بيت بشار

بعد الغدا بشار قاعد مع أمه و جوري يسولفون

بشار: أقول يمه اليوم ناس بيزورونا

أم بشار: خير إنشالله

بشار: ما أدري بس أظن يايين حق غرام يبون يخطبونها

جوري لما سمعت الحجي عرفت أم محمد كلامه جد : والله يحليلها تستاهل

أم بشار: أمممممممم ومن ولده

بشار: ما أدري أنا كلمت أبوه وظن أسمه جاسم حمود الـــ***

أم بشار: إنزين متى بيون

بشار: على المغرب فما أوصيكم تزهبوا و قولوا حق غرام لا تطلع أو تروح مكان

جوري: خلاص أنا أقولها

بشار: يلا عن أذنكم أروح آخذ لي غفوه

جوري: حبيبي تبيي أيي وياك

بشار: لا ما يحتاي خليج مع أمي

أم بشار: جوري ما وصيج قولي حق الخدم يعدلون ويسنعون مع أن البيت نظيف بس تأكدي

جوري: إنشالله

أم بشار راحت غرفتها , ظلت جوري ناطره غرام بس طولت قامت ودقت عليها

جوري: ألووووووو وينج

غرام: أنا بالطريج ليش؟؟

جوري: محمد ياي يخطبج اليوم

غرام: حلفي

حوري:والله اليوم أبو محمد مكلم بشار وقاله المغرب ياي عندنا ، وبشار قال تعالي ألحين

غرام: كاني واصله

بعد ربع ساعه دخلت غرام البيت وقعدت يم جوري اللي كانت ناطرتها على نار: إنزين قوليلي بشار قال أن هذا محمد ولا بس أنتي قلتي

جوري: لاء ما قال بس أنا حاسه

غرام : إنتي وحساسج عاد

جوري: إنزين يلا قومي ريحي عشان إذا وصلوا أهل زوجج المستقبلي يشوفنج وإنتي شكلج حلو مو تعبانه

غرام: أوكي أوكي

صعدت غرام غرفتها وقطت جسمها التعبان من الشغل على فراشها المريح لمت دبدوبها المفضل و ، ومرت على بالها أمها تمنت تكون ويها لهالحظه يوم يخطبها محمد أو حتى مشاري وبدون أي وعي من كثرة التفكير نامت وهي حتى ما غيرت ملابسها

على الساعه 4.30 دخلت عليها جوري و جمانه

جوري: غراااااام يلا قومي ألحين بيون أهل ريلج المستقبلي

غرام وهي تغطي راسها : أوووووووه توني نايمه

جوري: يلا قومي بسج نوم بعدين ويهج يكون متفخ ويضحكون عليج

جمانه واقفه عند الباب: هالمعلومه 100 % صح قومي لاتفشلين عمرج جدام الناس

غرام: وليه كاني قمت

وهما اللي يقعدون غرام بشار كان واقف يم غرفة غرام وهو يكلم مشاري عشان كان يبي جوري : ألوووو هلا مشاري هلا بالقاطع

مشاري: هلا بالحبيب شلونك يبه

بشار: تماام أنت شلونك

مشاري: بخير دامك بخير أقول البشري شعندك اليوم المغرب لان بمرك عشان نروح دوانيه بو عواس لان من زمان يحن علي تعال وتعال

بشار: لا حبيبي اليوم أنا مشغول بيونا ناس أظن يبون يخطبون إختي

مشاري: مبروك جمانه بتتزوج

بشار: لا مو جمانه غرام

مشاري إنصدم : هاااااااا غرام بتتزوج

بشار: أظن جذي بس ما صار شي للحين

مشاري تضايق من اللي اسمعه : أوكي باي

بشار بايات مو تقطع مشور

مشاري كان مسكر المكالمه قبل لا يقول باي بشار

غرام يوم سمعت أسم مشاري أحاسيها اللي خمدت من آخر مره شافته فيها كلها رجعت مره ثانيه توها تلاحظ أنها كل ما طرت على بالها سيرته و حبها له اللي عمرها ما نسته ولا شالته من بالها بس داست على قلبها وحاولت تنساه بس كل محاولاتها فشلت

والله إني ما ذكرتك وما جبت للحب طاري بس تدري شلي حصل قالوا أسمك فز قلبي

أنا عيبي من حكوا بك أنسى كل الناس حولي وأتذكر شي واحد إنك أغلى الناس عندي

هي عيوني مره تفضح مره أشواقي ورحي مره عقلي ويا قلبي يفضح أسراري و أشواقي

تدري من زود المحبه صارت إحروفك جنوني وأكتب إسمك ألف مره وأرسم بإيدي وأشوفك

والله إني ما ذكرتك ما جبت للحب طاري بس تدري شلي حصل قالوا اسمك فز قلبي

أغنية علي بحر : والله إني ما ذكرتك تعبر كلامتها عن صعوبة غرام أنها تنسى حبها لمشاري و تنسى كل شي مضى وياه ، خصوصا وهي إعتقدت بما أنها ما قامت تفكر فيه أنها نسته بس من قالوا أسمه رجعت لها كل الذكريات

جوري لاحطت التغير اللي حصل بغرام قامت ومسكت غرام من حنجها ورفعت راسها و شافت بعينهادمعه : غرام تبجين

غرام تمسح دموعها : تمنيت أمي تكون موجوده معاي

جوري و جمانه يلمون غرام : الله يرحمها وإحنا متأكدين إهي لو كانت موجوده بتكون مستانسه لج

جمانه: إعتبري أمي إهي نفسها أمج وأنا أظن أمي ما راح تقصر وياج

شوي دخلت عليهم أم بشار: هوووو ما خلصتي قومي ألحين

بشار: جوري حبيبتي وصي الخدامه تبخر الدوانيه وتحط الجاي والقهوه على ما أبدل ملابسي

جوري: بشار كل شي زاهب روح بدل

الكل طلع وخله غرام تاخذ راحتها وتبدل ملابسها ، غرام بطلت الكبت طلعت لها دراعه كشخه يعني لا
فخمه وايد ولا عاديه لونها أزرق مايل على اللون البحر و حطت ميك أب خفيف وايد ونطرت بغرفتها وهي تنطر وصلها مسج من مشاري

لديك رساله جديده : 1

غرام لا تسوين بحبنا جذي و رفضيه وأنا مستعد أتقدملج اليوم بس
لا تعاقبيني بهشكل على غلطه أنا إرتكبتها بحقج ..غرام لا تتزوجين غيري
إحنا مكتوب علينا نكون لبعض بليز فكري عدل

غرام المسج هذا عذبها وايد بس داست على قلبها وماردت عليه مع أن كل مافيها يقول أنها لازم تسامحه وترد له بس كان عقلها ما يسمح لها

على الساعه 5.30 وصلوا أهل محمد
جوري نادت غرام عشان أم محمد تبي تشوفها نزلت غرام مع جوري وقعدوا معاهم بالصاله

أم محمد: مشالله قمر

غرام شافت أم محمد وتذكرتها أنها إهي المره نفسها اللي كانت بالعرس كانت غرام مستحيه ومنزله راسها

أم محمد: تعالي قعدي يمي

أم بشار: هاا يا أم محمد شرايج فيها

أم محمد: لا مشالله عليها كامله والكامل ويه الله ، غرام تدرين إحنا ليش ياين اليوم

غرام كانت ساكته ومنزله راسها : ...........

أم محمد: إحنا ياين نخطبج حق محمد ولدي شرايج

غرام حست أنها منحرجه و موعارفه شترد على أم محمد ظلت ساكته شوي ولا تقوم من مكانها وتصعد

غرفتها : عن إذنكم

أم بشار : السكوت علامة الرضا بس يا أم محمد عطونا مهله تفكر فيها البنت و نرد لكم خبر

أم محمد: إنشالله مالكم إلا طيبة الخاطر

 

[miss 3yara]

بالداونيه عند الريايل

بشار قاعد مع أبو محمد ومحمد اللي كاشخ وناسف غترته بشكل مرتب وريحة البخور والطيب تهف منه

أبو محمد: إحنا يا أخ بشار طالبين القرب منكم ونبي نخطب كريمتك غرام لمحمد ولدي

بشار: إحنا نتشرف

أبو محمد: وأي شي تطلبه إنشالله بنوفره لكم بس أنتوا وافقوا

بشار : خير إنشالله إنتوا بس عطونا نسأل عن ولدكم و ناخذ راي البنت وإنشالله الخبر يوصل لكم بأسرع وقت

بو محمد: حقك هذا يا بشار

محمد فقلبه : وليييييييييه شكلها السالفه مطوله وأنا أبيها تصير زوجتي من ألحين

بشار: محمد وين تشتغل ؟؟

محمد: أنا أشتغل بشركة أبوي و عندي مطعم أيطالي بالسالميه

بشار: أممممممممم

بو محمد: يلا إحنا نستأذن

بشار: حياكم الله وإنشالله نرد لكم خبر
*********************
طول الليل مشاري طايح مسجات على غرام ، غرام ملت من مسجات مشاري قامت حولت فونها مغلق ، مشاري كان عاقله طاير منه شلون حبيبته تتزوج غيره وهو قاعد ساكت
بعد يومين من التفكير المتواصل غرام قررت أنها موافقه تتزوج محمد لانها ماتبي ترد حق مشاري
كانت غرام توها راده من الداوم فراحت حق جوري بغرفتها وقعدت معاها

غرام : أقول جوري قولي حق ريلج إني موافقه

جوري: موافقه على محمد

غرام: عيل على أبوه

جوري: إنزين إنتي روحي قوليله

غرام: لا فشله أستحي

جوري: خلاص أنا أكلم بشار لما يرد من الدوام ، يحليلج يا غرام صرتي عروسه

غرام ويها صار أحمر تقولين طماطه : خلاص عاد جوري

جوري: يمه منج يعني تستحين

بشار كان توه واصل ودش عليهم الغرفه غرام أول ما شافته دش طلعت بس قبل لا تطلع سلمت عليه ، بشار قط دشداشته على الكرسي اللي يم السرير وحط غترته على الأرض ونط بالفراش يم زجته
بشار: قوه
جوري: الله يقويك جان تأخرت أكثر
بشار: شسوي الشغل كل ماله يكثر

جوري: عندي لك بشاره

بشار:خير

جوري: غرام وافقت على اللي تقدم لها

بشار: لا زين عيل أنا اليوم أكلم أبو الولد لانه طولنا عليه

جوري:لا طولنا ولاشي مافيه شي من حقنا ناخذ كل الوقت اللي محتاجينه عن التفكير ولا نسيت هذا زواج مو لعبه
بشار: أوكي شفيج كليتيني ما قلت شي أنا

جوري: إنزين قولي تبي تاكل

بشار: لا والله ماني يوعان

جوري: إي بس لي قرص اليوع بطنك لا تقولي يوعان لاني ماراح أدخل المطبخ ولا أسوي شي

بشار: الله يكثر المطاعم بالكويت

جوري عفست ويها يعني زعلت: لا والله عيل أخليك بالغرفه أحسن وأطلع

بشار يسحبها: وين على الله بعدي ماشبعت منج

جوري: يلا يلا يلا مابيك

بشار: قعدي يا الغاليه

جوري قعدت وياه وخذولهم غفوه لين الساعه 3.30 بعدها بشار قام ودق على أبو محمد

بشار: ألوووو السلام عليكم

بو محمد : وعليكم السلام بولدي بشار

بشار: هلا عمي بغيت أبلغك أن البنت موافقه على ولدك

بو محمد: لا زين على البركه الله يجعل اللي فيه الخير ونستني بالخبر

بشار: عاد تقدر أم محمد تحدد مع أمي سوالف الملجه و هالسوالف
بو محمد:إنشالله

بشار: مع السلامه

بو محمد: مع السلامه
**************************
أتفقت أم محمد و أم بشار أن الملجه تكون بعد إسبوعين لان محمد كان مستعيل وايد ومو قادر ينطر أكثر .. اليوم الويك أند يوم الملجه كانوا مسوينها في بيت أهل العروس كانت داخل السرداب كانوا مسوين حفله صغيره محفوفه بين الأهل لان متفقين أنهم يسوون عرس كبير بعدين
غرام كانت يايته الصالونه بالبيت ضبطت لها شعرها و ميكياجها .. غرام كانت لابسه نفنوف بنفسجي فضيع كوكتيل مشدود حيل من ناحيه صدرها فكان باين جهه كبيره صدرها وكانت الصالونه رافعه شعرها كله ومنزله منه خصل و مزينته بكسسوارات حق الشعر يعني كان شكلها حق الملجه حلو وناعم
نزلت من الدري مع رفيجتها بشاير و وراها جوري و جمانه و نوال ويمها و خالتها ندى أم عادل و أم محمد نزلت وقلبها يطق لدرجه حست أنه بيطلع من مكانه وكان قلبها يطق على صوت نغمة الأغنية اللي حاطينها

أهي أول ما قربت من آخر عتبه بالدري ( بالدرج) حست أنها متوتره وايد وخايفه سمعت التيــــييييبب وترها أكثر

الديجي شغل الأغنيه وبدا يتكلم : ألف الصلاة والسلام عليك يا حبيب الله محمد

المعازيم :
كللووووووووووووووووووووووووووووووووووووووووووووووو ووووووووووووووووووش
جوري: يلا غرام زاهبه

غرام وهي تاخذ لها نسم طويل وتطلعه : أوكي يلا

دخلت وعلى أغنيه راشد الماجد شيخة البنات
لا إله إلا الله . .
شيختنا الزينه تهلت و أقبلت
من هوينا مشيها مشي الظبي
من حلاها كنها الشمس اشرقت
ألف صلوا يا صبايا على النبي
والمداخن عود فاحت عطرت
بالضيوف اللي لفونا مرحبين
شيختنا الزينه تهلت و أقبلت
من هوينا مشيها مشي الظبي
من حلاها كنها الشمس اشرقت
ألف صلوا يا صبايا على النبي
لا إله إلا الله . .

صوت البيز اللي من السمعات وصوت قلب غرام إتحدوا مع بعض وصاروا نغمه واحده .. وصلت لين الكوشه اللي كانت راقيه و فضيعه كانت من الشيفون الوردي الفاتح المخلوط بالبنفسجي و محمد وغرام إختاروا هالون لان غرام تحب البنفسجي

جوري كانت لابسه نفنوف أحمر طويل فيه فتحه من على جنب ومسويه شعرها كيرلي وحاطه مكياج سموووك و كانت مستانسه حق غرام وايد
جمانه لابسه نفنوف حفر ذهبي قصير مثل اللي تلبسه بيونسيه ومخليه شعرها كيري وتراجي ذهبيه مدوره كبار وكان شكلها وايد سكسي

بشاير: لابسه نفنوف أسود حفر طالع ظهرها كله يوصل لي ركبها وشكلها طبيعي
ا
لديجي ولع لهم الصاله بالأغاني السنعه الكل كان يرقص أم محمد كانت رايحه و
رداه حق غرام تشوفها محتاجه شي ولا لاء ، أم عادل كانت قاعده مع غرام لانها كانت بحسبة أمها

ندى ( أم عادل): مبروك غرومه حبيبتي والله وكبرتي وصرتي عروس

غرام كلام ندى حرك مشاعرها لدرجه تيمعت لدموع بعينها: خالتي كلامج يذكرني بأمي

ندى (أم عادل) تمسك غرام من حنجها: غروم إن شفت دموعج تأكدي راح أزعل منج ولعلمج عاد أنا أمج الثانيه مو تنسين

زينه قربت منهم بطنها اللي بدا يظهر .. زينه ألحين بشرها الــ3 وشكلها كيوت ويونس لابسه نفنوف يوصل لي ركبها أبيض مطرز بشكل ناعم رافعه شعرها على شكل ذيل حصان ولابسه تراجي قلب الحب
زينه: مبروك غروم

غرام: الله يبارك فيج

زينه:يلا باجر تصيرين نفسي حامل ولدج مأذيج

غرام:هههههههههههه

بشاير: ها شلون العروسه

غرام: للحين تماام

وعلى الساعه 10.00

الديجي : يا جماعه المعرس بيدش ألحين تغطوا يا حريم إذا ما عليكم أمر
أم محمد كان موصيها ولدها أنها تقول حق غرام أنه ما راح يطول هني يقعد معاها شويه و يعطيها الدزه و يلبسها الشبكه و يطلعون يتشمون

تزهبوا الحريم وعطوا الديجي أشاره يشغل زفة المعرس عشان يدشون ا لريايل نزلوا الريايل كان محمد واقف و علي يمينه أبوه و يساره بشار دخل محمد باللبس التقليدي و البشت الأسود كان ويها ينور من الفرحه و أول ما شاف جدامه غرام زادت فرحته أكثر

قام ياخذ خطوات سريعه عشان يوصل لها ويلبسها الشبكه ويطلعون من هني
وعلى أنغام زفة يوسف الطراروه :-
يا معـــــــــــــــــيريس عين الله تاراك
والقــــــــــــــــمر والنجوم تمشي وراك ..
وتيبب إشتغل من كل صوب : كللووووووووووووووووش كللوووووووووووووووووش
قرب أخيرا من الكوشه كان حاس أن الطريج وايد بعيد قعد يمها ومسك إيدها وطالعها بعيونه العسليه وإبتسم ردت له البتسامه ، كانت الفرحه مو سايعته كان وده يناقز من الفرحه بس عشان لا يفشل عمره كان ضابط حاله

محمد: أخير تزوجتج

غرام كانت منزله راسها:...........

محمد يرفع راسها: لا تنزلين راسج .. أبي دايم أشوف ويهج جدامي

غرام ترفع راسها : جذي زين

محمد وهو مبتسم : إي وايد زين

أم محمد عطت محمد الشبكه والدبله عشان يلبس زوجته، محمد أخذ الشبكه وبدا يلبس غرام آخر شي غرام لبسته دبلته بعدها خلصوا صورا بس ما طولوا وايد لان محمد ما كان فيه صبر كلش
قام أخذ زوجته وصعدوا فوق لغرفةغرام، عشان غرام تبدل عشان يطلعون على طول .. محمد دش مع غرام الغرفه وبدا يطالعها بنظرات غرام ما كنت قادره تحط عينها بعينه كلش كانت مستحيه بشكل موطبيعي

رد ورفع راسها : مو قلت لج لا تنزلين راسج

غرام رفعت راسها

محمد : يلا بدلي لا نتأخر ويروح علينا الحجز

غرام كانت متوهقه شلون تبي تبدل ومحمد واقف جدامها وقفت تطالعه بعيونه وهي مو عارفه شتقوله قامت تأشر له يعني لف

محمد يرد لها الحركه : شنو ألف ويهي

غرام بصوت هادي: إي

محمد: اوكي لفيت ويهي

غرام توهقت بالنفوف فيه سحاب وهي ما تقدر توصل له

غرام: محمد ..محمد

محمد كان حاس أنها بتحتاجه قام وإبتسم وهو لاف ويها : يا عيونه وقلبه وروحه

غرام: بطلي السحاب

قرب منها ولزق فيها حيل صارت بويها بدت أنفسه تلامس أنفاسها مسكها حيل كان وده يبوسها أو حتى يحضنها بس قام مسكها من جتفها و لفها وحط إيده على ظهرها وبدا يمشي أصابعه على ظهرها .. هي تطفرت من الحركه وكان ويها احمر أول مره ريال يلمسها

غرام : محمد قلنا بس بطل السحاب

محمد: شنو ما سويت شي بس قاعد أسويلج مساج

غرام تلف ويها وتطالعه : محمد بس عاد

محمد: أوكي

قام ولف شعرها اللي تبطل على جنب وحط إيده على السحاب وبدا ينزله شوي شوي وهي ينزل السحاب بيده الدافيه قلبها كان يطق ويطق و يطق حيل حيل لين وصل السحاب لي آخر ظهرها

غرام: بس كافي

محمد كانت متوتر أكثر من غرام بس كان مسوي روحه ريلاكس : أوكي يلا بدلي سرعه
غرام طلعت لها تنوره قصيره سوده مع قميص أبيض ثلاترباع معاه صديري أسود وفتحت شعرها وسوته بشكل سريع وربطت شريطه سوده على شعرها ولبست كعب أبيض بأسود وغيرت مكياجها وخلته حيل خفيف

محمد كان قاعد على فراشها: هاا خلصتي

غرام: إي يلا

طلع محمد و غرام من غرفتها ومن الأصنصير لي الصاله اللي تطلعهم على الباب الرئيسي من البيت محمد طلع بسرعه فتح باب السياره حق غرام

محمد: تفظلي يا غرامي

غرام: مشكور

محمد دخل السياره : عندي لج 3 مفاجأت اليوم

غرام: شنو أهم

محمد: ألحين تعرفين

قام وشغل أغنيه يوسف العماني : (يعشقني) وكان أهو داز مسج حق المرينا fm وهو بغرفة غرام وطالبها يحطونها له

محمد قام يدندن ويا الأغنيه وهو يطالع غرام ويوجه لها الكلام صج صوته مو حلو وايد بس فيه شوي: مافي غيره سكن روحي حبيبي وأنا أحبه لو قالوا تمنى أتمنى عمري قربه
المذيع : هذي الإغنيه إهداء من محمد الــ** لزوجته وحبيبته غرام بمناسبة ملجتهم ألف مبروك
غرام بستغراب: هذيل جنه أسامينا

محمد: شرايج هذي أول مفاجأه وخلصنا منها

غرام: والثانيه

محمد: لمانوصل تعرفينهم

 

[miss 3yara]

بعد ربع ساعه وصلوا لي مطعم محمد بس كان شكله اليوم غير عن الأيام الثانيه كان خالي ومافيه أحد كلش .. غرام إستغربت بشكل المطعم

محمد: نزلي

غرام: شنو أنت مو حجز بفندق

محمد يبطل لها باب السياره : إنتي نزلي وبس

غرام: أمري لله

محمد مسك غرام من إيدها ودخلوا المطعم كان المطعم خالي لان محمد كان حاجز مطعمه اليوم حقه و حق غرام شكل الديكور كان حيل رومنسي كان مغيره وايد الديكور الخشبي و الإضاءه الخافته و لليتات الصغيره المعلقه بالسقف جنها نجوم تارسه السما
صوت الموسيقى الكلاسيكيه الهاديه
الشموع كانت بكل مكااان،،
الإضاءه الخافته

غرام دخلت بستغراب: وين الناس ليكون البلديه مسكرين مطعمك

محمد: أنا مسكر المطعم اليوم عشانج وطارد الناس كلهم عشانج

غرام رافعه حاجبها:شدعوه ؟؟

محمد: إنتي لو تبيني أطرد العالم كله هم أسويها بس عشان أقعد أنا وياج بروحنا
دخلوا وكان محمد موصي الغرسون والشيف يعدلون القعده .. قعدوا بطاوله خشبيه فيها شراشف بلون الأحمر المايل إلى العنابي بنص الطاوله حاطين شمعتين و على الطارف بوكيه ورد أحمر الوضع كان حيل رومنسي

محمد سحب الكرسي حق غرام: تفظلي

عقب ما قعدت قعد أهو مكانه وبدا يطالعها جنه أول مره طالعها بحياته : أحبج والله أحبج

غرام للحين ما كانت تحب محمد وهي تزوجته زواج تقليدي

غرام: حتى أنا

محمد: حتى إنتي شنو ؟

غرام: حتى أنا أحبك


محمد: صج غرام والله تحبيني

غرام: إذا ما أحب زوجي أحب منو

محمد: فديتج والله

الغرسون : مسا الخير .. مبروك أستاز ( إستاذ) محمد مبروك يا مدام

محمد: الله يبارك فيك

الغرسون: شو بدكون تشربوا؟

محمد يسأل غرام: هاا شتبين تشربين ؟؟


غرام: أمممممم عصير مانجا

محمد: أوكي أنا يب لي عصير برتقال و لها مانجا

الغرسون : على عيني

محمد مسك إيد غرام : غرامي من اليوم ورايح أنا بناديج دايماً غرامي

غرام: ليش عاد غرامي ؟؟

محمد: لانج أنتي غرامي أنا حقي بروحي

غرام:أمممممممممم خلاص أنا بناديك بيبي

محمد: حلو بس مو أحلى من غرامي

غرام: متى غيرت الديكور و سويت كل هذا

محمد: البارحه غيرت كل الديكور تميت مواصل لي الساعه 3.30 عشان يخلص الديكور ويطلع بالهصوره إنشالله عاد إعجبج

غرام وهي تلتفت يمين ويسار: أمممممممممم يعني

محمد إنصدم بردها: شنووو ؟

غرام تضحك: هههههه شفيك أتغشمر وياك الديكور وايد فضيع وهادي ورمنسي

محمد: عاد تدرين كنت خايف أنه ما يعجيج

غرام: بس عجبني

محمد: الحمدالله

الغرسون يايب العصير لهم : تفظلوا

محمد: شكرا .. ميشيل الشيف زاهب حق الأوردر (الطلب)

الغرسون: ولو محمد أكيد مستعد
محمد: يلا غرامي شتبين تاكلين

غرام خذت المنيو وبدت تطالع الطلبات : أنا ...... أبي باستا دجاج ألفريدو و سيزر سلد

محمد: أنا أبي ستيك لحم بصوص خاص

غارسون : أوكي عن إذنك

غرام:هاا شنو المفاجأه الثانيه

محمد: المفاجأه الثانيه أني فضيت لج المكان و خليته خاص لج

غرام: إي صح قصدي المفاجئه الثالثه

محمد يقوم من الكرسي: غمضي عينج

غرام: لييييش شتبي تسوي

محمد: غمضي

غرام غمضت عيونها: أوكي غمضت

قام محمد و راح عند كاونتر الأستقبال وطلع الألبوم اللي كان مغلف بشكل ذرب وحلو .. رد لها وقعد مسك إيدها وباسها

محمد: يلا بطلي عينج

غرام بطلت عينها وشافت ألبوم ملفوف بطريقه حلوه : شنو هذا

محمد: بطليه وشوفيه

غرام بدت تبطل الشريطه الملفوفه حول الألبوم و الغلاف فتحت الألبوم وقامت تتصفحه : أمبيييييييي متي صورنا جذي

محمد: بعرس أسيل وسعود

غرام: إي صح تذكرت وشلون سويت هالحركه

محمد: بعد سويتها وخلصت

غرام وهي تتصفح الألبوم: أمبيه الصور لما تطالعها جنها قصه كل لقطه فيها حركه

محمد: عشان جذي ما بغيتج ما تدرين أني قاعد أصورج كانت الصور عفويه

غرام: أمممممممممم

محمد:تدرين شنوأحلى صوره عندي

غرام: شنو ؟؟

محمد : أحب الصوره اللي فيها ردتي لي الإبتسامه عقب ما ترجيج

غرام: حلوه

محمد: إنتي شنو إعجبج

غرام: كل الألبوم

محمد:خلاص خليه عندج

غرام: من غير لا تقول أنا باخذه

محمد: حلالج

الغرسون يايب لهم طلباتهم : تفظلوا صحه

غرام بدت تاكل بذربه يعني عشان لا تفشل نفسها، محمد كان يطالعها و مو عاجبه شتسوي

محمد: غرامي شدعوه ترى أنتي قاعده تاكلين سلطه بعد تاكلي حبه حبه

غرام: كاني قاعده أكل

محمد فتح زرار الأولني من دشداشته ورفع جمه ( كمه) : لاء أكلي عدل ولا تستحين مني

غرام وهي تبتسم: والله قاعده آكل

محمد قام وأخذ بشوكه باستا وكانت الشوكه متروسه: أشوف بطلي حلجج يلا باباتي

غرام وهي تضحك عليه: شنو أنا ياهل

محمد: بطلي حلجج

غرام تسمع الكلام وتاكل من إيد محمد : إرتحت جذي

محمد: وايد

بعد ما خلصوا محمد طلب الحلو بس غرام ما كانت تقدر تاكل أكثر ..

محمد : يلا نطلع . .

غرام: يلا

كانت الساعه حوالي 1.30 محمد كانو وده يدور بغرام أكثر بس أهلها كانوا ينطرونها قام وصلها البيت و راح بيتهم

 

[miss 3yara]

الصبح في بيت مشاري:
مشاري للحين مو مصدق أن غرام تزوجت .. قاعد بزاويه بغرفته مبتعد عن الكل دمعته بنص عينه شكله مبهذل لحيته صايره ترس ويهه شعره صار له مده مو مرتبه.. دخلت عليه أم لقت الغرفه ظلمه و مافيه ذره من النور شغلت الليت لقته قاعد بزايه ضام نفسه

أم مساعد بخوف: مشاري يمه شفيك قاعد جذي

مشاري بصوت باجي يكسر القلب: تزوجت

أم مساعد: منو اللي تزوجت

مشاري: البنت للي أبي أتزوجها

أم مساعد: أنت مو قلت أنك ما تبيها و أن مافي نصيب

مشاري: أنا كنت أقص على عمري أنا ما أقدر أعيش بدونها

أم مساعد: خلاص ما تقدر تسوي شي البنت وتزوجت وصارت بذمة ريلها ، ألحين أنت المفروض تسوي نفسها و تسمع كلام أبوك تتزوج هبة بنت خالك على الأقل هذي تصير لك

مشاري بصراخ: يمه أنا غير غرام ماني متزوج

أم مساعد: تعوذ من ابليس البنت متزوجه شلون يعني تبي تطلقها من ريلها

مشاري بلهجه حاد جنه يتوعد حق غرام بشي : أنا مستعد أسوي المستحيل بس غرام ترجع لي حقي أنا محد يشاركني فيها

أم مساعد: إنت شكله فيوزاتك ضربت من كثر حبستك بالغرفه ، أروح حق أخوانك أحسن

طلعت أم مساعد من الغرفه مع أن قلبها مو مطاوعها أنها تطلع وتخلي ولدها بهالحاله بس خلته لأنه حسته بدا يهلوس ويتكلم بطريقه عكس ، وهي طالعه من غرفته قامت تفكر باللي ممكن مشاري يسويه عشان يتزوج البنت اللي يحبها

أم مساعد: آآآآآآآآآه منك يا مشاري حسبي الله عليك خوفتني على البنت بلي ممكن تسويه

مساعد يطالع أمه وهو مستغرب: يمه شفيج تكلمين نفسج ليكون ضربت فيوزاتج

أم مساعد تطق مساعد على جتفه وتمشي وياه لي الصاله : أخوك مشاري خوفني ..

مساعد: خير شفيه مشور

أم مساعد: أمس كانت ملجة البنت اللي كان يبي يتزوجها و هو من سمع هالكلام وهو عقله طاير منه وأنا خايفه يسوي بنفسه شي أو يسوي بالبنت شي

مساعد: شدعوه يمه ترى مشاري عاقل وفاهم ومايسوي هالحركات

أم مساعد: بس أنت ما سمعته مساع شلون يتكلم ويقول أنه مستعد يسوي المستحيل عشان ترجع له البنت اللي يحبها

مساعد:شنو قصده بالمستحيل

أم مساعد: هذا اللي أنا خايفه منه أخاف يضر البنيه بشي ولا يخرب زواجها

مساعد: لا يبه ما يسويها يمه هذا الوسواس بدا يلعب بعقلج و عشان تتطمنين أكثر ألحين أنا بروح أكلمه و أعرف شسالفته

أم مساعد: إي والله مساعد روح كلمه وقوله يتعوذ من ابليس ويكسر الشر

مساعد: إنشالله

قام مساعد وراح لغرفة أخوه مشاري وبدا يطق الباب : طق طق طق طق
لكن مافي أي رد

قام مساعد وبطل الباب وشغل الليت بس مالقى مشاري قام فتح الدريشه وطل منها ولاحظ أن سيارة مشاري مو موجوده ، مساعد ظل يدق على أخوه بس ما كان يرد عليه
***********************
مشاري كان طالع و براسه يروح بيت بشار عشان يشوف غرام ويكلمها كان ماشي بسرعه جنونيه ماشي جنه بسباق كان كل همه يوصل حق غرام ويكلمها .. بعد ربع ساعه أو أقل وقف بسيارته عند باب البيت ظل ينطر و ينطر شوي قرر أنه لازم ينزل ويسوي روحه يبي بشار لانه مو قادر يتحمل أكثر
نزل من سيارته وطق الباب : طق طق طق

الخدامه مبطله الباب: منو يبي أنت

مشاري: وين بابا بشار

الخدامه : بابا بشار داخل

مشاري دش ولا همه الخدامه حتى ما قالها تناديه عند الباب، وهو اللي داش شاف غرام نازله من الدري الرئيسي حق الصاله ظل يطالعها بشكله التعبان و الهزيل مال السهر و كثر ما يحاتي حبه

مشاري بصوت خفيف بس يعور القلب: غرام ليش سويتي فيني جذي ، ليش تعاقبيني بهالطريقه

غرام كسر خاطرها مشاري بس ما تقدر أنها تكلمه أو تسامحه : أنت مينون ياي هني تكلمني جذي تبي تفضحني ولا شنو وأنا وياك إنتهينا من زمان ولا نسيت

مشاري: غرام أنا ما أقدر أنساج ولا أقدر ألاقي أحد مثلج ولو دورت بالعالم كله ما راح ألقى

غرام: أنا قلت لك إنك ماراح تلاقي أحد مثلي و ألحين هذي مشكلتك عاد أنت اللي بديت لفراق وأنت تتحمل

مشاري:بس أنا أحبج

غرام عطته ظهرها : وأنا نسيتك

خلته واقف مكانه وهو عينه قريب وتدمع و يمهس لها كثر ما يقدر أن يحبها و يموت فيها وانه آسف
على اللي صار . .صعدت غرفتها وتدوس على قلبها كثر ما تقدر وتحاول تذكر نفسى أنها خلاص بذمة ريال


أنا أصعب موقف بعمري حبيبي يوم أهو جاني بكل خضوع يترجى وعينه قريب وتدمع
عشان أرجع له واجهني وظل ساعه يترجاني صارحني وتعذر لي تأسف بس عشان أرجع
يقول أنه من فراقي تعذب وأصبح يعاني وعجز يلقى أحد مثلي مثل ما كنت متوقع
على كل حال ومن الآخر على شانه وعلى شاني أظن أحسن لنا نبعد ولا نفكر أبد نرجع

أغنية فواز المرزوق كلماتها تبين قوة الموقف بين غرام و مشاري .. مشاري إنصدم برد غرام لانه توقع أنه لو راح و كلمها راح تسمع كلامه وتهد محمد راح قعد بالصاله ينطر بشار وهو بصاله شاف ألبوم صور مكتوب عليه غرام ومحمد .. غرام نست الألبوم بالصاله لانها كانت توريه حق جوري
مشاري شال الألبوم من الطاوله وبطله وشاف صورة غرام ومحمد إنغث مشاري وعفس الصفحه على الخفيف ولما سمع صوت أحد نازل من الدري صك الألبوم وقعد بالقنفه

بشار: هلا والله مشور شلونك

مشاري: تمام أنت شلونك

بشار: أنا بخير ، إلا شنو هالزياره المفاجئه

مشاري يرقع السالفه: ليش ما تبيني أزوكم مو كافي مو شايفك من زمان

بشار: إنت تشرف بأي وقت

مشاري: أقول بو البش أنا يايك على طلب

بشار: خير إنشالله

مشاري: بغيت أتوضف عندك بشركه

بشار: بس من هالعين قبل هالعين ، تعالي باجر الصبح وتلقى الوظيفه ناطرتك

مشاري كان يتصنع أنه استانس أنه راح يتوظف: مشكور خيوو ريحتني

بشار: ولو بن عمي أنت تستاهل

مشاري: يلا عيل عن إذنك أخليك مع الأهل

بشار: وين رايح تو الناس

مشاري: ماكو بس تعودت على قعدت البيت يلا باي

بشار: يلا بايات

مشاري طلع من بيت بشار و قلبه مكسور مرتين ، مره لما غلط وقال حق غرام أنهم يفترقون أحسن و المره الثانيه لما ملجة غرام وراح لها طلب منها ترجع له لكنها ردته بكل بساطه ،ركب سيارته وهو خلاص لو أحد كلمه بينفجر بويها .. ظل ساكت ثواني بعدها طق إيده على السكان ونزلت دمعته
مشاري بلهجه كلها نذير و وعيد: أنا الحمار اللي ضيعتها من إيدي بس والله وأنا قلت والله ما راح أخليها إلا وهي راده لي

حرك بسيارتها وغرام ظلت تطالعه من دريشة غرفتها ، شوي ولا محمد داق عليها

زوجي يتصل بك

غرام وهي متضايقه : ألووووووووو

محمد: أفاا شفيج منو مزعلج

غرام: محد بس متضايقه شوي

محمد: أممممممم أقول أنا بسافر يومين دبي عندي شغل مع شركه من عملائنا هناك

غرام: من أولها تسافر بروحك

محمد: والله مو مني بس شسوي أبوي ما يقدر يسافر عشان جذي أنا بروح عنه

غرام: إنزين محمد أنا بطلع من شركتكم وأتوظف بمكان ثاني

محمد: لـــــــــيش في أحد مضايقج

غرام: لاء بس أنا ما أبي أكون وياك 24 ساعه بعدين ما نخلص الشغل اللي علينا ونلهي ببعض

محمد: خلاص أنا اليوم أبلغ أبوي

غرام: إنزين متى بترد؟؟

محمد: المفروض يومين ما أدري إذا بطول أكثر

غرام: أوكي

محمد: غرامي

غرام: هلا

محمد بصوت عالي: أحبـــــــــــــــــــــــــــــــــــــــــــــــ ـــــــــــــــــــــــــــــــــــــج

غرام :وأنا أحبك بعد

محمد: يا حلو الكلمه لما تطلع من شفايفج

غرام خدودها بدت تحمر: محمد بس

محمد: شنو ما قلت شي

غرام:إنزين أنا بطلع اليوم

محمد: وين رايحه ؟

غرام: بروح أزور خالتي أم عادل

محمد: أوكي ، أقول غرامي أنا بروح ألحين أكلمج قبل لا أسافر يلا باي

غرام: بايات
***********************************
الساعه 6.00 المغرب
غرام كانت لابسه جينز سكني و قميص ستان أحمر وكعب أحمر وحاطه حمره خطيره لونها لون الدم فيها لمعه خفيفه .. وصلت بيت أم عادل

غرام: السلام عليكم

أم عادل: وعليكم السلام هلا بالعروس

غرام: هلا فيج خالتي

أم عادل:شنو ريلج يايبج

غرام:لاء أنا يايه بروحي

أم عادل: هاا شلونه وياج

غرام: الحمدالله زين ، أقول خالتي وين عادل ونواف و زينه

أم عادل: عادل سلمج الله ماخذ زينه يتغدون بره بعدين يروحون يزورون أهلها و نواف مجابل الابتوب مثل العاده

غرام: أمممممممممممم

وهما يسولفون ياها مسج من مشاري:

لاتساليني وش ورى الهم والنــــــــوح =وفي عز جرح القلب لاتســـــــاليني
ياليتني اقدر على البـــــــوح وابــــــوح =ان كان ماشفتي الشقا محتوينــي
ياللي تحسبين الهوى لعب ومــــــزوح =شوفي سواة العشق والهــم فيني
بعض الغـــرام ايجيله ايــــام ويــــــروح =وانتي غـــرامك بالحشا مبتليـــني
لاتتعبيني يادوى القلــــــب والــــــروح =لاقلت احبك اسكتي...واحضنيني

غرام بقلبها: ولييييييه لي متى يعني يا مشاري خلاص قلت لك مستحيل أني أرجع لك متى تمل وتفهم

أم عادل: هااوين وصلتي ؟؟

غرام وهي تبتسم: ما وصلت مكان

أم عادل: متى تزورينا معاه

غرام: إنشالله بعد ما يرد من السفر

أم عادل: ليش وين بيسافر

غرام: بيروح دبي عشان شغل أبوه و يرد

أم عادل: هاا من أولها بيسافر بروحه

غرام: أفاا عليج يا خالتي قلت له من أولها سفر بروحك بس قالي أنه شغل مهم ولازم يروح

أم عادل: سمعيني يا بنيتي مدام أنا أمج الثانيه سمعي كلامي وخليه حلقه بإذنج حافظي على ريلج ولا تزعلينه ولا تكدرينه و تخلين مثل ما يقولون الحبل على القارب ترى باجر محد ينفعج غير ريلج

غرام: إنشالله

 

[miss 3yara]

عقب سوالف وحجي وايد طلعت غرام من بيت أم عادل وكانت الساعه 10.00 وهي بطريج راده البيت محمد بيسافر ألحين فدق يسلم عليها قبل لا يمشي

غرام: ألوووووووووو

محمد: فديت الألوو والله

غرام:شدعوه علي هالحجي

محمد: شنو الشدعوه

غرام: لو تحبني صج ما تسافر وإحنا ما صار لنا يومين من مالجين

محمد : شسوي حبيبتي بعد تدرين هذا شغل مهم وما أقدر أأجله

غرام:أممممممممم يلا معذور حبيبي

كانت لزمة محمد كلمة يا قلبي : يا قلبي فديت الكلمه اللي شكلها طالع من شفايفج مو صج تكفين إذا تحبيني عيديها

غرام:سوري ما أعايدها

محمد: غرامي شدعوه ترى أنا بسافر وما تدرين يمكن أرد و يمكن ما أرد

غرام لما سمعت محمد قال هالجمله تذكرت مشاري يوم زعلت عليه عشان أجل موعدهم و راح البحر: خلاص ولا تزعل حبيبي حبيبي حبيبي

محمد: يا قلــــــــــــــــبي

غرام: أقول محمد أنا بغير خطي هذا

محمد: ليش ...؟؟

غرام: في ناس يزعجوني يدقدقون و يسكرونه وأنا مالي خلق هالسوالف

محمد: خلاص لي رجعت من السفر أنا أيب لج الخط اللي تبينه لا وفوقه تليفون وبوسه مجاناً

غرام: أهم شي البوسه حدك واثق إني بخليك


محمد: أفاا حبيبي و حبيبي طلع بس كلام

غرام: إي بس كلام

محمد: أوكي عادي حتى لو كان بس كلام عسل على قلبي

غرام: إنزين قولي متى طيارتك

محمد: بعد ربع ساعه و ألحين أنا بالمطار

غرام: تروح و ترد لي بالسلامه

محمد:الله يسلمج ..أحبج

غرام : وأنا بعد

محمد تنرفز: وليييييييييه شقلنا ما أحب أسمع كلمة و أنا بعد يا تقولين أحبك ولا لا تقولين شي

غرام: أوكي و أنا أموت فيك

محمد: جذي عدل يلا باي غرامي

غرام: بايات

وصلت البيت وصعدت غرفتها وحاولت أنها تنام لأنها كانت حسه أن اليوم كان متعب من بدايته .. كانت كل ما تحاول تغمض عيونها تذكر شكل مشاري وعيونه غرقانه بالدموع وهو يترجاها أنها تهد محمد و ترجع له كانت تطري فباله كلمه : ليتني ما شفت في عينك دموع ... منظر الدمعة على خدك هلاك
غرام ما ستحملت ونامت ودموعها تسيل على مخدتها ..
ــــــــــــــــــــــــــــــــــــــــــــــــــــــــــــــــــــــــ

 

[miss 3yara]

في بيت مشاري

مشاري كان قاعد بغرفته ويسمع المرينا أف أم من فونه وكانوا حاطين أغنية وليد الشامي راجع و بدا يدور ويفكر شلون يخرب علاقة غرام بمحمد .. ظل يفكر و يفكر، و على أنغام الأغنية طرت في باله أن إييب له بنت تلعب على محمد دور وحده عاشقته ولما يزل يخلي غرام تشوف خيانته لها و ترد حقه ....
كان معلق على هالمقطع: إي والله لقلبها دموع وبليلهم أطفي الشموع و أخلي الفرحه عذاب وهذا قليل بحقهم ..اللي على قلبي جنوا و تعاونواو تأمرواجروح قلبي اللي نزفت والله ما أخليها لهم
مشاري ظل يفكر من البنت اللي يخليها تكلم محمد وتلعب عليه تذكر أنه يعرف وحده تحبه ومستعده تسوي حق مشاري أي شي يطلبه بس أنه يكلمها ، مشاري كان محتفظ برقمها مع أن ما كان يفكر يكلمها كلش بس الظروف حدته أن يكلمها

مشاري: ألووووووووووو

.....: منوو

مشاري: أنا مشاري

....: مشاري مشاري ماغيرك

مشاري: أي

.....: أمبيه شلي طراني على بالك

مشاري: بعد مريتي على بالي وقلت أكلمج

....: أممممممممم

مشاري: شلونج شخبارج

......:بخير أنت شلونك

مشاري: أنا بخير

....: شعندك داق مو عوايدك مع أن عندك رقمي بس هذي أول مره تدق علي فيها

مشاري: قلت لج مريتي على بالي و صار اللي صار

....: هاا ما تزوجت

مشاري: لو متزوج جان شفتيني كلمتج و إنتي تزوجتي

....: أنخطبت وبعدين فسخت الخطبه

مشاري: لا يلا خيرها بغيرها

.....: على قولتك

مشاري: إنزين أنا أبيج بخدمه

....: أنا قلت مشاري ما يدق عبط

مشاري: بليز أنتي الوحيده اللي تقدر تساعدني بهشي

....: شنو هالشي

مشاري: أبيج تدقين على واحد وتلعبين عليه و تعشمينه إنج تحبينه

....: منو هذا عاد ؟؟

مشاري: واحد إسمة محمد جاسم ال****


.....: خلاص و شنو بعد غير إني ألعب عليه

مشاري: قوليله إنج تدرين عن زوجته غرام

....: أوكي بس

مشاري: وبس يلا باي

....: بايات


شلي ناوي مشاري يسويه بغرام و محمد
ـــــــــــــــــــــــــــــــــــــــــــــــ
ابي اشوف ردود وتوقعات علشان اكمل

 

[miss 3yara]

لا لا مابيييي عفيه لا تتوقعون اصايل لا اتقولين توقعوا كافي ردود تره تلفتي اعصابي وبعدين مالي شغل<<<<سوالف اليهال الحين ابتطلع..!
غيري القصه مالي شغل ابي مشاري حق غرام ومحمد الله وياه اهو صج حبوب على قولتج ب س لا ابي مشاري احسن حب من طرفين ولا من واحد..(جني ملقتها..)! بس السالفه شدتني...يلا انطر التكمله...
يارب الحب بين غرام ومشاري يرد :yaaaaaarb:
الله يخليج اصايل (ياللي بعمري وحبيبتي<<<يعني بساحلج؟؟!!.. غيري القصه بس يلا شنسوي القدر..
جني سويت مسلسل هندي خلاص ملقت انطر التكمله وانجعم..يلا بالانتظار..

:0bee2e8d89:

 

[miss 3yara]

لاااااا ليكون يتزوج جماااانه
بلييييييييييز كملييييييييييييي

انشالله راح تعرفين بالاجزاء اليايه اذا بيتزوجها ولا لا

 

[miss 3yara]

:eh_s(14)::eh_s(6)::ada:تكفين كملي ترى بالحلم طلعولي حررررررام لا يتحطم قلب غرام ترى احقد على مشاااااري

من صجج
اممممممممممم يمكن يتحطم قلب غرام
انشالله راح تعرفون بالاجزاء اليايه اذا بيتحطم او لا

 

[miss 3yara]

بنات ليش انتو معصبين علي انا الرواية قعد انزلكم وبدال البارت الواحد قعد انزل لكم 4 بارتات واكثر تبوني يعني انزل لكم باليوم بارت واحد

 

[روح اهـلـها]

والله ماتقصرين يااصايل بس حدنا متشووووقييييييين
لا كلش ولا تزعلين وانتي احسن من غيرج
بس بارت واحد باليوم لا حراااااام
يلا كمليييييييييي

 

[miss 3yara]

تسلمين ياقلبي وانشالله بكمل بس قولي لي شنو تتوقعين بصير بالاجزاء اليايه

 

[روح اهـلـها]

امممممم اتوقع انه مشاري راح يخرب عليهم
وغرام تزعل من محمد ولما تعرف الحقيقه
محمد ماراح يسامحها ومشاري راح يهدها>>صج مابي بس شسوي توقعاتي وانشالله غلط
بلييييييييييز كمليييييييي عاد ماطلعت عشان تكملينها حتى امي استغربت اني ماابي اطلع
يلااا كمليييييييييييييي

 

[miss 3yara]

الحين اكمل

 

[miss 3yara]

بنات الحين عندنا زواره بالليل انشالله بنزل اوكي

 

[روح اهـلـها]

اوكي ناطريييييييييينج لاتنسينااا

 

[LOOLY]

ناطرين ...

 

[دبة زمانها]

يلا احنا بالانتظار...
وانا ما قلت لكم لا تتوقعون اصايل لا قولي لا يتوقعون لاني راح اموت تره حقدت على غرام كرهتها وانشالله بعد اذا الاحداث بتكمل جذي راح اكره امشاري بعد .... مادري والله مابي اتوقع مخي وقف تعبت راح انطر التكمله ..ومشكووووووره ادري اذيناج وتعبناج بس بعد.. تدرين انحبج ومانبي تفارقين المنتدى ببصماتج (تكملة روايتج)! جنه كلامي صار بايخ..الا صار ..تره قمت اقط خيط وخيط وصرت اخس من امشاري يلا ننطر التكمله وانجعم...احسن...بالانتظااااااااار