رواية بس احبك رواية كويتيه حلوه

[miss 3yara]

وفي نفس الوقت في بيت أم بشار:-


جمانه قاعده بغرفتها تقرا مجله عن الأزياء و المكياج دق عليها طلال : -


طلال: ألووو هلا حياتي


جمانه وهي مالها خلق تكلمه : هلا طلال


طلال: شكله داق بوقت غلط أنتي نايمه


جمانه : لاء قاعده بس متضايقه شوي وتعبانه


طلال: سلامتج قلبي ..إنزين بغيت منج خدمه


جمانه : عيوني لك


طلال وهو يبدي تمثيله : جمانه أنا متسلف من واحد من ربعي و محتاج أرد له فلوسه وماعندي شي فبغيت تسلفيني


جمانه : بس يا طلال


طلال: جوجو إنتي ما تحبيني


جمانه : أنا أحبك بس ألحين ما عندي ولا فلس أخوي ما عطاني مصروف آخر الشهر


طلال: أمانه جوجو إذا تحبيني دبري لي المبلغ أنا ما سويت جذي إلا عشان أبنيلج القصر اللي تستحقينه يا أحلى ملكه في حياتي تدرين إنتي متعوده على الكشخه و أنا لازم أكشخج


جمانه بكل برائه صدقت كلامه : إنزين حبيبي جم تبي


طلال: 500 دينار


جمانه : خلاص أحاول باجر أيبهم لك


طلال: أنا قلت محد راح يطلعني من هالمشكله غير حبيبتي جوجو


جمانه : أنزين وين أشوفك عشان أعطيك لفلوس


طلال: سوق شرق على الساعه 3.40 على البحر


جمانه : اوكي أحبك


طلال: وأنابعد يلا باي


جمانه : باايات


جمانه قعدت تفكر شلون تييب فلوس عشان تعطيهم طلال وهي تفكر جوري كانت نازله بتروح المطبخ تشرب ماي فشافت جمانه قاعده للحين وكلمتها


جوري: ها شعندج قاعده للحين ..؟


جمانه كانت سرحانه وتفكر وما ردت على جوري: .......


جوري: جماانه ..جمانه شفيج اليوم مو على بعضج


جمانه : لا سلامتج ما فيني شي


جوري: علي هالحجي
جمانه : أنا محتاجه فلوس حق وحده رفيجتي وأنا ما أقدر أردها لأن ما أبي تقول عني بخيله ولا ما أحبها


جوري: بس هذي المشكله جم تبين


جمانه : 500 دينار


جوري: أوكي مو مشكله راح أعطيج إياهم ولما بشار بعطيج مصروفج رديهم لي


جمانه : ثاااانكس والله بس انتي اللي فاهمتني بالبيت
******************************************
الصبح في دوام غرام : -


كان الكل مشغول اليوم في تخطيط الميزانيه اليديده ومحد قاعد يرد على المكلمات اللي تيهم إلا مشاري طبعا كل ساعه ماخذله إستراحه يتكلم فيها مع حبيباته ولا يروح يتحرش بالموظفات


فيصل: وينه مشاري ما صار راح الحماام اللي بلندن ولا شنو


غرام : أفف شنو هذا إحنا نشتغل ومشاري يدور ترى ما يصير يا جماعه


أسيل: لا عادي أنا تعودت


دلال: حتى أنا تعودت


فيصل: ترى ما يجوز اللي يسويه مشاري وشكلي بعطيه لفت نظر إذا تأخرنا في تسليم الميزانيه للمدير


دلال: من صجك فيصل


فيصل: أنا مضطر أسوي هالشي لأن آخر مره سلمنا الميزانيه متأخر و بو محمد عطاني محاضره شطولها على شغلي وأنا مو ناقص أشيل كل أغلاطكم على ظهري


غرام :أنا مع فيصل بهالنقطه ترى حرام أنتوا ما تستاهلون ينخصم منكم عشان واحد ما يشتغل
دلال: أنا راضيه بس أخاف يزعل منا مشاري


أسيل: بس أنا مو ناقصه خصم ثاني


فيصل : إذا مايه ألحين راح أضطر أعطيه لفت نظر
************************************************** ***
في نفس اليوم وعلى الساعه 4.00 في سوق شرق


جمانه كانت ناطره طلال على البحر وهي بكامل أناقتها كان لبسها مغري لدرجه اللي يمرون كانوا يطالعونها بنظرات وصخه كانت لابسه تنوره جينز لركبه ضيقه معاها جبنيز سماوي دلعته وايد كبيره مع كعب عاالي وايد كانت واقفه وهي تطالع البحر وخصل شعرها الشقرا تتطاير على ويهها وبعد دقايق من الإنتظار وصل طلال


طلال: هااي
جمانه بدلع مغري: هااي بيبي شلونك


طلال وهو مسوي روحه زعلان : أنا الحمدالله أنتي شلونج ؟؟


جمانه : أنا زينه هاك لفلوس اللي طلبتهم


طلال طبعاً إستانس لما شاف لفلوس فحاول يبين لها أنه مو مستانس وايد : مشكوره حبي بس أنا ما ودي تصرفين علي لأن أنا ما راح أرضها عليج بس هذا اللي صار وإنشالله راح أردهم لج بأسرع وقت


جمانه : ليش أهو في فرق بيني و بينك .؟!


طلال: لا طبعاً بس أنا ما أحب أكون مديون لأحد


جمانه : متى ما حسيت إنك تبي ترجعهم رجعه و ألحين عن إذنك
طلال: وين بتروحين ..؟!


جمانه : ما أقدر أتأخر اليوم


طلال: خلاص المره اليايه نطلع


جمانه : أوكي يلا باي


طلال ببتسامه كلها خبث : بايات


وظل يقول حق نفسه وهو يعد لفلوس: يا مسكينه يا جوجو تعتقدين إني أحبج أنا بس أخذ اللي أبيه منج و راح أقولج مع السلامه
******************************************
يوم الـــــــــويك أند
الصبح في الدوام كانت غرام أول وحده واصله وراها مشاري ، غرام إستغربت من اللي شافته مشاري مداوم مبجر . قعدت بمكتبها وكتبت طلب الإجازه 3 أيام و لما خلصت حطته على مكتبها على ما يوصل المدير


وصت أسيل: السلام عليكم


مشاري: وعليكم السلام


أسيل إستغربت ولما لفت ويها لقت مشاري: مشاري مداوم مبجر وقبلنا شصاير


مشاري: أمس كنت نايم مبجر فقعدت مبجر


أسيل: وينك يا فيصل تيي إتشوف اللي أنا شايفته ؟


دلال بعدها وصلت: صباح الخير



أسيل ، غرام ، مشاري: صباح النور


دلال وقفت يم مكتب مشاري ومسكت ويهه و شعره وهي مستغربه : أنت مشاري صج ولا مستنسخينك


مشاري: مشاري صج


دلال: شلي يايبك مبجر


مشاري: كنت قاعد مبجر فقلت أجرب روحت الدوام مبجر


دلال: أمممم


غرام : أقول أسيل أنا راح آخذ إجازه 3 أيام أمانه تقدرين تاخذين شغلي لين أداوم


أسيل: إي عاادي


دلال: خير إنشالله شفيج ماخذه إجازه


غرام : ما فيني شي بس اليوم بنروح الشاليه وحاجزين لسبوع كله وخالتي قالت روحي إخذي إجازه


أسيل: وين الشاليه اللي حاجزينه ؟


غرام: بالخيران


دلال: وناسه والله يبيله شاليه على هالجو بس وين اللي يدفع


فيصل اليوم كان متأخر عشرين دقيقه عن الدوام : السلام عليكم أدري إني متأخر


مشاري: إي شعندك متأخر ؟


فيصل: وأنت شعندك يااي مبجر ؟


مشاري: أف مليت وأنا أقولكم كنت نايم مبجر أوكي


غرام وهي طالعه من المكتب سألتها دلال : غرام وين رايحه ؟


غرام : بروح أودي طلب الإجازه يوقعه المدير


دلال: إذا شفتي كومار قوليله أيي المكتب


غرام: أوكي


وعلى الساعه 2.30 دق عادل على غرام عشان يذكرها بالروحه :-


عادل: ألووو


غرام: هلا عادل شلونك ؟


عادل: تماام أنتي شلونج ؟


غرام: الحمدالله زينه


عادل: ها مستعده حق الحداق ؟


غرام : حداق من صجك أنا بروحي ما أحب السمج تبيني أصيده بعد


عادل: عادي راح تحبين السمج مني


غرام: بنشوف



عادل: أوكي إحنا ننطركم هناك أوكي يلا باي


غرام: بايات


مشاري لما سمع حجي غرام وسوالفها مع عادل توصل لستنتاج : أن عادل خطيب غرام فطلع من المكتب لأنه حس أنه متضايق شوي وعلى الساعه 3.00 الكل طلع من الدوام غرام طلعت من الدوام لقت سيارتها مبنجره توهقت وما عرفت تتصرف خصوصا أن ما بقى أحد بالشركه قعدت تلف و تدور يمكن تلقى أحد شوي ولا مشاري رد لشركه عشان كان ناسي موبايله فشاف سيارة غرام وراح لها وطق الجام عليها :-


مشاري: غرام شفيج ليش إنتي قاعده إهني ؟


غرام: مثل ما تشوف سيارتي مبنجره وما كو أحد أتصل فيه يساعدني


مشاري رفع قميصه: أوكي بطلي الدبه


غرام بطلت الدبه قام مشاري وطلع التاير الزايد اللي بسياره وبعد نص ساعه ركبه وبهالوقت غرام كلمت أمها وقالت لها أنها بتأخر عشان سيارتها


مشاري ويهه وإيده تلطخو بالدهن الأسود من التواير: خلصت ألحين تقدرين تمشين


غرام : مشكور أدري تعبتك معاي بس أقدر أرد لك هالخدمه


مشاري: لا عادي هذا واجبي ممكن تكون أمي بهالموقف أو أحد من أهلي


غرام : إلحقني بسيارتك أنا عازمتك على شي بارد عشان لا تقول ساعدتها وما قدمت لي شي


لحقها وراحوا حق كافيه نينو اللي على البحر شربوا عصير ومنها سولفوا


مشاري وهو متردد: ممكن أسألج سؤال ؟


غرام: تفظل ؟


مشاري: ليش ما دقيتي على خطيبج إيي يساعدج بالبنجر


غرام رافعه حاجبها: خطيبي


مشاري: إي هذك اللي ياج ذاك اليوم بدوام


غرام: قصدك عادل هذا مو خطيبي


مشاري: أخوج


غرام: لاء أنا وحيدة أمي و عادل ما يصير لي


مشاري: شلون عيل يعزمج على شاليهم و ما يصير لج


غرام: عادل ولد رفيجة أمي وما قدر أيلي لأن اهو بالشاليه مع أمه


مشاري: أمممممممم ، أنزين عندي لج سؤال ثاني ؟


غرام تتأفف :شنو بعد ماخلصت أسألتك


مشاري: بس هالسؤال ليش أنتي تعامليني غير عن الباجي أحس مرات أنج تكرهيني و ما تبلعيني


غرام : شوف أنا ما عجبتني تصرفاتك وحركاتك ويمكن عشان جذي خذيت منك موقف و سوري مو قصدي يعني أضايقك بمعاملتي لك


مشاري: حتى أنا آسف لأن إذا في يوم ضايقتج أو قطيت عليج كلمه ما عجبتج


غرام : يلا أنا أخليك لأن تأخرت على أمي


مشاري : أوكي بس غرام بعطيج شي شي بس لا تفهميني غلط


غرام : على حسب الشي


مشاري : هذا رقمي ولو إحتجتي في يوم أي شي أو طق عندج بنجر


غرام بتردد : إنشالله ، يلا باي


مشاري: بايات
______________________________

 

[miss 3yara]

غرام وصلت بيتهم على الساعه 3.30


أم غرام : هاا تصلح البنجر


غرام: إي تصلح صلحه واحد معاي بدوام


أم غرام: حمدالله وشكر أن للحين في ناس طيبه تحب تساعد


غرام: يلا زهبتوا لغراض


أم غرام: أي كل شي زاهب


غرام: راني يلا نزلي لغراض وحطيهم بالسياره
راني : زيين ماما


غرام راحت غرفتها تبدل ملابسها وتلبس شي خفيف لأن الجو كان حار لبست بنطرون برمودا رياضي مع فنيلة بولو لونها أسود ولبست نظرتها الشمسيه ماركة Ray Ban


ومشوا بطريجهم اللي خذا منهم ساعتين ونص ، وصلوا الشاليه عادل كان ناطرهم بره


عادل: هلا والله خالتي حياج


غرام : أنت تنادينا من بعيد تعال ساعدنا


عادل: كاني ياي شفيج مستعيله


عادل ياهم وساعدهم بالأغراض ولما خلصوا نزلوا أغراضهم دخلوا الشاليه وهناك كانت قاعده ندى ( أم عادل)


أم غرام: السلام عليكم


ندى ( أم عادل) : وعليكم السلام ، هذي اللي قالت راح تيي مبجر الساعه 5.30 ألحين


أم غرام : شنسوي غرام إختربت فيها السياره وطولت بالدوام وعلى ما تصلحت ووصلت البيت طار الوقت
غرام: هاااي خالتوو


ندى ( أم عادل): هايات


غرام: ها تسبحتي يا سباحة ألومبيات


ندى( أم عادل) : لا يبه أنا أتسبح بالبحر أنا أكبر خوافه من الماي بكبره


غرام : أممممم حسافه ألحين منو أروح أسبح معاه


ندى( أم عادل) : إخذي عادل


عادل: أقول خالتي أنا باخذ بنتج وبوديها تتعلم تحدق


غرام: يمه قوليله صح أنا ما أحب السمج


عادل: راح تحبينهم ألحين ، يلا أمشي
غرام: وين ...؟!


عادل: أمانه عيل ليش رايحه شاليه لا تقوليلي إنج ناويه تقعدين داخل الشاليه وتخلين البحر والجو الحلو
غرام : بس عادل توني واصله وأنا تعبانه اختربت سيارتي وقعد بالحر وبعدين رديت البيت بدلت ملابسي وييت إهني على طول خنرتاح وبعدها نطلع


فقاموا يكاسرون بعض بوقت الراحه


عادل: خمس دقايق


غرام : 45 دقيقه


عادل:20 دقيقه


غرام: 30 دقيقه


عادل: مزاد أهو خلاص 30 دقيقه راضي


وبعد الــ 30 دقيقه اللي قعدت فيهم قامت إهي وعادل وهو كان مأجر (جتسكي) فقال: يلا ركبي


غرام: شنو أركب ؟


عادل: الجتسكي بعد شنو


غرام: لاء أنا أخاف منه أخاف أطيح و أغرق


عادل: لا تخافين ما راح تغرقين و أنا ما راح أسوق حيل


غرام : أحلف


عادل: أنزين ركبي


ركبت وراه وهو قعد يسوق بطيئ شوي مره وحده قام يسوق بسرعه غرام قعدت تصرخ وتبجي وتقوله يوقف لمته حيل من الخوف وهو مكمل يسوق آخر شي طاحوا بالماي غرام قعدت تطق عادل وتقوله : أنا قلت لك ما أبي أركب


عادل وهو يضحك عليها : أنزين لحظه أح لا تطقيني سمعي


غرام : ما أبي أنت حلفت أنك ما راح تسوق بسرعه


عادل: خلاص ما راح أسوق بسرعه


وصلوا الشاطئ وعادل رد (الجتسكي) و كملو ا يمشون غرام كانت مو قاعده ترد على عادل وهو يكلمها فقال : غرام ، غرام ليش ما تردين


غرام: لا والله أنت حلفت أنك ما راح تسوق حيل وسقت وطيحتني بالماي


عادل: أنا ما حلفت قلتلج إنزين بس


غرام: نفس الشي


عادل: أنزين يا الزعلانه أمشي نشتري لج عصير يمكن ترضين


غرام : أوكي


شروا اللي يبونه من المطعم و ردوا الشاليه أم غرام و أم عادل كانوا قاعدين بره بالجو الحلو


ندى ( أم عادل) : هووو شصاير فيكم ليش كل هالماي


غرام : ولدج قالي راح نركب الجتسكي ولما ركبنا طيحني بالماي


عادل: والله ما طيحتها مشينا بسرعه و حاشنا موجه صغيره فطحنا بالماي ، خالتي بنتج وايد تتدلع


غرام تقط نفسها عند أمها: أنا ما أدلع بس خفت


عادل: صح ما تدلعين ، يلا أنا أروح أخذ شاور جسمي قام يحكني من الملح اللي بالبحر


غرام : حتى أنا أروح آخذلي شاور


ندى(أم عادل) : بس خلصوا بسرعه ترى بنحط العشا


غرام: إنشالله


غرام راحت غرفتها و عادل راح غرفته وعقب ما خلص من السباحه نزل عشان يتعشى أما غرام قعدت بغرفتها تسوي شعرها وبعدها تنزل حق العشى


عادل قعد يطق الباب عليها : غرام غرامو خلصتي ولا للحين


غرام : خلصت بس أسوي شعري


عادل: إنزين ممكن أدخل


غرام : حياك دش


عادل: من صجج تبين تسوين شعرج خليه بالماي اللي فيه بروحه راح ينشف


غرام : أفف أنزين


عادل مسك غرام من إيدها : يلا أمشي ترى ميتين يوع وما راح ياكلون إلا وأنتي تحت


غرام: كاني وياك


عقب العشا قعدوا عادل وغرام مع بعض قبال البحر والجو الحلو وكل واحد فيهم يفكر بشي عادل يفكر بحبيبته اللي كانت تشتغل مظيفة طيران بس استقالت لأنها ما رتاحت بوظيفتها وعشان أهلها ،وغرام تفكر بمشاري لأنها حست أنها ظلمته وفهمته غلط و أنه واحد طيب وحبيب ،بعد ما سولفوا كل واحد راح لغرفته


اليوم الثاني بالشاليه : -


على الساعه 1.30 عادل قاعد يحوس بشاليه راح لسيارته وزهب عدت الحداق وقعد ينطر غرام لين تقعد


ندى ( أم عادل) : هااا يمه ليش ما رحتوا الحداق؟


نواف: ناطرين غرام تقعد من النوم


عادل: متى بتقعد إهي عشان آخذها وياي بعطيها درس بسمج


أم غرام: غرام ما راح تقعد ألحين لأنها عارفه إنك بتوديها لحداق


عادل: خالتي ممكن أروح لها


أم غرام : إي عادي


عادل خذا وياه قلاص ماي بارد ودش غرفة غرام وكانت نايمه بكل هدوء وأمان عادل طاالعه وكب جم نقطة ماي على ويها بس ما قعدت من النوم آخر شي حط الماي بيده ورشه على ويها غرام قامت وهي مخترعه وتصرخ عادل قعد يضحك عليها
غرام وهي ماسكه المخده ومقطيه جسمها عشان كانت لابسه بجامه دلعاتها وايد كبيره فمبينه جزء كبير من صدرها وقالت حق عادل: ممكن تلف ويهك؟


عادل: والله ما قاعد أطالعج


غرام خذت الروب ولبسته : شلي مدخلك الغرفه


عادل: ياي أقعدج عشان نروح الحداق


غرام: من صجك عدول أنا ما نمت إلا الفير ومقعدني الصبح عشان أروح حداق


عادل: أولا محد قالج تنامين الفير وثانيا ألحين الساعه 12.30 الظهر من صبح


غرام: نفس الشي


عادل: يلا لبسي لأن السمج قاعد ينادينا


غرام: إنزين


عادل طلع وزهب الأغراض عشان يروح أهو وغرام الحداق ونطرها بره الشاليه،خلصت لبسها ونزلت عند أمها و ندى (أم عادل )


غرام: صباح الخير


أم عادل و أم غرام: صباح النور


أم عادل: هااا مستعده حق السمج والخيسه والزفر


غرام : أي مستعده يا خالتي أنا لو بيدي ما أروح بس ولدج الله يهداه ملزم يحببني بالسمج


أم غرام : روحي تعلمي شي يديد بحياتج


غرام: شي يديد مثل الغوص ولا أسوق طراد مو أصيد سمج


أم غرام : روحي بس صدقيني راح تستانسين


غرام: أوكي بس قبل لا أروح عطوني أكل ترى ميته من اليوع


أم عادل: عادل ماخذ وياه كل شي


غرام: أوكي إذا ما رديت مع عادل عرفوا إني رحت شهيده عشان أيبلكم سمج


عادل ينادي غرام: يلا غرام ترى طولتي


غرام: كاني يايه


راحوا وقعدوا على اليال وتحت المظله يصيدون غرام مو عارفه تسوي شي قاعده وتطالع عادل شيسوي ، نواف وغرام قاعدين يسولفون ومخلين عادل بروحه يصيد


عادل: أنتي شقاعده تسوين يلا إخذيلج ميدار وصيدي، وأنت بعد


غرام: أنا وافقت أيي معاك بس ما وافقت أني أصيد معاك


عادل: يا تصيدين يا تاخذين السمج وتحطينه بالثلاجه


غرام: خلاص أصيد أهون من أني أمسكه وأحطه بالثلاجه بس ها أنت لازم تحط لي الطعم وهالسوالف


عادل: من عيني هذي قبل هذي


نواف: إنزين أنت ماخذ غرام تعلمها أنا ليش يايبني وياكم


عادل: نواف والله ما مليت يا قاعد داخل الشاليه يا ماسك الابتوب تعلم شي يديد


نواف: على النت كل دقيقه أتعلم شي يديد


عادل: أقول صيد أحسن لك


على الساعه 1.30 ردوا الشاليه وما كانوا صايدين أي شي عشان غرام خايفه من السمج ونواف مل ويبي يرد الشاليه


أم غرام: هااا جم سمجه راح ناكلها اليوم


عادل وهو يطالع غرام : ولا سمجه


غرام : مومني لا تطالعني جذي


عادل: خالتي بنتج خوافه وجبانه كل ما تحركت الصناره ولا الميدر نقزت من مكانها و أخوي يبي يرد حق لابتوبه


ندى ( أم عادل): كنت حاسه أنكم ماراح تصيدون شي عشان جذي طلبت من شرنبي يبلكم كل اللي تبونه ربيان وسمج


غرام: هذا الكلام مو موديني حداق وسمج وزفره


عادل: خالتي المره اليايه أنا وياج نروح ونخلي أمي و غرام بالشاليه
أم غرام:خلاص باجر السمج علينا


نواف: أنا هذي آخر مره أطلع فيها بحر وهالسوالف أوكي


ندى ( أم عادل) : نواف مثلي ما يحب لزفره أما عدول كله أبوه
_________________________________________

 

[miss 3yara]

في بيت أم بشار:-
جمانه قاعده بصاله وكان يمها جوري موبايل جمانه ما سكت كل خمس دقايق يرن ما كانت تقدر ترد على موبايلها لأن طلال قاعد يدق
جوري وهي تطالع التفزيون بنتباه : جمانه ردي على موبايلج ترى أذيتينا بطالع الفلم

جمانه تطالع شاشة فونها: هذي فجر مالي خلق أكلمها

جوري: أنزين قوليلها أنج مشغوله وهي أكيد راح تتفهم

جمانه : لاء فجر تحب تقرق وإذا قلت لها أني مشغوله راح تاخذ بخاطرها مني تدرين شلون أطرش لها مسج وأخلص عمري

جوري: أحسن

شوي ولا يوصل مسج حق جوري من بشار كاتب فيه أن بيون معاه اثنين من ربعه بتغدون ياه جوري قالت حق الخدامه وزهبت كل شي
بشار وصل البيت وكان معاه مشاري ومساعد يايين يتغدون عنده : السلام عليكم

جوري: هلا بشار ترى الأكل زاهب تفظلوا حياكم بغرفة الطعام

جمانه تسأل جوري: منو اللي يايين مع بشار

جوري: يقول ربعه من أيام المدرسه و جيرانكم قبل

جمانه : يمكن مشاري و مساعد

جوري: إي هذيل

جمانه : شخباري وين شافهم

جوري:شكلج تعرفينهم عدل

جمانه : البيت كله يعرفهم هذيل قضينا معاهم طفولتنا

جوري: أممم ومنو اللي كاان عاجبج فيهم مشاري ولا مساعد

جمانه تعض شفايفها : هاااا

جوري: سمعتيني منو كان أول حب لج مساعد ولا مشاري

جمانه رافعه حاجبها و تعطي ظهرها حق جوري: مشاري بس شلون عرفتي

جوري: معروفه هالحركه ولد الجيران رفيج أخوج و 24 ساعه في بيتكم ولا أنتوا في بيته شلون ما يكون أول حب لج ، عاد حبكم كان متبادل ولا من طرف واحد

جمانه : من طرف واحد مشاري ما يدري إني أحبه

جوري: وهذا من جم سنه

جمانه : من لما كان عمري 17 سنه

جوري: تتوقعين أنه تغير عن قبل ؟

جمانه : ممكن بس ما أتوقع هالشي مشاري غير مو نفس أحد أعرفه يحب يتصرف على طبيعته ما يحب يلف ويدور ومغازلجي درجه أوله من يوم كان صغير وهو جذي

جوري: معذوره بحبج له ، إنزين مو مهتمه تعرفين إذا تغير ولاما تغير بهالسنين

جمانه : لاء مومهتمه

جوري: ولا حتى نقطة فضول

جمانه تأشر على طرف إصبعها: ممكن شوي بس شلون نروح نشوفهم

جوري: نسوي روحنا بناخذ أغراض من غرفة الطعام ونشوفهم

جمانه : فكره يلا

دشوا لغرفة الطعام بس مالقوا أحد لان الشباب خلصوا غداهم وراحوا قعدوا بالدوانيه فقالت جمانه لجوري

جمانه: ولييه راحوا الدوانيه

جوري: ألحين أدق على بشار وأطلعه من الدوانيه وأنتي دشي وشوفيهم

جمانه : أوكي

جوري دقت على بشار و قالت له أنها تبي تكلمه طلع من الدوانيه وراح لغرفتهم ، جمانه لما شافته راح لغرفته دخلت الدوانيه وسوت روحها ما تدري أن في أحد بالدوانيه :-

جمانه : سوري عبالي مافي أحد إهني

مشاري: لا عادي

جمانه بدلع و رقه : مشاري أمبيييه قديم شلونك شخبارك

مشاري: هلا جمانه والله ما عرفتج محلوه وصايره حركات ، أنا تماام الحمدالله أنتي شلونج وشلون أمج

جمانه: أحنا تمااام ، شلونك مساعد

مساعد بثقل : هلا والله

مشاري: بس تبين الصراحه صايره حلوه أكثر من قبل بوايد

جمانه بكل ثقه : أكيد قبل كنت صغيره وياهل وألحين أنا مره

مشاري: أممم للحين مغروره هذا الشي الوحيد اللي ما تغير فيج

جمانه : ليش تقول مغروره ؟

مشاري: خلاص سوري مو مغروره رافعه خشمج

جمانه : يعني جذي معدلها

وهما يسولفون دق موبايل جمانه وكانت جوري قاعده تقولها أن بشار يااي الدوانيه ولازم تطلع

جمانه : يلا أخليكم بس لا تقطعون خلونا نشوفكم

مشاري: إنشالله

طلعت جمانه قبل لا يوصل بشار وقعدت بالصاله وكملت فلمها جوري نزلت من غرفتها وسألتها :-

جوري: ها شصار معاج ؟

جمانه : واااااي يا جوري فضييع كلمة فضيع شويه عليه إينن لاء ما أدري شقول عنه

جوري: كل هذا بخمس دقايق اللي كلمتيه فيهم

جمانه : أظن مثل ما يقول حسين الجسمي ما الحب إلا للحبيب الأولي

جوري: أممممم يا أم الحبيب الأولي

جمانه : عيل وين مماتي

جوري: ألحين تيي راحت الطبيب تاخذ ابرة السكر
_______________________________________
في الشاليه :-

غرام كانت قاعده قبال البحر وتتأمل منظره الحلو بين غروب الشمس اللي بلون الأصفر المايل للأحمر والشمس اللي قاعده تغيب و تنزل لي تحت جنها تعانق البحر و تودعه

ياها عادل وقالها : هاا شقاعده تسوين بروحج ؟

غرام: قاعده أريح نفسي محتاجه الهدوء شويه

عادل: شرايج نلعب

غرام: شنلعب ..؟!

عادل: شراريج كرة قدم

غرام : لاء مابي أخاف أتكسر

عادل: أنتي كله خايفه خلاص نلعب بلي ستيشن

غرام: أوكي
____________________________________
خلصت إجازة غرام وردت البيت إهي و أمها وعلى طول كل وحده فيهم دخلت غرفتها و إرتحت من تعب الطريج وناموا على طول ..
الصبح بدوام غرام:-

وصلت غرام دوامها متأخره عن كل مره لأنها كانت تعبانه مال طول الطريج من الشاليه لي بيتهم

غرام : السلام عليكم

الكل: وعليكم لسلام

أسيل: هلا بالمتأخره

غرام : هلا فيج

أسيل: أمبيه لونج صاير فضيع يكلج مسويه تان عدل

غرام: إي والله كانت الشمس يومها موصج إنزين ما قلتوا لي شلونكم

دلال: أنا عن نفسي تماااااام

أسيل: حتى أنا تمااام أنتي شلونج وشلون كانت إجازتج

غرام: وناسه قضينا الــ بين الماي ورحت الحداق بس ما صدت شي

فيصل: المهم إنشالله إستانستوا

غرام: إي والله استانسنا هناك لدرجه تمنيت أقضي كل وقتي هناك بس قلت راح أشتاقلكم

مشاري كان توه واصل : صباح الخير

الكل : صباح النور

غرام: مشاري شلونك

مشاري وهو مستغرب : أنتي تكلميني ماني مصدق عمري الأستاذه غرام كلمتني أخيرا

غرام: أي شفيك

مشاري مبتسم: لا مافيني شي لو أدري إني لو مساعدتي بتخليج تكلميني جان ساعدتج من زماان

دلال: أي مساعده وشلي صاير بينكم ومن ورا ظهرنا ..؟

غرام : قبل لا تفهمون غلط سمعوا السالفه قبل( الويك أند ) يوم خلص الدوام طلعت ولقيت تاير السياره طاق بنجر فما لقيت أحد يساعدني قعدت أنطر و أنطر آخر شي كان مشاري راد الشركه عشان نسى موبايله فساعدني

أسيل: أمممم

فيصل: أوكي خلو عنكم السوالف ورنا اليوم شغل وايد لأن عندنا اليوم توزيع المعاشات وتحديد ميزانيه يديده

مشاري: أفف كل هذا

دلال: أوكي

قعدوا يشتغلون لمدة ساعتين وهم يشتغلون دق عادل على غرام : ألووووووووووو

غرام : هلا عادل شلونكم إنشالله طيبين

عادل: إحنا تماام أنتي شلونج وشلون أمج..؟

غرام: كلنا بخير

عادل: أقول غرام بغيت منج خدمه

غرام : خير شبغيت ؟؟

عادل: والله أنا مستحي أطلبها منج

غرام : عدوول يلا خلصني شتبي ..؟

عادل: شوفي أنا أحب وحده من زمان وكانت إهي كانت تشتغل مضيفة طيران معاي أنا حبيتها من أول ما شفتها وشافتني وبدت علاقتنا المهم صار لي وياها سنه ومن مده اعرفوا أهلها إنها تكلمني فخلوها تستقيل من وظيفتها

غرام : و بعدين

عادل: من يوم ما رحنا الشاليه وأنا أدق عليها وما ترد علي ولا جهازها مغلق وأنا ميت خوف عليها فبغيتج تروحين بيتهم وتسألين عنها

غرام : مو فشله

عادل: على الأقل إنتي بنت ما راح يشكون أهلها فيج

غرام : أوكي صار إنزين إهي شسمها وين ساكنه

عادل: إهي ساكنه بالسره م (...) ش (...) ق(...) و إسمها زينه

غرام : خلاص لا تحاتي أنا راح أروحلها بعد الدوام وما يصير خاطرك إلا طيب

عادل: والله ونعم الأخت والصديقه شكرا شكرا

غرام : خل الشكر حق بعدين يلا باي

عادل: باي
****************************************
بعد الدوام وعلى الساعه 4.20 غرام كانت متزهبه عشان تروح بيت حبيبة عادل ( زينه ) وصلت لي بيتهم طقت الباب وفتحت لها

الخدامه الباب : منو يبي

غرام : زينه موجوده

الخدامه : أي فظل

غرام دشت ونطرتها نزلت زينه من غرفتها بتشوف من الي زايرها : السلام عليكم

غرام : وعليكم السلام ، أدري إنج ما تعرفيني ولا عمرج شفتيني بس أننا يايه من طرف ناس تعرفينهم

زينه : منو

غرام : عادل

زينه ببتسمامه : عاادل أنتي من وين تعرفينه ؟

غرام : عادل ولد رفيجة أمي وأخوي برضاع وهو قالي كل شي عنكم وهو اللي طلب مني أشوف ليش ما تردين عليه

زينه : والله شقولج من بعد ما عرفوا أهلي بعلاقتي معاه خذوا موبايلي منعوني من الطلعه بس يعلم الله أني ما نسيت عادل أهوا شلونه

غرام: أهو تماام ويقولج مشتااقلج موت ويحبج

زينه : حتى أنا مشتاقه له بس ما باليد حيله

غرام : وهم يقولج لا تفقدين الأمل وتستسلمين وتوافقين أهلج على ولد عمج وإنشالله راح يخطبج بعد سفرته

زينه : متى يعني لأن ما أقدر أتحمل ضغط أهلي علي خصوصاَ أمي وهي عصبيه و مو من النوع اللي يتفاهم

غرام : كله إسبوع و لا سبوعين و إنشالله راح يتقدم لج

زينه برتياح وطمئنينه: إنشالله

وهما يسولفون دخلت عليهم أم زينه : السلام عليكم

غرام: وعليكم السلام شلونج خالتي

أم زينه : الحمدالله بخير منو إنتي ؟

غرام : أنا رفيجة زينه يوم كانت تشتغل مضيفة

أم زينه : أمممم

غرام : يلا أنا أستأذن طولت على أمي

زينه وهي توصل غرام لين الباب: مشكووووووره وايد وايد غرام أنتي ريحتيني بكلامج وأمانه لي كلمتي عادل قوليله إني أحبه وما راح أتزوج غيره

غرام : يوصل إنشالله يلا مع السلامه

زينه : بااي

طلعت غرام من بيت زينه وهي في السياره دقت على عادل وبشرته أنه زينه تماام وتسلم عليه ، عادل إستانس من كلام غرااام وايد وايد

 

[miss 3yara]

غرام رجعت البيت وكانت أمها قاعده بالصاله :السلام عليكم

أم غرام: وعليكم السلام ، وينج اليوم طولتي

غرام: رحت حق وحده رفيجتي كانت تبي مني خدمه

أم غرام : تغديتي

غرام : لاء ما تغديت من متى أقدر أتغدى وإنتي مو معاي

أم غرام وهي تنادي خدامتها: راني يلا زهبي الأكل حق غرام سرعه

راني: زين ماما

وعلى الأكل : -
أم غرام: هاا شلون الدواام

غرام : تمااام بس تعب و الشغل وايد

أم غرام : اللي يبي الدح ما يقول أح

غرام : هااا يمه شقصدج بهالكلام

أم غرام : اللبيب بالإشارة يفهمُ

غرام: هاا يا الوالده اليوم كل كلامج أمثال شنو كنتي قاعده تطالعين برنامج لخبطه

أم غرام : شسوي محد أسولف معاه مقضيته أطالع بالستلايت من برنامج شاعر المليون لي برامج الثقافيه والمسابقات

غرام: خلاص يمه صدقيني هذي آخر مره أتأخر فيها

أم غرام : بنشوف

بعد الأكل غرام قعدت مع أمها يطالعون التلفزيون ويسولفون ، أم غرام سألت بنتها عن مشاري:

أم غرام: منو اللي ساعدج ذيك المره بسيارتج

غرام وهي ماسكه الرمونت وتقلب بالقنوات : شلي ياب هالسالفه فبالج

أم غرام : لأن ودي أشكره على سواه

غرام: إسمه مشاري حمد وهو زميل معاي بنفس القسم

أم غرام : ما عندج رقمه أبي أدق عليه وأشكره

غرام: أهو عطاني رقمه وقالي لو بقيتوا شي دقوا علي يوم عرف إني وحيده وماعندي من يساعدني بس أنا شقيت الرقم

أم غرام : شلون ألحين

غرام : أدق على أسيل ولا دلال يعطوني رقمه

غرام دقت على أسيل وعطتها رقم مشاري ، غرام دقت عليه وخلت أمها تكلمه :-

أم غرام : السلام عليكم

مشاري: وعليكم السلام منو معاي ؟؟

أم غرام : أنا أم غرام

مشاري: أي غرام ..؟!

أم غرام : غرام اللي معاك بدوام

مشاري: أي هلا والله خالتي شلونج إنشالله طيبه

أم غرام: الحمدالله بخير أنت شلونك و شلون أهلك..؟

مشاري:كلنا بخير ..هااا يا خالتي بشنو أقدر أخدمج

أم غرام : سلامتك يمه بقيت أشكرك على مساعدتك لبنتي ذاك اليوم

مشاري: شدعوه يا خالتي ما صار شي كان ممكن أي وحده يصير لها نفس الموقف وغرام مثل إختي

أم غرام : تسلم جزاك الله خير وفيك البركه

مشاري: ما عليج زود خالتي لو بغيتي أي شي أمانه هذا رقمي أنا أدري إنج أنتي مره وحيده عايشه إنتي وبنتج ومثل ما قلت لج أي شي تبين لا يردج إلا لسانج

أم غرام : مشكور يا وليدي

مشاري: إنزين خالتي هذا رقمج عشان أسجله عندي

أم غرام : لاء هذا رقم غرام

مشاري استانس : مو مشكله المهم أعرف إذا كنتوا محتاجين شي .. يلا مع السلامه

أم غرام : مع السلامه
************************************************
في بيت مشاري :-

أم مساعد وأبو مساعد كانوا قاعدين بالصاله مشاري كان نازل من غرفته مستانس عشان صار عنده رقم غرام أهو مو عارف ليش كان مستانس كل هالوناسه

مشاري: السلام عليكم

أبو مساعد : عليكم السلام خير مشاري شفيك مستانس

مشاري: سلامتك يبه بس فزنا بمباراة إيطاليا ومعاشي توه نازل

أم مساعد : هاا شكلك لابس و بتطلع تلعب بالفلوس

مشاري: إي والله بروح أتمشى مع ربعي شوي وبشتري جم شغله

أم مساعد : أقول مشاري ما تروح تيب لنا أغراض البيت ترى الثلاجه تصفر

مشاري: يمه ليش أنتي ما تروحين

أم مساعد : أخوك مريض ولازم أقعد وياه يمكن يحتاج شي

مشاري يحك راسه: إنشالله بس قولي حق أنوار تلبس و تيي معاي

أبو مساعد : إنزين دير بالك وعن السرعه ؟؟

مشاري: إنشالله يمه لي خلصت أنوار قلولها أنا بالسياره

أنوار لبست وخلصت وراحت مع أخوها لمركز سلطان اللي على البحر
********************************
على الساعه 6.45 أم غرام وغرام رايحين يشترون أغراض حق البيت وراحوا نفس المكان اللي فيه مشاري و أنوار ، وهما يفترون ويشترون غرام سمعت صوت تعرفه صوت مو غريب عليها ولما لتفت لقت مشاري وراها مع إخته

غرام طالعته : أنت شيايبك ليكون لا حقني لي هني ؟

مشاري: شنو هالثقه اللي عليج
أنوار وهي تنغز أخوها : مشاري منو هذي ؟

مشاري: بعدين أقولج

أم غرام : شفيج يمه ليش واقفه

مشاري: هلا خالتي شلونج

أم غرام : هلا والله منو أنت ...؟

مشاري: خالتي أنا مشاري اللي كلمتيني اليوم

أم غرام : أي هلا والله شكلك تحب تتسوق

مشاري: لا والله يا خالتي بس الوالده مشغوله مع أخوي فقررت أروح بدالها

غرام كانت تطالعه وهي منغثه منه بس قاعده تبتسم بالغصب: منو هذي اللي وياك خطيبتك , والا

مشاري: هذي إختي أنوار

غرام حست أنقص ويها : هلا شلونج أنوار

أنور: هلا أنتي غرام واااي أنتي ما تدرين شمسويه بمشاري كل يوم يسرح فيج

غرام : نعم

مشاري ينغز إخته ويقول : قصدها كل يوم أذكرج بالخير عند أهلي


غرام : أي

مشاري وهو يتكلم من بين ضروسه : أنا أوريج يا أنوار هين بالسياره

أم غرام : نخليكم تكملون تسوقكم يلا غرام

غرام : يلا بااي
مشاري ظل يطالع غرام لين راحت فقالت له أنوار: والله حلوه

مشاري: مسك إخته من رقبتها : أمشي زين ما فضحتيني عندها

أنوار: خلاص سوري

مشاري يدز العربانه: خلصيني خنكمل الأغراض

غرام شافته وهو يتصرف مع إخته ولما كلم أمها حست أنه إنسان ثاني مو مثل اللي كانت متخيلته لما حاسبوا كانوا عند نفس الكاشير فكانت غرام قاعده تطالعه بنظرات غريبه لدرجه أن أنوار لاحظت هالنظرات

وقربت من غرام وقالت : ترى يحبج ..؟!

غرام رفعت حاجبها : شنو .؟ منو للي يحبني

أنوار: مشاري منو بعد

غرام برتباك و خججل: ههههه حلوه النكته أنا ومشاري

أنوار: يمكن أنتي ما تبادلينه الشعور بس أهو يحبج أنا أعرف أخوي عمره ما انشغل في وحده كثر ما نشغل فيج ممكن أنتي تظنين أنه مو الفارس اللي تتمنينه بس بعد ما تكلمينه وتعرفين شخصيته تلقينه واحد غير

مشاري قاطع حجيهم : أحم أحم هاا شقاعدين تسولفون عنه

غرام تضايقت من كلام أنوار: عن أذنكم


أنوار: إذنج معاج

عقب ما رد البيت مشاري قعد بغرفته يفكر بغرام فدز لها مسج من غير تفكير:-

غرام اسمحيلي على هالكلام اللي كاتبه
بقولج كلمه وبصراحه : أحبج
و أبي أعرف متى قلبج يحس فيني ؟؟
مشاري
************************************************** ***
في بيت أم غرام :-

كانت بشاير بتنام عندهم فكانوا قاعدين بغرفة و أم غرام كانت نايمه بغرفتها

لديك رساله جديده:1

غرام يوم قرت المسج استغربت وايد من كلام مشاري شوي بشاير لاحظت التغير اللي بويه غرام

بشاير: هيي شفيج وين وصلتي شنو المسج اللي وصلج

غرام : هذا مشاري ؟

بشاير: إللي يشتغل معاج

غرام: إيي

بشاير قامت من الكرسي ونطت على فراش غرام : شفيه شنو داز لج

غرام عطت فونها حق بشاير عشان تقرا المسج: رومنسي شراح تردين عليه

غرام : ما أدري تبين الصج صدمني بالمسج

بشاير: أنتي شلي حسيتي فيه لما قريتي المسج

غرام :إحساس غريب

بشاير : أنتي شرايج فيه

غرام : ما أدري بشور لا تسأليني عن شي أنا بروحي بحالة صدمه

بشاير: دقي عليه وسأليه عن المسج اللي دازه

غرام : من صجج

بشاير : إذا ما دقيتي أنا اللي بدق

غرام : أدز له مسج

بشاير : أوكي

غرام مسكت موبايلها ودزت له مسج : مشاري شنو هالمسج اللي دازه إحنا زمله وأنا ما فكرت فيك جذي ؟

بشاير: من صجج تبين تدزين له هالمسج

غرام : أي

بشاير: لا يبه دورري حجي ثاني

غرام تسكر فونها: تدرين شلون ماني دازه شي

ـــــــــــــــــــــــــــــــــــــــــــــــــــــــــــــ
بس بنات نزلت لكم واايد بارتات وعوضتكم وبس تعبت انا باقي اشوف ردودكم علشان اكمل

 

[mnora_92]

مشششششششششششششششششششششششششششكووووووووووووووووووووووووووووووووورة :****

 

[8yoona]

ناآيس قصتج تشوق .. الله يعطيج العافية حبيبتي وناطرة تكملتج

 

[miss 3yara]

سامحوني بنات بكمل لكم باجر اوكي

 

[روح اهـلـها]

البارتات عجيييييييييييييييبه تهبلل وسوري مارديت عليج كنت طالعه وتو رديت وقريتهم
ناطريييييييييييييييينج باااااااجر

 

[]دنيا الوله]

تسلمين على هالبارتات والله خوش قصه وشكلها اهي واختها راح يتهاوشون على مشاري
ناطرين الباجي

 

[miss 3yara]

الحين بكمل

 

[miss 3yara]

بهالإسبوع في الشركه بو محمد طلب من حسام مدير شؤون الموظفين ينقل غرام ويخليها سكرتيرته فدق على فيصل وبلغه أن يقول حق غرام من باجر تداوم في مكتب بو محمد ، غرام ضاق خلقها أنها بتطلع من قسمها بس بنفس الوقت إستانست أنها بتشتغل مع المدير لأنها راح تاخذ خبره وايد منه عشان في يوم تقدر تفتح شركتها . كان مشاري طول هالإسبوع مو مداوم حاس أنه مفتشل من اللي سواه مع غرام


أسيل: مبروك أنقلوج لي مكتب المدير


غرام : الله يبارك فيج


دلال: هذا إحنا قبلج بس ما نقلونا شمعنا أخاف عندج واسطه


فيصل: تستاهلين غرام


غرام : تسلم .. أقول فيصل ما تدري شفيه مشاري هالإسبوع ما داوم كلش ..؟


فيصل: لا والله كل اللي أدري عنه أنه قال يبي ياخذ إجازه اسبوع


غرام وهي مبين عليها أنها تحاتيه وتقول حق نفسها : إنشالله ما فيه شي


دلال: أقول فيصل دق عليه شوف شفيه ترى إحنا فاقدينه
غرام : أي دق عليه


فيصل: إنشالله


دق فيصل على مشاري بس مالقى أي جواب ، حاول يدق أكثر من مره وهم ما رد عليه


غرام : هاا فيصل ما رد عليك


فيصل: لاء مارد


دلال: أول مره مشاري يغط جذي من غير لا يقول شفيه


غرام : محد فيكم يعرف عنوانه ..؟


أسيل: لا والله ما نعرفه


غرام دزت مسج حق مشاري وكتبت فيه : مشاري وينك ترى كلنا بشغل فاقدينك و بليز لما تقرا رسالتي دق علي
***********************************************
في بيت أم غرام :-
غرام كانت راده البيت مبجر يعني على الساعه 1.30 الظهر كانت قاعده بغرفتها تفكر بمشاري حست إنها جرحت شعوره يوم ما ردت على المسج اللي دزه لها ، دخلت عليها أمها لأن ما كان عاجبها حال غرام كان مبين إنها زعلانه و متضايقه من شي : -


أم غرام وهي مبين عليها الخوف : غراام حبيبتي شفيج شلي مضايقج ؟.. شغلج فيه شي


غرام بصوت هادي وفيه ضيقه: سلامتج يمه ما فيني شي


أم غرام : غرومه إحنا متعودين إنا ما نخش شي على بعض شلي صاير معاج


غرام : ولا شي يمه بس تعبانه


أم غرام: تبين تروحين المستشفى ..؟!



غرام : لا يمه ما يحتاي ألحين أنام و أرتاح شوي


أم غرام : على راحتج


غرام : يمه بغيت موبايلج شوي


أم غرام : ألحين أقول حق راني تيبه لج


بعد لحظات دخلت راني ومعاها موبايل أم غرام ، غرام خذت الموبايل وجربت تدق على مشاري نطرت بعد جم ثانيه رد :
مشاري بصوته الرجولي الخشن: ألووو


غرام إرتاحت لما سمعت صوته : ألوو هاي مشاري


مشاري: هايات منو معاي ..؟!


غرام : أنا غرام


مشاري تضايق من اتصالها لأنه للحين مفتشل منها : هلا غرام شلونج ؟


غرام : تماام أنت شلونك شدعوه ما ترد علينا


مشاري : لا عادي بس كان عندي مشاكل بالبيت و حليناها


غرام : والمسجات اللي دزيناها لك هم ما قدرت ترد عليهم


مشاري تضايق من أسألت غرام : أووه ليش تسألين كل هالأسأله ؟


غرام إستغربت من تصرفه وما عطته فرصه يعتذر على عصبيته: سوري مشاري ما كان قصدي أدخل يشؤونك المهم إني تطمنت عليك وعلى العموم سوري إذا أزعجتك بااي


مشاري تحسف على تصرفه البارد مع غرام وهي اللي كانت تحاتيه فدز لها مسج : أنا آسف


غرام ردت عليه بمسج : ما صار شي عادي


مشاري دز لها : من يجرحج بكلمه والله لأسقيج دمه وأكتب على قبره كلمه دفع ثمنها عمره


غرام دزتله مسج: شنو هالمسج الدموي ..؟!


مشاري: تستاهلين أكثر من جذي


غرام حست بالذنب يوم ما ردت على المسج اللي دزه فحاولت تكسبه مره ثانيه ودزت له : مشاري سوري على اللي سويته فيك يوم عبرت لي عن شعورك و أنا تجاهلتك بكل بساطه بس أتمنى تعذرني أنا بنت وحيده يعني لو حصل أي تغير فيني أمي أول من راح يلاحظ هالشي و أنا ما أبي أخسر ثقة امي


مشاري قرا المسج اللي دزته وكتب لها : الله العالم إني جاد بمشاعري و أنا من أول يوم شفتج عجبتيني لأنج ما كنتي مثل كل البنات اللي شفتهم (( أحبج صدقيني))


غرام ما عرفت شترد عليه : .............


قام ودز لها : غرام أنا ما أقدر أجبرج على شي إنتي ما تبينه بس صدقيني أنا أحبج وراح تبين لج الأيام صدقي


غرام استحت من المسجات اللي دزها مشاري دزت له آخر شي لأنها بتنام : تصبح على خير مشاري


مشاري دز لها: أي تصبح على خير توها الساعه 1.30 الظهر


غرام دزت : والله شوي تعبانه من كثر ما حاتيناك بالدوام


مشاري دز : ما تشوفين شر نامي عدل
***********************************
غرام قعدت بفراشها مو مصدقه اللي صار توه كانت مستانسه وايد من اللي صار بعدها حطت راسها ونامت وعلى الساعه 7.00 بليل قعدت من النوم ولما قعدت لقت فونها مكتوب فيه لديك رساله :1
كان المسج من مشاري كاتب فيه :
يا ليتني ذاك لفراش اللي ضامج ومحتويج ....
ياليتني ذاك الغطا اللي مدفيج ....
أحس بكل نسمه بصدرج ..
وأحس بكل دقه بقلبج
أدري أن هالشي مستحيل ..
بس ما أقول غير يا بخت لفراش فيج


غرام أستانست من المسج ودز له : من صجك تغاار من فراشي


دز لها :أولا صح النوم و ثانيا هذا عشان تحسين شكثر أموت فيج و أحبج


ومرت الأيام و كل يوم عن يوم صداقة مشاري و غرام تكبر وتكبر وتحولت صداقتهم من كره إلى حب و إعجاب ومن المسجات و المسنجر إلى المكالمات لطويله بتليفون ، غرام كل يوم تحب مشاري أكثر ومشاري يعشقها أكثر وأكثر
بشاير كانت مستغربه من غرام اللي كانت رافضه إي علاقه تصير بينها وبين مشاري و ألحين صايرين ما يفترقون عن بعض


بشاير: هاا وينها اللي تقول مشاري لو كان آخر ريال بالعالم ما أحبه


غرام مفتشله كانت عاضه طرف شفايفها: بعد صار اللي صار وحبيته


بشاير: يمه منج يمه يوم كنت أقولج تتخيلين نفسج إنتي ومشاري بعلاقه قلتي لاء ومستحيل وهالسوالف


غرام: شسوي بعد حبيته وحباني


بشاير: حبيته وحباني إغنية هذي


غرام: بشووووووور بس عاد


بشاير: إنزين من متى وإنتوا مرتبطين بعض


غرام وهي تحاول تتذكر: ما أدري بضبط كل شي صار بسرعه ما أدري شلون قدر ياخذ قلبي من بين ضلوعي ويخليه عنده


بشاير: وييييييييه كل هذا حقه


غرام: شعبالج عيل


بشاير: الله يهنيكم


غرام: تسلمين بشوره وإنشالله تحبين واحد مثل مشور عشان تعرفي أنا شنو حاسه فيه معاه
**********************************************
في الويك أند بيت أم بشار :-


جمانه كانت قاعده بغرفتها وشابكه وهي تسولف مع ربعها دق طلال عليها : ألوووووو هاي يالحب شلونج


جمانه : هلا طلال أنا تماام وينك أنت ما تسأل ولا جنه لك حبيبه تحاتيك


طلال: أنا كنت مسافر واليوم راد


جمانه : وليش ما قلت لي مليت وأنا أدق عليك وجهازك كله مغلق


طلال: أقوول أنتي لا تقعدين تكلميني جذي


جمانه وهي تتدلع و تتغنج بحجيها: سووري بيبي بس أنا كنت أحاتيك لأن صارلك مده من كلمتني


طلال بنفسيه: وكاني اليوم دقيت عليج .. أقول شعدنج المغرب


جمانه : ولا شي ليش..؟!


طلال: بغيت أشوفج مشتاقلج ..؟!


جمانه: أوكي وين تبيني أشوفك ؟


طلال: مثل كل مره بسوق شرق على البحر ترى فجر و حمود بيون لأن حمود مواعد فجر


جمانه : الخاينه ما قالتلي


طلال: ما علينا راح تيين ..؟


جمانه : أي أكيد


طلال:أوكي لا تطولين


جمانه: أوكي باي
**************************************************
بصالة أم بشار كان الكل مجتمع اليوم لأن اليوم يمعتهم المعتاده ولما نزلت جمانه وهي كاشخه بذاك اللبس اللي يقول جنها رايحه سهره بفندق ولا حفله والعطر اللي يفوح وراها جنها طالعه من محل عطورات والماكياج اللي محليها أكثر مرت عليهم وسلمت وراحت حق أمها


جمانه : مامي بقيت أطلبج طلب


أم بشار: آمري حبيبتي


جمانه : مامي أنا بطلع مع فجور رفيجتي قالتلي أنها بتمرني ألحين لأنها بتعزمني على الغدا فأبي منج جم فلس


أم بشار : بس من عيوني روحي غرفتي وخذيلج من التجوري 200 دينار


جمانه وهي تبوس أمها : ميرسي يا أحلى ماما بالعالم


جمانه خذت لفلوس من غرفت أمها وطلعت بشار ماعجبه اللي سوته أمه مع إخته: يمه من صجج أنتي شلون تخلينها تطلع جذي


أم بشار: شفيها


بشار: يمه أنتي شفتي لبسها


أم بشار: ما فيه شي كل البنات يلبسون جذي


بشار : ويعني كل البنات لازم بنتج تلبس نفسهم


نوال: صح كلام بشار


أم بشار : أقول نوال أنتي عليج من عيالج مالج شغل في أختج فهمتي


نوال: يمه بس ..


أم بشار تقطع كلام نوال : سمعوا أنا قلت لكم من قبل محد له شغل بجمانه غيري فهمتوا


أم بشار صعدت غرفتها وكان مبين إنها تضايقت من كلام عيالها بشار


قام وناداها: يمه ..يمه وين رايحه ألحين بنحط الغدا


أم بشار: أنا إنغثيت من كلامكم الحلو


بشار : شفيها الوالده ليش دايما تحسب خوفنا على جمانه كره ولا سبه لها


نوال: والله ما أدري بس خلاص أنا بشيل إيدي من أي شي يخص أختك
************************************************** **
سيارة جمانه كانت سيارة جمانه مرسيدس sl500اليديد لونه أسود من داخل بيج قاعده بسيارتها بكل ثقه وغرور وكل ما قفت عند إشاره ما هتمت تلتفت للي يمها لأنها تعتقد محد يستاهل تلتفت عشانه المهم وصلت لي شرق وصفطت سيارتها ولما وصلت لقت طلال ناطرها أهو محمد رفيجه و فجر

 

[miss 3yara]

جمانه : هاااي جميعاً

الكل: هايات

محمد : يلا

جمانه رفعت نظارتها على شعرها: شنو يلا إحنا مو قاعدين هني

طلال بدت تمثلياته : لا حبيبتي إحنا أجرنا يخت وبنطلع البحر شرايج

جمانه خافت وارتبكت : هااا يخت و بحر بروحنا

طلال: إي حبيبتي أحسن على الأقل محد يقعد يشوفنا ولا يخرب علينا قعدتنا

فجر تمسك إيد جمانه: يلا جمانه لا تصيرين مليغه أمشي من شنو خايفه

طلال: يلا حبي ترى ألحين يروح الوقت اللي مأجرينه وإحنا ما رحنا

محمد : يلا جوجو ماني خابرج خوافه

جمانه : بس يا جماعه

طلال مسك جمانه من أيدها بعنف وبشده : يلا خلصيني ركبي جدامي

جمانه وهي تتألم : طلال إيدي ..إيدي إنت قاعد تعورني

طلال: أقول بلا عياره وركبي اليخت

جمانه دموعها تارسه عينها : ما أبي أركب.. طلال أنت ليش تسوي جذي

طلال: ترى أذيتيني أنتي وحده رخيصه لازم أسوي فيج جذي

جمانه وهي مصدومه من كلام طلال: أنا يا طلال هذا وأنا أحبك وتحبني

طلال: أنتي متوقعه أني أحبج لا يا بابا صحصحي معاي أنا ما أحب وحده ما تحترم نفسها وسهله حق أي واحد

جمانه حاولت تفلت منه بس كانت مسكته قويه ، كان مشاري كل يوم يسوي رياضه ويتمشى بعد ما يخلص من النادي ، فشاف جمانه كان أول شي مو متأكد أنها أهي بس لما قرب كانت إهي وقف وقال حق طلال:-

مشاري بنبره كلها حده : هيي أنت هدها

طلال: نعم شقلت ما سمعت وأنت شكو

مشاري: أقولك هدها أحسلك

طلال دز جمانه دزه فيها انكسر كعبهاو خلها تطيح على الأرض و طالع مشاري : منو أنت عشان تدافع عنها ماني خابر بنات الشوارع يحطولهم محامي دفاع

مشاري بكل عصبيه : أقولك إحترم نفسك وقدر كل كلمه قاعد تقولها

طلال يحط أيده على خد مشاري : خوفتني يا بابا

مشاري وقف بويه طلال وعطاه بوكس طلع الدم من خشمه طلال عصب وطق مشاري بوكس على بطنه ، مشاري طاح بالأرض وكملوا عليه محمد وطلال ترفس من يمين ومن يسار جمانه كانت قاعده تبجي بحاله هستيريه

جمانه : مشاري ... أي واحد بليز يساعده راح يموت بيدهم

شوي واحد من الناس دق على الشرطه طلال و محمد إنحاشوا قام مشاري من الأرض وهو يبهته (جبهته) تنزف دم شال جمانه من على الأرض وسندها على جتفه

مشاري: يلا قومي إنشالله ما فيج شي

جمانه تصرخ من الألم اللي بريلها وكان سببه دزة طلال لها : آآآآآي مشاري ريلي تعورني

مشاري: تحملي كا ما بقى شي وصلنا سيارتي

وهما بالسياره جمانه لتفتت على مشاري تبي تتطمن عليه قامت وطلعت كلينكس: مشاري يبهتك كلها دم ..؟

مشاري يحط لكلينس هلى يبهته : ألحين يوقف

وصلوا لين مستشفى الأميري صفط مشاري يم الباب وقال حق العامل إييب حق جمانه wheel chair دشوا المستشفى والدكتور دخل جمانه عشان يسويلها أشعه حق ريلها و دخل مشاري عشان يعاين الجرح اللي بجبهته لزم مشاري 3 غرز عشان يوقف النزيف و في إيده رضه ، طلعت جمانه من عند الدكتور راح لها مشاري طاير وكلم الدكتور

مشاري: هاا يا دكتور شلونها ألحين

الدكتور: أنت واحد من أهلها

مشاري جذب لانه يدري ان الدكتور ما يقوله شي إذا ما كان من أهلها: أي يا دكتور طمني عليها

الدكتور: إهي عندها تمزق في الأربطه لذالك لزم نحط لها جبس وإحنا ألحين معطينها مسكن عشان الألم بس أنتبه عليها إهيا محتاجه الراحه الازمه وتاخذ دواها

مشاري: إنشالله دكتور
الدكتور: تقدر ألحين تروح الصيدليه وتاخذ دواها ومعاه العكازات

مشاري: مشكور دكتور

مشاري خذا جمانه وخلها تقعد بالإستراحه على ما إييب لها الدوا و العكازات راح ورد لها وقال وهو مبين أنه تعبان : يلا جمانه هاج عكازاتج وامشي

جمانه ولدموع تارسه عينها : مشاري أنا تعبتك معاي وايد بس بليز أبي منك خدمتين

مشاري: آمري

جمانه : بليييييييز مشاري لا تقول حق بشار عن اللي صار ، أبيك تقطني على سيارتي

مشاري: إنشالله بس إنتي لا تعبين نفسج لأن مو زين لج هالشي وبعدين أنا ما أقدر أقطج على سيارتج إنتي بروحج تعبانه شلون راح تسوقينها

جمانه : أوكي

طلعوا من المستشفى وراحو ا لبيت أم بشار جمانه طول الطريج كانت سانده راسها على كشن السياره ومغمضه عيونها لأن مو مصدقه اللي صار فيها كانت واثقه بطلال أكثر من أي أحد وانصدمت منه وهي مغمضه عيونها كانت قاعده تبجي من كل اللي صار ولما وقفوا عند الإشاره اللي قبل لفت بيتهم مشاري لاحظ أن جمانه ما كان لها حس ولما ألتفت عليها لقاها تبجي بس من غير صوت لأنها ما حبت تزعج مشاري
طالعها وهو زعلان على حالها : جمانه لا تبجين بس تكفى جذي أنتي قاعده إتعبين حالج وايد

جمانه : بس يا مشاري أنا كنت واثقه بطلال أكثر من نفسي شلون يسوي فيني جذي

مشاري: ولا تهتمين هذا واحد حقير وما يستاهل دمعه من دموعج

جمانه هدت شوي: مشكور وايد وايد ماني عارفه شلون أرد جميلك هذا

مشاري وهو يبتسم وتطلع غمازته : ما له داعي تشكريني أنتي شخص عزيز علي و أخت رفيجي شلون ما تبيني أساعدج ويلا مسحي دموعج ترى وصلنا بيتكم وحرام تخرعين أمج

جمانه تردله الإبتسامه : أوكي يلا باي

مشاري: باايات
*****************************
على الساعه 9.30
قط مشاري جمانه بيتهم وراح لبيتهم لأنه كانت تعباان وهو بسياره وصله مسج من غرام :-

(لا تفتكر ان طال بعدي جفيتك ولاتفتكر ان قل اتصالي نسيتك تبقى غالي وبروحي فديتك)

مشاري قرا المسج وحس أنه ارتاح عقب الطق والحوسه اللي صارت فيه ولما يوصل البيت قرر أنه يدزلها مسج ، وصل البيت طلع من السياره يجر جسمه اللي مليان كدمات من الهوشه طلع من السياره بالقصب دش البيت وكانوا أهله كلهم مجتمعين في بيتهم دخل عليهم وهو متعور ومكسر

أنوار لما سمعت صوت الباب راحت ركض بتشوف أخوها لأنها من الظهر مو شايفته فبتروح تطفره : مشيري .. يا مشيري

مشاري حاول يصعد غرفته من غير ما تشوفه إخته بس ما قدر ، أنوار شافته وبدت الصدمه تبين على ويها : مشااري شلي مسوي فيك جذي

مشاري:أوووووووش قصري حسج أنا تهاوشت مع شباب

أنوار كان مبين عليها خايفه على أخوها : يا بعد عمري يا خوي روح غرفتك إرتاح ألحين أييب لك شي تاكله

مشاري بدا يدلل: أي والله جان زين أنا ميت يوع ما وصيج وبعد أبي كمادات ماي بااارد بليز خيتو

أنوار راحت المطبخ عشان تقول حق الخدامه تحط عشا حق مشاري أم مساعد كانت داخل المطبخ فسألت أنوار: هاا أخوج وصل ...؟

أنوار: أي وصل ويبي أكله بغرقته

أم مساعد: ليش ما ينزل إهني ويسلم على خالاتج أروح أقوله ينزل أحسن له

أنور : يمه ماله داعي أهو بيتعشى وبينام لأنه كان تعبان من النادي ومن المشي

أم مساعد : خلاص

******************
بغرفة مشاري
مشاري بدل ملابسه وقعد بشورت مع فنيله داخليه و انسدح على فراشه وهو متألم وكتب مسج لغرام : ليش مكبرا همج ؟ انا احبح ولا يهمج ألا ياليتني بقربج يا تضمني يا أضمج

طقت أنوار الباب على غرفة أخوها ودشت :تفظل بالعافيه

مشاري: مشكوره ، إنشالله ما قلتي شي حق أمي

أنوار: ما قلت لها يلا أخليك ترتاح

طلعت أنوار و مشاري مسك تلفونه ينطر مسج من غرام نطر ونطر شوي ولا يدق تلفونه وكان فيصل إللي داق : ألووووو

مشاري: هلا بو غازي شلونك

فيصل: تماام أنت شلونك مالك حس

مشاري: أنا ... آخ يا ظهري

فيصل:سلامتك شفيك ..؟!
مشاري: مطقوق طق اليهد لا ومسويلي غرز وعندي رضه بإيدي

فيصل: لاه ماتشوف شر

مشاري:الشر ما إييك

فيصل: منو اللي طاقك لا تقولي لاحق وحده وطلع أخوها وياها وطقك

مشاري: لا والله كنت قاعد أدافع عن وحده تصير لي وتهوشت مع واحد جان ينادي رفيجه واستلموني طق سنه بساعه
فيصل: لا سلامتك خيوو، أخليك ترتاح يلا سلم

مشاري:الله يسلمك باي

فيصل:بايات

 

[روح اهـلـها]

بليييييييييييييييز كمليييييييييييييييي

 

[دبة زمانها]

هاي يا احلى اصايل بالدنيا احوالج ...انشالله تمام ..
احلى قصه منج كنت امتابعه الحب انتا وانت وكانت وااااايد حلوة<<<<اكيد لانها منج
والحين هذي وانا امتابعه معاج لي النهايه
ويلا بانتظار التكمله...
اشوفج........مع التكمله..

 

[miss 3yara]

سوري عالتاخير والحين بكمل

 

[miss 3yara]

وهو ياكل أكله وصله مسج ثاني من غرام كاتبه فيه : شقاعد تسوي ...؟!

مشاري مل من كثر ما يدز لها مسجات وقرر يدق عليها : ألوووووو

غرام : هلا والله

مشاري: شلونج يا أحلى من سكن هالعالم

غرام بكل خجل : أنا تماام مدام سمعت صوتك ، أنت شلونك ..؟!

مشاري: أنااا كنت تعبان بس ألحين صرت أحسن بمليون مره

غرام: خير شفيك .. شنو حاس.. رحت الطبيب .. ؟؟

مشاري يضحك بالقصب من عوار جسمه : ههه تخافين علي

غرام استحت أكثر وقالت بكل عفويه : أكيد أخاف عليك مو أنت حبيبي وروحي

مشاري حس أن أحد كب عليه ماي بارد وريحه يوم قالت غرام حبيبي: الله يا حلاتها وهي طالعه من شفايفج تدرين شكثر أنا ولهان ودي أسمعج تقولين هالكلمه

غرام: أي كلمه ..؟!

مشاري: حبيبي

غرام ما ردت عليه :...............

مشاري وهو يطفرها :خلاص ما تقدرين تسحبينها قلتيها وخلصتي ألحين عرفت إنج تحبيني

غرام: مشاري بس عاد لا تقعد تطفرني ترى والله أزعل عليك

مشاري: لا يا معوده من صجج أنا ما صدقت على الله تحاجيني ونصير حبايب بعد تردين تزعلين أنا أموت جذي

غرام بكل حنان تقوله : اسم الله عليك لا تقول جذي على نفسك

مشاري: إنشالله

غرام: شنو أنت اليوم قاعد بالبيت مو طالع يعني ..؟

مشاري: شدراج أنا بالبيت

غرام : لأن أنت قاعد بهدوء ومبين صوت التلفزيون يمك يعني يا بالبيت أو بالدوانيه

مشاري: توني راد من الممشى ومالي خلق أطلع

غرام : وين أي ممشى تروح ..؟

مشاري: أنا أمشي كل يوم بعد النادي يم واجهة سوق شرق لمدة ساعة و ساعتين

غرام: أمممم حلو

مشاري: شرايج بعد الويك أند كل يوم نسوي رياضه هناك عشان أشوفج

غرام:أولا أنا جسمي مو محتاج مشي و ثانياً مشاري تدري أنه أمي مافي أحد يقعد عندها شلون أخليها و إهي من الصبح ما تشوفني إلا على الغدا و بعد ما أقعد من النوم

مشاري: إنزين مو كل يوم .. يوم و ترك لي زاركم أحد من رفيجات أمج استأذني منها وتعالي هناك

غرام : يصير خير

مشاري: لا تقولين يصير خير

غرام وهي تضحك : ههه شنو أقول عيل يصير شر

مشاري: هالكلمه تنرفزني يا تقوليلي أوكي يا تقوليلي لاء ماا أقدر

غرام: أوكي أشوف و أعطيك خبر

بنفس الوقت جمانه قعدت تدق على مشاري .. مشاري أستغرب من الرقم الغريب فقالت له غرام : شكله عندك مكالمه أخليك ترد عليه
ا
مشاري: لا لا بليييز نطري ألحين أشوف منو وأرد لج لا تسكرين أوكي

غرام : أوكي

مشاري رد على المكالمه الثانيه : ألووو

جمانه بصوتها اللي كله دلع : ألوو مشاري

مشاري : أي منو انتي ..؟

جمانه : ماعرفتني ..؟

مشاري: لا والله منو ؟

جمانه : أنا جمانه

مشاري : هاا شلونج ألحين

جمانه : تماام

مشاري: شقلتي حق أهلج عن ريلج

جمانه : قلت لهم أن الكعب انكسر بريلي وتعورت ورفيجتي ردتني

مشاري:أممممم

جمانه : إنت شلونك ألحين

مشاري : أنا تمااام أقول جمانه ما أقدر أطول وياج عندي مكالمة إنتظار

جمانه : أوكي بس بغيت أطمن عليك

مشاري: مشكوره و يلا باي

جمانه: بايات

رد مشاري كلم غرام : طولت عليج

غرام : عاادي تستاهل إني أنتظرك

مشاري : غرام

غرام: يا عيون غرام

مشاري : أحــــــــــــــــــــــــــــــــــــــــــــــــ ــــــــــــبج

غرام : و أنا أموت فيك

مشاري: غرام لا تيبين طاري الموت في حبنا .. إنزين
غرام: خلاص وأنا أحبك أكثر

مشاري: والله من صجج تتكلمين

غرام : مشاري شقلنا مساع لا تطفرني

مشاري : سوري

غرام : يلا أنا أخليك ألحين

مشاري: وين رايحه

غرام : بروح أطالع فلم

مشاري : على أي قناة عشان أحس أني قاعد معاج بنفس المكان

غرام: قاعده أطالع mbc 4 بيحطون TitaniC

مشاري: أوكي أنا ألحين أحط القناة وبعد ما يخلص أكلمج

غرام : لا حبيبي بعد الفلم بروح أنام

مشاري: خلاص باجر اكلمج

 

[miss 3yara]

على الساعه 2.30 بليل جمانه كانت قاعده بغرفتها تبجي على اللي صار فيهاا بشار كان توه بيصعد غرفته فسمع صوت بجي قرب يم باب غرفة جمانه وطق الباب :-

جمانه تمسح دموعها بسرعه : منو ...؟!

بشار: أنا

جمانه تفتح نص الباب وتكلمه : شتبي ..؟

بشار: سمعتج تبجين شفيج

جمانه : مافيني شي قاعده أطالع فلم تايتنك ومات البطل

بشار : والله خرعتني عبالي فيج شي ، أنزين شلوون ريلج ألحين

جمانه : للحين تعورني بس خذيت الدوا وخف الألم شوي

بشار: يلا عيل أخليج ترتاحين تصبحين على خير

جمانه : و أنت من أهله
***************************************
الصبح في بيت مشاري على الساعه 12.00 الظهر
مشاري كان نايم أمه قعدت تطق باب غرفته عشان يقوم يصلي صلاة الجمعه بس ما رد ليها قامت ودخلت عليها وقعدت على طرف فراشه ومسكت راسه وقالت بكل هدوء: يمه مشاري يلا قوم طافتك صلاة
الجمعه أبوك و أخوك راحوا من زمان وهم قريب و يردون

مشاري يدفن راسه تحت مخدته : يمه خمس دقايق بعد

أم مساعد: يلا قوم ما صار نوم

مشاري لف ويها عى أمه ونسى لجروح اللي بويها أمه يوم شافت لجروح والكدمات اللي بويها خافت

وصرخت عليه : مشاااااري شلي مسوي فيك جذي

مشاري: أوووه يمه خرعتيني أمس تهاوشت مع واحد و صار اللي صار

أم مساعد : لا والله أنت متى تبطل لهواش وهالحركات البايخه

مشاري: يمه مو أنا الغلطان

أم مساعد : إنزين قوم تسبح ولا غسل ويهك و صل صلاتك وتعال أكل

مشاري: إنشالله

قام مشاري بس قبل لا يروح الحمام دز لغرام مسج : صباااااااح الخير يا أحلى وأغلى ورده شفتها بالعالم

عقب ما خلص من سباحته لبس دشداشه وقف شعره بالجيل ونزل حق أمه بالصاله : السلام عليكم

أم مساعد و أنوار: وعليكم السلام

أنوار: هاا شلونك ألحين ..؟!

أم مساعد تمسك إذن بنتها: يعني تدرين أنتي باللي صاير فيه وما قلتيلي أمس

أنور: آآي عورتي إذني يمه مابغينا نخوفج عليه وهو ما فيه شي

أم مساعد : أقول يلا إقعد عشان تتغدا

مشاري: ليش وين أبوي و مساعد ..؟!

أم مساعد : اليوم جمعه يعني أكيد راحوا بعد الصلاة الحداق

مشاري: يلا عيل حطوا الغدا

أم مساعد راحت تشوف الخدامه وظلت أنوار مع مشاري بالصاله
********************************************
في بيت أم غرام :-

ندى ( أم عادل ) داقه أم غرام شالت التليفون : ألوووووو

ندى ( أم عادل ): هلا نوره شلونج

أم غرام : الحمدالله بخير أنتي وينج يا القاطعه من بعد الشاليه وإحنا ما نشوفج

ندى( أم عادل ): شسوي نشغلت بجم شغله وكاني دقيت عليج

أم غرام : زين ذكرتينا

ندى ( أم عادل ): أنا أقدر أنساكم ، أقول نوره اليوم عادل يبي يغدينا بره شرايج تين أنتي و غرام

أم غرام : والله ما أدري غرام للحين نايمه

ندى ( أم عادل ): قعديها لي متى بتنام بعد ..؟!

أم غرام : خلاص أكلمها و أبلغج

ندى ( أم عادل ): مو تكشتين دقي

أم غرام : خلاص ندوي قلت لج راح أدق لما تقعد غرام

وعلى الساعه 1.10 قعدت غرام

غرام وهي طالعه من غرفتها و رايحه الصاله : صباح الخير

أم غرام: قولي مساء الخير وانتي صاجه

غرام: آسفه أدري طولت بالنومه والمفروض أقعد مبجر عشانج أدري تملين من القعده بروحج

أم غرام: هااا يعني تدرين

غرام: والله أمس كنت قاعده أطالع فلم وطول فسهرت عليه لين خلص

أم غرام : إنزين مدام إنج قمتي ترى خالتج ندى عزمتنا على مطعم اليوم بما إنه عطلة نهاية الإسبوع

غرام: أوكي مو مشكله متى بتروحين

أم غرام : ألحين
غرام: عيل عشر دقايق أبدل و أخلص

أم غرام: خلاص روحي بدلي على ماأكلم ندى و أقولها إهي بأي مطعم

غرام دخلت غرفتها وطلعت لها تنوره جينز قصيره يعني لي الركبه و جبنيز أسود عليه صورة بنت مع كعب أسود عليه شوارفسكي ، حطت لها مكياج ناعم يعني كلوس و مسكرا و كحل بس

خذت تلفونها وكان مكتوب لديك رساله: 1 .. كانت رسالة مشاري اللي دزها ، قامت ودقت عليه :-

غرام: ألوووو

مشاري: أحلى ألووو سمعته بحياتي

غرام: شدعوه

مشاري: والله ما أجذب .. تعالي أنا دزيت لج مسج شفيج ما رديتي علي

غرام: توني قاعده من النوم وما شفته إلا توه

مشاري: أممم عيل صح النوم يا قمر

غرام: صح بدنك

أم غرام كانت قاعده تنادي بنتها : غرام .. غرام .. يلا راح نطول

مشاري: هااا وين رايحه

غرام: بنروح المطعم نتغدا ندى رفيجه أمي عزمتنا

مشاري: أمممم يعني ما أقدر أشوفج اليوم كلش

غرام :لاحق يوم الأحد راح تشوفني بالشركه

مشاري: وييه لين يوم الأحد أكون أنا مت من الشوق

غرام : ما بقى غير يوم ونرد الدوامات

مشاري: إنزين أنتي أي مطعم رايحه ..؟!

غرام: ما أدري أقول ما أقدر أطول ويااك أمي قاعده تناديني وطولت عليها

مشاري: أوكي باي

غرام: بايات قلبي

 

[miss 3yara]

غرام طلعت من غرفتها و ركبت إهي و أمها السياره ..

بالسياره غرام سألت أمها : أقول يمه أي مطعم بنروح ..؟!

أم غرام: وي نسيت أدق على ندى

غرام: دقي عليها عشان أعرف وين أروح

أم غرام وهي تدق على على ندى :- ألووووو

ندى ( أم عادل) : هلا نوره

أم غرام: أنا توني طالعه أنتوا بأي مطعم ..؟!

ندى ( أم عادل) : إحنا رايحين مطعم ميس الغانم على الأقل عائلي أكثر من غيره

أم غرام: أوكي إحنا هناك نشوفج

غرام : هاا شقالت ..؟!

أم غرام: تقول راح يروحون مطعم ميس الغانم

غرام: أوكي

وصلوا هناك وكانت ندى ( أم عادل) و عادل موجودين ، غرام و أمها : السلام عليكم

عادل و أمه : وعليكم السلام

غرام: شلونج خالتي شلونك عادل

ندى أم عادل: تماام أنتي شلونج يا القاطعه

غرام: والله يا خالتي مو مني القطاعه الشغل و حوسة الدوام وايده

عادل: لا أنا مو متشره على غرام لأن من جم يوم مكلمها
************************************************** **************
في بيت أم بشار

جمانه قاعده بالصاله يتها جوري وقعدت معاها و سألتها : أقوول جمانه وين سيارتج من أمس مو موجوده ..؟!

جمانه: مو تعورت ريلي خلت سيارتي ورديت مع رفيجتي

جوري: لا تنباق يا معوده ياا كثر الحراميه هالأيام

جمانه:إي صح تدرين شلون

جمانه نادت الخدامه وقالت لها تقول حق السايق ياخذ تكسي ويروح سوق شرق عشان إييب سيارتها
شوي ولا ينطق باب البيت فتحت الخدامه الباب كانت فجر بتشوف جمانه وتتطمن عليها ، فجر دخلت و كان ماليها الإحراج : السلام عليكم

جمانه طالعتها من فوق لي تحت وقالت حق جوري: أقول جوري أنا بروح غرفتي أرتاح

فجر : جمانه سمعيني

جمانه : أقول فجر ماله داعي تبررين كل اللي صار خلاص أنا عرفت كل شي وألحين مع السلامه

فجر: بس يا جمانه أنا نحطيت بهالموقف مِثلج

جمانه : مالي شغل مثلي ولا مو مثلي تفضلي من غير مطرود ما يشرفني أدخل بيتنا ناس مثلج

فجر وعيونها متروسه دموع : أنا بطلع يا جمانه بس حبيت أقولج أنا متأسفه عن كل شي

طلعت فجر وهي خاطرها مكسور من أعز صديقه لها .. جوري قعدت تطالع هوشتهم من غير ما تفهم شي صاير لأنها ما حبت تتدخل بخصوصيات جمانه

جمانه صعدت غرفتها وحاولت تريح شوي بعد هوشتها مع فجر حست أن أعصابها تعبانه ، جوري ظلت قاعده بالصاله أم بشاركانت توها راده من محل الألعاب ومعاها عيال جوري ناصر و أحمد

أم بشار: السلام عليكم

جوري: وعليكم السلام إنشالله ما أذوج يا خالتي

أم بشار : حتى لو أذوني عسل على قلبي... عيل وين جمانه ..؟!

جوري: قبل شوي كانت إهني ألحين راحت غرفتها ترتاح

أم بشار: ليكون أذتها ريلها بعد ..؟!

جوري: لا بس يتها رفيجتها فجر وتهاوشوا مع بعض بعدها راحت ترتاح بغرفتها أظن أن أعصابها شوي تعبانه

أم بشار : يمه بنتي خنروح أشوفها

صعدت أم بشار لدور اللي فيه الجناح الخاص بجمانه وطقت الباب عليها : طق طق طق

جمانه: منو يطق الباب ؟

أم بشار: أنا

جمانه : تفظلي مماه حياج

أم بشار: قالت لي جوري أنج تعبانه شوي خير شفيج ..؟!

جمانه : سلامتج بس هالأيام أعصابي صايره ما تتحمل هواش ويتني الخايسه الحقيره فجر تعبتني أكثر

أم بشار: صج قليلة أصل فجر يوم عزيتيها ورزيتها معاج وين ما تروحين ودخلتيها بيتنا تتهاوش وياج
صج أنها مو متربيه

جمانه : مامي خلاص لا تيبين سيرتها ترى والله مالي خلق

أم بشار: خلاص ، أقول جوجو شرايج أنا وياج نسافر إنريحج من هالمشاكل و نقعد فترة نقاهه لج ومنها نآخذ عطله

جمانه: أوكي ما عندي مانع وين نروح عاد

أم بشار: شرايج لبنان

جمانه :اي يبيله لبنان عشان أروح أغير اللوك مالي

أم بشار: خلاص ألحين أكلم أخوج يحجز لنا على طيارة باجر وألحين أنتي إرتاحي وإخذي دواج

جمانه : إنشالله
********************************
في المطعم دقت أسيل دقه على غرام عشان تبي تعزمها على عيدميلادها في هارد روك :-

أسيل: هاااي غرام

غرام : هايات

أسيل: شلونج شخبارج ..؟

غرام: الحمدالله تماام أنتي شلونج ..؟

أسيل: تماام أقول غرومه شعندج اليوم ؟؟!

غرام : أنا ألحين طالعه أتغدا بره بس بعدين ما أدري ليش ..؟!

أسيل: اليوم عيدميلادي وبقيت أعزمج

غرام: كل عام وانتي بخير و عقبال مليون سنه

أسيل: وأنتي بخير هااا تيين..؟؟بليييز لا تقولين ما تقدرين

غرام: خلاص راح أيي وين حفلتج

أسيل: بالهارد روك وتقدرين تيبين وياج أي أحد يعز عليج

غرام: أممم في أحد من اللي أعرفهم عازمته

أسيل: أنتي و دلال ورفيجاتي ، أخوي ابراهيم مشاري و فيصل و طبعاً خطيبي و حبيبي سعود

غرام : أممم أوكي مو مشكله

أسيل: مو تكشتين

غرام: إنشالله يلا باي

أسيل: بايات
***************
أم غرام: هااا وين ناويه تروحين..؟!

غرام: عازمتني رفيجيتي على عيدميلادها وشكلي بآخذ بشاير وياي

أم غرام: أممم أوكي بس ها مو تطولين تدرين أنتي بنت وحيده والناس لو شوفوج بروحج بيطلعون عنج حجي وإحنا مو ناقصين

غرام: إنشالله

عادل وهو يتغشمر: أنا مو معزوم معاج ..؟!

غرام: حياك

عادل: لاقاعد أتغشمر خيتو ما أبي أثقل عليكم أنتي و رفيجاتج

غرام: أوكي
********************************************
في بيت بشاير :-

غرام كانت دازه مسج حق بشاير قالت لها عن الحفله اللي يبون يروحون لها بشاير قالت حق غرام أوكي ،بشاير كانت عايلتها متكونه من ثلاث بنات وصبي أكبرهم بشاير وبعدها عبدالعزيز و نوف و أنفال التوؤام

بشاير طلعت من غرفتها وهي تنادي أمها : يمه ..يمه

أم عبدالعزيز : هلا شبغيتي

بشاير : بعد صلاة المغرب بتمرني غرام وبنروح حفلة وحده رفيجتها هاا شقلتي

أم عبدالعزيز : أوكي ما عندي مشكله بس خواتج راح يقولون بيطلعون حرام صار لهم جم يوم يحنون يبون يطلعون وانتي كل يوم تكشتين فيهم و عزوز دايما يوعدهم وما يوفي

بشاير : يمه من صجج الحفله مو حفلتي عشان أييب خواتي ويااي خليها باجر والله راح أطعهم

أم عبدالعزيز : بنشوف

بشاير تبوس راس أمها : والله أنا وعدتج و وعد الحر دين عليه
********************************
بالحفله وكان موجود هناك أخوأسيل: ابراهيم و زوجته مها وخطيب أسيل: سعود و خواته : فرح - منيره

قعدوا وسولفوا دلال: أسووول شدعوه ما عرفتينا على خطيبج

أسيل: يلا أمشي

قعدوا كلهم بطاوله وحده الكل كان يسولف شوي وصل فيصل .. أسيل شافته وقالت حق خطيبها يقوم وياها عشان يستقبله

أسيل: أخيراً ما بغيت تيي

فيصل: شسوي الشارع زحمه بعد تدرين اليوم ويك أند و الشوارع شلون صاير

أسيل وهي تأشر على خطيبها : أعرفك سعود خطيبي ، وهذا مسؤولي و زميلي فيصل

فيصل: هلا والله شلونك ..؟

سعود: تمااام

فيصل: والله وعرفت تختار أخ سعود أسيل أخت عزيزه وتستاهل كل خير

سعود : تسلم

أسيل: بنظل واقفين هني يلا دشوا

ردوا قعدوا دلال سولفت مع فيصل لما وصل :-

دلال: هاي فيصل شلونك..؟!

فيصل: الحمدالله تماام أنتوا شلونكم جميعا

الكل : تماام

ابراهيم أخو أسيل يعرف فيصل لأن كان يزورهم بدوام فقاله: حيااك بو غازي تعال يمي

أسيل وهي تأشر على دلال: هذي صديقة عمري دلوله

على الساعه 8.00 وصلوا غرام وبشاير الحفلة كانت غرام صايره آيه من الجمال لابسه نفنوف أسود لي الركبه معاه كعب أسود عليه فصوص شوارفسكي وحاطه مكياج خفيف يليق مع الحفله ومسويه شعرها نفس تسريحة حليمه بولند ، أما بشاير فكانت لابسه نفنوف شوي فوق الركبه كحلي مع كعب أبيض

 

[miss 3yara]

المهم دخلوا الحفله وكانت دلال وأسيل في إستقبالهم ..:هلا هلا

غرام: هلا فيكم

أسيل : تفظلوا

غرام : كل عام وانتي بخير وانشالله تعجبج الهديه

أسيل: وانتي بخير مشكوره مع أنه ماكان له داعي تعبين نفسج وتيبين هديه

وعلى الساعه 8.20 وصل مشاري وكان مبين أنه للحين تعبان وللحين لجروح والكدمات اللي بجسمه ما طابت دلال وهي تكلم غرام و أسيل: أففف شلي مسوي بمشاري جذي

غرام اسمعت اسم مشاري لفت ويهاا عليه وحست أن قلبها طاح فبطنها من الخرعه عليه : شلي مسوي فيه جذي

أسيل: قوموا نشوف شسالفته ..؟!

غرام: روحوا أنتوا أنا بروح الحمام

فيصل و ابراهيم قاموا وياهم عشان يسلمون عليه : سلامات .. سلامات

مشاري: الله يسلمكم من الشر

دلال وهي تتليقف : ههههه شلي مسوي فيك جذي ..؟!

مشاري: بعد هوشة شباب

غرام من كثر مو خايفه عليه أول ما دشت الحمام كانت شوي وتبجي بس مسكت نفسها عشان لا يخترب مكياجها

في الحفله :-

ابراهيم: سلامات أبو المش

مشاري : الله يسلمك

فيصل: يلا نقعد ما تشوفونه بالغصب واقف على حيله

أسيل: يلا

مشاري وهو يعطي أسيل هديتها : أسيل تفظلي هديتج

أسيل وهي تأشر على سعود : مشكووور أقول مشاري هذا خطيبي سعود

مشاري يمد إيده ويسلم : تشرفنا أخ سعود

ابراهيم أخو أسيل قال حق الغرسون يلزق الطاولتين بدال مو قاعدين بعاد عن بعض :-

بالحمام (عزكم الله) :-

غرام للحين كانت بالحمام وهي للحين ميته من الخرعه عليه دخلت عليها بشاير : شفيج .. غرام

غرام: مشاري أمس كلمته وما قالي أنه متعور ولا متهاوش

بشاير: يمكن ما بقى يخرعج عليه أنتي ألحين شفتيه وميته من الخوف شنو راح تسوين لو قالج من قبل

غرام : بس أنا ما أظن راح أقدر أجابله بالحفله و أقعد عادي جنه مو صاير شي

بشاير: لازم تسوين جذي

بالحفله:-

أسيل وهي تكلم إخت خطيبها سعود ( منيره) : أقول منيره ما سمعنى حسج اليوم

منيره : والله قاعده أسولف

دلال: أقول من ألحين بدينا سوالف الحماة و مرت الأخو هههههههههههه

بشاير : عيل شلون عيل لازم تكسب الأخت عشان يرضى الحبيب أكثر

دلال: صح كلامج

منيره : ما يحتاتي تكسبني أسيل تعرف غلاتها عندي

أسيل بكل تفاخر : أحم أحم عشان تعرفون من تتكلمون عنه

فرح : ترى مو إهي اللي تحاول تكسبنا إحنا إللي قاعدين نحاول لأن نعرف غلاتها فقلب أخوي

بشاير ودلال قعدوا يصفرون : أوه .. أوه شعليها

الشباب إلتفتوا عليهم بيعرفون شالفه بس ما عرفوا ، قام مشاري عشان يروح الحماام بيشوف وين
غرام

كانت جمانه توها واصله مع جوري عشان يتعشون وصلت بكل أناقتها وستايلها تنوره قصيره فوق الركبه فوشيه مع بدي أبيض و تونز فوشي مع فلات أبيض شعرها مسويته ستريت و بف ومع مكياج وايد over بس حلو عليها

وهي توها بتروح تشوف وين جوري صادفت مشاري طالعته وارتسمت ابتسامه كبيره على ويها ..بس أهو كان رايح الحمام ( عزكم الله)

سعود يسأل ابراهيم : أقول ابراهيم وين الكيكه مو جنها طولت ..؟!

ابراهيم : لاء أنا قايلهم على العشر يحطونها

فيصل: أقول براهيموه شلون السوق هالأيام يقولون الأسم طايح حضها ونازله

ابراهيم: أقول يا بو غازي إسكت ولا تقلب علي المواجع

فيصل: مواجع .. شدعوه شصاير ..؟

ابراهيم: ألحين الأسهم اللي عندي نزلوا ومحد راضي يشتريهم والإقتصاد العالمي طايح

فيصل: إنطر جم يوم ويردون يرتفعون هذا إنتوا يوم فوق ويوم تحت

ابراهيم: إنشالله

فيصل: إلا سعود إنت وين تشتغل ..؟

سعود :أنا مهندس بترول

فيصل: أمممم

عقب ما طلع مشاري من الحمام وجمانه طلعت تصادفوامره ثانيه مع بعض و وقفوا يتكلمون مع بعض شوي: هااي شلونك ألحين

مشاري: تماام

جمانه : أنت ما تدري شكثر أنا استانست لما شفتك

مشاري وهو مستغرب: ليش ..؟؟

جمانه : قمت أحس أن أي مكان بتكون أنت فيه راح أحس بأمان

مشاري: زين

جمانه مسكت إيد مشاري قبل لا يرد للحفله: وين رايح أنا ما خلصت كلامي ..؟!

مشاري: هاا عبالي خلصتي

جمانه : مشكور

مشاري: على شنو ..؟!

جمانه وهي تلعب بخصل شعرها: على كل شي وخصوصا على مساعدتك لي أنت فتحت عيوني وخليتني ما أصدق أي أحد

مشاري مشغول بغرام: عاادي ما صار شي يلا باي

جمانه:بايات

المهم ردوا لطاوله اللي قاعدين فيها غرام من يوم شافت مشاري متعور وهي مو عارفه تسولف مع رفيجاتها ..بس تحملت لين يابوا كيكة اسيل وتعشوا بعدها غرام قالت حق بشاير أنه لازم يمشون عشان لا يتأخرون على أمها

غرام و بشاير قاموا عن الطاوله : يلا إحنا نستأذن

أسيل: وين تو الناس..؟!

غرام: شسوي وراي طريج لبيت بشاير وبعدين لبيتنا

أسيل : أوكي على راحتج

مشاري قعد يطالع غرام وده يكلمها ويفهمها السالفه بس ما حب يحرجها جدام رفيجاتها و اكتفى أنه يطالعها

غرام : باااي يا جماعه

الكل : باااي
******************************
في بيت أم غرام
أم غرام كانت ناطره بنتها لين توصل وعلى الساعه 12.00 وصلت غرام ودخلت على طول غرفتها .. وهي في غرفتها بجت قعد مشاري يدق و يدق على موبايلها حوالي 10 مرات آخر شي ردت

 

[miss 3yara]

في بيت أم غرام:-


أم غرام كانت ناطره بنتها لين توصل وعلى الساعه 12.00 وصلت غرام ودخلت على طول غرفتها .. وهي في غرفتها بجت قعد مشاري يدق و يدق على موبايلها حوالي 10 مرات آخر شي ردت


غرام: ألووو


مشاري وهو حاس إنه غلطان : غرام أنتي قاعده تبجين


غرام بصوت مبحوح : أنت شرايك..؟!


مشاري: ما بغيت أخوفج على الفاضي كلها جروح بسيطه


غرام: لو إنها بسيطه جان قلت لي وما خشيت علي وخليتني أنصدم يعني لو ما كان عيدميلاد أسيل جان أنا للحين ما أدري


مشاري: غراام أنا أمي اللي معاها بنفس البيت خشيت عنها اللي صار شلون تبيني أقولج أنتي وأنا أعرف أنتي خوافه


غرام ترد تبجي: مشااري ..؟!


مشاري: يا عيون مشاري ويا دنيته


غرام: مشاري ما أبيك تخش عني أي شي ما أبي أنصدم فيك بعدين


مشاري: إنشالله ومن عيوني


غرام : ألحين على اللي سويته راح تخليني دوم أحاتيك


مشاري : خلاص غراام قلت لج أنا آسف شتبين أسويلج بعد


غرام عصبت لأنها أهي ميته من الخوف وهو يكلمها برود : مشاري تصبح على خير


مشاري : غراام لحظه .. لحظه


غرام : شتبي ..؟!


مشاري: أنا آسف .. و هذي آخر مره أخش عنج أي شي


غرام: وعد
مشاري: وعد ..هاا رضيتي علي


غرام: رضيت ، دير بالك على نفسك وبطل مشاكل مع الناس


مشاري: إنشالله تامرين يا الغاليه جم غرام عندي ..أقول غرومه أحبج مـــــــــــــــوت


غرام بكل دلع: حتى أنا أحبك بس إذا ما بطلت حركاتك البايخه راح أكرهك


مشاري: لا يا معوده أنا غصب قدرت أكسب قلبج و حبيتيني تبيني أرد من الصفر لا خلاص هذا وعد ما كو هواش ماكو مشاكل


غرام: أوكي تصبح على خير


مشاري: ترى أذيتيني تصبح على خير تصبح على خير جنه تبين تصرفيني


غرام : وأنا أقدر مينونه أصرف حبي وقلبي .. أنا أصرف الدنيا كلها ولا أصرفك أنت


مشاري:إحم إحم أي عبالي بعد


غرام: خلاص ماني قايلتلك تصبح على خير سولف


مشاري: أقولج شي شبكي


غرام : أوكي


غرام طلعت لابتوبها وحطته على السرير وشبكت فتحت إيميلها ولقت اللي شابكين عادل , مشاري،
بشاير.. عادل لما شاف غرام اشبكت على طول دخل عليها :-


عادل ((خطاي اني سألت وجيت ادوّر للغياب اسباب ..خطاي اني تعلمت الوفا والناس كذابه)) : أحلى ولكموو لأحلى أخت


غرام { حبيبي خايفه الحب يكبر وقلبي يعشقك أكثر وأكثر }: يسلمووو خيو شلونك


عادل((خطاي اني سألت وجيت ادوّر للغياب اسباب ..خطاي اني تعلمت الوفا والناس كذابه)): تماام هاا شلون الحفله ..؟!


غرام{ حبيبي خايفه الحب يكبر وقلبي يعشقك أكثر وأكثر }: حلوه .. عدول برب شوي


عادل((خطاي اني سألت وجيت ادوّر للغياب اسباب ..خطاي اني تعلمت الوفا والناس كذابه)): تيت
****************
مشاري لما شافها طولت وما دخلت عليه قام دخل عليها وكتب


مشاري { ســهــل اموت عشانك لكن صـــعـب اعيش من دونــــك }: هااا ليش ما دخلتي علي منو قاعد تكلمين ..؟!


غرام{ حبيبي خايفه الحب يكبر وقلبي يعشقك أكثر وأكثر } : مو قاعده أكلم أحد بس عادل كان يسلم علي


مشاري{ ســهــل اموت عشانك لكن صـــعـب اعيش من دونــــك }: منو عادل .. أنتي تعرفين واحد غيري


غرام { حبيبي خايفه الحب يكبر وقلبي يعشقك أكثر وأكثر }: شفيك مشاري عادل ولد رفيجت أمي
مشاري وهو حاس بالغيره من عادل


مشاري { ســهــل اموت عشانك لكن صـــعـب اعيش من دونــــك }: عيل أخليج تكملين سوالفج معاه
غرام بتحاول تطفره و تزعجه ^_^


غرام{ حبيبي خايفه الحب يكبر وقلبي يعشقك أكثر وأكثر }: أوكي


مشاري{ ســهــل اموت عشانك لكن صـــعـب اعيش من دونــــك }: يعني مو هامج ما أكلمج


غرام تكمل وتطفره


غرام { حبيبي خايفه الحب يكبر وقلبي يعشقك أكثر وأكثر }: كيفك .. تبي تقعد تبي تفصل كيفك


مشاري حس بالغيره أكثر و تضايق أكثر و أكثر ..


مشاري{ ســهــل اموت عشانك لكن صـــعـب اعيش من دونــــك }: بااي


غرام{حبيبي خايفه الحب يكبر وقلبي يعشقك أكثر وأكثر }: وين رايح تو الليل


مشاري{ ســهــل اموت عشانك لكن صـــعـب اعيش من دونــــك }: أخليج مع عادل أحسن مني شتبين
فيني


غرام{ حبيبي خايفه الحب يكبر وقلبي يعشقك أكثر وأكثر } : أوكي


مشاري{ ســهــل اموت عشانك لكن صـــعـب اعيش من دونــــك }: أوكيك .. أوكيك يلا برب


غرام قعدت ساعه تكلم بشاير وتسولف معاها عشان بس تكمل تمثليتها على مشاري .. مشاري حط نفسه مشغول وقعد يطالع إيميله ينطر غرام ترد تكلمه بس ما كلمته .. و أهي قاعده تسولف مع بشاير دخل مشاري وكتب لها :


مشاري{ ســهــل اموت عشانك لكن صـــعـب اعيش من دونــــك }: أنتي للحين شابكه ..؟!


غرام{حبيبي خايفه الحب يكبر وقلبي يعشقك أكثر وأكثر }: أي شسوي قاعده أسولف مع عادل من زمان مو شايفته .. ليش تبي شي..؟!


مشاري تضايق أكثر ...


مشاري { ســهــل اموت عشانك لكن صـــعـب اعيش من دونــــك }: لاء سلامتج آسف على السؤال شكلي خربت عليج سوالفج معاه


غرام { حبيبي خايفه الحب يكبر وقلبي يعشقك أكثر وأكثر }: لوووووووووول لعبت عليك خوش لعبه


مشاري{ ســهــل اموت عشانك لكن صـــعـب اعيش من دونــــك }: يعني شنو .. شقصدك


غرام{ حبيبي خايفه الحب يكبر وقلبي يعشقك أكثر وأكثر }:أنا قاعده أكلم بشاير من مساع ولعلمك أنا عرفت ألحين إنك تغار


مشاري{ ســهــل اموت عشانك لكن صـــعـب اعيش من دونــــك }: أكيد أغار لو ما أغار عليج أغار على منو بنت الجيران


غرام {حبيبي خايفه الحب يكبر وقلبي يعشقك أكثر وأكثر }: سوري أدري طفرتك


مشاري{ ســهــل اموت عشانك لكن صـــعـب اعيش من دونــــك }: أف وايد ، على هالمقلب ممكن أهديلج أغنيه ..؟؟


غرام { حبيبي خايفه الحب يكبر وقلبي يعشقك أكثر وأكثر }: أممممممم أوكي


مشاري{ ســهــل اموت عشانك لكن صـــعـب اعيش من دونــــك } : سمعي هالأغنيه


دز مشاري حق غرام إغنية عبدالمجيد عبدالله يحلمون ، غرام سمعت الإغنية واستانست وايد من الإهداء وحست أنه مشاري شاريها ومو ناوي يهدها


غرام { حبيبي خايفه الحب يكبر وقلبي يعشقك أكثر وأكثر }: حلوه


مشاري{ ســهــل اموت عشانك لكن صـــعـب اعيش من دونــــك }: مثل ما قال عبدالمجيد عبدالله أي واحد يفكر فيج أبقوله يحلم لأن غرام لي بروحي


غرام { حبيبي خايفه الحب يكبر وقلبي يعشقك أكثر وأكثر }: هل كثر تحبني ..؟!


مشاري{ ســهــل اموت عشانك لكن صـــعـب اعيش من دونــــك } :أنا من كثر ما أحبج صار طيفج معاي
وين ما أروح .. والله يا غرام من يوم عرفتج وكل البنات صاروا بنسبه لي ولا شي المهم أنتي بس


غرام {حبيبي خايفه الحب يكبر وقلبي يعشقك أكثر وأكثر }: ما تقص علي


مشاري{ ســهــل اموت عشانك لكن صـــعـب اعيش من دونــــك }: أنتي الشخص الوحيد اللي ما أحب
أجذب عليه بشي


غرام { حبيبي خايفه الحب يكبر وقلبي يعشقك أكثر وأكثر }: توك جاذب علي بسالفة الهوشه


مشاري{ ســهــل اموت عشانك لكن صـــعـب اعيش من دونــــك }: بس هذي جذبه بيضه


غرام{ حبيبي خايفه الحب يكبر وقلبي يعشقك أكثر وأكثر }: لا والله


مشاري{ ســهــل اموت عشانك لكن صـــعـب اعيش من دونــــك }: أنا هديتج أغنية وأنتي للحين ما هديتي لي ولا إغنية شدعوه ولا حبي من طرف واحد


غرام {حبيبي خايفه الحب يكبر وقلبي يعشقك أكثر وأكثر }: والله توني بأقولك إسمع إغنية يوسف لعماني يعشقني لأنك بنسبه لي عشقي الأول و الأخير


مشاري{ ســهــل اموت عشانك لكن صـــعـب اعيش من دونــــك }: لاء يا جماعه جذي ما أقدر راح أيين راح أطلع من هدومي من الكلام اللي قاعد أقراه


غرام {حبيبي خايفه الحب يكبر وقلبي يعشقك أكثر وأكثر }: أقول حبيبي أنا بفصل ألحين تبي شي


مشاري{ ســهــل اموت عشانك لكن صـــعـب اعيش من دونــــك }: أوكي تصبحين على خير بس قبل لا
تفصلين بقولج شي بسرعه


غرام{ حبيبي خايفه الحب يكبر وقلبي يعشقك أكثر وأكثر }: شنو بعد ..؟!


مشاري{ ســهــل اموت عشانك لكن صـــعـب اعيش من دونــــك }: أحبج بااااي


غرام{حبيبي خايفه الحب يكبر وقلبي يعشقك أكثر وأكثر }: بايات


بعد السوالف بالمسن داخت ونامت
********************************
يوم ثاني :-


في بيت أم بشار على الساعه 2.00 الظهر جمانه كانت للحين نايمه شوي ولا يرن موبايلها وكان طلال اللي داق .. جمانه ردت من غير لا تشوف منو المتصل


جماانه وبصوت ناعس: ألووو


طلال: الصراحه صوتج وايد سكسي وإنتي نايمه


جمانه : خير شتبي داق ولا نسيت اللي صار


طلال: أنا آسف يا جوجو ما كان قصدي أسوي جذي تدرين أنا عصبي وما أحب أحد يعاندني


جمانه : أممم أوكي مشكور على الإعتذار ..ممكن ما تدق على هالرقم ..؟!


طلال تغير كل كلامه بلحظه : أقول ليكون فكرتي إنج وحده محترمه تستاهل إني أعتذر لها لا إنتي بنظري للحين وحده و واطيه يا .....


جمانه : أنا قلت أن هذي تمثليه من التمثليات اللي تلعبها دايما علي


طلال: أقول خل ينفعج محامي الدفاع يا بنت الشارع


جمانه : أنا بنت شارع يا حقير يا اللي مو متربي


طلال يضحك عليها بخبث: هههههههههه لا تحسبين إني بسكت راح تندمين على كل شي سويتيه يا حقيره ...............


جمانه سكرت التليفون قبل لا يكمل كلامه وحطت موبايلها مغلق ، عقب هالمواجهها اللي صارت بينهم قامت جمانه وخذت لها شاور عشان تهدي أعصابها عقب ما خلصت من الشور بدلت ملابسها وقعدت بالصاله اللي بالدور الثاني :-



أم بشار كانت توها راده مع بشار من السفريات : جوجو حبيبتي قمتي ولا لاء


جمانه: مماه أنا قاعده فوق بالدور الثاني


أم بشار وهي تصعد الدري لين الدور الثاني و وصلت لي الصاله : ترى حجزنا إسبوع على لبنان ومن باجر الساعه 9 الصبح إحنا بالطياره


جمانه ببتسامه كبيره: والله مماه.. أخيرا حجز مليت من القعده بالحر


أم بشار: أي يعني اليوم زهبي أغراضج عشان السفر


جمانه :أنزين أحنا بروح بروحنا ولا معانا أحد من العايله


أم بشار: لا طبعا بس أنا وياج


جمانه : هياااا أحسن مالي خلق أحد يعلق على لبسي ولا يتحكم فيني هناك


أم بشار: يلا أخليج ألحين بروح أرتاح شوي تعبت من الحر ولدواره من الصبح


جمانه : أوكي


شوي ولا ينطق باب البيت الخدامه راحت تبطل الباب وكانوا عيال نوال اللي يايين دشوا وقعدوا مع خالتهم جمانه

مرام : هاااااي


جمانه : هاايات


مرام: شلونج خالتي إنشالله تماام


جمانه : أنا تماام إلا أنتوا شلي يايبكم اليوم ..؟!


وليد: أمي طالعه مع أبوي وقالت لنا بتقعدن بالبيت ولا تبون تروحون بيت يدتكم فخترنا نيكم


جمانه : أممم إنزين قعدوا بدون صوت لأن يدتكم نايمه


مرام : خالتي ممكن أكلمج بموضوع خاص شوي ..!


جمانه مستغربه : تكلميني أنا


مرام : إي يا خالتي


جمانه خذت مرام وراحت لغرفتها وقالت حق اليهال يقعدون بالصاله بدون صوت


بغرفة جمانه :-
مرام : أدري يا خالتي إنج استغربتي ليش أنا بكلمج بروحنا


جمانه : خير شفيج مرام محتاجه شي


مرام: لا يا خالتي بس أنا عندي مشكله و ودي تحلينها معاي


جمانه : وليش ما قلتي حق أمج عنها ..؟!


مرام :خالتي أنتي قريبه من عمري يعني راح تفهمين لي وراح أفهمج
جمانه : أنزين شنو المشكله


مرام وهي منزله راسها : أنا أحب واحد أكبر مني عمره 30 سنه وهو يحبني فوق ما تتصورين

جمانه : وين المشكله ..؟!


مرام : خالتي أهو ناوي يخطبني من أهلي تهقين لازم أوافق ولا لاء


جمانه : أنتي تحبينه صح


مرام : أي
جمانه : وهو يحبج ؟


مرام : أي يا خالتي يحبني ويموت فيني


جمانه : توكلي على الله و وافقي


مرام : أنا ما أبي أندم بعدين على قراري


جمانه : يقولون الحريم الكبير يدلع ولصغير يعلل


مرام : أنتي تشوفين جذي


جمانه : أنا أشوف جذي بس أنتي شلي تبينه لازم تفكرين عدل مو علشان أنا قلت أوكي أنتي توافقين على شي أنتي مو مقتنعه فيه


مرام : إنشالله


طلعوا من غرفة جمانه وقعدوا بالصاله ، دخل عليهم بشار قاموا سلموا عليه عيال إخته وطلع