تجمع لمشتركات نادي (( كيرفز )) تعالو فيدو واستفيدووو

[وردة النرجس]

الله يبارك فيج حبوبة

ولا تيأسين دام قاعده تروحين كل يوم وتحرقين لا تحاتين

وأكيد بنطر البشارة منج

بس ديري بالج لا يأخذون قياساتج قبل الدوره بيومين لأن الجسم يكون متروس ماي وطييعي زيادة كيلو أو أكثر فخلي دايما قياساتج بعد ماتخلصين الدورة

 

[وردة النرجس]

للرفع

 

[_zahra]

مرحبا وردة شلونج..وكلامج طلع صح انا ناطرة الدورة هاليومين فقالتلي ما ناخذ قياساتج بس حنيت عليها ابي اعرف وزني والا طلع زايده 400جرام ؟؟؟ فقالتلي انه من الدورة اكيد ,,تضايقت شوية ,المهم اليوم مارحت ذبحني الصداع النصفي من الدوام ليما الحين ,,

 

[وردة النرجس]

اى قتلج

ليش حبطتني نفسج ووقفتي على الميزان

آخ منج مافيج صبر تنطرين لي بعد الدورة

وطبيعي الصداع من الدوره بعد وتشتهين كاكاو بعد هم عادي وودج تنامين وكلا نعسانة وكسوله هم شي طبيعي

 

[_zahra]

اي والله وردة جنج تدرين عني والله شسوي مادري شفليني هاليومين .

 

[وردة النرجس]

يلا ماعليه ريحي مخج ولا تحاتين

شدي حيلج بالنادي وخلي الباجي عليهم

 

[خاشووقه]

صبـــــــــاح النور

يديده بالتجمع عليكم

 

[مهناز]

هاي بنات ؟؟

انا ابي اشترك بس عشان كرشتي واشد بطني المترهل بس مابي اضعف وايد شسوي ؟؟ وهم مابي تطلع لي عضلات ؟

يعني تنصحوني اشترك ؟؟ واذا هديت النادي ترجع كرشتي اكبر من قبل ؟؟

وين اقرب فرع لي انا بالعدان ساكنه

وابي مدربات نفسيتهم حلوه

 

[_zahra]

هلا فيج خاشوقة شلونج؟؟ومهنااز من تجربتي كل شي زين نتركه بيرجع لوضعه السابق وانا ماعرف اي فرع قريب اخذي رقم فرع الشعب وساليهم احسن22651625 والكل بفرع الشعب نفسيااتهم حلوة

 

[وردة النرجس]

هلا والله حياكم معانا بالتجمع

إختي أقرب فرع لج إنتي بالعدان راح يكون بالسالمية لأن حاليا ماعندهم غير بالجابرية والسالمية والشعب وبدسكفري مول

وبالعكس حبيبتي الأجهزة ماتعظليبن عليهم لأن مافيهم أوزان يعتمدون على مجهودج الشخصي لعملية الدفع والشد

 

[خاشووقه]

زهرا
الحمدلله انا بخير


مهناز
نفس ما قالت لج وردة النرجس الأجهزه ما تعظل بس تعتمد على الشد
و وايد حلووو وان شاء الله تلاقين نتيجه ترضيج

 

[وردة النرجس]

السلام عليكم

ها بنات شلونكم مع النادي

أقولج خاشوفه قتلها رفيجتي إشتركت سنة عندكم بفرع الشعب وعطيتوها تي شيرت ابي واحد خصوصا ان إشتراكي سنة أنا بعد

جان تقولي خلاص أكلم المديره وأقولها أنج تستاهلين تي شيرت

خل نشوف إنشالله إذا عطوني راح أخبرج أكيد

 

[وردة النرجس]

سلام حبايبي شلونكم

وينكم شالغيبة

ابشرج خاشوقة حصلت على التي شرت

وناسة حلو

قلت بلبسه دايما حق النادي

ويايبين دفعه يديدة حلوه الوانها بعد

 

[وردة النرجس]

سلام حبايبي شلونكم

وينكم شالغيبة

ابشرج خاشوقة حصلت على التي شرت

وناسة حلو

قلت بلبسه دايما حق النادي

ويايبين دفعه يديدة حلوه الوانها بعد

 

[_zahra]

مرحبا بنات شلونكم,,شخباركم, من زمان المنتدي معلق كله,,والله هالاسبوع ماكو رياضة من الدورة وان شالله علي السبت باذن الله, انو شمسوين؟

 

[مهناز]

شكراااااا وردة النرجس وخاشوووقه دقيت عليهم وحطيت موعد وطاف موعدي مارحت عاد محتارة اسجل بالشعب ولا السالميه

 

[وردة النرجس]

ها شلونكم بنات

ولهت عليكم

المنتدى كلا معلق ويطلعلي تحت ضغط كبير

المهم شخباركم مع النادي

زهرا متى موعد فياساتج

انا بعد 10 أيام موعد قياساتي

 

[_zahra]

مرحبا شلونكم والله وردة انحبطت حدي شهر 5 كلش مو زين زياده كيلوين ,,بس القياسات مو متغير شي وحتي نسبة الدهون اشوه مو زايده بس هالكيلوين امبيية انحرجت من المشرفة جوان بالشعب تقولي اذا بموعدج الثاني مو نازله 4 كيلو بتزعل مني

 

[shaikhat al-zain]

انا صارلي شهر مشتركة ووايد مستانسه من النادي
بس الي ضيق خلقي انه لما خذوا قياساتس بعد شهر
انصدمت اني مو نازله بالعكس زايده بس مو وايد اقل من كيلو
بس ضاق خلقي
تقولي المدربه انه هذا من العضلات لان بدت تتكون

جسمي صار مشدود بس مادري ليش حاسه اني ماتنه ومنتفخه شوي:eh_s(22):

 

[وردة النرجس]

امبيه زهرا يمكن صج العظل قاعد يتكون وبعدين راح تنزلين نزله سريعه إنشالله

لالا شدي حيلج عدل هالشهر علشان تبيضين الويه الموعد الثاني يعني إذا إنتي قاعده تشدين حيلج بالنادي عيل شدي حيلج من ناحية الأكل شوفي الي قاعد يزيد وزنج وخري عنه

يعني خففي عشى كثر ماتقدرين ولا تخربطين وايد يا الغالية

وإنشالله تبشريني عنج