تجمع لمشتركات نادي (( كيرفز )) تعالو فيدو واستفيدووو

[_zahra]

صااجه نرجس كانه خذت راحتي بعد يا خوفي بس يالله باجر يفتح النادي ونشد حيلنا مرة ثانية ونعوض راحة هالكم يوم ,,

 

[_zahra]

مرحبا بناات شلونكم؟ شخباركم ويا الرياضه؟

 

[وردة النرجس]

السلام عليكم

هلا زهوره شلونج

انا امس رحت وحدي شديت حيلي باللعب

واليوم مارحت ياتلي الدوره وإنشالله السبت مره ثانية ارجع

 

[عيش و مرق]

بنات شنو طبيعت الاعاب والتمارين الى تسوونها

وشنو تلعبون بنص ساعه يمدى وله مايمدى

عشان ناويه اشترك هشهر

 

[وردة النرجس]

هلا حبيبتي

إهو عبارة عن مجموعه أجهزة كل جهاز تلعبين عليه 3 ثانيه يعني بوقت محدد وبعدين تقومين وتروحين للجهاز الي بعده

وكل جهاز يلعب على جزء معين من جسمج ويخليه يشد ويتناسق

 

[وردة النرجس]

هلا حبيبتي

إهو عبارة عن مجموعه أجهزة كل جهاز تلعبين عليه 3 ثانيه يعني بوقت محدد وبعدين تقومين وتروحين للجهاز الي بعده

وكل جهاز يلعب على جزء معين من جسمج ويخليه يشد ويتناسق

 

[عيش و مرق]

اها شكرااااا

 

[_zahra]

مرحبا بنات ,,وعيش مرق بضيف علي كلام نرجس انه تري يسوي شغل اذا تروحين كل يوم وتشدين حيلج باللعب ومع تخفيف اكل وعلي مدي شوية طويل ومو بسرعه,,,

 

[ReeMaN]

امبيه اسفه اسفه اسفه جدا تونى اشوف تشجيعكم لي حبايبي ماتقصرون والله والفال لكم كل وحده تكون نازله الوزن اللي تبيه يارب

 

[_zahra]

شدعوه ريمان ما يبيله تأسف احنا خوات,,شخبارج ويا النادي مواظبة؟

 

[ReeMaN]

هلا والله زهره اى الحمدلله مواظبه وقاعده احاول اخفف بالاكل بعد ..... انتى باى فرع كيرفز ؟

 

[miss disaster]

السلام عليكم...

بنات انا خاطري اشترك بنادي فبسأل جم سؤال

وين صاير النادي؟

بجم الاشتراك؟

عادي اللي عمرهم 17 يسجلون؟

شلون الطريقه اجهزه ولا حركات انتي تسوينهم؟

جم نزلتو وجسمكم شد ولا لا لان انا ان شاء الله بنزل كيلوات وايد فيشد ولا لا ؟

ومشكورين

 

[_zahra]

انا بفرع الشعب و انتي ريمان؟ ومس ديزاستر نادي كيرفز فكرته نص ساعه بس علي مجموعة اجهزة رياضيه تحرك اجزاء الجسم مع حركات كارديو تسوينهم انا صارلي شهر و استفدت علي البطيئ منه وهمن حلو ومرتاحتله ,,وليما الحين ما شد بجسمي شي بس لمن خذوا قياساتي نزلت بالانش وايد اكثر من وزني, والله كريم مع الاستمرار ان شالله.مريهم في يوم تجربه مجاني تري للي تبي.و هو لكل الاعمار

 

[ReeMaN]

هلا والله زهره شخبارج؟؟؟ الله يسلمج انا بفرع ديسكفري مول ...

يمدحون فرعكم احلى شي ان يفتح بالثمان الصبح

 

[_zahra]

حلو والله فرعنا والمجموعه تهبل بعد,,بس ما العب بروحي واطلع ما اعرف علي احد ولا تعرفت علي احد متي موعد قياسج ريمان؟

 

[وردة النرجس]

السلام عليكم

حدي مشتاقة لكم ماعندي نت بالبيت واليوم شابكة من زوراة بيت أهلي

ووإنشالله الإسبوع الياي موعد قياساتي وأتمنى اني أكون نازله لو كيلو واحد خصوصا اني مخرطبة هالشهر وايد

 

[_zahra]

مرحبا نرجس تشتاق لج العافيه ,,وحتي انا نفسج مخربطة هالشهر لا انا تقييمي حق رووحي كلش مو شي الشهر اللي طاف كنا مشجعين بعض اكثر ,,وان شالله تكونين نازلة بالقياسات والكيلو وعلي قولتج حتي لو كيلو بس هم شي زين وانا بعد ودي ان شالله ما بقي شي علي موعدي بعد اسبوع .

 

[وردة النرجس]

السلام عليكم

شلونكم شخباركم

أبشرج زهراااااا

اليوم كانت قياساتي

وناسة

الحمدلله نازله كيلو ونص تقريبا

ووايد نازله بالسينتيمتر يعني هالشهر فارقه معاى القياسات اكثر من الوزن

وصج إستانست خصوصا أني هالشهر كنت مآخذه راحتي وكلا كنت خابفة اني ماأنزل او يثبت وزني

بس يلا زين عطيتكم دافع انكم تستمرون بالنادي وتشوفون نتايج تسركم

 

[وردة النرجس]

للرفع

وينكم بنات كيرفز ؟؟؟؟؟؟؟؟؟؟؟؟؟

 

[_zahra]

مبرووووك وردة يا زينج والله ,,الله يتمم عليج ويسعدج دايما ان شالله,,والله اخر اسبوعين النفسية كانت لج عليها ومثلج اخذت راحتي شوية وجبات ,,واحتمال اخذ قياساتي بكرا لان احاتي الدورة تجدم علي هالاسبوع,,بس مادري باللبس مو فاارق كثير وما اعتقد اني نازلة بالكيلوات شي .. والله كريم وبردلج خبر شنو صاار معاايو الحمدلله مازلت مستمرة بالنادي بشكل يومي .