وسقطــت الأقنعة عن الوجووه و ... ((روااااية كاتبها اخوووي))

[هولندية 93]

[color="blue[center][size="4"]"]هاي بنات


انا عضوة يديدة و حبيت انزل لكم رواية اخووي اللي كاتبها و اتمنى اشوف تفاعلكم معانا وحياكم





اهم 3 روايات وكل رواية مقسمه الى 7 اجزاء ، وهالثلاث روايات احداثها متصلة مع بعض، وكل يوم إن شاءالله راح ننزل لكم بارت يديد


الشخصيات أشخاص حقيقيين بس الاحداث من وحي الخيااااال

ونبتدي اليوم بإذن الله البارت الأول وان شاءالله يحوووز على رضاكم

وسقــــــــــــــــــــطت الأقنـــــــــــعة عن الوجــــــــوه و ...

البارت الأول[/​

​

center]




هديل..غدير..روان..شهد..فرح..ساره..

كل وحده ولها حياتها الخاصة..

هديل و غدير و ساره خوات..

و روان و شهد و فرح خوات..

و لكن ماكو فرق بين احد..

تعددت الشخصيات لكنهم كلهم خوات..

و حكمتهم اهيا:الحياااه حلوه..

كانوا حيل بعاد عن بعض..

بيت روان و شهد و فرح بسلوى..

و بيت غدير و هديل و ساره بالهديه..

فكانوا يشوفون بعض كل اسبوع او اثنين..

قبل لا نعرف و ندخل بالقصه خل نتعرف على كل وحده و حياتها..

غدير:الأخت الكبرى و عمرها 17 سنه..تحب الطلعات وايد وايد..و تحب المشاكل حيييل..و لكنها حبوبه حيل و تدخل القلب بسرعه

ما تحب اخوانها الاثنين جاسم و بدر و تكرهم كره الموت و اكثر..و علاقتها مع امها حيل ضعيفه..و تكلم واحد اسمه احمد..تحبه حيييل و اهوا يحبها بعد..تعرفت عليه من 6 اشهر و طلعت معاه شكثر ..لكن كانت طلعاتهم كلها الفير بأيام المدارس..و اهيا لازم كل شهاده توصل لها

راسبه بثلاث او اربع مادات..ولكن ما يهمها شي..و ابوها مختفي من قبل 3 او4 اشهر بس...

هديل:بنت حبوبه حيييل..عمرها 15 سنه ..تحب الحياة حييل..و مسالمه لأبعد حدود..تحب اخوها جاسم اللي عمره 12 سنه لأنه اهوا اللي يجيب لها كل شي تبيه و ممنوع عنها مثل (الحبوب اللي تنوم و اللي امها حذرتها منها وايد..حبوب الايكتاتوون و لها تأثير حاد ما يبين الا بعد جم سنه..)واغلى رفيجه عندها اهيا رغد رفيجتها و شهد بنت خالتها..علاقتها مع امها حيل حلوه..و بدر علاقتها معاه عاديه..

ساره:اختهم الاصغر عمرها 10 سنين..وحيييييييييل شيطانه..وكريييهه و كل يوم هواش مع اخوانها او امها او خواتها او خدامتهم كوماري..

روان:كبر غدير يعني عمرها 17..محترمه و خلوقه..ولكن عيوبها الدلع ..و شوي مغروره بجمالها ..ولكنها غييير عن خواتها ..الاحترام و الاخلاق و اختها شهد تحسدها على الجمال...صديقتها العزيزه اهيا غدير..

شهد:كبر هديل يعني عمرها 15 ..تحب الحياه حييل بعد..و اهيا محترمه..ولكن حيييل حسوده..دمها خفيف بس مو وايد..

فرح:اكبر من ساره بسنه يعني 11 سنه عمرها ..شخصيتها عاديه ..و ما تختلف او تتميز عن غيرها من البنات اللي بنفس عمرها..

الفصل الأول

-الحفله-

تررررررن تررررررررررن..

ركضت غدير بسرعه لتلفون البيت وشالته و:الوووووو

روان:هلا هلا غدير شلونج؟

غدير :هلا فيج الحمدلله والله..

روان:و شلون اهلكم؟؟

غدير :ههههههه خلصي روان شبغيتي؟؟

روان :هههه المهم رفيجتي تهاني عازمتج حق عيد ميلادها يوم الاثنين..هاا تيين و لا؟

غدير:ويييييييييي لا تقولين..حسافه ما اقدر

روان:ليش عاد بتكون الحفله حلوه دام آنا فيها..

غدير:جب يلا جب..حبيبي أحمد مواعدني على ماكدونالدز..

روان:الله يقطع ابليسج انتي و ياه اي والله..

غدير و اهيا تتصنع الدلاعه:ليش يما محتره؟؟

روان:اول شي اشوه ما عندي هالسوالف..ثاني شي ما عزمج الا على مطعم رخيص هاااا؟

غدير متوتره :اوووه..لا اهوا قالي ..بس انا ابي هالمطعم ..وبعدين انتي شكوو؟؟

روان :المهم قولي لهديل و ساره اهما معزومين بعد..

غدير:اوكييي بس متى تبدي الحفله و تخلص؟؟

روان:تبدي حوالي 7 المغرب و تخلص 11او 12

غدير:اوكي اذا قدرت اييلكم..

روان: اوكييي بااي

غدير:باااي

و بهالوقت راحت غدير حق حديقتهم..و دقت على احمد و قعدوا سوالف ..

ووصل الخبر عن الحفله لهديل و ساره عن الحفله اللي بتكون بعد 3 ايام بيوم الاثنين..

و بيووووم الحفله..

هديل دقت على شهد و قالت:شهد يلا افففف ترى تأخرتوا مرونا اللحين..

شهد:اوووووه نطري اوووووف..

هديل:جب يا حسوده..

شهد:جبج

وسكرت التلفون بويها..

و نادت هديل بصراخ:جااااااااااااسم ..

جاااااااااااااااسم وينك تعال ابيك..

يت امها و اهيا تصارخ:و صمخ انشالله روحيله لا تصارخين..

هديل:اففف اوكي..

و راحت للمطبخ..ماكو احد..راحت للحديقه.ولقت بدر يلعب بي اس بي..

هديل:هاا بدوري وين جوجو؟؟

بدر:بمخباي..

هديل و قبل لا تكمل شافته راد من البقاله و صااارخت:هلا بالزين هلا بالطش و الرش والله..

بدر:و آناااااا؟؟

هديل و كأنها ما سمعت بدر:وينك جسوم؟؟

جاسم:كنت اشتري شي..

هديل:انزين تعال معاي..

وراحوا عند زاوية البيت ورا..

هديل تكلم جاسم بصوت خفيف حيل:هاك هذي 20 دينار لك ..وهذي 45 دينار ابي علبه الايكتاتوون بليز لما ارد من الحفله تكون موجوده..

جاسم:اوكي..

وطووووط طوووط

هديل:يلا باي هذيله بنات خالاتي..

جاسم :باي

و طلعوا ساره و هديل بملابس حييل عاديه ..كأنهم رايحين لطبيب او شي..

وركبوا السياره..

روان بأسلوب الكبريااء:وااااي..قطع ما توقعت انكم هلاقه جذي..هاااذي ملابس حفلات؟؟..

هديل:والله الحمدلله ما اشوف فيها شي..

ساره:شلونج فرح؟؟..

فرح:زينه الحمدلله..

روان:المهم سمعوني عدل..لازم تطبقون القوانين عدل..

هديل:شنو القوانين بعد؟؟..

روان:اولا ممنوع الصراخ بالحفله

ثانيا:ممنوع الركض..

ثالثا:ممنوع الضحك بصوت عالي..

رابعا:ممنوع تسولفون و تطيحون الميانه مع البنات بسرعه..

وووووووووو...

و اخيرا واحد و اربعين:ممنوع الاكل بلقافه و هلاقه..

و خلاص..الزموا الهدووء لما نوصل للحفله..

شهد :اووف ماشاء الله عليج كل هذي قوانين ..و ترى وصلنا..

روان:انتي ليلحين هالكره..جنا مو خوات ..

هديل تدز فرح و ساره:يلا يلا نزلوا..

و نزلوا و قالت روان للسايق:اسمع اشرف تروح و ترد هني عشر و نص فهمت؟؟

اشرف:اوكي مدام..

روان بعصبيه:جم مره اقولك آنسه..انا مو متزجه ياقليل الادب..

و من بعيد شهد:واي هالبنت تحط حرتها بهالأشرف المسكين..

هديل:هههههه يلا ندخل..لا تموت من احم احم عينج..

شهد:اوف انتي الثانيه بعد..

هديل و اهيا تنحاش:واي لا اموت انا بدخل..

و دخلوا كلهم..و بعد دقيقه خلصت روان من المحاضره مع السايق اشرف..

ودخلت للحفله..

كان مكان الحفله بالصاله..الصاله كانت كبيره..

و الكراسي لونهم احمر و اصفر و اخضر..ومنتشره بشكل عشوائي..

وفي طاوله طويله بوسط الصاله..

و العصير و الفطاير و الحلويات منتشره على الطاوله اللي بوسط الصاله..

و الاغاني و الدي جي..كان حيل عااالي و صوته واصل لمه برا..

و اغلب الاغاني اجنبيه..و البنات تعددوا بلبسهم و المكياج..و الالوان..

وكانت تهاني قاعده على الكرسي مع جم وحده..

و الهدايا..كانت على اليسار و كانوا وايد حيل..

شهد و فرح بهديه مشتركه..وروان هديه بروحها..

و هديل وساره مشتركه..

ودخلوا ..و تفاعلوا مع الحفله حيل..

البنات اعدادهم حوالي 30الى 40 بنت..

ولكن الاجواء حلوه حيل و رائعه..

حطوا الهدايا و باركوا لتهاني بعيدها الـ17..

و انتشروا هديل مع شهد

و فرح مع ساره..

و روان قعدت تسولف مع تهاني و رفيجاتها..

و بدى الحش..

تهاني :وااي ابيه روان شهالهمج هذيله غدير و هديل اللي تسولفين عنهم؟؟

روان منحرجه:لا الصغيره ساره و الكبيره هدي..و غدير مشغوله مع امها هاليومين..

تهاني:بصراحه يفشلون..بس احسهم حيل حبوبات و محترمات..

روان:اي اي اهما جذي..

تهاني:اممم..

و مر الوقت و الكل مستانس..

و غدير مع أحمد بماكدونالدز..

و خلص اليوم بسعاده..

الفصل الثاني

ثوره من المشاكل و التعقيدات..

كان اليوم هادي..هديل بلعت جم حبه من حبوب الايكتاتوون..و نامت على الزرع..

وغدير..بغرفتها..و رن تلفونها مع اغنية اذا ناوي تروح..

و كان احمد المتصل..

و غدير بدلع و مياعه:هالووو

أحمد:هلا

غدير:هلا فيك.

احمد بعصبيه:ترى مو حاله بالشهر اشوفج مره ..وين من زمان كل يوم الفير طلعه ووناسه..

غدير زعلانه:سوووري..بس تعرف والله ما اقدر هالأيام شسوي..

احمد بعصبيه زادت اكثر..والله عاد مشكلتج..اليوم لازم اشوفج اوكي..

غدير:احمد..انتا امس شايفني..اليوم ما يصير والله

احمد:شوفي عاد و ربي اذا ما لقيتي حل بنشر الفيديو اللي عندي..

غدير منصدمه و اثقلت شوي:انتا من صجك تتكلم؟؟..

احمد:لا من جذبي..العب معاج انا؟؟

و من الصدمه ما تكلمت..و سكتت

و قال :عيل بخليج اللحين و اسبوع تيين الشقه معاي فهمتي يارووحي انتي؟؟..

غدير:بس شلون مصورني هاا؟؟

احمد:هههههههه من كامرة السياره..نسيتي اني من عايله غنيه؟؟..

غدير:صج ما تستحي ما عندك خوات؟؟هااا مو عيب؟؟

احمد:خواتي اشرف من امثالج يالواطيه و ما عندهم سوالف مغازل..

غدير:يا قليل الادب..كما تدين تدان..

احمد:هههه خلي امثالج و الحكم لج..اليوم الثلاثا يوم الاثنين الياي..للشقه و لا بنشر ترى..

و طوط طوط طوط طوط.....................

و سكتت غدير و القلب يرقع من الخوف و الرعب..

و ما تدري شنو بتسوي اللحين..

بدر دخل من الحديقه و شاف هديل نايمه على الزرع و قالها:هديل قومي يا غبيه ليش نايمه على الزرع هاا؟؟

هديل و اهيا دايخه و نعسانه:واااي كيفي و شحارك انت..خلني شوي..

بدر:نامي يا رب لك الحمد..

وراح و خلاها بهالحاله..

و قامت هديل و اخذت حبتين و بلعتهم مره وحده..

و رجعت نامت مره ثانيه على الزرع اللي نصه ميت ..

---------------------------

في بيت روان و شهد و فرح..

كانت روان تسوي بيض و طماط..

و كانت الساعه اللحين 3 ونص الفير..

الكل نايم ما عدا اهيا و شهد..

و سوت البيض و خلصت..و شالت المقلى من الجوله و النار..

و خذت الخبز و راحت..

والنار شابه بالجوله...

و نست تطفيها..

شهد قاعده تكلم غدير بالمسنجر..

شهد بالمسنجر اكتبت لغدير(ها غدوره وين هديل؟؟)

(نايمه تعبانه شوي)

(سلامات شفيها؟؟)

(والله مادري عنها)

(ما تشوف شر انشالله)

(الشر ما ييج)

وبعد فتره قالت غدير بالمسنجر

(شهد)

(هلا)

(عندي موضوع وسالفه صارتلي ودي اكلمج عنها ابي حل لها)

(آمري شصاير؟؟)

(ما يصير لازم بالتلفون ممكن ادق على تلفونج؟؟بليز وافقي)

(اوكي اوكي دقي)

(وخليه سبكر ابي روان معاج..بس خففوا صوت السبكر )

(اوكي يلا دقي)

وبهالفتره هذي اعترفت غدير و قالت كل اللي بقلبها عن احمد واللي سواه و اللي بيسويه فيها بعد..

الكل خاف و أجلوا الموضوع لما يوم الخميس..لما ايوون غدير و الكل حق بيت روان و شهد..و يحاولون يلقون حل..

و بنهاية المكالمه قالت غدير و اهيا تبجي حيل:بليز لا يطلع الكلام ابيكم تساعدوني بليييز

روان و اهيا تبجي و متأثره:غدير مو انتي اللي ساعدتيني بأشياء وايد..لا تخافين بردلج الجميل ..بنحلها انا و شهد انشالله

شهد:اي والله لا تحاتين حبيبتي..

روان:بس مو تروحين تقولين حق اي احد غيرنا اوكي؟؟..

غدير و اهيا تبجي:اوكي اوكي..

روان و اهيا متشدده:و اياني وياج تستسلمين لهالوحش و تطلعين معاه..

غدير خايفه:لا لا ما اطلع مو ناقصه انفضح بعد..

روان:يلا اللحين تعوذي من ابليس و نامي..

غدير:مشكورين و الله ريحتوا قلبي شوي..

شهد:ما سووينه شي و العفو..

غدير:اوكي باي..

روان :بايات

شهد:باي

و خلصت المكالمه..

وقالت روان:الله يكون بعونها قتلها لا تطلع معاه مالهم امان هالشباب..

شهد:اي والله لازم تتعظ غدير..و ما تعيد هالسالفه مره ثانيه..بس تعالي شلون بنحلها؟؟

روان محتاره:والله مادري ..يوم الخميس يحلها الف حلال..

شهد:اممم اوكي

و بعد فتره شهد خايفه..و قومت روان من النوم..

روان :ويعه ويعه شفيج؟؟..

شهد:اشم ريحه بانزين قويه..و ريحه شي يحترق..

روان :كلمي امي و ابوي..

شهد:وين عبدالله و محمد اخوانه؟؟

روان:بغرفتهم نايمين من الساعه 10 بليل..مثل فرح..

شهد:بس هالريحه..يايه من المطبخ..

روان:اووه تصبحيـــ..

و انصدمت و تذكرت وقالت:الجووووووله لااااااااااااااااااااااااااااااااااااا

الكل قام من الصرخه..

نزلوا تحت الطابق الاول..

ابوهم:وصمخ شهالصراخ..

و لا يشوفون المشهد اللي الكل انتصب و خاااف و ماات من الرعب ..

روان:لااااااااااااااااااااااااااااا

شهد:يمااااااااااااااااااااااااا

ابوهم:لا إله الا الله..

الام:شصار؟؟لااااااااااااااااااااااااااااااا

فرح بجت من الرعب..

و عبدالله ومحمد بمكانهم على الدرج خايفين..

الصاااله احترقت و النار تلتهم كل شي و المطبخ احترق..

ابوهم:الغاز لا ينفجر..اطلعوا برا البيت بسرعه..

الام :اتصلوا بالمطافي ..

و نزلوا بسرعه الكل طلع..

الابو رد فوق..

الام:ابو عبدالله انزل انزل..

الابو:دقيقه انتي طلعي برا بسرعه..يلااااا

الام:يلا يلا..

و اخذت كمبل و غطت شعرها و طلعت..من البيت

و دقوا على المطافي..

و بعد دقايق وصلت و النار التهمت الطابق الثاني..

و بوووووووووووووووووووووووووووووووووووووووووووووووووووووووووووووووووووووووووم

صارت الواقعه

حدثت الواقعه

انفجرالغاز..

تكسرت الدرايش..

نص البيت اللي عاليسار انهار

الام تصارخ:زووووووووووووووووووووووووووووووووووووجي لا لا لالالالالالالالالالالالالالااااااااااااااااااااااااااالالالالالااااالااا

روان بحاله هستيريه:كلا مني كلا مني كلا مني كلا مني كلا مني كلا مني

شهد:اهئ اهئ يباااا بيتنا..

الناس تجمعوا..

و الكل يطالع الاسره المسكينه..

و لكن و فجأه طلع الابو..اي اي طلع..بس النار عليه..تاكل ملابسه..

الام:وااااااااااا لاااا..

و بسرعه راحت لرجل المطافي و اخذت الهوووز..و رشته بسرعه على الابو

و انطفت النار..

لكنه طاح .. و انهار..

و الحروق بكل مكان على جسمه..

و البيت احترق نصفه و انهار و النص الثاني نجا منه شويه..

و الام و العيال و الابو راحوا لمستشفى الهادي..

و الابو العنايه المركزه..

ووصل الخبر لبيت غدير ..

و راحوا للمستشفى الصبح اول ما عرفوا باللي صار..

الكل..الام ..غدير..هديل..ساره..بدر..و..جاسم..

وصلوا للمستشفى..والكل يحاول يخفف معاناة الثاني..

-يتبع-[/size]​

[/COLOR]

 

[Zozαĺiиaђ]

@@

امبيييه

انشالله ما يصير شي !

الله يستر :s

الروايه شكلهاا حدهااا عجيبه

يعطيج العافيه

ناطرينج بليييز لا تطولييين

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

مشكوووووووره حبيبتي على الرد..حتى آنا اندمجت معاه و مكمله ليمه الجزء 17 ..و ما قصرتي على الرد و نورتي الروايه يا روح ابوها

 

[dlo3t^baba]

البدايه عجيييبه
تسلميييييييييين يارب ويعطيج العافيه

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

الله يسلمج ..نورتي الروايه..كوني من المتابعين و مشكوره على المرور..

 

[ريميه الكويت]

اووه هولنديه ووينج عفيه عفيه كمليها القصه حدها تشووووق

الا صج هولنديه بسالج انتي صج هولنديه؟ههههه والا بس نك

سوري دوختج يلا حياتي مشكوره على القصه الحلوه وكمليها بلييييز

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

لووول تسلمين حبيبتي..والله كنت اشجع هولندا..بس لوووول يلا خيرها بغيرها..ومشكوره على المتابعه و انشالله بعد شوي بنزل البارت الثاني لكم ..و ما قصرتي ريميه الكويت ..

 

[غــلآهاا غير]

وااااااااااو رووووووووووعه الروايه كملي بليييييز انشالله مايصيير شي بأبوو روان نااطرينج حبيبتي

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

غلاها غير ما قصرتي والله ..و انشالله يكووون البارت الاول يازلج..و باجر العصر بنزل البارت الثاني انشالله..حياكم ..الروايه بتكون فيها حوادث وااايده و مشكوووره والله على المرور العطر

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

اب اب اب اب اب اب

 

[Zozαĺiиaђ]

waiting

متى البارت ؟

 

[ريميه الكويت]

ناطررينج هولنديــه؟؟

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

البــــــــــــــــارت الثانيالفصل الثالث

-السفر إلى لندن-

كان الوضع حيل صعب..

مرت خمس ساعات..

كأنها خمس سنين بالنسبه لهم..

الوضع مهيب..

الوضع خطير..

الوضع فيه مسألة الحياة و الموت..

روان..شهد..فرح..عبدالله..محمد..

والام..

منو لهم غير ابوهم؟؟.

اي نعم..

منو؟؟..

منو؟؟..

اهم بروحهم عايشين..

جدة روان و غدير و الكل..

ماتت و اهيا يايبه بس بنتين صغار..

اللي اهم امهات روان و غدير..

و بعد موتت جدتهم بشهرين تقريباً..

مات جدهم..

و بقوا بروحهم..

نكمل القصه:

كان الوضع بالنسبه للكل جحيم ..

روان تحاول تسكت محمد اخوها و تقوله مافي الا كل الخير و في بالها انه اذا صار شي في ابوها ما راح تسامح نفسها لو شنو يصير..

و كانت شهد عند فرح وماسكين ايد بعض و اهما واقفين عند باب حالات الطوارئ الفائقه..

والام تدعي ربها بأن ما يصير الا الخير و يقوم زوجها بالسلامه..

غدير عند عبدالله..

و هديل نامت عالكرسي ..

و بدر و جاسم عند امهم اللي كانت تدعي..

و ساره واقفه وتشوف هالمشهد الحزين..

فرح و اهيا تطالع من نافذة باب الطوارئ الفائقه..و قالت بسرعه:يماا يماا الطبيب وصل اللي اخذ ابوي..

و الكل فز و قام بسرعه..والكل في حاله هيستيريه..

روان:ياارب ياارب لا يصير شي بأبوي..

الام:لا تحاتون لا تخافون خلوا ايمانكم بربكم قوي لا تخافون..تشجعوا..

و فتح الدكتور الباب..

وفزت الام وقالت بسرعه:هاا دكتور خير انشالله؟؟..

الدكتور و اهوا يشيل نظارته الطبيه:للأسف يا مدام..

فرح صارخت:مااااااااااات..

شهد:سكتي شهالكلام؟؟..

الدكتور:لا لا الحمدلله..بس حالته للأسف..

الام:تكلم لا تعلقنا ..

الدكتور:حالته حيل حرجه..الحروق اكلت اجزاء مهمه جداً للحياة..فلازم يسافر حالاً..

الام:بس شلون؟؟..شلووون؟؟..

الدكتور:بس الحكومه اللحين تمنع السفر على حسابها..مثل ما انتوا عارفين..

الأم:انزين احنا بنروح انا و زوجي..

الدكتور:الحاله طارئه حييل..راح نقول يحجزون لكم من المستشفى..

الأم:انزين الله يخليك بسرعه انا مع زوجي بس..

ام جاسم:لا حجزيلي معاكم على الاقل اعاونكم شوي..

ام عبدالله:بس العيال شلون عليهم..ما يصير

ام جاسم:بناتنا كبروا صاروا حريم يتكل عليهم..

ام عبدالله :بس..

ام جاسم للدكتور:الله يخليك خل نمشي خل نحجز بسرعه..

الدكتور :تعالوا معاي بسرعه..

و راحت ام عبدالله..و ام جاسم

وبعد فتره دامت مابين ساعه و ساعه ونص..

تحدد موعد الطيران و السفر..بعد ساعه من اللحين..

الساعه 12 ونص الظهر..

و قبل نص ساعه..طلع قرار انهم بيبنون بيت يديد لهم عوضاً عن بيتهم اللي احترق ...

و بسرعه بسرعه كل ام قالت نصايح لعيالها..

و راحوا بسرعه للطياره..

و الام وافقت انه غدير تسوق السياره..

و ردوا للبيت..

هديل:الحمدلله ع السلامه باي بروح انام..

غدير و اهيا مشمئزه:صج ما تخافين ربج..خالي تعبان و انتي بتنامين شنو شاربه هاا؟؟

روان:صح انه ابوي تعبان و يمكن يصير شي..بس اذا صار شي ما راح اسامح نفسي لو شنو يصير..

و انهارت دموعها ..

و الكل حاول يسكتها..

شهد و اهيا تبجي:خلاص خلاص شوي شوي ترى ما اتحمل والله خلاص يا روان خلااااص..

الكل كان في بؤس ..في بؤس الحياة..

و مر يوم..

و ردوا روان وشهد و الكل للبيت المحترق..و خذوا كل شي صالح و ما احترق..

و ردوا مره ثانيه..

و الكل قعد بالصاله بعد ما نزلوا الاغراض..

بدر:آآآآآآخ شهالمصايب؟؟

هديل و اهيا دايخه:اسكت اللي يسمعك يقول عمرك 300 سنه جب يلا جب..

ساره:ولييين انتوا شنو بعزى؟؟

غدير :بس يلا بس بس بس

روان:صج قلة حيا..

وقامت و راحت وقعدت بالمطبخ..
وراحت غدير لها وشهد و بعدها فرح و محمد

و عبدالله مسك رقبة ساره وقال:لو صار شي بأبوي و قلتي هالكلام مره ثانيه..بخلي بدال العزى اثنين..

قام جاسم و دز عبدالله و قاله:ياخي درينا انه ابوك بيموت بس اختي محد يجيسها فاااهم؟؟

قام عبدالله و دزه و طاحوا على بعض و كل واحد يزنط الثاني و حاول يخنقه..

قامت هديل و ساره و صارخوا

هديل:لا لا لا بس خلاص..

ساره:امبيه شفيكم ههههههههههه

وجوا الكل ..

و فرقوهم بس اللسان قام وقال ..

جاسم:............................

عبدالله:...........................

روان:بس شهالألفاظ السووقيه هاا؟

و عبدالله راح لغرفتهم المؤقته..

غدير و اخوانها راحوا لغرفهم..

و روان و شهد في الصاله..

ومحمد و فرح و عبدالله بالغرفه..

و بالصاله قالت شهد:شلون الحين متى يوصلون ابوي و امي..

روان:هذا اول يوم و جذي..راح يوصلون بعد 3 اشهر..

شهد منصدمه:شنووووووووو؟؟و المدارس؟؟

روان:احنا كبرنا لازم نجاهد..و نثابر الله يكون بعونه..

و بهالفتره ياه مسج من أحمد و قرت غدير و كان مكتوب

(انا الذي من شوق الأحباب محروم..

والله يكفيني شر زلات الاقــــــدام..

قبــل امــس مـع ربعي سواليف وعلوم..

واليـوم طاويني هواجيس و هيــام..

اضحك ضحى قبل امس و ابكي ضحى اليوم..

ما أسرع دورات الليالي و الأيام..

كـــــلمة احبك غاليه بين الأحباب..

احبـــك

احبـــك

احبــــك

الموعد الأثنين..الساعه 2 الظهر ..

و انا بمرج ان شاء الله..)

غدير برعب:ياااا حسرتي يا حسرتي شسوي اللحين شسوي؟؟..

الفصل الرابع

-بعد مرور شهر-

كان شهر 12 من عام 2009 حييل بارد..

و بهالليله من هالليالي البارده..

نزل المطر مره ثانيه..

صوت الرعد ما نوم فرح ..

وكانت قاعده تبجي و تبجي..

مر شهر كاامل..

واهما على هالحال..

الكل كان نايم..

باجر مدرسه..

ولازم ينامون..

و صار الصبح..

الكل تزهب للمدرسه و هديل مثل حالتها دايخه و كأنها سكرانه..

ساره من الصبح و اهيا تتهاوش..

غدير تنادي:كوماااااري..تعالي و صمخ..

هديل :كوماري و وجع

ساره:يالصمخه وينج؟؟..

غدير بعد ما ردت من غرفة كوماري قالت:الجلبه انحاشت..

هديل:شنو شنو شنو؟؟؟

و انتهى الدوام المدرسي والكل رجع..

و قعدوا بالصاله..

شهد يت لهم و قالت:بما أن احنا موجودين عندي لعبه حلوه و الكل بيستفيد منها شرايكم؟؟..

و كملت:اهيا عباره عن ان كل واحد يقول معلومه حلوه..و بجذي نستفيد ؟؟.

غدير:يلا ما ورانا شغل..

شهد انا ابدي:النمله اذا انقلبت تنقلب على جنبها الايمن بس..

روان :الدب القطبي ايسر يعني يستعمل ايده اليسار مو اليمين..

غدير:امممم معلومات حلوه..دوري..تدرون انه الشاي اللي نشربه طلع بالصدفه لأن كان امبراطور الصين يحب يشرب الماي الحار..وكان قاعد بحديقته..وطاحت ورقه من اوراق الشاي..و شربها معاها بالصدفه و صار اللي صار هههههههههه

هديل:انزين المهم..التمساح ما يقدر يطلع لسانه من بين اسنانه

فرح:الاسكيمو يستعملون ثلاجاتهم لتدفئة الأكل..

ساره:ما عندي..

شهد:ساره خسرانه..يلا عبدالله..

عبدالله:اي تدرون ان الدلفين ينام و اهوا مبطل عين وحده و مسكر عين..

جاسم:دوري..تدرون ان ما يصير نعطس و عيونه مفتوحه..

بدر:العقرب يقدر يصوم عن الأكل و الماي لمدة 3 سنوات..

محمد:ماكوو..

شهد:اكبر مدينه بقارة افريقيا اهيا القاهره..

روان:اكبر محيط المحيط الهادي..

غدير:الزجاج مصنوع من مكونات مختلفه و من بينها الرمل..

هديل:اكبر دوله بالعالم كانت روسيا بس تفككت من الاتحاد السوفيتي..و صارت كندا اكبر دوله في العالم..

فرح:اممم لحظه شوي..اي اي ..اكبر كوكب بالمجموعه الشمسيه اهوا المشتري..

بدر:الرئه اليمنى اكبر من الرئه اليسرى..بسبب وجود القلب..

جاسم:1+1=2

شهد:براااا..ههههههههههه

غدير:يلا كملوا والله استفدت..

شهد:الولاعه اخترعت قبل الجبريت..

روان:اممم معلومه حلوه..اوكي دوري..النحله لها خمس عيون..

هديل:امممم سبحان الله ..مشكورين عالمعلومات الحلوه انا برتاح شوي باي..

روان:اي والله برتاح انا بعد..

بدر و كل الصبيان راحوا للحديقه..

و صارخت غدير:بعد شوي تسوون واجباتكم اوكي؟؟..

و بقوا فرح و روان و شهد و غدير و ساره..

فرح و ساره راحوا..و روان قبل لا تقوم تذكرت شي و قالت:اييييي تعالي غديررر..

غدير:هلا..

روان:سالفة بيتنا و ابونا حيل نستنى موضوعج..

غدير:اهااا تقصدين..احمد؟؟

روان:ايي

شهد:اييي صح شصار؟؟

غدير:الله يسلمكم رحت له وواجهته..

انصدموا و قالت روان:اوف صج؟؟شلون و متى و شصار؟؟

غدير:بيوم الاثنين قبل شهر الا جم يوم رحت له وواجهته..و اهوا اعتذر لي..

شهد:بس جذي؟؟..

غدير:ايي و عطاني الفيديو..

روان:مادري والله احس السالفه فيها ان..

غدير:بطقاق فيها ان و لا كان انا شكوو؟؟..يلا بروح اخمد ساعتين اريح شوي فيها..

و راحت..

شهد:روان من صجها حلت الموضوع؟؟

روان:والله مادري..كيفها مشكلتها..تعالي خل ننام شوي نرتاح..

شهد:اي والله اففف تعبنا..بس امي صارلها يومين مادقت علينا..

روان:دزت لي مسج امس تقول ان احنا بخير و لا تحاتون شي..

شهد:اشوه الحمدلله..طمنتيني..

و راحوا ينامون شوي..

الفصل الخامس

-ليله مع قاتل-

خلص هاليوم..خلص هاليوم الطويل..

كان حلو و كان مُر..

اللي حل واجباته و اللي طنشهم و ما عطاهم اهتمام..

مثل بدر..

و جاسم..

الساعه اللحين1:26 دقيقه الفير..

الكل نايم..

الهدوووووء مهيييب بأرجاء كل البيت..

الجوو مقموت..و مخنوق..

روان و اخوانها بغرفه..

و غدير و اخوانها بغرفتهم الخاصه..

روان قافله الباب..

و غدير فاتحه الباب..و مشرعته كله..

وفجأه طاح شي و انكسر..

كرااااش..

فزت ساره من النوم..

وقامت تبي تشوف هالصوت من وين!!..

بس همست و لاحظت ساره شي..

غديييير مو موجوده بالغرفه..

و فجأه صوت عالي ..

طاااااااااااااخ طففففففف..

قام بدر..

ساره:من وين هالصوت؟؟

بدر:شالسالفه شنو هالصوت؟؟..

ساره:مادري و غدير مو موجوده يمكن قاعد تسوي شي؟؟..

بدر:اوووه مادري ..

و كمل نومته..

وفجأه دخلت غدير الغرفه و فتحت الليت و قالت بسرعه و بتوتر و خوف و رعب:وين مفتاح الدار؟؟وينه وينه؟؟..

ساره :لييييش؟؟..

غدير:كاهوا ..

وسكرت الباب بسرعه بس في احد قاعد يقاوم..

غدير :قوموا بسرعه حراااامي بيذبحني..قوموا ساعدوني..

ساره تنحت و خافت بس فزت مع اختها..

الكل قام و اهوا مايدري شسالفه..

و سكروا غدير و ساره الباب و قفلوه بسرعه..

و الباب طاخ طاخ ..

هديل:منو هذا؟؟هاااا؟؟..

غدير:مادري مادري بس بيذبحني..بيذبحني..

و طاخ طاخ..

غدير:هديل دقي على روان او شهد بسرعه قوليلهم لا يفتحون الباب و يقفلونه عدل..

هديل بسرعه:اوكي اوكي..

بدر يكلم الرجال:انت يا هيي شتبي اطلع من بيتنا..

و فجأه سكت القاتل عن طق الباب..

و عم الهدوء..

و هديل تكلم شهد:شهد ترى ..............الخ

جاسم بصوت خفيف:غدير شلون دخل؟؟..

غدير:كنت رايحه اشرب ماي و سمعت احد يصفر لي برا و شفت من الدريشه و لا واحد كان يخزني..ودخل من الباب الخلفي ..شهالحظ كان مو مقفول..

هديل بعد ما سكرت التلفون:و انتي صرتي مره و مادري شنو..طل بعينج في احد ينسى الباب مفتوووح؟؟..

غدير معصبه و بدا الصراخ:و الله الانسان مو معصوم عن الغلط و النسيان يا رووحي انتي..و ليش انتي ما تذكريني مو مره انتي ما كبرتي؟؟

جاسم بصراااخ:بس بس بس خلاص واحد ابيتنا و انتوا تتهاوشون و كأن ماكو شي صاير؟؟..

غدير و اهيا تهدي شوي:اي والله صح..لازم نسكت ..

هديل:اي صح..انزين احنا ليش اغبياء؟؟؟..

خل ندق على الشرطه؟؟

غدير :اي اي شلون نسينا ..يلا يلا..جاسم :عطوني التلفون..

غدير:لا انا بكلمهم..

جاسم:يلا بسرعه..

تووووت تووووت..

الشرطي:الووووو

غدير:السلام عليكم..

الشرطي:وعليكم أمروا..

هديل بصوت خفيف:نفسية تبن و خايسه ويييع..

غدير تقولها بالأيد سكتي:حضرة الشرطي في واحد مقتحم بيتنا و ما ندري السبب..

الشرطي:و منو هذا اللي مقتحم البيت؟؟

غدير:اقولك ما نعرفه لحقني و اللحين قفلت الباب على اخواني..

الشرطي:اكيد؟؟

غدير مستغربه:شنو اكيد؟؟

الشرطي:اخاف الكاميرا الخفيه؟؟..

غدير معصبه:اقولك واحد داش بيتنا و بيذبحنا تقول كاميرا شنو؟؟؟.

الشرطي:وين بيتكم انزين؟؟..

غدير:الهديه و......................

الشرطي:ثواني و نكون عندكم..

غدير :انتوا دخلوا البيت و فتشوا ما راح نطلع..

الشرطي:حاضرين مع السلامه و لا تفتحون الباب لأحد الا لنا..

غدير:مشكور و اكيد باي

الشرطي:في امان الله..

و سكروا التلفون..

غدير دقت على روان..و احوالهم زينه..

والحمدلله..

وبعد جم دقيقه..

وصلت الشرطه و اقتحمت البيت..و فعلًا لقوه بالمطبخ..

و هذا مختل عقلياً..

و الشرطه طلعت البنات و الصبيان كلهم..

و انهارت غدير..و انصدمت و ماتت من الخوف..

و ارتعدت..و خافت..و الكل مات من الخوف و الصدمه..روان :ما اصدق..

شهد:اوف..

غدير:لا لا لا راسي..

هديل:هذا.........

بدر:..........

فرح:.........

جاسم:.............

الشرطي:صج؟؟؟؟؟؟؟؟مستحيل..

غدير:اهوا اهوا اهوا مستحيييييييييييييل..

شهد:ما اصدق..

عبدالله:لا حوول و لا قوة الا بالله..

الشرطي:هذا مختل عقلياً..و فعل جرائم بشعه و صدناه قبل شهر..بس بسبب مجهول قدر يهرب..

و ما نقدر نعفو عنه آسفين..

و راح..... مع الشرطه..و الكل انهار ..

خاصة غدير و هديل و بدر و ساره و جاسم..

الحرامي..

القاتل..

اللص..

المختل عقلياً..

اهوا مغيره..

غدير:ما لاحظت شكله ما لاحظت ..

هديل:هذا ابووووووووووووونااااااا..

جاسم:و جرائم بشعه...

-----------------------------------------------------------------------------

-يتبع-

 

[Zozαĺiиaђ]

امبيه ! @@

ليمن سكت عن طق الباب توقعت ذبح بدر !

عاد طول البارت و انا قاعده اقول وين ابو غدير ما طلع

ثينكس عالبارت

حده روعه

ناطرينج

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

مشكورة على الرد..و ما قصرتي حبيبتي روح ابوها..و صدقوني الاحداث بتكون اروع..و انشالله تكملينها ..و اشوف تفااااعل مع رواية اخووي..

 

[BNT KWT]

شكلها القصه رووعه

ناطرين التكملله

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

مشكوووووره على الرد...و ما قصرتوا يا بنات كويتيات والله..

 

[Riooma]

waiting 7bebti 7ag the new part

 

[Zozαĺiиaђ]

waiting !

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

الــــبــــــارت الــثـالـــث


الفصل السادس

تحدي النجاح..

مرت الايام..

و اللحين اهما بشهر 1

من عام 2010ميلاديه..

اجتمعوا كلهم..

و قالت شهد:مع كل الطروف اللي واجهناها و اللي بنواجهها ..

لازم تروح كلها اللحين..

لأن احنا بنهاية الكورس الأول..

و لازم نجتهد و ننجح..

و اللي بييب اعلى درجه بيكون ملك علينا ليوووم كااامل..

شراااايكم؟؟..

الكل بدى يتكلم و يتفاعل مع الموضوع..

و اتفقوا..

وبدى الحماس..

ومر اسبوعين ..

وصار وقت اعلان النتايج..

طبعاً غدير خذت شهد معاها للمدرسه و اهما يدرون المدرسه عن اللي صار لهم..

و شهد خذت الشهايد و اهيا الوحيده اللي شافت نتايج الكل..

و وصلوا للبيت..

شهد:اللحين بنعلن النتايج و من لحظه ما نعرف منو اللي يايب اعلى درجه بيفوز بالجائزه و يصير ملك علينا اللحين..

و كملت الحوار:كلنا مرينا بأيام سوده..

وآخر الايام اهيا اللي طافت ايام الامتحانات..المهم نبدي..

من الاكبر الى الاصغر..

وقالت شهد بعد ما اخذت نفس عميق:روان ناجحه بكل الموااد مبروووك و نسبتج الاهم عشان نعرف انتي ملكتنا اول لا...

و نسبتج اهيا 83.9 الف الف مبروك..

-زعلت روان و توقعت انها بتكون اعلى من هالنسبه القليله..و كانت زعلانه عشان النسبه مو عشان انها ملكه اذا كانت ..-

شهد:غدير..للأسف غدير شنو هذا ..ابييييه

غدير:شنو؟؟

شهد:ساقطه بخمس مواد ونسبتج 59.1 شنو هذااا؟؟

غدير اخذت الشهاده وراحت للغرفه..

هديل:مسكينه غدير حيل مأثر فيها موضوع ابوي و اللحين الشهاده بعد..

شهد و كأنها ما سمعت شي:هديل..ناجحه و نسبتج 91.0 الف الف مبروك..

هديل صارخت من الفرح:هيييييييييييييييييييه 91 91 91 وناسه وناسه وناسه انا ناجحه و ملكه..

شهد:و الاميره شهوده ناجحه و نسبتها 97.3 مبروووك لي ..

روان راحت لغرفتها..

وهديل:حساااافه توقعت انا الملكه..بس تستاهلين شوشو..

شهد:هههههههههه شوشو ..المهم و عبدالله ناجح.ونسبته 91.1 مثل هديل تقريبا مبرووووك..

هديل:وييييع انا المرتبه الثالثه على شي ما يسوى..ههههههه

عبدالله:هههههههههههههه

جاسم:يالله يا رب دوري..

شهد:جااسم..عليك وحده يا جاسم افا بس هههههههه رياضيات..بس نسبتك حلوه 70.2 زييين الف مبروك

جاسم:خيرها بغيرها وحده و لا خمس هههههههههههههههه

شهد:و بدر ناجح و نسبته ما شاء الله 78.0 مبرووووك..

بدر:الحمدلله ..الله يبارك فيج ..الحمدلله..

شهد:و فرووووح..ناجحه و نسبتج 69.9 ليش جذي؟؟؟

فرح:عطيني اياها..

و راحت تلحق روان اختها..

شهد:ساره..ناجحه و نسبتج تفشل بصراحه..60.1..وين قاعدين؟؟..

ساره:بس نااجحه ههههه

شهد:مبروك..المهم حمودي اخوي..انت كبر ساره 10 سنين و احسن منها..ناجح و نسبتك 73.4 مبرووووك تستاهل..

محمد:الله يبارك فيج..انتي ملكتنا..

شهد:اييي ههههههههههههههه ..انا أسامح مابي شي منكم الا انكم تشدون حيلكم..

هديل:امممم جاسم..ابي حبوبي..

جاسم:قالي الرجال خلصوا..

شهد:اي حبوب؟؟..

هديل بتوتر: اووه لا لا قصدي يعني انه ..اهوا انا تعبانه و الحبوب هذي تريح الاعصاب ..شوي ..جذي عرفتي..

شهد:خوووش جذبه انتي تعبانه و بتريحين اعصابج ههههههههه يلا باي بنام شوي برتاح..بعد هالأسبوعين من الامتحانات..

هديل:اي والله باي انا بعد..

جاسم:بااي..

الفصل السابع

-كشف سر غدير المزيف-

بقى 30 يوم و يوصلون الاهل للكويت

وماننسى انه بهالثلاثين يوم بيخوضون تجارب حيل صعبه عليهم..

و ابو عبدالله بيخوض عمليات تجميل وايد عشان يرتب من مظهره و يخفف شكله اللي اختفى من اثار الحريق..

-30 يوم-

الساعه 8 بليل

غدير تصارخ:يلاااا بااااي انا بروح المخيم مع رفيجاتي ..اوووكي..

هديل و اهيا مبين عليها التعب و السواد كثر تحت عينها:ويييين؟؟لا والله ومخيم بعد؟؟؟هاااا؟؟

غديرلا تصارخ:والله بدينا العطله..ومو مشكلتي بروح استانس الكل بيكون هناااك...

و بهالوقت وصلت روان :شصاير؟؟

هديل و ايدها على خصرها:شوفي شوفي يا روان..غديرح المخيم مع رفيجاتها و ربعها..و بتخلينه هني..

روان:لا والله غدير من صجج..و ابوج؟؟..

غدير:و شنو ابوي؟؟..

و طووط طووط..

غدير :يلا بااااي وصلوا..

روان بكل دلع و رقه:واااي ابيه ابيه مخيم؟؟؟..

هديل:اشوفج ما قلتي شي لما قلت ربعج؟؟؟هااا؟؟؟

غدير مشت و و كأنها ما سمعت شي ..

و سكرت الباب وراها..

و دزت مسج لروان تقول:

(سوووووري انا بروح المخيم مع رفيجاتي و رفيجي احمد لأن والله مو بيدي..

يبي يفضحني ..شسوي يعني؟؟..

و السالفه يازتلي وناسه والله يلا اشوفكم آخر العطله باااي)

الكل انصدم و خااف و انتشر الخبر بالبيت كله ..

اي البيت كله درى عن اللي تسويه غدير..

شهد:يلا يلا اجتمعوا يلا يلا..

الكل اجتمع بيشوف شعندها هالشهد..

شهد قالت بعد ما اجتمعوا الكل:بنلعب لعبه الصرااااحه..

روان:شتطلع بعد؟؟

شهد:كل واحد يصير صريح و يعترف بشي سري ..

روان و اهيا تروح الغرفه:انتي صج فاضيه والله منو له خلق حق شي..اووووه

-29 يوم-

بهاليوم بدى الحماس شوي عالكل..

الكل يبي يعيش شوي بفرح ووناسه..

الساعه 8:09 الصبح

روان:يلا قوموا من النوووم..

شهد واهيا دايخه:اووله لييش بعد؟؟

روان:بنروح المدينه الترفيهيه ..

شهد:اممم اوكي يبيله ..بس شوي بنام..

روان:يلا قووووموووا.

شهد و فتحت عيونها:اوله خلصتي انتي؟؟..

روان:واااي شهالحسد؟؟..اي من زمان..قبل ساعه و ربع تقريباً..

و راحت روان للحمام و فتحت الماي ..بس انصدمت ..

فتح الرش بدال المغسله..و نزل الماي عليها و على شعرها و ملابسها و ويها..

و روان:لااااااااااااااااااااا الله ياخذ عيووونج يااا شهد..

-----------------------------------------------------------------

و بعد فتره..وصلوا كلهم للترفيهيه..

و دخلوا الساعه 10 لها ..

و تفرقوا...

------------------------------------------------------------------

الفصل الثامن

-اختطاف روان+هديل-

كان الجو حلو..

درجة الحراره 23 درجه مئويه..

السما صافيه من الغيوم..

روان مثل ما اهيا مبدعه باللبس..

و شهد بعد..

و هديل ملئ تحت عينها السواد من هالحبوب..و كانت لابسه جينز و تي شيرت ازرق..

و ساره و فرح نفس الملابس..على هانا مونتانا..

و جاسم و بدر و عبدالله و محمد راحوا مع بعض..

و بعد ما خلصت روان من قوانينها الماصخه قالت لهم:يلاانتشروا و العبوا..

شهد قالت:انا بروح مع ساره و فرح مابي العاب تخوف وايد..

روان :عيل هدول تعالي معاي..

هديل:بس..غدير؟؟..

روان:ويي خليها جذابه قالت جذي بس..خليها تولي..

وطبعاً هديل ما فكرت بشي لأن الحبوب اثرت فيها و مثل ما تعرفون انها خلصت من الريال اللي اييب لها الحبوب..

روان:يلا خل نركب برق..

هديل:وييه برق سعرها بدينارين..و امي عطتنا فلوس على انهم بييون بعد شهرين واللحين بقى شهر تقريبا و طولوا قعدوا 3 اشهر..

روان:ولييين يلا يلا انا ادفع لج...

هديل:اوكيي...

---------------

بهالفتره كانوا 3 شباب يطالعون روان و هديل..

و كانوا يتبعونهم بكل خطوه يمشونها..

و بعد جم ساعه..

والساعه 3 العصر..

هديل:روان خل نتغدى تعبت..

روان:اي اوف تعبنا و الله..بس وناسه..

هديل:ايي والله يلا..

روان:ماكدونالدز..

هديل:اوكيي..

- - - - - - - - - - - - - - - - - - - - - - - - - - - - - - - - - -

و مر اليوم..

الساعه 8 بليل

و دقت روان على اشرف:اشرف وينك؟؟..

اشرف:عند كوماري..

روان:شنوووووووووووووو؟؟..

اشرف:هذا ايجي بيت مره ثانيه..

روان:يلا يلا بسرعه تعال مرنا..

و سكرت التلفون..

روان :هديل تتوقعين منو ردت للبيت؟؟

هديل:منو؟؟

روان:كوووماااريي

هديل:امممم و ليش مستانسه؟؟..

روان:يعني ما راح نطبخ..وناسه لأني من السالفه حيل اخاف من الجوله..

---------------------------------

شهد و فرح و ساره ..

مع جاسم ومحمد و بدر و عبدالله...

-----------------------

روان طلعت من المدينه اهيا و هديل..

و فجأه صارت الفااجعه..

جوا ثلاث شباب..

الأول:يه يه يه يه منو هني؟؟

روان:وخر يا قليل الادب..

الأول:واي صج؟؟منو قليل الادب؟؟

الثاني:شهالزين..

و مسك شعر روان..

روان وخرت و صارخت:وخر و لا راح اعلم الشرطه والله..

الثالث:يلا يلا ركبوهم ..

هديل:شنووو؟؟

الثالث:لا تخافون..بنقطكم بالبر بس..ههههههههههه

الناس تطالع الحادثه..

مسك الاول و الثاني روان..

و الثالث هديل..

و الصراخ عم المكان لكن منو بيساعدهم..منو؟؟ منو؟؟

و ركبوا السياره غصب على ارادتهم..

و فوووووووووووو.......

و الصراخ يبتعد شوي شوي شوي شوي...

و عم الهدوووء...

------------------------

رساله من روان حق اختها شهد(شهد انا و هديل بنروح للبر شوي و بعد جم يوم بنرد اوكي؟؟)

شهد بالترفيهيه:شلون يروحون؟؟

جاسم:شسالفه ؟؟

بدر:كل من هب و دب ذلف للبر..

فرح:شلون يعني؟؟..

شهد:السالفه فيها ان..بدق عليها..

------

و بالسياره دق تلفون روان..

و قال واحد منهم قاعد عاليمين:هااا ردي على اللي يدق و مثل اللي قتلج ..فهمتي؟؟..

روان متوتره و تبجي:انزين..

و جكت:الوووو

شهد خايفه:روان وينج؟؟

روان:انا..انا شوي بروح عند غدير..اوكي؟؟..

شهد:شلون تروحون و منو يردنا؟؟

روان:عندكم اشرف وكوماري ردت يقولون..يلا باي باي..

شهد:اووووه و متى تردون؟؟

روان:باجر باي..

شهد:باي..

و ردوا للبيت..

والكل منصدم و خايف..اللي فكر انه يدق على المخفر..

و اللي قال انهم باجر بيردون و ماكو خووف..

-------------------------

الفصل التاسع

-الهروب للمجهول-

بدايه يوم يديد-28 يوم-

الساعه 4 الفير..

سياره الخاطفين تفتح من برا بس..اما داخل ما يصير..

الجوو بااارد بالبر..والخيمه بعيده عن السياره اللي خلوا فيها روان وهديل..

و الشباب الثلاثه في الخيمه اللي تبعد عنهم حوالي 7 امتار او 8 امتار تقريباً..

هديل بصوت خفيف:روان..الحاله تخوف..لازم ننحاش..

روان بصرت خفيف بعد:اي صح لازم..

هديل يصوت مخنوق:انا بروح جدام بحاول ادور شي افتح فيه الباب..انتي دوري ورا..

روان:انزين بس حدي ميته من الخوف..

هديل:روان لازم نحاول..و لازم نقاوم..قبل لا يسوون شي فينا..

روان:بليز بسرعه قبل لا يطلع الصبح ..

هديل:الساعه جم؟؟

روان:مادري خو باقوا تلفوناتنا..

هديل:لا نضع الوقت يلا..

راحت هديل جدام..

وروان ورا..

و بدى البحث..

و الليل مظلم..

و هديل:لقيييتها..

روان:آنا لقيت سجين..يمااا..

هديل:لقيت درنفيس..

روان:تتوقعين نقدر نفتح الباب؟؟..

هديل:اكيد خل انحاول..

حاولت هديل على مدار 3 ساعات..

الساعه 5

الساعه 6

الساعه 7

و صارت 8 وعشر دقايق الصبح..

روان:شكلهم ناموا..

هديل:الحمدلله الحمدلله..فتحت الباب..

الكل استانس..

روان مستانسه و خايفه و متوتره:واللحين شنو نسوي؟؟..

هديل:ننام بالسياره..

روان:مو وقت تطنز..

هديل:و مو وقت غباء يا ذكيه يلا خل نركض..

روان:يلا..

افتحوا الباب الامامي اللي للسايق..

و نزلت هديل اول..و قالت:يلا شوي شوي..

روان:يلا بسم الله..

و نزلوا بهدوووووء حيل..

و بسرعه راحوا يركضون..

و يركضووون..

و يركضووون..

روان:برد..

هديل:يلا يلا..

الجو صار غييم..

و بدى المطر ينزل..

الكل أيس و انهار..

روان و اهيا انهارت و تبجي:مابي امووت ..مابي اطيح..

هديل تقويها:احنا قدرنا ننحاش..فلازم نكمل..يلا يلا

و صارت 4 ساعات و اهما يركضون و يهرولون و يمشون..

الفصل العاشر

-الصدمه-

بعد ساعات من المشي و المطر والتعب و الخوف..

هديل تصاارخ:خيييييييييمه..

روان محتاره:بس بروحها..ماكو خيام عندها..

هديل و اهيا متهوره:شنو يعني عادي يلا يلا..

روان:مادري..

هديل مسكت ايدها و ركضوا..

و دخلوا الخيمه وقالت هديل:السلام عليكم..

لكن الكل صار فيه غصه..

روان انصدمت..

بس هديل اكثر..

و غدير اكثر منهم..

لكن ابو غدير و هديل انصدم اكثر..

و الشرطه اكثر و اكثر..

و عزيزي القارئ ..

الصدمه مروعه للكل..

شنو الصدفه اللي جمعت فيهم و كشفت امرهم..

غدير:هديل؟!

هديل:غدير؟! ابوي؟! الشرطه؟!

و انكشف كل شي لهم..

الكل قال سالفته..

و غدير قالت انها متفقه مع ابوها..

و الشرطه اهما ربع ابوهم..

يعني السالفه كلها لعبه و القاتل طلع جذب ..و خطه من غدير و ابوها و ربعه..

هديل معصبه:شهالصدفه اللي شفتكم فيها..قومي غدير وديني البيت..

غدير:مابي خدامه عندج آنا؟؟..

هديل:و ليمه متى بتقعدين معاه؟؟

غدير:اصلاً ابوي بيروح امريكا و بروح معاه و لا مذلة امي لا تروحين هناك و لا تيين اهني..شنو هالمهزله و المسخره..

ابو غدير وهديل:يلا هديل و انتي روان بقطكم البيت و تذلفون فهمتوا؟؟..

هديل:لا مشكور برد بروحي..و بعدين الشباب اللي اخطفونه منوو؟؟..

الابو:اعمامي شدراني..

هديل:و ما تبي تاخذ حقنا منهم؟؟..

الابو :الا غدير يلا نروح السوق نشتري اغراض لج..

هديل و روان طلعوا و راحوا يكملون طريجهم..

و هديل طوول الطريج تبجي و بحزن و الم..لكن ما تدري ليش....​