وسقطــت الأقنعة عن الوجووه و ... ((روااااية كاتبها اخوووي))

[Zozαĺiиaђ]

اوووووووكي ناطرينج

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

الباااااااارت السااااابع و الاخير من الروايه الاولى ​

الفصل التاسع عشر

-وسقطت الأقنعه عن الوجوه و تفككت شمل اسرتنا-

الأيام تمشي..

والأسابيع تمضي..

و اللحين دخلوا في شهر 7 من صيف 2010..

اللي نجح مثل:جاسم و روان..

و اللي رسب مثل:شهد و غدير..

و كانت ام جاسم قاعده بالغرفه مع غدير...

ام جاسم:غدير..شخبار ابوج ما تكلمينه؟؟..

غدير:لا بصراحه..من اول ما تركته و نحشت ..و انا ما ادري عنه..

ام جاسم:اممم..

--------------------------------

و راحت ام جاسم لغرفه اختها ام عبدالله..

و انصدمت من اللي قاعد يصير..

ام جاسم:شنو تسووون ليش كل هالأغراض؟؟..

ام عبدالله:والله يا أختي تعبناكم معانا..لقينا شقه صاله و غرفتين و حمامين و مطبخ و بسعر معقول..فقلنا خل نطلع...

ام جاسم:افا بس افا يا أختي اذا احنا ما شلناكم بعيونه منو بيشيلكم؟؟..

ام عبدالله:و الله ياأختي تعرفين من هوشة شهد و روان و انا مو مرتاحه.

شهد و روان كانوا بالغرفه معاهم و لكن و لا كأنهم سمعوا شي...

و بعد فتره من محاولات ام جاسم انها تقعد اختها معاهم بالبيت ..

نطت شهد و قالت بعصبيه:اوووه خلاص خاله .نبي نطلع بس..مو غصب عااد..

ام جاسم تبتسم:خلاااص عيل على راحتكم..

و راحت ام جاسم لغرفتها..

روان:يما بس اللي اعرفه انه ما يصير رياييل يشوفونج صح؟؟..

ام عبدالله:اي صح بس انا بتغطى عدل ..والله يكون بعونه لما نوصل للشقه..

روان:ان شاء الله يا رب...

-------------------------------------------

و بعد يومين راحوا ام عبدالله و روان و شهد و عبدالله و فرح و محمد..

لشقتهم المؤقته..

----

و بعد جم يوم..

تووووت تووووت..

جرس بيت ام جاسم..

كان الوقت بليل على حدود الساعه 9 ونص..

كوماري دخلت و قالت لأم جاسم:مااامااا ايجي مكاتيب..

ام جاسم:مكاتيب شنو يعني؟؟..

كوماري:انا ما يدري هوا قووول..

ام جاسم:قصدج رسايل يمكن؟؟..

كوماري:انتي روووهي برا شوووفي..

ام جاسم:يلا يلا مناك يلا..

و طلعت ام جاسم..

و لقت وحده كبيره بالسن عمرها في حدود السبعين سنه او اقل بشوي..

و معاها واحد كبر غدير و روان تقريباً..

و ام جاسم:يا هلا منو معاي..

المره:يا بنيتي مو حلوه نتكلم هني..

ام جاسم:تفضلوا حياكم..

و دخلوا و جابوا الجاي و الماي و التمر..

و بعد جم دقيقه..

المره:احنا نتشرف و نطلب ايد بنتج يا ام عبدالله...

ام جاسم تبتسم:لا انا ام جاسم يماا..

الشاب:نطلب ايد بنت اختج ام عبدالله..

ام جاسم منحرجه:منو تطلع اخوي؟؟..

الشاب:اظن بنتج غدير قالت ؟؟..صح؟؟.

ام جاسم منصدمه:احــ...

قالها الشاب:اي نعم انا احمد..

ابتسمت ام جاسم ..

وفجأه دخلت غدير و تقول:يماا اغراض هديل شنو بنسوي فيها؟؟..

و شافت احمد و شافت المره و امها معاهم..

و انصدمت ..

وقالت ام جاسم:قعدي غدير حياج احمد يطلب ايد بنت خالتج ..روان..

احمد:لا لا غلطانين..انا اطلب ايد شهد..

الكل مستغرب و كأنه هالأحمد عايش معاهم..

و بالأخير فجر قنبله لما قال:انا اكلمها من مده كصداقه و حبيت اتزوجها..

و بعد فتره من الاستغراب قالت ام جاسم:و الله يشرفنا و لكن اهما طلعوا هاكم عنوانهم...

و راحوا للعنوان..

وغدير تندب حظها ..

و ام جاسم:والله حااله يا رب رحمتك الواسعه...

غدير تدمع عينها:اشتقت لج يا هديل..

--------------------------------------------------

مرت الأيام و تزوجوا شهد و احمد..

و احمد بيكمل دراسته برا بـأمريــكا...

ولاية لاس فيغاس المشهوره ..

و بالفعل ما مر اسبوعين الا و اهما سافروا...

و ام احمد قطعت عنهم فجأه..

و تلفون شهد كله جهازه مغلق..

و احمد نفس الشي..

-----------------------------------------

الفصل العشرووون

-الخااااتمه-

بدا الربيع لعام 2014 ..

غير عن كل الأعوام..

كان دافي و جوه حلووو..

و مرات كان بارد و جوه كئيب..

مرت جم سنه على الحوادث..

و مرت جم سنه على اختفاء شهد..

و جو لروان اكثر من واحد يخطبها..

لكنها رفضت خوفاً عن انه يصير مثل ما صار بأختها شهد..

ام عبدالله حجزت لها و لروان و عبدالله و فرح..

على انهم يسافرون لولاية لاس فيغاس المشهوره و الكبيره..

و يدورون عنهم بالجامعات والفنادق..و بكل مكان معروف ومشهور..

و قالت لأم جاسم تخلي محمد ولدها عندهم..

روان و غدير صارت اعمارهم 22 سنه..

و جاسم 17 سنه..

و بدر 16..

و فرح 16..

و ساره 15..

الكل كبر بسرعه..

و محمد قعد عندهم..

و بالنسبه للبيت ما بنوه على قرار انه ما يصير بناء او تعويض بيت ..

و صار اللي صار..

و قعدوا بالشقه..

و لكن اللحين ركبوا الطياره..

و راحوا آمليين انهم يلقون شهد..

و يرجعونها سالمه لهم..

بعد ما اختفت عنهم المره العجوز و اللي عبالهم انها امه..

لكن ام عبدالله واثقه كل الثقه انه هذي مو امه و كانت شاب متنكر بزي مره عجوز..

لأنها لأحظت مره عليها انه ايدها مو ايد مره عجوز و كانت مليئه بالشعر..

و لاحظت انها تذكر مرات النت و غيره..

و مستحيل وحده تعرف نت كبر يداتنا..

و سافروا و بدأت رحله البحث و العناء و الشقاء..

آمليين انهم يلقونها..

و تزوجت غدير من شاب لطيف و محترم اسمه عبد العزيز..

و سكنوا بسلوى ..

و تركت البيت الحزين..

و قررت ام جاسم تبيع البيت و تاخذ شقه لها في سلوى قرب بيت غدير و زوجها..

اللي عايشين مع الأهل..

و بالفعل صار هالشي...

----------------------

و بجذي اكون قلت لكم كل اللي بقلبي و لكن في شي مهم..

و اهوا منو سرد لكم احداث هالقصه..اللي يمكن الكل ما يصدق احداثها الواقعيه الف بـ%

انا اهيا ..

انا البنت الدلوعه..

انا البنت المغروره..

انا البنت اللي حرقت البيت..

انا اللي حرقت ابوي و قتلته..

انا اهيا بالفعل اللي قلت لكم احداث القصه..

انا روان..

قلت لكم كل شي و حاولت اني اقول لكم كل شي و انا آسفه اذا نسيت تفصيل او شي غيره..

و اذا تبون تعرفون شي عن شهد..

انا آسفه...

احنا بأمريكا و ليلحين ندورها..

و اتمنى انها تسامحني عشان انا اسامح نفسي..

و اتمنى اني ارد لديرتي الكويت..

و لخالتي و غدير و اخوي محمد..

و بجذي اسمع امي تقول هالجمله كل مره..

تقولها كل مره ..

و كاهي اللحين تقولها و تكررها:وسقطت الأقنعه عن الوجوه..و تفككت شمل اسرتنا...

مع تحياتي المخلصه:روان..

---------------------تمت-------------------------

و شكراً لكل اللي تابعها و تفاعل مع القصه

تقبلوا تحياتي :مبارك

تكملة الروايه بعد تفاعلكم​

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

هذااااا اخر بارت يقووول اخوي من اول روايه و يقولي راح نبدي باجر بالبارت رقم 8 تكملة الروايه و اسمها بيكون ((و انبثق سائل الصدمات علينا))..تقبلوا تحياتي:هند..و اخوي مبارك

 

[MeeMeeYoo_2]

احمد مو اهوا الي كان يحب غدييير ؟!!!!

ولا انا مقفله ؟


ناطرين الياااي


يعطيكم العافيه انتي واخوج

 

[سارووونه22]

مشكوووووووورة

 

[Riooma]

eshlon alqesa wage3eya wel a7dath ewsalat 2014? hal ana nemt oo ga3adt 3ogo 4 snen wela sheno

 

[Zozαĺiиaђ]

صح مو احمد الي كان مع غدير ولا هذا واحد ثاني ؟


و الروايه الثانيه بتكون تكمله هذي الروايه ؟؟

و ثينكيووو عالروايه يعطيكم العافيه =)

ناطرينكم بروايه الثانيه

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

اشكر كل الي تفاعلوا مع الروايه..و بالنسبه لريوما لو كنتي مركزه بالي قلناه..جان فهمتي كل شي..الشخصيات واقعيه مثل روان و شهد و غدير و هديل موجودين بالواقع..لكن الاحداث من وحي خيال اخووي...لكن الروايه موخياليه حيل..يعني الي صار لهم يصير لكل شخص موجود بالعالم..مو خياليه لدرجة الاشباح و الجن..لالا..الاحداث تصير بالواقع لكنها بالروايه خياليه..مو من صج..بالنسبه لروح ابوها نقول لج اي الروايه الثانيه بأسم ((وانبثق سائل الصدمات علينا))..بتكون تكمله للروايه هذي..تابعونااا..متابعه شيقه للجميع..

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

إلى كل متابعين روايه

(و سقطت الأقنعه عن الوجوه و...)

الجزء الثاني قريباً جداً جداً ان شاء الله..

بيكون الجزء خطييير..

الأحداث بتتعقد..

بتلتوي اكثر..

بنعرف حقائق العايلتين..

والسر العظيم وراهم..

بنعرف شصار في شهد..

بنشوف حلقه من الصراع بين العوائل..

بينكشف سر الأمرأه العجوز..

بنعرف امور مخفيه عظيمه محد كان يعرفها..

في الجزء الجديد..

مع الاحداث الجديده..

الخوف..

الرعب..

التعقيد..

القتل..

الأحلام..

الآمال.

التلاشي..

الحب..

الخداع..

----

بينتهي بقنبله عظيمه ...

بتعرفون الاحداث كااامله..

في (و انبثق سائل الصدمات علينا..)

تكمله لروايه

(و سقطت الأقنعه عن الوجوه و...)

متابعه شيييييييييييقه..

وشكر خااص لكل من تابعني

و شكر خاص جدا لهديل و غدير و عبدالله و فرح و شهد الحقيقيات

و غيرهم من المتابعين
و شكر خاص لمنتدى كويتيات و خصوصاً لكل اللي دخل و شاركنا الرد ​

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

بالنسبه للي سألوا عن احمد..انا اقولكم السالفه:احمد اهوا نفسه الي كان يكلم غدير..الروايه الثانيه انا قريتها الصج عجييييييييييييييييييييبه مو عشانه اخوي و امدحه بس صج قووويه خصوصاً الروايه الثالثه قوووويه و اخر بااارت بالروايه الثالثه حدي و اموت قهر و بجي كل شي بتعرفووونه لا تحاتوون و ليش ما تكلمت غدير بليييز تابعوها لا تتحسفون

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

اب اب اب

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

البــــــــــارت الثامــــــــــــــــــــــــن (وانبثق سائل الصدمات علينا)
الفصل الأول

-بدايه-

في اجواء صاخبه ..كانت ولاية لاس فيغاس الشهيره..

مليئه بهالوقت من السياح و الأجانب..

بدايه شهر اغسطس(8)من عام 2014

الجو مشمس..لا غيم..

درجة الحراره 34 درجه مئويه..

الساعه 4:03 عصراً

في فندق لاس فيغاس الشهير..

قعدت فرح تنفخ و تتأفف:اوووووففففف..

شال الرجال الجناط و الأكياس ووداهم لسيارة التاكسي..

و الأم:يلا روان تعالوا..

روان صار عمرها 22 مثل ما عرفنا مثل غدير..

و جاسم و عبدالله 17...

و فرح 15 و ساره 14 ومحمد مثل ساره 14 سنه....

و بدر 16..

راحوا كلهم برا الفندق الضخم ..

و قالت روان :يماا يعني خلااص؟؟..

ام عبدالله:اي خلااص..

فرح:بس ...

عبدالله:ما يصير يا يما..

ام عبدالله:يلا ركبوا السياره..

ركبوا السياره بهدوووء و تعب و ضيجه..

و فووووووووووووو...

حركت السياره...متجهه الى مطار لاس فيغاس...

-------------

بدا الجو في الكويت ..

حاار جااف بهالوقت من السنه ..

لكن السما كانت نصف ممتلئه بالغيوم..

على عكس العااده بأول شهر اغسطس(8)

و بمحافظة حولي..

و بسلوى بالذات..

بدى يوم يديد و سعيد..

لعبدالعزيز و غدير..

بدوا بالريوق..

و راحوا للشغل و اهما مستانسين و فرحانين..

و بشقة ام جاسم ..

ام جاسم ترتب الملابس و تصارخ:جااااسم عدل الاغراض اللي بالصاله..

جاسم:يما انا بطلع عند ربعي خلي كوماري تسويهم مالي خلق انا...

ام جاسم معصبه:ايي اطلع و هيت بالشوارع و تعال آخر الليل و تكلم مع حبيبتك و اخمد..ماشاء الله عليك..

جاسم و عيونه اتسعت وخاف و انصدم:شنوووووووووو؟؟..

ام جاسم حطت الملابس و راحت له و قالت بنظره جاده:جاسم اترك عنك هالسوالف و اهتم بصلاتك..و لا تدخل ابليس بينك..

جاسم و اهوا يطلع:يااااعميي عااااد..

ام جاسم تصارخ:جااسم جاااسم..

وطلع و سكر الباب بويها و راح..و لا كأن امه تناديه..

---------------------------------------------

التعرف عن قرب على الشخصيات:

ام جاسم:الأمرأه اللي كافحت مع اختها..و ساعدتها على وضعها الحرج قبل جم سنه..ووقفت معاها بالأيام السوده ..

ايام احتراق البيت و الأبو..و اهيا ليلحين عايشه تكافح و تكافح و تدعي كل ليله انهم يلقون شهد..لكن هل صج لقوها؟؟؟..

جاسم :تغير حييل..لكن للأسوأ..يرفع صوته على امه..ما يكلمها معظم الأوقات..انتشرت عادات سيئه فيه..مثل السهر بالمخيمات ..

و محادثه البنات ..وغيرها بنكتشفها مع بعض..

بدر:مثل ما اهوا الولد الهادي اللي نادراً ما نسمع صوته..

ساره:عقلت البنت شوي و خفت عن الشطانه ..

غدير:مثل ما عرفنا عايشه حياة هنيه مع زوجها و شهر العسل بعد اسبوع..و للأسف حبهم للعمل كان اكبر محد يدري ليش!!!...

ام عبدالله:الامرأه المكافحه اللي نجت من الناار..و ساعدت زوجها الله يرحمه..و كاهيا تحاول انها .......

روان:ما سامحت نفسها طوول هالأسنين ...

عبدالله:محترم و اخلاقه عاليه..

فرح:ما تختلف عن اي بنت لكن هالجمله بتتغير مع مرور الايام...

محمد:مع خالته و عيال خالته..و اشتاق حيل لأهله..ولأخته شهد..

----------------------------

الفصل الثاني

-الوصول-

كانت الطياره فوق الغيوم..و فوق المحيط الأطلسي..

راده للكويت..

و روان دموعها على خدها..

و فرح ضامه امها..

و عبدالله يفكر و يفكر..

و الأم تدعي..

اي نعم..ايأسوا للأسف من وجود شهد بولايه كبيره..

و الام تندب حظها على انها ما عرفت اي جامعه..

لكن كانت تييلها قشعريره لما تفكر فقط بفكره خطف شهد بنتها..و ترجف اكثر مو هوول الفكره..

6

5

4

3

2

1

و بدأت رحله الهبوط..

ووصلوا بالسلامه..

دقت ام عبدالله على اختها ام جاسم:هلا هلا هلا هلا

ام عبدالله:هلا فييج حبيبتي شخباااركم؟؟..

ام جاسم تبجي:ولهههت عليكم والله ..احنا بخير دامكم بخير يا رب..

ام عبدالله:الحمدلله الحمدلله على كل حال..

ام جاسم مقموته:والله يا اختي ما اتحمل..عسى لقيتوها؟؟..

و طوط طوط طوط طوط طوط طوط..

تسكر الخط بويهم..و ارتاحت ام عبدالله لانها اهيا اللي سوت الفعله..

دقت ام جاسم عليها ..لكن ما ردت..

و دزت لهم ام جاسم مسج تقول:

(لا تنسين عنوان شقتنا اليديده تعالي الحين لا تروحين شقتكم ..)

و دزت ام عبدالله و قالتان شاء الله..)

و بهاللحظه بدوا ينزلون من الطياره...و يشوفون ارضهم اللي من زمان ما شافوها..

ارض الخير و المحبه و الإخاء..

------------------------------------------

الفصل الثالث

-الانكشاف المقصود-

غدير جت لامها و قالت لها بصوت خفيف:شخبارهم؟؟..

ام جاسم:اعوذ بالله..

غدير خافت:بسم الله شفيج يما؟؟..

ام جاسم تسمي:خرعتيني شلون دخلتي؟؟..

غدير:من الباب..

ام جاسم:اووه المهم ..مادري عنهم..وصلوا بس صوتها ما يطمن..

غدير متضايقه و حط ايدها بويها :و شلووون ترضى خالتي شلوووون؟؟..

ام جاسم تطالع الأرض:اللي صار صار..و انا مالي شغل فيهم اللحين اللي فينا مكفينا بس لازم نظهر لهم تعاطفنا شوي..

غدير:اففففف و شصار مع جاسم؟؟..

ام جاسم تضحك:هههههههههه ولدي جاسم يا غدير دواه عندي ..انا اعلمه عدل..

غدير:انزين انا مالي شغل بروان و فرح و مادري منو.. خليهم يولون قوليلهم اي شي ..انا بروح للبيت..

ام جاسم:خلاص روحي لبيتج يلا..

غدير نزلت راسها و قالت:يما في شي ابي اكشفه لج..

ام جاسم:شنو تكشفين؟؟..

غدير:بقولج بس لا تعصبين اوكي؟؟..

ام جاسم خافت:شنو خرعتيني؟؟..

غدير:في احد هني اول شي؟؟..

ام جاسم :بدر و ساره و محمد نايمين امس سهروا و اذوني..بس ليش؟؟قولي..

غدير:امس دقوا مالت اعاده الانشاء مادري شنو المهم شركه مادري شلون يابوا رقمي..

ام جاسم:انزين ..كملي..

غدير:اوكي..قالوا لي اعاده بناء البيت امر قانوني و مجاني للي خسروا بيتهم..و قالوا هالقانون صح يديد بس يصير نعيد بناء البيت المحترق و نعوضكم فيه..

قالت ام جاسم:انزين و شقلتي؟؟..

غدير:قلت لهم اوكي و سألتهم شلون يابوا رقمي بس ما قالوا..بس قالي انه في شي ثاني يصير بسريه تامه..

ام جاسم متحمسه:شنو اهوا؟؟..

غدير:يصير نعطيكم فلوس الأرض و البيت بشيك قدره 350.000 دينار كويتيييي..

ساح لعاب ام جاسم و قالت:اوووف شقلتي؟؟..

قالت غدير:انا بالبنك عندي 30.000 دينار من ابوي و آسفه ما قتلج..

ما اهتمت ام جاسم وقالت:المهم..المهم شقلتي للريال؟؟..

غدير قبل لا تتكلم فتحت جنطتها الحمرا و طلعت بوكها الاحمر الكبير و طلعت ورقه بيضه ..

خمطتها امها و قالت:هاتي الورقه خل نشووووف..

و قامت من الفرحه:وااااااااااااااو ....

و قامت غدير و ابتسمت و فرحت..

ام جاسم :تعالي اختي تدري؟؟..في احد يدري؟؟..

غدير:لا ماكو احد يدري..

ام جاسم:انتي خلي الشيك عندي و يصير لنا بصراحه احنا ملزومين اكثر منهم..

غدير:اي والله صح..بس يما اوديه البنك اضمن والله..

ام جاسم:ويييي لا يما خليه عندي..

و بعد محاولات نجحت الام و خلت الشيك عندها..

و غدير راحت لبيتها ..

ولزوجها..وحضرت اغراضهم من اللحين بإنتظار السفر الاسبوع الياي للنمسا..

جنة الله في الأرض..

و قالت لزوجها عن الخبر و الشيك..

و بكل هالوقت..

كان في جاسوس عند الباب المظلم..

سمع كل اللي قالوه غدير و امها..

هذا اهوا محمد اللي حقد و قال في قلبه:شغلكم عندي يا العايله السعيده..

و بهالوقت عم السرور و فجأه الحزن و الصيجه و البجي من صووب..

شهد ليلحين ما يدرون وينها..

و كانت امنيه ام عبدالله شي واحد و اهوا..انها تعرف وين ام احمد..

او الشاب مثل ما تشك فيه..

و ليش اختفى طوول هالسنين..

ليش؟؟

ليش؟؟..​

يتبع

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

اب يا بنااات شصار؟؟

 

[6amni bs]

رد : وسقطــت الأقنعة عن الوجووه و ... ((روااااية كاتبها اخوووي))

يعطيج العااافيه
كملي حبوبه ناطرينج

 

[MeeMeeYoo_2]

امبيه اهم شي فلوس اختها وبيتها واهي تبيهم @@


يسلموووو

 

[Zozαĺiиaђ]

امبي !! بوق اشكراا @@

اشوواا سمعهم محمد

ناطرينج

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

البـــــــــــــــــــــارـتـ التـــــــــــــــــــــــــــــاســــــــــــــــــــــع​

الفصل الرابع

-تراكم الصدمات..ترى من سيصمد؟؟..-

كانت هديل قاعده على الطاوله..

و كانت تاكل مع اختها غدير..

هديل و اهيا تبلع:ويييه شخباري هالقعده من زمان ما قعدت معاج..

غدير و اهيا تضحك:ايي والله صح من زمااان الله لا يفرقنا انشالله..

هديل:غدير..اشتقت لي؟؟..

غدير:ابيج ترجعين اليوم قبل باجر..اي هديل اشتقت لج يا أختي..متى تردين؟؟..

هديل:في ورث ضخم ضايع كنت اعرفه لكن جاه دورج ..و لا تخونين..

غدير:وين وين وين وين..

شخص ثاني يتكلم:غدير قوومي تعوذي من ابليس شنو تقولين؟؟..

و قامت و فزت من النوم بسرعه..

و كان زوجها عبدالعزيز عندها موجود و قال:هااج شربي ماي و تعوذي من ابليس..

غدير و اهيا تدمع:اعووذ بالله..شفت اختي..

عبدالعزيز:صج؟؟..بالعكس شي حلوو و اهيا بقبرها تذكرون بعض..

غدير منصدمه:بس ..بس قالت..

عبدالعزيز مستغرب:قالت؟؟..شنو قالت؟؟..

غدير:و لاشي..

و طول الليله حاول عبدالعزيز يطمنها و يسكتها....

لما قدروا ينامون الساعه 6 و نص الصبح.. و لحسن الحظ كان يوم جمعه..

------------------------------------

بعد يوم - بقى 5 ايام على سفره غدير و عبدالعزيز للنمسا-

كان جاسم يضحك و يبتسم و فرحان..

و قال الشيخ:هل تقبل بالزواج من شادن؟؟..

جاسم:اكيد اقبل..

الشيخ:هل تقبلين بالزواج من جاسم؟؟..

و بكل رقه و نعومه قالت شادن:ايي..

الشيخ:عجل مباركين..

و ارتسمت على كل من شادن و جاسم ابتسامه و بدايه حياة زوجيه..

مخالفه للقوانين الأجتماعيه..

و ما ننسى ان الأربع شهود كانوا ربعه...

و راح الشيخ و ربع جاسم..

و ردوا شادن و جاسم للشقه..

-----------------

في شقة ام عبدالله

روان:هاااااوم ابي انااام...

عبدالله:يماا ابي اروح السينما..

ام عبدالله:اخذ فرح و محمد معاك..

عبدالله :اي ابي اطلع معاهم..

و قال:هاا تيين روان؟؟..

روان:وييع مابي..ملاقه..وايد..باي بنام..

ام عبدالله:تو الناس روان..

روان:مابي بنام..

و راحوا فرح و اخوها محمد مع عبدالله للسينما..

و قعدت ام عبدالله تقرى المجلة بأجواء هاديه..و حلوه..

لما جالها الأتصال المفاجئ و قالت ام عبدالله:رقم غريب..مابي ارد..

و لكن عاود المتصل مره و مرتين و 3و4و المره الخامسه ردت ام عبدالله و قالت:الوو..

--:الوووو هلا والله يا اختي..

ام عبدالله:منو معاي؟؟.

--:افااا نسيتيني؟؟

ام عبدالله:منو ماعرفج والله..

و فجرت المره قنبله لما قالت:انا ..انا ام احمد..

و انصدمت ام عبدالله و كانت بتتهاوش معاها و لكنها قالت شوي شوي اخاف بنتي عندهم:هلا والله لا ما نسيتج..

ام احمد:فتحي الباب يلا..

ام عبدالله مستغربه و لكن قالت: انشالله..

و افتحت الباب و تطلق صرررخه مالها حدود لما شافت احمد مع امه و :آآآآآآآآآآآآه...

قامت روان اللي كانت شبه نايمه و ركضت و شافت احمد و امه جدامها و:احمد زوووج اختي؟؟..

احمد دخل و سكر الباب اهوا و امه و قفلوه و قال بصرامه:والله اي حركه راح اذبحكم هني فاهمين؟؟..

ام عبدالله تبجي:لا لا.. ووين شهد وينها بنيتي وييينها؟؟..

روان:والله عيب جذي ..والله عييييييب..

احمد يقول لأمه:قط عبايتك..

و قط العبايه و انصدمت روان الا ام عبدالله اللي قالت:و ربي كنت حاااسه انك مو مره و انك ريال ياااحرااامي...

احمد بكل وقاحه:اسمه يوسف مو حرامي ..

ام عبدالله تصارخ:ابيي بنتي..و لا اعلم الشرطه اللحين..

احمد بستهزاء و تهديد:دقي يلا و بعدها ما راح تشوفين بنتج خيير شر..

ام عبدالله صممت:خلاص بس وينها عشاني وعشان ربكم قولوا وينها لا تحرون قلبي..

احمد:3 خطوات بس..

روان بستغراب:شنو 3 خطوات بس؟؟..

احمد بعصبيه:جب انتي لا كف على ويهج..

ام عبدالله:روان دخلي داخل يلا..

روان راحت لباب غرفتها ووقفت..

احمد:3 خطوات تنفذونها بدون علم الشرطه راح نسلمكم بنتكم السخيفه الحنانه المزعجه..

بجت روان و امها حييل و قالت ام عبدالله:شنو الثلاث خطوات؟؟..

احمد:مو اللحين بعدين يوصل لكم و ما تخلص 2014 الا بنتكم عندكم..

ام عبدالله:لا ابي الثلاث خطوات اللحين و ابي بنتي شهد اللحين..

احمد:بلا حنه بلا رنه..يلا تلفونج ابيه شغال 24 ساعه..اوكي..باي..

و راحوا يوسف و احمد و بقت ام عبدالله منهاره و روان تحاول تهديها..

---------------------------------------------

الفصل الخامس

-حلقه من الصراع-

مر يومين

بسرعه رهييبه..

و ام عبدالله لحد اللحين منهاره..

و محمد و عبدالله و فرح مادروا عن اي شي..

و حبوا روان و امها يخلون الموضوع سر بينهم..

و كانت ام عبدالله حيل تعبانه و رفضت تروح للمستشفى..

و جم حبة بندول ساعدتها و الراحه بالفراش هم ساعدتها..

و بهالحزه الكل كان نايم الا روان بغرفتها و محمد اللي راح عند امه؟؟

و قال لها بعد ما قعد بالكرسي اللي جدام امه:يماا في شي خطير لازم تعرفينه..

ام عبدالله تعبانه:شنو ..شصاير بعد يا الله..

محمد:والله يا يما ماودي اقولج و انتي بهالحاله.. بس الموضوع ما يتأجل اكثر من جذي..

ام عبدالله:قووول شنو؟؟..

محمد:بصراحه كانت الايام عند بيت خالتي حلوه و بس مو موضوعنا.. موضوعي عن اليوم اللي وصلتوا فيه ..

ام عبدالله:انزين..شفيه هاليوم ؟؟..شصار فيه بعد؟؟..

و قال محمد كل كل كل كل شي و ما خله اي تفصيل ..و لا همل اي جزء من السالفه اللي حفظها عدل و صم..

و قامت ام عبدالله و فزت و قالت:شنوووووووووو..350.000 ديناااااااار؟؟؟؟؟؟...

محمد:اي والله يا يما خانونه غدير و امها..اللي اهيا اختج..للأسف..

و هالخبر كان صدمه للأم اللي عزمت و دقت على اختها و قالت لها انها راح توصل لهم الحين و تاخذ الشيك مالهم..

-------------------------------------------

-بدر يلا بسرعه حط هذيله هني

-يما شسوي بهذيله

-حطوا هذا بعد نحتاجه

-و هذا

علت الصرخات و الصيحات بين ساره و بدر و امهم..

اللي عزموا ياخذون اهم الاغراض معاهم و يهاجرون ..

بدر ما رضى اول شي لكن لما عرف السالفه اهوا و ساره..

صاروا نشيطين و شالوا اللي شالوه و راحوا بسرعه..

و دقوا على غدير اللي انصدمت حيل..

لكنهم قرروا انهم يطلعون برا الكويت و يروحون السعوديه و تحديدا الخبر..

بدر و اهوا يسوق:يما و جاسم؟؟

الام:مالك شغل فيه هالولد..

بدر:المهم شلون بنطلع و جوازاتنا بالبيت نسيناهم؟؟

الام:اووووووه اخذت جوازك بس ..لا حول و لا قوة الا بالله..

بدر:لا تخافين يما هذي 350.000 دينار ونضحي فيها اكييد لا و انا عندي فكره و راح تنجح انشالله..

الام:قووول شنو اهيا؟؟..

------------------------------------------------------------

و بهالوقت ماكو رد على شقة ام جاسم..

و ملت الام و ولدها محمد و عبدالله و لكن ما أيسوا..

بس الام انهارت شوي ووداها عبدالله بسرعه للمستشفى...

-------------------------------------------------------------

غدير بهالوقت تفكر بأختها و تقول بصوت مسموع:الورث قصدها عن فلوس تعويض البيت؟؟

و فكرت اكثر و بعمق:شدراها و لا قصدها عن ورث من صج موجود بمكان و كانت تدري فيه بس ما قالت لأحد؟؟

و قالت:و هديل قالت لا أخون ...

و اخذت تنهيده من التعب و التفكير:هاااااااه...

و بم طااااخ..

قامت غدير خايفه و راحت للباب الرئيسي اللي كان يطق بصوت عالي..

و فجأه صوت احد يصارخ:يا ابن الـ...يالحرامي يالكلب..

غدير تصارخ:اوووف هذا عزيز..

و ركضت بسرعه و فتحت الباب..

و لقت عبدالعزيز يطق عبدالله ..و محمد غدر يساعد اخوه..

و غدير راحت تفككهم و تقول بصراخ:عييب عييب فشلتونا خلااص..

و الطق و الهوشه استمرت وسط الصراخ و الضرب..

و السب و الشتم..

الى ان قدرت توقفهم غدير بالغصب..

عبدالله بسرعه:وييين الشيك؟؟

غدير منصدمه:هاااا اي شيك ما عندنا شيكات فاتحين بنك؟؟

عبدالله :وييين الـ350.000 دينااار؟؟..

انصدمت غدير و خافت لكنها تشجعت و قالت:اي مبلغ خيالي تتوقع بيكون عندي؟؟هااا؟؟

محمد:لا تجذبون كان عند امج و اللحين امج مو بالشقه و انا سمعت كل شي ذاك اليوم وين فلوسنا يالخاينه؟؟..

تذكرت غدير كلام اختها و لكن صاارخت و قالت:يلايلا ذلفوا ..

عبدالله دش و يبي يطق غدير ..لكن عبدالعزيز قام و دز عبدالله على الدرج و طاح لما آخر الدرج..

و نزل محمد و قال:خير خير عسى ما تعورت..

عبدالله:لا الحمدلله..ما فيني شي..

غدير:امي و الكل راحوا سعوديه و انتوا شكووو يلا يلا ذلفوا..

عبدالله:صج نذاله بس حسابكم عندي انطرووني..

قالت:وليي زييين..

محمد بهدوء:خل نرد لأمي بالمستشفى ابرك..

عبدالعزيز و لا عبرهم :يلا حبيبتي خل ندخل..

غدير بكل هدوء:يلا..



------------------------------------------------------------

و بهالوقت المهيب ..

دقت الساعه معلنه دخول يوم يديد و اهوا اليوم الاحد

الساعه 12 و جم ثانيه بليل

تاريخ 3-8-2014..

و بحدود الكويت و السعوديه..

راح بدر و ختم الجواز ..

لكن بمكان ثاني..

و مو معهود..

دخلوا كل من ام جاسم و ساره من حدود ..و بشكل غير قانوني..

و ركضوا بسرعه..

و بسرعه..

و مشوا اميال و بعد ختم و مادري شنو ..مع بدر..

قدر يطلع و نطر امه و اخته على احر من الجمر..

و بعد ساعتين ركبوا السياره و اهما فرحانين و مستانسين..

و صارخوا و اعلنوا النصر و..

ام جاسم بجنون:لااااااااااااااااااااااااااااااااااااااااا..

بدر:شفيج يمااا شصار؟؟؟..

ووقفت السياره..

ام جاسم تبجي بهيستيريه:سرعتي و قلة بديهتي ضيعتناااا..

بدر مستغرب.شقصدج يعني؟؟..

ام جاسم بصوت مقموت:الشيك..

بدر و ساره:شفيه؟؟؟؟..

ام جاسم تصارخ:نسيته بالكبت..

و تلاشى صوتها و سط صمت الهدوء..

و عم السكوت الأرجاء..







-------------------------------يتبع البارت العاشر---------------------------​

 

[6amni bs]

رد : وسقطــت الأقنعة عن الوجووه و ... ((روااااية كاتبها اخوووي))

واااااااااااي كملي حبوبه نااااااطرينج

 

[هولندية 93]

رد : وسقطــت الأقنعة عن الوجووه و ... ((روااااية كاتبها اخوووي))

البـــــــــــــــــــــــــــــــــــارتــ العـــــــــــــــــــ شــــــر ـــــــــا
ملخص ما سبق:تحلمت غدير بأختها هديل اللي قالت لها عن ورث و ما تدري غديرعن شنو تقصد اختها..انكشف سر الأمرأه العجوز و طلعت رجل و اسمه يوسف و اقتحموا شقه ام عبدالله و قالوا اذا تبون بنتكم لازم تسوون 3 خطوات و ما تجي نهايه 2014 الا و بنتكم شهد عندكم..ووافقوا ام عبدالله و بينتها روان..و محمد و فرح و عبدالله ما يدرون عن اي شي..و نامت ام عبدالله بالمستشفى بسبب تراكم الصدمات و التعب عليها..ام جاسم نحاشت مع بدر و ساره و لكنهم نسوا الشيك بالكويت ..و جاسم تزوج بنت رقيقه اسمها شادن..و عبدالله هدد غدير و زوجها اذا ما جابوا الشيك لهم..و ما اهتمت غدير باللي قاله..............
نتابع:::::




الفصل السادس

-النمــــــسا-

مرت اربع ايام...

هاديه..

مع العناء و الشقاء للعايلتين..

لكن هذا ما منع غدير و عبدالعزيز من تغيير جو شوي ..

و يطلعون من الأحزان و المشاكل و يسافرون..

يسافرون لجنة الله في الأرض..

النمــــــــسا..

بهالأربع ايام ما صار شي..

ام عبدالله بالمستشفى محمد نايم عندها..

وكل يوم يمرونها عيالها..

و فرح و روان مع عبدالله بالشقه..

و اهما بهالحل على مدار الأربع ايام..

و حالة ام عبدالله و نحمد الله لأنها مستقره ..

و ام جاسم و بدر و ساره..قعدوا بفندق بالخفجي..و قرروا انهم يردون بعد ما تخلص فلوسهم اللي عندهم ..و يشوفون صرفه مع ام عبدالله..

هذا اذا خذت الشيك..

بهالوقت..

غدير :يلا عبدالعزيز الطياره بعد ساعه تاخرنا واايد..

عبدالعزيز:يلا يلا قولي لخدامة امي جينا تنزل الجناط و تركبهم بالتاكسي لأن وصل..

غدير :يلا انا تحت اقولها..

و استمرت اللويه دقايق ..

و ركبوا التاكسي..

و بعد ما ودعوا اهلهم..

غدير بالتلفون..

وعبدالعزيز عندهم..

و ام جاسم ما قالت شي لبنتها غدير عشان لا تكسر الباب و تبوق الشيك..

(ما كو أمان بينهم للأسف)

و راحوا غدير و عبدالعزيز متجهين الى مطار الكويت..

و بسرعه بسرعه..

و الموضوع المعتاد ..ختم الجوازات و غيرها..

و فووووووووووووووووو..

طارت الطياره متجهه الى النمــــــــــــسا..

جنة اللــه فــي الأرض..

و عبدالعزيز يضحك بقلبه و يقول بقلبه بعد:توو الناس توو الناس هههههههه..

و ما تدري غدير شنو ناطرها من هالسفره اللي بتكون جحيم بالنسبه لهــا..

14 يووم..

مدة رحلتهم..

اللي بتكون جحيم قاااهر لغدير..

اليوم الأول

نزلوا غدير و عبدالعزيز للوبي..

و نزوا بعدها للسرداب و تريقوا..

و راحوا بعدها يستكشفون فيينا..

عاصمة النمسـا..

بعض المعلومات القيمه عن فيينا

(

فِييَنَّا هي عاصمة النمسا وأكبر مدنها. وسميت بهذا تطويرا عن اسمها اللاتيني القديم (فيندوبونا) ومعناه الهواء الجميل أو النسيم العليل. وتنقسم فيينا إلى 23 منطقة كالمنطقة الأولى وهي الأهم سياحيا باعتبارها قلب البلد واكثرها عراقة وان كنا نجد ان كل منطقة لها مميزاتها. ومن أشهر معالم فيينا : قصر الشانبرون بالاس(Schonbrunn Palace)، ساحة ستيفنز وشارع المشاة، شارع ماريا هلفر Mariahilfer Strasse، القصر الإمبراطوري HOFBURG
اشتهرت فيينا بكونها مركزًا عالميًا للتعليم والأدب والموسيقى والعلوم. أصبح سكان فيينا معروفين بمرحهم وظرفهم وتمتعهم بالحياة. لقد انهارت الإمبراطورية النمساوية ـ المجرية بعد أن انتهت الحرب العالمية الأولى في عام 1918، ومن ثم فقدت فيينا الكثير من أهميتها. وبعد انتهاء الحرب العالمية الثانية في سنة 1945أصبحت فيينا مركزاً عالمياً للمؤتمرات ومركز وكالات عالمية متعددة.
المدينه:
تمتد المدينة على مساحة قدرها 415 كم² في الطرف الشرقي لسهل ضيق بين جبال كارباثيان (الكربات) وجبال الألب. ثمة ممر جبلي مهم عبر جبال كارباثيان (الكربات) يقع شرقي فيينا. وكان لموقع المدينة على تقاطع طرق المواصلات دور مهم في نموها وتطورها الاقتصادي، وتخترقها طرق التجارة والاتصالات إلى جميع الاتجاهات. وسط المدينة القديم هو مركز فيينا وتشتمل هذه المنطقة على كثير من مباني المدينة التاريخية والمعالم الحضارية كما تشتمل على أماكن التسوق من الطراز الرفيع. وتقف في قلب المدينة القديمة كاتدرائية القديس ستيفن. يقع قصر هوفبيرج الذي يتكون من مبانٍ حديثة وهياكل تنتمي إلى العصور الوسيطة بعد عدة وحدات سكنية باتجاه الغرب (من وسط المدينة). يشتمل القصر على الغرف الملكية، التي يقيم فيها رئيس النمسا، والمكتبة الإمبراطورية ومتاحف متعددة ومدرسة ركوب الخيل الإسبانية.
الأقتصاد:
فيينا هي المدينة الصناعية الرئيسية في النمسا. تنتج مصانعها المواد الكيميائية، والملابس والمنتجات الجلدية، والأدوية، وأجهزة المذياع والتلفاز.
تمتلك المدينة نظاما ممتازا من المواصلات العامة يشتمل على حافلات الترام والقطارات المُعلقة ومترو الأنفاق، والحافلات. ويُفضل معظم الناس استخدام وسائل المواصلات العامة على سياراتهم الخاصة في داخل المدينة.
السكان:
معظم سكان فيينا نمساويون يتكلمون اللغة الألمانية. كما يعيش فيها عدد من التشيكيين والمجريين، ولكن معظمهم يتكلمون اللغة الألمانية إضافة إلى لغاتهم القومية. يلبس سكان فيينا أزياء شعبية في مناسبات خاصة.
يعكس الطعام في فيينا اختلاط القوميات في المدينة. وكثير من الناس يحبون شرب القهوة وأكل الفطائر الشهية في دكاكين الفطائر التي تُدعى كوند تورين.كثير من سكان فيينا يستأجرون شققاً في مبان تتكون من أربعة أو خمسة طوابق. وبعض الأسر في الضواحي تمتلك بيوتاً، وقد بنت المدينة شققاً لتحل محل المساكن التي دمرت في الحرب العالمية الثانية، ولكن مشكلة النقص في المساكن لم تزل قائمة.

التعليم و الحياة الثقافيه:
فيينا موطن مؤسسات الفنون الجميلة المشهورة في التعليم العالي. تشتمل هذه المؤسسات على أكاديمية الفنون الجميلة، وأكاديمية الموسيقى، والجامعة الفنية، وجامعة فيينا التي تأسست عام 1365. اشتهرت فيينا منذ وقت طويل بمتاحفها المتميزة وصالات فنها، بما في ذلك ألبيرتينا، ومتحف تاريخ الفن، وتشتمل على مكتبات متعددة بما في ذلك المكتبة الوطنية التي تأسست عام 1526. تُعقد الأمسيات الموسيقية في دور الأوبرا في ميوزييك فيرين، ودار الأوبرا الحكومية فولك سوبر. ويؤدي كورس أولاد فيينا المشهور الغناء كل يوم أحد في الهوف بيرج كابيلي، إحدى كنائس المدينة.
تشمل المسارح الرئيسية مسرح بيرج الذي تدعمه الحكومة النمساوية مالياً، ومسرح جوزيف اشتات. عاش في فيينا عدد من مشاهير المؤلفين والعلماء والكُتاب. مثل لودفيج فان بيتهوفن، ويوهانس برامز، وجوزيف هايدن، وفولفغانغ أماديوس موتسارت، وفرانز بيتر شوبرت، ويوهان شتراوس. وقد اتخذوا من فيينا مسكنًا لهم.)

نتابع القصه:

كان اليوم الاول حيييل حلو و الثاني و الثالث..

و الرابع و الخامس..

كان شهر عسل بمعنى الكلمه كلها..

لكن بعد ما راحوا عن فيينا و تحديداً لقريه..

زل إم سي..

واجهت غدير ظروف قاهره بفعلة زوجها الشنيع..

-----------------------------------------------------

الفصل السابع

-الرسائل الوارده = 1-

ام عبدالله طلعت من المستشفى بثالث يوم من سفر عبدالعزيز و غدير..

و عبدالله سكت و هون شوي..

بعد ما قالت له امه انه يخلي باله طويل و انه الله واقف معاهم..و بيساعدهم ..

و فعلاً هدى عبدالله و خفف معاناته و طلع و راح لربعه اللي صارله مده ما شافهم..

و روان بغرفتها تتذكر الماضي و اللي بفجأه تذكرت شي مهم بموته هديل و صارخت من هول الصدمه و :يمااااااااااااااااااااااااااااااااااااااااااه..

ركضت الام لبنتها روان و فرح و محمد معاها..

روان :يما تذكرت شي بموتة هديل الله يرحمها..اللي ما تخاف ربها..

ام عبدالله:عييب شهالكلام..المهم شنو شصار بعد البنت راحت لربها و خلص الموضوع..الله يرحمها و يغفر لها برحمته الوااسعه يا رب..

روان:اذكر مره كانت حاطه في بيبسي اذا ما خانتني الذاكره..و كلنا دخنا ..من الحبوب المميته..و لما دقت ام رفيجة هديل الله يرحمها..قالت انه اي حبه او شوي منها تأدي الى الموت..و الكل منه شرب..و اخواني كلوا حبه كامله منها ..

انصدموا كلهم و قالت فرح بسرعه:اوووف شلون نسينا الموضوع..

و قال محمد:بس مرت جم سنه و ما صار شي و الحمدلله..

ام عبدالله خايفه:بس هذي اسمها حبوب النافين على ما اعتقد او شي من هالقبيل..و رفيجة هديل كانت ماخذه اقوى شي و اهيا ما تدري..و لا بعد الممنوعه من الكويت و العاااالم..ياااحسرتي على عيالي..

روان بهدوء:شوي شوي يماه مرت جم سنه و الحمدلله ما صار شي..بس ماكو مانع نروح نفحص اليوم..بعد شوي..

ام عبدالله خايفه :لالالا اللحين تيون معاي..والله خايفه من الموضوع..و انتوا شلون تشربون شي فيه ماده مو معروفه هااا؟..

روان بسرعه:لالالالالالا مو احنا اهيا و رفيجتها لا بارك الله فيهم سووا هالشي و احنا ما ندري و بعدين جذبت على الكل..و قالت انها راح تصحيكم على ما اعتقد او تريحكم و اسم الحبوب النافين مثل ما قلتي او شي..والله مادري نسيت اسمها بصراحه..

ام عبدالله مصممه:معاي للهادي يلا..

و بعد مدة انتظار ..

دخلوا ام عبدالله و عيالها و سلموا على الدكتور المصري..

و قالت ام عبدالله كل شي وفضحت اللي فضحته..

و قال الدكتور:اهاا كده الموضوع..حاضر انا حكشف عليهم دلوأتي..و مفيش الا الخيير ان شاء الله..

ام عبدالله:انشالله يا رب..

روان بسرعه :انا الأولى..

فرح:بسباق احنا تقولين انا الأولى؟؟..

ام عبدالله:بس عاد..

و كشف المصري عليهم..و رجع للأشعه و المصادر..

و قال لهم:هوا للأسف واضح كدا انهم خدوا حبوب اسمها حبوب الفالين..

الكل انصدم و سكت..الحبوب ليلحين واضحه و متعلقه داخل اجسامهم..

ام عبدالله برعب:و شلون يا دكتور.. شنو الحل؟؟..

الدكتور:لا يا مدام ماتخفيش ابداً الأمور طيبه و بسيطه..

ام عبدالله:وضح اكثر الله يخليك..

الدكتور :من كم يوم و هما خدوا الحبوب دي؟؟

ام عبدالله تضحك من الخوف:هههه من 2010..

الدكتور منصدم:من كااام ..و ما صارش اي حاجه؟؟.

روان معصبه:لا تفاول علينا بعد هذا اللي ناقص قطيعه..

عبدالله:سكري حلجج لا اخيطه لج اللحين فاهمه؟؟..

الدكتور:طيب..الحاله مش حرجه و لا حاجه..بنعطيكوا حبوب اسمها X.Q.O. دي بتنظف الأمعاء و كل حاجه بالجسم..و مفيده لمتل دي الحالات..و بكده بعد 3 ايام تيجولي افحص عليهم و يحصل خيير ان شاء لله..

و بجذي كتب لهم الدكتور الحبوب اكس. كيو .اوو .على ورقه و راحوا لأربع صيدليات و باليالله لقوها و بسعر غالي يوصل لـ30 دينار..

و للأسف انه وزارة الصحه تزيد المرض مرضين بسبب نقص الأدويه و بتكلفه عويصه حيل*..(حقيقه مع الأسف)*

و مر يومين و صارت الفرحه بعد ما ردوا من المستشفى للشقه..

الكل فرحان زاال كل شي لكن الدكتور قالهم انه لو تأخروا بعد جان بتصير مشاكل لأن الحبوب كانت موجود في الأثنى عشر و موجوده في اماكن مهمه و لو صارت سنه جان تآكلت الأمعاء و سببت خطر..و فقدوا حياتهم بصوره مروعه و شنيعه..

و بهالوقت اللي طلبوا فيه كيكه من فولتير..

شافت ام عبدالله تلفونها و كان مكتوب

(الرسائل الوارده=1)

-------------------------------------------------------------------

الفصل الثامن

-خداع-

---يتبع---​

يتبع البارت الحادي عشر

 

[only pink]

رد : وسقطــت الأقنعة عن الوجووه و ... ((روااااية كاتبها اخوووي))

واااي تهبل القصة و رووووووووووووووووووووووووعة تسلمين
£ بلغي اخوج ( صاحب القصة) تيننن القصة مبدع مشاءالله وتهبلللل وناااايس وكل شي واااي لاتطولون علينا نااااطرين
وتسلميييين
ناااااطرين