مسابقة ريجيم للجادات فقط "منو تضعف أكثر خلال أسبوعين؟؟؟؟!!!

[@Miss Dio@]

شدو حيلكم صبايا

 

[Mooony]

صباح الورد يا بنات يا عسل

هذا الريجيم اللي قلت لكم عنه موجود بالمنتدى وحاطته بنت الكويت تحت عنوان"تبين تضعفين 8 كيلو بأسبوعين !!! تعااالي"
الفطور :
2 توست مع جبنة او لبنة لو فات + خس وخيار + شاي او نسكافيه بشوية حليب


الضحى :
كوب حليب خالي الدسم


الغدا :
سلطة خيار بالروب ( علبة وحدة روب خالي الدسم) أو سلطة خضراء + 1 - 2 همبرجر مشوي + دايت كولا


المغرب:
كوب شاي او نسكافيه مع نتفة حليب او كوفي ميت


العشا :
1 -2 برتقال او كيوي او عصير كيوي باناناس
(منقوووووووووووووووووووووووووووووووووووووووووووووول)
ماقصرت والله بنت الكويت

إن شاء الله أكون فدتكم آنا ناوية أبدي فيه إن شاء الله من باجر لأن اليوم آخر يوم بالعطلة وبطلع اليهال أغديهم بره وداعية بس من الصبح قعدت ألعب رياضة وموناية أكثر على الغدا وعشاي طبعا ناوية يكون خفيف

الله يقدرنا يا بنات ونضعف بالصحة والعافية
ولا تنسون:
سووا ريجيم
وتصيرون خووووووووووووووووووش حريم:dddds:

 

[بنوتة نعومة]

امبيييييييييييييييييييييه حدي ضايق خلقي تخيلوا صارلي عشر ايام مسوية رجيم شوربة السلاري وو ملتزمة فية عدددددل وو ما خربط ولا يووم وو وزني ما تغير

بس انا ملييييييييت و الله العظيم لمن شفت الميزان دموعي بروحهم نزلوا شسوي قولولي ؟؟؟؟؟؟؟؟


ماكو الا اقعد اخربط فترة يعني اريح من الرجيم بعدين ابدي مرة ثانية ... و لا شرايكم ابي ينزل ابي اصير 58 انا الحين بين 61 وو 62 مو راضي يتحرك مع اني كنت 58 بس خربط وو زاد صار 62 وو بس ثبت على هالرقم

تكفوووووون انقذوني :0bee2e8d89:

 

[Mooony]

بنووووووووووووووووتة حبيبتي

لا يضيق خلقج لازم تريحينلج يومين وبعدين تبدين ريجيم نوع ثاني يفضل أنه يكون يديد عليج يعني أول مرة تسوينه

وبعدين ترى آنا لاحظت أن الجسم لما يبتدي يقرب من الوزن المثالي يتنحر وما ينزل بسهولة

ما عليه صبري وآنا بشجعج لأني مثلج بالضبط وزني مو راضي ينزل وإذا نزل كيلو وفرحت يرجع مرة ثانية بسرعة
من باجر إن شاء الله ببلش ريجيم الشمري والله كريم ويعيننا على الريجيم

 

[همسات ليالي]

انا امس واليوم صايمه وفطوري شوربه وسلطه وشووووووووووووووويه عيش << من زمان ما كليت عيش>>

والله كررررررررررررررريم

 

[Mooony]

تقبل الله طاعتج همسات ليالي

الله يسهل أمرج ويتقبل منا ومنكم صالح الأعمال

 

[صدى الأفراح]

مووووووووووني كيفك اشتقتلك صرلي كم يوم مادخلت بس ماتخافي متابعه ريجيمي وعجبني ريجيمك رح اجربه اللي كتبتيه من الغاليه بنت الكويت لكن والله نفسيتي تعبانه زوجي طلب مني اليوم اترك حبوب منع الحمل وأحمل تخيلي رح يهدم اللي بنيته وزني اللي نزلته رح يرجع شو أعمل؟ أسمع كلامه وإلاااا أأجل الموضوع مابعرف عندي ولد وحيد 4 سنين بيحكيلي زوجي بعد الولاده روحي نوادي وريجيم كنت ناويه اروح النادي بكره شو الحل؟

 

[سارونةالمزيونة]

السلام بنات

شلونكم؟؟

اليوم باخذ وجبة فري ان شاء الله

موني: خوش رجيم بس قاسي والله
الله يعينج و يمكن أجربه الاسبوع الياي

صدى الأحزان:
طيعيني و حملي!! ولدج كبير و مادام زوجج طلب لا تتأخرين!! الرجيم لاحقة عليه بس العمر يركض و احنا ما نصغر!!
طبعا هذا رايي و الاهم رايج!! بس ما حبيت ما أعلق و أرد عليج


يالله بنات شدو الهمة

سلام

 

[Mooony]

هلا والله بالبنات الرشيقات الحلوات سارونة وصدى الأحزان

صدى الأحزان صح كلام سارونة حملي توكلي على الله وإن شاء الله لاحقة على الرشاقة

سارونة عفية شجعيني على هذا الريجيم أدري قاسي بس شسوي ودي أضعف صراحة هالثلاث كيلوات مو راضين ينزلون
:rgewrg:

 

[بطة رشيقة]

قوه بنات ... عدت والعووود احمدووو وانشالله ناويه على خير انى التزم يارب يارب ... اليوم تريقت جاى حليب مع 4 حبات شابوره وناويه اشرب قهوه وبسكوت الضحى واتغدى توست وجبن ومرتدلا واتعشى سلطه وامشى نص ساعه تقريبا والعب بالجهاز... هذا كله عقاااب على ما سلف يتنى الدوره ولعبت لعب مابقى جليز ولا ابل بيز ولا مغل محل ولا مجبوس ولا معكرونيه بالبشميل ولا كيك ولا شى ماكلته والسااااااامع يقووول امين كل هذا كلته بالاربع ايام اللى فاتوا :"(

 

[Mooony]

هالووووووووووووو بناااااااااااااااااات
شلونكم ؟؟؟ شخبار ريجيمكم؟؟؟

اليوم ريوقي كابتشينو بدون سكر ومع حليب خالي الدسم

الضحى برتقالة مع شاي زنجبيل (غشيت بثلاثة تمرات)

غذاي دجاج مشوي مع سلطة (ملييييييييييييييييييييت من السلطاااااااااااااااات)

العصر شاي بدون سكر

العشا شوربة

أدري ناوية على الريجيم اللي قلت لكم عنه بس بلاعيمي تعورني وأبي شغلات حارة مالي خلق عشاه برتقال كيوي مادري شنو

تحسون خواااااااااااااااااره حدي وماكو إرادة

 

[Mooony]

وينكم بنااااااااااااااااااااااااااااااااااااات؟؟؟

ولهانة عليكم

شخبار الريجيم؟؟؟؟؟

آنا اليوم همتي عالية والحمدلله الله يتمم علي قولوا آميييييييييييييييييييييييييين

 

[Mooony]

ويييييييييييييييييييييييييييييييييييييييييييييييينكم بناااااااااااااااااااااااااااااااااااااااااااااااااااات؟؟؟؟؟؟؟؟؟

 

[بنوتة نعومة]

انا راح تييني الدورة و حدي اليوم خربطت الدنيا :0bee2e8d89::0bee2e8d89:

انشاالله باجر بسوي الرجيم عدل مدل وو ماراح اقعد مع بنات الدوام لانهم خرااااااااااااااااااااااااااااااااااب لا وو باجر يبون ريوق من ماكدونالدز <----- إي خير انشاالله

 

[همسات ليالي]

انا وزني نازل كليو ونص وبس شسووووووووووووووووووووي؟؟

اكيد الخلل يا فيني يا بنظام دشتي

 

[أحبك خفاا]

السلام عليكم أنا وزنى 94 عندى أراده أنى أضعف بس أبى أحد يساعدنى بس مشكلتى أنى أحب الاكل شاريه جهاز المشى أمشى كل يوم نص ساعه ابى همتكم معاى تشجعونى

 

[Mooony]

هلا والله بالبنات الرشيقات


بنوتة حبيبتي عارفة الشعور
ياكره الدورة تخربط أبو الريجيم وبنات الدوام بعد ما يقصرون بس ما عليه أحنا نشجعج
أيوا بنوتة :ggdw: وعاشت بنوتة :ggdw:

همسات ليالي أنتي نزلتي كيلو ونص خلال أي مدة؟ يعني خلال أسبوع أو أكثر؟

أحبك خفاا حياج الله حبيبتي وأحنا أنتشرف فيج معانا بمسابقتنا :68_asmilies-com:
عندنا إن شاء الله بتحصلين تشجيع على الريجيم والرياضة بشكل يومي بس ما عليج إلا أنج تقولين لنا شتاكلين كل يوم وشنهي رياضتج
وإذا خربطتي قوليلنا على شان أنزفج :tomato2:
:dddds: أتغشمر معاج لا تخافين



بنات لا تنسون شعارنا
سووا ريجيم
وتصيرون خوووووووووووووووووووووووش حريم :dddds:

 

[Mooony]

وين البنات اليوم؟؟؟؟؟؟؟؟

 

[PearL]

هايييييييييييييييييييييي بنات

انا مبلشه ريجيم من اليوم ابي احد يازرنى

انا متبعه ريجيم غطتنى اياه الدكتوره بب مركزالتغذيه اللي بالصباح وانشالله بنظبط

وزنى 68 وطولى 165 ابي انزل من 5 الى 8 كيلو انشالله

بس ابييييييييييييييييي تشجيع

 

[Mooony]

هايييييييييييييييييييييي بنات

انا مبلشه ريجيم من اليوم ابي احد يازرنى

انا متبعه ريجيم غطتنى اياه الدكتوره بب مركزالتغذيه اللي بالصباح وانشالله بنظبط

وزنى 68 وطولى 165 ابي انزل من 5 الى 8 كيلو انشالله

بس ابييييييييييييييييي تشجيع

حياج الله حبيبتي :68_asmilies-com:

كل يوم طلي علينا وأحنا نشجعج

بس بعرف وين البنات صار لهم جم يوم غاطين؟؟؟؟؟؟؟

حسافة والله على الهمة والنشاط اللي أول
وين راحوا؟؟؟؟؟؟ :0bee2e8d89: