(( مذكرات مريم .. مذكرات في طي النسيان ))

[انجاد الكويت]

وين البارت؟؟:eh_s(22):​

 

[انين الانتظار]

ناطرينج حوووبي

مو طولين علينا

وبس

وثااااانكس^_^

 

[A7la Jekra]

waiting

 

[ذلتني عيونك]

وين البااااااااااااااااااااااااااااارت لا تطولين علينا ناطرين

 

[انين الانتظار]

:eh_s(4):ابي بارت :eh_s(4):

:jumpon:ابي بارت:jumpon:

ابي بارت:jumpon:

ابي بارت:jumpon::jumpon:

وووين البااااااااااااااارت:eh_s(22)::eh_s(22):

ناطرينج حوووبي

وبس

وثااااااااانكس^_*

 

[miss disaster]

ناطريين

 

[MaFaZ]

هاي بنات

انا استغرب لما اشوف ردودكم ليش يبطل المنتدى معاكم وانا معاي كله ايرور ؟؟؟؟

في سر بالموضوع

عموما انتظروني اليوم ان شاء الله راح انزل بارت بالليل

شكرا للمتابعة

 

[انين الانتظار]

هاي بنات

انا استغرب لما اشوف ردودكم ليش يبطل المنتدى معاكم وانا معاي كله ايرور ؟؟؟؟

في سر بالموضوع

عموما انتظروني اليوم ان شاء الله راح انزل بارت بالليل

شكرا للمتابعة

خيتي حتن انا ترى قبل جم يوم تقريبا كل يطلع لي ايروو يعني بيووم ما اسجل فيه وينق حقج هذا اكبر دليل ان طالع لي ايررور

لان احب مذكرات مريم واحسها جزء مني

وبس


وثاااااااااانكس^_*

 

[ذلتني عيونك]

يعني متى فوق لساعه 12 ومشكورررررررررره

 

[انين الانتظار]

:jumpon:ابي بارت :jumpon:

:jumpon:ابي بارت:jumpon:

:jumpon:ابي بارت:jumpon:

:jumpon:ابي بارت:jumpon:

:jumpon:وووين البااااااااااااااارت:jumpon:

ناطرينج حوووبي

وبس:eh_s(8):

وثااااااااانكس^_*​

 

[انين الانتظار]

وووين البااااااااااااااارت:bbbiu:

ناطرينج حوووبي:080402ask_prv:

وبس

وثااااااااانكس^_*

 

[so_what]

ناطرينج حبيبتي

 

[MaFaZ]

خيتي حتن انا ترى قبل جم يوم تقريبا كل يطلع لي ايروو يعني بيووم ما اسجل فيه وينق حقج هذا اكبر دليل ان طالع لي ايررور

لان احب مذكرات مريم واحسها جزء مني

وبس


وثاااااااااانكس^_*

ناطرينج حبيبتي

يعني متى فوق لساعه 12 ومشكورررررررررره

مشكورين مشكورين

مشكورة حبيبتي انين الانتظار ومثلم ا قلتي كله ايرور وتوني يالله قدرت اشبك وان شاء الله الحين انزل بارت حلو لعيونكم

 

[MaFaZ]

وصلوا كلهم المستشفى ولقوا مريم فيها جروح ورضوض .. لكن البلوة الاكبر وليد

وليد بالعناية المركزة .. كانت اصابة وليد اكبر من اصابة مريم .. مريم كانت منهارة على وليد ..

كانت الكلمة الوحيدة اللي تسمعها : لا تروح مني يا وليد

كان الكل حوالين مريم لامينها و غامرينها بحنانهم عشان تهدا .. الا اهل وليد كانوا متنعزين واقفين بروحهم

ما عدا سهيلة كل شوي تيي صوب مريم وتهديها .. وسارة مرت بدر

الكل متوتر مترقب شنو بيصير في وليد

مريم ملهوفة تبي تشوف وليد .. كل ما شافت زول دكتور مر عبالها ياي يبشرها بخبر حلو

كانت مريم تستغفر وتدعي بقلبها ان يطلعه من هالمحنة

كانت ام غانم تخز مريم بحقد وكانها اهي السبب في الحادث .. وغفلت ان السبب كان واحد متهور دايس بسرعة جنونية وطاف االاشارة الحمرة ودخل فيهم .. والضحية اهم مريم ووليد لكن الله سبحانه طلع مريم بالسلامة .. وان اللي فيه وليد الحين اهو اختبار من الله سبحانه وقدره ونصيبه لا اعتراض على حكمه .. حقدها وبغضها لمريم ولام راشد اهو اللي خلاها جذي

مساعد : مريم ذكري الله وان شاء الله ماكو شي لا تبجين .. يمه شفيكم سكتوها ما يصير جذي
مريم: ما اقدر يا مساعد .. ما اقدر ولا دكتور لحد الحين راضي يطلع يطمني على وليد
مساعد: ما عليه ما عليه الحين يطلعون بس انتي اهدي قولي لا اله الا الله
مريم: لا اله الا الله ..((تبجي ))
ام راشد: ما عليه يمه خلها الحين تهدى مو شوية اللي فيها


مريم لمت امها حيل وبجت من كل قلبها .. بجت بحرقة وبخوف ...

ام غانم: انتي السبب (( تصرخ وتبجي )) انتي السبب
مساعد : خالتي طولي بالج (( يوخرها عن اهله )) شفيج يا خالتي شتقولين هذي كتبة الله
ام غانم : (( تبجي )) من حرقتي على ولدي .. كله منها كله م ناختك حرمتني من ولدي

الدكتور : مين مريم ؟؟؟
مريم: انا دكتور شصار ؟؟؟؟؟؟؟؟؟؟؟؟؟؟؟؟؟؟؟
الدكتور : تعالي معايا
ام غانم: انا امه بشوفه
الدكتور : معليش يا دكتور فرد واحد مسموح له يدخل العناية لما تخلص المدام ادخلك يا حجة حاضر

مريم: وليييييييييييييييييييييييييييد ((تبجي )) حبيبي
وليد: ((تعبان وبالغصب يتكلم )) حبيبتي
مريم: فيني ولا فيك ((تبجي بحرقة ))
وليد: لا ....... لا تقولين جذي .. مافيني شي
مريم: دكتور .. شفيه ؟؟ قوللي بليز
دكتور : ان شاء الله خير يا مدام .. بس معلش ما تعيطيش مش كويس عليه الانفعال احنا اديناله ابرة مسكنة .. وعشان يسترخي .. ومستنيين التحاليل والاشعات ولكل حادث حديث
مريم: ((تمسح دموعها )) بشنو حاس وليد ؟؟
وليد: مو حاس بشي .. لما تكونين يمي ما احس الا بالراحة .. والحب والحنان .. احس ان ما وراي شي ولا جدامي شي احس اني خفيف ما عندي هم ولا غم ..
مريم: يا قلبي انته .. وانا بعد .. الله يشافيك وترد لنا سالم .. (( طالعته بعين مفورقة )) وترد لي انا بالذات .. انا ولا شي من غيرك
وليد : ولا انا اسوى شي من غيرج
مريم: في شي يعورك ؟؟
وليد: اي ... قلبي عليج
مريم: سلامته ...
وليد: أحبج
مريم: (( طالعته بنظرة كانت تقوله فيها وانا بعد ))
وليد: ((مسك ايدها )) شوفي مريم .. الدنيا حياة وممات
مريم: واي لا تقول جذي ارجوك وليد
وليد: سمعيني ..... الدنيا حياة وممات .. اخاف يصير فيني ابيج تعيشين حياتج .. ابيج ترتاحين ما تتأذين
مريم: وليد بس الله يخليك ((تبجي ))
وليد: لا تبجين وسمعيني ..... انا عندي وديعة باسمي .. كسرتها قبل يومين وحطيت الفلوس عند صاحبي .. جنه قلبي كان حاس

مريم: واي وليد شفيك لا تفاول على نفسك
وليد: سمعيني .. رفيجتي اسمه محمد ...
مريم: وليد ... وليد ............. ولييييييييد
الدكتور : ابعدي شوي يا مدام ... سستر ...

كانت الدنيا قاعده تصغر بعين مريم واهي تشوف وليد مدد .. من ثواني كان يكلمها وفجأة .. فجاة ولا كانه موجود .. الدنيا انقلبت .. دكاترة وسسترات .. واجهزة بثانية كانت فوق وليد .. واهي الدمعة متحجزة في عينها .. لا اهي راضية تنزل ولا راضية تنشف في عينها
معقولة ؟؟؟؟


****

التاريخ :5-10-2005
الوقت : 11:20 الضحى
المكان : مستشفى مبارك في غرفة خصوصي


مريم كانت قاعده يم سرير وليد تقرا قرآن.. وليد ودار مادره الاجهزة .. وليد اللي صارله فترة بالغيبوبة ... كانت مريم كل يوم تيي حق وليد من الضحى لين الليل ونادر ما كانت تروح الا للضرورة
نست الزوارات ونست كل شي في هالفترة اللي قرروا الدكاترة ان وليد طاح في غيبوبة نتيجة نزيف داخلي بسبب الحادث ..
حتى القضية كانوا اخوانها واخوان وليد يراكضون فيها .. كنت بس مجابلة وليد
كانت ماتحس يومها اوكي الا اذا وصلت المستشفى وشافت وليد .. كانت تسولف معاه وتقراله الجرايد .. ما حاولت انها تقطعه مولية ... على امل ان في ويم يبطل عينه وتمت مريم على هالحال .. كل الدكاترة عرفوها والبورترات .. والممرضين والممرضات .. صارت جزء من يومهم وصاروا جزء من يومها

كانوا ربع وليد ايون يزورونه .. بس كانوا مساعد او فارس .. او بدر .. يستقبلونهم واحيانا راشد اذا موجود .. الكل حاول ان ما يقطع وليد ... الا امه .. كانت تتعذر انها ما تقدر تشوف ولدها بهالحالة .. ومرات تتعذر انها ما تقدر توقف او تقعد وايد بالمستشفى .. ومرات تتعذر باي عذر كان

حتى غانم اخو وليد العود اللي كان لازم يكون موجود مع اخوه دايما .. او على الاقل اغلب الاسبوع كان يمره مرة او مرتين بالكثير ...

مريم حاولت توقف قيدها لكن المعهد رفض لان نظام الدورات ما يسمح وقف القيد فقررت انها تنسحب من الكورس بكبره .. لكن استاذها ما هان عليه انها تضيع السنتين اللي درستهم فقرر ان يحضرها طول الميداني .. لكن لازم تيي اخر الميداني تسلمهم تقرير .. وافقت مريم خاصة ان نهاية الميداني بدري عليه وليه وقتها بتلاقي حل

هالتجربة ولو كانت بفترة قصيرة الا انها غيرت مريم وايد واضافت لشخصيتها وايد .. صارت اجرأ من قبل .. اقوى واقسى .. وكل هذا عشان تتحمل اللي صار بوليد وجفا امه وبعض اهله عليها


ام راشد : ها يمه شلونج اليوم ؟؟
مريم: هلا يمه .. شلونج ؟؟ تعالي قعدي اهني اريح لج
ام راشد : ما عليه كله واحد .. ماكو شي ؟
مريم: لا ماكو شي .. شلون البنات ؟؟
ام راشد : بخير .. انتي شلونج ؟؟ شلون خالتج ام علي
مريم: تمام اليوم شفتها وانا ياية اهني الصبح
ام راشد : وين شفتيها
مريم: في البيت .. كانت رايحة الجمعية م نالصبح
ام راشد : اييييييه .. تحب الصبح ...
مريم: يمه في موضوع كنت بقولج عنه بس الاحداث مرت بسرعة وما قدرت افتح الموضوع معاج
ام راشد: خير
مريم: خير ان شاء الله .. خالتي ام علي قبل شهرين ونص يمكن او اكثر فاتحتني بموضوع
ام راشد: ادري ادري لا تكملين
مريم: تدرين شنو
ام راشد: ان عليوي يبي فطومة
مريم: صج ؟؟؟ من قالج ؟؟
ام راشد: اهو علي ياني وقاللي
مريم: صج ؟؟؟؟؟؟؟؟؟؟؟؟ وخالتي تدري
ام راشد : اي تدري .. اهي دقت علي بتقوللي وانا قلت لها علي ياني وكلمني
مريم: ونتي شرايج يمه ؟؟
ام راشد : الراي راي العروس
مريم: يمه ؟؟؟ يعني بتوافقين ؟؟
ام راشد : انا لا وافقت ولا رفضت
مريم: يمه فطوم صغيرة .. واهي ناوية تكمل وطموحها طب .. غير ان علي متزوج .. وعنده عيال واكبر منها بوايد
ام راشد: كا خالتج ام علي
مريم: خالتي غير يمه .. وبعدين مادري ... سئلتيها ؟؟
ام راشد: مساعد قال بيسألها
مريم: وصلت لمساعد ؟؟؟؟؟؟؟؟؟؟؟؟
ام راشد : اي اخوها ولازم يدري .. اهو بمثابة ابوكم يمه
مريم: (( سكتت ولاول مرة ما يعجبها الكلام ))
ام راشد : المهم مو وقته هالكلام .. الله يطلع وليد من هالغيبوبة يارب ويرجع لنا بالسلامة
مريم: يارب الله يسمع منج

انطق الباب
مريم: منو ؟؟
ام راشد: روحي شوفي منو .. اخاف الدكتور
مريم: اي خل اشوف
بطلت مريم الباب
محمد : السلام عليكم
مريم: وعليكم السلام
محمد: هذي غرفة وليد
مريم: اي تفضل ...
محمد : دام فضلج انا رفيجه محمد الجزاع
مريم: تفضل .. يمه رفيج وليد بيدخل
ام راشد: تفضل يمه تفضل
محمد : دام فضلج خالتي السلام عليكم
ام راشد: وعليكم السلام ورحمة الله وبركاته
مريم: يالله يمه
ام راشد: يالله
محمد : انا اسف عالازعاج بس حبيت اتطمن على وليد
ام راشد : اخذ راحتك احنا برة


وتم محمد دقيقتين داخل وطلع ..
محمد: ما قالوا الدكاترة شي
ام راشد: لا والله لا جديد
محمد : الله يشافيه ان شاء الله .. تامرون على شي ؟؟
ام راشد: لا مشكور يا وليدي نبيك سالم
محمد: يسلمج خالتي وسامحوني عالازعاج بس انا كنت مار وقلت خل اطل على بو خالد
ام راشد: مسموح وحياك الله باي وقت .. الله وياك
محمد : مع السلامة
ام راشد: شكله خوووش وليد
مريم: اي .. وليد وايد يحبه واهو تقريبا اقرب واحد حق وليد
ام راشد : يالله خل اروح انا البيت تبين شي يمه ؟؟
مريم: ابيج سالمة اليوم بيي انام عندكم
ام راشد: اوكي


طبعا مريم تمت قاعدة في شقتها ... وكانها تقول وليد راح يرد ليش اروح بيت اهلي .. تعودت عالمكان بالرغم من وحشته من غير وليد بس هالمكان انيسها .. لان على هالغنفة كان وليد يقعد .. وعلى هالفراش وليد كان ينام يمها .. ومن هالقلاص وليد كان يشرب .. بس كانت تروح وترد على بيت اهلها يعني احيانا تنام اهني واحيانا هناك



التاريخ 25-11-2005
الوقت : 6:00 المغرب
المكان : بيت ام غانم

مريم: السلام عليكم
ام غانم: شتبين ياية ؟؟
مريم: خالتي شلونج ؟؟
ام غانم : تو الناس ؟؟ توج تذكرتي عندج خالة ؟؟
سارة: خالتي شفيج الله يهداج ؟؟ البنية توها داشة .. مو وقته هالحجي .. مريم شلونج
ام غانم: انتي مالج شغل ولا تتدخلين ؟؟ فهمتي ؟
سارة : لا حول ولا قوة الا بالله
بدر : شصاير بعد .. مريم ؟؟ هلا والله شلونج شخبارج ؟؟ شلون اخوي اليوم
ام غانم: شلون اخوك ؟؟؟؟؟؟؟؟؟؟؟؟؟؟؟؟؟؟؟ اخوك اللي باقته منه هالساحرة اهي وامها والحين مقطوط بغيبوبة بسبتها
بدر: يمه شالحجي ؟؟ شسالفة ؟؟ حياج مريم قعدي
مريم: لا ماله داعي يا بدر انا ييت اسأل عن خالتي ورايحة
ام غانم : اي توج تذكرتي خالتج .. ما صدقتي ولدي طاح بغيبوبة ونتي تسرحين وتمرحين على راحتج
مريم: مع السلامة
بدر: تعالي ياي يبه مريم وين رايحة (( لحقها ليه برة ))
بدر: ما عليه يا يبه انتي تعرفين امي واهي مقهورة حيل على وليد
مريم: اي صح كلامك
بدر : والله يا مريم الله يشهد انج بنت عمنا ومعزتج كبيرة ومن معزة وليد بس ما عليه كله باجره
مريم: مشكور ما قصرت سلم على سارة وانا مضطرة اروح الحين .. هذي اول مرة اخلي وليد بروحه
بدر : تامرين على شي ؟؟
مريم: لا مشكور ما قصرت واصل مع السلامة
بدر : مع السلامة

دخل بدر البيت
بدر : يمه ؟؟؟؟؟؟؟؟؟؟؟؟؟؟ انتي من صجج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ام غانم : لا والله ؟؟ خايف على شعور ست الحسن حضرتك ؟؟؟
بدر : يا يمه هالبنية اذا انتي ناسية ترا بنت عمنا واخت ولد اختج ومرت ولدج ... ومريم خووش بنية وما شفنا منها شي وهذا اللي خلاو لدج يتمسك فيها .. والحادث لا بسببها ولا بسبة احد الله كاتبه وصارلهم .. ولو وحدة ثانية جان مثل ما قلتي سرحت ومرحت بس بنت عمي مجابلة اخوي ليل ونهار ولو ما الحشيمة جان نامت عنده

ام غانم : ان امادري بنت فوزية ساحرتكم ؟؟ مادري شمسوية لكم
بدر : كلمة الحق اقوى من السحر بعد
ام غانم: ايييييييي كلمة الحق ها ؟؟؟؟ اقول سيرة مريم مابي احد يفتحها جدامي فهمتوا ؟؟؟؟؟؟؟؟؟؟؟؟؟؟ تلاقونها لهفت اللي وراه ودونه


ياربي على قسوتج يا ام غانم .. ليه متى انتي جذي ؟؟ ليه متى ؟؟؟ الله يهديج وتطالعين عدل بعيونج وقلبج ان اللي قاعده تسوينه ظلم بحق بنت حماج ما يصير جذي .. وهذا مو وقته وخاصة ونتو بنص هالازمة..


****

مرت الايام على مريم بطيئة ومملة ... وثقيلة ... اليوم كانه سنة .. تحاول تحرق اليوم بايط ريقة وما ينحرق وكل يوم كان امل يديد ينولد عند مريم ان وليد يقعد من الغيبوبة .. لكن الوضع تم مثل ماهو عليه .. اهي تقعد عنده طول اليوم اهلها واخوانها يزورونها .. اخوانه وخواته يزورونه متى ما فضوا .. ربعه وخاصة محمد خفت ريله عالمستشفى وايد .. وكانوا اخوانها وايد مستانسين منه .. ومن اخلاقه وشلون كان مهتم بوضع رفيجه .. وبحالته

 

[so_what]

مسكين وليد يسلمو على البارت وام غانم شنو هالقلب

 

[ام عبادي 22]

القصه روعه

 

[zooz92]

مسكيينة مريـم

يعطيييج العاافية على البااارت

نااطريييج ..~

 

[Babya Doll]

يا حراام
الله يقوم وليد بالسلامة
يعطيج العافية حبيبتي :*

 

[A7la Jekra]

حراااااااااام :'( يكسسسر الخاااطر حدااااااا


ثينكس على البارت

 

[A7la Jekra]

حراااااااااام :'( يكسسسر الخاااطر حدااااااا


ثينكس على البارت