(( مذكرات مريم .. مذكرات في طي النسيان ))

[MeeMeeYoo_2]

يعطيج العافيه حبيبتي

 

[عالمي مدهش]

يعطيج الف الف عافيه حياتو

وناطرينج

 

[JaN JaN]

يعطيج الف عافيه عالقصه ابدااااااااااااع :eh_s(9): :eh_s(9): :eh_s(9):


ناطرينج حبيبتي

 

[A7la Jekra]

Tx 3alla el Part eynn 7daaaa

Naa6rench

 

[Babya Doll]

الله يعين عامر مسكين كسر خاطري
معذور الي يحبها راحت منه

 

[توتا كويتيه]

مشكوره عالبارت حبيبتي

 

[ذلتني عيونك]

ناااااااااااااااااااااااااااااااااااااااااااااااااااااااااااااااااااااطرررييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين

 

[انين الانتظار]

ناطرينج حبووووووووووبه مو طولين علينا

وبس

وثااااااااااااااااااانكس^_*

 

[zooz92]

يعطيييج العاافية على الباارت الحلوو

نااطرينج ..~

 

[انين الانتظار]

ناطرينج حبووووووووووبه مو طولين علينا

وبس

وثااااااااااااااااااانكس^_*

 

[MaFaZ]

التاريخ 6-8 -2005
الوقت : 5:30 مساءا
المكان : شقة علي ولد خالة مريم وبالصالة تحديدا

علي : وين رايحة
دانة : بيت اهلي
علي: بالذمة انا شنو بالنسبة لج ؟
دانة : واي علي بليز لا تبدي ترا والله ماله داعي .. هذي حياتنا وما راح نتغير
علي: يعني شنوووووووووووووو ؟؟؟؟
دانة: يعني خلاص شناقصك .. عايشين مرتاحين ليش المشاكل ؟؟
علي: لا والله ؟؟
دانة : اوه علي ((تبي تطلع ))
علي: علم يوصلج ويتعداج ملجتي بعد 10 ايام
دانة : شنوووووووووو ؟ انته من صجك ؟؟
علي : اي من صجي وانا هددتج وايد بهالسالفة ولا تتوقعين اني مو رايل وما اقدر اسويها مثل ما امج قالتلج
دانة : امي شكو ؟؟
علي: لا والله يا هانم ؟؟ انا قريت مسجها اللي دازته لج
دانة : لا والله تفتش اغراضي ؟؟ منو اللي سمح لك
علي: اللي سمح لي اني ريلج فهمتي ولي حق عليج .. اربعه وعشرين ساعه هياتة انتي وامج وخواتج من كافيه ليه مطعم لي مول ما تهيعون .. بس تصدقين الشرهة مو عليكم الشرهة على الالواح اللي مسمينهم رياييل ولا وين اكو ريال يرضى هالحالة على نفسه

دانة : علي ؟؟؟؟؟؟ احترم نفسك احسن لك ولا تغلط علي اهلي .. اهلي يشرفونك فهمت
علي: يا عمي طيري انتي واهلج .. محد يشرف احد وانا اللي عندي قلته خلاص .. انا هالحالة ما تمشي عندي شوفيلج خروف يتحملج احسن لج

دانة : علي شفيك الحين شصار ليه طلعت ؟؟
علي: يابرد دمج ... عيالج تعرفين عنهم شي ؟؟ تدرين عنهم شي ؟؟؟؟اهلي يوم قعدتي معاهم نفس الاوادم والبشر ؟؟ شفتي شصاير مو صاير ؟؟
دانة: اي وصلنا خير انته اللي ذابحينك اهلك .. اكيد يتشكون مني
علي: انتي ماكو مفهومية ترا ولا دم ..
دانة : اقولك لا تغلط
علي: اقولج شي ...... قبل لا تطلعين لمي اغراضج وروحي مرة وحدة بيت امج
دانة: انا ما اطلع الا وعيالي
علي: لا سلامة عمرج عيالي ما يطلعون من اهني .. لما تكونين ادمية وسنعة وتدرين عن عيالج اوكي بس دام انج جذي ماكو عيال يالله برة وخلي امج تفيدج وانا ماني حالف بس انتي رجعة حق الهبيت مالج .. ولو ما امي وابوي واهلي جان انا من زمان مطلقج بس حمدي ربج انج متزوجة ريال ادمي واهله اوادم ... ان انازل تحت ارد اصعد ما الاقي خلاجينج وقشج اهني فهمتي ؟؟ وباجي اغراضج طرشي وانيت يشيلهم


نزل علي وخلا دانة فوق .. وعياله كانوا طالعين مع اخته منار .. نزل واهو معصب وحده واصل من الاعصاب .. ما توقع ان المحادثة راح توصل ليه اهني بس علي تعب وزهق هالعيشة .. علي انسان شخصيته حلوة وقوية .. بس بنفس الوقت حنون ويحب الاستقرار .. وكان دايما ينبه مرته على غلطها لكنها مو من النوع اللي تفهم او تستوعب والفترة الاخيرة من حياتهم كانت عبارة عن صراع .. يدور فيه عن حقه الضايع مع دانة

ام علي: شفيكم يمه صراخكم تارس البيت
علي: مافينا شي يمه
ام علي: شصاير .. والله خبصتوني الخدامة يت تركض تقوللي بابا علي جنجال
علي: خلاص يمه انا زهقت ماني قادر .. قلت لها تلم اغراضها وتطلع .. محد حاس فيني وباللي فيني والله لو عزوبي جان مو هذي حياتي
ام علي: خلاص يمه خلاص .. سلامة قلبك والله حاسين فيك بس احنا ما نخرب بيتك ..
علي: بيتي مخترب من زمان بس كله منكم اصبر واصبر انقلبت حالتي جني انا المرة واهي الريل
ام علي: عشان هالعيال شذنبهم
علي: يمه محد يضيع بهالزمن .. وانا موجود ولا ميكن اتخلى عن عيالي .. بس ابيلي مرة تشوف اكلي شربي .. على الله والخدامة
لو متزوجها احسن لي اهي اللي تشوف طلباتي
ام علي: ما عليه ما عليه يمه
علي: لا تقولين لي ما عليه قلت لج خلاص

وطلع علي وصفق الباب وراه ... تمت ام علي محتارة شتسوي بعمرها شالت التلفون واتصلت على اختها اما اسامة
ام علي: الو
ام اسامة : الوووووووو
ام علي: لحقي علينا يا اوخيتي
ام اسامة : وي عسى ما شر ؟؟ شسالفة
ام علي: عليوي ومرته متهاوشين وعليوي حده متضايق شسوي قوليلي والله قلبي بيوقف
ام اسامة : وين سلامة قلبج ويييي عبالي عندج سالفة .. افا عليج بس اختي طولي بالج الحمدلله والشكر على حال شفيهم استخفوا تراهم مو صغار عاد على شنو ؟؟
ام علي: على كل شي .. وما غير انا زهقان وانا مليت ..
ام اسامة : اقول اهني جنتج مو مضبوطة من الاول ..
ام علي: اخرب بيته ؟
ام اسامة لا خو شفيج ... خو الحجي بيننا وصاجة ما تخربينه والحين شصار
ام علي: مادري .. صارله فترة يحن زوجيني و زوجيني
ام اسامة : ويييييييييييييي زوجيه وافتكي وانتي مغمضة خل يسكر راسها
ام علي: انتي ما تدرين منو يبي
ام اسامة: عشتو عليوي منيشن بعد .. منو ؟؟
ام علي: فطوم بنت فوزية
ام اسامة: شنهاااااااااااااااااااااااو؟؟ من صجه ولدج ؟؟ ين ولا استخف
ام علي: استخف
ام اسامة : اي والله استخف مولية بعد
ام علي: شسوي ؟؟ محنج ما يبي غيرها
ام اسامة: هاو صغيرة وبعدها بنية شيدخلها على شريجة ... حقريه
ام علي: صارلي شهر حاقرته بس يحن كلا قلبي
ام اسامة: شرايج ببشاير بنت حماي عبداللطيف .. مطلقة ما عندها عيال وانتي تعرفين عبداللطيف وتربيته .. وحلوة وطويلة
ام علي: خل اقوله وان شاء الله خير
ام اسامة : لا تضايقين نفسج .. ما يتلج هالامراض الا من هالقهر .. مصيبة عليهم 3 بس مورينج الويل
ام علي: الله كريم يمعوده شسوي ما غير ابي راحتهم
ام اسامة: انزين ابوه يدري
ام علي: وييييييييي؟؟ م نصجج والله لو اقوله من باجر يملج
ام اسامة: عاد جان تبين الصج بنات مريم ما عليهم .. مسنعات ومرتبات وحلوين وكافي انهم بنات فوزية
ام علي: اي والله وفطوم اقرب البنات حق قلبي
ام اسامة: اي ادري والله اختي بس شنسوي هم حرام تظلمينها عليوي عمره اربعين
ام علي: 38
ام اسامة: هاج يالله ما طاح الا انبطح .. تبين اكلمه ؟؟
ام علي: اقول حق ابوه ونشوف وان شاء الله خير
ام اسامة: ان شاء الله الله يفرج عليكم
ام علي: امين
ام اسامة : ولا تتضايقين كل شي ينحل
ام علي: ان شاء الله
ام اسامة : ما تيي عند امي شوي ؟؟
ام علي: اشوف بعد شوي يمكن اييب العشا وايي
ام اسامة: على خير انا اصلي المغربو اروح لها .. مع السلامة
ام علي: مع السلامة




التاريخ 7-8 -2005
الوقت : 4:00 العصر
المكان بيت ام راشد

ام راشد : حيالله ام مبارك تفضلي
ام مبارك : يزيد فضلج شلونج ام رشود ؟؟
ام راشد: بخير يعلج بخير انتي شلونج وينج ؟؟
ام مبارك: شسوي بعد لوية من ملج نواف واحنا بلوية ..
ام راشد: اي الله يعينج يا حلوة نواف يستاهل كل خير
ام مبارك: تسلمين يا قلبي .. يا حلات الحفلة اللي سوتها امها
ام راشد: صج ؟؟ عليكم بالعافية
ام مبارك: يعافيج والله اني دمعت اشتهيت مريومة عالكوشة
ام راشد: اييه ما عليه يا ام مبارك نصيب .. والحمدلله على كل حال
ام مبارك: اي والله الحمدلله
ام راشد: عساها خووش بنية ترا نواف طيب وعلى نياته
ام مبارك: اي والله خووش ناس على نياتهم مثلكم وشرواكم
ام راشد: الله يهنيه ويسخرها له يارب
ام مبارك : يارب
فاطمة : خالتي ام مبارم
ام مبارك : هلا هلا دكتورة فاطمة
فاطمة: يا بعد عمري والله ((تبوسها )) احلى لقب تسلمين .. شلونج ام مبارك ؟؟ وشلون البنات ؟؟
ام مبارك:" بخير الحمدلله كلهم بخير .. لاهيين مع العروسة ومع ولد مشاعل
فاطمة : اي ما شاء الله مبروكين عالاثنين
ام مبارك: الفال لج بالاثنين
فاطمة: بدري بدري
انوار: قوة خالتي ام مبارك ((تبوسها ))
ام مبارك: هلا انوار شلونج ؟؟
انوار: بخير الحمدلله ...

التلفون يرن .. التلفون بالصالة الثانية .. انوار قاعده تصب جاي حق ام مبارك .. وفاطمة راحت تييب فستق وحب من المطبخ .. تقوم ام راشد تشيله

ام راشد: الو
مريم: ((تبجي بهستيريا )) وينج يمه تعاليلي
ام راشد: شفيج يمه ؟؟ شصاير ؟؟
مريم: ادق على موبايلج ماكو تعاليلي انا بالمستشفى ..((تبجي )) سوينا حادث ووليد مادري .. تعالولي ماني قادرة
ام راشد: يمه بنيتي اي مستشفى ((طاحت ام راشد ))
فاطمة : يمه شفيج ؟؟
مريم: مستشفى مبارك لحقو علي (( تبجي )) وليد وليد يمه
ام راشد: كانا يايين ... واي بنتي واي (( تبجي ))
فاطمة يمه هدي بالج اكيد مريوم مهسترة من الحادث طولي بالج
ام راشد: نادي رشود بسرعة
ام مبارك (( دخلت عليهم )) شصاير شفيكم ؟؟ فطوم شفيها امج
فاطمة : طاحت .. مريوم مسوية حادث اهي ووليد
ام مبارك : انوار يمه قومي بسرعة ييبي قلاص ماي .. صلي عالنبي ام راشد
ام راشد: واي بنتي .. واي بنتي
فاطمة: انزين جان دقت علي انا
ام راشد: بنتي ودوني حق بنتي
راشد: ها شصاير
فاطمة: بسرعة دق السيارة سلف بنروح المستشفى مريوم مسوية حادث
راشد: اوخ يالله يالله

ام راشد و راشد وفاطمة ركبوا السيارة وطيران على مستشفى مبارك ... وبالطريج كان راشد وفاطمة يحاولون يدقون على وليد تلفون ووليد تلفونه مغلق .. تنبئوا ان التلفون انكسر او تسكر من الحادث او اهو مسكره .. بس مريم بروحها هناك ..
مريم من كثر ماهي متدودهة دقت على بيتهم على طول .. ما دقت على احد ثاني ..يمكن لانها تدري ان امها اللي بتشيله


ترقبوا الاحداث المقبلة في البارت القادم :ch12: اترككم الحين عشان انام شوي

 

[so_what]

يسلمو على البارت ونوم العوافي

 

[انجاد الكويت]

حبيبتي القصة روعه قريت كل البارتات وانطر البارت الجاي..

بسألج القصة خياليه ولا حقيقيه

 

[A7la Jekra]

thenx 3alla el part

Noum el 3wafii ;;*

 

[A7la Jekra]

thenx 3alla el part

Noum el 3wafii ;;*

 

[ذلتني عيونك]

يعطيج العافيه وقوليلنا متى تحطين البارت الجاي

 

[zooz92]

ويييييي مساااكييين مريم ولييد الله يستر

يعطييييج العااافية على البااارت

ناااطرينج ..~

 

[توتا كويتيه]

يسلمووووووووووووووووو قلبي
ونوم العوافي

 

[Babya Doll]

يعطييج العافية حبيبتي

ناطريين ;*

 

[so_what]

waiting