(( مذكرات مريم .. مذكرات في طي النسيان ))

[zooz92]

مسكييين عاااامر

وييي شفيييها مرريم :s

يعطيييج العااافية على البااارت

ناااطرينج :**

 

[dlo3t^baba]

ويييييييييييييي عسا ما شر !!

 

[انين الانتظار]

حياتي يعطيج العافية عالبارت

وناااااااااااااطرينج حووبي

وبس

وثااااااااااااااااانكس^_*

 

[Babya Doll]

ويييه شفيها مرييم !!
يعطيج العافية حبيبتي

 

[A7la Jekra]

Thanks 3alla el part
:O Shfeha mryaam
waiting

 

[Bent extra 3asal]

ناطرينج حبي

 

[انين الانتظار]

up

up
up

oobs

oothanxx

 

[so_what]

waiting

 

[MaFaZ]

شنو في مريم ؟؟؟؟؟؟؟؟؟؟ ترقبوه في البارت الياي

وسامحوني بس مثل ما انتو شايفين المنتدى كله ايرور وتحت التطويل .. طول اليوم احاول ..
الحين بحاول انزل بارت وان شاء الله ما يعلق البارت وياي

 

[so_what]

ناطرينج حبيبتي

 

[miss disaster]

ناطرينج

 

[توتا كويتيه]

مشكوره حبيبتي ما تقصر

 

[انين الانتظار]

wating

3afya moo

6aoleen

oobas

oothanxx

 

[ذلتني عيونك]

وووووووووووووينج ناطرين البارت على احر من الجمر بسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسرعه

 

[انين الانتظار]

up

up


up

oobas

oothanxx

 

[A7la Jekra]

waiiiinch

 

[MaFaZ]

مي سوري مي سوري شسوي
المنتدى شايفينا شلون صاير كله معلق كنت بنزل امس وما قدرت الحين ان شاء الله انزل بارت السموحة عالتاخير مو مني واللهي مش انا :eh_s(22):

 

[so_what]

الله يعينج ناطرينج

 

[MaFaZ]

وليد كان ناطر مريم برة غرفة الفحص .. لان ما يصير يدخل .. كان مليون فكر ايي في باله .. لدرجة ان فكر ان يمكن مريم حامل

بس شلون حامل واهو بعدها ما دخل عليها .. ياربي شفيها مريم ؟؟ تلفون وليد رن

وليد: الو
ام راشد: الو .. وليد شفيها بنتي ؟؟
وليد: مافيها شي عمتي بس .. مادري شقولج فجاة اغمى عليها
ام راشد: من شنو منو مضايقها .. شنو اللي متعبها ؟
وليد: عمتي والله مادري طولي بالج ماكو شي .. انتي وينج
ام راشد: انا كاني بالطريج
وليد: شوي شوي عمتي ولا تحاتين يمكن مال تعب النقلة
ام راشد: اخاف حامل ؟
وليد: ها ... مادري مادري عمتي انا صارلي فوق النص ساعه ناطرها برة ومحد طلع لي
ام راشد: ((تبجي ) وي حسرتي على بنيتي
وليد: طولي بالج عمتي ماكو شي شسالفة لا تفاولين عليها .. ويمكن حامل (( توهق ))


وليد سكره من عمته ووقف برة ينطر اي ممرضة تمر لان ماكو ولا ممرضة بالغرفة .. كان ازدحام بالطواريء
وفجأة طلع له الدكتور :
الدكتور : الاخ وليد؟؟
وليد: ها دكتور بشر شلونها ؟؟
الدكتور : لا الحمدلله كل حاجة اوكي بس باين انو شوية تعب .. راح اكتب لها مقويات متل الحديد والفيتامينات .. لان شكلها ما عم تتغذى منيح .. وكمان بدي تعمل لها شوية فحوصات وتحاليل
وليد: تحاليل شنو ؟
الدكتور : تحاليل دم شاملة وتحاليل هرمونات
وليد: دكتور واللي يعافيك اكيد مافيها شي
الدكتور : هههههههه باين انك بتحبها كتير .. لا مافي شي مجرد ارهاق وتعب
وليد: اكيد
الدكتور : اكيد اكيد عن ازنك


وليد: خوفتيني عليج
مريم: صج ؟؟ تحبني ؟؟
وليد: اموت عليج والله ماتدري شصار فيني
ام راشد: يمه مريم شفيج
وليد: هلا عمتي ماكو شي
ام راشد : (( تلم بنتها وتبوسها )) حبيبتي بنتي
مريم: يمه ليش خايفة
راشد: سلامات مريوم .. امي مادري شفيها خبصتنا
ام راشد: اي والله اول مرة امر بهالحالة مادري شفيني .. قلبي من امس مقموت
مريم: ماكو شي يمه حبيبتي انتي لا تحاتين الظاهر فقر دم .. واحنا قاعدين نرتب شغلنا
ام راشد: انزين ليش ما علمتي خواتج يساعدونج .. كوماري.. خدامة خالتك ام علي ؟؟
مريم: لا عادي ماكو شي اغراضنا شوية خو يمه شايفتهم وماعندي غير ملابسي ولا كل شي بمكانه
وليد: اي عمتي .. اصلا انا يبت شركة تنظف عشان مريم ما تجيس شي
ام راشد: وشقال الدكتور
وليد: ارهاق .. تعب وكتب لها فيتامينات وحديد بروح اييبه لها من الصيدلية الحين
راشد: يالله عيل بو خالد انزل وياك
وليد: يالله



التاريخ 1-8 -2005
ام علي : الو
مريم: الو
ام علي: هلا مريومة
مريم: هلا خالتي ام علي .. شلونج شخبارج ؟؟
ام علي: انا بخير .ز يعني لو ما ادق انتي ما تدقين ولا تنزلين تطلين على خالتج
مريم: شسوي خالتي لوية .. وحوسة .. وعد بيبدي المعهد قاعدة ازهب شغلي
ام علي: ويييييييي ما خلصتي
مريم: لا خالتي بقالي ميداني .. شلون منار والبنات ..
ام علي: اقول نزلي قعدي معاي واقولج شلونهم
مريم: اوكي خالتي تم
ام علي: بس عسى مو ريلج عندج ..
مريم: لا لا خالتي طالع رايح بيت عمي
ام علي : يالله عيل نزلي
مريم: اوكي



نزلت مريم حق خالتها ام علي واستاذنت ودخلت الصالة
مريم: عمي شلونك ؟؟
بو علي: هلا ببنتي شلونج ؟؟
مريم: بخير الحمدلله
بو علي: شلون اهلج ؟؟ ريلج ؟؟
مريم: بخير الحمدلله كلنا بخير .. انته شلونك ؟؟
بو علي: على الله يابوج بخير ونعمة
مريم: دوم
((تبوس راس خالتها ))
مريم: لا تزعلين مني
ام علي: لا والله ازعل يالظالمة ماشوفج
مريم: شسوي خالتي والله ..
ام علي قاطعتها : لا لا
بو علي: يا بنت الحلال خليها توها البنية عروس تبيت طلع تبي تدش .. شلج فيهم .. مالج الا التشره ..
ام علي: انا ؟؟؟؟؟؟؟؟؟؟؟؟؟؟؟
بو علي: ما عليج فيها يابنيتي .. يالله انا ماشي تامرون علي شي ؟؟
ام علي: سلامتك
بو علي: فمان الله
مريم: مع السلامة
ام علي: ها شريتي لج ملابس
مريم: والله قاعده ادور .. ابي اشياء عملية وبنفس الوقت تبين اني عروسة مابي عادي ولا خبة
ام علي: ايي مالج الا التفصال
مريم: شكلي بخيط والله .. لان ماكو شي سنع
ام علي: على قولتج .. منار من زمان قطعت تشتري جاهز خو تعرفينها ماكو شي يعجبها
مريم: اي منورة معروفة من زمان .. وين دانة ؟؟
ام علي: في بيت اهلها زايرة
مريم: اييي سلمي عليها من زمان مو شايفتها
ام علي: ولا احنا نشوفها .. وهذا الموضوع اللي ابي رايج فيه
مريم: خير خالتي ؟؟
ام علي: علي
مريم: شفيه ؟؟
ام علي: يبي يتزوج
مريم: امبيه ... ليش؟؟؟
ام علي: بعد .... شكثر قنعته .. كلمته قلت له فكر .. لا تهدم حياتك .. وانا تعرفيني ما اتدخل بس مثل ما انتي شايفة .. ماتدري عنه ولا عن عياله ..اربعة وعشرين ساعة طالعة ولا مسافرة ..واهو يقولج انا مليت انا شسوي ..

مريم: مادري خالتي بس اهي مستحيل توافق ان شريجة تدخل عليها صح
ام علي: اي اكيد من يرضى
مريم: لا حول الله ..
ام علي: بس مو اهني المشكلة
مريم: عيل ؟؟
ام علي: المشكلة بمنو يبي يخطبها
مريم: يعرفها
ام علي: لا وي عليوي مو مال هالسوالف ولدي واعرفه جان من زمان سواها بس لا .. اهو من شاف هالبنية واهو مستخف كل يوم يومين كلمني
مريم: ههههههههههههههههههه يحليله علي مغرم
ام علي: اي شفتي
مريم: اهي زينة ؟؟
ام علي : فوق الزينة بعد اهي الزين كله
مريم: خلاص خالتي دام ان بالحلال ليش ما يتزوج بس قبل كل شي خل يكلم دانة ويشرح لها الوضع و يقولها ان لازم تتعدل ولا بيتزوج

ام علي: هذا كلامي .. يقوللي زهقت عمك اصمخ اكلمه اكلمها ماكو فايدة يقول حتى امها كلمتها بس ماكو فايدة الام تقوله انته تبي تخنق بنتي
مريم: ويييييييييي لا غلط
ام علي: احنا نقول غلط بس اهما لا والله بايعينه .. وانا مابيه يظلم بنت الناس وياه .. اهو مو صغير وعنده اثنين واللي يبيها ياهل بس متعلق
مريم: شوقتيني خالتي منو ؟؟؟؟؟؟؟؟؟؟؟؟؟؟؟؟؟
ام علي: فطوم اختج
مريم: شنووووووووووووووووووووووووووووو ؟؟ خالتي من صجج
ام علي: اي والله يابنيتي من شافها ذاك اليوم واهو مستخف
مريم: لي شاول مرة يشوفها
ام علي: لا مو اول مرة بس فزت بقلبه
مريم: مو خوش فزة .. لا تزعلين خالتي بس فطوم صغيرة
ام علي: ادري وما من زعل بس شسوي .. ليه اخر مرة كلمني امس .. متى تكلمين خالتي
مريم: مادري شقولج خالتي .. يعني انتي تبيني اكلم امي ؟؟
ام علي: ايييي بيني وبينج اي ابيج تكلمينها .. انا ادري لو قلت حق بدرية ماكو احد ما راح يدري لسانها مفلوت اختج
مريم: ههههههههه حرام عليج خالتي
ام علي: ولا الله وانا الصالجة .. من غير قصد بس مفلوت
عامر : السلام عليكم
مريم: وعليكم السلام
ام علي: وعليكم السلام ها يمه .. يحطون لك اكل ؟؟
عامر : لا مابي (( يطالع مريم )) شلونج مريم
مريم: بخير تمام
عامر : زين نزلتي عندنا شكله ريلج مانعج
مريم: لا وين .. بس مشغولة شسوي
عامر (( منقهر )) : الله يعينج .. تخرجتي ؟؟
مريم: ميداني
عامر : وين
مريم: مادري لحد الحين انطر اداوم واشوف وين قطوني والله يستر
عامر : ان شاء الله يقطونج عندي

ام علي خزت عامر على هالقطة .. وطالعته بنظرة تقوله بس اسكت تراك تماديت .. لان مريم انحرجت وتخزبقت ومادرت شتقول
ام علي: اسكت اهو واللي يعافيك لا يكون وزيير
عامر ((متوهق )) لا قصدي اضبطج بالحضور والغياب والتقرير النهائي لان ايبون لنا طلبة
ام علي: شالعبو
مريم: انا استأذن خالتي مضطرة اروح اسوي عشا حق وليد
ام علي: الله وياج يمه شبتسوين ؟؟ تبين مساعدة
مريم: لا خالتي مشكوورة ومادري شنو بسوي هههههههههههه .. مع السلامة عامر
ام علي: لاتنسين موضوعنا
مريم: ان شاء الله خالتي باقرب وقت



صعدت مريم وتمت ام علي تخز عامر
عامر : شفيج يمه تخزيني جذي
ام علي: يعني ما تدري ؟؟؟ انته وبعدين وياك
عامر : ها ؟؟ شسويت
ام علي: اي اي استعبط .. استح على ويهك البنية تزوجت خلاص
عامر : اي وانا شقلت
ام علي: انت عارف عدل
عامر : دام جذي زين حاسة فيني والله
ام علي: والله شنو معنات كلامك اخ عامر ؟؟
عامر : يعني انتي تدرين شكثر احبها واموت عليها .. واهي بنت خالتي وانا اللي لازم كنت اتزوجها
ام علي: عويمر انت شقاعد تقول .. استح وانتخ
عامر : اي احبها وراح اتم طول عمري احبها .. من وعيت على هالدنيا وانا ماشوف الا مريم .. واتحلم باليوم اللي اتزوجها فيه .. اخرتها وليد ولد بو غانم الحزرة ياخذها .. مريم تستاهل احسن من جذي

ام علي: قوم قوم عني .. عويذ الله من شرك .. يا عمور... شوف اخر مرة اسمح لك فيها تسوي جذي وهالموضوع تسكر وان مرة ثانية شفت مريم قاعدة عندي ولا مارة ولا اي شي كمل طريجك وجنك ماتشوفها

قامت ام علي وصعدت دارها ... لكن الطامة الكبرة ان مريم كانت واقفة عند باب الدري اللي يدخلها حق بيت خالتها ,, سمعت اغلب الكلام .. لان مريم ردت تبي تطلب من خالتها بهار .. مريم ما صدقت الكلام اللي سمعته .. حست ان الكون حواليها كله ينهار .. شلون عامر يقول هالكلام وبكل جراة حق امه .. شلون عامر يحبني ومن متى .. وليش يقول عن وليد ريلي وولد عمي ..

مريم حبت وليد .. حبته لانه زوجها ولان الصدر الحنون اللي كل يوم يدفيها .. حبته لشهامته .. وين اكو ريال ينطر شهر وزود على مرته وما يدخل عليها .. وليد اللي يقدر كل ظروف مريم .. وقدر كل شي فيها .. وليد اللي بكل موقف تبين افعاله شهامته وحبه لها .. وتعلقه فيها .. وليد ترك بيت اهله عشان مريم .. كان كلام عامر مثل الصعاقة على مريم وهذا اللي خلى مريم تصعد شقتها بكل هدوء .. وتفكر تفكر لما التفكير اكل مخها وقررت ان خلاص تستلم حق وليد .. وان وليد لازم يصير ريلها رسمي .. لازم تحس فيه وتتنازل عن خوفها ..


راحت مريم وطلعت احلى قميص نوم عندها .. تمكيجت وتعطرت وعطرت الفراش .. وطلعت من الدرج شموع .. وشبتهم ونثرتهم عالطاولة والميز تواليت .. خففت الاضاءة وانسدحت وتمت تفكر وتحاول تتغلب على الخوف وتفكر بافكار حلوة وتشجيعية وتقول بقلبها لازم اليوم اكون ملك وليد وللابد .. لا عامر ولا غيره يقدرون يفرقوني عن ريلي حبيبي

لان كلام عامر خوفها وحست بنوع من انواع التهديد ..
الباب انفتح
وليد: مريووووووووومة ؟؟
مريم: هلا هلا انا كاني
وليد: انتي وينج ؟؟
مريم: انا بالدار ومسويتلك مفاجاة
وليد: لا لا ؟؟ مفاجاة شنو
مريم: ادخل وشوف بنفسك
دخل وليد وانبهر وحس لسانه انربط
وليد: مريم .. شنو هذا ؟؟
مريم: هذا كله حق وليدان
وليد: لا لا ؟؟ تقصين علي واخرتها ماكو شي صح .. اخرتها خايفة خايفة وتبجين
مريم: لا ما راح ابجي .. انا اليوم كلي لك وان بجيت لا تسمع لي
وليد: ما اقدر
مريم: واذا قلت لك عشاني
وليد: واي واي ما اقدر انا جذي
مريم: تعال اقعد يمي
وليد: انا ييت ما اقعد انا ييت ارتكب جريمة
مريم: عيل تعال يا احلى مجرم في الدنيا



كانت هالليلة من احلى واجمل الليالي في حياة وليد ومريم
في حياة وليد لان اخيرا دخل على مرته وحبيبته .. اخيرا حس ان متزوج .. وعنده بيت وفراش ومرة .. مرة تحس فيه وفي احتياجاته .. ما توقع وليد ان الزواج لذيذ جذي .. حس باستقرار عجييييييييييييييييييييييييب وحمد الله وشكره لان ما قرب للحرام وان وناسته مع مرته اللي يحبها موت

حس وليد ان طاير فوق السحاب ... فوق فوق ... حس ان بحلم ما يبي يقعد منه

ومريم كانت مستانسة بالرغم من التغير اللي حصل عليها .. الحين رسميا انا مرة . قالت مريم بقلبها
الحين انا ملك ريلي وريلي ملكي .. ارتاحت مريم وايد لانها قدرت تريح ريلها وتلبيله حقوقه الشرعية كزوج وكحبيب
اي مريم حبت وليد حيل مو شوية .. لان مثل ما قلنا وليد كان مو بس بكلامه يحبها حتى بافعاله


وبهالوقت كان عامر يحترق .. يدخن ولا ملحق على نفسه تدخين .. يفكر بمريم .. منقهر من امه ومن كلامها .. اهو عند نفسه مو غلطان .. وامه وايد بالغت بردة فعلها .. ليش محد راضي يحس فيه .. زعلان على نفسه .. وميت يبي مريم .. اول ما تزوجت مريم عدم شوفه لها كانت مهونة الموضوع .. لكن هالمرة قاعدة في بيتنا مجابلتنا ليل ونهار .. يعني احتمال ان عامر يصادف مريم كبير ....شنو راح يسوي .. وشلون امه تمنعه منها .. كل اللي فكر فيه ذيج الليلة شلون امه تسوي فيه جذي وشلون بيمتنع عن مريم واهي قريبة حيل

 

[so_what]

يعني مريم و تزوجت شنو يبي بعد عامر :x ، يسلمو على البارت