لكل بنت عندها مرض بطانة الرحم الرجاء الافاده

[أم سارا]

وينج ايمي مالج حس

 

[أحلى^حياه]

ههههههههههههههههههه ام سارا
اي صح لاني اخذ اللاب توب معاي بالدوام المليق
ولالالالالازلت بالدوااااااااااااااااام


ايمي وينج مومبينه عسى المانع خير يارب

 

[أم سارا]

أحلى حياة شلونك
تدرين فاضية هاليومين وما خليت منتدى ما فريت عليه المهم في منتدى عالم حواء مسويين تجمع عن داء البطانه فيه تقريبا 85 صفحه والبنات ذاكرين تجاربهم مري عليه مواضيعهم حلوة بس في بعض الحالات يكسرون الخاطر متقدمه حيل الله يشفيهم ويشفينا
بما إنج فاضية بالدوام زيدي ثقافتج( محتره لأني ماأقعد دقيقة بالدوام للأسف مدرسة)

 

[أحلى^حياه]

خخخخخخخخخخخخخخخخخخخخخخخخخخ ام سارا ضحكتيني حدددددددددددددددددددج

تره حتى انا سجينة

قصدي مدرسة للاسف

بس انا ادرس اولى وثانيه علشان جذي فاضية هالاسبوع بس همن المدرسة الاولى محتره تكرفني كراف
الله يعين

انتي مدرسة شنووو ام سارا ؟؟؟؟

الحين بمر على المنتدى اشوف

 

[أحلى^حياه]

ندااااااااااااااااااااااااااااء

ايمي


وووووووووووووووووووووينج


قمنا نحاتيج

 

[أم سارا]

الله يسلمج مدرسة رياض أطفال وأدري بتقولين ما عندكم شغل ولي ألحين ماداوموا الأطفال
آنا من بداية الدوام ماقعدت على حيلي حتى بالبيت آخذ الشغل معاي بالبداية رتبنا صفوفنا وما خلينا سوق وشعبي ما طلينا فيه خسااااير
وبعدين السكرتارية إلي عندنا جدد ومايعرفون شي وصرت يا طويلة العمر سكرتيرة أسوي شغل الناظرة والوكيلة زين أقعد نص ساعة أتريق بعد في أشياء ما ذكرتها عشان ماتنصدمين ( أدري قصيت قصة حياتي) بس عشان تفهمييين الحالة الكسيفة الله يعينا

 

[أم سارا]

الصورة عجبتني تختصر الموضوع
أحلى حياة شنو تخصصج؟

ايمييي وينج

 

[أحلى^حياه]

ووووووووووووووووووووووويه
واحنا نقول انتو مرتاحين اثاريكم ماكلينها الله يعينج يا ررررررررررب
وشكوو تدفعون من جيبكم ؟؟ مو يقولون خلاص هذاك اول اللي الابلة تدفع من عندها؟!! يعني انتي بتلحقين على بيتج ولا علاجج و لا المدرسة!! وااااااي عصبتتتتتتتتتتتت
انا الله يسلمج تخصصي كيمياء المفروض ادرس ثانوي بس بواسطة طلبت ابتدائي وهذي ثاني سنة لي و قاعده احاول اطلع من التدريس و موقادرة اذا عندج واسطة قوليلي ههههههههه
صج تره احنا مساجين تعبنا و درسنا واخر شي دشينا السجن
الله يعينا يارب ويسهل امورنا

انا بعرف ايمي وينها عسى المانع خير يمكن حامل يارب

 

[أم سارا]

موضوع الفلوس نسمع فيه ولا نشوفه يقوللون في ناس ما تدفع بس بعيوني ما شفت تبين درسج كامل لازم تتشترين تبين صفج كامل لازم تشترين يقولون لا تدفعيين ولا فلس وهم النغزات من تحت لي تحت ( شوفوا صف فلانه تتستاهل التمييز وووو) تبين النشاط الصبحي كامل لازم تقطيييييين بصراحة مأساة لا أحد يدخل هالتخصص التعيييس لو ألف مجلد ما راح يكفي حبيبتي آنا ناطرة أقساط سيارتي تخلص وباباي مع السلامة بقدم استقااالتي وبقدم بالديوان مرة ثانية على أي وظيفة أقعد على مكتب طبعا راح أقعد بالبيت سنة أو أكثر ما عليه ولا الهم إلا احنا فيه لا واسطة ولا هم يحزنون على فكرة تخصصي علم نفس يعني اي وزارة تقبل تخصصي

 

[eemee]

هاي بنات شلونكم شخباركم ولهت عليكم بس كمبيوتري اخترب والحين ها يعني شغال نص نص طبعا اخباري مع العياده الارف عياده الدكتوره فوزيه القطان اللي للاسف ماديا درجه اولى والموضوع صار ماده في ماده من غير ضمير كان المفروض تراويني السي دي مال المنظار وماروتني اياه ولمن قلت لها تهربت مني عقب يوم ادق عليهم عشا اشوفه يقولون دكتوره فوزيه مو موجدوه الف مره ادق عليهم وكل مو موجوده ولمن رحت لهم بنفسي عشان اخذه بالبدايه ما رضوا ولمن اصريت عطوني اياه والطامة ان ما شتغل باكثر من مكان جربت رجعت لهم جان يقولون مو مشكلتنا هذه انتي ما سويتي العمليه بالعياده قلت لهم سويتها عند فوزيه وايهي المسؤله اساسا ما تسوي عمليه منظار بالعياده اكيد بمستشفى المهم عقب ما اهبشت ال500 دينار صارت مو مشكلتها عيل مشكلة منو انا شنو اللي يضمن لي ان اهيا اساسا سوت عمليه والله اخذ كل اوراقي منهم واروح حق دكتور حازم الرميح وقلت السالفه جان يقول انا استغرب كل اللي ايوني من دكتوره فوزيه يكون عندهم بطانه الرحم المهاجره!!!!!!!!!!!!!!!!!!!!!!!!! يقول هذا مرض ناااادر واهيا كل اللي يرجعونها فيهم هالمرض يعني نص بنات الكويت فيهم وقالي مارح اعطيج الابر وقالي من حقج اطلبين بتقرير من الدكتوره فوزيه بشسوت بالعمليه والسي دي

 

[eemee]

هلا ام سارا واحلى حياة ما تفقدون غالي يارب بس من صج انا محتره عقب كل اللس سوته واللي عيشتني فيه يطلع ماتعرفين صجها من جذبها لا حول ولا قوة الا بالله انا مابي احط بذمتي ان شغلها مو مظبوط بس هذا اللي صار معاي ولازم يوضح للجميع عشان اناس ما تصدق كل شي وبنا استخيرو وادعو ترى رب العالمين يدلج على الخير ويوجهج له وين ما كان الصالح لج الله يهدينا وياها

 

[eemee]

ام سارا انتي شصار عليج الحين

 

[أم سارا]

هلا والله ايمي شلونكج لج وحشة بصراحه العيادة ما عجبتني مادية حيييل يعني العيادات التقليح عندهم 30 و40 وهي 120 ليش الفرق الي مو طبيعي هذا غير أبر التنشيط سعرها خيال والمعاملة والنطرة وأشياء واجد ما عجبتني وندمت اني سويت المنظار عندها بعد ما شفت الشريط المقصص
سؤال اهي لما سوتلج منظار كان مبين معاج جيس دم فوق أحد المبايض؟ لأن آنا كان فيه ولازم يسووولييي
آنا قاعدد آكل حبوب عشان أنزل الدورة آخر شي باكر ولما تنزل الدورة راح آخذ تنشيط والله يرزقنا وويفقنا
انصحج تسوين تنشيط وتلقيح لأن الإستجابة بعد العملية حلوة واجد بنات حملوا بعد العملية
انتي شنو خطة العلاج الي قالها لج الدكتور؟
طبعا هي قالتلي اني الدرجه الثالثة وحالتي متقدمة والدكتور مات من الضحك يقول فيج بطانه بس لا تذكر ولا حتى نقدر نصنفها الأولى

 

[eemee]

حتى انا الدكتور قالي بطانه الرحم عندج لا تذكر واشك ان فيج اصلا وبيعيني تنشيط وتلقيح عقبها والله المسهل يارب

 

[أم سارا]

آميييين يرزقج ويرزقنا

 

[eemee]

امييييييييييييييييييييييييييييييين يارب

 

[أحلى^حياه]

ايمي حبيبتي الحمد لله على سلامتج
واي من صجج !!!!!!!!!!!!
ليش جذي يسوون معاج استغفر الله يارب
خليتوني احاتي عاد والله شكيت قلت شدعوه وايد اللي فيهم بطانة الرحم ليش جذي
امبيه بنات خايفة شرايكم اروح استشير دكتور ثاني؟!!!!!
اذا قلت حق ريلي بيذبحني كل يوم دكتور

امبيه حدي خايفة

 

[أحلى^حياه]

ام سارا
زين حمدي ربج انتي مو تربية يعني فيخ مجال تروحين مكان ثاني
عيل انا شقول مسجونه بالتربية
الله كريم يارب

 

[أم سارا]

أحلى حياة إنتي معاج الشريط خلي دكتور ثاني يشوفه وانصحج رجال ما قمت أثق بالحريم كلش مجرد استشارة مو شرط تعالجيين عنده
بعد العملية عطوج المستشفى تقرير ولا لأ؟

 

[eemee]

اهلين بنات اهلين احلى حياة وام سارا اي والله شفتي شلون بس ما قمت اثق فيهم وانتي اذا مرتاحه كملي لا تناقزين وريلج يعصب عليج واذا منتي مرتاحه روحي شوفي راي ثاني