لكل بنت عندها مرض بطانة الرحم الرجاء الافاده

[أحلى^حياه]

ام سارا و ايمي
اي عندي تقرير ومعاي الشريط انا قلت حق ريلي ما رضى قاللي الدكتورة زينة حتى انا ارتحت لها مو نفس الباجي
خلاص بكمل عندها و الله كريم
وعلى قولت ايمي مابي بعد اخليه يعصب كل يوم عند دكتور الله يكتب اللي فيه الخير
المشكله الحين مكان الابره وارم و صاير احمر و يعور
توني دقيت عليهم قالولي نردلج خبر و ناطره الحين الله يستر

والله يوفقكم يارب مع دكاتركم

 

[eemee]

الله يكون في عونا اجمعين واي شي جديد يصير معانا نقوله والله يكتب اللي فيه الخير

 

[eemee]

احلى حياة حبيبتي لا تهملين روحج اذا شفتي شي مو طبيعي من الابر على طول قعدي لافي بلعومهم لان حق الاهمال اهما عند ويهج انا سرتي التهبت منهم عقب العمليه شلو غرز سرتي وبعدها ما التئمت ولا حطولها شاش ولا عمات عين التهبت ولا عليهم اصلا كل شي يردون عليج مو مشكلتنا والله ان ليلحين فيني حررررررررررررررررره عليهم

 

[أحلى^حياه]

لحقوا علي
انا انهرت خلاص
تعبت بس خلالالالالالالاص
اكتبلكم وانا ابجي مالي غيركم
اليوم رحتلهم عاد وحده من الدكاتره شافتني ماعرف اسمها بس اهيا صغيره جان تنصدم من الورمه اللي مكان الابره
عاد انا كنت داقه الظهر عاد تقوللي لمن دقيتي ما توقعت جذي عبالي شي بسيط
المهم طلع فيني حساسية من الابرة و كانت بتعطيني مضاد بس همن فيني حساسية من البنسلين
يعني ما اترقع كلشششششششش
عطتني كريم شريته وقالت اذا لي باجر ما خف دقي علي ضروري
والله يستر
بنات تعبت خلاص مابي عيال
وين ماطقها عوية

 

[أم سارا]

حبيبتي أحلى حياة انشاء الله مافي إلا كل خيييير لا تحاتييين انتي حطي المرهم وانشاءالله يخف باكر سواء خف ولا لأ روحي ودخلي على دكتورة فوزية مو غيرها وطمنينا ضروري ولا تتضايقييين وخلي أملج بالله كبييير

 

[أم سارا]

أحلى حياة شصار عليج طمنيني قاعد أحاتيييج

 

[الخطوط الذهبيه]

حبيبتي اجر وععافيه وماتشوفين شر انا فيني نفس المرض الي فيج لا تحاتين ان شاء الله تحملين انا ولله الحمد حملت ويبت ولد بس الموضوع يبيله صبر لانه يأخر شوي الحمل بس ما يمنعه وعلى فكره عقب الحمال ان شاء الله يااااااااااااااااااااااااااااااااارب لمه تحملين راح يروح عنج هالمرض والله يوفقج ويرزقج الذريه الصالحه

 

[أحلى^حياه]

ام سارا بعد عمري ما تقصرين
امس بليل زاد علي و صار احمرررررر و ثقيل طلعلي بطن شكبره وغير العوار
رحت نسا وولادة الصباح قالتلي هذا عادي و عطتني كريم مو موجود بصيدلتهم رحت شريته من بره
والحين نفس ماهو مو قادره امشي تعبت
توني دقيت عالعيادة يقولون لازم تجين وانا ريلي رايح يراكضلي بطبيه
مادري شسوي تعبت والله
ريلي يقولي خلاص مانبي عيال

 

[أم سارا]

أحلى حياة شوفي انشاء الله يخف بس الغريبة إنه ماطلع بعد الإبرة على طول؟
عموما الأبر هذي انسيها يمكن خيرة لج عشان ما تكملينها تفائلي ....
أرجع وأقول نفس الكلام إلي قلته حق ايمي الإستجابة بعد العملية حلوة وواجد بنات احملوا وآنا حيييل متفائلة فلا تطوفييين التنشييط بس بالأول عالجي الإلتهاب الله يشفيج يارب

 

[أم سارا]

هلا خطوط ذهبية ممكن تذكريلنا تجربتج؟

 

[eemee]

هلا حبيبتي احلى حياة حبيتي توني اقرا شصار لج ميخالف حبيبتي وزين سويتي رحتي الصباح ما رحتي خاص عشان ما يلعبون فيج علبو فلوس والحين طمنينا شلون صرتي ومثل ما قالت ام سارا انشالله تكون خيره عشان ما تكملين عليهم وشوفي لج راي ثاني وطمنينا

 

[أحلى^حياه]

مشكورين حبيباتي ايمي و ام سارا
والله مالي غيركم اشكيلكم حالي
تعبت من العوار والثقل صايره جني حامل بالتاسع
امس رحتلهم بليل وشافتني فوزية و نهله وسوتلي سونار خارجي قالتلي عادي و عطتني مضاد
والمشكلة اقولها شلون على الشهر الياي مابي ابره تقوللي لالا ميخالف انا اللي راح اعطيج مو السستر
يعني شنو انا ارد واتعب ويصير فيني نفس الحين مره ثانيه !! تقول نجرب اذا رد صار فيج الورم يعني فيج حساسية من الدوه!
بيجربون فيني حسبي الله عليهم
المهم
خلاص انا كلمت ريلي بجرب تنشيط معاكم
بس قولولي وين اروح عند أي دكتور ؟؟
بنات بسئلكم يعني اذا رحت عند ريال اهوا اللي راح يسويلي التلقيح والسونار الداخلي ؟؟
انا استحي وريلي ما يرضى ريال
ودي اروح عند الصليلي اللي بالعرف وايد يمدحونه

 

[eemee]

هلا حبيبتي احلى حياة انا قلت لكم هذيل مهملين عياده دكتوره فوزيه انا رحت حق حازم الرميح السونار تدخل السستر ولا شي ايبين فيني ولا حتى صبعي والسونار ادخله الستتر واهو بعدين يحركه وايد محترم وطيوب

 

[أم سارا]

التلقيح طبعا هو إلي يسويه وحتى السونار بس تدخل معاج اسستر وتدخل السوناروتغطيج وبعدين هو يكمل عموما مرة ولا رجال مو مشكلة بس يخف الإلتهاب راجعي عند دكتور شاطر يسوييلج تنشييط ويالله مايضيع تعبج آمييين

 

[أم سارا]

بعدييين مو شرط تلقيح

 

[eemee]

اي صح كلام ام سارا واهم شي انتي من ترتاحين له

 

[أحلى^حياه]

مو راضي ريلي اروح عند ريال
واااااااااي تعبت انا مادري شسوي
محتااااره حدددددددي
شسوي علموني وين اروح ؟
انزين بالسلام مافي دكتوره مرا يعني ؟؟
ام سارا انتي عند منو تراجعين الحين ؟؟
عفيه بنات دورولي دكتوره بس خلاص بجرب تنشيط و اذا ماصار خلاص بوكل امري لله

 

[أم سارا]

حبيبتي آنا أراجع بالسلام بالعيادات الخارجية دكتوري اسمه محمد صلاح الأشنيهي وآنا رحتله لأني مجربته وعندهم حريم اعتقد اسمها منال زهدي تجت ايده يعني إذا في شي ما تعرفه تسأله وترجعلج

 

[eemee]

منال زهدي يمدحونها كانت بالشعب التخصصي بس ولا مره جربتها عندج نداء بوخضور وعندج ماجده كميخ بس ما انصحج بليلى بوليل او ماجده اليتامى او معصومه مخصيد وناهده العلي لا تروحين لهم

 

[أم سارا]

شوفي أحلى حياة اعتبري إلي مريتي فيه تجربة وعدت ألحين طالعي لي جدام سألي معاج بالدوام سألي بالمنتدى عن دكتورة شاطرة وعموما الدكتارة أول وتالي أسباب كله بيد الله سبحانه وتعالى
وطمنيني شلون بطنج ألحين قاعد يتحسن ولا لأ؟