لكل بنت عندها مرض بطانة الرحم الرجاء الافاده

[أحلى^حياه]

مشكوورة ام سارا وربي يوفقج عنده و تبشرينا بحملج يارب
انزين د منال هذي تشوفينها زينه ولا لا؟؟
فيه عليها زحمة ؟

 

[أم سارا]

نداء بو خضور بدار الشفا يمدحونها حيل

 

[eemee]

نداء بوخضور مو بدار الشفا عندها عياده خاص بالسالميه قبال المطافي تقريبا رقمها 25632365

 

[أم سارا]

بصراحة مل أدري عنها ودكتوري هذا أول مرة أراجع عنده بالسلام أول كنت أراجع عنده بطيبة كلينك بس سمعتها زينة

 

[أم سارا]

عندي لج راي شرايج تدخلين على دكتوري يشوف شريط العملية ويعطيج راي وقوليله آنا براجع عند دكتورة منال بس دخلت عندك أول زيارة استشارة بس على فكرة هو بالموت شاف الشريط بعد مساحل يقول وقتي ضيق وسألي عنه هني بالمنتدى ي ناس تمدحه وناس تسبه والله كريم

 

[eemee]

كل من يمدح وكل من يذم اخر شي اهو على الواحد اذا مرتاح او لا

 

[أحلى بسكونة]

ماتشوفو شر بناااات

خوفتوني شنو اعراض هالمرض

انا عندي اكياس على المبيض :0bee2e8d89:

 

[أحلى^حياه]

انزين بقولكم شي وانتو عطوني رايكم
ريلي قاللي انا بسويلج برنامج .. لانه اهو مو راضي اخذ الابر بعد ولا راضي يلعبون فيني
المهم
قالي نروح عند واحد يقرا علينا و نشتري عسل حقي و حقه و نروح العمره و نستغفر وننطر شهرين اذا ما صار شي ندورلنا على دكتوره
وعلى فكره خلاص انا بقدم استقالتي نهاية هالاسبوع بس تعبت اتحمل شنو ولا شنو
شرايكم ؟؟ ... اسوي جذي ولا اروح عند نداء الحين ؟؟

 

[أم سارا]

أحلى حياة كلامج حلو روحي العمرة بالعكس تغيرين من نفسيتج بس أنصحج خلال هالإسبوع روحي لدكتورة ضروري

 

[أم سارا]

أهلين أحلى بسكوته الشر ما يجيج
عموما هالمرض نادر وما يجي أشخاص واجد مو شرط إلي قالولهم فيهم صج فيهم
وهو ما يبين إلا بالمنظار والأكياس إلي فيج شنو طبيعتها لأن لو أجياس دم لازم تشيلينها أما باقي الانواع عادي تصغروتنزل مع الادوية
الله يشفيج ويشفينا ويرزقنا

 

[eemee]

هلا بنات شلونكم وشخباركم اما سارا واحلى وكل البنات
احلى حياة حبيبتي طمنينا شلون بطنج؟ واذا على اللي قاله ريلج وايد حلو وكل العطايا من رب العالمين روحي العمره واستغفري وصلي وادعي وبنفس الوقت انا اقول ضروري تراجعين دكتوره الحين بس سالي عن الدكتوره اللي بتروحين لها عدل وروحي لان لازم انتي تكونين مقتنعه وغير جذي احد لازم يتابعج والله كريم

 

[أحلى^حياه]

زين ونستوني على اللي بسويه
بطني خفت بس ليلحين عوار و ثقل ..
ايمي اذا ما خذيتي الابرة ليلحين لا تاخذينها جربي نفس ام سارا تنشيط وبعدين الله كريم
انزين ليش لازم اروح دكتوره ؟! خرعتوني انا قلت بجابل اوراق الاستقاله هالاسبوعين هههههههههههههه
و بريح مخي من الدكاتره
والله مادري خلوني افكر واقولكم النتيجة

 

[eemee]

حبيتي احلى حياة لازم ما تهملين نفسج انتي مسويه منظار يعني المفروض على كلام الدكتوره ان فينا بطانه رحم مهاجره وكوتهم انزين يعني معناته نظفتي فحرام تهملين عقب ما سويتي العمليه ولا جنج مو مسويه شي وشي ثاني انتي خذيتي ابره فروحي تابعي عند احد شنو الخطوه اللي وراها ومنها تاخذين راي ثاني لا تهملين نفسج حبيبتي

 

[أحلى^حياه]

اممممممممممم تصدقين كلامج عدل 100% مقنع
عيل باخذ موعد عند نداء واروحلها ان شاء الله
مع انه ودي اروح عند الصليلي بس ريلي مو راضي افففففف
يالله ميخالف الحين اكيد بيعصب لمن اقوله بروح عند دكتوره هههههههه بعد هالمره ريال هههههههههههه لالالا ورقتي بتوصلني
اعوذ بالله قمت اهوجس

مشكووورة ايمي والله انا لولاكم من بعد الله انتي و ام سارا الله اعلم بحالي

 

[eemee]

وانتو بعد كنتو دايما معاي باوقات مو حلوه وحاسين فيني لان مريتو باللي مريت فيه عسى الله لا يخيب رجانا

 

[أحلى^حياه]

حبيبتي اذا احنا ما وقفنا معاج منو بايوقف معاج,, احنا موجودين علشان نخفف لبعض
انزين ايمي انتي جم عمرج ؟؟ اذا ممكن يعني ههههههههه
ايمي شرايج بدكتورة نهله اللي مع فوزية ؟؟
افكر اروحلها

 

[eemee]

انا 24 سنه ونهله كنت ارجع عندها بس انا شغل العياده بكبره ما حبيته

 

[أم سارا]

شلونكم بنات
أحلى حياة عفية اخذي هالشهر تنشيط ويارب يكتبلج الحمال
ايمي ما بلشتي تنشيط ؟
آنا ناطرة الدورة هاليومين بس لي لحين مافي أعراض

 

[eemee]

انا امبلة بلشت باجر بيسولي سونار بس حدي والله خايفه ما ادري ليش

 

[أم سارا]

لا تخافيين يارب يكتبلج الخير