لكل بنت عندها مرض بطانة الرحم الرجاء الافاده

[eemee]

صباح الخير

 

[eemee]

احلى حياة طمنينا بليز شيصير معاج وام سارا بعد

 

[Mumtaz Mahal]

السلام عليكم بنات الموضوع باين من عنوانه انا طلع فيني بطانة الرحم المهاجره ولله الحمد الدكتوره قالت ان بتوقفلي الدوره لمده ثلاث اشهر عن طريق ابر في البطن

سؤالي هل في بنات عندهم تجربه مع هذا المرض او هل يصير في حمل الله يخليكم بنات نفسيتي تعبانه ووايد افكر انا املي بالله وانا باذن الله قويه لاني مؤمنه باللي الله كاتبه بس ما يمنع اني اسال عن المرض واشوف تجارب حلوه عشان يصير عندي امل والله اني اكتب وقلبي يتقطع على شوفة ياهل وخصوصا اني انا اصلا وااايد احب اليهال وسبحان الله اي يهال يشوفني بشارع يتبوسم لي ويلعب معاي ياااارب ترزقني والعب مع عيالي و كل وحده محرومة الله يرزقها ولا تبخلوني علي باي شي تعرفونه وانا ادري انكم ما تقصرون

حبيبتي آنا بقولج عن تجربتي مع المرض وانشالله أفيدج ، آنا مسوية منظار عند دكتورة ماجدة اليتامى عشان تشيل التكيس من المبيض ولا تقوللي انتي عندج داء بطانة الرحم المهاجرة ، وعطتني حبوب منع الحمل وسويت تلقيح صناعي مرتين عندها بس ما صار حمل ، عقب رحت حق دكتورة فوزية ولا تقوللي عن إبر الديكابابتيل اللي بالبطن لمدة ثلاث أشهر ، توكلت على الله وخذيتهم ، بس والله والله كانت أتعس ثلاث أشهر مرت علي ، لأن فجأة حسيت إني كبرت وصار عمري 60 سنة لأني حسيت بكل أعراض سن اليأس ، عوار مفاصل وبقة واكتآب وأرق وجفاف المهبل ، والله خلال هالثلاث أشهر ما أبالغ إذا قلتلكم إني ما كنت أنام ساعتين على بعض من البقة ، المهم عقب الإبرة الثالثة بدت معاي تنشيط المبايض عشان تسويلي أطفال الأنابيب لأنها على قولتها تبي تختصر الوقت ، بس هم افشلت لأنها ما اسحبت إلا بويضتين من الدرجة الثانية . وقالتلي راح تييلج الدورة بعد 10 أيام ، ويتني الدورة حيل خفيفة وقلت أراجعها الدورة اللي عقب ، بس تأخرت الدورة حيل والمشكلة إن أعراض الديكابابتيل كانت للحين مستمرة معاي فقلت ما بدهاش لازم أغير الدكتورة ، ورحت حق الدكتور ناهض حمادية وقلتله دكتور مابي شي بس ابيك تردني حق عمري الأصلي ، وتوخر البقة مني ، وقلتله عن الأبر استغرب وقاللي اشلون تسويلج العملية بعد الإبر على طول أكيد ما راح يطلع معاها بويضات ، هالحجي من شهرين وللحين قاعد يصلح آثار الأبر لأنها خلت بطانة الرحم وايد خفيفة عندي فأي شي بسويه راح تكون نتيجته الفشل .
أدري طولت عليكم بس حبيت أنقل التجربة بكل أمانة عشان تستفيدون ونصيحتي روحي إخذي استشارة ثانية من دكتور ثاني ولا تعتمدون على راي دكتور واحد بس لأن بالأخير كل من يبي مصلحته ويبون يستفيدون . وعلى فكرة ترى الإبرة الوحدة ب 85 دينار .

 

[أحلى^حياه]

بناااااااااااااااااااااااات غزززززززززززززززيت الابره

باركووووووووووولي

ككللللللللللللللللللللللوووووووووووووششششششششششششششششش

كنت حدي خايفة

ايمي لا تخافين حدها بسيطة وايد وايد ما تسوى هالخوف كله و صاجه ام سارا بس الدوه شووووووووووووية حاره
ولا كل شي سهالالالالات الحمد لله ياربي

ام سارا اي عفية قوليلنا شنو يصير معاج
عاد اليوم د نهله تقولي وحده نفس حالتج اليوم ولدت و يابت توأم بنت وولد عاد حددددي استانست ماشاء الله
وتقول نفس علاجنا بالضبط

والله يرزقنا يالله ياكرررررررررريم

بس صيروا عراااااااااااايس هالاشهر
انا بسوي وبسوي و بستانس

 

[أم سارا]

مبرووووك أحلى حياة شفتي قلتلج ما تخوف ويارب يجعلها تخفيف ذنوب ويرزقنا يا رب
انشاء باكر بروح لدكتور محمد صلاح وأرد لكم خبر إنتو أول ناس لأن والله العظيم صرتوا جزء من حياتي وخففتوا عني واجد

 

[أم سارا]

هلا والله ممتاز محل حياج الله الله يشفيج ويشفينا وكل بنات المنتدى
خوفتيني من الأبر لأن خذيت وحده بتاريخ 22/9 بس ما بين معاي الأعراض إلي قلتي عنها
وفي حالات واجد فيها المرض وحملوا الله يرزقنا يارب

 

[eemee]

هلا بنات شلونكم حبايبي هلا ممتاز محل وشكرا على نقل التجربه لللاستفاده والله يعينج ويخفف عنج اللهم امين

هلا والله احلى حياه يا حبيبيتي عقبال ما نبارك لج بالحمال واجر وعافيه يا قلبي

هلا ام سارا حبيبتي وانتي بعد صرتي واحلى حياه والبنات اللي شرواكم ما يقصرون جزء حلو في حياتي ولازم نصير على قلب واحد وانشالله لا رحتي باجر حق الدكتور انشالله تسمعين اللي يسرج ويهون عليج

بنات ما اوصيكم خلو املكم بالله قوي وادعوه ترى اهو الرزاق وهالابر وهالدكاتره كلها اسباب الدعاء والاستغفار حبايبي

 

[أحلى^حياه]

((((((((((( أم سارا
الله يبارك فيج حبيبتي :ggdw:
اي عفيه ام سارا شوفي شنو يصير معاج وان شاء الله مافي الا كل خير
واذا تقدرين ابيج تسئلينه سؤال انا امس نسيت اسئل الدكتوره ... ممكن ؟؟ اذا مافيها كلافه
سئليه بوقت النفاس ما راح يتجمع الدم مره ثانيه ؟؟ ...وبسسسس :ada:
ومشكووووووووورة وان شاء الله كلنا خلال الاشهر ال3 اليايه حمل يارب :klhfl:
اي صج تره ماكو اعراض ان شاء الله انا سئلت الدكتورة , اظاهر ممتاز محل لانها حاطة ببالها صار معاها جذي
بالعكس انا مستانسه بكون طاهره 3 اشهر لاول مره بحياتي هههههههههه


((((((((( ايمي
يا حبيبتي ما تقصرررررررررين :tek:
ولج بالمثل واحسن ان شاء الله
ولا تخافين صج صج ما يسوى ....... لا تصيرين نفسي بوقت شيل الخيوط وحده قالتلي (بدون ذكر الاسم) هههههه
المهم قالتلي طلعت روووووحي لمن شالوهم لي :0bee2e8d89:
عاد انا رايحه و ميته خوف حاطه ببالي اذا عورني ولا شي اقولها خلاص خلي الباجي
وحالتي حااااله واخر شي :eh_s(1): ما حسيت بشي كلش كلش يعني مو حرام الرعب اللي عشته
عالعموم كل وحده جسمها يختلف عن الثانيه
والله يسهل امورج يارب

 

[bint_looda]

ربي يوفقج ويقر عيونج بشوفه ضنا يارب

 

[eemee]

هلا والله كل البنتا هلا والله احلى حياه انا شالت لي الغرز بعد العمليه باسبوع واللي عند السره الجرح ما التئم انتو مثلي ولا لاء امي حدها مخترعه قالت لي روحي الاميري خل يشوفونه

 

[أحلى^حياه]

اي انا نفسج عقب العملية باسبوع
بس اول شي شافت اذا ملتئم او لا و بعدين شالت
وكان ملتئم الحمد لله
وانتي شلون تدرين انه ما التئم ؟؟!! اذا على الدم اللي يطلع تره عادي انا طلع شويه و جف وبعدين نظفته
لمن تروحين موعد ابرتج خليها تشوف
وان شاء الله مافي الا كل خيرررررر

 

[eemee]

اهلين احلى حياه ايبين ان مو ملتئم مو بس الدك اهو كجرح مو ناشف والله كريم

ام سارا حبيبتي بشرينا شصار معاج والله ان قلبي معاج

 

[أحلى^حياه]

ويه امبيه
انزين روحي المستوصف و وري الدكتورة مو شرط تروحين عند فوزية

ام سارا وينج طولتي الغيبة عسى المانع خير

 

[أم سارا]

هلا والله بنات
رحت الدكتور اليوم وشاف تقرير العملية وشاف شريط العملية وقالي إن داء البطانة مو قوي عندي بالعكس شي بسيط جدا معنا دكتورة فوزية قايلتلي الدرجة الثالثة وقررنا آنا وياه إنا يعطيني حبوب تنزل الدورة ويسويلي تنشيط الشهر هذا انشاءالله
بنات وآنا وياه نطالع الشريط الشريط مقصص شوفوا أشرطتكم مثلي ولا لا

 

[أم سارا]

بنات الدكتور واجد عطاني وجه قعدت معاه تقريبا ساعة وربع
ويقول أفضل علاج للمشكلة هي الحمل

 

[أم سارا]

يقولي المنظار جهاز يصور لمدة خمس ساعات ليش شريطج مقصص معناته بعد العملية سووله مونتاج
لأن فعلا شريطي مال العملية الأولى إالي سواها لي كامل مو مقصص

 

[حباري المملوحه]

الله يسهل عليكم

 

[eemee]

يا حبيبتي الله يسهل عليج انشالله انزين شلون رضولج تاخذين السي دي ان مارضو او شقالج عن الابر اللي ترفع الدوره

 

[أحلى^حياه]

امبيه ام سارا خرعتيني

شلون جذي
اصلا العملية ماطولت معانا ساعه شلون 5 ساعات؟!!!!!!!!!!!!!!!!!!!!!!!
انا عندي الشريط بس ما شفته الا عندها

انزين شنو قالج الحل ؟؟؟؟؟؟

وشرايج نروح دكتور ثاني نتأكد ؟؟؟؟؟؟؟؟؟

 

[أم سارا]

على طول عطتني السيدي من غير ما أطلبه أما الأبر قال عادي ناس واجد تاخذها مو مضرة بس بعد المنظار يفضل تاخذين تنشيط لأن الرحم مهئ وإذا ما صار حمل بعد شهرين أو 3 يوقف الدورة هذي طريقته وناس واجد تحمل على هالطريقه حسيت إن العملية مو عاجبنه بس ما قالها صريحة لأن وإحنا نطالع الشريط فجأة تغير المنظر مقصوص الشريط وقال( ايه ده مشفناش ايه عملت ليه قاصة الشريط)