لكل بنت عندها مرض بطانة الرحم الرجاء الافاده

[eemee]

احلى حياة خذيتي الابر ولا بعد تصدقين انا امس في حاله يرثى لها وقاعده احاتي الابر وقلت بروح اشوف راي دكتور ثاني قبل لا ابلش بس اليوم قلت الدكتوره فوزيه فاهمه وانشالله العلاج يكون الله حاطه بيدها فبتوكل على الله وباخذهم بس خايفه من اثار الابر على النفسيه لان اهيا قالت لي الابر تسوي ضيجه وبقه الله يعينا ياااااارب

 

[أم سارا]

شلونج ايمي ........ شخبارج أحلى حياة وراكم وراكم آنا بذكر قصتي يمكن تعرفونها بس حق البنات يمكن يستفيدون
كان معاي قبل 4 سنوات وسويت منظار عند طيبة كلينك عند دكتورهم اسمه محمد صلالح ألحين موجود بالسلام المهم بعد المنظارقالتلي الدكتورة راح نوقف الدورة 6 شهور وبعدين نادت الإستشاري مالهم إلي إهو محمد صلاح وقال حق الدكتورة خلينا نجرب معاها تنشيط شهر ولا شهرين وإذا ما صار حمل نرجع نوقف الدورة والحمدالله من أول شهر حملت وجبت سارونه بس بنات لاتغلطون غلطتي بعد ماولدت كليت حبوب مانع سنة وتركتهم بس لي لحين ماحملت ورجعتلي داء البطانة وسويت منظار مرة ثانية وانشاءالله يرزقنا

 

[أحلى^حياه]

انا كنت تعبانه حيل الكلي تعبانه وانا كان فيني جلطه علي الرئه فكان الوضع ما يستحمل اي علاج لاني اخذ ادويه للكلي والجلطه

يا حبيبتي :0bee2e8d89:
ما تشوفين شر والله يعوضج
كل شي بأجره

 

[أحلى^حياه]

******ايمي

لا والله ما خذيت ان شاء الله الجمعه ولا تشوفيني شكثر خايفة لدرجة اتوقع اني ماروح اخذها
وتوني ادري انها تسوي ضيقه !!!
الله يستر انا مو ناقصه


****ام سارا
حبيبتي حياج الله
والف شكر لج على ذكر تجربتج علشان البنات يستفيدون
انا اللي متعبني اكثر انه ماله علاج نهائي

 

[eemee]

احلى حياه حبيبتي انتي مو بروحج انا وام سارا ووااايد غيرنا فيهم الموضوع كله انشالله مرض وله علاج والحمدلله ووتذكري ان الله ما يبتلي اللا اللي يحبه وانا مقدره شعورج لان اللي فيج فيني وعلاجه الحمل وانشالله باذن الله ان يكون رب العالمين حاط العلاج بيد الدكتوره ونحمل ونييب عيال وتصير هذه تجربه ودايما خلي املج بالله قوي وتذكري ان رب العالمين ما ينسى احد من عبيده ابدا ابدا بس يمكن هذه التجربه رب العالمين يبي يقربنا منه فديما ذكري ربج ولا تزعلين حالج وهذا الحمدلله مرض باذن الله هين مو شي جايد ويخوف وما منه امل انتي بس هونيها وتهون

وبما ان خلال الشهور الثلاثه اليايه ماراح يصير في حمل انتي لا تنسين القران القران القران والاستغفار والدعاء بقلب ويقين صادق ان الله الرزاق
واشتركي بنادي واهتمي بشكلج واذا عندج جم كيلو ودج تنزلينهم سوي رجيم روحي امشي على البحر الجو شحلوه هالايام اشتركي بسبا سوي يوجا اشتري هدوم يديده طلعي من جو العياده والدكاتره واستانسي واهيا الابره هذه تسوي ضيجه وبقه بس مو شرط بس اذا يتلج الضيجه القران انشالله يمسح على قلبج وقولي مافيني ضيجه هذه وساويس وما كو الا العافيه
ونسولف كل يوم انا وياج وام سارا ونوسع صدورنا انتي بس وكلي امرج لله انا مثلج خايفه اقولج هالحجي ومن دخلي شوية خوف ما قص عليج بس شبيصير يعني اللي الله كاتبه خير وانشالله الله ما يضيع تعبنا اميييييييييييييين

 

[eemee]

صباح الخير بنات شلونكم بنات شرايكم نسويه حجامه تعالج من عدة امراض ومنها تاخر الحمل

 

[eemee]

شوفو الموضوع اللي حاطينه عن الحجامه في القسم

 

[مهوووه]

حبيبتي خبري بالمرض انا لازم يسزين لج منظار رحمي علشان يعرفون وبعدين توقف عندج الدوره وبعدين يبدون يعملون لج تلقيح صناعي او اطفال انابيب وعليج بسورة البقرة

 

[أم سارا]

******ايمي

لا والله ما خذيت ان شاء الله الجمعه ولا تشوفيني شكثر خايفة لدرجة اتوقع اني ماروح اخذها
وتوني ادري انها تسوي ضيقه !!!
الله يستر انا مو ناقصه


****ام سارا
حبيبتي حياج الله
والف شكر لج على ذكر تجربتج علشان البنات يستفيدون
انا اللي متعبني اكثر انه ماله علاج نهائي

الدكتورة قالتلي إن في ناس تتشافى منه بس يبيله حمله ورا الثانية عسى الله يرزقنا

 

[أحلى^حياه]

احلى حياه حبيبتي انتي مو بروحج انا وام سارا ووااايد غيرنا فيهم الموضوع كله انشالله مرض وله علاج والحمدلله ووتذكري ان الله ما يبتلي اللا اللي يحبه وانا مقدره شعورج لان اللي فيج فيني وعلاجه الحمل وانشالله باذن الله ان يكون رب العالمين حاط العلاج بيد الدكتوره ونحمل ونييب عيال وتصير هذه تجربه ودايما خلي املج بالله قوي وتذكري ان رب العالمين ما ينسى احد من عبيده ابدا ابدا بس يمكن هذه التجربه رب العالمين يبي يقربنا منه فديما ذكري ربج ولا تزعلين حالج وهذا الحمدلله مرض باذن الله هين مو شي جايد ويخوف وما منه امل انتي بس هونيها وتهون

وبما ان خلال الشهور الثلاثه اليايه ماراح يصير في حمل انتي لا تنسين القران القران القران والاستغفار والدعاء بقلب ويقين صادق ان الله الرزاق
واشتركي بنادي واهتمي بشكلج واذا عندج جم كيلو ودج تنزلينهم سوي رجيم روحي امشي على البحر الجو شحلوه هالايام اشتركي بسبا سوي يوجا اشتري هدوم يديده طلعي من جو العياده والدكاتره واستانسي واهيا الابره هذه تسوي ضيجه وبقه بس مو شرط بس اذا يتلج الضيجه القران انشالله يمسح على قلبج وقولي مافيني ضيجه هذه وساويس وما كو الا العافيه
ونسولف كل يوم انا وياج وام سارا ونوسع صدورنا انتي بس وكلي امرج لله انا مثلج خايفه اقولج هالحجي ومن دخلي شوية خوف ما قص عليج بس شبيصير يعني اللي الله كاتبه خير وانشالله الله ما يضيع تعبنا اميييييييييييييين

يا حبيبتي
والله كلامج يريح
وانا حاطة ببالي خلال ال3اشهر بسوي رجيم و بصبغ شعري و احاول اسافر اغير جو
قاعده اقول هذي الاشهر بصير فيها عروووووس
بلبس قمصان نوم و بتكشخ و كل شي بسويه مع اني مو راعية قمصان نوم ههههههه استحي
المهم
وان شاء الله انتي تحملين وماتحتاجين الابر
تره وايد يحملون عقب المنظار
انتي ادعي والله كريم

 

[أحلى^حياه]

********* ايمي

والله ودي اسوي الحجامة صح انا وايد اسمع عنه
بس تدرين شنو اتوقع العلاج ؟!!!!
الاعشاااااااااااب
الله مانزل داء الا وله دوااااااء
واتوقع الاعشاب تفيد وانا الحين قاعده اسئل عند الحريم واذا تعرفين حريم يعالجون سئليهم يمكن يعرفون


******** أم سارا

شوفي انا خل احمل ان شاء الله
ولا يهمج حمله ورا الثانيه هههههههههههههه
بس همن خوفج بوقت النفاس يرد يتجمع الدم

 

[eemee]

احلى حياه انا سئلت الدكتوره وقلت لها مدام انا مسويه منظار هالشهر سويلي تلقيح هالشهر بدون ابر قالت لي اي يمكن بهالطريقه تحملين بس ما تعالجين الشغله وترد بقوه عقب النفاس ويصير حملج عقب اصعب واصعب فانا بتوكل على الله وباخذ الابر واللي الله كاتبلي اياه بيصير

 

[أحلى^حياه]

عاد تدرين انا لمن قالتلي انه فيني هالشي انصدمت و ما سئلت غير سؤال واحد اللي اهوا هل له علاج ولا لا ؟!!! وعقبها بجيت ههههههه
هذا اللي اذكره
حتى ما نافشتها و لا سئلتها
عاد بعدين زوجي قاللي ليش ما سوتلج تلقيح هالشهر؟!!! قتله مادري انا ما كنت واعيه هههههههه
والحين رديتي على السؤاااااااااااااااال مشكوووووورة لانه كان يراودني ههههههههههه
الحمد لله على كل حال
توني دقيت مو لازم اعطيهم خبر بس د فوزية ما تكون موجوده باجر عاد بيدخلوني عند د نهله
وادعيلي ايمي والله ارتحتلج وايد هههههههههههه
باجر بقولج بالتفصيل عن الابرة

 

[eemee]

حبيبتي والله وانا بعد ارتحت لج ونهله مشالله انا وايد حبيتها واهيا قالت اي احد ممكن يعطيج الابره وانتي تاخذينها سمي بالرحمن وانشالله تكون هالابر فاتحت خير علينا

 

[أم سارا]

شلونكم بنات .......
أحلى حياة الله يوفقج وناطرين الأخبار الزينة على أحر من جمر
ايمي شلونج...... بغيت اسألج جم سنة زواج؟
بنات آنا قررت يوم السبت أروح حق دكتور محمد صلاح في السلام وآخذ رايه في الموضوع اليوم دقيت على العيادة أمي كلت قلبي على الأبر

 

[eemee]

هلا حبيبتي انا صارلي 4 سنوات وما صار حمل الحمدلله رب العالمين على كل حال ام سارا ليش منتي مقتنعه بالابر شحاسه فيهم وشمتخوفه منه

 

[أم سارا]

مو متحوفة منهم بس اليوم أمي ومرت خالي سوولي محاضرة طويلة عريضة ولا تاخذينهم ومن هالسوالف وآنا متردده من قبل فتأثرت بكلامهم
عموما بروح للدكتور وبآخذ رايه إذا قالي أبر راح أكمل عند الدكتورة وإذا بيسويلي تلقيح راح أسوي يوم السبت انشاءالله أردلكم خبر

 

[eemee]

انشالله الله يكتبلج اللي في الصلاح اي والله خبرينا شيصير معاج لللافاده وما تصرين حبيبتي الحين انا اللي فهمته منج ان قبل حملج في بنتج الله يحفظها كنتي تدرين انا معاج بطانه الرحم هل كنتي تعانين منها ولا شلون

 

[أم سارا]

بقولج شي تتوقعين إن المرض هذا يطلع من الكلوميد والتنشيط لأنقبل لأجيب بنتي ما كان فيني شي وخذيتهم سنه بعديدن قالولي فيج جيس دم على المبيض اليمين ولازم منظار وبعد المنظار قالو داء البطانه المهاجرة وألحين نفس اشي صارلي بعد ما أخذت الكلوميد والمنشطات لمدة سنة طلعلي جيس دم حجمه 4سانتي فوق المبيض اليمين ولما سوولي منظار قالو داء البطانه المهاجرة فأعتقد سببها المنشطات شرايج بالموضوع

 

[eemee]

شوفي انا ماني دكتوره ولا ابي افتي بس انا احس ان المنشطات وهالاشيا تسبب هالشغلات لانها مو طبيعيه وتدخل الجسم واكيد لها اثار بس على قوله الدكتوره تقول اهيا ما لها سبب والله ما يندرى