كل وحده مسويه تحزيم معده تشاركني

[النية الصافية]

مشاركة: اللي مسوية عملية تحزيم المعدة تتفضل

الله كريم
خلاص شوفي شصير معج وبلغيني امانه واللله يتمم عليج يارب

 

[الأصيله]

مشاركة: اللي مسوية عملية تحزيم المعدة تتفضل

صباح الخير


هلا بنت الكويت والله عمتى ودها تشارك بس اهى ما تحب شي أسمه كمبيوتر وتخيلى والله لو مسكته شوي تدووخ


ها بنات شخباركم


النيه الصافيه ها بشريني نزل وزنج ولالا ؟


هودهود الله يشافي أبوووج يا قلبي

 

[النية الصافية]

مشاركة: اللي مسوية عملية تحزيم المعدة تتفضل

الاصيلة
بسم الله بعد تونا يا هادي بس نزلت 6 كيلوات ب4 شهور والله يسمع منج وينزل يارب

 

[كويتية أمورة]

مشاركة: اللي مسوية عملية تحزيم المعدة تتفضل

هدهد سامي امان يسوي شفط ولا بس شد؟ لانه وااااايد يمدحونه

والله يشافي ابوج يارب ويقومه لكم بالسلامه وتضعفين انتي والنية الصافية وكل البنات الدبات<<<<<شكلي بنطق هههههههه

 

[النية الصافية]

مشاركة: اللي مسوية عملية تحزيم المعدة تتفضل

كويتية امورة -هدد
انا ما سمعت عن د. سامي امان يريت تقوليلي شنو سامعه عنه بالضبط واختصاصة جراحة الاورام مثل موسي خورشيد

 

[كويتية أمورة]

مشاركة: اللي مسوية عملية تحزيم المعدة تتفضل

والله انا كنت اعرف وحده عندها واحد من اهلها يعالج عنده قرحة بالمعده واااااايد يمدحه واصلا عيادته كله زحمه ويقولون احسن دكتور جهاز هضمي وباطنية بالكويت
بس صراحة اول مرة اسمع انه يسوي شد ولا شفط ننطر هدهد تفيدنا

 

[hodhod]

مشاركة: اللي مسوية عملية تحزيم المعدة تتفضل

النية الصافية 000 نسيت أقولح لا تروحين الشهر الياي نطري ترى انا كنت مثلج كل شهر وقالتلي السستر مالته حرام كل شهر تيين نطري لما اتحسين انها توسعت ومحتاجه تضييج ترى وايد 6 صبري اشوي راح تنزلين هالشر احتمال3 وروحيله لما اتحسين الأكل قام اطوف بسهوله فهمتي شقصد ؟ وعيادته اتصيير عاد انا اخواره بالتدلي من ورا شلاوويط ذاك الصوب



الأصيلة 000 أميين يا رب العالمين وجميع المسلمين



كويتية أموره000 شد والشفط معاه دكتور تجميلخوش واحد اسمه أشرف يعني 2 في 1 (برت بلس) مو عملية ، ويسمع منج ربج على هالدعوه الحلوه

 

[كويتية أمورة]

مشاركة: اللي مسوية عملية تحزيم المعدة تتفضل

مشكووووورة هدهد
انزين ماتدرين بجم الشفط؟؟؟

 

[hodhod]

مشاركة: اللي مسوية عملية تحزيم المعدة تتفضل

النية الصافية 000 تخصصة جهاز هضمي وهوا بعد جراح أورام اسملله على السامعين


كويتية أمورة000 للأسف ما ادري بس اللي اعرفه ماكو سعر محدد على حسب كمية الدهون والماكن اللي يتم الشفط لهم

 

[كويتية أمورة]

مشاركة: اللي مسوية عملية تحزيم المعدة تتفضل

مشكورة حبوبة طلب اخير
اذا عندج رقم العيادة ماعليج امر
ومكانهم وين؟ هو اللي يسوي الشفط اشرف عدل؟ مصري شكله

 

[النية الصافية]

مشاركة: اللي مسوية عملية تحزيم المعدة تتفضل

بنات اشلونكم شخباركم ها في اخبار اليوم انا تعبانه من الترجيع كليت ربع كبابه دجاج وما وقفت جدي من الترجيع يارب تعبت

 

[xxx]

مشاركة: اللي مسوية عملية تحزيم المعدة تتفضل

الأصيله

مسموحه عيل سلمي عليهااااااااا
وعسى الله يوفقها وتضعف


النية الصافية

ماعليه تحملي الترجيع بعد شتسوين ،، ولا تضيجين أكثر صبري لما تتوسع



hodhod

موفقه وناطرين النتايج

 

[النية الصافية]

مشاركة: اللي مسوية عملية تحزيم المعدة تتفضل

بنت الكويت
ان شاء الله تقصدين ما أضيجها لما احس الاكل ينزل وما ارجع ؟
هدد
وينج اليوم مالج بينا

 

[xxx]

مشاركة: اللي مسوية عملية تحزيم المعدة تتفضل

هلا النية الصافية

اي مدام تحسين ان الاكل يوقف وترجعين يعني كل شي تماام

انتو طريقتكم غير ،، انا لما كنت مسويتها حدي 1.5سم ومره وصلت 2

وبعدين سحبلي نص ،، وأقصى حد كان 3 سم


جربو فيناااااااا

 

[النية الصافية]

مشاركة: اللي مسوية عملية تحزيم المعدة تتفضل

ان شاء الله بنت الكويت
بعد عمري اللي ماله اول شئ اكيد ماله تالي
وانتي الاول بالنسبة للتحزيم وما لنا غني عنج

 

[الكيكة]

مشاركة: اللي مسوية عملية تحزيم المعدة تتفضل

السلااااااام عليكم
النية الصافيه .. كاني وصلت ...
وسعوا الملعب لها وحدها يزها بها

قريت الموضوع كله من اول صفحه لاخر شي ... بعد عمري كسرتي خاطري في البدايه بعدين ربنا يجبر بخاطر البنات اللي ردوا

اول شي خليني اعرف نفسي للبنات ( طبعا بنت الكويت تعرفني و اعرفها )

انا انسانه فيني هوس الرشاقه .
عقب الزواج والعيال وصل وزني 120 .. فسويت ريجيم و نزل لل 78
و استانست و سويت عمليات شد و شفط و صرت كيكه و كل الامور اوكي و بعدين هديت عمري عالاكل و رجع وزني قام يزيد شوي شوي بست سنين ( كلها محاولات ريجيم فاشله ) رجع وزني صار 100

فقررت اسوي تحزيم معده و سويتها بتاريخ 31/1/2006 عند محمد العجمي في المستشفى العسكري
و ضيقت الحلقه مرتين يعني المجموع 4 سم و للحين نازله 10 كيلوات ... نزولي بطيييييييييييييئ و يعل و يسل و يحررررررررر
معاناتي تقريبا نفس معاناة النيه الصافيه و ما ادري شنو اكل ... ما اقدر اكل الا بسكوت و بطاط ليز ( طايحه فيه ) و توست مو محمش و حليب و شوربه و عصير بسسسسس
مرات اكل يريش .. بس تقولون الاش زين....الله يذكركم الشهاده ... بس مايمتن؟ مو جنه فيه شحم مقصص صغار؟

مابلش معاي الترجيع الا بعد التضييق الثاني .. وايد ارجع و على قولة كويتيه في يو اس ايه ( غشيت من لضحك ) شويه شويه مثل زواع القطو ...ههههههههههههههههههههههه

و سوالف هدهد واااااااااايد شجعتني و عطتني امل اني اظعف طولي 168 و وزني الحين 89 و مو طماعه بس ابي اوصل 80 و بس الف نعمه

كويتيه و يايبه عيال 80 زين مابي اصير شريهان ( رحم الله امرئ عرف قدر نفسه )

 

[xxx]

مشاركة: اللي مسوية عملية تحزيم المعدة تتفضل

النية الصافية

تسلمين بعد عمري والله يوفقج


الكيكة

هلا فيج نورتي المنتدى
عسى الله يوفقج هالمره وتوصلين للوزن الي تبينه وانتي بصحه وعافية


بنات بالنسبة للأكل اذكر عقب ماخلصت مرحلة السوائل (مدتها اسبوعين)

رحت حق الدكتور موسى قتله الحين شنو آآآآآكل !!!

قال اكلي عادي جربي كل شي ،، قتله شلون أخاااااااااااف

قال مافي أكل معين اهم شي تعلجين الاكل عدل

طلعت منه وكنت ولهااااااانه على الاكل لاني تميت اسبوعين على سوائل تلوع الجبد مو اي سوائل

شريت جيس توست وماصبرت طلعت شريحه وكليت منها قرمه وعلجتها بس موعدل عدل عبالي مثل قبل

وااااااااااي مابغيت الا عمري وقفت لاهي الي نازله ولا هي الي طالعه ،، شربت ماي يعني برقعها

جان اختنق زيااااااااااادة ،، بعدين عرفت حق عمري شالاكل الي يصلحلي والاكل الي يأذيني


تميت جم شهر على شوربة و توست محمص وجبن وشاي ،، اهم شي تراعون السعرات الحرارية بالاكل

ولا تعتمدون على الاكل الي يطوف بسرعه ( كاكاو ،، بفك ، عصير ،، ميلك شيك ،، ,,,,الخ)

 

[hodhod]

مشاركة: اللي مسوية عملية تحزيم المعدة تتفضل

بنااات اشلونكم 000

ابدي ابمنو وخلي منو 000

النيه الصافيه0000 بعد قلبي ليش كباب ؟؟؟؟؟؟ ما تسوى والله ما تسوى القصه 000 وقفي لحم ودياي تو الناس000 أكلي حمص 000 متبل000 لبنه000 آش000 يريش000 هريس000 محروق صبعه وكثري مايه وقللي خضرته000 كبة لبن بس تكون لينه000 شوربات بأنواعها000 وفي أكله طحت فيها طيحه 000 كوسا صغار وجزر صغار وبطاط صغار وفصين ثوم على عدالهم ونص كلاص صويا صوص وكلاص وربع ماي ،فلفل أسود ولا تحطين ملح حطيهم بالجيس مال الفرن مادري شيسمونه وحطي الجيس بالبايركس ودخليهم الفرن وايد حلوه000 جربيها وقوليلي 000000 قشري البطاط الكوسا لأ
إذا مشتهيا مطاعم قوليلي أي مطعم وانا بقوبج اشتاكلين فيه عشان لا توهقين اليوم بكتبلكم المطاعم اللي تصلح للتحزيم وشنو تاكلون فيها بس خن أفضى بليل

قزري بلي قلته على ما اتذكرلج000 انتبهي كثرة الترجيع تقلب الحلقه 000ديري بالج

كويتيه أموره 000 جيكي الخاص


كيكه000 حياج الله 000 وإذا ما صكيتي على شريهان هذا ويهي بس الله يخليج لا تهدين نفسج بدون رياضه عشان الترهل000وعلى فكره أنا بسوي معاج مقايضه اتعلميني على الشد والشفط مدامج امجربتهم لأني بسوي ما ظل بيها الأمور استفحلت عندي وكرسيهي ألبسه قبل لا أغسل ويهي00 فيديني مدامج زبونه سابقه000 وعلى طاري الآش اكلي على ضمانتي القوطي خليه حق يومين ولا يحط بصل ودهن عليه000 وأي شي أنا بالخدمه

بنت الكويت000 رسلتلج رسايل عبر الأثير

 

[hodhod]

مشاركة: اللي مسوية عملية تحزيم المعدة تتفضل

بنااات أشلونكم000

ابدي ابمنو وخلي منو 000

النيه الصافيه0000 بعد قلبي ليش كباب ؟؟؟؟؟؟ ما تسوى والله ما تسوى القصه 000 وقفي لحم ودياي تو الناس000 أكلي حمص 000 متبل000 لبنه000 آش000 يريش000 هريس000 محروق صبعه وكثري مايه وقللي خضرته000 كبة لبن بس تكون لينه000 شوربات بأنواعها000 وفي أكله طحت فيها طيحه 000 كوسا صغار وجزر صغار وبطاط صغار وفصين ثوم على عدالهم ونص كلاص صويا صوص وكلاص وربع ماي ،فلفل أسود ولا تحطين ملح حطيهم بالجيس مال الفرن مادري شيسمونه وحطي الجيس بالبايركس ودخليهم الفرن وايد حلوه000 جربيها وقوليلي 000000 قشري البطاط الكوسا لأ
إذا مشتهيا مطاعم قوليلي أي مطعم وانا بقوبج اشتاكلين فيه عشان لا توهقين اليوم بكتبلكم المطاعم اللي تصلح للتحزيم وشنو تاكلون فيها بس خن أفضى بليل

قزري بلي قلته على ما اتذكرلج000 انتبهي كثرة الترجيع تقلب الحلقه 000ديري بالج

كويتيه أموره 000 جيكي الخاص


كيكه000 حياج الله 000 وإذا ما صكيتي على شريهان هذا ويهي بس الله يخليج لا تهدين نفسج بدون رياضه عشان الترهل<===تعقدت000وعلى فكره أنا بسوي معاج مقايضه اتعلميني على الشد والشفط مدامج امجربتهم لأني بسوي ما ظل بيها الأمور استفحلت عندي وكرسيهي ألبسه قبل لا أغسل ويهي 00 فيديني مدامج زبونه سابقه000 وعلى طاري الآش اكلي على ضمانتي القوطي خليه حق يومين ولا يحط بصل ودهن عليه000 وأي شي أنا بالخدمه

بنت الكويت000 رسلتلج رسايل عبر الأثير

 

[الكيكة]

مشاركة: اللي مسوية عملية تحزيم المعدة تتفضل

بنت الكويت الله يحييج و مبروك عالمنتدى .. توني ادري ( متأخره )
و مشكوره عالدعم ابهالموضوع و ذكر تجربتج .

هدهد الله يحيييج .. و الله يسمع منج و يظعفج هال10 كيلوات على صحه و عافيه و يعطيج على نيتج
انزين الكورسيه سمعت انها تسبب ترهل ... ماعرفنا منو الصاج الحين
وييييييييييييييي .. انا اليوم صايمه و فطوري كان اش .. كليته على ظمانتكم .... بس اختج حاره بطن استانست عليه و كليت القوطي كله ( خوش متحزمه) ...و للحين مغثوثه الساعه الحين 10 الا ربع .. بشرب قبل لا انام عصير اناناس لاني باجر بصوم
خلاص مره ثانيه اكل نصه و اصك حلجي .

بالنسبه لعمليات الشد .. اذا انتي مو متزوجه لاتسوين ولا عمليه .. لان كلهم يتركون اثر
مايصير عروس ليله عرسها ريلها يشوف البطن جنه وحده والده قيصريه.
اذا انتي بنت مالج الا الرياضه .
و اذا عندج اي سؤال عن العمليات من عيوني . و مانرد لج ربع اللي سويتيه لما رفعتي معنوياتنا و عطيتينا امل ... انا والنيه الصافيه كنا متحبطين و توقعنا عمليتنا افشلت