كل وحده مسويه تحزيم معده تشاركني

[النية الصافية]

مشاركة: اللي مسوية عملية تحزيم المعدة تتفضل

مشكورة والله ع الافادة وان شاء بطبق كلامج وانشوف بس ما ادري ليش مو قادرة امشي احس بدوخة وانا اكتب الحين احس بالدوخة وما اركز بس اقاوم نفسي احب الاعشاب وانا استعمل سكر سويت انلو

 

[النية الصافية]

مشاركة: اللي مسوية عملية تحزيم المعدة تتفضل

يارررررررررررررب ان شاء الله ع شهر 7 اكون نازلة واصلة 73 يعني باقي 14 كيلو يارب
اشلون ما ادري هذا اول خطوة اتمني اوصل لها وبعدين ابدا بالمرحلة الثانية عشان اوصل 65
يارب حاولت اسوي رجيم ربيع بس ما اقدر حتي التمر ارجعه وتطلع روحي عشان ارجعة اليوم رجعت مرة وحدة الحمد الله وانا اشرب الشوربة ع الغداء

 

[xxx]

مشاركة: اللي مسوية عملية تحزيم المعدة تتفضل

عسى الله يوفقج وتوصلين للوزن المثالي بأٌقرب فرصه ..

خلي اكلج كله خفييييييييييف

الحليب >>> خالي الدسم

العصير >>> اناناس - برتقال - جريب فروت

الاكل بدون دهن

ومو شرط تاكلين تمر برجيم ربيع انا كنت اشتري تمر مهروووووس ماركة نادك ومع الحليب ينزل عادي

عندي رجيم روعه اما كنت مسوية تحزيم عطاني اياه

الافطار : 5 تمرات + حليب خالي الدسم

الضحى : عصير أناناس

الغدا : شوربة خضار + لبن الوفرة

العشا : نص علبة فول مقشور + خبزة لبنانية محمصة + كوب حليب أو عصير


روعة هالرجيم نزلت عليه بالاسبوع 3.5

 

[الأصيله]

مشاركة: اللي مسوية عملية تحزيم المعدة تتفضل

فديتكم والله

انا عمتى اليوم راحت ضيقت الحزام أول مره 2سم


بس وزنها ثبت وقال لها بعد هالتضيق للحزام بينزل أكثر


صج بنات كل وحده تذكر ووين مسويه عمليه علشان اللى يتابع الموضووع يستفيد ؟

 

[النية الصافية]

مشاركة: اللي مسوية عملية تحزيم المعدة تتفضل

بجرب من باجر وابلغج بعد اسبوع مثل اليوم ومشكورة والله
بس يصيرابدل الفول والخبزة بشي ثاني يعني توست مع شئ ثاني مثل شنو يريت اتساعديني فيني قولون وان كليت الفول بعد شفكني من العواصف والبراكين ههههههههههههههههههههههههههههه

 

[النية الصافية]

مشاركة: اللي مسوية عملية تحزيم المعدة تتفضل

فديتكم والله

انا عمتى اليوم راحت ضيقت الحزام أول مره 2سم


بس وزنها ثبت وقال لها بعد هالتضيق للحزام بينزل أكثر


صج بنات كل وحده تذكر ووين مسويه عمليه علشان اللى يتابع الموضووع يستفيد ؟[/quo

انا سويتها عند دكتور موسي خورشيد

 

[الأصيله]

مشاركة: اللي مسوية عملية تحزيم المعدة تتفضل

هلا النيه


تعامل الدكتور موسى ما شااءا لله عليه حلووو حيل

 

[النية الصافية]

مشاركة: اللي مسوية عملية تحزيم المعدة تتفضل

صح اشدراج تراجعين عنده او سامعه عنا وهو وايد زين انسان ذرب واهم شي محترم وايد وينصحج من قلبه

 

[الأصيله]

مشاركة: اللي مسوية عملية تحزيم المعدة تتفضل

لا أول شي عمتي راحت له على اساس بتسوي عنده العمليه

وبعدين حولت على دكتور باسل السميط ماشااء الله عليه هم تعامله راقي حيل

 

[hodhod]

مشاركة: اللي مسوية عملية تحزيم المعدة تتفضل

بنات أشلونكم00 ويــــــــهه وايد سوالف طافتني ويني عنها


النيه الصافيه الحلقه حدها تتضيج لي 9 أنا بالضبط ما أدري بس أتوقع 7 وفوق لأنها وايد صاكه وبالنسبه حق أكلج (الأكل شبه صح بس النوعيه غلط) يعني البسكوت مثلا مثل ما قالت بنت الكويت غيرييه لأنه وايد في كالوري + بفك بطلي مته أهوا والمكسرات 00 أنا معاج ساعات الواحد وده إملح بس أخذيليج حبتين ثلاث وبس تعودي انج تستطعمين وتذوقين مو تاكلين والحليب أنا من سويت التحزيم خالي الدسم واستخدم كاندريل مو شكر عادي الشكر العادي بس مع الجاي000بالنسبة حق الفول إذا يضرج وخري عنه أكلي بداله لبنه قليلة الدسم وحطي عليها زعتر وشربي جاي (كليت هتلأكله لما اهيا ملت مني) ولي رحتي يمعتكم عشان لا يحسون فيج أخذي معاج أكلج مره هريس ومره جريش أدري طباخهم لويه عشان جذي جربي هريس وجريش جمعية السره حده عجيب ومره قولي منقثه من الريوق أبي لبنه وخبز محمص يعني من هالسوالف 00 وعلى فكره انا صارلي سنة ونص من سويتها مو 3 سنين 00 موفقه انشالله0


بنت الكويت00 0 انا استغربت على سالفة التمر لأنه بخاطري آكله بس ما عبر عليه إذا في طريقه إطوفه قوليلي عنها الله يعافيج 0



الأصيله 000 أنا سويتها عند د0 سامي امان (بالسلام)

 

[xxx]

مشاركة: اللي مسوية عملية تحزيم المعدة تتفضل

الأصيله

زين سوت التضييج وايد مهم واهوا الي يحرك الوزن
بس اهم شي لاتهمل مراجعاتها عند الدكتور


النية الصافية

تفاديا للانفجارات ممكن تبدلينه ب 2بيض أو1همبرجر اذا تقدرين عليه
وممكن مثال ماقالت هدد : 2ملعقة لبنة قليلة الدسم أو جبن


hodhod

فيه تمر ماركة نادك تلقينة بدون طعام ومهروس ناعم وايد ناسبني
اكليه وشربي معاه حليب خالي الدسم بااااارد يمشي الموضوع



بالنسبة للعملية سويتها عند موسى خورشيد سنة 2000 يعني احنا القدامى

حتى الحلقة القديمة اتوقع احنا النظام الأمريكي ،، وحد الحقن 3 سم بسسسسس أو 4سم

 

[الأصيله]

مشاركة: اللي مسوية عملية تحزيم المعدة تتفضل

هلا بنت الكويت


يعطيج العافيه حببتي


والله مو هامله مراجعه الدكتور بس قالها بعد أسبوعين راح أضيق لج الحلقه زياده يعني 2 سم بعد


وقال لها أول مرحله من ثاني أسبوع حليب خالى الدسم وتالى قال لها على راحتج إذا تبين تشربين خالى ولا كامل كلا واحد وعلى راحتج

 

[xxx]

مشاركة: اللي مسوية عملية تحزيم المعدة تتفضل

هلا الاصيلة

عسى الله يوفقها وتنزل نزله سنعة

وينها خل تشارك معانا

 

[النية الصافية]

مشاركة: اللي مسوية عملية تحزيم المعدة تتفضل

اي جذية ما شاء الله تبارك الرحمن خل يتحرك الموضوع من شهر فبراير وانا طارحه الموضوع محد يشارك الا بنت الكويت ولما مليت وفعلا لقيت اشتراكي بالموضوع
بس الحمد الله الله يجمعنا ما يفرقنا ونساعد بعض انا افضل اللبنة والزعتر علي البيض اتصدقيين حتي البيض ما اقدر علية ولا الهبرغر
تبارك الرحمن يا هدد سنة ونص ما شاء الله والله فرحتيني انا بصراحة فاقدة الامل اني اقدر انزل يعني قلت يمكن بسنة يمكن انزل 15 كيلو وبس بس انتي عطيتيني امل ويارب انزل وتنزليين ونخف من هالشحوم واللحوم انا ودي لو اوصل لي 73 وبعدين ع الراحة

 

[hodhod]

مشاركة: اللي مسوية عملية تحزيم المعدة تتفضل

النية الصافيه اشلونج حبيبتي 000 على طاري البيض انا بعد ما يطوف والهمبورغر مليون بالميه بغص فيه 000 وانشالله بتنزلين على صحه وعافيه وبتلسين كل اللي خاطرج فيه أنا امس شريتلي ثريكوارتر مقاس 12 000 لو تشوفيني تشققت وانا اقول حق اللي تشتغل 14 ويع يبيلي 12 مو مصدقه وعيزت وانا ابطل الباب أوري أختي آخر شي زفتني ترى ما صارت أخذي وخلصيني قصت ويهي 000 وعلى فكره على طاري عملية الشد انا المفروض اني اسويها بس عشان ابوي بعد قلبي تعبان تأجل الموضوع فخليني اجربها وراح أوافيكم بالأخبار

 

[النية الصافية]

مشاركة: اللي مسوية عملية تحزيم المعدة تتفضل

اللة يشفي ابوج وعافيه
عند منو ودج اتسوينها انا سمعت ان دكتور موسي خورشيد يسوي البطن بعد التحزيم حق مرضاه
ود.نيشو في انترنشينول كلينك
ود.اسمه ما ادري شنو الخلف عيادة بالديرة علي ما اعتقد
الله يسمع منج انا ملابس وسعت شوية يعني يمكن قياس واحد بس يعني جم العباية صار ينزل طويل لان الجتوف خفت والطول زاد شوية

 

[hodhod]

مشاركة: اللي مسوية عملية تحزيم المعدة تتفضل

سامي أمان طبعا وخصوصا شايفة شغلة وايد نظيف والبطن اصير حده مرتب

 

[النية الصافية]

مشاركة: اللي مسوية عملية تحزيم المعدة تتفضل

جم اتكلف العملية ويين عيادته وين يسوي العملية وابي الزنود بعد كثرت عليج بالاساله
ميخالف هو دكتور شنو اختصاصه ؟؟؟؟؟

 

[النية الصافية]

مشاركة: اللي مسوية عملية تحزيم المعدة تتفضل

بنت الكويت - هدد
انا عندي مراجعة الشهر الجاي بس ما ابي اراجع اقصد اقدر اراجع واقوله لا تضيق لانه مضيق 6 سم وما اقدر اكل بتم علي التضيق هذا لحد ما اشوف وزني ثابت او زاد اقوله يضيق اشرايج ؟؟؟؟؟

 

[hodhod]

مشاركة: اللي مسوية عملية تحزيم المعدة تتفضل

حبيبتي لا كلفتي ولا شي أخذي راحتج 000 سامي أمان نفس تخصص موسى خورسيد 000 وسعر العملية على حسب يعني في ترهل خفيف وفي وسط وفي قوي هالنوع من العمليات خصوصا شد البطن لهم اربع طرق وكل طريقة يدشون وقت العمليه حق طبقه معينة من العمق بالجلد أنا قالي بشويها 2000 انا زايده 200 احتياطا ورفيجتي سوتها 1750 وفي وحده بس 1000 بس هاذي اتقول سويتله نظام شحاته عشان انزلي000 بالنسبة للزنود عندنا وعنج خيييييييييييييييير بس والله يا النية ما انصحج فيها اول شي منطقه جدا خطره والدكتور ابنفسه قالي ما راح اسمحلج اتسوينها وانا سألت كذا دكتور واخرتها اللي بالمواساة الفرنسي قالي اسويها بس الآثار كلش بشعه ومن فوق الكوع لي تحت الأياط وانتي على راحتج​