كل وحده مسويه تحزيم معده تشاركني

[hodhod]

مشاركة: اللي مسوية عملية تحزيم المعدة تتفضل

على فكره النية الصافية 000000 الله يخليج حاولي بهالفتره تلبسين كورسيه من الصبح ما تقطينه الا قبل النوم عشان جيمج يسد (ماركس سبنسر أنصحج فيه) انا اليوم شريتلي اثنين <==== تووووو الناس (أصحى يا نايم)
ثاني شغله لا تروحين حق الدكتور الا اذا حسيتي ان الأكل يطوف سهالات طبعا ما أصد العيش والخبز هذوووول انسيهم خبري فيهم قبل العملية أنا اقولج شنو تاكلين (حمص +آش (ترى وايد زين بحالتنا مغذي)+ هريس وجرش بس لا تكثرين يتفخون شي مو طبيعي + سيريلالالالالاك وخري عنه + شوربات بجميع أنواعها ممتازه

 

[الأصيله]

مشاركة: اللي مسوية عملية تحزيم المعدة تتفضل

هود هود

صح والله معاج حق ،،، الدكتور باسل قال لها الأش مفيد والهريس والجريش وقال لها أشربي الشووربه


واذا بغت تاكل لازم تتأكد أن اللقمه انمضغت بالكامل وما فيها أجزااء كبيره وقال لها لا تاكلين جدام التلفزيون لان بتطالعين وما تدرين عن عمرج وبتاكلين اشايااء كبيره

واهي يا قلبي الحين تمشي ساعه باليوم

 

[النية الصافية]

مشاركة: اللي مسوية عملية تحزيم المعدة تتفضل

هود
تسلم لي عيونج
انا بصراحه مترهل بطني من اول واللي ترهل الحيين الزنود وخطوط بالزنود والبطن وقاعدة امشي ساعة باليوم عشان الجسم يشد مع الضعف
ما شاء الله نزلتي 32 كيلو بخلال سنة ونص ؟؟؟
نزولج كان بطئ والا سريع وما احتجتي حق دكتور تغذيه والشعر والوجه ما تاثر ؟؟؟؟
الاصيلة
مشكورة ع الدعاء والله يكثر من امثالج
انا مسوية عمليتي عند خورشيد وقالي اذا تاكليين كاكاو وحلويات ما ينفعلج التحزيم وسوي التحوير قلت لا التزم بالنسبة للحلويات بس مابي التحوير وسويت عنده التحزيم من 4 شهور والحين نازلة بس 7 كيلوات ونزولي وايد بطئ مرات اقول احسن عشان الجسم ما يترهل وايد

 

[hodhod]

مشاركة: اللي مسوية عملية تحزيم المعدة تتفضل

الأصيله حبيتي وصي عمتج اللحين اهيا وزنها 100 عدل ؟ 000 عقب لما تنزل يعني تكون 90 ختبلش كل يوم تمسكلها بطلين ماي كبار متروسين وتشيلهم مثل الحديد هذا ممتاز للزند وبنفس الوقت ما يطلع عضل بس يشد <====تحسن وحده متعقده من زندهااا

وباجر لي راحتله لما يضيجلها الخلقه لا تطلع إلا عقب ما تجرب تشرب يقمة ماي وتشوف إذا اطوووف ولا لأ ترى مره توهقت ضيجلي الحلقه وجني مصروعه الحمدلله والشكر طلعت على ما رديت البيت إلا حتى ريجي ما يطوووف توهقت لي ثاني يوووم هذاك اليوم اسمه يوم غضب الله علي

وخليهااا ادير بالها من أي دوا حبوووب وكبسولات لا يحوشك بهالفتره ، كله بس أدوية سوائل مالوت اليهال


وعلى قولتهم

الله ولي التوفيق<=======شكووووووووو​

 

[النية الصافية]

مشاركة: اللي مسوية عملية تحزيم المعدة تتفضل

هود
تسلم لي عيونج
انا بصراحه مترهل بطني من اول واللي ترهل الحيين الزنود وخطوط بالزنود والبطن وقاعدة امشي ساعة باليوم عشان الجسم يشد مع الضعف
ما شاء الله نزلتي 32 كيلو بخلال سنة ونص ؟؟؟
نزولج كان بطئ والا سريع وما احتجتي حق دكتور تغذيه والشعر والوجه ما تاثر ؟؟؟؟
الاصيلة
مشكورة ع الدعاء والله يكثر من امثالج
انا مسوية عمليتي عند خورشيد وقالي اذا تاكليين كاكاو وحلويات ما ينفعلج التحزيم وسوي التحوير قلت لا التزم بالنسبة للحلويات بس مابي التحوير وسويت عنده التحزيم من 4 شهور والحين نازلة بس 7 كيلوات ونزولي وايد بطئ مرات اقول احسن عشان الجسم ما يترهل وايد

 

[الأصيله]

مشاركة: اللي مسوية عملية تحزيم المعدة تتفضل

صح خوشيد قالها إذا بتاكلين كاكاوو ما ينفع راح يذوب الكاكاو ويدخل المعده وبجذيه ما سوينا شي

بس والله باسل السميط قالها كل شي تبينه اكلى بس بحدود المعقوووووول واهى ماشيه للحين أوكيه الحمد لله


بقولها والله قبل لا تطلع من العياده تتأكد وتشرب ماي

 

[سعادتي برضى ربي]

مشاركة: اللي مسوية عملية تحزيم المعدة تتفضل

انا وحده من اهلي مسويتها وشفت فعلا النتايج مشالله مشالله صاارت وحده ثاانيه

وعلى مااعتقد اسم دكتورها سامي الربيعه اذا ماخاب ظني
وحيل تمدح الدكتور وانه ثقه

بس شوفي اللي تسوي العميه وخاصة اذا كنتي مضيقتها انه ماتاكلين ورا بعض واهم شي اكل لين
انا اللي اعرفها تفضل الاشياء الساخنه تقول اسهل للشرب وايد تشرب شوربات

ووايد اشوفها لما تااكل شي وانتي بكرامه ترجع وايد عشان الاكل ماوصل فيرجع وانتبهي لهذي النقطه

ولا تشربين الغازات مو زينه

 

[أم_عواشي]

مشاركة: اللي مسوية عملية تحزيم المعدة تتفضل

لا شكله اخرع !!

سامي الربيعه مو دكتور عيون ؟؟

 

[hodhod]

مشاركة: اللي مسوية عملية تحزيم المعدة تتفضل

النية الصافية رياضه ومشي بتصيرين روعه مو بس مشي ، ونزولي كان مره سريع ومره بطيئ ومرات كنت أسمنلي جم كيلو وعقبها شخلني بذيج الزفه بس عاد عقبها حشمت نفسي ، وبالنسبه حق دكتور أغذية لأ ما شفت احد ، وشعري وايد أطيح لأنه الوحده تفقد كمية فيتامينات ومعادن وايده ، ويهي انصفق بس انا أشوف أحسن ختبين أشباهي ، وأبشرج الحمدلله رب العالمين تعرفت على العظمتين مالوت الرقبه أول مره بحياتي أشوفهم كل ساع أطل بالمنظره <==== مو مصدقه

قبل كنت ألبس سايز 22 ألحين 14 (ونااااااسه) وبخاطري 10 والحمدلله رب العالمين

 

[الوجدان]

مشاركة: اللي مسوية عملية تحزيم المعدة تتفضل

السلام عليكم

انا ان شاء الله راح اسوي منظار بركب بالون في المعده هاي تركب بمنظار عن طريق الفم ببنج موضعي بدون عمليه ولاشق ويتركب لمدة 6 اشهر بس.. بس ان شاء الله تنجح واضعف وايد

ادعولي يابنات ان اضعف بسرعه خلال هل فتره.. ومنكم نستفيد يابنات انصحوني حتى استفيد من تجربتكم خلال فتره واضعف بسرعه

 

[الأصيله]

مشاركة: اللي مسوية عملية تحزيم المعدة تتفضل

الله يوفقج حببتي الوجدان

ويارب يصير جسمج مثل المنكان يارب

 

[سعادتي برضى ربي]

مشاركة: اللي مسوية عملية تحزيم المعدة تتفضل

ههههههههههههههههههههه ترى ماادري انا مو متأكده من اسمه بالضبط حدي مضيعه

 

[النية الصافية]

مشاركة: اللي مسوية عملية تحزيم المعدة تتفضل

هود هود
الله يعطيج اللي التمنين ان شاءالله وتنزليين 10 بعد علي صحة وعافية
رياضة يعني اشترك بنادي وانا ما عندي وقت للنادي يالله امشي
ان شاء الله لما تنزلين اللي تبين تفكرين اتشيلين الحلقة والا تخلينها طول العمر (طول العمر لج)
انا ضايق خلقي نزولي بطئ وايد انزل كل شهر 2 كيلو
شنو نظام اكلج عطيني مثال اسبوع واطبقه يمكن انزل جزاج الله خير
الوجدان
يارب تزلين وتضعفين علي صحة بس البالون ما ينزل الا جم كيلو مو وايد سمعت دكتور الشرف يقول في برنامج ما وراء الابواب علي الراي

 

[xxx]

مشاركة: اللي مسوية عملية تحزيم المعدة تتفضل

الأصيلة

الله يوفق عمتج وتوصل للوزن المثالي
يمكن ليش اهيا تحب الحلويات نصحها الدكتور موسى بالتحويل
انا لما رحتله اول سؤال قالي اذا تحبين الحلو لاتسوين تحزيم


hodhod

مبروك الوزن الجديد والمقاس الجديد
بس ماقلتي جم كان وزنج وجم وزصلتي ؟؟


النية الصافية

شنو نظامج باليوم شتاكلين ؟؟
وماسألتي الدكتور ليش نزولج بطئ؟



الوجدان

عسى الله يوفقج

 

[hodhod]

مشاركة: اللي مسوية عملية تحزيم المعدة تتفضل

الوجدان===> اشمعنى بالون ؟؟؟؟ نسبة نجاها وايد بسيطه ولها سايد إفكت ممممممممممممممم اذا مصره اقولج بس شغله مو حلوه

النية الصافية===> الله يسمع منج وأنزل عشره بعد ، وبالنسبة للنظام الغذائي ماكو شي محدد مثلا انا أقولج بس لا طبقين في شغلات ماراح أتعبرين عليها ألحين لأنج توج ، أول ما أقوم بس أشرب حليب واذا يعت آكل بسكوت ثنتين ثلاث اشبعوني ومتى ما يعت أكل الموجود مثلا شوربة أو خبز محمص مع جبن وجاي ، كيه باللبن لأنها لينه ، فول ، Mash potato ، لبنه وشابوره ، لازانيا لأنه فيها بشاميل وتكون لينه 00000 يعني هالشغلات وبالنسبة حق نزولج 2 كيلو بالشهر ما أدري شقولج أنا شهر أقط 4 وشهر ولا كيلو وشهر 3 كيلو يعني ماكو شي ثابت بس على فكره أنا من أحس إنه وزني ثابت وقمت أخوره أصك حلجي صكه معتبره وأعيش على فتافيت الأكل بسس، انتي الحين أكلي اللي عطيتج أياه ذيك المره بس كمسات قليله بسسسسسسس ديري بالج هالفتره راح تييج دوخه قويه وتظلم الدنيا بعيونج جنج بتغشين حطيلج بالجنطه على طووووووووول ككاوه صغيره وعلبة لبن بس تييلج على طول ككاوه وعقبها لبن عشان اسوي بلنس عندج ، وبالنسبه إذا بخليها أنا ودي والله بس لما أفكر بالسالفه وخصوصا الأدوية أحس أنه الحلقة ما تصلح اتكون موجوده طول العمر يعني أخذي عندج الأدوية وخصوصا الحبوب والكبسولات ما أطوف قولي الحبوب أطحن بضروسي بس يحرقون معدتي الكبسول خذيت مره وبقيت أموت + الحرمان من وايد أشياء ،اتصدقين ما قمت أحب أنعزم على أي وجبه والسبب الناس ياكلون ويقومون ويغسلون وأنا لليلحين بثاني لقمة شي يبط الجبد الخلالالالالالالالاصة بصراحه ما أدري أشيل ولا لأ


بنت الكويت===> الله يبارك فيج مشكوره حبيبتي ، وأنا كنت 106 والحين 74 أدري مش رشيقة بس بالنسه حق قبل سمبتيكه000 ولا اشرايج

 

[الأصيله]

مشاركة: اللي مسوية عملية تحزيم المعدة تتفضل

هلا وغلا بنوتات


الله يوفقكم جميعا ويضعفكم ويقلل من سئياتكم مع وزنكم يارب

 

[xxx]

مشاركة: اللي مسوية عملية تحزيم المعدة تتفضل

hodhod

تستاهلين كل خيرررررررر

 

[كويتية أمورة]

مشاركة: اللي مسوية عملية تحزيم المعدة تتفضل

واي شوقتوني بنات على التحزيم بس انا خوافه
اخاف من الاعراض الجانبية
هدهد شسالفة البالون؟؟؟؟؟

النية الصافية اخاف اكلج فيه سعرات وايد عشان جذي ماضعفتي!!!

 

[النية الصافية]

مشاركة: اللي مسوية عملية تحزيم المعدة تتفضل

hodhod
مشكورة وفي ميزان حسناتج
انا هالايام الصبح اذا جابلت الكمبيوتر بالدوام احس بهبوط ودوخه وودي امشي بس احس كسلانه وما فيني حيل وكله احس اني بنام ليش ما ادري بس انا اقاوم عشان الصلاة اقوم وعشان البيت واليهال
تقريبا انا كلي نفس اكلج بس يمكن انا اكل وايد بسكوت الصبح والمغرب وبالليل لانه هو اللي ينبلع وما اقص فيه اقول احسن من الكاكاو يعني بسكوت 3 حبات ايوريو وبسكوت بالعسل وبسكوت بالفانيليا والليمون يعني جذية انتي جم سم مضيقة اللي ما تقدرين تبلعيين الحبوب؟؟؟؟
انا بعد اذا صار يوم الزوارة يضيق خلقي اخاف يطيحون علي وخصوصا امي مو راضية اسوي العملية لانه رفيجتها تاذت منها بس رفيجتها مسويتها فاتحين بطنها كله قبل المناظير بس انا ساكته والمطعم اذا عزمني احد او مرينا لالالالالالا مابي رجيم شبعانه وانا بموت من اليوع ومشتهية اكل اخاف اقص وارجع ما تسوي علي
حتي بالدوام اخاف اكل وارجع والمشكلة الحمام بعيد الا انا مرجعه خالصة والله مشكلة وكل هذا وما انزل الا كيلويين كل شهر
ما شاء الله نزلتي 32كيلو بثلاث سنين بالسنة الاولي جم نزلتي ؟؟؟؟؟؟


بنت الكويت
سالت الدكتور نزولي بطئ يقول لالالالالالالالالالا ممتاز بس اكيد انتي تاكلين كاكاو اقوله اي مرة اومرتيين بس بالاسبوع وع الحظ كل ما اروح الموعد يا علي الدورة او وقتها شوفي الله يسلمج اول اسبوع من العملية نزلت 5 كيلوات وبعدين رديتهم والحين مضيقه 6 سم كان وزني قبل العملية 94 واليوم 86.8 شرايكم بنت الكويت وhodhod زين والا بطئ؟؟؟؟؟؟؟
نظامي بالاكل كالتالي:
الصبح :
حليب او شاي او مع بعض وبسكوت
الضحي نفس الشئ
الغداء شوربة خضروات+كنوز او ملوخية اوشوربة لحم او دجاج او شوربة يريش او شوربة خضروات مع معكرونة
المغرب بسكوت 4 مع شاي او طاسة حب او ساعات 2صبع كاكاو اوبفك السفينه
العشاء
لبنه مع زعتر او جبن ابيض فرنسي مع زعتر او كيوي واناناس وساعات من الترجيع ما اقدر اكل انام بدون شئ
واخربط احينا بالليل وخصوصا وقت الدورة كاكاو 2-3 وكنت امشي بس صار لي 3 اسابيع ما مشيت من وقت الامتحانات الاخيرة لحد اليوم.
الاصيلة مشكورة ع الدعوة
اللهم امين تخف سيئاتنا مع وزنا يا كريم

 

[xxx]

مشاركة: اللي مسوية عملية تحزيم المعدة تتفضل

هلا النية الصافية

بالنسبة للتحزيم نزولج بطئئئئئ

يعني المفروض تقطين من 5-10 كيلو وقت السوائل الي بعد العملية

جم استمريتي على السوائل؟


أكلج أوكي بس فيه أغلاط صغيرة ::

البسكوت استخدمي بسكوت دايجسف لايت أو بيتي بور لان سعراتهم أقل من الاوريو والانواع الثانية

الكاكاو والبفك قطعيه مره وحده / لاتقولين ماقدر لان من شروط نجاح العملية انج ماتاكلين حلويات

لاتنسين المشي لمدة نص ساعه باليوم

واذا تحبين الأعشاب جربي هالخلطة روعه :- مرمية + زعتر + شاي أخضر

حاولي تستخدمين سكر رجيم :- سكر ذرة أو سويت ان لوو


واذا عندج أي سؤال انا بالخدمه