كل وحده مسويه تحزيم معده تشاركني

[اسبانيه]

اب
بنات انا مسويتها من شهر 3 ب2009 !! نزلت تقريبا 20 كيلو بعدين وقف مره وحدة والحين حده ضايق خلقي مادري شسوي يصيير اشيلها واسوي تحويل مسار بنفس الوقت ؟؟ انا حدي خايفه اسويها !! لان اكيد بتصير مضاعفات وهالايام حاسة بتعب فضيع هالجم يوم

واقول لكم الصراحه انا اول جم شهر ملتزمة حيل بتعليمات الدكتور وشحلاتي وكنت مستانسه اني قاعده اضعف بسرعه بعدين فتحت بقالة صغيره بغرفتي ( ثلاجتي الصغيره ) وصرت اخربط بشكل غريب !!! كل ممنوع مرغوب على قولتهم ! ككاو وعصاير وباستا ووبيتزا!!! الشي الوحيد اللي الحمدلله قدرت اقطعه اهو البيبسي والسفن لان اخو رفيجتي تقول بغى يموت مرة منه !

ادعوووولي الله يخليكم اضعف وانا بصحة وعافيه وارتاح من هالهم

 

[ام عفاف الكويت]

بنات الوزن 83 وحده لو نزل وصل 80 والطول 155
يصلح لي مع العلم جربت ريجيم 4 اشهر مانزلت الى 74 وبس ورديت الصاع صاعين

 

[اسبانيه]

لا ماعتقد حبيبتي


وزنج لازم يكون فوق ال100... انا كان وزني 92 ولما رحت حق الدكتور مارضى يسويها لي لووووووووووووووول من حرتي قعدت
آكل وآكل وآكل لين وصلت 97 !!! ورحت له قلت له دكتور انا وزني زاد وباقيلي بس 3 كيلو واصير 100 تبيني ازيدهم بعد ماعندي مانع لووووول جان يقول ايه اللي انتي عملتيه ده لوووووول والحمدلله سوالي اياها

 

[ام عفاف الكويت]

يعني مايصير بس انا مو جذي
انا زايده فوق المعدل لو تلاحظين لاني قصيرة
لازم اكون 50 او 55
وشوفي الحين واصله 83
واي تعبت

 

[اسبانيه]

انا فاهمه عليج حبيبتي بس الشي راجع للدكتور اذا يرضى يسويها والا لا لان هذي مخصصه حق الاوزان الثقيله وفوق ال100 بس

 

[الفراوله1]

رد : كل وحده مسويه تحزيم معده تشاركني

انه وزني 93 وطولي 160 واحب الحلويااااااااااات شسوي

 

[الفراوله1]

رد : كل وحده مسويه تحزيم معده تشاركني

اريد حلالالالالالالالالالالالالالالالالالالالالالالالالا وزوجي مايرضى اسوي اي عمليه

 

[اسبانيه]

ماينلام والله خايف عليج

بدال لا تقطين هالجم الف على العمليه اشتركي بنادي وبشركة من شركات وجبات الدايت او اخذي جهاز مشي اذا كنت ماتقدرين تروحين النادي

نصيحة لاتسوين شي وانتي متردده منه ..انا الحين بديت اتعب نفسيا وجسديا منها وتحسفت اني سويتها ...والحلويات ممنوعه منعا باتا

طول ما انتي حاطتها بس انا عمك اصمخ!! جم شهر التزمت بعدين قمت اكل كل انواع الحلويات والحين هالشي اثر سلبا علي ومو عارفه

شسوي مابي اشيلها لاني ماكملت سنتين من حطيتها وهم العمليه تكلف وايد اذا بشيلها

 

[عيون عبدالرحمن]

بنات انا من سويتها من 5 شهور صايره اخاف انسدح على بطني انحرمت من الراحه بنوم مادري احس اذا انسدحت على بطني بتنفك الحلقه صج او مجرد وسواس؟؟

وعن الترجيع لو رجعت ما ارجع قد الكمية الي اكلتها يمكن الربع بس انتو مثلي؟

او وزني بطيء حييييييييييل والي يقهر خواتي ينتقدوني يقلون لي ليش مسويه روحي افتحيها مامنج فايده وربي اتضايق انقهر بس شاسوي والله مو بيدي ماينزل ساعدوني تكفوووون محتاجه اشرح وضعي حق وحده حاسه فيني لانه الي بلبيت جالسين ويلموني بس

 

[اسبانيه]

اب اب اب

 

[اسبانيه]

وارجع اقول


اب اب اب

 

[.. رفيع الشآن ..]

رد : كل وحده مسويه تحزيم معده تشاركني

السلام عليكم

بنات انا متحزمه من سنتين تقريبا بس نزولي بطيئ ويأست حدي ووالحين طايحتله ريجيم ومشي بالبيت وقاعد ينزل وزني شوي شوي

ومفكره اسوي تحويل مسار قايلي دكتور تعالي شهر 4 بس خوفي لمن اسوي تحويل مااينزل وزني ! لاني تعقدت من التحزيم

ياريت احد يساعدني بسوي تحويل مسار وسمعت ان لمن اشيل الحلقه نزولي راح يكون بطيئ صح ؟ غير عن اللي اول مره تسوي العمليه

ساعدوني تكفون

 

[اسبانيه]

انا بالظبط قاعده افكر جذي بس خايفه اجازف

 

[توته المنحوسه]

بنات انا كان وزني 76 طولي 154وسويت العمليه بدار الشفا والله مافادتني ولا شي بس ترجيع وعذاب وانحرم من الاكل عمليه اتحزيم فاشله حييل
بس في بنات انا شفتهم مسوين تكميم وتحزيم ماشاء الله ضعفو حييل لا تلعبون بنفسكم مثل مالعبت وتحسفت يا بنات والله نصيحه اخت

 

[تختووخه]

السلام عليكم

بنات آنا سويت تحزيم بتاريخ ٢٨/١٠/٢٠١٠

كان وزني ٨٤ وطولي ١٥٧

بدار الشفا عند الدكتور هيثم الخياط

واليوم صارلي أسبوعين من العمليه ضعفت ٦ كيلووو

 

[تختووخه]

السلام عليكم

بنات آنا سويت تحزيم بتاريخ ٢٨/١٠/٢٠١٠

كان وزني ٨٤ وطولي ١٥٧

بدار الشفا عند الدكتور هيثم الخياط

واليوم صارلي أسبوعين من العمليه ضعفت ٦ كيلووو

 

[تختووخه]

اب اب اب

 

[اسبانيه]

اب اب

انا اول ما سويتها ضعفت حيل بس اكيد من السوائل! لان ممنوع نشرب سوائل وماناكل شي

وحدة من صديقاتي مسوية تكميم تقول ممتازة وحلوة واهي ماشالله شفتها صارت ربع جسمها ماشاءالله بس تقول فيها شي واحد سلبي حيل

ان يسبب تساقط قوي للشعر !! ضاق خلقي يوم قالت شي

 

[U.A.E GirL]

للرفع بليزز خبرووني شو صار معاكم

لاني خفت من التكميم واحتمال كبير اسوي ربط

ابا اعرف

تاريخ العمليه
مجموع النزول
شو الايجابيات
و شو السلبيات
وهل ندمتي انج سويتي العمليه !

 

[غروب@@@]

مرحباً حبيباتي. ومنكم نستفيد أنا ودي اسوي عملية تحزيم المعده ورحت لدكتور وأخذ طولي ووزني وصدمني برده البارد علي قال مايصير ليش يادكتور ولا يقولي ماعندج سمنه بيني وبين نفسي اقول هذا ماشاف صدري ولا شاف بطني بالطبيعه وكل شي سويته كليت حبوب رجيم بس ماستفدت ودي اسويها عند دكتور مايسال عن الطول ولا الوزن مع العلم في ناس سوالهم لانهم فيهم سكر فيدوني. اي مستشفي يسوينها من غير ليحسبون كتلة الجسم *