كل وحده مسويه تحزيم معده تشاركني

[ظلال القرآن]

مشاركة: اللي مسوية عملية تحزيم المعدة تتفضل

انا بو تمبه بس ما افكر بالتحزيم نهائي

لأن اثارها الجانبيه مالها حدود

حماي دكتور جراحه كبير ومعروف وما يسوي هالعمليه لأن يقول الأمانه الطبيه فوق كل اعتبار

ويقولون هالعمليات موقفينها برا

 

[farawlaq8]

مشاركة: اللي مسوية عملية تحزيم المعدة تتفضل

انا ودي لو اسوي بس اخاف من الابرة

 

[النية الصافية]

مشاركة: اللي مسوية عملية تحزيم المعدة تتفضل

بنت الكويت
اشلونج انا الحمد الله بخير والرجيم اها واها بس ان شاء الله خير والمشي ساعة باليوم 4 ايام بالاسبوع
وشاركت بالمسابقة وان شاء الله التزم بالتخفيف والمشي
ظلال القرآن
خوفتييني انا اللي اعرفه ان برا يسووونها وما وقفوها وانا اللحين لي شهرين ونص الحمد الله ما اشكي من شي ونزل وزني 5 كيلوات يريت اتوضحين لي شنو مخاطرها عشان اعرف ؟؟؟؟

 

[xxx]

مشاركة: اللي مسوية عملية تحزيم المعدة تتفضل

ظلال القران

بالعكس العمليه وايد ناجحه

واكبر الجراحين يسوونها واولهم وزير الصحه الجار الله

وبره هابين بعملية تحويل الامعاء الي اخطر من التحزيم

 

[anaar]

مشاركة: اللي مسوية عملية تحزيم المعدة تتفضل

,واللله انا ناوييه انشالله اسويها لانه حايشتني كابه من بعد الولاده وكارهه جسمي حيل لدرجه اني مااطلع من البيت واستحي من ريلي والرجيم ماني قادره عليه ... وحماتي صارلها الحين 3 سنين مسويتها ماشالله عليها مافيها شي الحمدلله العمليه سهله ودكتور موسى خورشيد ممتاز

 

[النية الصافية]

مشاركة: اللي مسوية عملية تحزيم المعدة تتفضل

,واللله انا ناوييه انشالله اسويها لانه حايشتني كابه من بعد الولاده وكارهه جسمي حيل لدرجه اني مااطلع من البيت واستحي من ريلي والرجيم ماني قادره عليه ... وحماتي صارلها الحين 3 سنين مسويتها ماشالله عليها مافيها شي الحمدلله العمليه سهله ودكتور موسى خورشيد ممتاز

ماشاء الله انا مسويتها صار لي شهريين ونص ما نزلت الا 5 كيلوات
حماتج جم انزلت ؟؟؟؟
و3سنوات ما شالتها
وشنو رايها بدكتور موسي خورشييد انا بعد مسوية العملية عنده ؟؟؟؟

 

[النية الصافية]

مشاركة: اللي مسوية عملية تحزيم المعدة تتفضل

الحمد الله نزلت كيلو بنات
باركو ليييييييييييييييييييييييييييييييييييييييييييييييي
الوزن ينزل بطئ بس الحمد الله تحرك ونزل
اشدعوه مافي مشاركة كلش
انزين اللي سامعه عن احد نزل بالعملية او تعرف احد مجرب العملية تدخل تقولنا تنفعنا جزاكم الله خير

 

[xxx]

مشاركة: اللي مسوية عملية تحزيم المعدة تتفضل

مبرووووووووووووووووك تستاهلين كل خيرررررررررررررر

وحده معاي بالدوام مسويتها من 4 سنين تقريبااا

صارت رشيقه ماشاءالله

وللحين ماشالتها

 

[النية الصافية]

مشاركة: اللي مسوية عملية تحزيم المعدة تتفضل

سؤال بنات
جم سم نقدر نضيق المعدة؟؟؟
وصلت التضييق الثالث الي 6 سم وما نزلت الا 6 كيلو بثلاث شهور والله ضاق خلقي واخاف ما تييب الحلقة فايدة والترجيع ذابحني ما ني عارف اشاكل وان كليت يبي مضغ 15 الي 30 مرة وما اقدر ابي ابلع ماكو شئ ينوكل وينمضغ شويه وينبلع بدون ترجيع انا فكرت بالسيريلاك اشرايك افيدوني يامتحزمات ختي لو علي الخاص يارب

 

[النية الصافية]

مشاركة: اللي مسوية عملية تحزيم المعدة تتفضل

ها
ما كو فايده
بس مليت
محد يعطي ويه

 

[النية الصافية]

مشاركة: اللي مسوية عملية تحزيم المعدة تتفضل

يريت يتم الغاء الموضوع يابنت الكويت محد يشارك ول شي وانا بلغي اشتراكي فيه
وشكرا من تجاوب وشارك وقدم النصيحة وجزاكم الله خير
مالي حظ بالهالمنتدي
مع السلامة

 

[nono78]

مشاركة: اللي مسوية عملية تحزيم المعدة تتفضل

ليش هالأحباط ليش يصكرون الموضوع

بس انا قاعده اقره

واخر شي كسرتي خاطري والله


بنات ردوواااا عليها اشدعوه كلكم الحين صرتوا رشيقات >>>>>>>>>>>>>>> لا تطقوووون اي اي اي


والله انا اعرف جريم مسوينها من صوب اهل امي

بس مو تحزيم معده اسمها تحويل ؟؟؟

والله ضعفانيني وجسمهم تغير

وانا في وحده مو شايفتها بس يقولون صارت اضعف مني !!!!!!!!!!!!!!!! بعد ماكانت دبههههههههه

وبس سلامتج يا طويله العمر ولايضيق خلقج

والي اعرفه قلتلج ياه

وادري انيي ما افدتج وايد بس عشان لا تزعلين علينا

 

[النية الصافية]

مشاركة: اللي مسوية عملية تحزيم المعدة تتفضل

يا بعد عمري والله مشكورة وما قصرتي عسي الله يكثر من امثالج
الله يسم منج واكون رشيقة يارب
وصلنا لي العمليات من كثر ما ملييت من كل شي جربته انزل وارد مرة ثانية الدبل

 

[nono78]

مشاركة: اللي مسوية عملية تحزيم المعدة تتفضل

تعرفين برنامج وراء الأبواب

اعتقد باجر بيحطون عن تحزيم النعده

 

[النية الصافية]

مشاركة: اللي مسوية عملية تحزيم المعدة تتفضل

اي صح باجر الساعة 9:30 ان شاء ينفعني يارب

 

[hodhod]

مشاركة: اللي مسوية عملية تحزيم المعدة تتفضل

بعد قلبي أنا قبل جم يوم قريت موضوعج بس السالفه يبيلها طواله وشرح وقلت أرد عليج بعدين 000 توني ادش وانصدمت انج متحبطه أي عاد ليش تتحبطين كافي الحلقة اللي كاتمه أنفاسج (أعرف شعورها والله حاسه فيج)0000 سمعي يا طويلت العمر أنا متحزمه وقمت أرقص على الحبة ونص 0000 سويت التحزيم بتاريخ 2004 عند سامي أمان أهوا صج غالي حبتين عن الباجي بس بعد تدقيق وتمحيص عرفت انه فنان فيها والحمدلله ربي ما خيب ظني


أولا: إذا زعلتي لا تاكلين أبدا 0000 ليششششششششششششش ؟؟؟؟ أنا أقولج 0000 سبحان الله الحلقة اتسكر على ضيقة الخلق وما تسوى عليج القصه 0000 وما أدراك ما القصه (يعني اللقمة لما تنشب براس المعده ويكون ودج تكفخين اللي يسولف معاج لأكبر ما عندج) واااااااااااي جنه روحي بتطلع حزتها00 اسمله على السامعين

ثانيا: جبن قلاصات انسيه بالمره ترى قاتولي، ولا تشربي شي بارد قبل الأكل ترى اتصك صكه ما بعدها صكه000 تعودي قبل أي وجبه بربع ساعه قلاص جاي عشان ترخى اشوي ولا تأذيج
اللي أنا مستغربته منج انه نزولجججج وايد بطئ (هااااااا ليكون في تزرق مني مناك )

،شي ثاني ما ودي احبطج بس بقولج عليه موسى خورشيد والنعم فيه بس بنوعية هالعمليات وايد ناس ما وصلو حق نتيجه ليش ما أدري 000هذه مو يايبته من عندي بس ولد عم رفيجتي سواها عنده وبقدرة قادر صار أمتن من قبل 000بعد ما ادري مابي أظلم الدكتور احتمال ماكو متابعه من لصبي نفسه اللي امسويها

بنصحج نصيحه لوجه الله تعاله ومابي منج إلا انج تدعين بالشفا حق أبوي000 أختي أنا ما كان عندي من ينصحني عشان جذي بقولج ترى كلش ماكو فايده إذا ما جابلتي رياضتج عشان لا يصير ترهل وتحسفين وتعضين أصابعج ندم أنا مثلا الحين اطلعتلي سالفة شد الجسم هذي بس بروحها سالفه ثانية

طولت عليج 000 ما ادري فدتج ولا لأ وإذا بخاطرج أي سؤال أنا بالخدمه

ومابي منج إلا دعاء للوالد​

 

[النية الصافية]

مشاركة: اللي مسوية عملية تحزيم المعدة تتفضل

اللهم يا كريم يا شافي يا معافي اشفي امي وابوي واشفي ابو هود هود وعافية يا ارحم الراحمين
ومشكورة ع الافادة
انا صار لي 4 اشهر الحيين نازلة 7 كيلوات بس وما اقدر اكل شي وايد ولا عيش ولا الخبز وارجع اذا ما مضقت عدل
انا رحت عند دكتور موسي خورشيد شفت وحده ما شاء الله مراه كبيرة يعني فيها 40 45 نازلة بثلاث شهور 17 كيلوا من جذية رحت له
انا ما العب رياضة بس امشي
انتي شلتي الحلقة والا موجوده
وجم نزلتي والفترة جم
وشنو ملاحظاتج او توصياتج بالنسبة للحلقة
اتحبيين اتجاوبني بالعام او الخاص كيفج

 

[النية الصافية]

مشاركة: اللي مسوية عملية تحزيم المعدة تتفضل

هود هود ما رديتي علي انا ناطرتج دامج موجوده ردي علي وكتبتلج رسالة ع الخاص

 

[hodhod]

مشاركة: اللي مسوية عملية تحزيم المعدة تتفضل

حبيتي ما قصرتي على هالدعوه الحلوه عسى ربي يتقبلها (اللهم آآمين)

نرجع لموضوعنا ، أنا لليلحين موجوده حلقتي ولا ناوية أشيلها (ياختي تعقدت من السمن)، وبالنسبة للوزن نزلت 32 كيلوا ، بس أأأأأأأأأأأأأخخخ اللي ما يطيع يضيع الله لا يراويج الترهل والتخطط هذا الشي اللي بصراحه إقث وحارني يعني فجيت على روحي باب يديد إسمه شد وشفط وتوابعه (والساعه بخمسه جنيه والحسابه بتحسب) طبعا هالأشياء عشان أظبطهم يبيلي أصير بنت خاشقجي كل عمليه مبلغ وقدره (زنود، صدر،بطن) ، انشالله ما تغلطين غلطتي وتتنبهين حق هالسالفه 0
أي شي ثاني عيوني لج

 

[الأصيله]

مشاركة: اللي مسوية عملية تحزيم المعدة تتفضل

مرحبا بنات


انا عمتى سوت تحزيم معده من شهر بس عند الدكتور باسل السميط بصراحه ما شااء الله عليه شاطر حيل

بس قبل راحت حق الدكتور موسى خورشيد وقال لها لازم لازم نسوي لج تحويل معده وبعدين اهي وزنها ما يحتاج تحويل يعني وزنها كان بحدود 110 والحمد لله ألحين نزلت 10 كيلووو

وباجر عندها موعد تضيق الحزام 2 سم


والله يحميها من الشر ويحمي كل اللى مسوينها يارب