قوليلي ليش ماتضعفين شنو المشكله اللي عندج

[passion.666]

الله يعطيج العافيه مافكرت بهالفكره كلش!! اني اغير الرجيم .. راح اخذ بفكرتج وبغيره من الاسبوع الياي وياااارب احقق اللي ابيه ياااارب والله يزاج خير

يالله يا حلوه شدي حيلج يافراوله
وعلى فكره الفراوله سعراتها الحراريه صفر كثري منها
وموفقه​

 

[passion.666]

رد: رد : قوليلي ليش ماتضعفين شنو المشكله اللي عندج

ابي اشكرج على هالموضوع لاني كل ماحسيت ان الاراده خفت ادش اقرا نصايحج وكلامج


بجد وايد افادني

جزاج الله كل خير حبيبتي والله يرزقج بالولد الصالح ويسخرلج زوجج وكل البشر

لانج انسانه صالحه ونافعه لبنات جنسج


الله يحقق كل امنياتج حبيبتي

حياج الله ويارب تضعفين على صحه وعافيه
وانت ممتازه وعفيه عليج كل ما حسيتي ان الأراده اضعفت دخلى مواضيعي وتشجعي
والله ويوفقج​

 

[diamonda]

مشكلتي كل ما اتييني اراده اسبوع اسبوعين وما اكمللان الوزن اللي انزله قليل حيل حيل وزني من النوع صعب نزوله ولي نزلت شي لا يذكر فا انحبط ساعتها وما اكمل
ثانيا القعده ثم القعده والكسل
كل يوم اقول ابي امشي واسوي رياضه وتمارين والتزم بأكلي و............ الخ
بس كل اللي اسويه التزم بنظام غذائي اسبوعين وما اسوي شي ثاني
عندي تكيس مبايض واحتمال يكون عندي غده مو متأكده
انا مليانه وودي وميته انزل 9 كيلوات والله بس 9 ومو قادره عليهم
حياتي كلها معطلتها والله كلللللللللللللللللها عشان هالسبب
ما اطلع
ما اشتري حق نفسي ملابس عشان مابي ادش السوق وانحبط
مو قاعده استانس
ابي نظام اغير فيه حياتي
في اخصائيه عطتني نظام وايد حلو وما ايوع فيه وايد شويه ونزلني اكثر من غيره وودي اكمل عليه
بس يبيلي push وحركه ورياضه
بعد شنو اسوي
لو تدرين انا شنو معطله بحياتي بتقولين هذي تبالغ
خليها على الله

 

[انا حبه للابد]

رد : قوليلي ليش ماتضعفين شنو المشكله اللي عندج

جزاج الله خير وموضوعج روعه وتستحقين الشكر عليه
شكرا

 

[Art Teacher]

انا بالضبط صارلي سنه وزني كان 85 ونزلت لي 79 طبعا بشهر ورديتهم باسبوعين :0bee2e8d89::0bee2e8d89:
ماعندي اراده كلش والله كل يوم اقول بسوي رجيم ولاني قادره
اشتركت بهلث كومبني ضعفت يمكن كيلو ورديتن الحين وزني 89
وعلى فكره انا قبل سنتين كنت امتن ونزلت لي 85 ورحت عند دكاتره منهم دشتي وطالب وبوعباس
بس الحين من وصل الثمانينات ماني قادره اسوي رجيم والله
صايره اكل بالهبل حتى لو اني مويوعانه جربت امشي رحت يوم وبعدين تعييزت شريت جهاز على حطته
اشتركت مساج تخساس مارحت الا مرتين
ما ادري شسوي والله تعبت نفسيا

 

[بطة رشيقة]

باشن باشن باااشن لحقى على وساعدينى وزفينى وكفخينى بعد .. انا من سنتين ونص تقريبا بديت رجيم وكان بعد الاستعانه بالله كاتالى :

التوكل على الله والدعاااء

الرجيم المتوازن اللى مو يموت يوع ولا اللى خرابيط وكان ما مستشفى الصباح 1400 سعره حراريه فيه خضار وفواكه وخبز ولحم وسناكات وجاى اخضر وقهوه تركيه او فرنسيه ..

وشوى شوى تعودت عليه وقمت امشى عليه ولى الحين المشكله انى حافظته صم

اشرب ماى وايد

امشى تقريبا نص ساعه يوميا او 5 مرات بالاسبوع وانط حبل

احاول انى اتصدد عن اليمعات او اكل اليمعات

بالمطاااعم قمت اعرف شنو اطلب اطلب سلطه واشيل الصوص وابدل البطاط بالفطر ومن هالسوالف لما الحمدلله صار المطععم مايشكل لى خطر .. وكنت اسوى اوف مره وحده فى الاسبوع وبس من باجر ارد من يديد حديد واكمل الطريج

وعقب كل هالانجاز نزلت 23 كيلوووووووووووو وصرت انسانه ثانيه وقمت اشجع روحى بالللبس الحلو اللى صار على مرتب والكل الكل حب شكلى اليديد ..

لكن

لكن

اللى صار انى من سنه بديت علاج للحمل ونفسيتى شوى تعبانه وقفت المشى على اساس انى اخاف اكون حامل وما ابى اخرب على عمرى وشوى شوى ارادتى بدت تخترب ويوم اسوى ويوم لا وقامت تكثر الاوفااات والبلعات وقمت اكل خرابيط وايد وايد يعنى عادى ستاربكس مع ماكدوونالدز وكاكاو وحلاو وبطاطا وبيديان وبيتزا هت كلهم بنفس اليوم ..؟؟ مشالله بس جد الشى بشع ومو حلو .. ومن رمضان حسيت انى خلاص خلاص مو قادره وقمت اخربط وايد وللاسف وزنى زاد 10 كيلووو والبجامات والهدوم اللى كنت احبهم وارتاح فيهم يلوووعون الجبد على واحس هالعشره وايد وايد غيرتنى واحس انى صرت الوووع الجبد !!!! واللى تعبت عليه سنتين خربته بجم شهر والحين مانى قادره ارد للدرب الصحيح !!!!

ابيج تشجعينى يا اختى الغاليه وابيج توقفين معاى خلاص انا كل يوم بدش واشارك معاج واعتبرج الاخصاااائيه مالت التغذيه

وان شالله من امس انا رديت لدرب السنع وبتوكل على الله وان شالله ان شالله ارد مثل اول واحسن ..

 

[دلوعـ زوجها ــة]

فديتج الغالية انا فيني الغدة الدرقية وصايرة فييييييييييييييييييييييييييييييييييييييييل و نفسيتي تعبانة ما اقدر البس واشتري اللي خاطري فيه ابي حل

 

[عربجيه]

الارادهـ صفر

 

[مرتاحة بصلاتي]

السلام عليكم ورحمة الله وبركاته,,,​

أختي باشين صراحة احب اشكرج حيييييييييييييييل على هالموضوع اللي صج يستحق التثبيت ...:33_1185028183:
الحين بقولج سالفتي العوجة:

انا عمري 22 وزني 89 طولي 160 يعني مصييييييييييييييبه مع ان جسمي مقسم وحلو وكل اللي يشوفني يقول مستحيييييل وزنج 89 حسبالهم أني مابي احد يحسدني بس طبعا انا اعاني من الكرش والجنوب اللي الناس ما تشوفه لأني لما البس شي دايما اشفط بطني وقعدتي مرتبة ومشيتي مضبوطة يعني الملابس تستر حييييييييييل لكن لما أقط ملابسي واااااااي انحاشي:cxxxp:
انا ما متنت وما لعوز حالي الا لما داومت أحس اكلي زااد ووزني زاد 10 كيلو..:O_SHH_:
المهم رحت لدكتور وحطلي نظام غذائي انا احسه حلو ومناسبني عاد أبي رايج أستمر او لأ

الريوق: بيضة مفيوحة +لبنة بينار+زيتون اسود+شاي بسكر سبلندا+ نص خبزة خفيفة
الغدا : شوية رز + صدر دجاج
العشا : تونا +ربع خبز خفبف أو 2 همبرجر دجاج +خس +جبن خالي الدسمoster_av1:
طبعا بين الفترات مسموح بقهوة فرنسية أو تفاحة أو سلطات مفتوحة

مع ان النظام اللي حطه قريب من نظامي المعتاد بس شال منه الكاكاو و المشروبات الغازية والمعجنات والبطاط
هاااااااااااااا شرايج؟
حبيبتي للعلم انا عندي خمول بالغدة درقية

 

[الجووورى]

مشكلتى ما تقيد برجيم رغم انى العب رياضه بس مو دايم وزنى صاعد وينزل
ابى انزل 9 كيلو او 10 طولى 168 ووزنى 79
خاطرى اصير 70 رغم انى جسمى الل يشوفنى جسمى متناسق بس انا مو عاجبنى
اضافه انى عندى كلسترول عالى

 

[ياشايل الظبى]

مشكلتى بأختصار :

غرامى البطاط والشبس ومن اشوفهم اغيب هههههه
واموت بالبيدجان

وماعندى اراده

 

[BiiShOoO]

اهلين صديقتي


شخبارج؟


مشكلتي الارادة بس الحمدالله الحين ملتزمة مع دكتور تغذيه و الحمدالله قاعده انزل معاه

بس الحركة مسببتلي ازمة

و نزولي بطيء من ارتفاع هرمون الحليب و تكيسات المبيض

الحين قاعده اعالج و ملزمة بالريجيم الحمدالله

 

[ماي بيبي]

رد : قوليلي ليش ماتضعفين شنو المشكله اللي عندج

انا مشكلتي مع الرجيم التزم الصبح والغدا بس العشا اخربطه دايم عشان جذي مااضعف يعني من ورا المغرب تبدي الفجعنه

 

[passion.666]

حبوبه مشكوووره علي الموضوع الرائع بس حبوبه انتي دزيتلي ع الخاص وبعدين دزيتلج الرد جيكي علي الخاص بليزززززززززززز

ان شاءالله راح ارد عليج بس لأن مضغوطه عيالي مرض علشان جذي ما قدرت ارد عليج وبعد عندي حالة وفاة اعذريني وان شاءالله راح ارد عليج​

 

[passion.666]

انا مشكلتي وزني ثابت مو راضي ينزل تعبت نفسيا وريلي تعبني اكثر كل نقزه اكبر من الثانيه ياريت جسمج يرد مثل اول ما خذيتج والله مادري شسوي والله تعبت ماكو رجيم ما سويته ماكو فايده مو راضيه انزل .. انا عمري 28 وعندي 3 عيال وصغرهم عمره 9 تشهر وزني 80 وطولي 153 وكان وزني قبل الزواج 45 وحلمي يكون وزني 55 واذا عندج حل ياريت تفيديني .

اولا:
اذا زوجج متعبج ويقط عليج نقزات عطيه بوكس

لاىضيق خلقج واذا قط عليج الحجي لاتردين ولا تتضايقين ضحكي
ثانيا:
وزنج 80 وايد وما فيج طول انت طول بنتي الله يحفظها وانت عمرج عمر الورد بالعكس حاولي اتغيرين نظامج
لاتيأسين وحاولي تمشين اول اسبوع نص ساعه وبعدين ساعه وان شاءالله تضعفين بس انت لازم تضغطين على عمرج وخلي زوجج يلاحظ انج شاده عمرج وحارمه عمرج من الأكل خليه يشوف ضعفج ​

 

[passion.666]

الله يعطيك العافيه ويوفقك بدراستك ويرزقك الذريه الصالحه
بدايه
انا الحمدلله ماعندي مشكله في اني اسوي دايت ورياضه لا
مشكلتي مو قادره احافظ ثبات الوزن الي اوصله بسرعه ازيد وكل حياتي دايت في دايت ياطالعه يانازله احس جلدي انهرى وغير خطوط البيضاء
مشكلتي مهما انحف اشوف نفسي متينه بعين نفسي وماشتهي اشوف جسمي بالمرايه من الخرائيط ماوصل لدرجه الرضااء والكمال بالذات
مشكلتي حتى سمنتي في اماكن مقرفه جدا كرش ظهر كتوف بالاضافه اني عريضه من فوق اصلا عكس الجزء التحتي
مشكلتي ترهل جلد في زنودي ماتضبط الا بتدخل جراحي

الله يعافيج ويخليج ويحفظج يارب

الترهلات تنتج عن عدوم وجود الرياضه
لازم من اول من تبلشين الرجيم رياضه على طول مشي ساعه واثناء المشي في اثقال شيلهم معاج رفعي ايدج لفوق ولحدر اثناء المشي
وحاولي تستخدمين كريمات السولوليت على طول لأنها هي تشد بنفس الوقت ولازم تضعفين لأن تقسيمت جسمج مو مضبوطه عندج السمنه في الجزء العلوي لازم مشي وموفقه يارب​

 

[passion.666]

الزبده وباختصار ماعندي اراده مو قادره ابطل اكل بموووت من التعب التفسي والتفكير بس مو قادره

كلامك جدا مقنع ونظامك للكل الي حطيتيه حلو وسهل لكن تعبت من ارادتي الضعيفه صرت طول الوقت ادعي بصلاتي ربي يقوي ارادتي
وزني 80
طولي 158
مدري ايش اسوي بنفسي

باحتصار انتي مسويه حق نفسج مشكله ومتعبه روحج ليش ارادتج ضعيفه ما مليتي من البلع والأكل
رحمي حالج وزنج 80 وايد على طولج لازم يكون وزنج 58 او 60
لازم اتساعدين عمرج تبين الله يعينج لازم تجتهدين وتصرين ويكون لج هدف
مايسير كل وحده اتقول ارادتي ضعيفه ​

 

[passion.666]

يزاج الله خير موضوعج يعطي الواحد بور ..
وافكارج تونس .. واشجعها ..
استمري .. متاااااااابعيييييييين

مشكوره ماقصرتي حبيبتي​

 

[passion.666]

رد: رد : قوليلي ليش ماتضعفين شنو المشكله اللي عندج

انا متني وراثه وجسمي شاد ما ينزل بسرعه ؟؟؟!!!!!!!

مافي شي اسمه وراثه ولا تاخذينها حجه وجسمج شاد من السمنه
حطي هدف جدامج لي متى يتظلين جذي​

 

[passion.666]

نفس كل الخجل وعظمي عريض وارادتي مثل اليويو ,,

لا حبيبتي شيلي من مخج سالفة الوراثه وقوي ارادتج
لاتخلين الوراثه حجه طبعاا والله باجر اتسيرين عرض الباب وتقولين لهم ولله وراثه
عن العياره​