قوليلي ليش ماتضعفين شنو المشكله اللي عندج

[passion.666]

آنا لما نفسيتي تتعب أو انضغط احط حريتي يالاكل والحين حدي مضغوطة دراسة ودوام وباليمعات وناس تاكل او في اكله مفضله عندي اكل بكمية كبيرة
ودي اضعف حدي كاره نفسي ومشكلة الضعف بروحها مسببتلي ازمة نفسية

لي متى بتكرهين نفسج شنو الحل
اتخذي قرارج والحين امشي على نظام
واهم شي الريوق والغدا والعشا راح يسير اتزان عندج
واذا انعزمتي مافي مشكله اذا انت ملتزمه بنظام
وخربطي ابوجبه وحده اذ انعزمتي وعقيها امشي نص ساعه
انت مسببه ازمه حق نفسج ولا شافيه اي مشكله​

 

[[كـالا]]

حول = حلو

قصدي لازم نسوي حلو!

 

[passion.666]

ماشالله مواضيعج مفيدة

انا مثل ماقلت في موضوعج الثاني .. مشكلتي قعدات البنات .. مو روحات المطاعم .. لا القعدات في البيوت

لازم نسوي حول شي اسااااسي .. وانا ماقدر اقاوم .. وساعات اقول بس باكل قطعة صغيرة عن خاطري تشوفيني كليت 4 قطع يمكن

والعشا كله نطلب من المطاعم .. ساعات عشان اخفف اطلب راب خس .. بس لازم معاه بطاط وبيبسي وماسوينه شي

وهم عندي مشكلة ثانية .. ماعندي وقت حق الرياضة

حنيت على ريلي حنة لين شرالي جهاز مشي

والحين يعايرني يقولي ماشوفج تمشين عليه صاير ديكووور

....

انا الحين اللي خلاص خلاني اخذ القرار وان شالله التزم فيه .. الحمل

صارلي قريب السنة قاطعة الحبوب ولي الحين ماكو شي .. امي قبل جم يوم سألتني عن الموضوع قلتلها مو قادرة احمل

جان تقولي ديري بالج ترى احتمال من المتن

يومها نفسيتي صارت اكس وان شالله ناوية التزم

امج معاها حق ما تحملين من السمنه
اختي ظلت سنه ونص ما حملت وسوت فحوصات كل الدكتور مافيج شي واعتقد من السمنه ولما سوت رجيم دشتيونزلت بس 10 كيلو حملت على طول من غير ما تدري
والحمل اكبر هدف وحافز حقج
لازم رجيم وخاصة مدام ريلج تكلم حطي الشغله في بالج في شي يددور في راسه
فاجئيه برجيم وشدي حيلج وقوليه انا راح امشي على نظام علشان صحتي واستمري خلي يشوفج ان انت جاده بالرجيم
والله يرزقج يارب​

 

[passion.666]

حول = حلو

قصدي لازم نسوي حلو!

وانا متأكده سبب سمنتج اكل المطاعم
قطعي السموم والمواد الحافظه من الأكل المطاعم واحتمال المواد الحافظه تأثر عليج
وصدقيني مافي احلى من اكل البيت​

 

[نـوناا]

رد : رد: رد : قوليلي ليش ماتضعفين شنو المشكله اللي عندج

عزيزتي ممكن ازفج!
وبعدين معاج شالحياة كلها نوم واكل وبعدين شنو الحل؟ اذا ماساعدتي نفسج ماحد راح يساعدج تدرين ليش
لازم اتكونين مقتنعه من داخل انج راح تتغيرين لازم اتحطين حد للموضوع ليش مومنظمه حياتج انت الحين ماتحسين في الوضع لأنج تنامين وتفعدين وتخربطين وحاطه حرتج بالأكل بس باجر لما تكبرين ويصيبج (بعد الشر) ضغط وسكر وسمنه مفرطه حتى يمكن ماتقدرين تمشين الركبج اتعورج
انت ادرى بنفسج انت كبيره وقدها تقدرين تاخذين قرارج بأنج تلتزمين وتاخذين عهد على عمرج
ولا تبين تطلعلج زغاديد من كل مكان عاد شوفي شكلج وانت لابسه البدي وع الصراحه موحلو​

اقول صلي على النبي
راح اعطيج نظام غذائي صحي موووووووووووووووووووو رجيم صحي فاهمه:rgewrg:
اولا:
حلفي بالله واقسمي بأنج راح تخففين من اكلج وتبلشين من باجر
ثانيا:
عدلي نومتج ما لاداعي نومة العصر لأن النهار قصير والحين الجو شتوي بديع
ثالثا:
ادعي ربج كل يوم وكل ساعه ودقيقه وبكل صلاة وانت نايمه وانت طالعه ان الله يعطيج الصحه والأراده وتطلبين الله يضعفج على صحه وعافيه
رابعا :
الصبح اول ماتقعدين من النوم شرب كوبين ماي مفلتر

​

خامسا :
الريوق الصحي توست اسمر ,بيض, جبن,شابوره, حليب, كورن فلكس

​

الغدا قبل ساعتين شربي ماي وعقب
شربي شوربه

وبعدين سلطه

​

واخيرا الوجبه الرئيسيه
مجبوس دجاج او لحم او همبرجر وانا متأكده انج ماراح اتكملين الطبق حدج جفشين او 3

قبل العشا امشي نص ساعه​

والعشا
دايما خليه فاكهه كثر ماتقدرين اكلي

واذا ما اخذتي بنصيحتي راح اتكونين جذي

​

وااااااااااااااااااااااو ياجعل ربي يرزقج بالي تتمنييه ورحم الله والديييج ويرزق الجنه
ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب

 

[نـوناا]

رد : قوليلي ليش ماتضعفين شنو المشكله اللي عندج

موضووعج في وقته بالضبط
بصرااحه الحين انا في حرب مع ارادتي لأني ابي اضعف 10 كيلووو
وامي تقول 5 وواجد عليج
بس المشكلة اني متخربطه ومتلخبطه اشلون ابدي ومتى
اخاف ابدي وعقب اخربط وازيد
وتنتكس نفسيتي
لاني ساعات اذا قلت بسوي رجيم تجيني حالات اكل موطبيعيه
خخخخخخخخخخخخخخخخ
يعنني بودع الأكل

 

[om-3abodey]

عطوني حل ياربي شسوي حامل وصلت التسعينات وانا توني بالشهر 3
ياربي شسوي بعمري
ياليت هالمتن على اكل سنع كل على خرابيط كاكاوات وبطاط وايس كريم :0bee2e8d89:
اخاف حتى بعدين عقب ما اولد صعبه انزلهم
من الحين مسوية جمعيه ب500 قلت 200 بشترك فيهم بدايت كير و200 مساج تخسيس 100 نادي
وقلت ان ما فاد فيني بدش بجمعيه ثانية وبسوي نفس الهام الفضالة
صج نفسيتي تعبانة والله اني قاعدة افكر حق بعدين عقب الولادة
وحتى السوق كارهة اروح له

 

[LuLiTa]

حبيبتي اذا خواتج مومهتمين بصحتهم أهم حرين الله يعينهم لكن انت اهم لأن طرحتي مشكلتج معناته انج ودج تضعفين بس محد يشجعج.
انت شجعي عمرج خلي يكون عندج اراده اهتمي بصحتج الحين انت ركبج اتعورج من السمنه و ظهرج وهرموناتج مخربطه من السمنه واحتمال الدوره عندج مومنتظمه من السمنه
لحقي على عمرج انت صغيره .الأكل حلو صح كلامج بس طول العمر وانت تاكلين شنو جنيتي من هالشغله كله امراض
حبيبتي اخذي قرارج من الحين وسوي رجيم اوتخفيف لمدة شهر مع مشي نص ساعه لازم رياضه وصدقيني العوار راح يخف
والهرمونات تتعدل راح يلاحظون خواتج الفرق لازم اتساعدين نفسج ماتبين تستانسين بلبس ماتبين اتكون نومتج مريحه صدقيني نفسيتج راح تتغير الله يوفقج يارب واول ماتبلشين وتاخذين القرلر بلغيني ويعطيج العافيه​

انا مشاركه بتجمع زوغه غيرل <اهلا 2011 و باي باي زغاديد> بس مشكلتي التزم يوم و اخربط جم يوووووووووم :eh_s(10):

 

[*~ فراولة ~*]

صراحه موضوع متعوب عليه يسلمو والله يوفقج ويزاج الله خير ...
مشكلتي الله يسلمج اني قبل الولاده انتفخت لدرجه اني وصلت 90كيلو تخيلي وطولي 153يعني بس بنفجر اصلا حتى ماقدر انام وحاشني سكر حمل وانتهت ولادتي بعمليه قيصريه وبعد الولاده اصريت اني اضعف لان ريلي قام يقارن بين قبل الحمل ايام العرس وبعد الولاده وكانت صدمه لي ... المهم اصرت اني اسوي رجيم وانزل عليه طبعا بعد الولاده مباشره نزل وزني 5كيلو بس يعني 85 وهم بطه كنت فرحانه بهالخمسه بس لأ موعاجب ريلي عاد اشترك بالمحل اللي ايب اكل لي البيت وحالتي حاله نزل وزني 10كيلو بشهرين صرت 75 وهم بطه ... خليت الاكل هذا لان لي متى وانا ادفع 250د على اكل اقدر اسويه بالبيت ؟ عاد قررت اني اسوي نفسه ومشيت على هالنظام ونزلت 10كيلو هم بشهرين صار وزني 65 والحين وزني 65 موراضي ينزل مع اني ماشيه نفس النظام قللت الاكل زدت المشي بس ماكو فايده وزني ثابت واقف 65 طبعا اظل بطه بعيون زوجي لدرجه يقولي انتي حامل مره ثانيه !!!! واكتأبت حيييل فالحين مشكلتي ان وزني ثابت موراضي ينزل يعني تعبني لان هم بطه فالحين استسلمت للوضع واحس باحباط لاني متينه ابي اوصل 55 ابي 10 كيلو او 15 بس لان تعبت موقادره فهذي مشكلتي والله يعطيج الف عافيه

 

[الصعيريه]

رد : قوليلي ليش ماتضعفين شنو المشكله اللي عندج

بالنسبه لي مايخرب جسمي غير الحماال
وعقب الولاده اسوي ريجيم وأضعف

الحمدالله عندي إرااااده وأحب الدايت والرياضه


ويعطيج العااافيه عالنصايح اللي تقولينها للبناات
وعســاااج عالقووه

 

[mafio98]

مشكلتي اني عارفه مشكلتي بس مااقدر احلها :nocommint:
اول مشكله متنت بعد حملي وااايد :eh_s(11):
ثانيا مع اني مااحب الاكل وايد بس اموووووووت بشي اسمه شبس + برجر+ معكرونيا +بيتزا + دايت بيبسي <<< كلش مايمتنون :eh_s(13)::eh_s(13):
3 واهو الاهم مااحب اكل اي شي مفيد ماحب السلطات بكل انواعها مااحب الشوربات هم بكل انواعها اكرررررررررره الماي اكره العيوش اكره كل الاكلات المفيده واكره الاعشاب والجاي والقهوة :eh_s(3):
​

 

[جروح خالده]

رد : قوليلي ليش ماتضعفين شنو المشكله اللي عندج

اول شي مشكوره ع الموضوع اللي يساعد البنات بطرح مشكلتهم خاص الررررررجيم

انا مشكلتي سويت تحليل من فتره وقال فيج زلال ..؟؟؟ كنت مسويه رجيم شهرين تقريبا وبهالشهرين مانزل كيلو
بسؤالي هالزلال اهو سبب ماينزل فيه وزني

 

[Q8stylle]

ماعندي مشكله والحمدلله

 

[للزين هيبه]

رد : قوليلي ليش ماتضعفين شنو المشكله اللي عندج

وااااي
تكفين زفيني
انا ماعندي اراده
وودي انزل 10 كيلوو واوصل للي ابي

بمووووووون وزني ثاااابت يزيد وماينقص

 

[passion.666]

رد: رد : قوليلي ليش ماتضعفين شنو المشكله اللي عندج

موضووعج في وقته بالضبط
بصرااحه الحين انا في حرب مع ارادتي لأني ابي اضعف 10 كيلووو
وامي تقول 5 وواجد عليج
بس المشكلة اني متخربطه ومتلخبطه اشلون ابدي ومتى
اخاف ابدي وعقب اخربط وازيد
وتنتكس نفسيتي
لاني ساعات اذا قلت بسوي رجيم تجيني حالات اكل موطبيعيه
خخخخخخخخخخخخخخخخ
يعنني بودع الأكل

حبيبتي اخذي قرار بسرعه ومن اليوم قولي لش رجيم
وبعدين الرجيم مو حرمان علشان تموتين يوع
10 كيلوات انا عندي اتهون وتقدرين تنزلينهم بشهر ونص
اذا ثابرتي وعطيتي من نفسج

حافظي على الوجبات الثلاث:

شرب 2 كوب ماء فاتر قبل على الريج

الريوق

والغدا

شري قلاصين ماي قبل وجية الغداء بساعتين

سلطه

الوجبه الرئيسيه

والعشا
قلاصين ماي
وسلطة فاكهه
وبالعافيه​

 

[توته شيطونه]

حبووووبه ما جيكي علي الخاااص دزيت لج رساله ما شفت منج رد

 

[passion.666]

حبووووبه ما جيكي علي الخاااص دزيت لج رساله ما شفت منج رد

تم الرد​

 

[passion.666]

رد: رد : قوليلي ليش ماتضعفين شنو المشكله اللي عندج

وااااي
تكفين زفيني
انا ماعندي اراده
وودي انزل 10 كيلوو واوصل للي ابي

بمووووووون وزني ثاااابت يزيد وماينقص

وبعدين معاج انا اليوم راح ازفج بناء على طلبج ولاتزعلين
وبعدين معاج ليمتى بتظلين جذي شنو الحل عندج
لاوم اتشدين على عمرج :n2006107: لازم تعرفين مصلحتج لحد يقص عليج ويقول حلو عليج المتن كل هالحجي جذب
يا انهم ينافقونج او علشان ما تزعلين
وانا عندي لما اقولج وازفج انت متينه لازم تزعلين علشان اتحسين بنفسج وتسويين رجيم
الواحد ما يبي مشاكل بالصحته والحين انت شايفه وسامعه الأمراض اللي تطلع في الناس
اول عمرنا ما سمعنا بالأمراض الشينه الله يبعدنا ويبعدها عنكم وعمرنا ما سمعنا بالضغط والسكر بالأظفال الصغار او المرهقات
الحين وبهذا الوقت اتخافين من الشغلات والواحد لازم يكون حريص على نفسه وبعدين يهتم برشاقته
سمعي كلامي اذا ماساعدتي نفسج محد يساعدج ابدا
اتخذي القرار من الحين وشدي حيلج وموفقه​

 

[passion.666]

ماعندي مشكله والحمدلله

الحمدالله​

 

[passion.666]

رد: رد : قوليلي ليش ماتضعفين شنو المشكله اللي عندج

اول شي مشكوره ع الموضوع اللي يساعد البنات بطرح مشكلتهم خاص الررررررجيم

انا مشكلتي سويت تحليل من فتره وقال فيج زلال ..؟؟؟ كنت مسويه رجيم شهرين تقريبا وبهالشهرين مانزل كيلو
بسؤالي هالزلال اهو سبب ماينزل فيه وزني

حبيبتي هذا الموضوع نزلته عقب كا دورت عليه ولقيته ونقلته لج والأجابه موجوده​

زلال البول أعراضه وعلاجه



يعرف الزلال بأنه عبارة عن: وجود مادة البروتين في البول بمعدل أكثر من 150 ملجم في اليوم الواحد.

من المعروف أن هناك كمية بسيطة من البروتين أقل من 150 ملجم موجودة في بول الشخص الطبيعي، وما زاد عن ذلك يعد غير طبيعي ويستدعي إجراء بعض الفحوصات اللازمة لمعرفة أسبابه وكيفية علاجه.

أعراضه:

ـ أعراض ناتجة عن نقص بروتينات الجسم: إن هذه الأعراض هي تورم أو انتفاخ في الجسم وخصوصًا الوجه والأرجل، وتزداد هذه الأعراض بزيادة نسبة البروتينات في البول. وهناك أعراض أخرى ناتجة عن نقص هذه البروتينات مثل نقص وظائف جهاز المناعة للجسم، ونتيجة لذلك يكون الشخص عرضة للالتهابات أكثر من غيره. كذلك هناك زيادة في تعرض الشخص المصاب للجلطات أكثر من غيره بسبب نقص كمية العوامل المضادة.

ـ أعراض ناتجة عن المرض المسبب للزلال: وهذه الأعراض تختلف باختلاف المرض المسبب للزلال. ​

وهناك أعراض أخرى مصاحبة لمرض زلال البول مثل زيادة الوزن، ارتفاع ضغط الدم، نقص في كمية التبول، وجود كمية متفاوتة من الدم في البول قد لا ترى بالعين المجردة وتحتاج فحص البول مجهريًا لمعرفتها. ​

أنواعه

ـ زلال البول المؤقت: وهو أكثر الأنواع شيوعًا، ويوجد بنسبة 4% إلى 7% عند الأشخاص، وهذا النوع يظهر عند الفحص الأول ولكنه يختفي بعد ذلك، ومن أسبابه: ارتفاع درجة الحرارة بجميع مسبباتها وبعض التمارين الرياضية. وهذا النوع من الزلال حميد ولا يحتاج إلى فحوصات أخرى أو العلاج.

ـ زلال مزمن أو مستمر: إن هذا النوع من الزلال ينتج عن بعض أمراض الكلى مثل: التهاب الكلى المزمن بتعدد أنواعه. كذلك ينتج عن تأثير كل من مرض السكر ومرض ارتفاع ضغط الدم على الكلى.

هذا النوع من الزلال يحتاج إلى فحوصات طبية أخرى مثل:

فحص البول، أشعة تلفزيونية للكلى بالإضافة إلى فحوصات أخرى لمعرفة سبب الزلال.

وهذا النوع غالبًا يحتاج لأخذ عينة من الكلية لمعرفة السبب وكيفية علاجه. ويحتاج الشخص المصاب بهذا النوع إلى متابعة دورية للطبيب المختص.

أسبابه:

ـ التهاب الكلى المزمن.

ـ أسباب أخرى مثل مرض السكري ومرض ارتفاع ضغط الدم ومرض الذئبة الحمراء وبعض فيروسات الكبد (ب ـ ج)، وكذلك بعض الأدوية التي تستخدم في علاج الروماتيزم. كما أن هناك أسبابًا نادرة مثل اضطراب في الجهاز المناعي للجسم وبعض الأمراض الوراثية.

علاجه:

إن مرض زلال البول يتطلب من المريض متابعة دورية للطبيب المختص الذي يقوم بعمل فحوصات مختلفة لمعرفة السبب لهذا الزلال، وبمعالجة السبب قد يختفي في بعض الأحيان، فمثلاً إذا كان سبب الزلال هو نتيجة تعاطي بعض أدوية الروماتيزم فإنه يختفي بمجرد إيقاف الأدوية.

أما إذا كان السبب هو مرض الذئبة الحمراء فإن علاج هذا المرض يؤدي إلى اختفاء الزلال. وإذا كان السبب هو التهاب الكلى المزمن فإن العلاج يختلف باختلاف نوع الالتهاب، فهناك أدوية متعددة مثل أدوية الكورتيزون وأدوية خفض المناعة التي قد تعطى من الطبيب المختص في بعض الحالات.

كما أنه يجب معالجة الأمراض الأخرى التي قد تؤثر على الكلى بطريقة مباشرة أو غير مباشرة. مثل مرضى السكري ومرضى ارتفاع ضغط الدم​