قوليلي ليش ماتضعفين شنو المشكله اللي عندج

[passion.666]

رد: رد : قوليلي ليش ماتضعفين شنو المشكله اللي عندج

جزاك الله كل خير اختي

كلامج وايدوايد حلو

اعطني دفعه قويه لاني بدية اياس

بس لما قريت كلامج تحمست

مشوره حبيبتي

الله يوفقج ويسخر لك كل الخير يارب

جزاك الله خير ان شاءالله على طول اعطيج دافع واراده قويه والله المستعان​

 

[passion.666]

رد: رد : قوليلي ليش ماتضعفين شنو المشكله اللي عندج

موضوووع رووعه وتسلمين عالنصايح استفدت منها
الله يسهل لنا ونصير سمتيكات

آمين يارب اجمعين انسير رشيقات وانت اروع​

 

[passion.666]

رد: رد : قوليلي ليش ماتضعفين شنو المشكله اللي عندج

مشكلتي اني مسوية رجيم طول اليوم يوم انام اقوم بالليل خلالالالالالالالالاص لازم اخرب الرجيم وعقبها اتم ابجي شو اسوي خلاص ما ابغي اخرب الدايت كل يوم على ها الحال ابغي اسوي رجيم واضعف كيف ما اخرب الدايت بالليل ولا ما يهنيني اخرب الا الاشياء الي تمتن يعني ساعات احط تفاح ولا خيار ولا اي شيء صحي ابد ما اي صوبهم اروح عند الاشياء الي تسمن

ارجوكم ساعدوني بحل يخليني ما اخرب بالليل

اقول وبعدين معاج عن الدلع
في حلين
الأول : انج تتعشين مبجر يعني عشاج الساعه 7 ويكون خفيف
الثاني : او يكون عشاج صحن مليان من الفاكهه المشكله ما عدى الموز والمنجا والعنب

صدقيني اذا انت صمدتي باول نهار راح تصمدين اخر الليل يبيلج بس يومين وراح تتعودين بس انت ما فيحج صبر​

 

[passion.666]

رد: رد : قوليلي ليش ماتضعفين شنو المشكله اللي عندج

انا مشكلتي مع الرجيم التزم الصبح والغدا بس العشا اخربطه دايم عشان جذي مااضعف يعني من ورا المغرب تبدي الفجعنه

حبيبتي قدرتي تلتزمين الصبح والغدا والعشا ما تقدرين اتكملين
لاحبيبتي هذا موحجي
خلي توازن بوجباتج علشان ماتحسين بيوع​

 

[passion.666]

اهلين صديقتي


شخبارج؟


مشكلتي الارادة بس الحمدالله الحين ملتزمة مع دكتور تغذيه و الحمدالله قاعده انزل معاه

بس الحركة مسببتلي ازمة

و نزولي بطيء من ارتفاع هرمون الحليب و تكيسات المبيض

الحين قاعده اعالج و ملزمة بالريجيم الحمدالله

هلا حبيبتي انت وينج
عمري انت
انا اعالج حق الحمال ورديت الوزن السابق
الأبر والحبوب اتفختني حتى الرياضه احاسب عليها اخاف اكون حامل
الحمدالله على كل حال​

 

[passion.666]

مشكلتى بأختصار :

غرامى البطاط والشبس ومن اشوفهم اغيب هههههه
واموت بالبيدجان

وماعندى اراده

عيل الله يعينج بشري بالخير الأرداف والخلفيه واللزنود والزغاديد
انا احب البيدجان ما عندي مشكله اكله
بس الشبس اكبر مشكله يتفخ ويمتن
اقلج شي سوي رجيم دشتي علشان البيدجان
بس رجيمه مافي شبس
عن العياره خلي غرامج الرشاقه وظوقي طعم الرشاقه والخفه واللبس الحلو والله راح اتعافين الجبس والبيديان​

 

[passion.666]

مشكلتى ما تقيد برجيم رغم انى العب رياضه بس مو دايم وزنى صاعد وينزل
ابى انزل 9 كيلو او 10 طولى 168 ووزنى 79
خاطرى اصير 70 رغم انى جسمى الل يشوفنى جسمى متناسق بس انا مو عاجبنى
اضافه انى عندى كلسترول عالى

اولا :
عالجي الكلسترول
ثانيا: لازم تتقيدين علشان يخف عنج الكلسترول مايسير حبيبتي
ان شاءالله يسير وزنج 70 واقل بس لازم مجهود
حطي بالج صحتج اهم من كل شي انت الحين صغيره وزنج بسرعه ينزل يالله حبيبتي
ضغطي على عمرج خلي صحتج هو هدفج ​

 

[passion.666]

الارادهـ صفر

الله يعينج
اذا ارادتج صفر معناته راح اتظلين طول عمرج على الحال اللي انت فيها
يعني ارادتج صفر بالرجيم
ارادتج صفر بدراستج
ارادتج صفر بعملج
ارادتج صفر بحياتج
يعني انت مالج هدف
عيل ليش عايشه
خلي جدامج هدف وعن الدلع وشيلي الصفر من حياتج​

السلام عليكم ورحمة الله وبركاته,,,​

أختي باشين صراحة احب اشكرج حيييييييييييييييل على هالموضوع اللي صج يستحق التثبيت ...:33_1185028183:
الحين بقولج سالفتي العوجة:

انا عمري 22 وزني 89 طولي 160 يعني مصييييييييييييييبه مع ان جسمي مقسم وحلو وكل اللي يشوفني يقول مستحيييييل وزنج 89 حسبالهم أني مابي احد يحسدني بس طبعا انا اعاني من الكرش والجنوب اللي الناس ما تشوفه لأني لما البس شي دايما اشفط بطني وقعدتي مرتبة ومشيتي مضبوطة يعني الملابس تستر حييييييييييل لكن لما أقط ملابسي واااااااي انحاشي:cxxxp:
انا ما متنت وما لعوز حالي الا لما داومت أحس اكلي زااد ووزني زاد 10 كيلو.._shh_:
المهم رحت لدكتور وحطلي نظام غذائي انا احسه حلو ومناسبني عاد أبي رايج أستمر او لأ

الريوق: بيضة مفيوحة +لبنة بينار+زيتون اسود+شاي بسكر سبلندا+ نص خبزة خفيفة
الغدا : شوية رز + صدر دجاج
العشا : تونا +ربع خبز خفبف أو 2 همبرجر دجاج +خس +جبن خالي الدسمoster_av1:
طبعا بين الفترات مسموح بقهوة فرنسية أو تفاحة أو سلطات مفتوحة

مع ان النظام اللي حطه قريب من نظامي المعتاد بس شال منه الكاكاو و المشروبات الغازية والمعجنات والبطاط
هاااااااااااااا شرايج؟
حبيبتي للعلم انا عندي خمول بالغدة درقية

رجيمج حلو اهم شي انج اتشيلين الكاكاو والمشروبات الغازيه والمعجنات والبطاط
ومع ان انت عندج خمول بالغده يعني انت تعالجين عند دكتور ويعطيج حبوب حق الغده وهي سبب من اسباب عدم نزول الوزن بسرعه علشان ينزل لازم اتسوين رياضه حبيبتي المشي المشي المشي شي عظيم لازم تستمرين على المشي مع النظام وان شاءالله تنزلين​

 

[passion.666]

فديتج الغالية انا فيني الغدة الدرقية وصايرة فييييييييييييييييييييييييييييييييييييييييل و نفسيتي تعبانة ما اقدر البس واشتري اللي خاطري فيه ابي حل

اولا:
عالجي الغده وراجعي الدكتور لأن الغده تخربط هرمونات الجسم
ثانيا:
لازم اتسوين رجيم
جربي رجيم دشتي وايد حلو وينفع حق اللي عندهم غده خامله
ولعبي رياضه
المشي مهم نص ساعه كافيه حقج
وموفقه​

 

[passion.666]

باشن باشن باااشن لحقى على وساعدينى وزفينى وكفخينى بعد .. انا من سنتين ونص تقريبا بديت رجيم وكان بعد الاستعانه بالله كاتالى :

التوكل على الله والدعاااء

الرجيم المتوازن اللى مو يموت يوع ولا اللى خرابيط وكان ما مستشفى الصباح 1400 سعره حراريه فيه خضار وفواكه وخبز ولحم وسناكات وجاى اخضر وقهوه تركيه او فرنسيه ..

وشوى شوى تعودت عليه وقمت امشى عليه ولى الحين المشكله انى حافظته صم

اشرب ماى وايد

امشى تقريبا نص ساعه يوميا او 5 مرات بالاسبوع وانط حبل

احاول انى اتصدد عن اليمعات او اكل اليمعات

بالمطاااعم قمت اعرف شنو اطلب اطلب سلطه واشيل الصوص وابدل البطاط بالفطر ومن هالسوالف لما الحمدلله صار المطععم مايشكل لى خطر .. وكنت اسوى اوف مره وحده فى الاسبوع وبس من باجر ارد من يديد حديد واكمل الطريج

وعقب كل هالانجاز نزلت 23 كيلوووووووووووو وصرت انسانه ثانيه وقمت اشجع روحى بالللبس الحلو اللى صار على مرتب والكل الكل حب شكلى اليديد ..

لكن

لكن

اللى صار انى من سنه بديت علاج للحمل ونفسيتى شوى تعبانه وقفت المشى على اساس انى اخاف اكون حامل وما ابى اخرب على عمرى وشوى شوى ارادتى بدت تخترب ويوم اسوى ويوم لا وقامت تكثر الاوفااات والبلعات وقمت اكل خرابيط وايد وايد يعنى عادى ستاربكس مع ماكدوونالدز وكاكاو وحلاو وبطاطا وبيديان وبيتزا هت كلهم بنفس اليوم ..؟؟ مشالله بس جد الشى بشع ومو حلو .. ومن رمضان حسيت انى خلاص خلاص مو قادره وقمت اخربط وايد وللاسف وزنى زاد 10 كيلووو والبجامات والهدوم اللى كنت احبهم وارتاح فيهم يلوووعون الجبد على واحس هالعشره وايد وايد غيرتنى واحس انى صرت الوووع الجبد !!!! واللى تعبت عليه سنتين خربته بجم شهر والحين مانى قادره ارد للدرب الصحيح !!!!

ابيج تشجعينى يا اختى الغاليه وابيج توقفين معاى خلاص انا كل يوم بدش واشارك معاج واعتبرج الاخصاااائيه مالت التغذيه

وان شالله من امس انا رديت لدرب السنع وبتوكل على الله وان شالله ان شالله ارد مثل اول واحسن ..

حبيبتي انا مثلج
وزني 53 بقمة الرشاقه ولما بغيت احمل الدكتور ذبحني من الأبر والحبوب حتى الرياضه اخاف امشي دايما احط بالي يمكن حامل وكل شهر على الحال لما زاد وزني
وبعدين فكرت ليش اهمل عمري علشان الحمال اذا الله كاتب
ان شاءالله احمل اعالج عند دكتور وبنفس الوقت اسوي رجيم ومشي 30 دقيقه
يالله شدي حيلج حبيبتي وانا معاج انا وانت نبي انحمل ومتى ما الله اراد ان شاءالله يكتبلنا حمال انا وانت
ولاتياسين رحمة الله واسعه
اهم شي لاتهملين وصدقين اذا نسيتي فكرة الحمال راح تحملين انشغلي الحين اشلون اتسوين رجيم وتضعفين​

 

[passion.666]

رد: رد : قوليلي ليش ماتضعفين شنو المشكله اللي عندج

جزاج الله خير وموضوعج روعه وتستحقين الشكر عليه
شكرا

مشكوره ماقصرتي وانت اروع
وجزاك الله الف خير​

 

[passion.666]

مشكلتي كل ما اتييني اراده اسبوع اسبوعين وما اكمللان الوزن اللي انزله قليل حيل حيل وزني من النوع صعب نزوله ولي نزلت شي لا يذكر فا انحبط ساعتها وما اكمل
ثانيا القعده ثم القعده والكسل
كل يوم اقول ابي امشي واسوي رياضه وتمارين والتزم بأكلي و............ الخ
بس كل اللي اسويه التزم بنظام غذائي اسبوعين وما اسوي شي ثاني
عندي تكيس مبايض واحتمال يكون عندي غده مو متأكده
انا مليانه وودي وميته انزل 9 كيلوات والله بس 9 ومو قادره عليهم
حياتي كلها معطلتها والله كلللللللللللللللللها عشان هالسبب
ما اطلع
ما اشتري حق نفسي ملابس عشان مابي ادش السوق وانحبط
مو قاعده استانس
ابي نظام اغير فيه حياتي
في اخصائيه عطتني نظام وايد حلو وما ايوع فيه وايد شويه ونزلني اكثر من غيره وودي اكمل عليه
بس يبيلي push وحركه ورياضه
بعد شنو اسوي
لو تدرين انا شنو معطله بحياتي بتقولين هذي تبالغ
خليها على الله

حبيبتي ذكر الله وصلي على النبي

9 كيلو ان شاءالله راح تنزلينهم قولي آمين
استمري على النظام اللي عطتج الأخصائيه
بس لازم مشي لازم رياضه
الرجيم والرياضه مثل التوأم
حياتج ما راح تتعطل شدي حيلج والله راح يعينج
قوي اراتج حطي هدف حق حياتج
تبين تلبسين اللي تبينه ؟
تبين تمشين بكل ثقه؟
تبين نفسيتج تتغير؟
حطي حيلج بالرياضه والرجيم واتكلي على الله
وتعوذي من ابليس لايقص عليج ابليس ويخليج تاكلين ويقولج حياتي تعطلت
ذكري ربج وصلي على النبي واتكلي على الله
وابدي باجر بكل قوه وهمه واصرار​

 

[كيكه توفي]

الله يعطيج العافيه باشن والله يشافي بناتج ويرزقج الذريه الصالحه متابعتج

 

[BiiShOoO]

هلا حبيبتي انت وينج
عمري انت
انا اعالج حق الحمال ورديت الوزن السابق
الأبر والحبوب اتفختني حتى الرياضه احاسب عليها اخاف اكون حامل
الحمدالله على كل حال​

موجودة و الله

حبيبتي و الله

حتى انا والله الحمدالله على كل حال:yaaaaaarb:

 

[passion.666]

الله يعطيج العافيه باشن والله يشافي بناتج ويرزقج الذريه الصالحه متابعتج

الله يعافيج ياحلوه
ومشاركتج لي يدل على اصرارج على الرشاقه والاستفاده من النصايح​

 

[passion.666]

موجودة و الله

حبيبتي و الله

حتى انا والله الحمدالله على كل حال:yaaaaaarb:

الله يرزقج ويرزقني ويرزق كل محروم​

 

[BiiShOoO]

الله يرزقج ويرزقني ويرزق كل محروم​

اللههم اميين:fun:

 

[ام سعود ديكسون]

مشكلتي بالناس اللي ما تستحي اضعف مني وما يزيدون ولا غرررااااام

ومبطلين عيونهم عليج وووووي فلانة ما تاكلين وووووي ضعفانة

وانا الله العالم اضعف لما نفسيتي تتعب وعندي مشاكل بالبيت

لدرجة الاستهزاء

تدش عليج وي تاكلين سلطة

وي شدعوااااا تفاحة بتضعفج


وي جاي خضر مهتمة بروحها

 

[passion.666]

مشكلتي بالناس اللي ما تستحي اضعف مني وما يزيدون ولا غرررااااام

ومبطلين عيونهم عليج وووووي فلانة ما تاكلين وووووي ضعفانة

وانا الله العالم اضعف لما نفسيتي تتعب وعندي مشاكل بالبيت

لدرجة الاستهزاء

تدش عليج وي تاكلين سلطة

وي شدعوااااا تفاحة بتضعفج


وي جاي خضر مهتمة بروحها

حبيبتي عطيهم طاف منقهرين منج
سوي اللي ترتاحين عليه
وطنشي ولما توصلين للوزن المثالي حقريهم وعطيهم طاف
ولاتخلينهم يؤثرون عليج طنشيهم ولبسيهم
شدي حيلج وسوي رجيم
وموفقه​

 

[ام سعود ديكسون]

مشكورة

مبرووووك تثبيت الموضوع عقبال يثبت وزننا و ربي يرزقج اللي في بالج*