قالي جب جدام اهله

[.،:"$الـعـوبــــة$":،.]

اللحين حبيبتي اللحين مسويه لووووووووووووويه ورحتي بيت اهلج وطلقني ومستحيل اتم وياك

واخر شي ترجيته يردج ..؟

والله مايسوى عليج اللي سويتيه جان ماسويتي هــ اللويه كلها مدامج ترجيتيه وانهنتي ..

انتي تقولين انا لي كرامه ..وين الكرامه في الي سويتيه اللحين الله يهداج ..؟

هم رديتي دقيتي عليه وترجيتي بعد انه يردج
عيل اشحق رايحه بيت اهلج ؟؟ يكون ابتقرصينه يعني ؟؟
صدقيني ريلج ريلج عارفج عدل عدل ويدري شنو تفكيرج واهوه بقلبه يقول مردها لي ومردها اهي اللي بتيي وتترجاني
وفعلا هذا اللي صار
حبيبتي ترا انتي قاعده اتخربين بيتج بيدج مايصير جذي كل ما غلط طبطبتي عليه واخر شي تروحين انتي تترجينه يردج
راح يستقوي عليج وكل مره بيسوي هالحركات لأنج ساكتتله وما تقدرين على فراقه ومردج له
على فكره ترا روحتج بيت اهلج ما قرصت الريال ولا بطيخ دام اخرتها ترجي ماكان له داعي اتروحين بيت اهلج ويدق ابوج وادق خالتج وتكبرين السالفه
قراراتج وايد متلخبطه حبيبتي راجعي نفسج
انا ما أيد انه الوحده ادخل احد ابمشاكلها بس مثل هالبنت لازم ادخل وحده احد كبير يحل لها مشاكلها لأنه كلش ما تعرف تاخذ قرارات واخرتها اهيه اللي قاعده تنظلم وتتعب واهوه مستانس ويخربط ولا همه شي

صراحة و بدون زعل ؟!

انتي تحرين !!! صج حريـــــــــــــــــــــــــــــــــــــــــــــــم

الحين كاتبة موضوع و تشتكين .. و حالتج حالة
قلتي ان لج سنتين .. متحملة
1- طق 2- خيانات 3- ااهانات 4- حملتي و تقولين طاح الياهل بالخامس منه
5 - .. شقول بعد ؟!

و على قولتج قالج جب .. صج لو اني مكانج ماراح ارد نفس ردج
و اطلعها من عينه بطريقتي و احرجه بعين نفسه و عين اهله

بس موضوعج مو موضوع موقف .. و سالفتج مو سالفة غلطة وحدة
انتي راضية .. سوري بس عاجبج الاهانات و الخيانات و الدموع و و و و
و اكبر دليل ان متعودة على انه يهينج بينكم و طاقج عشان بنات .. بس لا يهينج جدام احد

حبيبتي .. من خسر نفسه .. ماله احد
و اكبر مصيبة انج رديتي دقيتي عليه .. اوكي غلطتتي بالطلعه من البيت و بالمرادد .. بس كمليها لي الاخر !!
ادبيه قرصيه !! تقولين ردج عقب ما ابوج و امه كلموه .. و عقب ما ترجيتيه .. لاحظي ..
ما يه لي عندج .. ما صار ريال و كسر الشر و قال حرمة و تستاهل ( لان طول السنتين غلطان عليج ) متحملته ..
انتي ترجيتيه .. و يالج ياخذج .. و سوري بس طول هالسنتين ما استوعبتي ان الوضع غلط ؟!

غلطانة لانج ترجيتيه .. و لا تتعذرين بالكرامة و انتي كرامتج ما همتج ..
قلتلج .. من خسر نفسه ماله احد .. صح ان بين الريال و مرته ماكو كرامة ..
بس اذا ماكو احترام من الاساس و العلاقة بينج و بينه كلش كلها اغلاط .. ما فكرتي تصلحين الوضع ؟!
ما فكرتي تصيرين قوية .. اذا مو لاحد عشان نفسج ؟! ما فكرتي ان الاشياء ما تصير بعشوائية و لكل شي سبب
اجهضتي .. بالخامس .. فـ نصيحتي لج .. تريثي .. و ترا الركادة زينه .. لا تحملين الحين .. غيري نفسج .. صيري اقوى
و لا تطالبينه باحترام الكرامة .. الا اذا انتي احترمتي كرامتج و عزيتيها ..

كلامهم كله صح ،،
مع إنك غلطانة إنك راددتيه قدام أهله مفروض تسفهينه عشان يندم !
بس رايحة وزعلانة ومشتطة ومدخلة أبوك وأمه ! عشان ترجينه يردك !!؟؟
لا تعليق صراحة،،​

 

[اتعبني غلاها]

رد : قالي جب جدام اهله

السلام عليكم

ربي يهدي سركم ويصلح بينكم ياااااارب



حبيبتي انتي عيدي النظر بالموضوع وحطي حد للعلاقه يا انج تنهينها معاه يا انج تتفاهمين بهدوء


والله صدقيني لا اهلج ولا اهله يعرفون شنو بينكم ولا يعرفونكم كثر ما تعرفون انتم بعض


وبعدين هو ما تعرف على بنات الا ان العيب منه .. ويحاول يتهرب منج ومن نظراتج ويحس بالضعف كل ما قرب لج


حبيبتي انتي الطرف الاقوى بالموضوع خلي عندج كلمه ورأي


وربي وربي صدقيني ان السكوت احلى حل


يعني لما تشووفينه جاي ومعصب سكتي خليه يقول كل اللي عنده وبعدين انتي تحجي


وراجعي نفسج حياااتي وانتي بيدج تحددين علاقتج وكلامه معاج وتخلينه ما يمد ايده


وربي يكتب اللي فيه الخير ياااارب


بس تكفين لا تتسرعين بالطلاق .. ترى الرجال متحججين .. وانتي الخسرااانه



وربي يردكم لبعض .. ويهدي سركم

 

[jolie_q8]

رد : قالي جب جدام اهله

الموضوع مغلق لانه المشكله انتهت

وشكرا

الإدارة