قالي جب جدام اهله

[نور الكوثر]

حبوبه هذا عيوبه وايده راعي بنات ويعايرج بالحمال والغلط منه ويغلط عليج وعلى اهلج ليش مايكون ربج يحبج مايبيج تتعلقين فيه ويكون عندج ياهل منه انا اقول فكري الف مره

 

[دآنة آلرشآيده]

الله يعينج ويصبر قلبج
والله يهديه ويسخره لج

 

[لآ بيرلآ]

صراحة و بدون زعل ؟!

انتي تحرين !!! صج حريـــــــــــــــــــــــــــــــــــــــــــــــم

الحين كاتبة موضوع و تشتكين .. و حالتج حالة
قلتي ان لج سنتين .. متحملة
1- طق 2- خيانات 3- ااهانات 4- حملتي و تقولين طاح الياهل بالخامس منه
5 - .. شقول بعد ؟!

و على قولتج قالج جب .. صج لو اني مكانج ماراح ارد نفس ردج
و اطلعها من عينه بطريقتي و احرجه بعين نفسه و عين اهله

بس موضوعج مو موضوع موقف .. و سالفتج مو سالفة غلطة وحدة
انتي راضية .. سوري بس عاجبج الاهانات و الخيانات و الدموع و و و و
و اكبر دليل ان متعودة على انه يهينج بينكم و طاقج عشان بنات .. بس لا يهينج جدام احد

حبيبتي .. من خسر نفسه .. ماله احد
و اكبر مصيبة انج رديتي دقيتي عليه .. اوكي غلطتتي بالطلعه من البيت و بالمرادد .. بس كمليها لي الاخر !!
ادبيه قرصيه !! تقولين ردج عقب ما ابوج و امه كلموه .. و عقب ما ترجيتيه .. لاحظي ..
ما يه لي عندج .. ما صار ريال و كسر الشر و قال حرمة و تستاهل ( لان طول السنتين غلطان عليج ) متحملته ..
انتي ترجيتيه .. و يالج ياخذج .. و سوري بس طول هالسنتين ما استوعبتي ان الوضع غلط ؟!

غلطانة لانج ترجيتيه .. و لا تتعذرين بالكرامة و انتي كرامتج ما همتج ..
قلتلج .. من خسر نفسه ماله احد .. صح ان بين الريال و مرته ماكو كرامة ..
بس اذا ماكو احترام من الاساس و العلاقة بينج و بينه كلش كلها اغلاط .. ما فكرتي تصلحين الوضع ؟!
ما فكرتي تصيرين قوية .. اذا مو لاحد عشان نفسج ؟! ما فكرتي ان الاشياء ما تصير بعشوائية و لكل شي سبب
اجهضتي .. بالخامس .. فـ نصيحتي لج .. تريثي .. و ترا الركادة زينه .. لا تحملين الحين .. غيري نفسج .. صيري اقوى
و لا تطالبينه باحترام الكرامة .. الا اذا انتي احترمتي كرامتج و عزيتيها ..

 

[برنسيسة زمااني]

شنو جب جب

هذا اسلووووووووووووب

لااا ومغازلجي بعععد

الصراحه مافيه شي سنع ريلج

اقولج الصج

لا اخلاق لا اسلوب لا شي

الله يعينج اختي

 

[ستروبريه]

اشدعوووه يبى عشان جب تطلبين الطلاق هدي بالج وماله داعي حطيها بمحمل غشمره اذا بتتصرفين بهالسرعه وماعندج طوله ماراح تعيشين

 

[** باربي **]

اصلن الخيانه بروحها هذا موضوع ثاني ويكفي انج تروحين بيت اهلج وتعلمينهم وتوقفينه عند حده
انتي الضاهر من اول مرة طحتي عليه ما خذيتي موقف حازم معاه وتساهلتي بردة فعلج فقال هاذي عادي يبااا
وفوق هذا وطفارتي هالشي انه يغلط عليج جدام اهله يعني شوفوني انا ريال شسوي بزوجتي عباله الي جدامه طوفه
لا اعصاب ولا عروق مثله ..!! حسبي الله عليه وفوق هذا فيه لزوجه مثل ما فهمت واهوا سبب تأخر الحمل ويعايرج ..!!
صج دنئ وفوق هذا الي جد يخلي الريال بعيني ازبل من الزباله من عقب الخيانه طبعن يجذب على زوجته عشان يغلطها ويضلمها
ويبين انه اهوا المسكين والعكس تماما ,,واي واااي شلون يجذبون ويطلعون حجي جذب ويموهون الصج بمواقف قديمه ويلفون ويدرون ما ادري شلون هالخباثه ابهالبشر !! قتلج انا وقفيه عند حده خلي اهلج طبعن واذا اهوا يجذب ويحتال انتي بعد بالغي وجذبي شتسوين مع هالاشكال عشان لا اهلج يصيرون ضدج كل ما يعلي عليي.. و هأ يقول تقولي انته موريال ..!! وانت لي الحين مقتنع انك ريال على فعايلك
واي حريتيني عليج حاسه فيج يا قلبي ادعي الله يذله تحت ريلج ويكسرة وينذل مثل ما ذلج وينهان مثل ما استهان فيج ادعي وادعي واستغفري واقري البقرة انه الله يوريج حوبتج فيه انه يذله ويكسرة ويضل تحت ريلج اللهم آمين وكل هالاشكال ربي الجبار انشالله اقوى من جبروتكم ..

 

[a7la_nono]

صراحة و بدون زعل ؟!

انتي تحرين !!! صج حريـــــــــــــــــــــــــــــــــــــــــــــــم

الحين كاتبة موضوع و تشتكين .. و حالتج حالة
قلتي ان لج سنتين .. متحملة
1- طق 2- خيانات 3- ااهانات 4- حملتي و تقولين طاح الياهل بالخامس منه
5 - .. شقول بعد ؟!

و على قولتج قالج جب .. صج لو اني مكانج ماراح ارد نفس ردج
و اطلعها من عينه بطريقتي و احرجه بعين نفسه و عين اهله

بس موضوعج مو موضوع موقف .. و سالفتج مو سالفة غلطة وحدة
انتي راضية .. سوري بس عاجبج الاهانات و الخيانات و الدموع و و و و
و اكبر دليل ان متعودة على انه يهينج بينكم و طاقج عشان بنات .. بس لا يهينج جدام احد

حبيبتي .. من خسر نفسه .. ماله احد
و اكبر مصيبة انج رديتي دقيتي عليه .. اوكي غلطتتي بالطلعه من البيت و بالمرادد .. بس كمليها لي الاخر !!
ادبيه قرصيه !! تقولين ردج عقب ما ابوج و امه كلموه .. و عقب ما ترجيتيه .. لاحظي ..
ما يه لي عندج .. ما صار ريال و كسر الشر و قال حرمة و تستاهل ( لان طول السنتين غلطان عليج ) متحملته ..
انتي ترجيتيه .. و يالج ياخذج .. و سوري بس طول هالسنتين ما استوعبتي ان الوضع غلط ؟!

غلطانة لانج ترجيتيه .. و لا تتعذرين بالكرامة و انتي كرامتج ما همتج ..
قلتلج .. من خسر نفسه ماله احد .. صح ان بين الريال و مرته ماكو كرامة ..
بس اذا ماكو احترام من الاساس و العلاقة بينج و بينه كلش كلها اغلاط .. ما فكرتي تصلحين الوضع ؟!
ما فكرتي تصيرين قوية .. اذا مو لاحد عشان نفسج ؟! ما فكرتي ان الاشياء ما تصير بعشوائية و لكل شي سبب
اجهضتي .. بالخامس .. فـ نصيحتي لج .. تريثي .. و ترا الركادة زينه .. لا تحملين الحين .. غيري نفسج .. صيري اقوى
و لا تطالبينه باحترام الكرامة .. الا اذا انتي احترمتي كرامتج و عزيتيها ..

صح لسانج
واللي تقول اعتبريها غشمره ما اعتقد ترضاها لنفسها حتى لو على غشمرة لان الغشمرة لي زادت عن حدها تنقلب جد
تدرون خلونا نسكر الموضوع احسن لانه انتهى وصاحبة الموضوع سوت اللي تبيه وخلصت مشكلتها

 

[رووحي لغاليها]

رد : قالي جب جدام اهله

اللة يهدي مابينكم ويسخرلج زوجج وحاوليي تكسبينة صوبج وعسى الله يعوضج ويرزقج بالذرية الصالحة ويلهى معاج

 

[ام ناصر 2009]

رد : قالي جب جدام اهله

الله يهديكم ويصلح الحال

 

[pure-poison]

رد : قالي جب جدام اهله

شوفي اهو غلطان بس انتي بصراحه زودتيها لكن اذا اهو على حسب كلامج مايعاملج عدل ويخونج وانتي متاكده من هالشي وليلحين مابينكم عيال خلاص تسريح باحسان افضل اذا انتي حاسه ان هذا الحل اما اذا كل مشكله بتقولينله طلقني ترا العلاقه كلش ماتسوى كلمة طلقني او بطلقج اذا كل شوي تنقال ترا تصير سهله حيل وماله داعي العلاقه تستمر

 

[حنون المزيون]

رد : قالي جب جدام اهله

المشكله فيج بالأصل كلن عادي عندج يغلط ويحقرج بس لمن تطور الأمر صار جدام اهله إهنيه تضايقتي

ياماما الإهانه إهانه سواء بينج وبينه أو جدام أمة محمد صلى الله عليه وسلم

وغلطتج الثانية لمن رديتي عليه جدام اهله والله اعرف وحده كانت قاعده معانا ويا ريلها وكنا بعزيمه كبيره والكل حريم ورياييل فكان معصب وقال لمرته جب ولا كلمة بنت الحلال ولا ردت عليه وكملت اكل وكل لقمة توقف في بلعومها من الإحراج وشوفي شلون الحين فارتخ فرررررررررر بإيدها وريلها لو تبي القمر صعدها له وما يناديها إلا بدلع اسمها مع إن صار لهم 26 سنه متزوجين بس صبرت ولعبتها عليه صح

الله يهديكم لبعض ويسخركم لبعض

 

[بشاير السعدون]

الله يهديكم لبعض وان شاء الله ما يطالع غيرج
قولي امين

 

[روحي زوجي]

رد : قالي جب جدام اهله

لاحول ولا قوة الا بالله

الله يهدي مابينكم

ماسبج الا ان اموركم بالاساس مو منضبطه فهالاسلوب هذا رد فعل طبيعي اذا كانت اموركم كما اللي ذكرتها

اما سالفة الطلاق ليش؟

لا تتخذين امور بعدين تتحسفين بعدها طول عمرج
يعني اذا تطلقتي بيجي اللي احسن منه ؟


تعوذي من ابليس وصفي اموركم حتى يكون بينكم احترام

ومافيها شي اذا دقيتي عليه وتأسفتي منه


الله يهدي زوجي وازواج المؤمنات يارب ويسخرهم لنا

 

[بيبي بدر]

الله يهديكم

 

[مذهــ ksa ــله]

رد : قالي جب جدام اهله

حبيبتي هو غلطان وانتي غلطانه
صح لازم توقفينه عند حده عشان مره ثانيه مايغلط عليك لا قدام احد ولا بروحكم
بس مو بالطريقه هذي
المفروض ماتجيبين سيرة الطلاااق ابد
وهو لو مايبيك كان ماقال لك لاترسلين مسج
لانه عارف انك معصبه من كلامك وماتدرين وش تقولين
وهو اكيد ماغلط عليك الا لانه معصب
راعيه هو زوجك مهما كان
ونصيحه لاتتسرعين بالطلاق

 

[برد ابو الذهب]

يبا ريلج عارفج عدل مهما يسوي فيج بترجينه وتبجبجين عنده لانج ضعيفه بدونه
والريال ما يحب الضعيفه


عيل ابشرج يا مالج بتشوفين اهانات لي الراس وجدام الكل لان نفسج ما عزت عليج اشلون بتعز عليه

 

[أط أط]

السلام عليكم ورحمة الله وبركاته ..

حبيبتي عشان قالج جب تطلبين الطلاق ؟؟

عادي عصب شفيها يعني ؟؟

أنا أزعل منه أصعد غرفتي .. ما أكلمه ؟؟

بس مو أطلب الطلاق ؟؟

حبيبتي أهدي شوي .. وهذا الشي طبيعي لأنه ما عندكم عيال .. تصير مشاحنات وايد ..

ردي لزوجج وترى هذا شيطان ..

وأنتي تقولين تحبينه .. يعني ما تقدرين تفارقينه ..

بعدين لا تقولين أنا مافيني شي هو في ضعف ؟؟ بموضوع الحمال أنتوا واحد يعني فيكم مو بس فيه أهو بس ؟؟

الله يهدي بالج .. ويريحج حبيبتي .. ويوفقج ..

أنتي بطريقتج تقدرين تزعلين منه وأنتي عنده ..

الله يهون عليج ويريحج ..

 

[a7la_7b]

الله يعينج ويفرج همج ويكتبلج اللي فيه الخير

 

[روعه الأحساس]

والله بتلشنا بالرياجيل والجهال والخدم والدوام يمه دوامه وين نروح منهم
أدري داشه عرض الله يعينك

 

[قرص عقيلي]

الله يعينج حبيبتي ويهدي ريلج