قالي جب جدام اهله

[بنت عطا]

حبيبتي انتي ماغلطتي.....اهو الغلطان


ومال تناقش كلش........ولو على قولتج يحبج ماحقرج وزفج وفشلج

الحل اقعدي في بيت اهلج...واحقريه نهائيا لادقين ولاتسألين ولادخلين احد بالموضوع لو يبيج بيرجع لج

 

[بنت عطا]

والله ماينفع معاهم الاحترام يحبون اللي تحقرهم

 

[نكهةالبرتقال]

وااااااااااي ماددري شقولك

عذريني على هالكلمة

اهو سليط اللسان


و انتي ما تنلامين

بس باختصار

بقولك نصيحتين و أنتي كيفك :


1- النار ما تنطفي بالنار

2- هل تضمنين زوج أحسن منه بعد الطلاق !

رياييل هالزمن من هالطقة

 

[قمر^خالد]

لااا أهو الغلطاان... يسب ويقووولج كلاام موزيين جدام أهله ......... عييب عليييه ...... شنو يعني ....؟؟؟

بيطيح من كرامتج .. خلليييه يتأدب ... وقعدي عند أهلج .......... لما يتأدب ..

 

[امواج الكويت]

اولا مشكورين اللي ردوا وكذا وحده اسلوبها غير راقي وما تثمن كلامها

ثانيا انا ما رديت الا لما ابوي وخالتي اخذوا حقي منه

ثالثا انا شفت افضل نصيحة ولا قصور بالكل نصيحه الغاليه ام نونو وهي قالت دقي وتسامحي منه وسويت اللي قالت عليه والحمدلله كاهو يا عندي ومتحسف

ورابعا انا ما اقدر اتم فبيت اهلي اكثر اللي فيهم مكفيهم اخوي توه متوفي وكافيهم همهم مابي ازيد عليهم ويوم اني رحت لهم بس حبيت اعلمه ان وراي ظهر وابوي ما قصر

 

[حياتي كلها لله.]

ياااحياتي رديتي له.. الله يهنيج
احنا جذي حريم مالنا قلب بسرع نرضي
والله لو اشويه اندوس علي قلوبنا جان موهذي حالتنا
جان وصلونا القمر !! بس يغلطون واحنا انطوف!!
الله ياااخذ حقنا وينصرنا
بس لحد يفمني غلط انا ماااشجع اللي تزعل تروووح بيت اهلها
لالا ازعلي ابيتج !!!
والله لاييب الزعل لاحد وهني الكل
ووفقج يااختي امواج الكويت ويسعدج

 

[بنت عطا]

الحين احنا واقفين معاج وجذي ردج ناس ماتقدر كلامها؟؟؟

رجال قايلج جب شتبينا نقول بوسي راسه

شدعوه عليج

وكاج تقولين ردج عشان ابوج وخالتج مو عشانج انتي اهم ردوه غصب

 

[قطوة@@]

رد : قالي جب جدام اهله

الله يهديكم ان شاء الله

 

[**وقفة فرس**]

[font="comic sans ms"!!!!!!!!!!!!! [/font]

 

[**وقفة فرس**]

آنا مستغربة المنطق اللي تتكلمين منه!!!!!يعني يغلط عليج بينكم عادي؟؟؟؟يطقج عادي؟؟؟؟
وتسكتين لما تنشف دموعج!!!!!!
وما تبينه يغلط عليج جدام أهله؟؟؟؟؟؟؟؟
لاااااااا...أبشرج بيغلط عليج جدام الناس وبأي مكان عام بعد........
الإحترام قبل الحب دائماااااااااااا
والبنات اللي يقولون لج دام تحبينه صبري عليه....لاوالله ما أصبر لابوه لابو قلبي اللي بيصبر عليه....والحمدلله إن نفسج صعبت عليج قدام الناس..وحسيتي بالإهانة اللي مفروض ماترضينها من زمان حتى لوبينكم...
وين الكرامة وين عزة النفس وين الإحترام؟؟؟؟؟؟؟؟
إسمحيلي إنت الغلطانة وقبل لاتصبرين عليه وتشكين عند أهلج عالجي شخصيتج وحبي نفسج قبل لاتحبينه...
شنو كل ماتعرف على وحدة إستشب وخذته العزة بالإثم وحط عقده وحرته فيج لا ويطقج عشانهم...ويتسبب بإجهاضج؟؟؟؟
صاحية إنت ولا منتي صاحية حرااااااام عليج نفسج والله حرام....هذا البعد عنه أكبر غنيمه....واللي قاهرني تقولين يحبني فعايله فعايل واحد يحب؟؟؟؟
غيري شخصيتج تغير جذذذذذذذذذري...وخلي أبوج يتفاهم معاه ويفهمه إنه ماخذاج من الشارع....ولا تسمحين له يهينج بكللللمة وحدة لا بينكم ولا جدام الناس وخليج قد كلامج ولا اطوفيله أبد وخله يضبط حاله ويبطل خرابيط ويتسنع ويصير آدمي...وبغير جذي لا ترضين....ولا افتكي منه والله بيرزقج.....القلب ينداس عليه والزمن كفيل بالنسيان بس الكرامة ماينداس عليها....متى ماحفظتي كرامتج كان لج احترامج وهيبتج عد الكل ومتى مارضيتيلها المهانة راح يهينج الكل...

 

[مذهــلــه]

والله حبيبتي تصرفج غلط يعني وشنو معصب عادي طنشيه وخلي اعصابج باردة صج يقهر عشان جدام اهله بس ترى ماراح يلومونج راح يقولون حرام عليه هو طول لسانه وهي ساكته لانها متربيه

وماله داعي توصل الطلاق ماصار شي

وبعدين اشدراج ان اللي متصل من الصليبية بنت؟؟ خصوصا انه رقم بيت اشدراج؟؟

لاتخلين الشيطان يدخل بينكم حرام

تعوذي من ابليس ..مايمنع ان تظلين في بيت اهلج جم يوم لما تصفى النفوس

بس حرام الطلاق عشان سبب تافه

 

[طير يحب سجانه]

لاحول ولا قوة الا بالله
الله يهدي النفوس
انتي بعد ليش تكلمي كدا يمكن كان معصب يوم يغلط

 

[eman84]

بصرااحه ريلج قليل الادب اسمحيلي واللي تقولج انتي غلطانه لا يمه منتي غلطانه
اللي مايعزج وبرزج جدام الناس وبالذات اهله شتنطرين منه ؟!؟
وغير هذا كله تقولين ادري يكلم وساكته ؟ ليش عسى ماشر !! ويطقج علشان بنات بالشارع اللي العالم اهم شنو ؟! المهم انهم شي مايسوا !!

لا صح اللي سويتيه خل يحس انج مو ميته فيه و ان لج اهل وعزوه علشان يتأدب شوي بس شيلي سالفة الطلاق من راسج ولا تطرينها
ادبيه جم يوم وخلي يندم على اللي سواه ؟؟ صج بط جبدي الله يهديه ويسخره لج وشوفي ليش ريلج يكلم غيرج ؟ شنو اللي انتي مقصره فيه وحاولي تحطين النقط على الحروف دام انتي في بيت اهلج و فكري عدل وماكو الا العافيه كل الازواج يختلفون وتصير المشاكل بكل بيت بس الاهم ان نتعلم منها ونتجاوزها على خير

 

[Tom ♥ Jerry]

.



لا حول و لا قوة الا بالله العلي العظيمـ !
شوفي حيآتي ترا كل مره تتهاوش مع ريلها تقوله طلقني ..
أول كلمه تقوله اياها ( طلقني ) :*
و الصرآحه اهوه يطلع غبي اذا طلقها ..
يعني آنتي الحين لمآ تفكرين بالسالفه عدل .. و أنج تحبينه و اهوه يحبج !
تستاهل السالفه تتطلقين عشان هالشي ..
انا مآ آقول السالفه مو قوية .. / بالعكس قوية وآيد .. !
شلون يقولج ( جب ) جدآم امه و أخته و اهله .. !
انا اقووول قوليله أنته الي سويته مو شوية و لازم تحس بالغلط ..
انا مآ رآح آرد الا اذا وعدتني مآ تغلط مره ثآنيه ..
و مآ تقولي انتي مو متربيه ! ترا هالكلمه تجرح أنا بنت ناس .. :×
و اذا وعدتج و ييه و تأسف و حسيتي من قلبه ..
خلاااص رجعي و كان الله غفور رحيمـ
غفريييله .. كل انسان يغلط و يمكن كان معصب على شي ..
و حط الحره فييييج .. :*
و اذا مآ تحسف و هم قعد يغلط علييج ..
آسمحيلي لا ترجعين له لأنه مآ يستاهلج .. !
و سالفه أنه يكلم بنات هاذي سالفه ثآنيه عآد ..
لآزم لآزم يخلي الي يكلمهآ وين قآعدين أحنآ ..
هم يغلط عليج و هم يكلم بنات .. !
استخيري يا قلبي و الله يكتب الي فيه الخير يارب ..




.

 

[a7la_nono]

انتوا من صجكم تلومون المره انها راحت بيت اهلها هذا رجال ما ينعاش معاه اقل شي لازم يعرف حدوده ويتادب يطقها ويسبها حتى جدام اهله وفوق هذا يخون ويجذب وبعد تلومونها وتقولون غلطانه باللي سوته
يعني ترظون ازواجكم يهينونكم ويطقونكم ويخونونكم اهي شنو ذنبها محد يرضى بالظلم
واللي تقولها عادي واذا قالج جب جدام اهله صبري حبيبتي ترى اذا انتهى الاحترام بين الزوجين انتهى الزواج لازم كل واحد يلزم حدوده ومايغلط عالثاني
حبيبتي اذا انتي تحبينه وتبينه خلي يعرف قدرج وخليه يعرف انج بنت عالم وناس عيب يسبها ويطقها انتي طالعه من بيت ناس عازينج ورازينج ولازم تكونين معززه مكرمه عند زوجج بعد
انا ما احرضج عالطلاق لا بالعكس بس لازم يحترمج ويعزج ويتوب من خرابيطه

 

[a7la_nono]

صراحه انصدمت من ردج انج رديتي بسهولة عشان ابوج وخالتج دام نيتج جذي من زمان بتردين بهالسهولة ليش كتبتي الموضوع وتبين شورنا
صح ان احنا ما ودنا بالطلاق بس اقل شي لازم اهو اللي يحس بغلطته ويعتذر مو انتي تدقين
نصيحة غيري شخصيتج لان اذا تميتي على ما انتي عليه زوجج مستحيل يتغير وراح تتكرر الاهانه وراح يتكرر الطق
عموما كل واحد حر بحياته والله يوفقكم ويسخركم لبعض

 

[ملكه افكاري]

اولا مشكورين اللي ردوا وكذا وحده اسلوبها غير راقي وما تثمن كلامها

ثانيا انا ما رديت الا لما ابوي وخالتي اخذوا حقي منه

ثالثا انا شفت افضل نصيحة ولا قصور بالكل نصيحه الغاليه ام نونو وهي قالت دقي وتسامحي منه وسويت اللي قالت عليه والحمدلله كاهو يا عندي ومتحسف

ورابعا انا ما اقدر اتم فبيت اهلي اكثر اللي فيهم مكفيهم اخوي توه متوفي وكافيهم همهم مابي ازيد عليهم ويوم اني رحت لهم بس حبيت اعلمه ان وراي ظهر وابوي ما قصر

سويتيعين العقل
حبيبتي اذا تطلقتي ماراح ينفعج احد

ونصيحتي مشاكل صغيره خليها بينكم لا تكبر وتتعقد اذا وصلت للكبار

الله يهنيكم يارب

 

[نـــووونـــا]

رد : قالي جب جدام اهله

حاولي اتفاهمين معاه لا تخلين الطلاق أول فكرة براسج خصوصا لو كان زين معاج ..

فكري بعقلج وبهدوء واستخيري ..

..

..

 

[ملكه افكاري]

اولا مشكورين اللي ردوا وكذا وحده اسلوبها غير راقي وما تثمن كلامها

ثانيا انا ما رديت الا لما ابوي وخالتي اخذوا حقي منه

ثالثا انا شفت افضل نصيحة ولا قصور بالكل نصيحه الغاليه ام نونو وهي قالت دقي وتسامحي منه وسويت اللي قالت عليه والحمدلله كاهو يا عندي ومتحسف

ورابعا انا ما اقدر اتم فبيت اهلي اكثر اللي فيهم مكفيهم اخوي توه متوفي وكافيهم همهم مابي ازيد عليهم ويوم اني رحت لهم بس حبيت اعلمه ان وراي ظهر وابوي ما قصر

سويتيعين العقل
حبيبتي اذا تطلقتي ماراح ينفعج احد

ونصيحتي مشاكل صغيره خليها بينكم لا تكبر وتتعقد اذا وصلت للكبار

الله يهنيكم يارب

 

[bambena]

رد : قالي جب جدام اهله

لا مو عادي يغلط عليج بينكم !!

هذا اللي خلاه يتمادى

والمفروض ماتردين عليه جدام اهله وتهاوشون جدامهم تتفاهمين معاه بعدين