قالي جب جدام اهله

[الصعيريه]

رد : قالي جب جدام اهله

عطييييييه درس ماينسااه
علشان يعرف شلوون يحترمج ويبطل الخرابيط اللي قااعد يسويها

يعني على شينه قووت عينه

 

[ساندريلا]

لا طبعا اكيد اهو غلطان كل شي ولا الكرامه اهو مايدري ان كرامتج من كرامته؟؟
الله يهديه انشالله ويسخره لج

 

[داريني]

انا بعرف بنات ليش كلكم قطيتو الغلط على البنيه
مسكو الخيط من بدايه ريلها اهوه الي تافه وبدا بالغلط علشان حليب وبقصم
واهيه ردت عليه بادب ما سبته
ولما قالت طلقني ما قالت له مني وطريج قالتها على امل انه شوي ياخذ الموقف بجديه ويعتذر لها
اما اهوه لأ بالعكس تمادى وجنه ما صدق على الله يفتك منها
انا ما اقول خل تتطلق بس لازم يتادب وبعد هم يجذب والله بالله على شنو يتمنن عليها الا يبي زله عليها
وايه امبين مسكينة تحبه بس اهوه مو كفو صراحه
انا عندي اذا ريال ما يحشم مرته قبال اهله باجر اهله ما راح يحشمونها وخو بعد من الله الجنه ثقيلة على الحمولة وبعد يكلمها الريل ويسبها قبال اهلها وعلى شي سخيف بعد

ما ادري شنو تبون من المرا
الا ريال وايد معطينه اهميه بحياتكم جنه اذا زعل الريال خلاص بندش النار يعني
مالت عليهم
بعضهم مو كلهم ههه

 

[غلاي عزوزي]

اانا اقول الحب يسي المعجزات



يعني لو كاسره عينه جدام الناس وقلتيله ان شاء الله والله انه بيراجع حساباته وينقد علي نفسه




شفيج تردين بنفس الاسلوب



صج ماعندج خبره




لاوالله ليش اشمت غيري فيني


اول شي اذا رديت ي هالرد وبكل احترام وادب

تنكسر عينه
يحترمج لانج ماغلطتي بالعكس حسستيه انه جاهل وردي
راح تكبرين بعيون الناس
واذا في عواذل بيموتون حره لانهم يبونج تعصبين لكن اذا رديتي هالرد بيموتين ويدرون انج شاريه ريلج




غلطانه
غلطانه


الرجال لاعصب المره تنجعم وتتعامل معاه علي تربيتها وسنعها وبس مو تصير نفسه عيل لاطقج شمري جمج وطقيه جدام الناس

 

[امواج الكويت]

بنات والله متلهفه بعرف شصار مع اهله

 

[شيخة الحلوة]

تبين الحق
؟؟؟؟؟؟؟؟
انتي غلطانه
لو مهما عصب الريال ما تردين عليه وخاصه جدام الناس
ميخالف غلط
اصير احسن منه ومااغلط نفس غلطته

الله يهدي سركم ويجعلمك قرة عين لبعض
ويبعد عنكم بنات وعيال الحرام قولي امين

انا اقول ردي بيتج احسن وتعوذي من ابليس هذا ابليس مايرتاح الا اذا شاف الزوج والزوجة زعلانين على بعض
والله قومي توضي وصليلج ركعتين
ودزيله مسج قوليله تعال مرني بارد بيتنا وشقتنا الحلوة
والله يهديكم يارب

 

[eng.meema]

بس يا امواج لا تفكرين
ليش اهوه ما يكون متلهف مثلج ويبي يعرف شصار معاج ومع اهلج ؟؟
انتي مو قاعده ابيت اهلج عشان تحرقين روحج تفكير
نامي وارتاحي وريحي مخج من التفكير وياخبر اليوم بفلوس باجر ابلاش

 

[جيكره(و)تتغلى25]

في كذا نقطه اولا


انتي تعرفينه انه لسانه طويل المفروووض ماتعصبينه



ثانيا لما تسوين نفسج ماتدرين انه يخربط بيحس بالذنب


ثالثا عصبيته يطلعها عليج لان حاس بالنقص وفيه ضعف

انا ضد الزوجه تلوم البنت الي تكلم زوجها لان البلا فيه تلقينه مجذب عليها وانه عزوبي بس غريبه يصلي ويكلم؟؟الصلاة تمنع عن الفحشاء والمنكر

وبعدين اذا كلمتي رفيجته وهدته في غيرها وغيرها هو لان فيه نقص يطلع حرته بلسانه والمغازل


زين سويتي رحتي بيت اهلج اما تطلبين الطلاق قويه المفروض تروحين وتوصلين السالفه حق ابوج ويقوله شنو الحل حط نفسك بمكانها الحل الطلاق ولا تفاهم ومايتكرر الشي؟

 

[واصله]

حبيبتي دام ما بينكم عيال من الحين لازم تحطين حد وتصرفج صح
شنو باجر يقعد يغلط عليج عند عيالج وبيتعقدون
وشنو اهو سبب موت البيبي ببطنج ؟؟ الله يهدية بس عاد مو لي هالدرجة
عدلي تصرفاتة من البداية عشان ما يتمادى وتنصدمين اكثر

 

[ضايعة بدنيتي]

رد : قالي جب جدام اهله

بالعكس انا ما اشوفك سويتي شي غلط . انتي ما قطيتي كلام مثل ما هو سوى عشان يقول لك انتي مو متربية اصلا المفروض ما تسمحين لأحد يكلمك بهالطريقة . انا مدري ليش الحريم عندنا سلبيات .. يعني تبونها هي تراعيه وكأنه جاهل مايدري شقاعد يقول وهي الي لازم تراعي وتتحمل وتصبر ؟ لا حبيبتي مثل ما هو انسان وله احترامه وله مشاعر تحترمينها انتي اكثر منه كافي انك متحملة اسلوبه وحركاته . هو واضح ان مو فارقه معه ان بقيتي عنده ولا لأ. بصراحة حبيبتي انا ما انصحك بالطلاق الحين صبري لانك في حالة غضب خلك في بيت اهلك شوي فكري زين وعطي نفسك فرصة عشان تهدا اعصابك واعصابه . ولازم تخلين الكبار من اهلك واهله يتدخلون .وماعليك من احد ولا ردة فعلهم. عليك من نفسك بس وياخبر اليوم بفلوس بكره ببلاش . انتي بس ادعي ربك ... وربي يسوي الي فيه الخير .

 

[الغاليه نونو]

اللي سويتيه غلط ومليووون غلط والله العظيم لو انتي بنتي جان اقص لسانج قص شسالفه ماتبون الريال يقول لكم ادنوا علي وراكم الا قلتوا له طلق لاحول ولاقوة الا بالله

يابنتي الريال ماقال شي دش الصاله معصب المفروض تقوليله مالك الا طيبة الخاطر ياقلبي ثواني والاكل عندك حتي لي قال لك جب قوليله مشكور ويزاك الله خير يابعدهم وابتسمي بويه اهله وقوليلهم مالي غناة عنه بوعيالي لو يطقني يمون وتالي صعدي غرفتج واذا بخاطرج شي مضايقج المفروض تصلين ركعتين وتستغفرين من وسواس ابليس اللي يطحن براسج ويوزج علي خراب بيتج
ولي ياج الدار ابتسمي له قوليله ماهي عوايدك يالغالي تغلط لاني اعرفك ريال مايطلع منك الغلط ولا العيب بس ودي اعرف شاللي خلاك تقول لي هالكلمه جدام اهلك عسا ماقصرت بحقك وانا مادري ومن هالكلام الناعم تتشرهين عليه بحب وخوف ورجا من الله انه يهديه لج ويسخره لج وتالي تعرفين اشفيه مافيه وتطيبين خاطره وتكون ازمه وعدت علي خير وسلام


سالفتج كلش ماهي سنعه ابد طرشيله مسج وقوليله ضفرك يالغالي بالكون ومافيه وغيرك ابد بالقلب مافيه ولوعطوني كنوز الفرس وكسري وكل ياقوت الشام مابيه لانك انت الغلا كله ولوماوجودك بحياتي يالبعد عيني جان حتي هالعمر دونك صحت مابيه <<<<< تخصص اصلاح ذات البين

شوفي ياقلبي الوقت يمر والثواني تركض وراها دقايق وساعات وابليس مامات ليش تفرحين ابليس واعوانه بزعلتج علي ريلج وتخلينه يتفاخر جدام ربعه ويقول شفتوا اشلوووووووووون فرقت الريال عن مرته

تعوذي من ابليس ومالج الا بيتج وريلج يالحبيبه كلنا زفونا رياييلنا وياما طقونا خالاتنا امهات رياييلنا وياما سفلوا بجد جدنا السابع عشر وقلنا لاجل عين تكرم مدااااااين وشوفي الحين اشزينا سمنه وعسل

يايج الشهر الفضيل تذكري يمعاتج معاه عالفطور تذكري محاسنه كلها تذكري كل ضحكه حلوه بينكم ولا تخلين كلمه تافهه من حرفين تهدم حياتج وتخليج تعيشين بتبهذل طول العمر


نصحتج لله وعسا ربي يهدي سرج ويسخر لج ريلج ويبعد عنج الشر واهله اللهم آمين

 

[p!nkiya]

لا حول ولا قوه الا بالله
طولي بالج ... لا تطلقين وتخلين بنت الشوارع تاخذه منج انت تعرفين مجتمعنا المعقد اي نظره ينظروون للمطلقه !!
مسكيييه وكلمي بكل هدووووووووووء وفهمييمه ان عيب الي سوااه وين قاعديين يسبببج
وقولي له عن الي يكلمها استغفر الله والله البنات الي يكلموون ريايل متزوجيين هذيلي قليلات ادب ومو متربياات وعسى الله يبليها
المهم .. انتي هدي نفسج ودير بالج تطلبين الطلاق
وقولي له ترضى باجر انا اكلم !!
الله يهدييه لج ويارب يزيييد حبه لج بشكل مو طبيعي واي شي تبينه يسوي لج يااه وو يسخره لج يارب وااي والله ضااق خلقي

 

[đeɱɛɼɑ™]

في كذا نقطه اولا


انتي تعرفينه انه لسانه طويل المفروووض ماتعصبينه



ثانيا لما تسوين نفسج ماتدرين انه يخربط بيحس بالذنب


ثالثا عصبيته يطلعها عليج لان حاس بالنقص وفيه ضعف

انا ضد الزوجه تلوم البنت الي تكلم زوجها لان البلا فيه تلقينه مجذب عليها وانه عزوبي بس غريبه يصلي ويكلم؟؟الصلاة تمنع عن الفحشاء والمنكر

وبعدين اذا كلمتي رفيجته وهدته في غيرها وغيرها هو لان فيه نقص يطلع حرته بلسانه والمغازل


زين سويتي رحتي بيت اهلج اما تطلبين الطلاق قويه المفروض تروحين وتوصلين السالفه حق ابوج ويقوله شنو الحل حط نفسك بمكانها الحل الطلاق ولا تفاهم ومايتكرر الشي؟

حبيت نصيحتهآ :weight_lift:
وبعدين البنآت اللي يقولون غلطآنة .!! استغرب منكم !!
كل هذا مسويه فيهآ وهم غلطآنه :/
بس سؤال متى الريال يكون غلطان ؟ ( حتى الخيانة تبررونها له ! استغفر الله )
والله لو اهي مسوية مثله جان كليتووها ! بس عشانها مره خلاص كل الغلط عليها

خياااااااااااانة وخآن < محصن وزآني .. بالدين عقآبه يرجم حتى الموت
سب ويسبهآ < يعني مو محترمهآ ولا حاط لهآ كرآمة
معآير ويعآيرهآ عشآن العيآل < معنه المشكلة منه !
جذاااااب < حتى على ابوهآ يجذب!

صرآحة زييييييين تسوين
خل ينقرص شوي .. انتي لو ما تحبينه جان قلت لج شلج فيه
بس بمآ انج تحبينه .. خلاص حاولي انج تصلحيينه
وحركتج عدلة :rerrerek:
عشان يخاف يخسرج ويحسب لج الف حسآب بدل هالبهذلة اللي معيشج فيها !

والله يهدي سركم ويسخركم لـ بعض

 

[امواج الكويت]

دقيت عليه وكلمته وقلتله والله لو انك ذابحني بشقتنا جان ما تكلمت وانت تعرفني عمري ما تعدى سرنا باب الشقه اما انك تهيني جدام الحريم وتقولي مو متربيه لا ما اتحمل الا كرامتي ما تنداس وترجيته يجي ياخذني خلاص ما اتحمل اكثر اهم شي انه انقرص

 

[.؛:"$قطاوي$":؛.]

الله يعينج طمنيني اشصار وحاولي تهدين اللعب ونطريه يدق عليج ومبينيله انج زعلانه واذا كلمج كلميه قوليله لازم تحترمني وفرضي احترامج حسسيه انج قويه مو مصخره

 

[ابلة لولوة]

حبيبتي الاسلوب هذا غلط لازم ريلج يتأدب شوي

شنو هالالفاظ الوصخه اللي يقولها جدام اهله ؟

اهو بيثبت رجولته جدامهم يعني ؟

زعلي عليه وخليج ببيت اهلج خل يتأدب شوي ؟


سامحيني على حدتي بس قلبي معورني عليج

احلف لج والله لو ادبتيه ماراح ايعيدها بعد وكونه يحبج خليه بعيد عنج شوي عشان يعرف قيمتج ويحترم نفسه مرة ثانيه

بس لاتتطلقين لان الموضوع مايسوى

بس لازم يتغير هالوضع لانه باجر انشالله اذا صار عندج اعيال وسبج جدامهم ساعتها اعيالج ماراح يحترمونج فديري بالج .

 

[.؛:"$قطاوي$":؛.]

شلون تترجينه ياخذج ؟؟؟ راح يتعود يهينج وانتي تدقين تترجينه ياخذج مو اهوه؟؟

الوحده اذا اطلعت من بيتها غلط ترد بروحها بدون مازوجها يراضيها

 

[sKntyny]

اللحين حبيبتي اللحين مسويه لووووووووووووويه ورحتي بيت اهلج وطلقني ومستحيل اتم وياك

واخر شي ترجيته يردج ..؟

والله مايسوى عليج اللي سويتيه جان ماسويتي هــ اللويه كلها مدامج ترجيتيه وانهنتي ..

انتي تقولين انا لي كرامه ..وين الكرامه في الي سويتيه اللحين الله يهداج ..؟

 

[لالوش]

الله يهدى زوجج ويكتبلج الى فيه الخير والصالح وانتى استخيرى وانا اشوف انج ماغلطتى وزين سويتى انج رديتى عليه

وبشكل عام انا الصراحة استغرب من الحريم الى يخونها ريلها واسبها واطقها ولا تقول احبنى واحبه بالله وين الحب اذا مافيه احترام وليش اعيش حياتى بعذاب وليش الوحدة لازم تتحمل جميع اشكال العذاب بس عشان ماتتطلق ولا والادهى والامر ان بعض الحريم عندهم ان اذا غلط الريال وسبها هذا شى عادى وميخاف ولازم اهى الى تراضيه الكل اقولها عادى سامحيه ريال ومعصب ليش ان شاءالله انا يايه من الشارع لازم الوحدة اكون لها كرامه ولها احترامها وهيبتها عند الريال .

والله اذا الريال مو مريحنى اشفايدته عيل اقوله :bye22: وايد احسن

 

[الأصيله]

رد : قالي جب جدام اهله

الله يعين قلبج

ويسخره لج