رجيم د.احمد خولي الفتااااك خلال اسبوع تعالو شوفو جم نقصت

[munani]

هلوووو بنات

والله لاعبين لعب هاااااه

يلا لازم نلتزم

أنـ♡ــاأإ طبعا اليوم اول يوم فواكهه يعني اليمعه

وباجر السبت يوم الدياي والخضروات


غربه الشوق قلبي لا ما ادوخ أنـ♡ــاأإ
اساسا أنـ♡ــاأإ فيني فقر دم وبسرعه ادوخ
بس. انتي يعني اكلي وشربي عصاير
كثري عصير برتقال وماراح تحسين بدوووخه


الامل بالله يلا انضبطي ههههههههههههههااااي
صايره اعلم الناس وانا اول وحده اسوي جذي
اليمعه مالعبت وياضه ولا مشيت
بس اليوم السبت بروح الترفيهيه وبمشي مشي لما يطيح
حيلي ههههههههههههههااااي
يلا بنات تصبحون على خير

ولا تقطعون اوكي ��

 

[الامل بالله 2]

نسيت اسال بنات مادري يوم الخضار عادي نحط معاه قرع عسلي وبطاطا حلوه0000000000

تكفون جابوني00000000000

 

[munani]

مادري والله بس اتوقع القرع عادي بس البطاط لا

 

[لقيت روحي99]

اب اب اب لعيونكم وبقولكم تجربتي ,,,,,​

 

[لقيت روحي99]

شلونكم شخباركم بنااااات انا سويت الرجيم والله حلوو ولافي جوع وخفيف وانا صراحه حبيته وكنت من تضمه علي عدل مدل بــــــــــــــــــــــــــــــــس ليــــــــــــــــــــــــــــــــــــــــش ,,,,,,,,, نزلت بس 3كيلوووو انا ودي اكثر تراماسويت رياضعه ولاشي وكنت اشرب عصير الأفوكاااااادو مع الحليب والعسل مادي اذا هذا يمتن العصير قولولي ... اتمنه تردوووون علي مشكووووورين حبااااايبي .....​

 

[غربة الشوق]

الأمل بالله
لوووووول إنتي مثل حالتي أخبص تالي أعيد من يد ويديد ماكو فايدة فينا :ch12:
بالنسبة للبطاط ممنوعة بكل أنواعها ديري بالج أنا أوخر عنها بدون ريجيم هالدور بريجيم

مناني
اليوم إنتي مثلي يوم الدياي بس بدون خضراوات ..
تهقين؟ الظاهر ليش إني مااشرب عصير لأني لي شربتة اتحسن مشكلتي اشربة آخر اليوم بصحح هالغلطة بالمرات الياية
وهااااااااف فن حبيبتي بالترفيهة :eh_s(15):

لقيت روحي
أهلين حبيبتي .. زين 3 كيلو .. أتوقع إنج مو سمينة حيل عشان جذي نزلتي 3 كيلو .. إمشي يوميا ساعة وإن شاءالله تنزلين أكثر :eh_s(17):

بالنسبة للعصير يفضل تشيلين العسل :rerrerek:

.
أنا اليوم قعدت الظهر كليت قطعة صغيرة صدر دجاجة بس مقلي .. وأخترتها لأنها ناشفة :eh_s(16):
تالي كلة ماااااي والحين طالبة شاورما 2 وعصير ربيع برتقال بشبع :eh_s(22):

 

[لقيت روحي99]

مشكووووووووره اختي غربة الشوق علي الرد............. اي لزم امشي اقل شي نص ساعه...

 

[munani]

هـــ♡ـــلآ بنااااات
أنـ♡ــاأإ اليوم كنت بالترفيهيه
وخرتها صّـْْ(☑)ـْْحّ
طبعا عقب مالعبت يعت قمت وطلبت من ماكدونلدز
وبعدها كليت ويا بنتي شعر بنات وذره ههههههههههههههااااي
ومابقى شي مالطيته
المهم باجر بعوض اللي سويته اليوم
بمشي ساعه كامله عقاب وباجر بحرم نفسي من العشا
يعني اعاقب نفسي
وعقبها انام

حبيبتي غربه الدياي المقلي ممنوع
والشاورما بخبز او بدون ..!!





الامل بالله وينج اليوم مابينتي حبي ..!!





لقيت روحي

وايد زين بدون رياضه ٣ كيلو
اهو لازم مشي نص ساعه اقل شي والصراحه الجو
عجيب
مال مشي اكثر من ساعه اصلا


يلا وعساكم من نزول لي نزول بس بالصحه والعافيه

باااااااي اشوفكم باجر الساعه ٧ ونص بالدوام

 

[الامل بالله 2]

بنات اخباركم وحشتووووووووووني وايد وايد000بصراحه انا اليوم تمام :rerrerek:لاني صايمه المغرب كليت صحن خضار

وربع بطيخه ويوسفي وتفاحه 000وبعدين ظليت ساعتين وشربت ثلاث بيالات جاي00الى هني تمام حوالي الساعه

اثنعش طبت علي مرت اخوي جان تقول ابي جاي وفول سوداني ومربى كرز واي اضطريت اشرب مره ثانيه معاها
وكليت نص توست بر مع قفشه فول00000على فكره بنات ترى الجاي اشربه بالشكر العادي تدرون لازم نعوض :botetoo:
مونبالغ كلج:eh_s(2): لاتنسون ورانا شغل في البيت اللي مايخلص0000:dfgl:

مناني اخبارج حياتي وغربه وينش مو باينه كلش عسى خير ياعمري 000000

لقيت روحي اهلا حبيبتي نورتينا ونتمنى تكونين معانا وتشجعينا:eh_s(9): لان مثلج عارف ماكو عزم كلج0000:eh_s(16):

وطبعا باجر اليوم الثاني يوم اللحم والسلطه واكيد المغرب لاني باكون صايمه وراح اكتب لكم يومياتي بالتفصيل0000

على فكره بنات لو كل وحده تصور ترى نتشجع اكثر انا مصوره بعض يومياتي بس ماعرف انزل صور ها بنات اش رايكم

بالفكره00000اسمحولي تحجيت وايد بس اسولف معاكم ياحلى قروب000000:hjy5jewf:0تحياتي

 

[munani]

صبااااااح الخير بنات


الامل بالله مو جنه الخبز مادري التوست ممنوع والفول بعد ...؟؟


المهم الشاي انا اشربه بمحلي تروبيكانا
وقاعدة احاول اقطع الشاي من حياتي
كل ما ابي اشرب شاي رحت سويت لي شاي اخضر
وايد مفيد

وانا اليوم شربت نسكافيه

وبعد شوي باكل سلطه
اليوم الثالث الفواكهه والخضروات

 

[الامل بالله 2]

صباح النور حياتي انا ادري انوالتوست ممنوع بس شسوي اضطريت اجامل مرت اخوي

وبعدين مو فول اللي تقصدين انا اقصد البنات بتر000000انا الحين بنام وبعدين بدخل اقولج التفاصيل

والله تعباااااااااااااااااااانه حدي بروح اريح اشوي00000000

 

[semaasem]

الله يتمم عليج بالصحة والعافية

 

[ام ريان3]

مشالله الله يتمم عليج خوش نتيجه بجربه ان شالله

 

[سموى88]

انا استمريت عليه اسبوع وضعفت كيلوين بس عقب سافرت ورديت خربطت وايد ودي ارد على الرجيم باجر بس صج ماكو ارادة كلش ما اقاوم الخبز ولا الكاكاو لان الرجيم فيه نوع من الحرمان خصوصا وان المحيط العائلي مايساعد كلش بنات نبي انشجع بعض اشلون؟؟؟؟؟؟؟؟؟ ودي اللتزم عدل و قط بس 6 كيلو مو قادرة؟؟؟؟؟

 

[munani]

صباح الورد


بنات امس كان يومي مضبووووط

تريقت سلطه
وتغديت اندومي
وماكليت شي بليل
ورحت السوق مشيت وايد بالسوووق عوضت اللي خبصته اول امس ههههههههههه


المهم الامل بالله حياتي والله روحي ارتاحي
وحاولي لاتجاميلين احد لان هذا حقج مو حقهم


غربه الشوووق حبي وينج مابينتي

سمووووووي
هلا وغلا فيج حياتي حياج ويانا ووحره تشجع الثانيه
دشي وكتبي يومياتج واحنا نفسج نكتب بعد

 

[الجازي 2008]

شوربة العدس ممنوعة ولا عادي

 

[غربة الشوق]

قوة بناااااات سامحوني كلة أغط بس حدي أنشغل خصوصا هاليومين مرت خالي ولدت وكلة عندها
أمس الحلويات والفطاير من كل شكل ولون ياربي تعذيب :eh_s(16): كليت مجاملة جدام الحريم نتفة من الحلويات وشوية فطاير بس ماكثرت
واليوم وزنّت أشوة ناااااااااااازلة :ggdw: .. اليوم يوم الدجاج الله يهون علي وماخربها


مناااني هقيت إنج بتخبصينها بالترفيهة أصلا ماتقدرين تقاومين المكان كلة ملغم
عارفة إن الدياي المقلي ممنوع بس أقولهم وينسون أففف شسوي فيهم :eh_s(14):
بالنسبة للشاورما كليتها مع خبز :eh_s(4): إنتي شلون تاكلينها؟
الأندومي كلش ماآكلة لأن فية 300 كالوري بعلبة وحدة فأتجنبة



الأمل بالله
كاااااني كاااني موجودة بس لهيت مع ولادة مرت أخوي كل يوم رايحتلها الإستقبال أهي يم بيتنا أروح لها من الصبح وأرجع بليل واعلية عيالها كلهم صغار تبي اللي يباريها
إنتي بشريني جم نزلتي؟ عندنا وعندج خير هم أنا مرات أخربها بس قمت اسوي طريقة حيل حلوة إي سناك ياكلونة أخذ حصتي وأحطة بجيس لو تشوفون الجيس شكبرة كلة بطاطات وككاوات :eh_s(9):

بالتوفيج بناااااات لايوقف لايوقف الريجيم رووعة

 

[munani]

صباح الخير بنات
اوووف الدوام مسكرين الموقع
وحدي ضايق خلقي اكلمكم من التلفون المهم امس كان يومي حلو وايد

الصبح سلطه والظهر كليت كورنفلكس كي سبيشال مال الريجيم
وبعدها رحت مشيت ساعه الا ربع
وبهدها رحت استقبال وحده والده اشوف الاكل وقلبي
يعورني بس الحمدالله قدرت امسك نفسي ��هههههههههههههههه��

بعدين رديت البيت كليت ٣ همبرجرات مشويه بما اني
كنت يوم الخضروات واللحوم او الدياي فكنت مو ماكله
ولا شي من الايدام
ووزنت اليوم الصبح طبعا مافيني صبر لي اخر الاسبوع
كل ٣ ايام رازه ويهي في الميزان ههههههههه
والحمدالله نازله تقريبا كيلو و٢٠٠
يعني هم ولا شي بس شي احسن من لاشي
يعني احسن من مايعلق
احس جسمي ماينزل بسرعه

أنـ♡ــاأإ اليوم الفواكهه والخضروات

اليوم شربت نسكافيه بس
بعد شوي بطلب لي سلطه يونانيه
والغدا مفكره بشوربه ماجي
والعشا مادري


واللي اسألت عن العدس والله مادري بس ناكله احنا ههههههههه




غربه اي صّـْْ(☑)ـْْحّ أنـ♡ــاأإ لما اكل الشاورما بروحه اكله
او احطه داخل الخس واحط شويه طحينه واكله صج طعمه
يكون عادي
بس تعودت جذي
يعني مثل الوجبه اللي بهارديز نسيت اسمها اللي همبرجر مشوي
داخل خس


عن ادنكم الحين

 

[غرور الريم]

ماشاء الله
موفقه حبيبتي

 

[دبه موت]

أنا ناويه اجربه بعد 3 أيام أن شاء الله
بس بنات حابه أسألكم شنو نوعية الميزان اللي تستخدمونه
يعني يحسب الغرامات صح
لانه اللي عندي دائما نص يعني مثلا 76,5غير هالخمسه مااشوف تغير
فشنو نوع الميزان اللي تنصحوني فيه