تجمع امهات العالمية الامريكية

[omlolo]

أم لولو هذي مشاركتي السنة اللي فاتت

يالله زهبوا روحكم حق التفاصيل

الله يسلمكم قاعدة من الساعة 6 جنه انا اللي عندي امتحان و قعدت أساحل فيها ساعة علشان تقوم و ما تتعسر وقت المقابلة و عقب الحنة و المساحل قعدت



لما اقعدت قالت لي ابي صبغ اظافر قلت حااااااااااااااااااااضر بس اهم شي المزاج يكون عدل وتالي وكلتها و شربت حليب الكاكاو لان على ما تخلص المقابلة الا حضانتها متريقيين


وصلنا مكتب التسجيل الساعة 8:30 و المقابلة 9 المهم ما بقى شي ما وعدتها فيه جان تقولي ابي pop corn هههه والله قنوعة جان أقولها انا خاشته بالسيارة و اذا جاوبتي عدل اعطيج اياه مادري ما ترسوا عينها الالعاب و الكاكاو اللي ترس السيارة

و انا انطر طلعت لي وحدة أجنبية و شعرها اسود ملفلف و قالت لي دقيقة و اييج،،، جان أقول الله يستر عسى مو هذي الناشفة مالت ريمان،، دخلنا و قامت تسألها و اللي عندي ابد و لا حرف بصراحة ينيييت جان تقولي dont worry
تالي اسألتها جم عمرج جان تسويلها بايدها 3 ما تبي تنطق و بعد جهد جهيد قامت ترد عليها بس بصوت يادوب ينسمع
الاسئلة كانت:
1- جم عمرج

2- عطتها puzzle فيه أحجام مختلفة من elephants و قالت لها رتبيهم في مكانهم،، تالي حطت لها 3 أحجام و قالت لها عطيني الكبير بعدين الصغير تالي الميديم

3- عطتها شكل نجمة وقالت لها شنو هذي و بعدين طلعت لوحة فيها أشكال و قالت لها تسوي ماتش و تحطها على النجمة اللي باللوحة

4- تالي اسألتها عن الاشكال مربع بيضاوي مثلث مستطيل دايموند عاد بنتي عندها عقدة triangle o rectangle نطقهم نفس الشي فوايد تتخربط بينهم

5- بعدين دور الألوان توريها اللون و تخلي بنتي تجاوب

6- تالي تييب خرز كبار مع خيط و توريها شلون تدخله و تقولها دخليهم كلهم ( كانو ثلاث خرزات كبار)

7- يابت ماعون فيه جلاليب ملوت الهدوم و قالت لها شيلي واحد واحد و حطيهم بالماعون الثاني

8- علقت 6 جلاليب على طرف الصحن و قالت لها عدي و انتي تأشرين على الجلاليب

9- حطت صور مختلفة و قالت لها وين السيارة وين الشوكة وين الفراولة.....اخر شي قالت لها وين الدلاق جان تأشرلها بنتي جان تسألها do we eat socks?? بتشوفها تفهم ولا بس حافظة الاشكال

10- اخر شي كتبت لها اسمها و قالت لها شنو هذا جان تقولها الاسم قالت لها منو هذي فأشرت على روحها

قالت لها روحي اختاري اي لعبة على ما أكلم امج سألتني عن عدد الاخوان المشاكل الصحية المشاكل الاجتماعية شنو هواياتها شنو كتابها المفضل شنو اللغة اللي تتكلمون فيها بالبيت

و قبل لا نطلع ورتها ستيكرز و قالت لها اختاري و لزقته على ايدها و سوت لها هاي فايف و قالت خلال الاسبوع ندق عليكم و توكلنا على الله

عسى ما مليتوا؟؟؟؟؟ هذي كانت المقابلة بالتفصيل


اجمالا بنتي سوت زين بالنسبة لي لانها كانت مرتبكة و مستحية بس اللي تقابلها كان بالها طويل و اكيد فاهمة الوضع

و الله كريم ان شاءالله ربي يكتب اللي فيه الخير


ان شاءالله تفيدج الاسئلة أم لولو

وايد افدتيني ياقلبي مشكووووووووورة مانحرم منج

 

[mr000]

سلام أمهات اشلونكم! ان شاءالله يظل الجو زين ويستانسون عيالكم بالحديقه!! بيلا لاتحاتين ماكو الا العافيه واللي الله كاتبه بيصير يمكن دلوله تييلها أخت وألا أخو ليش لأ!!هلا جولي والله أنتي تتكلمين جنج تتكلمين عن حالتي مع ولدي قبل واستغرب من الناس اللي يمدحونها آنا كان ولدي بالتكامل لي غريد 6 لاتسأليني اشلون تحملنا كل هالمده ونفس كلامج بكل شي وكنت شاكه بنفسي أقول يمكن آنا غلطانه يمكن كل المدارس جذي آخر شي خلاص اقتنعت أنه ماله قعده بالمدرسه وأني ضيعت عليه السنين وخسبقته ودفعت فلوس عالفاضي وأن هذي دراسه ومستقبل لا الفلوس ولاقرب المسافه تسوى أني أخسبق ولدي والحمدلله انقبل بالعالميه فتوكلي على الله ونقليهم ولاتترددين راح تشوفين الفرق واضح.. وبعدين أنتي أحسن مني تلاحقتيهم وهم صغار مو مثل ولدي بالمتوسط فان شاءالله ينقبلون بمدرسه زينه سواء العالميه أو غيرها وترتاحين!!

 

[سيدة الكويت]

السلام عليكم شخبارج مرو ...ليش ما ارتحتى من المدرسه وشنو الفرق
عاد تدرين اعرف بنات عيالهم فى اولى قريد 1 وتو و3 ما يعطونهم كتب الساينس على اقل لازم الياهل يقرا ويكون عنده خلفيه
بس لازم الأم تشوف حتى اللأنجليزى

 

[mr000]

هلا سيده والله السلبيات نفس الكلام اللي قالته الأخت جولي عن المدرسه !

 

[سيدة الكويت]

هلا مرو

ياربى أنا ما أحب الأنشطه أحس تلهيهم عن دراستهم

 

[mr000]

لا سيده مو الانشطه هي اللي هامتني والله حتى ما أشركه لأنه كافي دوامهم طويل ووراه دراسه وواجبات بس سلبيات وايد ضايقتني من المدرسه!!

 

[سيدة الكويت]

الله يوفق ولدج وعيالنا ونشوفهم متفوقين ويرفعون روسنا

 

[mr000]

فوز وبيلا شخبار عيالكم اليوم مع الرحله شنو انطباعهم...وعليه كاسرين خاطري على هالحديقه التعيسه بس يلا شيسوون ماكو غيرها!! ان شاءالله لي سافرتوا دول أجنبيه ودوهم يشوفون حديقة حيوانات عدله!!

 

[Fouz]

هلا أم لولو ، العفو حبيبتي و حياج الله ويانا

مرو بنتي مكيفة تقول ركبنا الباص لان بخلطرها، أيام كانت بالحضانة ماشاءالله على طول رحلات، و قعدت يم رفيجتها المفضلة و قالت ركبنا قطار هناك بس ريحة الحديقة خايسة هههه عاد مسكرة خشمها تقول انا جذي كنت قاعدة بالباص، مستانسة انها شافت المكان لان عمري ما وديتها، عاد كل ما أسألها شفتو هالحيوان يا تقولي لأ يا تقولي منسدح وعليه دايخين
عاد انا موديتها لندن زو بس ما كانت تفطن وايد مرات اوريها التصوير مال الفيديو بس غير لو تروح الحين يتراوالي راح تستانس وايد اذا حديقة الكويت و مشتطة شلون اذا هناك

باركولي اخيرا رحت دفعت حجز الكرسي و رسوم الصور لاا و هم ناسية الاوراق جان أقول بنزل خصوصا اني واصلة 12 و ثلث شسوي اقعد بالسيارة كل هالمدة

 

[ReeMaN]

مشكوووره فوزعلى السؤال الحمدلله احسن والكحه خفت واحتياط خذوه العياده وفحصوه الحمدلله مافيه الخنازير <--- الى الحين يحاتون

الله يعينهم فوز على ريحه الحديقه وخاصه اليوم مطر خفيف اتزين الريحه واتهيج الجو ههههههه ذكرتنى بنتج في حركاتتى فيما مضى كله مصكره خشمي .... بس اهم شي انهم استانسوو وغيرو جو المدرسه .وركبو الباااااااص ... وجنى هالسنه ماكو رحلات وايد بالعالميه والا عشان الخنازير مخففين الرحلات ؟؟؟ ولدي من داوم ماودوه الا العاب الماكدونالد اللي على البحر

زين سويتى افتكيتى من الحجز والصور .... انا انشاءالله الاسبوع الياي بروح اخذ تور صوب القريد بشوف صفوفهم وشلون طريقتهم وبدفع من باب الفضول بطالع

 

[المحامية لطوفة]

ام اللولو
انا بعد معاج
رحت المدرسة وسجلت ولدى
انشاءاللة يقبلونهم
اذا دقوا عليج علشان المقابلة بلغينى بليز
انا كل يوم ادخل التجمع واشوف اخر الاخبار

 

[mr000]

سلام أمهات اشلونكم! يلا زين فوز أشوه انهم استانسوا والجو كان زين وعلى الريحه صج حديقنا المفروض يلبسونهم كمامات والله بلندن زوو على كبرها وكثر الحيوانات فيها مااذكر كان فيها ريحه موزينه والله كنا نظل فيها لي العصر...!!زين سويتي دفعتي الرسوم وافتكيتي! ىنا اليوم رحت دفعت له حق التيوترينج حق شهر بعد!! واليوم ولدي يقولي غيروا مدرس الماث... مادري لي متى هالسالفه.. مانخلص.. يقول يابولنا مدرسه هنديه pure indian يقولي كلامها الاكسنت هندي صرف لي درجة ان في طالب قالها والله احنا موعارفين بالضبط انتي أي ماده قاعده تدرسينا!!

 

[ReeMaN]

صباااااااااااااح الورد لامهات العالميه تفضلو على النسكافيه حياكم :nbptr:

شكلكم الى الحين نايمين :ch12:

اجاااااااااازه سعيده للجميع انشالله وخوش جو حق البر او طلعه الشاليه والمجمعات

 

[mr000]

سلام أمهات اشلونكم! ريمان آنا قعدت مبجر جنه عندي دوام شفت الكل نايم جان أرد أنام!الله يعينا اليوم على زحمة المجمعات ثانويات الحكومه خلصوا الامتحانات!

 

[ReeMaN]

هلا مرو شخبارج شلون ولدج مع الامتحانات عسى قدم زين ؟؟؟ خلص والا بعده !

تونى ادري ان الثانويه خلصو الامتحانات وااااي عيل بيطلعون حرتهم اتوقع اغلبهم بيروحون الافينيوز على المجمعات اللي صارت عندنا ماشالله الى الحين الاغلبيه على الافينيوز حتى انا احبه

 

[mr000]

سلام أمهات اشلونكم!وي سكتي ريمان عالأفنيوز اليوم آنا حدي أروحله الظهر لي ال4ونص وبس أطلع منه قبل لاتزيد الزحمه و اليوم لأنه المجمع كله تنزيلات فماقربت من الجهه القديمه حدي الجهة اليديده اللي يم المحلات الكبيره والماركات وألا الصوب الثاني بصراحه موشي من كثر الناس والهنود والفلبن والوافدين الظاهر يخشون فلوسهم مايشترون طول السنه ينطرون التنزيلات! ريمان الله يسلمج النظام الأمريكي ماكو شي أسمه تخلص الأمتحانات صج والله طول الشهر امتحانات أسبوعيا أكو امتحان سوشيال وماث والساينس امتحانين أو 3 بالشهر غير البوب كويز والأوبن بوك تست!!

 

[سيدة الكويت]

السلام عليكم شلونكم بنات

اليوم شفتج مرو بالأفنيوز هههههههههههه

اليوم رحت اتمشى ولا بنتى مخترعه من الوافدين تقولى شكلهم ما يشترون الا حزه السيل يالله خل يستانسونالله يعز بلدنا عروس الخليج

 

[mr000]

صج والله سيده كنتي بالأفنيوز؟ تقولي بنت أختي ماشفتيهم داخل دبنهامز طوابير عالكاشير وماشاءالله خامين خم... قلتلها والله أذكيا ليش لأ يعني نفس القطعه نشتريها ب12 وهم يشترونها ب3 دنانير ... بس عاد من له خلق يوقف حق الكاشير بهالزحمه.. والله لو شنو ماوقفت!!

 

[سيدة الكويت]

اى والله كنت بالأفنيوز ................واى يا دبنهامز عذاب ...فوضى وبضايع طايحه بالأرض ...ماكو أحد حتى يعدل ..الى طايح

ولا فى شئ يسوى

 

[Fouz]

صباح الخير أمهات
شخباركم؟