تجمع امهات العالمية الامريكية

[ReeMaN]

مشكوره فوز انشالله مافيه الا العافيه

 

[caramella]

السلام عليكم
إشلونكم أمهات
الشر ما إييكم يا عمري
سلامات فوز الله يتمم عليج ومشكورهو ما قصرتي والله قاعده اتابع معاه و اشتريله قصص عن موضوع الإسبوع
بيلا إنشالله ما عليج إلا العافيه
ريمان ما يشوف شر وليدج
مرووو إسمالله عليج توج صغيره على هالسوالف آنا بعدني بلندن مرووو وسكتي والله جو لندن ما مشى على ولدي يات له جرثومه بالدم ما ادري من وين ولدي ما يمشي عليه إلا جو الكويت وغبارها ياحلو جوها والله
والله آنا كان المفروض أرجع الويك إند اللي طاف وريلي يظل هني
بس سالفة مرض ولدي ودخوله المستشفى غيرت الخطه
لأن لازم ياخذ مضاد بالوريد لي الإسبوع الياي وما اقدر ارجع الكويت و الإبره بعدها موجوده بإيده
الحمدلله رخصوه بس لازم كل يووم اروح المستشفى عشان ياخذ المضاد الحيوي بالإبره
الحمدلله والشكر على كل حال بس والله لايعه جبدي زهقت
خل نشوف الدكتور شيقول الإسبوع الياي إذا نرجع قبل ولا لأ
بس ريلي مو راضي يقول يا معوده اخاف عليكم تردون بروحكم ردي معاي على وقت ردتي والله محتاره ما ادري شسوي

 

[lyale]

فوز يا بعد جبدي والله ولدي مرتاح بالمدرسه وهم ما شاء الله تاسيسهم قوي بالكي جي الحين اعطيه اسم الله عليه الاحرف يقولي الكلمه مثلا اقوله ك ا ت يقولي اهو كات وهم يكتب اسمه بالانكليزي والعربي وتعلم الاحرف النيمس والساوند مالهم وبصراحه المدرسه ممتازه ويهتمون بالطلبه

 

[ReeMaN]

مايشوف شر وليدج كاراميلا بعد عمري الله يعينه على الابره شكله مو مستحملها

الله يتمم عليج ليالي ودام انج مرتاحه على المدرسه خلي عيالج فيها والله يبلغج فيهم يارب

 

[caramella]

ريمان حبيبتي لا تحاتين ولدج هذا شي عادي إن الصبيان حركيين
و في صبيان سمالله عليهم حركيين بس ماشالله يلقطونها و هي طايره
والأبله لازم تبذل جهدها تجذبه إن يقعد و يكتب ولا إشفايدتها إذا ما تسوي كنترول عالصف
حاولي تشجعينه بالبيت إن الأبله مدحتك اليوم قالت كتب ماشالله ومنها بيتشجع شوي شوي
ولي كبر شوي إسمالله عليه بيعرف مصلحته و بروحه بيكتب عشان يخاف من العقاب

 

[caramella]

ليالي الله يوفق وليدج إنشالل يا رب
ريمان الشر ما إييج يا قلبي سكتي معاناة بجي و نواح من هالإبره

 

[lyale]

ما يشوف شر ولدج كرميلا والله بقومه لج بالسلامه

 

[mr000]

كراميلا ظلي مع ريلج أحسن وهم تراجعون الدكتور وتتطمنون عليه بس وعليه كسر خاطري مستحمل هالأبره يالله مايشوف شر والحمدلله على سلامته

 

[mr000]

ريمان ...كلش موخوش تفسير.تفي من بؤك...تمنيتج يمي علشان أزنطج. فوز شنوموعادي.. خرعتوني صارلي اسبوع متطمنه مره الطبيبه قالتلي عادي توقعي تبتدى تنقطع!

 

[mr000]

عاد لو أقولكم تضحكون هالحلم صار مسلسل حلقات.. والله العصر لما نمت حلمت بتكمله حقه ههههه أول مره أشوف جذي... بس عناد على ريمان ماراح أقول شنو صار!

 

[ReeMaN]

مشكورين بنات طمنتونى الله يطمنكم دنيا واخره ....

لا مروو عفيا قولي حلمج خلاص انشالله مو حامل شسوي ابي اصيدج هههههه .... واصلا نومه العصر باااطل تفسيره يعنى حلم خربوطي

قوليه عفيا ناطرينج بنزهب بوب كورن حق البنت وبنسمع حلمج انشالله

 

[mr000]

أهلين أمهات.. ريمان الدخله بدينار وألا ماأقول شي ابلاش!!شفتوا الورقه اللي وزعوها اليوم عالطلبه؟؟ السوبر أتيندنت مايكل بل طلع من المدرسه... والله ضحكت لاشعوريا .. قلت آخر شي بيظلون عيالنا بروحهم بالمدرسه...ألحين حطوا ناظر الثانويه وناظر الأبتدائي يقومون بشغله... عاد ولدي يقول خوش وحده بنت نوره الغانم اللي حطوها بدال الكاونسلر اجتمعت فيهم ووزعت عليهم ككاو...

 

[bella bambina]

صباح الخير أمهات والله يسلمكم من الشر جميعا
مروو آنا أمس لما قريت الورقه ضحكت أقول حق اليهال ما راح يظل غير الشغالات بالمدرسه عيال عمتي بتاسع يقولون سامعين كان ماخذ رشوه بمدرسته القديمه عشان ينجح طالب
كراميلا والله مو خوش خبر حبيبي هذا وينه وين ابرة فقير اشلون متحمل ىنا والله رايي تظلين مع ريلج وترجعون مع بعض لما تتطمنون على الولد الله يشافيه ويبعد عنه الشر
ريمان لا تحاتين ولدج ان شاء الله ما فيه الا العافيه وايد درست طلبه كانو بأولى ابتدائي وايد حركيين ولما وصلو ثالثه أو رابعه هدو ساعات المدرسات وايد يبالغون

 

[bella bambina]

العفو فوز اي أحسن اذا بتروح خالتج طبعا أكيد هناك فيه أوفرز أحسن
دلول الحمدلله جنها طاخه هاليومين سكنهم مساكنهم أمس مستانسه وزعت مصاص على اليهال على حرف ال l
صاجه هالزمن ما يبيله وايد عيال آنا أول شي قلت بيبي واحد كافي وبعدين قمت أحمل بالغلط

 

[omlolo]

كراميلا مايشوف شر ولدج ويارب تردون بالسلامه

 

[mr000]

سلام أمهات اشلونكم! بيلا والله مايندرى شسالفة هالناظر بس كان مستانس بالمدرسه ومشتط ويسلم عالأهالي.. يعني غريبه جذي فجأه يتركها.. وأذا على الرشوه ... والله هني قاعده تصير بأحسن المدارس الخاصه بس يمكن بطرق ثانيه.. يعني مر علينا وشفنا شغلات واضحه حتى الياهل بالصف يشوف زميله مايسوي الواجب ولايشارك وغياب على كيفه وبالأمتحانات d تالي بقدرة قادر الريبورت كله aو b وحقنا احنا يقولون لنا البروجكت والبوستر لازم الطالب يسويه بالبيت وماتساعدونه وحده يعطيه c وغيرنا يايب البوستر اشكره شغل مركز الطالب أو دسمان ويحطله a خو هم احنا مستعدين نسويه بره ونفتك عن العباله ونظمن درجه كامله بس يأكد انه ماتساعدونه الا شي بسيط والا أحطله f وتالي حق غيرنا ميخالف! ولما ولي أمر يسوي حفلة التفوق أو التخرج على حسابه بفندق عليج الله حق سواد عيون الناظر يعني.. 100%منجحين ولده وزايدين درجاته حق معدل الجامعه!!ترى مو كل المدارس تتعامل بأمانه وذمه في مدارس ماتمانع علبو الأبو مجهز لهم غرفة الكمبيوتر وألا ملعب ... ومن هالسوالف وتشوفين الولد له معامله خاصه وحتى بالدرجات..والمصيبه ان حتى المدرسين الأجانب فهموا أنهم يحتاجون للواسطه علشان تمشي معاملاتهم بالكويت... والله آنا استغربت من هالشي..قلت حتى الأجانب دلوا هالسالفه يسألهم منو أبوه بالمرور يطلعلي ليسن... وطالب يخلص له المعامله وبالمقابل الدرجه ترتفع...من بيحاسبه وألا بيدقق وراه اذا صج الطالب هذي درجاته وألا لأ يرفعه بالشفوي والهوم وورك والبروجكت ويناديه بالبريك يسويله ريتيك حق التست يصلح اخطائه وترتفع درجته!!أدري قرقت وايد بس قلبي متروس من هالسالفه...

 

[ReeMaN]

مساء الخير امهات العالميات

شخباركم حبايبي على طاري الناظر احنا مانعرفه وايد غير ان الصبح مرات يسلم علينا وماشالله من متى يشتغل بهالعالميه حيل قديم ومالى خبره فيهم لاني اول سنه معاهم البركه في مروو وبيلا وغيرهم من الامهات اللي عاصرووه <-- حلوه عاصروه

انشالله الناظر الجديد يكون احسن منه .....

واي حتى الاجانب مسالمو من هالسالفه؟؟؟؟؟؟؟؟؟؟؟
زبده الموضوع يامرووو ان لازم نزوج عيالنا واحد باحسن المناصب بالكويت وعنده واسطات بكل مكان والا ماينجحون عيال عيالنا

 

[caramella]

السلام أمهات
الله يسلمج من الشر بيلا ما تقصرين الحمدلله قضاء و قدر إنشالله يا ربي يشفيه بأسرع وقت يا رب
مرووو مو بس بالكويت الواسطه حتى هني والله آنا لمستها لما دخل ولدي المستشفى بس مو واضحه نفس الكويت بس موجوده
آنا ولا مره شفته هالناظر بس عمره ما يفلح الكان اللي فيه تغيير الموظفين وايد لأن محد يكمل شغل اللي قبله ويحط ستايل و إسلوب يديد حق الإداره تالي يمشي واللي إيي بعده هم يسوي جذي و بالنهايه منو اللي بيروح فيها العيااااااااااااااااااااااااااااااال

 

[mr000]

أهلين كراميلا طمنينا على ولدج!! واشلون البرد عندكم!! لاريمان هالناظر يديد هالسنه ياي يعني حتى ماكمل هالسنه!!بس مايندرى بعد يمكن مو مسوي شي جايد ماندري شنو ظروفه!!بس يقولي ولدي مستر church رجع من السفر هذا الناظر أو الوكيل مال الميدل سكول اللي سافر ورا عطلة الكريسمس... اعتقد رايح يتعاقد مع مدرسين...يالله نشوفكم بالليل بروح أسوي بوستر حق ولدي

 

[ReeMaN]

الله يعينها على هالواسطات انا مستغربه حتى الاجانب ماسلمو من هالشغله .... حلوه هذي عندك واسطه انجحك او ينجح بالرشوه