تجمع امهات العالمية الامريكية

[mr000]

سلام أمهات اشلونكم... الحمدلله خلص لي البوستر بنفس الوقت ويبته حق عقب باجر بس علشان أفتك سويته اليوم...أنتوا شخباركم.. أول مره ولدي يروح ينام من ال 9 ألا ربع لأنه دايخ حده من عقب التيوترينج زين بس خلص واجباته ودرس!!جنه عندهم رحله حق الميدل سكول حق حديقة الشعب بعد ماعطوهم أوراق.. زين مابقى يودونهم مكان.. كلش ماكو رحلات حتى العام ماراحوا كلش!!

 

[mr000]

أمهات للأمانه بس ترى الكلام اللي قلته عن المدارس مو عن العالميه.. الحمدلله هذي ثاني سنه لنا فيها ماسمعت هالشغلات...

 

[caramella]

الله يسلمج من الشر أم لولو ما قصرتي
مروو والله الحمدالله و البرد على حطت إيدج
زادو الكويتيين ياو بدت إجازة الحكومه
والحمدلله ولدي أحسن شوي

 

[mr000]

سلام أمهات اشلونكم.. اليوم شكله برد بره... بيلا وفوز وريمان عسى لبستوا عيالكم عدل...آنا اليوم زامي الظهر أييبه. ألحين بنام..:ch12: يلا باي:eh_s(8):

 

[bella bambina]

صباح الخير أمهات
اي والله اليوم برد مروو لبست اليهال بس بعرف شمقعدج من الفير ؟؟؟

 

[ReeMaN]

مساء الخير امهات العالميات شخباركم

شلونكم كاراميلا وفوز وبيلا من زمان ماشفت فوز وبيلا

اى والله شهالبروده اليوم عاد لابس جاكيت خفيف نفس كل مره ومسكين لما خذيته والا بطنه يعوره الظاهر حاشته بروده

 

[Fouz]

السلام عليكم أمهات

مرو شخبارج و يعطيج العافية على البوستر و ان شاءالله ياخذ درجة زينة

بيلا شخبارج من زمان ما شفتج ، هاليومين مالي خلق اودي و أييب وايد ثقلانة، الله يعيني اذا سافرت خالتي والله شايلة عني حمل كبير، و اللي عندي عسرة ما تبي الخدامة، أقولها انا أوديكم بالسيارة بس اهي توصلج الصف تقولي يعني ما عندي أم!!!!! يالله قبضي

ريمان شلونج و شلون ولدج ان شاءالله زين

كاراميلا شخبارج، الله يرجعكم بالسلامة عقب ما تتطمنين على ولدج ان شاءالله

بالنسبة للبرد انا كل يوم ألبس بنتي دايما أحس الصبح برد على الياهل و بالمدرسة تفصخ كوتها

بسألكم تعرفون ممرضات زينين حق المواليد؟ اذا تعرفون أحد مجرب بليز عطوني خبر، أبيهم حق وحدة تصير لي و اذا شفتهم زينين بييب منهم اذا الله قومني بالسلامة

 

[Fouz]

هلا والله ريمان شخبارج

الله يسلمج هذي بوادر الثقل و العد التنازلي ، مالي خلق أسوق السيارة أحس الصعدة و النزلة منها تهد حيلي استغفر الله

 

[mr000]

سلام أمهات اشلونكم... بيلا آنا المنبه مال البيت لازم أقعد وأقعدهم.. ماقط نمت بأيام الدوام حزة طلعتهم حتى وآنا متقاعده....وهم لازم أكلم الخدامه عن الغدا علشان تطلع أيدام... فوز الله يعينج عالثقل ويهون عليج بالسلامه.. ياربي الجو متقلب يعني قبل شوي آنا طالعه داخل السياره حر وآنا ملبسه الصغيره نفنوف صوف وهيلاهوب وبوت..أهم شي تغيرت الخطه وماراح آخذ ولدي فكه من الزحمه.. فوز بالنسبه حق الممرضات آنا أذكر أخوي لما ولدت زوجته بالسلام و أهلها مو هني بس أختها يت لها اسبوعين فاتفق مع ممرضه من السلام أتييها كل يوم بالنهارتساعدها تقريبا مدة شهر بس مااعتقد تقعد طول اليوم !! أمس عطوهم ورقه الخميس هاف داي الله يعينا عالزحمه!!

 

[mr000]

سلام أمهات اشلونكم.. وينكم اليوم..اليوم عطوا ولدي ورقه 4/2 رحله!!

 

[farawla_q80ia]

سلام امهات بالنسبة للهاف داي يلبسون لبس المدرسة ولا لبس الطلعه

 

[bella bambina]

صباح الخير أمهات
اشلونكم أمهات اشلونج مروو و فوز وريمان وكراميلا
الله يعطيج العافية مروو
اي والله من زمان ما شفتكم فوز و ريمان
فوز ان شاء الله تولدين بالسلامه اختي ما شاء الله يابت توءم وولدها كبر دلول فيابت ممرضتين زام ليل وممرضتين نهار من العيسى ياخوذ 1200 بالشهر كل وحده 300 بس ما كو انسان كامل هم كان وراهم مشاكل وحده تشتكي من الثانيه ووحده تناجر شغالاتها دايما الخدم اذا كثرو بالبيت تزيد المشاكل وغير ان الزينين منهم يكونون محجوزين من قبل فاللي تييلها يوم وتكون زينه تقول لها آنا الشهرين اليايين محجوزه وطبعا جربت كل الشركات الحين اسم الله عليهم عمرهم 10 أشهر فمحتاجه بس حق ثنتين وحده بالليل ووحده بالنهار بس والله بعضهم أردى شغاله أحسن منهم ولا يفهمون شي ووحده منهم ما أدري أي شركه قالت لها آنا ما أعرف شي كنت شغاله وأروح اذا بيوت يبوني رياييل حق خدمات ثانيه صريحه المره فطبعا دقت على تاكسي خذاها ردها المكتب والله من رايي ما كو أأمن من الأم نفسها على عيالها

 

[bella bambina]

فراوله بنتي تقول يلبسون أي شي باجر dress down day

 

[Fouz]

صباح الخير أمهات

مشكورة بيلا و الله يسمع منج و أولد بالسلامة، و كلامج عدل ان ماكو على الأم بس من تجربتي اللي فاتت كليتها عدل لا أكل و لا نوم و لا تنفس بس مغلقة و تعبانة، اللي عوار جسمي ظل فة السنة ما راح و كل شي علي بالحسرة استغفر الله، و الحين اسم الله عليها عندي بنتي يبيلها مجابل و أمي الله يطول بعمرها ما فيها شدة مثل قبل و اختي تدرس بأمريكا فالله المستعان، انا قايلة اذا ابي اييب لي وحدة على الاقل اول شهرين و أبيها الصبح علشان تكون جبال عيون أمي، بس مثل ما قلتي بعضهم ما يفهمون شي علشان جذي ودي بوحدة مجربينها عدل و تكون ثقة و عسى الله يحفظ عيال اختج يارب

بيلا يعني حتى الروضة يلبسون على كيفهم؟ بقول حق خالتي تسأل مس مروة اليوم الظهر

 

[Fouz]

شلونج مرو
والله هم فكرة اني اخذها من المستشفى و انا بالنسبة لي ما أبيها بالليل ابيها بس بالنهار
و على الجو هذا اللي يمرض اليهال استغفر الله ما تدرين شتلبسين الياهل

 

[Fouz]

مرو وين بيودون ولدج؟
مسكينة بنتي على بالها كل اسبوع رحلة حدها استانست ذاك اليوم، جان زين يزيدون الرحلات خاصة حق اليهال لأنها وايد تفرق وياهم

 

[mr000]

سلام أمهات أشلونكم! آنا ولدي ليلحين ماقالولهم شنو يلبسون باجر يمكن اليوم يقولون لهم! والرحله يقول حديقة الشعب بس الورقه مومكتوب فيها المكان!

 

[bella bambina]

هلا والله فوز ما أدري اذا الروضة بعد أسأل الأبلة غيبت دلول اليوم أمس كله ما كلت ولا شي تقول حلجها يعورها ما فيها حرارة قلت أوديها المستوصف يمكن حبه أو شي بلثتها رحت ولا دكتورة من هالداثرين ما مداها تبطل حلجها والا تقول لوزها قلت لها لأ لثتها اللي تعورها وكل مرة لوزها عادي تاكل صج يكون اكلها أقل بس تاكل مو نفس الحين طبعا ما اقتنعت بس خذيت الدوا ولا زرتك مال حساسيه وقطرة ما أدري اشحقه وأدول ما عطيتها شي من الأدويه قعدتها الصبح حاولت أوكلها ما رضت فغيبتها ريلي راح يوديها حق دكتورها بالسلام وان شاء الله يكون شي بسيط الا دلول وايد أخاف عليها

 

[bella bambina]

فوز هالمرة ان شاء الله تكون سهالات أول بيبي دايما يكون متعب وما عندج خبرة آنا حاشني اكتئاب ووايد تعبت بس على ولدي الثاني كان عمر بنتي 4 سنين وكنت لاهيه بتوصيلها وكانت مستانسه نسبحه ونغير له مع بعض جنه عندنا بيبي بورن فما حاشني اكتئاب وخذيت أمومه 6 أشهر وكان وايد أهدى من خواته فما تعبني اسم الله عليه وخلاص تكونين عارفة انها فترة وراح يكبر ويروح المغص اللي يحوشه وعودته بسرعه على ان الليل يكون ظلمه أسكر الليتات وأغير له بسرعة وارد أنومه على عكس بجري أبطل الليتات وتعبت على ما عودتها على نومة الليل

 

[mr000]

فور إنتي مالج نيه تييبين خدامه ثانيه وإلا بتاخذين أمومه؟ آنا أحس إن خدامه وحده بتنظف وتغسل وهم تدير بالها عالبيبي والأم بالدوام صعبه! أحسن تكون في وحده بس حق اليهال!