تجمع امهات العالمية الامريكية

[Fouz]

هذي ورقة الاسبوع اللي فات



و اذا بغيتي اي شي لا تترددين كاراميلا ترى ماكو تعب ولا شي و ان شاءالله الصور واضحة

 

[jolie_q8]

السلام عليكم

مشكورين على الافاده ,, وان شاالله هالاسبوع بروح اشوف الوضع ,,

انزين عندي سؤال شلون عطلهم؟ متى تبدي الدراسه ومتى تخلص؟

ومواعيد الدوام اليومي من الساعه جم الى جم حق كي جي وحق الابتدائي

ومشكورين

 

[caramella]

مشكوره فوز حبيبتي ما قصرتي
الله يسهل عليج إنشالله و يهن عليج و تولدين بالسلامه
:33_1185028183:

 

[Fouz]

هلا جولي
الدراسة بدت السنة 26 أغسطس و اخر يوم بالدراسة 9 يونيو، بالنسبة للروضة بدينا متاخر علشان انفلونزا الخنازير
الاجازات كانت في شهر 12 winter break من 17 ديسمبر الى 4 يناير
و اكو اجازة الايستر من 1 أبريل الى 11 ابريل
دوام الروضة من 7 و نص الى الساعة وحدة
بس انا اشوف الباب مفتوح الى 7:45 و بالنسبة حق الابتدائي ما عندي فكرة بس أظن باجي المراحل يخلصون 2 و نص

 

[Fouz]

مشكوره فوز حبيبتي ما قصرتي
الله يسهل عليج إنشالله و يهن عليج و تولدين بالسلامه
:33_1185028183:

العفو حبيبتي كاراميلا و مشكورة على الدعوة و الله هذا اللي انا محتاجة له

 

[ReeMaN]

سلالالالالالالالالالالالالالالالالالالالالام امهات العالميه وش هالبرد اللي جانا صج برد ماقدرنا نروح الشاليه هالاسبوع اخاف يستمرض علينا هناك .....

شكله بس مدرستنا اللي بتشارك هالاسبوعين بهالقسم ههههه اتوقع كل المدارس عندهم اجازات الحين

 

[ReeMaN]

كاراميلا احسن شي سويتيه انج تردين مع ابوكم عشان تتطمنين ...

بس ماقلتي لنا شلون الجو عندكم هالايام الى الحين ثلج ؟؟ احنا هاليومين الجو بااااااااارد عندنا وهوا ومستانسين الكويتين الا انا عيوز خيبر

مااواطن البرد مبطله الدفايه ولامتها هههه..... حتى مالى خلق اطلع اي مكان

بيلا طمنينا شلون بنتج اليوم انشالله تحسنت وقامت تاكل ؟ ؟

 

[bella bambina]

مساء الخير أمهات
دلول وايد تعبت علينا اليوم بجت وايد من العوار ما قدرت أتحمل وديتها دكتور ثاني أول مرة أروح له كويتي اسمه عبدالله شمساه شكله فاهم يقول الأدويه اللي معطيها اياه دكتورها ما تعالج حالتها الظاهر اختلطت عليه الأمولر وهذا زاد المشكله وأخر العلاج طبعا خايفين عليها من الجفاف لأنها ماتاكل شي أبدا بس تشرب حليب عطاها دوا كل 6 ساعات بس قال احتمال كبير تصخن لأن حالتها سيئه ويمكن تحتاج دخول مستشفى قال لي أدق عليه اذا ساءت حالتها واذا مشت على الدوا يوم الأحد أوديها له وطبعا ما أظن راح تقدر تداوم الله كريم
مشكورين فوز وريمان ومرو على السؤال وسلامتها بنيتكم مرو ما تشوف شر ان شاء الله
كراميلا ان شاء الله ترجعون بالسلامه والله يقوم ولدج بالسلامه
مشكورة فوز على الأوراق ما تقصرين

 

[lyale]

السلام عليكم امهات العالميه
بيلا ما تشوف شر بنتج واظاهر حايشها جفاف دخليها اذا ما تاكل افضل يحطولها درب ليما تتحسن مع دوا يوقف الترجيع اذا حايشها ويارب تقوم بالسلامه لكم
وطمنينا كراميلا عليج وعلي ولدج شلون صار انشاء الله احسن

 

[caramella]

السلام أمهات
هلا والله ريمان إشلونج حبيبتي
والله البرد إسلم عليج ومراسلتج عيوز خيبر من لندن تسلم عليج
حتى آنا والله ما أطلع بس الجو من سئ إلى أسوء ماكو ثلج هالأيام بس الجو ناشفففففففففففففففففففففففففف يكفخ بويهج الهوا والله ما تقدرين تعبرين بويهج تحسينه تجمد
الله يعينكم عالبرد بغيتوا البرد كاهو ياكم ما يرحم بس يلا على نص شهر فبراير غادي شركم و يكون دفى الجو شوي عاد يا حلات الشاليه بهالوقت
إنشالله يا ربي على ما أيي الكويت يكون الجو دفى لأن جد ما اتحمل برد بعد
وصاجه ريمان خلاص قررت إني ارد مع ابونا يا معوده اخاف ارد و يصير فيه مضاعفات الله لا يقوله و الأبو بره الديره صعبه خلينا معاه ريلنا على ريله
بيلا إسمالله عليها دلووووول عورت قلبي يا حرام
جان وديتيها طبيب أسنان لأن يفهمون باللثه و هذا اللي قلتي عنه جنه مال عنايه مركزه إسمالله عليها ولا آنا غلطانه ؟؟؟
إنشالله يا ربي على إيد هالدكتور الشفا و الله لا يحوجها حق المستشفى آمين
حاولي تغرينها العصير و الشوربه بالسيرنج( الإبره مالت الدوا) لا يحوشها جفاف وبهالإبره حاولي تبعدين عن لثتها
إنشالله يا ربي إتداوم قريب و ما فيها إلا العافيه
الله يطمنج عليها عاجلا غير آجلا

 

[Fouz]

شلونكم أمهات

ريمان و كاراميلا انا انضم وياكم بنادي عيايز خيبر لأني ما أواطن البرد، يكسر الجسم و كله ودج تنامين

بيلا سلامتها دلال، و الدكتور وايد زين انا أودي بنتي عنده لأنه بنفس الكلينك اللي فيه دكتوري مال الولادة و اهو خريج كندا ووايد فاهم و يحب يشرح لج الوضع بالتفصيل اذا حس انج تبين تعرفين، ان شاءالله تبشرينا انها صارت أحسن و ما عليها شر ان شاءالله و الدوام لاحقة عليه أهم شي تتعافى و تصير زينة، و العفو حبيبتي و راح أبلغج عن أي شي يخص صفها اذا ما قدرت تداوم الأحد

كاراميلا أكو دكتور ثاني اسمه شمساه أعتقد اخوه هذاك مال العناية المركزة بس عبدالله شمساه مال أطفال ، الصبح يكون بمستشفى مبارك و العصر عيادة خاصة

مرو شخبارج و شلون حفيدتج ان شاالله أحسن

ليالي شلونج ، منورتنا اليوم

 

[lyale]

هلاا فوز منور باهله بس انا دخلت اسلم واطمن عليكم

 

[caramella]

إي أول مره أدري إن عنده إخو دكتور بعد
معلومه يديده فوز
ليالي مشكوره عالسؤال ما قصرتي حبيبتي والله ولدي لي الحين عالمضاد الحمدلله احسن بس حرمت اطلعه بالبرد خلاص توبه إنشالله نطخ في بيتنا مني لمن نرجع جو لندن مو راكب على ولدي والله الله عداه الشر كان تعبان حيل والله
الحمدلله على كل حال

 

[mr000]

سلام أمهات اشلونكم...كتبت رد اشطوله وانمسح.. اوف الانترنت مادري اشفيه يفصل.. المهم سلامتها بنتج بيلا والله ضاق خلقي عليها من شنو صار معاها جذي ماقالكم الطبيب؟ يالله ان شاءالله تتحسن على علاج هالدكتور.. بس عفيه وين عيادته خل نوديله بنت ولدي هالفقيره شكلها عزمت صخنت مره ثانيه وكحه ذابحتها ترجع وهي نايمه من الكحه!!كراميلا ان شاءالله ولدج يصير أحسن وترجعون بالسلامه!! ريمان زين سويتوا مارحتوا الشاليه يامعوده ميخالف طوفوا هالفتره لي يدفى الجو علشان ولدج لايمرض!! فوز الله يعينج عالبرد لأنه يزيد روحة الحمام تكرمين وأنتي مو ناقصه.. آنا لوودي جان ماأشرب ماي كلش من المغرب بس لو ماأخاف من عوار الكلى!!

 

[mr000]

سلام أمهات اشلونكم...كتبت رد اشطوله وانمسح.. اوف الانترنت مادري اشفيه يفصل.. المهم سلامتها بنتج بيلا والله ضاق خلقي عليها من شنو صار معاها جذي ماقالكم الطبيب؟ يالله ان شاءالله تتحسن على علاج هالدكتور.. بس عفيه وين عيادته خل نوديله بنت ولدي هالفقيره شكلها عزمت صخنت مره ثانيه وكحه ذابحتها ترجع وهي نايمه من الكحه!!كراميلا ان شاءالله ولدج يصير أحسن وترجعون بالسلامه!! ريمان زين سويتوا مارحتوا الشاليه يامعوده ميخالف طوفوا هالفتره لي يدفى الجو علشان ولدج لايمرض!! فوز الله يعينج عالبرد لأنه يزيد روحة الحمام تكرمين وأنتي مو ناقصه.. آنا لوودي جان ماأشرب ماي كلش من المغرب بس لو ماأخاف من عوار الكلى!!

 

[Fouz]

صباح الخير أمهات
بيلا شلون دلال ان شاءالله أحسن اليوم
كاراميلا انا متأكدة انهم اثنين، و واحد منهم رفيج اخوي حيل، اليوم أتأكد اذا اخوه والا من أهله
مرو سلامتها حفيدتج، العيادة اسمها فاطمة كلينك على الدائري الرابع مقابل مطافي السالمية، يعني اذا انتي طالعة من سوق السالمية جنج بتروحين الجابرية على الداءري الرابع أول ما تطوفين اشارة السوق اتييج محطة بنزين على يميتج تلاقين العمارة يمها يعني من تعدين البنزين دخلي يمين تلاقين العمارة على يسارج و هذا رقمهم 25641234
ليالي تسأل عنج العافية ان شاءالله و لا تقاطعينا

 

[ReeMaN]

صبح الخير امهات العالميه

شخباركم بيلا ومروو الله يشافي عيالكم يارب مايشوفون شر هالبنيات والله يعينهم على هالمرض بالبرد

 

[bella bambina]

السلام أمهات
مشكورين كراميلا وفوز وليال وريمان ومرو على السؤال عن دلول والشر ما ييكم ان شاء الله ويحفظ لكم عيالكم من شر هالأمراض وسلامتها بنيتكم مرو ما تشوف شر والله الطبيب مثل ما قالت فوز شكله زين ويشرح ويفحص الياهل بضمير دلول الله يسلمكم وايد اجتماعيه وتروح حق الكل وتكلمهم حتى البنغالية اللي بالجمعية حايشتها عدوى يقول الدكتور أحد مريض بايسها أو شاربه أو ماكله ورا أحد ولما قلت له صاير لنا فتره مو طالعين يقول احتمال من المدرسه حاطه لعبه بحلجها أو حاطه ايدها بحلجها ومناعتها مو قويه لأنها ما تاكل فواكه أكلها مو صحي ووايد عنيده بهالشغلة
المشكله انها ليلحين ماتاكل وحتى الحليب قل شربها له لأن لثتها قامت تعورها حتى من الشرب والمشكله ان الدوا كل 6 ساعات ولما قعدتها بالليل استعسرت وما رضت تشرب الا قطره منه بس الحمدلله ما صخنت لأنه قال احتمال كبير تصخن الا اذا مشى مفعول الدوا بسرعه بجسمها الله كريم ادعو لها الله يشافيها وايد صاكه النيا فيني وآنا بعد خلصت دواي وما يت الدوره صار لها 3 أسابيع متأخره ناطره نتايج التحاليل راح ينفجر جسمي من كثر ماهو وارم وعوار ببطني وظهري وما كو شي

 

[Fouz]

أهلين بيلا والله ضيقتي خلقي على دلال، عسى ربي يرفع عنها و يشفيها
بيلا شوفي دكتور ثاني حق سالفة الدورة، الله يعينج على العوار و النفسية بس انا رايي شوفي دكتور ثاني يمكن يعرف شالسالفة و سلامتكم و ما تشوفون شر ان شاءالله

 

[caramella]

السلام عليكم
فوز حبيبتي و الله يكثر من هالدكاتره السنعين بالديره إنشالله يا رب والله نادر ما تلقين دكتور يبرد جبدج
بيلا والله ضاق خلقي عليكم الله يقومج بالسلامه إنتي وبنيتج إنشالله
وعلى سالفة المناعه عند اليهال حدث ولا حرج هالجيل عندهم عداوه مع الأكل المفيد