تجمع امهات العالمية الامريكية

[mr000]

سلام أمهات اشلونكم!! كراميلا وينها اختفت بالمره ان شاءالله تكون مستانسه هناك وتكيفت مع البرد!فوز وريمان وبيلا شخباركم .. اشلون عيالكم.. ها بيلا ماكو شي يديد بالطريج؟؟ فوز اشلونج مع الثقل..الله يهون عليج بالسلامه

 

[ReeMaN]

مساااء الخير امهاتنا

شخباركم انشاءالله استانستو بالاجازه القصيره ؟؟؟

مروو اباااقولج شي وانشاءالله تقدرين اتساعدينى فيها او باجي الامهات اذا عندكم خبره بهالشي عندي هالولد لا عطوه واجبات مايبي يحلهم

بالمرررره ماله خلق يمسك القلم ويكتب كله يا ايدي تعورنى يا ريلي يا راسي يا بروح تكرمين الحمام يا ابي كلينكس وايب ابعد كلينكس عندنا

تخيلي الواجبات معطينه اياه من يوم الاحد ولازم ايسلمهم الخميس وايوديهم فاضين موكاتب شي ونفس الحاله الاسبوع اللي وراه مع ان مابقى

هديه مابقى مكافأه مانغريه فيها عادي عنده .... عيالكم نفس ولدي والا اللي عندي حاله شاذه

ودي اكتب مسج حق ابلته اقولها اتعاقبه اشوي بالصف يمكن يتسنع وينحرج .... ابلته اتهبل وشكلها ماتعاقب اليهال لا صارو شياطين

اكثر من مره تقول لى ولدج شيطان وهايبر وماايقعد بكرسيه بس يحوووس اقولها عاقبتيه اتقول لا ... مادري يمكن اتخاف مني اشتكي عليها

والا شي انتي شرايج ؟؟؟

 

[mr000]

هلا والله ريمان.. بسألج ولدج كي جي 1وألا 2؟شوفي والله عيالنا بالحكومه ماكتبوا ألا بالأبتدائي والموجهات بالروضه ظلوا سنين يقولون لنا الياهل مولازم يكتب بالروضه يعني ب2روضه يالله تبتدي عضلات أيدي تقوى بتشوفينهم يالله حده يكتب أسمه وكم حرف وكم رقم بس اللي آنا أشوفه بالخاص لأ يعودون الياهل يكتب من كي جي 1 ويبونه يكمل الصفحه كلها.. آنا والله كان ولدي جذي اينني علما يكتب ومايرضى يكمل الصفحه والمدرسه تتحلطم تقولي مو على كيفه لازم تعودينه يكمل الصفحه ليش بس كاتب سطرين أو 3 وتراويني أوراق اليهال أنهم مكملين الصفحه وتقولي حتى بالصف مايبي يكتب وايد! بس لما راح غريد 1 لأ غصبا عليه يكتب الواجبات ماكو يوم راح مو كاتب ولاعمري كتبت عنه بس شنو الله يسلمج لي يومج هذا يشتكون منه أنه يكتب ماقل ودل اجاباته مختصره كله بيخلص وبيفتك وطبعا درجاته رايحه بسبة هالشي عيزت ساحلت طقيت خانقت ماكو فايده!بس حاولي فيه ريمان شوي شوي لازم يكتب علشان لايتعود جذي تالي يتعبج بالأبتدائي.. بس اذا هو كي جي 1 مادري البنات اللي عيالهم بكي جي يفيدونج مادري شنو نوع واجباتهم!!بس غريبه أنهم مايقولون له شي لما مايكتب!!

 

[mr000]

أيدي=أيده

 

[caramella]

السلام عليكم أمهات
آنا أدري طولت بالغيبه
ولدي تعب حيل و دخل المستشفى حراره و مو عارفين شنو فيه ومزارع دم وبول و إنتوا بكرامه
يالله بالأخير بين معاهم جرثومه بالدم ما أدري من وين يات هالجرثومه إستغفر الله
أشكر كل من سأل عني
ومشكوره بيلا عالمعلومات عاللي بياخذونها الإسبوع الياي
و فوز مشكوره عالصور كلج خير و بركه فدتيني وايد بطلع له من الإنترنت وورك شيتس على هالمواضيع

 

[lyale]

مساااء الخير امهاتنا

شخباركم انشاءالله استانستو بالاجازه القصيره ؟؟؟

مروو اباااقولج شي وانشاءالله تقدرين اتساعدينى فيها او باجي الامهات اذا عندكم خبره بهالشي عندي هالولد لا عطوه واجبات مايبي يحلهم

بالمرررره ماله خلق يمسك القلم ويكتب كله يا ايدي تعورنى يا ريلي يا راسي يا بروح تكرمين الحمام يا ابي كلينكس وايب ابعد كلينكس عندنا

تخيلي الواجبات معطينه اياه من يوم الاحد ولازم ايسلمهم الخميس وايوديهم فاضين موكاتب شي ونفس الحاله الاسبوع اللي وراه مع ان مابقى

هديه مابقى مكافأه مانغريه فيها عادي عنده .... عيالكم نفس ولدي والا اللي عندي حاله شاذه

ودي اكتب مسج حق ابلته اقولها اتعاقبه اشوي بالصف يمكن يتسنع وينحرج .... ابلته اتهبل وشكلها ماتعاقب اليهال لا صارو شياطين

اكثر من مره تقول لى ولدج شيطان وهايبر وماايقعد بكرسيه بس يحوووس اقولها عاقبتيه اتقول لا ... مادري يمكن اتخاف مني اشتكي عليها

والا شي انتي شرايج ؟؟؟

ريمان انا ولدي بكي جي ون ونفس حالتج ماله خلق يكتب مع انه ذكي ويعرف كل شي ولما يرسم يبدع والله
بس ليش شي مطلوب منه ما يبي يسويه وهم حركي ودلوع المهم انا قمت اقوله الحين لازم تكتب الواجب وهو نوعه ما يحب احد يتامر عليه عشتو فا شنو يقولي ماما خلاص انا بليل اكتبه فااا اسكت ليما يصير بليل واناديه اقوله يلا تعال اكتب مو انت قلت بليل فا هه يكتب بروحه شحلاته وبس مع الايام صار اما اقوله تعال اكتب الهومورك يكتب ويوم الخميساول ما رد البيت عنده هومورك فتحت الفولدر وكتبه بدون معاناته

 

[Fouz]

صباح الورد عليكم

شخباركم ان شاءالله بألف خير

مرو مشكورة على السؤال و الحمدلله على كل حال بس الله يسلمج ماكو نوم و انتي بكرامة اذا مو الحمام من ضيق التنفس بالليل و الا فزعة بنتي من صباح الله خير، لو مدرسة ما قامت من روحها

ريمان ودي أفيدج بس ترى البنات غالبا أهدى من الاولاد يعني اذكر من و انا صغيرة اخوي يعطيني أحل واجباته مع انه أكبر مني و انا مطيعة ما أقول لأ ، بس ردي كلمي المدرسة يمكن تساعدج بطرقة معينة علشان ما تتأذين بالمراحل الياية و الله يخليه لج ان شاءالله، بالنسبة لنا ماكو واجبات بس عطوهم يوم الاجازة اللي فاتت، الحين يرجعون الاوراق اللي مو كاملة بس مو كاتبين رجعوها المدرسة فما يندرى السنة الياية بنعاني من الواجبات أكيد

كاراميلا عاش من شافج، و ألف لا باس على وليدج و ما يشوف شر ان شاءالله، طمنينا عليكم بليز، متى ناوين ترجعون بالسلامة؟
تستاهلين كل خير كاراميلا و هالاسبوع ما عطوهم ورقة لان الورقة اللي حطيتها مالت اسبوعين

بيلا شخبارج شلونج مع الويك اند، ترى دلول صج ما قامت تقعد على الساد جير لان بنتي قالت لي

ليالي شلونج ان شاء الله بخير، عسى ولدج مرتاح بالمدرسة؟

 

[bella bambina]

صباح الخير أمهات اشلونكم واشلون عيالكم ؟
كراميلا مايشوف شر ولدج الله يشافيه ويعافيه طمنينا عليه حبيبتي ان شاء اله ما عليه شر
مروو تعبت وايد بالويك اند ماقدرت أقوم من الفراش يوم الجمعه حتى ما زرت مع ريلي وعيالي ظليت بالفراش ليما المغرب كله أبي أنام وعوار فظيع بظهري وبطني وظيق بصدري أمسالصبح كنت أحسن فرحت المستشفى سوت لي الدكتورة سونار قالت ماكو شي باين فسوت لي تحاليل دم حق الغدة وهرمون الحليب وعطتي 5 حبوب آخذهم كل يوم وأنطر الدوره واذا يت ثاني يوم أروح أجيك التحاليل واذا ما يت بعد أسبوعين أراجعها الله كريم الحمدلله اليوم صاحيه مافيني شي وديت اليهال وداومت مادري ليش كل ويك اند أطيح بالفراش

 

[bella bambina]

ها والله فوز دلول استانست على الرحله بس صاجه كل ما أسألها عن حيوان تقول لي ما شفناه بس هم مستانسه ورايحه راده تقول ركبنا باص عطتهم أبلة عصام أوراق واجب سوت شويه منهم بس اللي فيهم كتابة ما سوتهم ما أدري حق متى يبونهم
فوز صاجه الأشهر الأخيرة وايد متعبه بس هم حاولي تنامين كفايه لأن حتى بعد الولاده ماكو نوم وسهر يوميا الله يسهل عليج

 

[Fouz]

أهلين بيلا ، سلامتج ما تشوفين شر و ان شاءالله ما عليج الا العافية

تصدقين ودي أنام بس ما أقدر، يعني الحين انا ماخذة اجازة و ما عندي شي من عقب ما تروح بنتي المدرسة بس ما تييني النومة للاسف

المفروض يطرشون مع الاوراق ورقة تبين انه واجب و لازم ينرد بوقت محدد:eh_s(13):، والله انا ما سويت فيه ولا شي وياها، اليوم اذا ردت بخليها تكتبه و نوديه لهم ان شاءالله

و صاجة مكيفين اليهال على الرحلة سبحان الله كل شي مع المدرسة بالنسبة لهم غير، لو احنا اللي مودينهم جان قالوا ملاقة و مو وناسة

 

[bella bambina]

هلا ريمان الله يخلي لج ولدج عادي هذا طبيعي الله يعينا السنه اليايه بالمدارس الأمريكيه التأسيس بكي جي 2 مونفس المدارس الانجليزيه رفيجتي عيالها بال bsk ولدها كبر ولدي لما كانو العام بكي جي 2 ولدي قراءة وكتابة وولدها نفس منهجنا مال كي جي 1 ولا تستصعبين شي وراح تشوفينه آخر السنه يكتب جمل ويقرا قصص قصيرة شي طبيعي انه ما يطيع ويبي يحوس بس حاولي تحببينه بالشي بانج تكافئينه اذا حل الواجب كنت أعطي ولدي 10 دقايق يلعب بالدي اس أو بموقع بالانترنت وطبعا شي تعليمي وعلى طول شجعيه ولا تزفينه بوقت الواجب عشان لا يكره هذا الوقت وسالفة الحما ولا يوعان ولا بنام هذا طبيعي ولازم هالفتره وايد تقعدين معاه تدريس حروف وتهجي كلمات وكنت أكتب السايت ووردز ملوتهم بفلاش كاردز وأعلقهم بصالتهم وكل يوم يرد يقراهم وكنت طالبه من سكولاستكس من المدرسه قصص صغيرة حق القراءة اهمه باكج كامل واحد حق صوت a نفس cat fat hat وواحد حق o نفس cot hot وكل الأصوات نفس الطريقة وايد فادوني وبعد كنت أدرسه الجمع والطرح وبدون مبالغه حتى بعطلة الصيف كنت أدرسه ويعطونه كتاب واجبات حق العطله يقويه وراح تشوفينه بجريد ون شايل عمري وخالصه من تأسيسه

 

[Fouz]

بيلا شنو هذا "سكولاستكس" ؟ اذا عندج سايتهم ممكن تدزينه أو كتبيه بالانجليزي و انا ادوره

 

[mr000]

سلام أمهات اشلونكم...كراميلا سلامته ولدج مايشوف شر.. مسكين من وين ياته هالجرثومه.. أنتوا وين بعدكم بلندن؟.. طمنينا عليه ان شاءالله ماكو ألا العافيه... فوز الله يعينج هالفتره صج تعب وسالفة الحمام تكرمين وايد متعبه..!!بيلا سلامتج ماتشوفين شر.. وان شاءالله الحبوب تييب نتيجه وتتطمنين... البارحه تذكرتج وقاعده أقول مادري اشصار عليها تالي تذكرت روحي أنه حتى آنا طاف موعدها أسبوع ومايتني بس ماأحاتي عادي واللي بعمري تبتدي تتلخبط أحيانا.. بس قاعده أقول والله يسويها فيني البخت يوم صرت يده ووصلت 44 أحمل ألحين علشان أتمسخر عدل... الله يسلمج نمت جان أحلم أني يايبه 5 توائم هههههه والله 4أولاد وبنت... عاد البنت تهبل ماجنها توها بيبي..وكنت مستانسه فيهم بالحلم.. بس قعدت مخترعه لايكون صج ... عاد مادري شنو تفسيره.. اللي تعرف تفسر تقولي..ان شاءالله بحصل 5 ملايين... أي طل مادري من وين!!!!

 

[mr000]

بيلا آنا نفسج بعطلة الصيف أبتدي من نص العطله تقريبا أدرسه .. هذا طبعا لما كان صغير بالكي جي والأبتدائي ألحين محد يقدر يحاجيه عن الدراسه بالعطله بس العام الكتاب اللي شريته من المدرسه حق العطله خليته يحل منه.. وعلى طول كنت أطلب له من السكولاستكس حتى بالتكامل كان عندهم.. ومن فيرجن بالمارينا ومن مكتبة العائله بالسالميه مادري موجوده وألا هدموا العماره..بس صج الياهل ماينهد طول العطله بدون تدريس علشان لاينسى اللي درسه!!

 

[bella bambina]

هلا فوز ليش الاحراج آنا ما أعرف سايتات كنت أطلب من مدرسة عيالنا بين فترة وفترة يوزعون على اليهال أوراق بأسماء الكتب وصورهم وطبعا الأسعار أكثر من الدبل لأنهم ياخذون فلوس الشحن اهيه الشركه اسمها scholastic شوفي اذا يوصلون الكويت على أرامكس أقول حق اختي تطلب لي أكيد أرخص

 

[bella bambina]

مروو الشر ما ييج تو الناس مرو انها تقطع توج صغيرة بس ان شاء الله يكون حلمج حلو آنا اللي أعرفه الولد خبر والبنت اذا حلوة ان شاء الله دنيتج حلوة آنا الحمدلله مكتفية بثلاثة عسى الله يحفظهم ويبارك فيهم

 

[mr000]

بيلا الله يخليهم لج ويحفظهم.. واذا الله كتب وياكم بيبي يديد هم نعمه من الله.. بس قولي هالأيام الواحد يحاتي التدريس مو الربى!!عيالكم بالروضه مايعطونهم السكولاستك؟ والله فيه شغلات حلوه بس مثل ماقلتي يضاعفون الأسعار هالسنه عطوا ولدي وطلبنا ووصلوا بسرعه أذكر بالتكامل يالله قريب آخر السنه يسلمونا أياهم!!وأحسن شي الواحد لما يسافر يشتري من هالكتب والقصص لأنه عندهم شغلات حلوه ولما المكتبات يسوون سيل تشوفينهم ب1 باوند أو 2 باوند وداخلهم ستيكرز ونجوم هديه!!

 

[Fouz]

شلونكم أمهات
مرو ترى بيلا صاجة انتي بعدج على لخبطة الدورة لا تكبرين عمرج، و فعلا الوحدة ما تعترض على النعمة بس اللي تربي و تتعب على عيالها أكيد تحاتي لانها تبي تعطي الكل حقه

بيلا الله يخليلج عيالج و انا ما أأيد كثرة اليهال، انا لو علي ما أبي غير 2 و الحمدلله أذكر من أول ما تزوجت قلت حق زوجي 2 و بس ولدين أو بنتين أو ولد و بنت كلهم نعمة، بس المشكلة انه بيتهم هدووووووووووووووووووووء و أهو وحيد أهله فسبحان الله يموت على كثرة اليهال يكون أحسهم عزوة

مشكورة بيلا على الاسم خالتي بتروح أمريكا الاسبوع الياي أوصيها تشتريهم و تييبهم معاها أوفر لي و خاصة اني مو مستعيلة عليهم، و على الاسعار بالكويت كل شي 3 دبلات الحمدلله و الشكر، اختي الاسبوع اللي فات قبل لا تسافر شرت هدية من فانتاسي وورلد ب 14 دينار عاد توها راجعة أمريكا تقول بشتري اغراض الثلاجة من الجمعية لقت نفس اللعبة ب 13 دولار يعني على البراد 3 أضعاف السعر

 

[ReeMaN]

سلام عليكم امهات العالميه شهالاخبار الكئيبه :0bee2e8d89:

كاراميلا مايشوف شر وليدج بعد عمري الف سلامات اشلونه الحين انشالله احسن؟؟؟

ماتشوفين شر فوز اى لازم على اخر ايام الحمال حتى النومه تستثقلينه وتتتعبين فيه الله يسهل عليج يارب ...

بيلا هم ماتشوفين شر وانشالله مافيج الا العافيه وتبشرينا بالخبر السعيد :>

مروو تفسير حلمج انج راح تحملين عشان اصيدج هههههههه

واشكر كل من طمني على ولدي والحمدلله ولدي كي جي 2 كل احد يعطونج فايل واجبات يكتبه اي وقت تبينه بس التسليم يوم الخميس

وولدي يعرف يكتب الحمدلله وخطه واضح بس مشكلته ماااله خلق بس يبي يلعب ويحوس سواء بالبيت او بالصف

اليوم اشوي وابجي عند مس غاده سالتها عنه اليوم قالت ماشالله عليه اكثر واحد اناديه بالصف عشان بس ابيه يقعد ويكتب مايبي يكتب

ومستغربه منه تطابق مع وحده بالصف نفسه مالها خلق تكتب وتحوس قلتلها يعنى مو بس ولدي قالت لا في بس اهو اكثر واحتمال اطلب

يسوون له تقييم الهايبر اكتيف احتمال اووفر قلت لها مااااااااشكووره ومشيت عنها

ماقدرت اكمل معاها اشوي وتنزل دموعي :0bee2e8d89:

واسفه هذرت عليكم :tek:

 

[Fouz]

أهلين ريمان
الشر ما ييج ان شاالله و مشكورة على الدعوة و عسى الله يسهل على كل حامل يارب
و لا يضيق خلقج بالعكس يمكن يلقون طريقة يجذبونه فيها و يخلونه يركز انتباهه على الكتابة، ماكو الا العافية ريمان لا تتكدرين