تجمع امهات العالمية الامريكية

[Fouz]

كاراميلا هذي الورقة اللي فيها منهج الاسبوعين

 

[Fouz]

صباح الخير أمهات شخباركم

كاراميلا هذي الصور مرة ثانية مادري ليش ما اطلعوا بمشاركة أمس

 

[mr000]

سلام أمهات اشلونكم!فوز اشلونج! بيلا شخبارج واشلون بنيتج بقيت اسألج اشلون غريد1؟ عادي سهل وإلا ضغط عالياهل؟ريمان اشلون ولدج اليوم آنا ولدي من رجع ونشله وحراره وعنده امتحان فاينل عربي اليوم

 

[mr000]

مادري العياده عندهم يعطونه شي إذا حس بصخونه؟ آنا عطيته بندول وحبوب مص لأن بلاعيمه تعوره! بس هم ماودي أطلعه ورا الامتحان لأن عنده ماث اليوم!

 

[Fouz]

هلا والله مرو انتي شخبارج
ما يشوف شر ولدج و الله يسهل عليه امتحانه، والله يا مرو جونا يمرض الصاحي ما تدرين شتلبسين، أمس رحت الطبيب و لابسة ربيعي لا صيفي ولا شتوي بس كانت العيادة زحمة فطلعت الساعة 8 مت من البرد، الهوا طير ملابسي تركبين السيارة حر تدخلين البيت حر و بعز النومة تثلجين ما تدرين شتسوين

 

[Fouz]

أمس ريمان قالت ان عطوا ولدها أدول، أعتقد انهم يعطونه اذا حس بتعب بس أهم شي تكونين قلتي له اذا تعب يروح العيادة مو يتحمل و يسكت

 

[bella bambina]

صباح العسل أمهات
مروو سلامته ولدج ما يشوف شر النيرس تهتم تعطيه مخفض حرارة واذا وايد تعبان تدق عليكم عشان تردونه البيت
أولى ابتدائي بالنسبة حق الانجليزي قراءة وكتابة والرياضيات أسهل من ثانية روضه لأن التأسيس عندهم بثانية روضة

 

[bella bambina]

فوز ان شاء الله تولدين بالسلامه وترتاحين يحليلها بنتج أمس بالهده يايتني تقول أبي أشرب ماي مادري اشلون يدرون اليهال اني أبلة شفتي دلول اشلون عنيدة أمس تقط جنطتها على الأرض وتقول لي انتي شيليها

 

[سيدة الكويت]

شلونج مرو شخبارج ...تدرين أحسب ولدج بسابع ...ماشاء الله ريال
ان شاء الله اذا لقيت امتحانات قلت لج ...

بسألج انتى شلون كتاب الأنجليزى مالهم؟؟وفى عندهم سبلنق ولا ؟
والعلوم ماده وحده؟احنا مادتين الكورس خذو كتابين الأول بيولوجى + كمسترى ...يمكن الثانى فزكس الله يستر
والرياضيات أحنا الجبرا

 

[Fouz]

هلا والله بيلا
عاد تدرين اذا الياهل حب شخص و كلمه و اهو ما يعرفه هذي نعمة لان اليهال ما يجاملون و يعرفون اللي يحبهم، يا حلوها دلال شفتها أمس وياج الله يحفظها و يهديها لج يا رب
اليوم وديت الورقة حق مس مروة مالت الرحلة و ان شاءالله يستانسون اليهال، تصدقين ودي اروح أمرهم هناك بس لوما الثقل جان ماترددت أبد، بشوف نفسي يوم الخميس و ان شاءالله خير، بس ان شاءالله الجو يكون حلو علشان يستانسون

 

[ReeMaN]

سلام امهات

مايشوف شر وليدج مروو اتوقع لا راح العياده يعطونه بنادول .... امس الطبيبه دقت واستأذنت ان تعطيه ادول والا امر اخذ الولد .... ميزه حلوه بالخاص ان مهتمين بالياهل اذا استمرض لا سمح الله ....

يحليلها بنتج بيلا عاد احب البنوته الشطونه احسها اتسوي جوو

 

[mr000]

سلام أمهات أشلونكم!الشر ماييكم مشكورين!آنا اليوم رحت الساعه 2 أخذت ولدي وديته المستوصف عطاه مضاد وبنادول!ماكان رايح النيرس يقول ماكو وقت كله حصص

 

[mr000]

هلا والله سيدة الكويت! الله يسلمج ولدي الماث هالسنه algebra بس العلوم بصراحه مادري بالضبط لأن ماأدرسه مثل العام! والانجليزي ماأشوفه يحفظ سبيلينغ مثل لما كان بالتكامل .. هني أول شي مدرسهم تغير قبل الكريسمس اللي كان يدرسهم الكورس الأول مادري اشقاعد يدرسهم ماأشوف ولدي يدرس حق الأمتحانات بس يسوي واجبات وألحين يتهم مدرسه غيره هم تعطيهم واجبات بس ماأمتحن لي ألحين!!أنتي عيالج بأي مدرسه؟؟

 

[سيدة الكويت]

هلا مرو شخبارج يا ربى المنتدى يبى له تطوير دايما بطئ

نفسى احنا الماث مالنا الجبرا
والساينس كتابين واحد بايلوجى والثانى كمسترى ...وجنه واحد بس ما ادرى شنو
أحنا هالسنه ما يعطون سبلنق ...اتوقع على اساس كبروا مو مثل قبل صغار
كتاب أنجليزى اتوقع الأدب الأنجليزى الى كله قصص + قواعد lبروحه وما ادرى شنو بعد ملوت الأنجليزى ...لأنى ما ادرسها
تدرين بنتى ما تواطن مادة العربى ..........تعودو على الأنجليزى...انتى شلونج مع العربى ؟؟
بنتى فى aaba
هذا سايتهمhttp://aaba.edu.kw/en/
مرو مشكله مرحلة المراهقه يبى لها صبر وحكمه...الله يهديهم

 

[سيدة الكويت]

مرو اشوف بنتى هالأيام تشكى من الفرنسى ...بدا يسير صعبغير قبل لأن بدو يتعمقون بالقواعد

 

[ملكة بيتها]

شلونكم مامات شخباركم حبايبي مروو وريمان ما يشوفون شر عيالكم
شخباركم مع الإمتحانات ؟

 

[Fouz]

صباح الورد أمهات
مرو بيلا ريمان شخباركم
ملكة حياج الله شخبارج ان شاءالله بخير
بشري مرو ان شاءالله ولدج أحسن اليوم؟

 

[bella bambina]

صباح الخير أمهات
هلا والله فوز اشلونج الحين ان شاء الله أحسن
اشلونكم ريمان ومرو وكراميلا وباجي الأمهات واشلون عيالكم ؟

 

[jolie_q8]

صباح الخير امهات

لو سمحتو ابي خدمه ,,

ابي سايت المدرسه ,, وابي اعرف متى يبدي التسجيل

ومشكورين

 

[mr000]

سلام أمهات اشلونكم جميعا واشلون عيالكم! فوز الحمدلله اليوم راح بس بلاعيمه تعوره وفيه نشله بس عطيته المضاد وبنادول لأنه عنده تيوترينج لي ال4 فياخذ الدوا بالمدرسه!!بالمراحل هذي صعب الغياب والله حتى أصغر من جذي ماكنت أخليه يغيب مشكله الدروس اللي تفوته! سيدة الكويت آنا ولدي ماياخذ فرنسي للأسف راح عليه بسبب أنه يي العالميه حق صف 7 وقالوا متأخر وايد مايلحق عالطلبه هم باديين ياخذونه من 3أو 4 مومتأكده مع أني شفت أم بالاجتماع ولدها منتقل العالميه من التكامل نفس ولدي يعني موماخذ فرنسي من قبل بس هو ياي صف6 وخلوه ياخذ فرنسي!!