تجمع امهات العالمية الامريكية

[bella bambina]

فوز عطونا بالفولدر ورقه حق رحلة حديقة الحيوانات يوم الخميس لازم نوقع عليها اذا موافقين وراح تكون دراستهم بالفتره الياية عن الحيوانات المفترسه وراح ياخذون حرف ال i ورقم 6
11 فبراير راح يكون اجتماع اولياء امور طبعا يومها اجازة حق اليهال و ورقه يقولون فيها ان مس الصومالي غادرت المدرسة بعد اتصال طارئ من اهلها بامريكا ويقولون ان مس مروى راح تكون مدرستهم

 

[mr000]

سلام أمهات اشلونكم!أي والله بيلا كلميها مو قصدي تعصبين أو تزفينها بس خل يفهمون أن البنت جذي راح تكره مدرساتها والمدرسه كلها بعد كافي ماعندهم مدرسه ثابته مثل الناس ماصفوا الا عالمساعده... يلا يمكن هالمساعده تطلع أحسن منهم وتكون حنونه عاليهال!! كراميلا وينج شخبارج مع البرد...عسى أكلتي فلافل من شوبربوش..ماطلعتوا بره لندن؟... ريمان وينج مالج حس؟؟.. في امهات وايد فاقدتهم.. بسكوته وأم حمود وقمر ونواري... ان شاءالله يكونون بخير!!

 

[mr000]

بيلا أي حديقة حيوان ياخلاف.. بس لو يراوونهم فيديو أحسن ولايسوى يتعنون حق هالحديقه التعيسه شنو ظل فيها الزرافه ماتت والفيل مريض مادري اشفيه والاسد كله منسدح ودايخ...وعليه على عيالنا جان من يوديهم لندن زوو حتى الكبير يستانس فيها صج حديقة حيوانات!!

 

[mr000]

ألحين بس في شغله ودي أفهمها يعني لو في شي طارئ خلى المدرسه تسافر مومشكله تسافر شهر وترجع لأنه في عقد بينها وبين المدرسه المفروض تكمل السنه انزين قولي هذي مدرسة كي جي بس مثل مدرس الانجلش مال ولدي مادري هو استقال وألا هم مشوه بس مو معقوله يعطونا الريبورت مافي درجة انجلش .. يعني طلبه يدرسون شهر كامل وكويزات وتستات وهومووركات وبعدين يقولون المدرس راح وماحط الدرجات بالسيستم...طيب وين ماكان يقدر يطرش الدرجات لو بالانترنت مع أن كان المفروض يلزمونه يسلم الدرجات قبل لايروح!!

 

[bella bambina]

صباح الخير أمهات
مروو من صجج مستحيل تكون بتروح وترجع اذا صج اهيه مسافرة الأمريكان مو هالتواصل مع أهلهم لو كانو بولايه قريبة منهم ما يروحون لهم بتسافر وتقعد ليما السنه اليايه قوية جان قالو بتروح أسبوعين أو شهر وترجع
اي والله صاجه حديقة الحيوانات تفشل بحاول أروح معاهم أخاف تتشيطن ويزفونها وما تسوى عليها الروحه فبشوف دوامي اذا أقدر أستأذن

 

[mr000]

سلام امهات اشلونكم!!أي بيلا آنا فاهمه قصدج بس قصدي معقوله جذي الوضع بكل المدارس كل واحد يهد المدرسه على كيفه متى مابقى... قولي هذي عندها ظرف بس العام مدرس ولدي العلوم استقال فجأه وقالهم انه بيروح مدرسه انجليزيه بمصر يعني كان مقدم ووافقوا عليه وهدهم بشهر 12 ومدرسة الانجليزي العام هم غابت لي شبعت تالي استقالت بشهر 4!!والله مادري شالسالفه

 

[Fouz]

السلام عليكم شلونكم أمهات

مشكورة بيلا على المعلومات، اليوم ما وديت بنتي قلت خل ترتاح و اشوف صحتها اذا تحسنت، و امس اختي الله يحفظها راحت امريكا فتأخرت في بيت أهلي فما يمدي بنتي تنام كفاية، ان شاءالله كاراميلا تقرا اللي كتبتيه علشان ولدها
و ان شاءالله تكون مس مروة فيها خير حق عيالنا، و ان شاءالله اليهال يستانسون بالحديقة و تقدرين تستأذنين علشان دلال

مرو شخبارج، والله انا ما شفت الحديقة بس كلامج مثل كلام ريمان تقول الحيوانات دايخين، ذكرتيني العام لما رحت دبي قلت حق ريلي و احنا بالطريج شوف dubai zoo خلنا نونس البنت ، الله لا يوريكم انا من شفت التذكرة بدرهم واحد عرفت السالفة حتى بنتي تقول وين الحيوانات ما شفنا الا شواذي و سلاحف و طيور

 

[lyale]

السلام امهات العالميه ومبرووك السايت اليديد العالميه وااااو وايد حلووو
واظاهر تغير المدرسين انشاء الله للاحسن نفس السايت

 

[mr000]

ليالي وين شفتي السايت؟عيل آنا ليش مايطلعلي شي كله error

 

[mr000]

أي والله بلى كا فتح عندي ...بس يبيله مجابل..خل أريح شوي وأرد آخذلي فره فيه...اليوم أخذت ولدي من المدرسه بالهده شنو هالزحمه..الله يعين ريلي بصراحه كل يوم على هالحاله.. عاد آنا قمت وتليقفت اليوم الصبح وقلتله خلاص آنا آخذه كل يوم بالهده وأنت توديه الصبح علشان لا أهد الصغيره الصبح بعدها تعبانه!

 

[mr000]

شفتوا ورقة نشاط السباحه اللي موزعينها اليوم؟ بس حسافه ماأقدر أسجل ولدي لأنه عنده تويترينج الخميس بحزة السباحه ..

 

[bella bambina]

مساء الخير أمهات
مروو اليوم حظج الزحمه أكثر من كل يوم صارت 3 وآنا يم المدرسه صح كل يوم زحمه بس اليوم أكثر لا تتحسفين مروو على السباحه قبل شركت بنتي ولا استفادت شي كانو مشركين وايد بنات المدرب ما قدر يتابعهم كلهم والمساعده اللبنانيه كانت نفسها خايسه مع اليهال وطول الوقت تزفزف فيهم
فوز ها طمنينا اشلونج واشلون بنتج ان شاء الله احسن ؟ دلول اليوم كانت وايد زعلانه ومعصبه وصلتهم الصبح متاخر فمساعدة صف ولدي قالت له روح الصف اختك تروح بروحها و الشاطر يخاف فخلاها بالساحه تبجي وتدور عنه طبعا بعد ما لقوها ظلت طول اليوم مستعسره وتتشكى اكسرت خاطر مس مروى فخلتها لاين ليدر وماكو فايده بالهده بس شافتني قامت تبجي وتتحلطم وراحت قالت حق مس ساره بورسلي تقول ما ظل أحد اليوم ما قالت له آنا محاتيه ولدج لما يرجع البيت اشبتسوي فيه هذي لا تحاتينها لما تتزوج بتاخذ حقها
مس مروى تقول هالمرة ما قالو يبون امهات يروحون معاهم يساعدونهم اذا تبين تروحين تعالي قابلينا هناك شكلي ماني رايحه

 

[mr000]

سلام أمهات اشلونكم! بيلا يحليلها بنيتج مسكينه تبيكم تحسون بشعورها لما هدها أخوها بالساحه!بس صج هذي ماعندها سالفه المدرسه اشلون تقوله هدها تروح بروحها عالأقل جان خلت فراشه توديها صفها اذا ماتبي الولد يتأخر عن الدرس!!

 

[mr000]

سلام امهات اشفيكم عسى ماشر اليوم محد دش الصبح؟ فوز اشلون بنيتج وانتي اشلونج عسى مو تعبانه!! بيلا شخبار بنتج اليوم عسى وديتيهم مبجر لايهدها أخوها!!طمنونا عليكم!

 

[ReeMaN]

سلاااام امهات عيال العالميه شخبارخكم حبايبي ....

شلون حفيدتج مروو وبنيه فوز 1000 سلامات ومايشوفون شر .... اليوم ولدي استمرض بالمدرسه ودقت مس غاده قالت ان فيه كحه قلت لها الصبح ماكان فيه شي بس كح كحه خفيفه ماتوقعت ان مريض قالت بنوديه العياده ودته والا تدق الطبيبه اتقول ان معاه حر اره عادي نعطيه ادول والا اتيين تاخذينه سالت مبين عليه التعب قالت لا عادي مافيه شي قلت عيل عطيه ادول ووامر اخذه بالوحده والحمدلله اخذته مافيه اي شي
بس ياحلوها الطبيبه كل شوي تقيس حرارته وتطمنى عليه من نفسها .....
خل عيالكم يروحون الحديقه يغيرون جو ومنها يصورونهم حق اليير بوك يستانسون مع اليهال حتى لو ماكو حيوانات

بيلاشخبارج يالسمحه شصار عليج كلمتى مس مروى ؟؟؟

 

[mr000]

سلام اشلونج ريمان.. عليج غياب اشكثر .. ماقمتي تدشين وايد ... سلامته ولدج مايشوف شر.. أي هذي ميزة المدارس الخاصه عالأقل حق هالظروف يهتمون بالياهل ويطمنونج... لو الحكومه جان حتى سستر ماكو بالمدرسه والياهل محد يدري عنه!!هالأيام الجو استغفر الله جو مرض مع أنه موبرد وايد!! كراميلا وينج شخبارج!!

 

[ReeMaN]

هلا والله مروو ماطمنيتا على حفيدتج ؟؟؟ والله العظيم مو بايدي هالغياب المنتدى مايشتغل معاي بالليل بس حدي المغربيه وبعدين خلاص

يا اطالع الردود بدون اشتراك اللي مو راضي يتسجل يا ايرور وايبلج ولي امري يثبت لج كلامي من صج هههه ياحليلي عشت الدور ذكرتيني فيما مضى ايام

المتوسط ههههه.... اى والله الجو استغفر الله مادرو شلون صاير مع ان اليوم الصبح كان برد والظهر حر والحين شوفيه هوا قوى ...

صاجه ماكو مشاركات اليوم متعوده على فوز كل يوم تدش الصبح مع قهوتها :nbptr: تعطينا اخبار الصباح ....

وكاراميلا مانبي مشاركتها تحرنا بالسوق :jbdwjbd: والا لاهيه بالمطبخ :dfgl:

وبيلا السمحه الحين تطل علينا انشالله يالله بيلا اقلطي :wqedqw:

 

[bella bambina]

السلام أمهات اشلونكم واشلون عيالكم ؟
هلا والله مرو وريمان اشلونكم حبايبي ؟
اليوم انشغلت الصبح كانو عندنا موجهين دلول وديتها الصبح مبجر فوصلها أخوها ريمان ما كلمت أبلتها شفتها وايد متعاونه وتأثرت لما دلول كانت متضايقه
اليوم شفت فوز كانت تعبانه ريولها تعورها قالت بتروح الطبيب
ريمان سلامته ولدج ما يشوف شر

 

[mr000]

سلام أمهات اشلونكم.. ريمان حفيدتي الحمدلله شوي أحسن خفت عنها الحراره بس ليلحين هالكحه مأذيتها وصيام عن الأكل...وي مسكينه فوز الله يعينها عالثقل وعوار الريول!بيلا الله يعينكم على شغل المدارس والتوجيه!

 

[Fouz]

شلونكم أمهات شخباركم
مشكورين وايد على السؤال و الحمدلله رحت الدكتور و قالي زيدي جرعة الكالسيوم و الوضع هذا طبيعي في الشهر الثامن، بنتي صارت أحسن بس خشمها ما وقف لما الحين بس داومت اليوم وشافتها النيرس و كتبت لها ورقة انها تدخل الصف

ريمان شخبارج، بشري عن ولدج ان شاءالله صحته زينة، والله يا ريمان ودي ادخل الصبح بس هاليومين من عوار ريلي كله منسدحة بس ان شاءالله أرجع أعطيكم تقارير الصباح


هلا بيلا شلونج و شلون دلال، الله يحفظها تشوق ماشاءالله

مرو شلونج و مشكورة حبيبتي و ان شاءالله ربي يتمم علي و أكمل شهري و اولد بالسلامة

ليالي شلونج، و صاجة السايت تعدل مو قبل جنه سايت مسويه واحد عليمي يتدرب شلون يسوي ويب سايت

كاراميلا شلوج عساج بخير من زمان عنج ان شاءالله مستانسة و مرتاحة بالشقة اليديدة