تجمع امهات العالمية الامريكية

[ReeMaN]

مايشتغل معاي الا هالحزه او الظهر والا بالليل من المستحيلات يشبك معاي المنتدى

كاراميلا شخبارج حبوبه مبروك على النقله والله يسهل امورج يارب وموتينا برد على وصف الثلج اتصدقين كل من مستغرب من بروده شقتى بكل غرفه دفايه مع شقتى بيت بالدو رالاول مو عماره والا ناطحه سحا با تقولين بالدور العاشر اكيد برد " والبيت تحت حيييل دافي الى درجه يفتحون الدرايش بالليل عشان بس تهويه

بصراحه فوز وبيلا مو خوش بشاره سالفه هالمدرسات كل شوي مغيرين لهم مدرسه مع ان اشوف بالنسبه حق الكي جي عادي يغيرون بالمدرسات الاصعب لما يكون بالقريد متعلم على مدرس طول السنه وعلى شرح معين وفجاه يغيرون المدرس ويتغير معاه الشرح هنى يتلخبط
مثل ولد مروو او حتى بالنسبه للتاسيس قريد 1

فوززز شفتهاااااا اليوم ياحلوها ويهها سمح ماشالله وحرااام عليج انا مو متيييييينه هههههههههههههههه مسمينى ريمان عشان الطول والعرض ومشيتى جنى بتهاوش <--- مروو لا شفتيها هذي انااا ههههه



وانشالله عن قريب اشوف بيلا

 

[Fouz]

حيا الله ريمان
صاجة المنتدى يرفع الضغط و أحسسن شي الصبح لي هالحزة أما بالليل فمعجزة اذا فتح معاج بدون 100 مرة ايرور
تسلمين حبيبتي و الله ما عليج زود بس ويهي متفخ و انا ما اجاملج انتي مو عصلة بس مو متييينة حرام عليج، ماشاءالله طويلة اي بس متينة لا والف لا
ان شاءالله تشوفين بيلا لان شوفتها سهلة كونها بنفس المبنى، ننطر كاراميلا ترجع و مرو لازم تمرين بحزة طلعة اليهال او شوفي متى يكون عندهم هاف داي و تمرين علينا بالكي جي قبل لا أولد

 

[bella bambina]

مساء الخير أمهات
مروو سلامتها بنيتكم وما تشوف شر ان شاء الله عادي بالعمر ما يشربون أدويه اذا الالتهاب وايد قوي عطوها ابر روسيفين
هلا وغلا ريمان حسافه ما شفتج وبعدين لو سمحتي هذي مشيتي آنا اللي جني بتهاوش

 

[ReeMaN]

فوز لازم اسجل صوتج وانتى تقولين لى مو متينه عشان اسمع اهلي ههههههه غربلوني متينه ومتينه ام شحوم هههههههههههه

والله امي بتطلع لج بالكوابيس تهاوشج ليش تقولين مو متينه خخخخخ

 

[ReeMaN]

ماتشوف شر بنيتكم مرووو جان عطوها ابر مضاد احسن عشان وانتو بكرامه ماترجع دواها .....

بيلا خلاص باجر طلعي لي بالساحه

 

[mr000]

سلام امهات اشلونكم باجر دريس داون داي حق الميدل سكول بس مادري عن الباقي

 

[ملكة بيتها]

شلونكم مامات شخباركم حبايبي ..وناسه تعرفتوا على بعض إنزين أنا شلون أصادفكم يعني وايد صعب ومروو أنا لو منج أتحبل لهم عشان أصيدهم وأتعرف عليهم ..

 

[mr000]

مشكورين بنات الشر ماييكم وديروا بالكم على عيالكم اسم الله عليهم امس المستشفى كله يهال! والجو مره حر بالنهار وفجأه يصير برد بالليل!! فوز الظاهر صج ماراح الاقيكم كلش لان وقتي مو مع وقتكم! والله فوز حتى لو العيب من الناظر ماراح يعترفون بهالشي بس صج هذا مستر churchالظاهر كلش العام فجأهه شال مدرسة السوشيال مالت ولدي ب7 ووداها 6 والصف كله ضاق خلقه والمدرسه قعدت تبجي بالصف تقولهم عيزت منه مارضى يخليني عاد قاموا البنات وكم صبي وراحوا حق الناظر يكلمونه ان يخليها بس فقيره المدرسه مالها شغل موهي اللي مطرشتهم يقول ولدي ثاني يوم ياها الناظر بالصف زفها!

 

[mr000]

هلا ملكه اشلونج شخبارج!شفتي اشلون والله احتريت اشمعنى آنا ماعندي أحد ألاقيه لاحظي آنا الوحيده من الميدل سكول كلهم ربع بالكي جي !خلاص بحاربهم!!

 

[ملكة بيتها]

مروو حياتي سلامتها حفيدتج ما تشوف شر

 

[lyale]

وااااو وناسه هالتجمع @@ ومبرووووووووووووك التعارف ريمان فوز وبيلا
مروووو ما تشوف شر حفيدتج

 

[caramella]

السلام أمهات
إشلونكم و شخباركم
ما تشوف شر البنوته مروو أخاف سخنت على فرقا أبوها مسكينه الله يرده بالسلامه و مرووو لي الحين يطق سنو عشان جذي تكنسلت رحلته آنا اليوم الصبح طالعه بروح اتسوق والسنو يطق كل شوي واحد زالق يمي لووول عاد قاعده اقول بقلبي عسى ما ازلق الله يستر بس الحمدلله الله ستر
والهايد بارك بيضاااااااااااااااااااااااااااااااااااااا شكلها يشوق والله
ادري مسجاتي كلها عن معاناة البرد سوري لوعت جبدكم بس والله مو مني من اللي آنا فيه
شنو هذا شنو هذا مواعد من وراي
لا يجوز شرعا لووول
ريمان صايدتني من قبل بس والله ما اذكر شكلها عدل خو آنا لما امشي كله طايره بوهتي ما ادري على شنو
لازم لازم لما ارجع إنشالله اشوفكم كيفكم كيفكم
ليالي و مامات شخباركم من زمان عنكم والله
والله آنا قاعده اقرا مشاركاتكم عن تغيير المدرسين و ضاق خلقي والله
يا ربي ما بقى مدرسه ما سجلت ولدي فيها
الإبداع والabs بس قبل لا يداوم و اغير رايي ويالله قررت على العالميه إنها خوش مدرسه و سمعتها وايد زينه يوم دشينه فيها نسمع جذي سوالف إنشالله ازمه و تعدي و ما تكرر وايد

 

[Fouz]

صباح الخير أمهات شخباركم
ريمان انا عطيتج صك البراءة من المتن، اذا تبينه كتاب رسمي ما عندي مانع و قوليلهم انا مو متينة
بيلا و ريمان مشيتكم ما فيها شي بس لان احنا الجيل اللي ما يعرف يتمييع لا بالمشي و لا بالحجي فاذا شفتي باجي البنات شلون يمشون و احنا ندبج مدابج جنه بماراثون نحس ان فينا شي، على فكرة ترى الحمال اللي مخليني أمشي مثل الحمسة ( السلحفاة حق الجيل اليديد ) والا جان ما تشوفون الا غبرتي
هلا والله ملكة شخبارج، ان شاءالله نتعرف عليج انتي منا
مرو شخبارج، تحاربينا!!!!!!!!!!!! ما نخليج أصلا، و خليني اشوف متى الهاف داي علشان نشوفج،، شلونها الصغيرة ان شاءالله احسن مع الادوية، ما عليها شر ان شاالله
ليالي شخبارج، و الله يبارك فيج و الفال للباجي ان شاءالله نتلاقى
كاراميلا عاش من شافج و الله يعينج على البرد حبيبتي صج يكسر العظام، يالله ما بقى من أمهات الكي جي الا انتي ناطرينج و اللي بتقولنا منو انتي بعد ما يبيله اللي جاكتنا كلنا ماشاءالله عليها و على مشاكل المدرسة الله يسهل و تكون أزمة مؤقتة و الله كريم

 

[Fouz]

وي وي وي عشتوا أكو انجاز يديد يا جماعة، غيروا الويب سايت اللي يلوع الجبد و أخيرا، باخذ لي فرة فيه

يالله زين 28 يناير هاف داي مرو مرينا بهاليوم

 

[bella bambina]

صباح الخير أمهات اشلونكم واشلون عيالكم ؟
مشكوره فوز على رفع المعنويات وعلى قولتج احنا جيلنا ما تربى على المياعه والدلع
ها مرو اشلون بنيتكم ان شاء الله أحسن ؟
كراميلا الله يعينكم على البرد ان شاء الله ترجعين بالسلامه ونواعدج
ريمان خلاص ببتدي أركز مني ورايح
ليالي حياج الله oster_av1:

 

[mr000]

سلام أمهات اشلونكم!ليالي وملكه الشر مااييكم! فوز والله ليلحين الصغيره تعبانه وكاني مجابلتها حتى ماوديت ولدي المدرسه خليت أبوه ويوصله وأخذتها من أمها من الساعه 6 ألا كلش جنها خرجه من الحراره ولاماكله ولاشاربه حليب من البارحه غسلت ويهها وايدها بماي بارد وساحلتها شربت نتفة عصيروعطيتها دوا جنه شويه خفت حرارتها! الله كريم!ويه فوز حطيتي أيدج عالجرح وين التمييع والدلع ماكو خلف الله علينا من زمان اذا آنا صايره ريال البيت كلشي علي بعد مايليق علي أتدلع! خل أشوف هالسايت اليديد بصراحه آنا من شفت سايت الأبداع ماشاءالله وايد غرت منهم عسى ماأحسدهم ويخترب ...يحطون لهم الدروس اللي داشه بالمتحانات واحنا ماكو شي كلش... أصلا آنا ماأفكر أدشه كلش ماكو شي يديد.. يالله خل نشوف هالسايت!كراميلا سكتي والله ولدي ضاق خلقه حيل من تكنسلت رحلته وقاعد بالفندق طول اليوم بس طلع شويه شراله بيتزا العصر ورد طول الوقت شابك يكلمني يقول بس خل أوصل لندن وميخالف تتكنسل الرحلات عالأقل لندن أونس بغلاسكو ماكو شي وبررد مووت وكلشي مسكر من ال6... اليوم المفروض طيارته الساعه الصبح10 من غلاسكو لي لندن قال بس تتكنسل سيده محطة القطار برجع لندن بأي شكل تالي طيارته الثانيه لي الكويت 9 بالليل مو مشكله أكو وقت!! يامعوده خيره اللي مارحت جان رديت مشي!!

 

[mr000]

أهلين بيلا.. والله ألحين شوي أحسن وبشوف بعد يمكن أرد أوديها الطبيب تالي!انزين هين تتواعدون وتتلاقون وآنا ماعندي أحد ..الله كريم

 

[mr000]

وين السايت ماكو شي طلعليerror- not found

 

[Fouz]

أهلين مرو
افا عليج ما نتواعد بدونج بس ما نبي نعنيج علشان جذي تعالي يوم الهاف داي تكونين ياية مبجر أساسا
تصدقين مو راضي يفتح السايت، الظاهر تجربة و قاعدين يعدلونه لان الصبح فتح معاي شزينه الحين مو راضي

 

[lyale]

السلااااام امهات شلونكم
تصدقون دخلت شفتكم كاتبين سايت المدرسه تجدد دخلت ادور عليه ولا يطلع لي العالميه الامريكيه بدبي وايد حلو سايتهم وعلي فكره لبس الطلبه مشابه لبس الطلبه بمدرستكم علي ما اعتقد فا اتوقع لهم علاقه ببعض المهم هذا السايت وشوف مدارس دبي الخاصه ومدارسنا الخاصه والله فرق
http://www.uasdubai.ae/uasdubai