تجمع امهات العالمية الامريكية

[ملكة بيتها]

شلونكم يا مامات يا رشيقات ...بديت بحمله الثقه بالنفس مع كارميلا
ريمان... ياعمري شكرا على التفاصيل ويبيله النادي نجربه وحلاته سنه والله سعره مناسب مو غالي
مروو ...حبيبيتي كل الرياييل نفس الشي يشوفون نفسهم ما أدري شلون ..ما عليج خلج واثقه وهذا النادي من وصف ريمان شوقني ها شرايج نشترك أنا وإنتي ..
فوز .. للأسف إي أنا من جماعه تنفس وإمتن ..
بيلا ..إن شاء الله ترجع خدامتج وتقعد عندج لحد ما تزوجين عيالج كلهم

 

[mr000]

هلا والله ملكه أي صاجه..والله خوش نادي..بس ناطره الرقم من ريمان علشان أدق آخذ العنوان.. وان شاءالله بروح له ..عاد بنتي من زمان تقولي عنه يعني مو أول مره أسمع إسمه بس مادريت عن سالفة نص ساعه..كنت أقول ماكو فايده اروح نادي ساعه واطلع وماعندي وقت أقعد ساعتين ثلاث..والله تبين الصج ملكه الأجهزه كلها عندنا بالبيت.. يعني لو نص ساعه على كل جهاز جان مايحتاج أروح النادي!!

 

[Fouz]

هلا والله مرو، هم مو وايد هذول يروحون بريجيم و لا تفكرين بالعملية أصلا لو تروحين حق دكتور عنده ضمير ما يقبل يسويها، المهم بالنسبة حق النادي شوف هالرابط كاتبين كل التفاصيل
http://q8yat.net/showthread.php?t=115279
موقع كيرفز بالكويت

الجابريه

جابرية، الكويت
العنوان: بلوك 1ب، شارع 1، مبنى #6
جابرية، الكويت
هاتف : +965 535-1227
+965 535-1229
بريد الكتروني: [email protected]
دوام العمل: من السبت الى الخميس : الساعة التاسعة صباحاً الى التاسعة مساءاً


الشعب

الشعب، الكويت
العنوان: القطعة 8، شارع الكندي، مبنى رقم 70
الشعب، الكويت
هاتف : +965 264 0419
بريد الكتروني: [email protected]
دوام العمل: السبت الى الخميس : التاسعة صباحاً الى التاسعة مساءاً


و عجبتني حملة كاراميلا انا محتاجتها الحين واااايد :0bee2e8d89:

 

[Fouz]

هلا بيلا، الله يحفظ لج دلال يحليلها ، و ان شاءالله ترد ماريا لان صج الخدامة الامينة ما تتعوض، ماشاءالله مرت اخوي عندها خدامة من سنة 95 تصدقين تسافر اسبوعين و ترد ركض ما تتحمل تعودت على عيال اخوي و بصراحة اه شايلتهم شيل يعني تستاهل تعطينها كل المغرات علشان تقعد خصوصا اذا اليهال حبوها هالشغلة فعلا مهمة

كاراميلا أتفق معاج 100% بسالفة الثقة، مرات تشوفين ناس مو بس اوفر ويت الا متااااااان و لابسين سترج و حد أم الثقة، و احنا لو تطلع لنا كرشة وسعنا المصان و ضاقت خلوقنا و بشرنا الكويت كلها ان احنا زايدين، و اكو ناس ماشاءالله لو تقوليلها متنانة تاكلج مو انا اذا قالولنا قميظة جسمج اخترب اروح أجابل الكاكاو جنه انتقام، من اليوم انا من ضمن الحملة بس ماني لابسة سترج
على سالفة اليهال عادي حبيبتي منكر حسنة على قولة امي، هذي بنتي تقولي انتي ما تحبيني و ما تشتري لي و ما توديني و كله ما و ما مع ان عيوني طالعة وياها بس اذا يوم واحد كشتي فيهم او طلبوا شي و ما يبتيه بنفس الوقت صرتي الام الشريرة

ملكة welcome to the club
والله انا اقول اذا عندج وقت حسافة ما تروحين النادي، شوفي الرابط اللي حطيته حق مرو و اذا اقتنعتي شجعي مرو و روحوا يميع

 

[caramella]

:68_asmilies-com:
هيا تيمعوا البنات حق الحمله
والله إبطون الجبد صج إحنا وزنا زايد بس إهم اذكى منه ما يتحجون
إييييي فوز على سالفة بشرنا الكويت كلها هذي اتفق معاج فيها :ggdw:
لالالالا و لي قالولي ضعفانه اقولها لا والله متنانه لووووول اشين روحي بعينها بعد :eh_s(4):
مني و رايح لي قالولي متنانه باكل الناس بقولها اصلا وزني نازل بس عالسترتش لا ما اعبر الصراحه
مو ديانه زايده فيني بس ذبحيني ولا البس شي مبين زغدوده ولا مغدوده جان انتحر
ذاك اليوم ريلي يقول من تزوجنا بس اول جم شهر كنتي ضعيفه بعدين متنتي ولا ضعفتي
آنا هني دخنت قلت له ومن لبست بدلة ملجتها في عرس بنت عمك عقب 4 سنسن من زواجي
عاد آنا في هالفتره صج ضعفت حيييييييل والله حتى صوري في عرس بنت عمه و عرس إخوه واقفه كلي ثقه و دلع لا شي طالع مني ولا مناك
وهاليهالو عارفين لنا هذيل يبيلهم حمله ثانيه بعد هالمنكر حسنه ويا ويهم _03BA:
معصبه من الصبح ما عليه اطخ بعد شوي

 

[mr000]

السلام اشلونكم شخباركم..واييي موضوعكم صج يضرب عالوتر الحساس ..كله نشين روحنا بعين الناس على قولة كراميلا ..أن قالوا جسمج زين قلت لاوين زين شوفوا الكرش وأخصر العبايه أطلع الكرش ..انزين ليش خو ستري على روحج ولاهو شي حلو تتفاخرين فيه..بس اللقافه الزايده.. وألحين أشوف ناس أكبر مني ليلحين يحملون وليلحين توها يايبه ياهل بوسنه..وآنا الكويت والأمه العربيه كلها درت إني يده وأمشي وأقول كبرت وصرت فوق الأربعين ..والله مرت خالي مدرستني وآنا عمري 12 سنه وحفيدها بو 17 سنه وماترضى أحد يقول إنها يده وإلا إنها كبرت.. والله الثقه حلوه ..وإحنا نكسر روحنا تكسر..مشكوره فوز عالعنوان والرقم ..سوووري كان المفروض اشكرج بالبدايه ..بس اشتطيت وايد أزيد من كراميلا.. ماعليه ألحين آكل ككاو وأطخ..

 

[mr000]

اسم الله عليهم عيال هالوقت على طول ناكرين النعمه.. ولاعاجبهم شي..ولدي العام سافر معاي وطلعه ووناسه وشراله جهاز أكس بوكس طلع أغلى من الكويت كل قطعه سعرها بروح وغير السيديات الأصليه على 20 دينار وتالي كل من يسأله من عيال عمه أو خواتي يقولهم لامااستانست وياريت ماسافرت ..وبنتي كل يووووووووووووووووووووووووووم تعايرنا إن احنا بعنا سيارتها اللي شريناها العام وشريتلي بدالها سياره وعطيتها سيارتي يعني ماعطيتها اليديده مع أن حتى سيارتي موقديمه توها ثالث سنه..

 

[mr000]

تعالوا صج اشلونكم مع المطر اليوم.. ماشاءالله خوش مطره طقت علينا بس تأخر ولدي عالمدرسه عدل يعني ماوصل إلا 8 إلا ربع..لأن الصبح تأخرنا شويه بالطلعه لي 7 إلا 10 بسبة بنت ولدي قعدت مبجر وتعلقت فينا وعلى مايلبسونها..وتالي الطريج مايمشي كلش لي حولي..

 

[mr000]

قرقت لي قلت بس... عورت راسكم.. يلا ناطرين أخباركم..

 

[lyale]

مروووو خخخ ليش تخصرين العبايه تراوينهم خليج كووووووووووول حرااام عليج في ناس من الثقه ترصص بالسترش ولا علي بالها وتي شيرت قصير ليش يارب انزين استحي شوي لبسي اطول ولا هامهم والشعر والمكياج لا غبار عليه وانا مو متينه بس لبسي كلا لبس حوامل ممتنه نفسي قصب طيب وكل ما شفت شي اقول لا مو بعمري وفشله وعيب ومكياجي هههه حمره بس واذا حطيت حمره قامجه يعني حاطه فل ميك اب ههههه

 

[Fouz]

شلونكم أمهات شخباركم

كاراميلا صاجة بسالفة ردودنا اللي تخلي الاوادم غصب يركزون على الشي الشين مع ان غيرنا استغفر الله ما يتطالعون و عندهم ثقة لاصارت ولا استوت، بس قلت لج من اليوم و رايح لا للاحباط و نعم لشوفة النفس، و على الرياييل ما يعجبهم العجب انا اذا ضعفت ويهي يختفي و ابدي اضعف من فوق لي تحت عاد يقولي ريلي جنج مريضة :eh_s(13): و اذا زاد وزني قالي يبيلنا ريجيم يكون مراعي شعوري، و اذا شاني معزمة على الريجيم ترس البيت كاكاو و الفريزر هاجن داز و باسكن بالله شتسوي الارادة جبال هالبلاوي :botetoo:

مرو العفو حبيبتي والله المعلومات لقيتهم بالرابط اللي حطيته لج، و انتي وايد مكبرة عمرج ، اللي خلاج تصيرين يدة انج تزوجتي مبجر و ماشاءالله ولدج تزوج صغير و الا جان ما صرتي يدة و توج تقولين من طقتج و توه عندهم ياهل بوسنة، صلا اخت رفيجتي تزوجت و عمرها 39 و الحين عمرها 43 و توها والدة ماشاءالله، لا تقولين كبرت :O_SHH_: و لا تخصرين العباة، اذا قالولج ضعفانة قولي ايي لازم نهتم بصحتنا و جمالنا
بالنسبة للمطر مادري عنه لاني ما اطلع الصبح، بس اليوم لما رحت اخذ بنتي جربت الباب الثاني مال المسيد وااااايد أبرك ليتني مكتشفته يوم اني حامل، لان الياب الرئيسي لازم نمر على الساحة و اليهال يشوتون كرة والله شكثر كنت احاتي لا تييني وحدة على بطني والا ظهري، اللي ناوية تحمل تروح باب المسيد

هلا ليالي موتيني من الضحك على الفل ميك أب، ونااسة سهالة حمرة غامجة و نخلص، عاد انا احب المكياج بس ما احب الثقيل بس لازم شوية لمسات لزوم الطلة البهية :sfg:، بس حلربت المكياج على نهاية الحمل لان لو شتحطين ماكو فايدة، هذي مشكلتنا والله لو شوية ثقةة جان احنا بخير كله متفخين عمرنا بالوسيع ما قلنا نبي سترج نفس اللي خبرج بس لازم نلبس شي يعطينا ثقة مو كله منخشين بالقمصان الوسيعة ​

 

[Fouz]

ريمان و بيلا و ملكة شخباركم

 

[bella bambina]

صباح الخير أمهات
أمس كانت عندنا الموجهه فانشغلت
هو شالسالفه أغيب يوم ألقى الكل مسوي رجيم ؟؟؟؟؟؟
آنا ما أحب الريجيم بس اكلي كله خرابيط بطاط وككاو وبرد بس ما آكل كميه وتكون وجبتي الأساسيه بس وزني طبعا بزياده مستمرة من شلت المرارة مع ان يومي كله حركه بس اذا ما كليت أسبوع كامل أنزل نص كيلو واذا كليت بالويك أزيد النص وفوقه كيلو

 

[mr000]

السلام اشلونكم..بيلا اشلونج ..شوفي آنا بالنسبه لي راح تسمعين حجي وايد عن الريجيم والرياضه..بس عاد التطبيق..يعني هي النيه موجوده بس مايصير فيه حافز صج إلا لما تكون فيه مناسبه وبلبس فأسوي ريجيم وأمشي ليل ونهار بس لي يوم المناسبه ...والله أكلنا كله على هالخرابيط..يعني أمس رحنا بالليل الأفنيوز..فعشاي شنو عصير برتقال وقهوه وبرد من بنكبيري طبعا ماآكله كله كم قفشه بس عن خاطري..بس عاد اشدعوه امس الطابور واصل لي كاريبو كوفي.. وبنتي من صجها ناطره..تقولي آنا هاده الدراسه ويايه علشانه..

 

[mr000]

يلا باي نشوفكم الظهر ..البارحه نايمه الساعه 1 وقاعده من ال5 وبدام بنت ولدي نايمه بنام شويه ..امس طفرتني اسم الله عليها قاعده من 6 الصبح لي يت أمها من الدوام 2 ونص..

 

[mr000]

السلام اشلونكم ..عسى ماشر محد فيكم بين اليوم؟؟

 

[ملكة بيتها]

وينكم مامات ...أنا أدري المنتدى حددددددددددددددددددددددددددددددده كريه اليوم
حبايبي شلونكم ..
فوز ...هلا حبيبتي بس المنتدى حده ينرفز اليوم وأمس والله إني أكتب رد شطوله ويعلق وينمسح الرد ..الله كريم
مرروو ..شلونج حياتي وشلون بنت ولدج ؟؟

 

[ملكة بيتها]

وينكم مامات ...أنا أدري المنتدى حددددددددددددددددددددددددددددددده كريه اليوم
حبايبي شلونكم ..
فوز ...هلا حبيبتي بس المنتدى حده ينرفز اليوم وأمس والله إني أكتب رد شطوله ويعلق وينمسح الرد ..الله كريم
مرروو ..شلونج حياتي وشلون بنت ولدج ؟؟

 

[mr000]

السلام أمهات اشلونكم..ملكه اشلونج..أوف المنتدى يقث..زادت ثقافتي هالايام من كثر مااحوس في قوقل علما يفتح المنتدى..بس لو بداله اقوم أمشي على جهاز المشي اللي عندي..وإلا أروح الممشى أحسن..اليوم مشيت شويه بس بالسوق ..يعني بوكي اللي ضعف مو آنا..

 

[Fouz]

شلونكم أمهات
طبعا قاعدة أكلم روحي و البركة في ريم مادري متى تعدل نومتها :080402ask_prv:
تصدقون عاد انا من ولدت ما اكل كلش ،،، ريجيمي منه و من روحه بس ادري الحين من انام عدل راح تنفتح الشهية بكل أسف :botetoo:
بس لااااااا للمتن لازم أضعف بس ان شاءالله بصحة و عافية أهم شي

مرو انتقلت ج العدوى مالت نقص النوم، صج اذا ما نمتي عدل كل السستم يخترب

بيلا كلنا بالهوا سوا، نزلة الوزن يبيلها دهر أما الزيادة على طريف

ملكة تدرين اذا كتبت رد طويل قبل لا ادزه أسوي له كوبي و حاطة فايل بالديسك توب اسمه المنتدى اذا ما امدز و طلع لي ايرور احط الرد بالفايل و ارد ادزه وقت ثاني لاني اطفر اذا كاتبة رد شطوله و يروح، جربي هالطريقة علشان ما تحترين​