تجمع امهات العالمية الامريكية

[ReeMaN]

وينها بابا نويل بيلا بديت اوله عليهاااااا ماقامت اتشارك نفس قبل وينج بيلااا وات هابن؟؟؟ :0bee2e8d89:

 

[mr000]

السلام أمهات اشلونكم ..معقوله ماأشوف أحد منكم الصبح يعني بال7 أو 7و10 أو 7و15 أو 7 و25..يعني كل يوم لي وقت ووايد يمرون جدامي أمهات معاهم يهال بالكي جي..عطوني مواصفاتكم يمكن أعرفكم :sfg:..ريمان والله زين تسوين تروحين النادي.:eh_s(15):.وين صاير هذا وبكم اشتراكه ..يمكن الله يهديني وأروح ..بدال هالقعده..أول والله ماأبطل نوادي عقب كل ولاده وبكل عطلة صيف لازم أشترك..وألحين يوم تقاعدت بالعكس تعييزت..أول سنه تقاعد من الوناسه كل يوم أمشي الصبح وأرد أمشي المغرب..تالي خقيت ..وعلبو عندي الصغيره ماأهدها بالنهار..وكله ماعندي وقت لي زاد وزني يمكن 6 أو 7 كيلو بهالسنتين..وكل ماأقول أبي أسوي عملية المعده يزفني ولدي يقولي مايبيلج عمليه بس أمشي أو اشتركي بنادي ..لأني مو من النوع اللي آكل وايد بس كافي أتنفس وأمتن..ومع قلة الرياضه..كملت:eh_s(9):

 

[mr000]

موبس بيلا مالها حس كراميلا بعد مابينت من أمس..وينكم عسى ماشر طمنونا عليكم..فوز شخبارج وأشلون الصغيره ألحين..ماتعدلت نومتها بالليل شويه..اشلون أختها معاها..حسيتي إنها تغار منها وإلا مو مهتمه لها وايد؟؟فوز ماأتصور ألحين تقدرين تروحين نادي رياضه يمكن بس مشي سألي الطبيب أحسن..لأنه بنت عمي كانت مشتركه بنادي و صار معاها فتق أو فتاق مادري شسمه وماتدري بس تحس بعوار في بطنها ..المهم سوت عمليه..وبالمره سوت عمليه المعده علشان تضعف ..فقالها الطبيب موقبل 6 أشهر يالله تردين النادي..

 

[ملكة بيتها]

شلونكم مامات عساكم بخير ..المنتدى أمس نرفزني ما أدري شفيه مو راضي يفتح
ريمان زين تسوين اشتركتي بنادي .. وهالنادي الكل يمدح فيه عاد صج تسوي شغل هالنص ساعه ؟؟؟
مروو ..أنا نفسج أتنفس وأمتن ..واسم الله عليج محاربه الرياضه من زمان ...إكملت ونص

 

[bella bambina]

صباح الخير
ريماااان شنو وينج وينج ؟ صار فيني رعب أخاف أبطل المنتدى وألقى طلبات مو تكفيني دلول وطلباتها حرام عليج
خلاص ريمان توبه ان كنت حكلمك انجليزي تاني توبة (مع الاعتذار لعبدالحليم حافظ )
لا والله غايبه لأني :dfgl: نسيتو ان ماريا مسافرة :eh_s(2): كلمناها يوم الجمعه استانسو اليهال

 

[bella bambina]

العفو فوز والله دلول اهيه اللي شافت القطوه وقالت بتاخذها عشان بنتج كانت تبجي
آنا عمري ما فظيت أشترك بنادي وعودت ريلي الصعيدي على جذي يتراوالي لو أقول له بروح نادي راح :eh_s(13):

 

[ReeMaN]

مرحباااااااا امهات كيفكم

مروو شخبارج انا مااواطن شي اسمه رياضه بس الواحد الى متى مافيه لياقه خاصه كل ما كبرت المره لازم تقوي لياقتها وراها امراض

وضيم الله يكافي الشر <--- تفاول على عمرها ههههه

الله يسلمج كيرفز فيه منه افرع في بالسالميه والجابريه والشعب وب ديسكفري مول تحت <-- هذا اللي اروح له لان قريب من بيتى وماكو

بو شهر اكو 3 اشهر ب 112 وست اشهر ب 202 وسنه ب 286 مع شهرين مجانا وتقدرين تجربين يوم فري

بيلا عااااش من شافتج حبيبتى خلااااااااااص بطلنا بطلنا ... امهات كل وحده وطلباتها اللي تبي شاليه والي تبي مرسيدس ولندن تدبر عمرها

بيلا والله صارلي شهر ونص من اشتركت واروح 3 ايام بالاسبوع مو كل يوم وايد فرقت بالملابس مع ان ابلع مو قاعده اسوي ريجيم عندي 2

من خواتى مع الريجيم ماشالله وااااااااااااااايد ضعفو وجسمهم شد وكلها نص ساعه وانتى طالعه والحلو فيه ان النادي ملموم مو كبير

وايد ومدربه على راسج ماكو وقت اتهذرين كل جهاز مدته 33 ثانيه وتروحين على الجهاز الثانى الين اتخلصين النص ساعه

 

[ReeMaN]

بيلا بترجع ماريا والا بتطلبين لج ثانيه ؟؟؟

 

[ReeMaN]

ملكه مامات شخبارج حبيبتى سوري الشرح الوافي عن النادي حقج )

 

[mr000]

والله ريمان وايد زين سعره مناسب وأماكنهم هم زينه يعني الجابريه أو السالميه بالنسبه لي زين ونص ساعه حلو كمان.:eh_s(15):.ماأحب الطواله..بس لو تكملين جميلج وتدزين لي رقمهم بس علشان آخذ العنوان بالضبط..كراميلا وينها؟؟ملكه اشلونج شخبارج.:friends:. والله ياملكه آنا أيام الدوام اللي حركه وتعب وماكو وقت حق الأكل يادوب توست وجبن وماأكملها.. وأرد الظهر تعبانه حدي قلاس لبن وأنام ويالله بعد تلاقيني شوي أضعف..وألحين قعده بالبيت.. وغدا مع ريلي.. وقاعده أتفنن بالسلطات وأبتكر أطباق.. بس علشان لايقول متقاعده وماتسوي شي.. ولازم أذوق لو شويه من اللي سويته:botetoo:..فسيييييييييييييييييييييده زاد وزني بدون كلام..:eh_s(9)::eh_s(9)::eh_s(9):

 

[ReeMaN]

انشالله ايبلج رقمهم بالليل واذا حابه اتجربين اتصلي عليهم واخذي موعد لان الفري لازم مدربه متخصصه اتراقبج وتسالج اسئله صحيه وتطالعج وانتى تلعبين .....

وعموما في له تجمع هنى بالمنتدى انشالله تستفيدون من تجارب البنات

 

[mr000]

صج في تجمع لهم خل أشوفه... بيلا ترى ريمان اليوم رايحه تدورج عند الabs ..واي أحب أفتن..شعور حلو..مع إني ماكنت أفتن وآنا صغيره..طلع الكبت ألحين

 

[caramella]

السلام أمهات
إشلونكم
حبيبتي مروو عسى ما تفقدين غالي
أمبيه لا تدوسون عالجرح المتن لاعب لعب فيني --------> كويتيه اصليه والله افشل لما اشوف اللبنانيات ماشالله كل وحده عيوز شمطه و جسمها احلى من جسمي
والله آنا مجربه النادي شي شي يخلي الجسم وااااااااااااو بس يبيله وقت الصراحه وفي ناس ماشالله ماخذته روتين جزء من حياتها تعالي شوفي الأجسام سمبتيك ماشالله ---------> مشروعي القادم إنشالله
ريمان عليج بألف عافيه النادي و زين تسوين الرياضه تعطيج لياقه والضعف يعطيج ثقه بالنفس عقبال توصلين الوزن اللي تتمنينه آمين يا رب العالمين
مرووووووووووووووووو وينج وين عملية المعده حرام عليج لا تفكرين فيها ترى مخاطرها اكثر من فوايدها بالنسبه للي ما عندهم سمنه مفرطه
مدام تفننج بالسلطات لا إنشالله ما تمتن
فوز حبيبتي آنا ماعندي خبره بموضوع الرياضه بعد القيصريه بس اسمع من الناس إن الرياضه بعد القيصريه بعد 6 شهور الحين بلشي رجيم و إنشالله بس يصير عمرها 6 شهور سمالله عليها بلشي نادي بو نص ساعه عشان ما تغيبين عنها وايد خصوصا البيبي محتاج امه بهالفتره
بيلا بس بطلنا طلبات بس لا تحرمينه من طلتج البهيه

 

[Fouz]

السلام عليكم أمهات شخباركم

ريمان عليج بالعافية النادي و الظاهر التجمع كله عنده عداوة مع الرياضة و الله قبل شزيني اذا مو مشتركة بنادي كنت ما اعتق الممشى كل يوم، الحين الممشى عند البيت و مالي خلق اتحرك و عوار بجسمي الله لا يوريكم، على طاري العوار انا عندي عوار مزمن بالكتف، ما تعرفون دكتور زين؟؟
صاجة على سالفة النادي لازم اسأل الدكتور أحسن و مشكورة على المعلومات و انتي ما قرقتي أساسا سوالفج عسل ماشاءالله عليج


مرو الله يسلمج انا ما اودي بنتي الصبح، اختي الله يعافيها توديها لاني اكون توني نايمة
والله بنتي تغااااار وايد شي مو طبيعي وأطباعها تغيرت بهالفترة، تصدقين طالبين منهم يرسمون ال family, المهم لو تشوفين الرسمة قلبج يعورج ، راسمتني و اهي يمي و تالي أبوها و حطت اختها يم أبوها مو يمي أبد و تالي راسمة خط بين ايدي و ايدها عورت قلبي، الحين الوضع بيتعدل ان شاءالله لاني قمت أييبها من المدرسة و أوديها الفرع و أغديها فحست اني مهتمة فيها، قبل أييبها ولد أخوي و لما تيي تلقاني نايمة من التعب فباختصار حست اني هاملتها بالمرة، عسى الله يعين و يقدرني اهتم فيهم بدون ما أقصر على وحدة فيهم، و صاجة الدوام اللي فيه لوية و شغل ينسيج الاكل اذكر مرات احس اني دايخة و لما اطالع الساعة الا الدوام بيخلص و انا مو فاجة ريجي من كثر الشغل أما قعدة البيت ياسلاااااااااااااااااام كاكاو بطاط كولا و كل الاغذية الصحية اللي تضعف

ملكة شخبارج ، انتي بعد من ضمن القروب اللي يتنفس و يمتن ماشاءالله والله اعرف ناس ياكلون كل شي و تخصص مايونيز و فاست فود تبارك الرحمن اجسامهم ما تمتن و انا أشرب ماي انتفخ، عسانا نوصل للي نبيه بصحة و عافية يارب

بيلا شخبارج ما شفتج اليوم، شكلي بجرب بابكم مال السيد باجر لان بابنا وايد زحمة و خاصة الخدم، مشكورة مرة ثانية و انا قلت حق بنتي تقول حق دلال مشكورة ما يندرى قالت لها والا طنشت اييي بسئلج بيلا، الورقة مالت الاسبوع اللي فات مو حرف P ، عاد انا مشكلتي لازم اروح شقتي ادور لها عاد رحت و يبت لها ما وعيت أمس تقولي ماما مو P يبون B!!! انا متأكدة من الورقة عاد حطيت لها جم شغلة من ألعابها اللي هني كيفهم ما فيني كل شوي رايحة و رادة و الغلط منهم

كاراميلا شخبارج، الظاهر امس علق وياج المنتدى، لا تطولين علينا

 

[mr000]

أهلين كراميلا..عاش من شافج ..وين هالغيبه.. يالله المهم تطمنا عليج ..لا سمعي على طاري العمليه..آنا ريلي من عرفته وهومتين متييييين ماشاءالله وزاد عن قبل بعد..ومن خذته 28 سنه وهو كله بيسوي ريجيم وبيضعف.. و:botetoo::eshrab:.. يعني يسوي رياضه بين فتره وفتره.. المهم ذاك اليوم يايني يقولي ماتبين تسوين عملية المعده:nocommint: أمبيه آنا نص وزنه ..يعني مع الزياده وهم stillنص وزنه.. قلتله ليش قال أخوي داق علي قالي باخذلك موعد مع دكتور لو تسوي هالعمليه أحسن لك أنت كبرت صار عمرك 50 مو زين عليك وعوار ظهرك وريولك كله مال الوزن.. بس قلتله لأ آنا قاعد أسوي ريجيم ورياضه..( هو يقول عن نفسه) بس خل أشوف أم علي ( آنا) جنه ودها من زمان تسوي هالعمليه..هي ماتسوي رياضه وموقادره تضعف.. آنا عيوني وويهي صار جذي بالضبط..قلتله يعني إنت شايفني جذيه.. قال أي أحسن لج والله بقيت شي واحد :23_asmilies-com: أمبيه يتكلم من صجه.:nocommint:..عاد آنا صج كنت أقول ودي أسوي عمليه بس ألحين صار عناد لا مابي.:eh_s(14):.

 

[Fouz]

مرو لا تسوين العملية والله كل اللي نحتاجه تنظيم حياتنا و اكلنا و نصير شزينا
أساسا هالعمليات حق اللي عندهم سمنة مرضية الله يكفينا الشر، أما اللي عندها لي 20 كيلو هذا دلع و بلعة و قلة حركة بس شوية تنظيم و بجم شهر يروحون هال 10 و ال20
رفيج ريلي متين ماشاءالله وزنه 150 و سواها العام و الله لو تشوفينه ما تعرفينه من الضعف بس الله لا يوريج كل يومن نليم بالمستشفى، مع ان في ناس ما صار معاهم مضاعفات بس شجابر الواحد على الشقا، عندج 6 مادري 7 كيلوات هذولي يطيرون بسهالة بشهرين

 

[mr000]

لا فوز ال6 كيلو هذول هدية التقاعد بهالسنتين غير ال15 اللي خزنتهم بالسنين اللي طافت من تزوجت ليلحين !

 

[bella bambina]

السلام أمهات
مرو منو ال abs هذي اللي قاعده تدورني فيها ريمان اذا مجمع ولا مكان قريب من المدرسه ترى والله ما رحت هناك حدي تلاقيني قاعده أقرا الجريده بالسيارة على ما يطلعون اليهال لا تقعدون تتبلون علي وبعدين آنا أي مكان اسمه بالانجليزي حرمت أروح له ( شفتي ريمان ليلحينا على اتفاقنا no more English )
فوز وين تشوفيني ودلول معاي طلعت تركض من الصف وتقرص أي أحد يطوف يمها تستخف دمها يعني تتغشمر على يوم بنطق بسبتها
اي فوز قالت لي الأبله أمس انهم وزعو ورقة حرف p غلط هالأسبوع حرف b

 

[bella bambina]

اي ريمان ماريا ان شاء الله ترجع مو بكيفها غصب عنها تقول انها عيزت و كل مرة تقول ما تبي ترجع بس آنا أقول لها بس جم سنه على ما أزوج اليهال وبعدين أخليها تروح ديرتها أو ما أدري يمكن شويه بعد :eh_s(10):

 

[caramella]

يحليلها بتنج بيلا دمها خفيف
مرووو مالج شغل في ريلج المشكله في شنو من كثر هذرتنا نبي نضعف و نبي نصير سمبتيك و جني متنانه يعيشون الجو و يصدقوون إن إحنا متان معنه إحنا اضعف منهم
:j013: خل نسوي حملة الثقه بالنفس و نعيشهم في جو إن إهما متان و إحنا ضعاف
:eh_s(22): بيلا الله يرجع ماريا بالسلامه
فوززز ياعمري بنتج وايد متأثره و غيرانه
رسمات اليهال تعبر مافي داخلهم
خل اقولج عن سالفة الرسمات اللي تحر الجبد
آنا ولدي على طول اوديه و ايييبه
لظرف ما في عيد الأم اول يوم الخدامه توديه ويا السايق
رد لي من المدرسه
راسم رسمه عن عيد الأم
ولا راسم رووحه و يمه وحده ماسك إيدها
جام أقوله هذي منو آنا
جان يقوللي لا هذي الخدامه :nocommint:
إنصدمت حدي و إندقرتتتتتتتتتتتتتتتتتتتتتتتت
يوم واحد ما وديته اللمدرسه مسحني من ذاكرته ياعله الكبر إنشالله