تجمع امهات العالمية الامريكية

[ReeMaN]

قووود موووووووورننق امهات العالميه شخباركم

يالله قومو بسكم نوم وراكم قعده من الصبح لازم تعدلون نومتكم مع اليهال حشدياج الله مروو على الريوق كان خوش بوفيه

والله صاجه مروو اعياد الميلاد بروحها يبيلها ميزانيه خاصه اذا بنات خواتج واخوانج كبار مو صغار تعطينهم العاب بس يستاهلووووون حبايب

قلبنا

واي مروو ضحكتينى على اللي صاعدين ونازلين ههههههه انا احب المجعات بالنهار ماحب بالليل احب الهدووووء على الاقل اقدر اركز

مره وحده سويتها رحت الافينييوز الخميس وبالليل مع رفيجتى يالهويييييييييييييي مابغيت الا عمري طول الوقت قاعده متنرفزه لان الاوادم

فوق بعض ماتقدرين تمشين بالمجمع كل شوي واقفين لج الناس بنص السوق يسولوفون وكل من يعرف الثاني على قولة النكته اذا عندج احد

تطالبينه فلوس ومنتى صايدته روحي الافينيوز الخميس بتلقينه هناك ههههههههههه بس من عقبها توووووووووووبه اروح الخميس

 

[ReeMaN]

بنسوار امهات العالمياااات

شخباركم ها بشرو نيمتو عيالكم انا ولدي الى الحين يحوس فوق راسي وانا اكتب لكم كلللللللللللش مافيه النوم مع ان قاعد من الصبح

 

[mr000]

السلام اشلونكم..ريمان ..هو لازم جذي لي بقيتوهم ينامون مبجر تروح النومه..ولدي توه راد مع أبوه راح يسوق القاري عالبحر..أحسن علشان يتسبح وينام لايسهر الليله وباجر يروح دايخ عاد عنده امتحان ساينس..خو الدراسه الله بالخير..أي كلام.. والله يستر

 

[ملكة بيتها]

مساء الخير عليكم جميعا
شلون استعداداتكم حق باجر ؟ ...بنتي بالغصب نامت عقب ما نشفت ريجي من حنتي عليها عشان تنام ..

 

[mr000]

السلام شوفوا الساعه كم وليلحين مانمت من ال10وآنا بالفراش طالعت التلفزيون شويه وفتحت الانترنت شويه بس المنتدى كله معلق سكرته قلت بنام وليلحين عيوني مبققه مادري اشلون بقعد باجر

 

[caramella]

السلام أمهات
:ch12:
النومه حدها عفيسه ولدي يالي بالليل نام يمي وهات يا تشوت:j013: اخير شي من التفلع قمت من الفراش و نمت بالصاله :eh_s(13):
مانمت عدل كلش لأني ماحب انام إلا على فراشي
إنتو شلونكم مع فزعة الصبح :27d66a9c24b146327bf
غطيت يومين عنكم اللي بتدين واللي بتنحاش ليش ياحافظ ما بينه عيش و ملح خلاص خلاص نسوي حطيه حق الفندقه و الزندقه إشرايكم؟؟ عشان التجمع كله يتدين
صدقتي بيلا المتدينين ما يصرفون وايد لا مكياج ولا بدل ولا عرووس و لا اعياد ميلاد ولا إكسسوارات عبايه و إزقح يدوب حق الريل جم شغله
بس عن العياره سالفة الشاليه مانبي نكنسلها مافيها لا فصاعه ولا ديانه :fun22:

 

[bella bambina]

صباح الخير أمهات
أمس غطيت كنت خايفه أفتح المنتدى ألقى أحد يطالبني بسيارة ولا بيت
عيالي أمس نامو متأخر بس اليوم قاعدين من الفجر مادري ولهو على المدرسه ولا فقارة عشان حاكرتهم

 

[mr000]

السلام اشلونكم ..اشلون دوام أول يوم..عسى ماتعسروا عيالكم.. ولدي اللي ريال مو ياهل طول الطريج يتأفف و يتحلطم وقطع ماأحب المدرسه ..لما زفيته..بروحي قاعده معتفسه مونايمه إلا4 ساعات مالي خلق أحد يحن على راسي...يلا كلها شهر ونص ونفتك من حنة المدارس..

 

[ReeMaN]

سلام شخباركم واي بطلعه الرووووووووووووووح قام من فراشه ويبدل وحده متعسر مايبي يتريق عطيته حلاو عشان يصحصح خوش ام

اعلمه على الغلط هههه.....

شخبارج بيلااا مزهبتلج رول فاكس بالطلبات مو القاج اليوم متحجبه وعباة راس ونقاب هم راح اصيدج اول ام تدش المدرسه واخر وحده تطلع

من المدرسه هههههه مراقبتج لويه مع دلول اسملله عليها تبارك الرحمن صدرج وسيع عليها

انا اخذ ولدي وامشي عنه مسكين اهو يركض وراي يخاف امشي عنه ههههههههه عيل شحقه يايه المدرسه

 

[ReeMaN]

مرووو صج باقى شهر ونص؟؟؟ اول سته يعطلون؟؟

 

[mr000]

والله ريمان حسب الكلندر اللي عندي آخر امتحان حق ولدي يمكن 3 أو 4/6 حتى أبجر من العام بعد من يخلص امتحاناته خلاص مايداوم

 

[mr000]

والله ريمان حسب الكلندر اللي عندي آخر امتحان حق ولدي يمكن 3 أو 4/6 حتى أبجر من العام بعد من يخلص امتحاناته خلاص مايداوم

 

[Fouz]

لسلام عليكم أمهات
شلونكم عقب الاجازة ،، بنتي أمس تفززت مرتين مادري متوترة والا صدفة، بس الحمدلله داومت و انا اللي يبتها اليوم عقب مدة طويلة مسكينة مو مصدقة
شفت بيلا و ما قصرت يايبة حق بنتي قطوة،، مشكورة بيلا ما تقصرين حبيبتي،، يوزوا عن البنية ما نبي طلبات لا تنحشونها

ريمان ويييييييييييييييييييييييييييييييينج ما شفتج اليوم، مكانج فاضي بالمواقف ما ادري يمكن غيرتي مكانج

ملكة شلونج، ما عليه حبيبتي ترى يومين و تأقلمون اليهال أهم شي لا تنام العصر

مرو الله يعينج على قلة النوم سئليني عنها و المشكلة اذا تغصبين روحج و النومة ما تيي صج شي ينرفز، يحليله ولدج مع المدرسة قوليله توك بأول الطريج يبيلك 4 سنين ووراهم جامعة، يطري علي يوم اني صغيرة عقابي انهم ما يودوني المدرسة مع ان مدارسنا ذاك الوقت ا فيها ترفيه، الحين تدخلينهم احسن المدارس و هم ما يبون

كاراميلا يا شين نومة الصالة و يا شين انج تقومين من فراشج مغصوبة >>>>> حدي أعاني من الجزء الثاني
أما سالفة المصرف عند المتدينات أتفق معاج و لا تنسين الكلونيات و البخور مو من أولوياتهم فماشاءالله المصرف بس على الاساسيات ماكو شي يروح مني و مني

 

[farawla_q80ia]

السلام عليكم خواتي بغيت اسأل عن نظام الدفعات للمدرسة شلون شهريا وجم مصاريف قريد 1

 

[mr000]

السلام اشلونكم..شخبار الدوام اليوم..أحنا اسم الله من أولها امتحانات..اليوم امتحن علوم والثلاثا عنده ماث..والله اليوم حدي نطرت بس لي وصل وسألته عن التست وإذا يبي شي ونمت على طوووووول..ان شاءالله الليله مايصير فيني مثل البارحه.. المشكله إني أحب أشرب قهوه إذا طلعت المغرب وإلا أحس بتوتر..صج إدمان وتالي أتعذب بالليل ماكو نوم..واي صج فوز الله يعينج على النوم الملخبط وقلة النوم..والله فوز آنا كله أقول حق ولدي أول ماعندي تسليه غير روحة المدرسه والدراسه حتى بالويك أند أقعد أدرس طول الوقت لأن ماكو طلعات ..السوق بس وقت العيد وإذا عندنا مناسبه..يعني ماعندنا بس نروح نتمشي ولانتقعد بكافيه حدنا إذا أحد من أخواني ودانا مطعم نتعشى وإلا السينما يالله بالأعياد..وقتي كله دراسه بس ألحين وين..يشوفون هالمجمعات جدامهم والبنات والصبيان السيارات بأيدهم وطلعه على كيفهم أكيد مالهم خلق الدراسه..

 

[mr000]

آسفه ماعندي فكره عن غريد 1 ولدي بالمتوسط..ان شاءالله البنات يفيدونج مايقصرون..بالنسبه حق الدفع مو شهري هو دفعتين شهر 9 وشهر 12 يمكن أو 1..

 

[ReeMaN]

قود ايفنينق قاعده اخذ كورس انجليزي اجرب فيكم عشان لا صادتنى بيلا الا انا تووووووحفه بالانجليزي ههههههه

شخبارج فوز الحمدلله على السلامه جنج خلصتى الاربعين والله انا قمت اتاخر شوي لانى اطلع من الداوم اروح النادي وارد اخذ ولدي

بالوحده وربع هالنظام الى الحين مامليت منه والا كل مره اروح العصر او المغرب

والله خوش نادي كيرفز بو نص ساعه يسوي شغل ....

مروو شخبارج الله يعينه المسكين على الامتحانات بيتعبون الين اتيي العطله الا خلاص انهد حيله.... ويفتك من اليهالوووو

الله يسهل علي بالهاهاهاهاي سكول هههههه

مروو انا مثلج مدمنه قهوه تركيه بس اشربها بالضحى عقب الريوق وجربت اكثر من مره اشربها المغربيه صج تحسين فيج النوم بس عينج

ماتغمض هالطريقه اسويها اذا بالشاليه لان احب السهر

اختى فراوله الدفع تدفعين دفعتين مثل ماقالت مروو وال غريد 1 ب 2842 وحياج الله

 

[Fouz]

السلام عليكم خواتي بغيت اسأل عن نظام الدفعات للمدرسة شلون شهريا وجم مصاريف قريد 1

حياج الله
شوفي السايت فيه كل شي بالتفصيل
http://uas.edu.kw/index.aspx?id=22&Root=no

 

[Fouz]

أهلين مرو،الله يوفق ولدج بامتحاناته و ان شاءالله تنامين زين الليلة، الحمدلله اني ما احب القهوة ما اشرب الا العربية ومو دايما، حاولي تخففين منها لان كثرتها ترفع الضغط و كاف انها ما تخليج تنامين

ريمان الرشيقة شنو هالخيانة؟؟ عليج بالعافية حبيبتي و ان شاءالله تحصلين النتيجة اللي تبينها بصحة و عافية و قوليلنا اذا يسوى نجربه خاصة انا عقب الولادة ابي اضعف بعد ماكو عذر

 

[ReeMaN]

صباح الورد امهات شلونكم

تفضلي مروو على القهوه التركيه :nbptr:

هلا فوز شخبارج عساج بخير شلون ريوم وياج انشالله خف المغص وعوار البطن الليلي وياها

فوز والله هالخيانه اتحتم علي ان اخونكم ههههههه لا لا من صج اختكم مافيها لياقه بالمره وتموت على البلع وبدا السمنه

فيني بشكل واااااااضح بقياسات ملابسي ياوخيتى ..حتى بالصلاه لما اقوم من السجده مااقدر اقعد ريلي تعورنى احس بثقل

عليها وايد... وقلت لازم اسوي شي عشان اعيد اللياقه وانا اصلا مااحب الرياضه والانديه بينا عداوه :j013:

وهالنادي واااااااايد خفيف نص ساعه انتى خالصه والمدربه فوق راسج ماتخليج الين اتخلصين والحمدله حسيت بفرق جسمي

اشوي انشد والصلاه لااااااا الحمدلله والف الحمدلله عادي ماقمت اعانى نفس قبل .... واطلع من النادي احس فينى طلعه

مكان ثاني جنى معطينى طاقه يقول لى لاتردين البيت روحي حووووسي بالسوق ههههه واللي مشجعنى بعد خواتى وبنات

خواتى وبنات عمتى مشتركين بالنادي ...

والله جان تبين الصراحه انتى مافيج متن زايد بس ماي متن حمااال وانشالله كله راح الحين و في تقدرين اتجربين النادي يوم

فري ماتوقع يصلح تدشين الحين انتى مسويه قيصريه لازم ترتاحين مده طويله جنى اذا مانى غلطانه سنه يالله تفكرين تلعبين

رياضه او سالي الطبيب يمكن اخور بالحجي .... اسفه هذرت كثير :eh_s(20):