تجمع امهات العالمية الامريكية

[lyale]

الباص ناطر اوكي يصير بسوي نفس اليهال الي بالكي جي وبرووح بالبجاما المخده ودبدوبي معاي يارته ههه

 

[Fouz]

صباح الخير أمهات شخباركم

وييييييييييييييييييييه انا غبت يومين و طافني العيد ميلاد
كل عام و انتي بألف خير مرو و ان شاءالله تكون سنة خير عليج و فيها سفرة سنعة بعد ما يبيها كلام لندن أكيد و هالله هالله بالاندرجراوند
ماشاءالله التجمع عاامر عسى دوم، باخذ ل لفة على المشاركات لاني اشوف اسمي مرشحته وحدة:23_asmilies-com: بس خلن أتأكد عشان ما أظلمها

 

[Fouz]

كاراميلا شخبارج بشرينا عن ولدج ان شاءالله أحسن؟ و الله اليهال كلهم مو صاحين ، احنا الكبار مو سالمين من هالجو، يوم الاربعاء وديت بناتي عند د شمساه و الخميس الصبح وديت بنتي العودة تسوي اشعة و قالولي لازم عملية حق اللحمية لانها وايد متضخمة و بيردون علي هاليومين علشان يحددون موعد العملية عسى الله يعديها على خير ان شاءالله

أشوف انتقلت لج العدوى من ريمان ، بس تدرين ملكة تستاهل مايباخ مو مرسيدس هههه جنة وقت الصجية بختفي مثل بيلا

حجزولي مكان بالباص يبي لي نقاهة ووناسة عقب الحكرة

 

[Fouz]

بيلا شخبارج، الظاهر كي جي 1 \6 فيه علة، لا اليهال مترقعين و لا الامهات
انتي عليج تذكرة و انا علي سيارة و المدرسات ما يقعدون بالصف شهر على بعضه و عيالنا محكورين أما سالفة النمل خطيرة و علية على اليهال يبتكرون اي شي يونسهم، يالله كلها يومين و يداومون عاد قالة حق بنتي بييبها الاحد ان شاءالله و حدها مشتطة الله يستر عسى ما أنام و أكشت فيها

 

[Fouz]

ريمان شلونج و عليكم بالعافية روحة الترفيهية و يا معودة حطي بالج كل شي الا العراق لا يحوشك
يااااااااااااااااا مجرمة تقطين بنتي بالبحر اذا بجت واااااااااااي بحاربج ماكو سوالف عند الدرايش،، بيني و بنج ما تنلامين الياهل بهالعمر يبيله قلب، تصدقن انا نايمة الساعة 6 و قعدت 8 علشان اودي بنتي العودة الطبيب عاد على ما رديت الا الساعة 11 و نص قلت أبي أنام مافيني شدة والله اشتغلت الحفلة لما الساعة 2 زين ما نمت عليها و اهي بحضني بس هم بحاربج

 

[Fouz]

ليالي شلونج و عاش من شافج على طاري المخدة ذاك اليوم رحت شقتي بييب لي ملابس و كل ما مريت بمكان لقيت ورقة مكتوب عليها مخدتي مخدتي اثار ريلي حاط ورقة بكل مكان علشان ما ينساها لانه عسر لا يمكن ينام الا بهالمخدة و اذا مسافر بروحه لازم اتصل اذكره يحطها بالجنطة لان مرة نساها و دق علي من المطار قالي روحي اشتري لي وحدة قبل لا اوصل، صج في ناس لازم قشهم وياهم والا ما يرتاحون

ملكة شخبارج و عسى ربي يرزقج بالذرية الصالحة و بالحمال السهل يارب و تبشرينا بأقرب وقت و تداومين بدالي هالحزة

 

[Fouz]

حلم الطفولة حياج الله

مس هيثرو حياج الله ويانا و بالنسبة للعالمية انا سويت كل شي أصلا أبوها عمره ماراح الادارة بس ان شاءالله يكون في مجال للتسجيل الحين لان غالبا تسكر بشهر 3، عموما انتي روح سئلي عن الاماكن لان الابو ماله شغل أبد عن تجربة لان انا اللي سويت كل شي

 

[Fouz]

يالله يا جماعة ادري احاجي روحي هالحزة تصبحون عى خير باجر زوارة بيتنا و اخيرا بنزل اقعد وياهم ان شاءالله ريم تخليني انام شوية علشان ما اتعسر باجر، باي باي

 

[mr000]

السلام اشلونكم< فوز شخبارج مكانج خالي البارحه دوامج كلش غير عن دوامنا الله يعينج من الأحد على قعدة الصبح حق المدرسه! ماتشوف شر بنيتج إن شاءالله تسوين لها العمليه وترتاح

 

[bella bambina]

السلام أمهات
آنا داشه بس عشان أودعكم خلاص بهاجر وأترك لكم العالميه والتجمع والمنتدى :bye22:

 

[bella bambina]

والله اذا بسايركم خلاص أطلع عيالي من المدرسه وأخلي الأنواط بو 8 ألف حق هداياكم يعني أغيب لي شويه أروح الأفنيوز أطلع اليهال تبلشوني بسيايير وشاليهات وتذاكر ؟ لو قايلين لي قبل لا أطلع جان خشيت الفلوس بدال لا نتغدى بنينو ونحلي بجوكليت بار جان تغدينا بكنتاكي آنا ضيعت ما عليج أمر ريمان كتبي لي قائمه بالهدايا وبالمرة سالي فوز شنو تبي هدية ولاده بيت حق الصغيرة ؟ويمعي الطلبات ودزيهم بالايميل حق سكرتيرتي وآنا بالخدمه :eh_s(16):
ريمان ما راح أكلمج لا انجليزي ولا ايطالي راح أتعلم لغة جزر القمر بس عشانج ghgshjbmjkdlloikmmchumns,

 

[bella bambina]

ملكه
اذا أقفلت في وجهك الأبواب ليس لك الا باب الله
اذهبي اليه وقفي على بابه وأطرقي الباب بشده فإن بابا يطرق بشده لابد أن يفتح وحذاري أن تيأسي اذا تأخر الفتح ولا تتركي الدعاء فإنه سبحانه يريد أن يختبر ثقتك واصرارك
أسأل الله أن يفتح لك أبواب السماء ويستجاب دعائك ويرزقك الله الذريه الصالحه

 

[bella bambina]

شفتوني وآنا أدعي بذمتكم مو أنفع خطيب حق الجمعه:yaaaaaarb:
اللي تبي تذاكر وسيايير وشاليهات تدعي ربها هذا الشي الوحيد اللي أقدر أفيدكم فيه
ولا تييييييييييبون سيرة الفلوس الله يكافينا الشر الفلوس وصخ اشتبون فيها أهم شي الصداقه:friends:
ولا تحسبون حسابي بروحة الشاليه لأني مشغولة شوي
(بعد أخاف تبلشوني بمصرف الشاليه والله قمت أخاف من تجمعكم ) :gathering:

 

[bella bambina]

ولا تقطون علي نغزات أمسك يهال يكفي ان ماريا مسافره وماري لو جريب تنحاش من عيالي :RoadRunner:

 

[bella bambina]

وبعدين ترى العيدميلاد بدعه وكل بدعه ضلاله وكل ضلاله بالنار
كلش مو معزومين اليوم عيالي على 3 عيدميلادات يعني 3 هدايا والله مصرف شكلي صج بقلب وبصير دينه أوفر:080402ask_prv:

 

[ReeMaN]

مساء الخير امهات العالميه

مروو اى انشالله الاحد دوام اليهااااااااااال وانا من اليوم اعدل نومة ولدي قعدناه من الصبح ورحنا نتريق بالافينيوز وناسه صج في لويه اشوي بس هدوء ماكو صيحه .....

شخبارج فوز مسكينه اثر فيها زام بنتها وقامت اتحاجي روحها بالمنتدى ههههههههه امبيه لاااا اتغشمر اصلا انتى ماتدرين ان السباحه تنوم الياهل لو تحطينها بالطفاحيه مع لزوم التان بسرررررررعه تنام ماتدرين اختج من مناصري التان وتوابعه من بيااااضي الزايد مااقدر اعيش بدون تان بياض يعكس الضوء هههه اخذي الحكمه من افواه المجانين

وبنتج لاتحاتينها انشالله العمليه سهالات وتطمنينا عليها شلون عميمج انشالله تحسنت صحته الحين ؟؟؟

بيلااااااا وينج توقعناج مطلوبه بالمخفر ههههههه الله يكافي الشر ماشالله تبارك الرحمن بيوم وليله ومن الهدايا صرتي داعيه شكلج باجر عباة ونقاب ودسوس وماقدر اصيدج .... خلاص مانبي منج شي بس لاتنحاشين تكفين امهات قضبو مينونكم لا ايكم اللي اين منه هههههههه

 

[mr000]

السلام امهات اشلونكم شخباركم..وي ريمان لو ادري إنج رايحه الأفنيوز الصبح جان ييت تريقت على حسابج..آنا رحت الافنيوز بس الظهر حق الغدا ..بس بصراحه الظهر لويه وزحمه وكل اسبوع اقول حق بنتي خلاص محنا يايين الاسبوع الياي تالي مايخلوني أغيرإلا نرد نروح..وهم بالليل مرينا المارينا إلا اخس بعد..يعني صبيان وبنات يدورون بس جذي ..والله إني قاعده مع بنتي في لونوتر ولاحظت صبيان صعدوا ونزلوا يمكن 3 مرات.. والباقي جنه طواف استغفرالله تشوفينه يمر جدامج 7 مرات..

 

[mr000]

بيلا صج أعياد الميلاد يبيلها ميزانيه..إحنا ماشالله من شهر 3 ليلحين كل خميس في بيت أختي بيمعتنا يكون فيه عيد ميلاد أحد من عيال خواتي وأخواني أو احفادنا..والأسبوع الياي ولدي تالي بنتي في 27/4 وهم بشهر 6 عندنا كم عيد ميلاد..ولما يكونون بالمتوسط والثانويه تحتارين شنو تشترين شي يناسب عمرهم..آنا موكاسر ظهري غير أعياد ميلاد صديقات بنتي يعني بالجامعه.مويهال بتشترين لهم لعبه..وألحين ثنتين منهم تزوجوا والثالثه مخطوبه..وتبتشريلهم هدايا.:eh_s(9)::eh_s(9):

 

[ملكة بيتها]

واي يا بعد قلبي قلبكم شكرا على الدعوات الحلوه حبايبي وربنا رب كريم والحمد الله على كل حال
أحبكم كلكم

:nbvppw:

 

[mr000]

السلام اشلونكم شخباركم!الله يعينا باجر عالطلعه من الصبح << آنا قعدت حتى ماقدرت أقرا الجريده دايخه حدي برد أنام أمبيه اشلون باجر بوصل ولدي!!