تجمع امهات العالمية الامريكية

[mr000]

السلام ..اشلونكم..أهلين فوز الله يعينج والله عالسهر..آنا ماأيوز من شرب القهوه لما أطلع بالليل وتالي أسهر وأتوهق عالنوم ..والله إني بس رايحه مذركير شويه اللي يم مركز سلطان باخذ شغله حق بنت ولدي وجنه مغناطيس يسحبني حق ستاربكس اللس هناك وأكلم نفسي أقول مابي أشرب قهوه..وآنا قاعده أطلب وأدفع تالي أكلتها الله وكيلج لي ال3 ونص آنا قاعده..الصبح غصب قمت وصلت ولدي ودشيت دفعت له حق التيوترينج..شكلي بلحق أنام شويه قبل لاتقعد الصغيره..

 

[bella bambina]

صباح الورد أمهات :aha:

 

[ReeMaN]

قوووووووووووووه امهات شخباركم ؟؟؟؟

يالهووووييييي يوميييييييييييين مو قادره ادش المنتدى كله يطلع لى ايرور مادري شسالفته صاجه ملكه مامات مرات يصير المنتدى كريه

ماشالله تبارك الرحمن التجمع كله بيسوي ريجيم وتشجعو على الرياضه وشنو هذي حمله الثقه بالنفس ابي اصير عضوه معاكم غضب طيب

ماشكووووووووووووووره فوز على المساعده برقم نادي كيرفز

واضيف رقم كيرفز السالميه بالسالميه شارع قطر قطعه 5 بناية 17 والحين عندهم عرض اسبوع مجانا وهالعرض حق المشاركين الجدد

مع خصم خاص عند الاشتراك ....... وحياج الله مرووو

اين رفيقتى الخفيه كاراميلا ؟؟؟

 

[caramella]

يالهوييي عالمنتدى شنو قثيث
ريمان يا حبيبتي المنتدى مخليني اختفي اكتب اكتب تالي ينمسح
ساعات فوز اسوي نفسج اسوي كوبي و اخليه بس ما احطه بفولدر مره مرتين اسوي لصق إذا ما صار و كله معلق اعصب و اطفي الكمبيوتر بكبره
:eh_s(12):

 

[mr000]

السلام اشلونكم..يالله فتح المنتدى..يالله بس نسلم عليكم..

 

[ReeMaN]

صباحوووو كيفكم امهات العالميه شفتو المطر بالليل ماشالله فجاه قلب الجو برااااد ....

ماتنلامين كاراميلا انا حسبت بس من اشتراكنا البايخ اثاري الكل حاشته العدوى .....

مروو شخبارج حبيبتى شلونج مع اجازه الويك اند ؟؟؟ بسالج رحتى من قبل كرنفال العالميه ؟؟؟ انشالله باجر عندهم كرنفال مثل ما انتى عارفه

يعنى تستاهل العنوه انروح وشنو برنامجهم ؟؟

 

[bella bambina]

السلام أمهات
اليوم كانت عندي أعمال شاقه طبخت ونفخت وغسلت الجوله والشفاط كان كله دهن واليوم أعجت وايد بجف الأصفر حق الجوله :icon30: من زمان ما نظفت وما أدري ان جف جذي قوي على الدهون -------خلصت الدعايه خلو شغالاتكم يقرون ردي يمكن يستفيدون :dddds:
ريمان كذامرة وديت اليهال الكرنفال مو حلو بس اهمه يستانسون لأنهم يشوفون ربعهم بس أصرف أكثر من اللي أصرفه بماجيك بلانيت أو الشعب فبالنسبه لي ما يسوى بس بنتي الكبيرة بتروح مع رفيجتها أمها مدرسه هناك

 

[mr000]

السلام عليكم اشلونكم..ريمان سوووري توه غصب فتح المنتدى ..لا والله العام ولدي ماراح الكرنفال.. ومااعتقد باجر يروح عنده امتحان يوم الأحد واليوم وامس كله طالع لازم يقعد يدرس باجر..بيلا الله يعينج عالتنظيف..شوفي آنا ماعندي مشكله أطبخ وأسوي أي شغل ثاني إلا تنظيف المطبخ والجوله ماأحبه..العام سافرت خدامتي شهرين وعندي وحده ثانيه بس ماهديت عليها كل شغل البيت والله كنت أغسل وأطبخ وأكوي هدوم المدرسه كل يوم وانظف الغرف..بس أهم شي تنظيف المطبخ عالخدامه..

 

[mr000]

السلام عليكم اشلونكم..ريمان سوووري توه غصب فتح المنتدى ..لا والله العام ولدي ماراح الكرنفال.. ومااعتقد باجر يروح عنده امتحان يوم الأحد واليوم وامس كله طالع لازم يقعد يدرس باجر..بيلا الله يعينج عالتنظيف..شوفي آنا ماعندي مشكله أطبخ وأسوي أي شغل ثاني إلا تنظيف المطبخ والجوله ماأحبه..العام سافرت خدامتي شهرين وعندي وحده ثانيه بس ماهديت عليها كل شغل البيت والله كنت أغسل وأطبخ وأكوي هدوم المدرسه كل يوم وانظف الغرف..بس أهم شي تنظيف المطبخ عالخدامه..

 

[mr000]

السلام اشلونكم ..اشهالجو استغفرالله..أي كرنفال ..أي بطيخ..أكيد راح يكنسلونه ..الجو عفسه بره..العام أذكر جنه هم كان غبار شويه..ولدي بالدوام عنده خفاره يقول المستشفى صار جنه ليل شبوا الليتات مره ثانيه..وريلي رايح المباركيه..يحب يحوس بالديره الصبح يقول المحلات ردوا سكروا..

 

[ReeMaN]

صباح الخير امهات العالميه شخباركم حبايبي ؟؟؟

سبحان الله شفتو الجو اشلون صار الصبح عاد الحين موسم سرايات ماتدرين متى يعتفس علينا الجوو .....شي اكيد بيكنسلون الكرنفال بس

اتوقع الاجانب بيستانسون من هالجوو المغبر يحبون الاشياء الغريبه عليهم هههههه.....

بعد عمري والله بيلا الله يعينج على الاعمال الشاقه انا نفسج مرووعادي عندي الطباخ وشغل البيت بس مااواطن غسال الماعين والجوله

ولا غسال الملابس ....

وين فوز وكاراميلا وملكه مامات وليلالي وباجي الامهاااااااااااااااااااات

 

[caramella]

السلام أمهات بعد العناء بالغصب يالله فتح المنتدى
ما ادري لي متى هالمشكله بتظل والله ما ادش إلا عشان هالتجمع و طفر حدي يالله يفتح معاي
المهم شلونكم و شخباركم
اليوم الصبح كنت نايمه و ما شفت الجو و ما سمعته للأسف لأني ما نمت إلا 6 الصبح ولدي كان تعبان ويلوي بالفراش
كحه ونشله يختنق و وموقادر ينام ما ادري اوديه باجر ولا اغيبه إنشالله يتحسن وأوديه
الطماشه ولدي شايف ولد عمه عنده آي فون و يلعب فيه قيمز عمر ولد عمه تقريبا 12 هالطقه الصراحه ما عجبتني الحركه كلش شنو ياهل بو 12 سنه بيده موبايل ب 250 دينار وين قاعدين
المهم الحبيب ولدي يبجي من اليوم الصبح ابي آي فون لوووووووووووووووووووووول
نضحك عليه آنا و ابوه والولد يعصب
قاله ابوه غالي
قاله آنا عندي فلوس راح ياب بوكه كله خرده لوووووووووووووول هاك روح اشترلي
قاله و تشتري حق امك واحد بعد قال لأ بس آنا لوووول حده نحيس
هذا الحين يبي آي فون بعد 10 سنسن شنو يبي يا ترى:080402ask_prv:

 

[mr000]

السلام اشلونكم أمهات شخباركم..المنتدى قصته قصه..من الساعه 10 وآنا أحاول فيه..توه تعدل.. اليوم إحنا طلعنا بال1 الظهر لما تعدل الجو شويه..بس رفيج ولدي قاله إنه راح المدرسه الساعه 11 قالوله ألغوا الكرنفال..فور ريمان كراميلا بيلا..شخباركم ..كراميلا مايشوف ولدج ..ألحين اشلون على هالتطعيم اللي حاطين عنه بالجريده..إحنا تونا مطعمين بنت ولدي حصبه ماصارلها أسبوع..واسأل السستر تقولي مادري تعالوا حزت التطعيم سألوا الدكتور..واليوم بالجريده مكتوب كل الأطفال من سنه لي 7 سنوات حتى اللي مستكملين التطعيم..انزين تزنا مطعمينها ..مادري مايضرها..

 

[mr000]

البدليات ماشاءالله..تزنا= تونا

 

[mr000]

كراميلا ..يحليله ولدج ..بعد أي فون مو أي تلفون..هذا بو4 سنين يبي آي فون .. وبنت ولدي توها سنتين وطول الوقت مناشبتني عاللابوتوب..شريت لها واحد من سنتربوينت واشحلاته يطلع أطوات الأحرف والألوان وأسماء الحيوانات..ماتبيه..اليوم تقولي ليش تاخذين لاب توبي ( عن لاب توبي) ومارضت تروح عند أمها بشقتهم إلا لما خذت لاب توب ولدي معاها..والمشكله ثقيل عليها مو قادره تشيله وصراخ ماتبي أحد يمسكه إلا هي بتشيله..يقولي ولدي محد خربها إلا أنتي عندكم وايد تتدلع وبتمشي كلامها..

 

[mr000]

طوفوا البدليات..

 

[Fouz]

شلونكم أمهات معاكم سوير الليل فوز
استغفر الله الجو اليوم يخرع عاد انا ما نمت الا الساعة 6 و نص و فزعت الساعة 8 على صوت الهوا و ريحة الغبار عاد أشوة توني شارية الجهاز اللي ينقي الهوا من الغبار علشان بنتي بس نفعني لاني يوم بغيت اروح الحمام تكرمون اختنقت من ريحة الغبار
بالنسبة للكرنفال أساسا ما كانت لي نية اروح و مع الجو الرائع حتى الي له نية هون بس دام لغوه اكيد بيخلونه السبت الياي

بيلا الله يعينج على التنظيف و جف عجيب و اكو واحد مع بليتش ( مبيض) هم ممتاز علمتني عليه خالتي واايد زين، و الله يرد خدامتج بالقريب العاجل، على طاري الخدامة انا طلبت لي وحدة و قالولي يبيلها شهر بس طاف الشهر و ما بينت


ريمان شخبارج ، المنتدى يرفع الضغط حاولت ادخل بكل الاشتراكات المتاحة كواليتي و فاست تيلكو و اخر شي الايجو و هم يطلع لي ايرور

مرو شلونج، الجو اليوم يخرع استغفر الله، التطعيم يبدي الاثنين حسب ما قالت لي مرت اخوي و ان شاءالله بوديها اشوف شالسالفة، عاد اسم الله عليها اكبرت شلون اقدر اسيطر عليها وقت التطعم ،، قبل يوم انها صغيرة يقضبها ابوها و نفتك بس الحين وايد صعبة


كاراميلا سلامته ولدج و ن شاءالله صحته تتحسن و يداوم
اشتري له اي فون صيني ب20 دينار و افتكي ، هالجيل كل شي يبون و اكو اهالي الله يصلحهم ما يقولون لأ حق عيالهم على بو ان ما ابي احط بخاطره شي و خلاص ولا شي يترس عينهم و كله هل من مزيد ، يطري علي يوم احنا صغار اذا قلنا نبي نفس فلان والله ما نشوف الشغلة لو شنو، اذكر مرة اخت شافت جنطة عند بنت عمتي و قالت ابي مثلها طبعا أمي عصبت تالي عمتي شرت لها وحدة و طرشتها البيت طبعا اختي ما شافتها هههههه بس والله علمتنا القناعة و ما نطالع غيرنا لو بأبسط الامور

طبعا سويت كوبي حق المشاركة، الاحتياط واجب ما قمت أأمن بالمنتدى​

 

[bella bambina]

صباح الخير أمهات اشلونكم واشلون عيالكم ؟
سلامته ما يشوف شر ولدج
اي والله الله يرد ماريا بالسلامه صج صج صج طااااااااااح حظي
الله يعينا على التطعيم ولدي وبنتي لازم نوديهم بس بنطر آخر الأسبوع لأن هالأسبوع عندهم اختبارات ال sat هالأسبوع أخاف يصخن
فوز بنتي تغني لنا دايما أغاني تضحك عن الحشرات معطينهم اياها بالمدرسه وحده :
no body loves me every body hates me
والثانيه عن ال mosquito خلي تغنيهم لج وايد funny

 

[mr000]

السلام اشلونكم..فوز التطعيم بدا من اليوم..مو اليوم 18؟؟ مكتوب بالجريده من 18 لي 29..إحنا قلنا بنخليها لي آخر يوم توها مسكينه صحت هاليومين من عقب التطعيم الأخير..بيلا آنا أذكر العام ولدي عطوهم امتحان الsat بس هالسنه ماطرشولنا ورقه..مادري هو كل سنه وإلا حق مراحل معينه..والله آنا ألحين عرفت إن الدرجات ونتايج الأمتحانات طول السنه تعتمد على طريقة تصحيح المدرس..يعني مثلا بالماث مدرس يحط الدرجه عالإجابه النهائيه فحرام ينظلم الطالب حتى لو كل الخطوات صح تروح عليه الدرجه وتكون درجه كبيره يعني 5 درجات مثلا على كل مسأله بينما مدرس ثاني يقسم الدرجات عالخطوات فمايخسر الطالب درجات وايد..ألحين آنا ولدي ذاك الشهر حطله المدرس f بالساينس.. ولما تغير المدرس أمتحانين أخذ فيهم b مع أن اللي حاط الامتحانات المدرس اللي راح مو المدرسه اليديده..يعني هذاك وايد يتفلسف بالتصحيح..

 

[mr000]

فوز تصدقين اسلوب المعيشه والبيئه تأثر على طبع العيال واسلوب تربيتهم يعني كويتيين راحوا بريطانيا وعاشوا هناك 10 سنين تقريبا من كان عمرهم 5 و6 سنين وألحين هم بالثانويه والله صاروا نفس أطباع الأنجليز مايحبون الصرف والتبذير واللي كان ساقط بأولى ابتدائي هني هناك متفوق ومجابل دراسته.. وعقب المدرسه يشتغل بمكتبه.. ولما ايون الكويت يتضايقون ليش ماكو شي إلا بس تمشي بالمجمعات يقولون حق أمهم شركينا بنادي هني بالكويت مايحبون يطلعون مع عيال عماتهم وخالاتهم بس مطاعم ومجمعات..وساعات الأم أتيي بروحها بس تييب الصغار تقول الكبار ماقاموا يحبون اييون هني ..الولد مرتبط بشغل أو ماخذ كورس صيفي يستعد للكليه مع أن عمره 16 سنه,, وقاعد يجمع فلوس حق سياره مستعمله..لأنه يمكن يروح جامعه مو يم أهله..بس هني للأسف ماكو احساس بالمسؤوليه كلشي الأهل يوفرونه لهم ومن يسوق أحسن سياره يشتريها طبعا من فلوس أهله مو من تعبه.. وصح الحمدلله عالنعمه والله يديمها ليش نقصر عليهم بس والله صار اسراف ومايحسون بقيمة الشي..