السلام أمهات
إشلونكم و شخباركم إنشالله زينين
الشر ما إييكم حبيباتي إي والله هالولد مو مترقع ذبحني مناعته ضعيفه ما دري إشلون اقوي مناعته
اليوم ولدي ياب التقرير بس مو نفس ما قالت ريمان مو مكتوب راي ابة العربي ولا المواد الثانيه بس مس ويندي كاتبه رايها فيه و دازين لي ورقه بالأيام اللي غاب فيها ولازم نوقعها و نردها
بس بليز مافي إجتماع اولياء امور ودي اقعد مع المدرسه اشوف شلون مستواه بعد الفتره اللي غاب فيها؟؟؟؟
بس حبيبتي ريمان لا تزعلين نفس ما قالت لج بيلا إنشالله يتحسن و غير جذي اخاف يكره المدرسه من الصراخ
وديه المثنى إشتريله من هالقصص و كتب تمارين الرياضيات و حلي معاه وواعديه بإن ما تطلع بالويك إند إلا لما نحل هالتمارين أو نقرا هالقصه و فعلا خليج قويه و طبقي لي ما حل إنحكري وياه بالبيت بالويك إند عشان يحس بالمسئوليه أما إذا تصرخين عليه ما منه فايده يخترع منج شوي و تالي ينسى لأن مافيها حرمان و تالي حتى الزف ما يخرعه لأن يتعود عالزف فا يصير الوضع عادي عنده
أما آنا ميته و اعرف راي ابلة العربي في ولدي
المشكله ولدي ما يحب الأبله فا كاره الماده
وعنده هالماده مو اساسيه
و يا حسرة قلبي ولا سوره حافظ و لما احاول معاه بالبيت ما يبي يردد معاي ذبحيه ولا العربي ولا السور إستغفر الله
و غير جذي قالي ذاك اليوم ابله هاله قالتلي إنت مو شاطر والله ودي ازنطه
_03ba:
عاد صج ياربي ما ينلام الأبله صعيديه و حدها قثيثه حتى آنا ما حبيتها دمها ثقيل
بالعاده اليهالوه يبيلهم ابله حبوبه تجذبهم وهذي ابد ما فيها هالصفات
مرووو بدعت بنت ولدج و ما عليه نطري عليها شوي بالتطعيم هم آنا بخلي تطعيم ولدي بالأخير لأن لي الحين تعبان
وصج تقهر سالفة التصحصح عالنتيجه النهائيه خو ماكو احد كامل لابد تحدث أخطاء بالخطوات و تعطيج نتيجه نهائيه غلط طقة اللي قالته فوز ينقلون الرقم من الآله غلط
فوززززززززززززززززززز أنتقذتيني من وين هذا بو 20 دينار قالي ريلي كان شايفهم بتايلند إذا فيه منه بالكويت زين على زين بس قوليلي من وين
بس طبعا بذله على ما اشتريه لما يسمع لي وحده من السور يالله اشتريلياه
بيلا امبيه بدع ولدج من وين سامع هالكلام ولدج أخاف احد من اليهالوه اللي بالمدرسه قايله هالكلام
وعلى الأغاني ولدي ما يغني عندي ما ادري ليش سمالله عليهم البنات يونسون يسولفون شنو صار بالمدرسه اما الصبيان يشلعون القلب مختصر مفيد مو عدل ريمان ؟؟؟؟؟
