تجمع امهات العالمية الامريكية

[mr000]

السلااااااااااااام اشلونكم ..البارحه انقطع الإنترنت عندي..انبطت جبدي ماصدقنا تعدل المنتدى

 

[mr000]

وينكم اليوم مالكم حس...

 

[bella bambina]

صباح الخير أمهات
ان شاء كل عيالكم ما يحتاجون تطعيم
مشكورة ملكه بعد عمري والله خلاص ريمان أعطيج رقم ماريا وحاولي تقنعينها ترجع مبجر

 

[Fouz]

السلام عليكم أمهات، شخباركم ،،،تجمعنا بالصفحة الثانية ياللهول :flower:

بيلا حبيبتي والله عيونج الحلوة :eh_s(17):، وناسة رفعتي معنوياتي عقب 9 شهور من المعاناة لا صبغ شعر لا لبس لا ميك أب
الله يسمع منج و ما تحتاج بنتي تطعيم لانها عسرة و من تشوف المستوصف تنقلب وحدة ثانية و تستاهين ندللج تعويضا عن طلبات بعض الناس عاد خوش توقيت للتعويض مع نزلة المعاشات،، ريمان ماكو عذر قرقشي مخباتج

ايي على طاري المستوصف، بنتي تحتاج عملية لحمية و كل من قالي ليش تسوينها بمستشفى خاص روحي مستشفى زين و يكون يعني رايحة بواسطة ،، الله لا يوريكم صج حط فلوسك بالشمس ،، مذلة و ماكو احترام كل ما طال لسانج دخلتي أسرع:j013: ويع ويع ويع تخيلوا احنا عند الدكتور و كل شوي احد فاتح الباب يسئلونه عن وصفة دوا أو ورقة تحليل ما جنه أوادم قاعدين، عاد عطوني موعد عمليتها 5/5 قلت اذا هذا اولها ينعاف تاليها شكلي بنطر أبوها يرجع و نسويها بمستشفى خاص وايد أبرك والله حسيت اني قاعدة أطر مو أطلب خدمة كفلها لي الدستور أهم شي الدستور حطوا بالكم هذي بوادر ترشيح حق المجلس اليديد

كاراميلا شلونج شفتي الحركات والله ما تصدقين شنو زهقت من شكلي و انا حامل كنت انطر اكمل شهر عقب ولادتي علشان الصالون من كثر ما انا لايعة جبدي حاجزة الموعد قبل اسبوعين

ملكة شخبارج ،، الله يعافيج حبيبتي

مرو شخبارج و المنتدى بو عرة يوم شزينه و عشرة يطلع عيوننا :rgewrg:​

 

[Fouz]

يالله يا جماعة الخير أخليكم الحين أبي أنام دامها نايمة و لي عودة بالليل ان شاءالله

 

[mr000]

هلا والله فوز..اشلونج شخبارج..صج حط فلوسك بالشمس واقعد بالضلال..قبل سنتين بنتي سوت عمليه بسيطه يعني بويومين بالمستشفى وعلى حظنا كان في ترميم بالأميري عند الجراحه فقالوا تسويها بالصباح..الله لايراويج الحاله الكسيفه اللي قعدنا فيها يومين يعني يينا ليلة العمليه وطلعتها بنفس يوم العمليه العصر..ماقدرت.. أنكسر ظهري وآنا قاعده على حافة السرير يوم كامل عمومي وضيج وريحه وازعاج وبنتي موراضيه تستخدم الحمام تكرمين..تقول ويع ماأشتهي..والله رديتها البيت العصر وهي بعدها دايخه من البنج..بس قال الطبيب مو مشكله عادي ..ماصدقت خذتها وقبينا..الله يسهل على بنتج واشتري راحتكم أحسن..

 

[caramella]

السلام أمهات إشلونكم و شخباركم
فوووز مستشفيات الحكومه ظيييييييييييييييييييييييييم والله لوعة جبد لا والحمامات وصخه لا صابون ولا كلينكس ولي قلتي ابي كلينكس جنج طالبه ذهب
يمكن حتى لو الحكومه توفر كلينكس هالبنغال يبوقونه عمى بعينهم و يبيعونه بسوق اليمعه

 

[mr000]

سلام أشلونكم شخباركم.زسوري عالبدليه اللي فوق توني أشوفها..الضلال = الظلال.......أمس عطوهم ورقه الكرنفال السبت الياي..بس مايبي يروح ولدي..آنا هم ماأصدق يقعد يدرس السبت..ريمان وينها مابينت اليوم..

 

[حلم الطفولة]

فوز / بيللا / ريمان // ملكه // مرووو // كاراميلا ..................... شخباركم ؟ شلونكم ؟ ان شالله بخير ؟
متى عطلة عيالكم ؟؟ الإيستر ( عطلة ربيع الأمريكان متى عندكم ؟ )

مرووو و ريمان لو سمحتو كثرو طلاتكم عندنا عشان ما أعاقبكم وأدمج تجمعكم داخل شاتنا < حكم القوي عالضعيف!

 

[حلم الطفولة]

فوز / بيللا / ريمان // ملكه // مرووو // كاراميلا ..................... شخباركم ؟ شلونكم ؟ ان شالله بخير ؟
متى عطلة عيالكم ؟؟ الإيستر ( عطلة ربيع الأمريكان متى عندكم ؟ )

مرووو و ريمان لو سمحتو كثرو طلاتكم عندنا عشان ما أعاقبكم وأدمج تجمعكم داخل شاتنا < حكم القوي عالضعيف!

 

[Fouz]

السلام عليكم

مرو و كاراميلا والله انا مو في بالي الحكومة أبد بس تخيلي حتى دكتور بنتي مع انه بعيادة خاصة اهو اللي قالي روحي الحكومة احسن لج و العملية ما تسوى و حولني على دكتور يعرفه، بس اللي شفته هناك استغفر الله خلاني صج اقول الحمدلله على النعمة و عسى الله لا يعوزنا ندخل هالمستشفيات، أصلا من الحين متخيلة السيناريو الممرضات منفسين و الفراشات ينطرون تعطينهم فلوس علشان يخدمونج !!! محد مستفيد من الحكومة الا الوافدين بصراحة يوم رحت شفت اللي ناطرين دور اكثرهم مو كويتيين لان اغلب الكوتيين ما يتحملون طريقتهم و انا اول وحدة و اقولها تووووووبة اروح عندهم دام ممكن القى علاجي بالخاص صج لي قالوا فلوسج ترزج، يوم ولدت ما يمديني التفت الا الممرضة فوق راشي و بكل ربعة كلينكس و كرتون دسوس غير الماي و الخدمة اللي تبرد الجبد يعني ما يخدم بخيل

مرو شسالفة الكرنفال؟ شنو فيه يعني قاعدة أفكر أودي بنتي يمكن تستانس و نقدر نودي معانا احد مو من المدرسة مثل بنت اخوي و الا لأ؟ فيدونا اذا عندكم معلومات بليز

هلا والله حلم الطفولة، اجازتهم خلصت كانت ببداية ابريل و داومنا 11 ابريل

 

[Fouz]

مرحبا بنات شلونكم ؟؟

انا يديده على التجمع

بنتي انشالله السنه اليايه نيرسري .. ومادري وين ادخلها محتاره ؟؟ شلون مدرسكتم ؟؟ وين مكانها ؟؟ واهيا ثنائية اللغه ولا لأ ؟؟

وجم تكاليفها .. وعيوبها ومميزاتها وسوري اذيتكم بس حدي متردده وحتاره مادري وين اودي بنتي

بصراحه انا كنت مفكر بالبرتش اللي بسلوى وبين منتسوري !! ليلحين ادور

هلا والله اختي
النيرسري عندهم بس صفين و ما اعتقد تلاقين مجال الحين لان المقابلات خلصت بشهر مارس، كاراميلا ما قصرت حطت لج السايت و المدرسة تعتبر زينة و ماكو مكان ما فيه عيوب بس على راي كاراميلا اهم شي تشوفين الياهل رايح المدرسة و اهو مستانس يخليج تتجاوزين عن اي عيب تشوفينه، عموما اتصلي بالمدرسة او روحي شخصيا و شوفي اذا في مجال يسجلون بنتج الله يحفظها

 

[bella bambina]

صباح الخير أمهات
طبعا فوز خاص ولا تفكرين أبد بالحكومه الله لا يعوزنا حق خدماتهم
هلا والله حلم الطفوله حياج الله

 

[mr000]

السلام عليكم..هلا والله حلم الطفوله..عطلتنا خلصت من زمان مداومين..ان شاءالله حلومه ..أمركم كل يوم.. إنتي تامرين أمر ..عاد آنا والله كله أمر..بس ريمان ماترضى ..تقول ماعندنا حريم يطلعون بالليل.. شسوي أخاف منها..!! اليوم شفت شهادة ميلا بنت ولدي جنها ماتحتاج التطعيم ..لأن مرتين مسجل إنها ماخذه mmr..منهم تطعيم الأسبوع اللي فات..بس هم بنتأكد..أهلين بيلا اشلونج شخبارج.. اليوم أطالع الأمهات الصبح أقول يمكن هذي فوز أو بيلا..في وايد اللوك مالهم حلو ماشاءالله بس ماشفت معاهم بنات صغار..إنتوا من أي باب تدشون.مو العادي اللي بواجهة المدرسه وعلى جنب أكو مسيد؟؟

 

[Fouz]

السلام عليكم أمهات شخباركم

استغفر الله اليوم الجو يطفر يعني من باب البيت الى باب الحمام تكرمون وايد حر الله يعينا على باجي الصيف، الحمدلله انا نعطل بالصيف، على اني من جم سنة اداوم ما فكرت اخذ صيفي على الرغم من المغريات المادية، اخذت مرة وحدة قبل سنتين بناء على نصيحة رفيجاتي لانهم ماشاءالله ياخذون كل سنة تعرفون شنو كرهت عمري و كرهت الساعة اللي فكرت فيها اني اداوم بالاجازة و من يومها تبت و حرمت اطلع من البيت بالصيف وقت النهار الا للضرورة

اليوم شفت بيلا الله يعافيها قالت لي عن الكرنفال، هونت ماني مودية بنتي، اروح اتغدا برة وياها تالي اوديها تلعب بأي مكان، بيلا ان شاءالله اوديها مستشفى خاص عقب اللوعة اللي شفتها بالحكومة، اي والله الله لا يعوزنا

مرو شلونج، انا الصبح ما اودي بنتي لاني اكون مع الصغيرة ، توديها اختي الله يعافيها، الظهر كنت اروح الباب ما غيره بس من علموني بيلا و كاراميلا على الباب الثاني وايد أحسن بس ما أظن يفتح الصبح لان الدخلة تكون من باب واحد بس

اليوم بروح أعزي واحد من أهل خالتي متوفي و العزا بالروضة عاد قبل لا اروح بمر العديلية أجيك اذا بنتي تحتاج تطعيم لاني امس لهيت و ما طلعت

 

[ReeMaN]

مساء الخير امهات العالميه

اليوم ولدي اخذ حصته بالفايروس وصار فيه انفلونزا .....وش حالكم واخباركم مع الجوووو

ملكه مامات شخبارج انا اعلمج ان ماخليت طلبات المنتدى كله على حسابج مااكون ريمان بنت شربت فيمتوووو ... بيلا عطينى رقم ماريا انا

احاجيها وصدقينى الليله بتشوفينها عندج اقولها معاشج بيزيد وصار 200 دينار كل شهر ههههه

فوووووز وحياتج خياااااااانه بيلا وكاراميلا شافو النيو لوك ؟؟؟ وانا وييييييين رحت يمكن شفتج بس ماعرفتج من النيو لوك

 

[ReeMaN]

والله فوز عندج الدكتور عبدالله العلي ممتاز استشاري وقديم بالخبره مع ان مو كبير وايد

وعندج هم الدكتور خالد الصبيح حتى اهو اللي مسوي عمليه اللحميه حق بنته واهى صغيره بعمر بنتج الله يحفظها

 

[Fouz]

هلا والله ريمان، شخبارج ،سلامته ولدج ما يشوف شر
يالله الحين دورج تردين الدين اللي عليج :denya:
الله يسلمج انا متنكرة بالنيو لوك :O_SHH_:تعالي باب المسيد و شغلي تحرياتج :eh_s(3):

اشوة بنتي ما تحتاج تطعيم وديت شهادة الميلاد مثل ما قالت بيلا الله يعافيها و افتكينا، مرو ودي شهادة ميلاد حفيدتج و ان شاءالله ما تحتاج

 

[caramella]

ريمان خلف الله ما شفت النيو لووك مال فوووز بس قاعده امدحها من كلام بيلا
لي الحين ما وديت شهادة ميلاد ولدي ماعندي وقت كلش
انشوفع الإسبووع الياي
فوووز آنا ارووح من باب المسيد واقول يا ترى منو إهي ماشالله وايد امهات ما دري منو إنتي
وحتى بيلا تيي من باب المسيد بعد موعدل ؟؟؟

 

[ReeMaN]

انا جم مره ايي من باب المسيد بس اتاخر اشوي يعنى الاغلبيه ماخذين عيالهم وماشين اكثر وحده اصادفها بيلا .... اما كاراميلا اتوقع لو

اشوفج مااعرفج الشكل يتغير بالحمال ياوخيتى .... بس افا عليج راح اركز عليج انشالله البس النظاره الكاشفه يبين شكل الوحده من غير

ملابس هههههههه.... لازم ارد ملفج السابق واتحرى عنج لالالالالازم