تجمع امهات العالمية الامريكية

[mr000]

السلام عليكم..اشلونكم ..اليوم قعدت من 7 ونص لأن ولدي الحمدلله وصل بالسلامه من لندن قعدنا معاه شويه تالي رديت نمت كنت دايخه كلش..وطلعت الظهر..علشان جذي مادشيت المنتدى كلش..ريمان والله كلش ولاشي من اللي قلتيه..حتى بالطلعه تونا هالسنه بدينا نخليه يطلع مع عيال عمه بروحهم وشوي يتأخر لي 10 إذا داشين فيلم بس عمره ماقال يبي يطلع مع ربعه من المدرسه..ومن ناحية البنات ولااييب طاريهم ماجنه بصفه بنات ..مادري بس ولدي من الروضه كلش مايحب البنات وبالتكامل استانس لما عرف إن بالميدل سكول ماكو اختلاط ولما نقلته العالميه ضاق خلقه إنه معاهم بنات..هو يقولي ساعات أنه عندهم بنات عادي معطين أرقام تلفوناتهم حق صبيان بالمدرسه وأنهم بالويك أند يروحون السينما مع بعض..بس ماقط قال بروح معاهم ولايحب هالسوالف..بعد شوفي يمكن بالهاي سكول عندهم هالشي أكثر مو الميدل سكول

 

[Fouz]

صباح الخير أمهات شلونكم
زامي توه يبدي، اليوم كله عفسة لان ريلي رجع من السفر و قعد له جم يوم علشان يسوي اجراءات دوامه مسكين حده 3 شهور و عمي علاجه مطول و ما يصير يخلي خالتي هناك بروحها خاصة ان الدكاترة قالوا يبيله وقت طويل على ما يتعافى فبما انه يوم سفرته لازم ازهب هدومه و اغراضه فما نمت العصر كلش و المشكلة اني تبرمجت على النوم عقب اذان الفير، حاولت انام بس بلا جدوى

ريمان مرو كراميلا بيلا شخباركم؟

ريمان انا حاسة فيج خاصة ان اللي عندي بنت فأحاتيها اكثر بس انا اقولج اهم شي البيت لان المشكلة بالاهالي شنو يعني بنت تطلع مع صبيان على بو انهم معاها بالصف وين قاعدين؟؟ اصلا اذا بتطلع ويا رفيجاتها لازم انتي وياها خاصة اذا صغيرة يعني مو بعمر الجامعة، انا بنات اخوي كلهم بمدارس انجليزية بس هالنظام ما يمشي حتى اذا بيروحون ويا رفيجاتهم كنت اوديهم قبل لااتزوج و اقعد مع رفيجتي بطاولة و اهم و رفيجاتهم بطاولة ثانية بس على الاقل يتمون تحت عيوننا
خليني اقولج زوجي و حماتي ما درسوا بالكويت و كانوا بمدارس امريكية و بدول اوربية بحكم شغل عمي يعني مروا بمرحلة المراهقة هناك فلما اسولف مع حماتي تقولي بعمري ما تأثرت فيهم بالعكس كنت دايما اذكر كلام امي، و الحين حماتي صارلها بأمريكا 8 سنين و عيالها بعمر المراهقة هناك و الحمدلله تقول اتابعهم كثر ما اقدر بس و له الحمد ما تشتكي من أطباعهم، فبالنسبة لي أهم شي نتابع العيال و ما نطوف اي تغيير نلاحظة و سلامتج، صرت دكتورة فوز بهالنصايح

 

[Fouz]

السلام عليكم يا بنات

حبايبي ابي اسئلكم عن عن رياض الاطفال انا ولدي بسجله الحين ف ابيكم تساعدوني وين احسن روضه وتعليمهم قوي بلانجليزي بلييييييييييييييييييييييييييييييييز ماعندي وقت التسجيل رياض الاطفال اخر موعد شهر 5 بليز لا طولون على بررررد

هلا والله اختي
و الحيرة اللي انتي فها مرينا فيها العام فالله يعينج
شوفي ماكو مدرسة ما فيها عيوب مستحيل تلاقينها لانها و موجودة جان كل الناس سجلوا عيالهم فيها، لازم تحددين تبين امريكي و الا انجليزي، تبين ولدج يكمل فيها الى الثانوي، يهمج الاختلاط ، بالنسبة للطريج هم حطيه في بالج لان والله وايد مهم، و لازم تشوفين المكان و تالي تقررين، هذا اللي سويناه تقريبا و السهالات من رب العالمين
المدرسة زينة بس ما تخلى من العيوب لكن تظل من اقوى المدارس و الاهم من كل هذا ان اليهال و لله الحمد حابين المكان و هذا اهم شي، دخلى على الويب سايت مال المدرسة و اخذي فكرة و ماشاءالله موضوعنا عامر و اكو موضوع كاتبته ريمان قبل سنة قبل لا ينقبلون عيالنا و ان شاءالله تلاقين اللي يفيدج
و حياج الله

 

[Fouz]

هذا الويب سايت

www.uas.edu.kw


و هذا موضوع ريمان

http://q8yat.net/showthread.php?t=245252

 

[bella bambina]

صباح الخير أمهات
اشلونكم مرو وريمان وفوز وكراميلا ؟
أمس كان عندي صداع قوي استمر ليما اليوم الصبح ما قدرت أداوم خذيت عرضي وطبعا زوجي ودى اليهال متأخرين فوق ال8 كانو بالمدرسه وبنتي الكبيرة طنقرت عليه لأنهم يعطونهم تاخير (أحسن عشان يحسون بقيمتي )
مو عادتي أغيب فنومتي كلها أحلم اني داومت أو اني تأخرت على الدوام --------- لو مداومه أحسن بدال تأنيب الضمير
ريمان لا والله بالعكس مع ان بنتي شيطانه وتأذي اخوانها وتتحرش فيهم طول الوقت بس لما تكون عند أحد دايما يقولون انها مؤدبه وتستحي وأحسن من عيال حمواني اللي بمدارس حكوميه والصبيان اللي معاها أعرفهم لأنهم معاها من الحضانه بس دايما تلعب مع رفيجاتها مرة وحدة وديناها عيدميلاد ولد مس ويندي بالبولينغ بس لأن ما كان عازم كل الصف 3 بنات و3 صبيان فرحنا معاها قعدنا على جنب وأمه كانت معاه وعيال عمتي بالهاي سكول نادرا ما يطلعون ووايد مؤدبين ويستحون حتى مني مع اني أوصلهم بيتهم كل يوم ويشتركون كل سنه بمسابقة تحفيظ القرآن وماخذين مراكز ومحافظين على صلاتهم فأهم شي التربيه وتاخذين وتعطين مع عيالج وايد عشان الياهل يكون صريح معاج ويقول لج كل شي يصير معاه بدون خوف
اتذكرت مرة حماي كان مطلع ولدي معاه بالسيارة حط أغاني قال له ولدي أمي تقول لازم نسمع قرآن ما يصير نسمع اغاني ولع زكارة قال له مو زين الله ما يحب تسوي جذي دق علي حماي يقول لي انتي مدخلتهم مدرسه أمركيه ولا جمعية الاصلاح ولدج عقدني

 

[bella bambina]

مرو الحمدلله على سلامة ولدج

 

[mr000]

السلام أشلونكم أمهات ..بيلا الله يسلمج حبيبتي..وفوز الحمدلله على سلامة ريلج ..يالله عالأقل تشوفونه شويه هاليومين اللي رجع ويشوف بناته..الله يشافي عمج ويردهم بالسلامه..والله ريمان صح المدرسه لها تأثير بس الأساس التربيه ومتابعة الأهل حق العيال..والله جان ولدي ألحين عمره 14 وقاعد يروح مع عيال عمه بالويك اند يتعشون بمجمع وإلا يدشون فيلم ..ترى أخوانه الكبار ماحصل لهم جذي لي ساقوا سياره.. وبنتي وصلت ثانيه جامعه يالله توها هالسنه راحت كم مره مع رفيجتها عقب الجامعه تغدوا أو تسوقوا بالأفنيوز وأبوها مو راضي بعد ولاعاجبه آنا اللي متوسطتلها وقاعده أقنعه ..وأوصيها ترجع بسرعه العصر.. والله كله يعتمد عالأهل.. وحرصهم على العيال

 

[mr000]

باجر وعقب باجر أختبارات الsat.. مادري كل المدرسه وإلا بس المتوسط؟؟

 

[mr000]

كراميلا اشلون حضانة ريبون..زينه؟؟ حسيت ولدج تعلم منهم انجليزي؟؟واهتمامهم بالياهل اشلون؟؟

 

[Fouz]

السلام عليكم أمهات

مرو قرت عينج برجعة ولدج و الحمدلله على سلامته، و ريلي مشى الله يحفظه مسكين كان متكدر خصوصا انه مطول حسب كلام الدكتور أمس ان الموضوع يبيل صبر فالله يعينه، عاد قالي تعالي لما تعطل بنتي قلت له مو سهلة أبد خصوصا مع الصغيرة الله يحفظه و هم ما اقدر اخليها و اسافر خصوصا ان السفرة مو جم يوم و تقزرا، مالنا الا الدعاء ان الله يشافي عمي و يرجعون بالسلامة علشان أمورنا تتعدل

بيلا سلامتج و ما تشوفين شر، و صج احنا نحرق عمرنا علشان ما نأخرهم و لا نتأخر عليهم عسى الله لا يضيع التعب، ماشاءالله حلو ان عيالج يحبون يسمعون قران انا بنتي تمووووت على الاغاني عسى الله يهديني و يهديها، بجرب احط لها بالسيارة يمكن انا وياها نتعود

ريمان و كاراميلا شخباركم؟ حاشتكم الزحمة اليوم؟!!! واااااي 40 دقيقة علشان الف اليوتيرن مالت القادسية والله توقعت اكو حادث بس الغريب ان ماكو شي غير رنج روفر واقف بالشارع الثاني

كاراميلا اليوم و انا داشة طافت يم وحدة عيونها ملونة ماشاءالله يمكن تكونين انتي حسب معلومات مرو

 

[Fouz]

بدليات وايد طوفوا

 

[bella bambina]

السلام أمهات
فوز الله يسلمج من الشر حبيبتي و ان شاء الله يرجعون عمج و زوجج بالسلامه وان شاء الله ما يطولون هناك
اليوم صج كان الطريج بالرده زحمه وشفت الرنج بس ما أظن كان اهوه سبب الزحمه
مروو الابتدائي خلصو من امتحانات السات والهاي سكول ما لهم امتحانات سات

 

[ReeMaN]

سلام امهات العالميه وقرت عينكم برجوع الاحباب ولد مروو وزوج فوز ...فوز مايشوف شر عمج الغالي و ماااعندج سالفه فوز ماتروحين له

بالاجازه خاصه ان مطول اعتبري الاجازه نقاهه واخذي راحتج هناك صج ماراح اتكون سفره سياحه بالدرجه الاولى بس على الاقل ابوكم

بيرتاح زوجته وبناته عنده وبيستانس مع الجده لو بس اسبوعين وطبعا مستحيل اتجابلين المريض يوم كامل ومعاج اليهال لو بس تطلين

عليهم بالمستشفى وتقضين يومج برا اخذي اختج معاج تستانسين معاها وتعاونج على اليهال او بنات خواتج <--- مجرد فكره لا غير

مشكورين ماقصرتو والله مروو وبيلا وفوز صج طمنتونا ارد واقول او صح على التربيه بس مادري يمكن كلامي غلط

انا عندي ان الولد ينخاف عليه اكثر من البنت خاصه ان الولد من يصير عمره 13 يحس ان خلااااص صار ريال احنا نشوفه مازال طفل بس

لا عنده ان صار ريال خلاص لازم يستقل عن اشوي عن الاهل يطلع وايي على كيفه بس انتى تحددين متى يرد البيت وشالفايده متى يرد البيت

وانتتى ماتدرين منو ربعه ومن يصاحب ... اما البنت غييييييير ياحلوها البنت اتضل تحت امها الين تتزوج والام اهى اللي تشكلها على التربيه

اللي تبيها يعنى بمعنى تقدرين عليها مع اشويه شده بتخاف منج وماينخاف عليها مثل الولد ....

الا كاراميلا وينها مابينت هال3 ايام خصمو على غيابهاااا ... وانا مع انى تاخرت على ولدي اليوم كالعاده وصلت له تقريبا بالوحده وربع هم

حاشتنى الزحمه وماشفت شنو سبب الازدحام ....

 

[ReeMaN]

مروو شنو هذا امتحان السات ؟؟؟ اختصار كلمه والا شنو ؟؟

 

[caramella]

السلام ربعي
لازم اغيب عنكم شوي اتغلى انطركم تفقدوني عشان ارد عليكم :eh_s(3):
لاوالله حبيباتي آنا غبت لأن لي عذري بليز ريمان لا تخصمين علي الحين بقوللج العذر
عذري إني أتنسى وحدي لايعه جبدي ودايخه:ch12:
إدعولي الله يخليكم رفيقات دربي إن الله يتمم علي و يقر عيني بشوفة البيبي مشافى معافى والله ميته من الخرعه حاطه ايدي على قلبي
إنشالله ياربي الله يرزق كل محرووم يا رب
بس حللت مت من البجي إقولون لي ليش تبجين قلتلهم لأني اخاف
مؤمنه بقضاء ربي في المره اللي طافت بس لي الحين في قلبي خرعه :ssssso:
فضحتونه يا مروو و ريمان
فوززز ما ادري إذا اللي شفتيها آنا ولا لأ
لأن ما انتبهت عطيني هنت عنج خل اصيدج
مسكين ولدي زفيته زف عالزحمه وعليه لأن عطلني عشان يبي يشتري برد على ما يبت بوكي من السياره و شريت له برد تأخرت فا حسبالي إن بسبته معني كل يوم بسرعه اوصل بيت أهلي لأني ارووح بيت أهلي بالدعيه فا قريب عالمدرسه
مشكلتي كل يوم ارووح بيت اهلي لأن حضرت اللي مأجرين عنده يبني فالشقه حدها إزعاج أرجع مع ردة ريلي من الدوام فا يكونون خالصين تطقطق فاللي منبط راسها بالشقه وعليه الخدامه
قرت عينج فوز برجعة ريلج و يوصل بالسلامه إنشالله وعليه ما امداه يشبع منكم تلقينه رايح و قلبه طاير عليكم عسى الله يشافى عمج و يرده بالسلامه آنا رايي من راي ريمان روحي إسبوعين بالفتره اللي يمكن يكون عمج نازل فيها من المستشفى على الأقل تغيرين جو شوي ووايد يسافروون اوربا و معاهم مواليد عادي تدرين المولود بالسفر اهون من بو سنه لي 3 سنين
آنا من رايي روحي لا تخلين ريلج بخاطره تروحين له بما إن السفره طويله
بيلا سلامات ما تشوفين شر هذي سالفة تأنيب الضمير تقتل الدوام ارحم من الخرعه
ماشالله الله يهنيج بعيالج ونعم التربيه
مرووو حمدلله على سلامة ولدج و الله يهنيج بوليدج لأن نادر بهالوقت و هالعمر تصيطرين عليه بس الحمدالله إهو دال طرييجه برووحه
ريمان تحاتين ولي العهد يا قلبي هذا اللي آنا احاتيه و احاتي إن يستقوي و يكون له راي و يمشيه علي بما إن البابا مدلعه بعد
مروو آنا مدخله ولدي ريبورن اول ما فتحت فا تحسينهم شوي لويه بس آنا عندي مبدأ إذا المدرسه كانت وايد زينه راح يرتاح الياهل و آنا ولدي كانت ابلته وااااااااااااااااااااايد زينه إسمها صفا و غير جذي الحضانه من ناحية الإمكانيات التعليميه وايد كانو قاطين عليها وولدي والله تعلم منهم اشياء زينه و هم شوي انجليزي بسى ما يمنع إن يكون عندي ملاحضات عليهم لا تذكر و تلقينها في كل مكان
أمبيه جني قرقت وايد

 

[Fouz]

كاراميلا ألف ألف مبروووووك والله فرحتيني يالغالية عسى الله يتمم عليج و يرزقج الياهل المتعافي و يسهل عليج حمالج يارب العالمين، لا تحاتين و لا تفكرين كل اللي تسوينه توكلي على الله و لا تحرين عمرج و الاوادم اللي تقثج وخري عنها و اذا تبيني اعطيج كورس شلون تطنشين الناس و ما تحترين من عيوني حبيبتي
مرة ثانية مبروك و الله يعينج على النساة ، الهنت الله يسلمج اني مو متحجبة و قصيرة وشعري قصير

بيلا و ريمان يعني الكل حاشته الزحمة اليوم شي مو طبيعي

شلونج الحين بيلا ان شاءالله الصداع راح

ريمان و كاراميلا والله ان شاءالله افكر بموضعو السفرة جان زين اختي تروح معاي لانها ما تحب لندن و أكيد تبي تقعد بالكويت لان اختي الثانية بترجع من امريكا بالصيف فالله يسهل الامور

مرو شخبارج و شلوون ولدج مع زحمة لندن، لان ريلي يقول وايد زحمة بالمطار

 

[mr000]

السلاااام ألف مبروك كراميلا حبيبتي..والله يتمم عليج ان شاءالله..ولاتحاتين..ان شاءالله ماكو إلا العافيه بس هالمره روحي عند طبيبه سنعه اتابعج عدل لي آخر يوم ...وطنشي بليز بليز خاصة اللي ماترتاحين لهم..بيلا اشلونج ألحين ان شاءالله أحسن ..ريمان هذا اختبار تحديد مستوى الطلبه هو اختصار 3 كلمات..بس غير الreplacementمال شهر 6 اللي على أساسه يوزعونهم بالصفوف السنه اليايه.. فوز..لا يبيلي أيي يوم الظهر حزت طلعتكم واصيدج ..وعلى طاري السفره ..والله آنا مرتين رحت لندن ومعاي ياهل بو 3 أشهر..وبفندق مو شقه ولامعاي أحد يساعدني عيالي كانوا بالمتوسط والروضه.. وعادي والله مشى الحال واستانست بالسفره عادي لأن الياهل بهالعمر مايحتاج تسوين له أكل ولا يراكض وإلا مايبى العربانه يعني حليب وعصير وماي وأخذيلج عربانه مريحه حقها.. وأكيد حتى بنتي الكبيره راح تستانس لأنها تفهم حق الطلعات وحديقة الحيوانات..والألعاب..

 

[bella bambina]

السلام أمهات اشلونكم واشلون عيالكم ؟الحمدلله اليوم أوكي وقدرت أداوم
اختبار ال السات اهوه اختصار حق Scholastic Assessment Test يقيسون فيه مستوى الطلبه
كراميلا ألف مبروك والله يتمم عليج ويرزقج بالذريه الصالحه ان شاء الله
فوز اليوم المفروض اليهال يكونون رايحين رحله حق مصنع كتكو أمس مت من الضحك على دلول معطتها الأبله هديه ومن كثر ما انها مو مصدقه تقول حق مس مروى باجر أييب لج وردة لأ أييب لج هديه انتي حلوة وآنا أحبج مسكينه كسرت خاطري مو مستوعبه ان حطو لها اعتبار

 

[ReeMaN]

سلاام احبابي شخباركم

الف الف الف الف مبروك كاراميلا الله يتمم عليج يارب بس انتى طنشي الناس طنشييييي كثر ماتقدرين واذا تبينى اسجلج بنادي فوز كيفيه

الدفاع عن النفس عند المغثه ترا حاضرين واذا تبين كيفيه الدفاع عن النفس بالجنطه تعالى عندي هههههه .....

مروو وبيلا شخباركم ؟؟؟ يعنى هالاختبار بس حق المتوسط وهاي سكول ؟؟ يحليلها بنيتج بيلا مو مصدقه عطوها هديه

امس ولدي يقول ترا ذبحتينى كله تاخرين عني انا اخر واحد اطلع من الصف ليييييش!! اقوله عشان امك اتصير ضعيفه قال اكلي من

الماكدونالد كل يوم وتصيرين ضعيفه<-- مو حاصل له الا مره بالاسبوع قلت ياسلاااااااااااااااااااام

كاراميلا عطينا الهنت واحنا انصيدج

 

[mr000]

السلام أمهات ..بيلا احنا عندنا الإمتحان غير أسمهThe Stanford Ten Achievement Test (sat 10 بس حق المتوسط.. ريمان صاج ولدج مره بالتلفزيون حطوا واحد كان ياكل 3 وجبات من ماكدونالد ومنزل 15 كيلو بس والله ماأذكر ب3 أشهرأو أكثر..بس موهني بأمريكا وموكله همبرجر يعني ياكل سلطه ومادري شنو بس كله من أكلهم..روحي جربي وإذا زدتي 15 كيلو ..ترى مالي شغل.....بعد عمري بنيتج بيلا كسرت خاطري..